المساعد الشخصي الرقمي

مشاهدة النسخة كاملة : خريجو جامعة أسيوط لمزيد من التواصل


الصفحات : 1 2 3 4 5 6 7 8 9 10 11 12 13 14 [15] 16 17 18 19 20 21 22 23 24 25 26 27

محمد الفاتح أبوكنة
22-09-2009, 09:43 AM
http://sudaniyat.net/up/uploading/coct.jpg



نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

الاخوه الأسايطة الأعزاء كل عام وانتم بخير وعيد مبارك عليكم
عزيزي ود البيك لك التحايا والود ونشكرك على تكبير الصورة عشان الغلاط ما يكتر انت عارف انو في ناس قاعدين للغلاط . لكن ياود البيك الصورة بعد كبرتها ماعرفت فيها غير اتنين بس وواحد غلط كمان (الغلاط بدأ) عموما الصورة تبدو تخريج تربية دفعة 1989 واليك بعض من تعرفت عليهم . وقوفا من اليمين في اعلي الصوره عمر الأزرق، اسامه مامون ، عبد الرحمن الأسد ، وفي الوسط جمال محمد مصطفى ( ابودقن) وفي أقصى اليسار فايز ، محمد مختار ، عصام جاويش ، وفي الصف الوسط الثاني من اليمين هو العلم مكي محمد الحسن (وهل يخفى القمر) وأعتقد يمينه سلوى حسن حسين ثم سلوى عثمان سعيد وجميعهم من تربية. أرجو من الأخ مكي أو أسامه مامون ان يكملوا الصورة لأنهم حضور فيها

رأفت ميلاد
22-09-2009, 10:25 AM
الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة

مكي محمد الحسن
22-09-2009, 05:51 PM
الاخوه الأسايطة الأعزاء كل عام وانتم بخير وعيد مبارك عليكم
عزيزي ود البيك لك التحايا والود ونشكرك على تكبير الصورة عشان الغلاط ما يكتر انت عارف انو في ناس قاعدين للغلاط . لكن ياود البيك الصورة بعد كبرتها ماعرفت فيها غير اتنين بس وواحد غلط كمان (الغلاط بدأ) عموما الصورة تبدو تخريج تربية دفعة 1989 واليك بعض من تعرفت عليهم . وقوفا من اليمين في اعلي الصوره عمر الأزرق، اسامه مامون ، عبد الرحمن الأسد ، وفي الوسط جمال محمد مصطفى ( ابودقن) وفي أقصى اليسار فايز ، محمد مختار ، عصام جاويش ، وفي الصف الوسط الثاني من اليمين هو العلم مكي محمد الحسن (وهل يخفى القمر) وأعتقد يمينه سلوى حسن حسين ثم سلوى عثمان سعيد وجميعهم من تربية. أرجو من الأخ مكي أو أسامه مامون ان يكملوا الصورة لأنهم حضور فيها

السلام عليكم يا صعايده
كل سنة وانتم طيبين ..وان شاء الله دائماً عامرين.. وبي صحة وسلامة تامين..
ومن مرض الزهايمر شافين ..اللهم آمين

الاخ ود ابوكنه عيد مبارك ان شاء الله لك وللاسرة
عندي 3 ملاحظات :
أولاً: لاحظ انو الصورة دي لخريجي برالمة 1986 وهي في العام 1990
ثانياً: ذكرت أسماء ناس غير موجودين بالصورة وآخرين صحيحة بس الملاحظ
انه أعراض ( الزهايمر المبكر ) بدأت معاك لانه ببساطة كده لو راجعت صورة
تخرجك حاتلقي معاك الاخت ( سلوي عثمان سعيد ) من المتخرجات وهي من الدفعة
القدامنا بسنة!!
ثالثاً: أرجع البصر كرتين ثم أرجع البصر كرتين ..عليك الله الذكرته ده أنا ؟؟؟

مرجباً بالخ نزار يوسف شقيق أبراهيم يوسف - تجارة وعلي ما اذكر في ذلك الزمان
كنا نقول لهما ثنائي الزمالك نسبة لابراهيم يوسف وشقيقة اسماعيل يوسف لاعبي الزمالك.

مرحباً بالاطلالة الكريمة والمتأخرة للأخ رأفت ميلاد
ويا شقيق أسيوط دي بالتاكيد لو كنت بتزور مصر تكون أديتها طلة ..
أو ما جاورها من القري ..واذا كنت من الأقباط المتدينين بتكون ( حجيت )
الي قرية القوصية وزرت الدير هناك..ده لو ما كان عندك فيها بعض من أقارب أو أصدقاء
وبعدين تعال نصحح ليك ملاحظتك ..ما ود البيك براهوا القاعد يتحاوم بي مداخلات أو بوستات
في سودانيات واليك شخصنا والاخوة شبارقة وكيشو وكباشي والزوول ود.محمد ابراهيم قرض
والقاص عبد العزيز بركة ساكن ..الخ كلهم من هذا الصعيد الجواني..
ودمت بي صحة وعافية يا مريخابي..

Wad Elbeck
22-09-2009, 11:39 PM
الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة



يا ألف مرحب بالعزيز رأفت ميلاد..
كل عام وأنت بخير..
وبيتنا نور بالإطلالة البهية..

كيشو
23-09-2009, 08:46 PM
http://sudaniyat.net/up/uploading/coct.jpg



نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

السلام عليكم يا صعايدة
وكل عام وأنتم بخير
منو البيتكلم عن الغلاط دا ؟
الصورة دي كوكتيل يا شباب (ما قلت ليكم نزار كان بيهوى الغسيل:))، يعني لامة فيها حقوق وتربية وهندسة وكليات أخرى وكمان الدفعات مختلفة يعني فيه علي حسن (شنكتة) فنان أسيوط الأول وهو من الرعيل الأول، وفيها سلوى حسن حسين، وأسامة مامون
باختصار ما تغشكم روبات التخريج (الشغلانة لا تخلو من الكوكبة)
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)
وعلي شنكتة وزهور نوبي (حقوق)

كيشو
23-09-2009, 08:50 PM
الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة

أستاذنا رأفت ميلاد
والله إطلالتك دي فرحتني جداً، ويا ريت تواصل معانا والقصة بتلفق معاك (صدقني)

Wad Elbeck
23-09-2009, 11:27 PM
السلام عليكم يا صعايدة
وكل عام وأنتم بخير
منو البيتكلم عن الغلاط دا ؟
الصورة دي كوكتيل يا شباب (ما قلت ليكم نزار كان بيهوى الغسيل:))، يعني لامة فيها حقوق وتربية وهندسة وكليات أخرى وكمان الدفعات مختلفة يعني فيه علي حسن (شنكتة) فنان أسيوط الأول وهو من الرعيل الأول، وفيها سلوى حسن حسين، وأسامة مامون
باختصار ما تغشكم روبات التخريج (الشغلانة لا تخلو من الكوكبة)
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)
وعلي شنكتة وزهور نوبي (حقوق)

كيشو ..سلام..
ياخى على شنكته ده ما موجود فى الصورة !
الزول ده من الرعيل الأول شن جابو للشباب ديل!! :D

رأفت ميلاد
24-09-2009, 12:42 AM
مرحباً بالاطلالة الكريمة والمتأخرة للأخ رأفت ميلاد
ويا شقيق أسيوط دي بالتاكيد لو كنت بتزور مصر تكون أديتها طلة ..
أو ما جاورها من القري ..واذا كنت من الأقباط المتدينين بتكون ( حجيت )
الي قرية القوصية وزرت الدير هناك..ده لو ما كان عندك فيها بعض من أقارب أو أصدقاء
وبعدين تعال نصحح ليك ملاحظتك ..ما ود البيك براهوا القاعد يتحاوم بي مداخلات أو بوستات
في سودانيات واليك شخصنا والاخوة شبارقة وكيشو وكباشي والزوول ود.محمد ابراهيم قرض
والقاص عبد العزيز بركة ساكن ..الخ كلهم من هذا الصعيد الجواني..
ودمت بي صحة وعافية يا مريخابي..

مرحب يا مكى وتعود الأيام
ياخى ما متأخر والله .. بس خصوصية البوست ..
مصر دى شفتها مرتين فى حياة الوالدة .. بنزل الزيتون أجر عنقريبى جمبها لامن الإجازة تخلص .. مشيت العتبة والحسين .. ومرة واحدة قطعت الكبرى للمهندسين قابلت ناس التحالف .. لا إهرامات لا أسيوط لا غيره
ود البيك دخلتو مداعبة خاصة .. عمرى ما قابلته لكنهم ناسنا .. وقرض فاتح لينا فتحاً مبيناً مرخابى دى محمرا شديد .. أكتر من حمارا :)
.. مرحب بيكم ولمتكم ندية

يا ألف مرحب بالعزيز رأفت ميلاد..
كل عام وأنت بخير..
وبيتنا نور بالإطلالة البهية..
يا ود البيك مشتاقين لطلاتك .. أنت مش صاحب محمد الحضرى ولا مشبه عليك
كل سنة وأنت طيب

Wad Elbeck
24-09-2009, 03:39 AM
يا ود البيك مشتاقين لطلاتك .. أنت مش صاحب محمد الحضرى ولا مشبه عليك
كل سنة وأنت طيب[/QUOTE]

ده ما أنا يارأفت..لكن زى ما بقولوا يخلق من الشبه أربعين..
إسمى كاملاً ; محمد سيدأحمد محمد بيك، قبل أسيوط تخرجت من مدرسة مدنى الثانوية عام 1982 (زمن المدير عبدالعظيم التيجانى)، أقيم حالياً فى ولاية كاليفورنيا بالولايات المتحدة.
لك كل المودة

كيشو
24-09-2009, 05:38 AM
كيشو ..سلام..
ياخى على شنكته ده ما موجود فى الصورة !
الزول ده من الرعيل الأول شن جابو للشباب ديل!! :D

أهلاً ود البك
ما قلنا ليك الصورة دي كوكتيل وفيها دفعات مختلفة وكليات مختلفة يعني شنو الجاب أسامة البرلوم لي نزار عشان يلبسو الاتنين روب تخريج؟! كمان قول لي نزار وأسامة ما موجودين في الصورة :)
بعدين ياخ الحفلات بتلم وأول ناس فيها الفنانين وعلي شنكتة فنان أسيوط الأول

Wad Elbeck
24-09-2009, 06:23 AM
أهلاً ود البك
ما قلنا ليك الصورة دي كوكتيل وفيها دفعات مختلفة وكليات مختلفة يعني شنو الجاب أسامة البرلوم لي نزار عشان يلبسو الاتنين روب تخريج؟! كمان قول لي نزار وأسامة ما موجودين في الصورة :)
بعدين ياخ الحفلات بتلم وأول ناس فيها الفنانين وعلي شنكتة فنان أسيوط الأول

كيشو..أنا متفق معاك إنو الصورة كوكتيل ولامه ناس من كليات مختلفة
لكن إنت قل لينا تحديداً على شنكته نمرة كم فى الصورة..عشان نقول ليك أمسح النظارة..:D

كيشو
24-09-2009, 06:27 AM
كيشو..أنا متفق معاك إنو الصورة كوكتيل ولامه ناس من كليات مختلفة
لكن إنت قل لينا تحديداً على شنكته نمرة كم فى الصورة..عشان نقول ليك أمسح النظارة..:D

يعني كان قلت ليك في قمرا في السماء حتقول لي ألكزا لي بالعصا؟ :)
عالم تحب المناكفة

نزار يوسف على حميده
24-09-2009, 08:58 AM
السلام عليكم يا صعايدة
وكل عام وأنتم بخير
منو البيتكلم عن الغلاط دا ؟
الصورة دي كوكتيل يا شباب (ما قلت ليكم نزار كان بيهوى الغسيل:))، يعني لامة فيها حقوق وتربية وهندسة وكليات أخرى وكمان الدفعات مختلفة يعني فيه علي حسن (شنكتة) فنان أسيوط الأول وهو من الرعيل الأول، وفيها سلوى حسن حسين، وأسامة مامون
باختصار ما تغشكم روبات التخريج (الشغلانة لا تخلو من الكوكبة)
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)
وعلي شنكتة وزهور نوبي (حقوق)
الاخوه الاسايطه لوضع حد للغلاط.اليكم اسماء معظم الموجودين فى الصوره
الوقوف فى الخلف من اليمين
الصادق يونس-عمر الازرق-اسامه المامون-عبد المنعم ابراهيم نافع-عبدالرحمن الاسد-مصطفى-فيصل-جمال الدين احمد المصطفى-عفيفى الطيب-عز الدين-ابراهيم منصور-ياسر تميم-ابراهيم عباس-محمد مختار
الوقوف فى الامام من اليسار
فائز(ابوحراز)-امال قاسم-سحر صديق-اديبه الحواتى-محمد عابدين-هويدا سيد احمد-سلوى حسن حسين-نزار يوسف
الجلوس من اليمين
امين حمدنا الله- عبد المنعم حسب الكريم(كارلوس)-سوسن عبد الرحمن-نوال تاج السر-مجاهد-اميره الريح
والى اللقاء مع صور اخرى

شبارقة
24-09-2009, 09:11 AM
الأخوة الأسايطة كل سنة وأنتم طيبون طيبون


مرحبا ً بالأخ الأستاذ رأفت

مشكور على المعايدة ... وتعود الأيام بالصحة والسلامة.

شبارقة
24-09-2009, 09:26 AM
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)


إذا ً نقول ماشاء الله على ذاكرة كيشو ... لكن كمان يا كيشو بعض من ذكرتهم دخلوا أسيوط بعد تخرجك مباشرة ... عرفتهم كيف؟! ولاقيتم وين؟؟

علي شنكتة وزهور كانوا معاك في الحقوق ... كيف تنسى حقوقهم؟ :D

شبارقة
24-09-2009, 09:48 AM
أنا غايتو بعرف نزار يوسف (هندسة) وأخوهو إبراهيم(تجارة) ...
مرحب بيك أخونا نزار وكل عام وأنتم بخير


الحمد لله لاخوة الاسايطه يتمتعون بذاكرة افيالgoood انا نزار يوسف شقيق ابراهيم يوسف(تجارة)


ذاكرتنا حديد يا نزار والحمد لله (ونقول ماشاء الله تبارك الله عشان ما نسحر روحنا :)).

تعرفنا عليكم يا نزار عن طريق الإخوة عدنان وعلي مردس (وكلكم ناس كوستي) وكنا ساعتها بالسنة التانية في أسيوط 1983-1984م وكنت أنت والأخ عثمان أبوقناية والأخ المرحوم عمر خلف الله تسكنوا شقة في عمارة ملاصقة للعمارة التي نسكن نحن فيها (علي مردس وعدنان وربيع الشيخ وأنا (عاصم))

محمد الامين مصطفي
24-09-2009, 10:52 AM
ذاكرتنا حديد يا نزار والحمد لله (ونقول ماشاء الله تبارك الله عشان ما نسحر روحنا :)).

تعرفنا عليكم يا نزار عن طريق الإخوة عدنان وعلي مردس (وكلكم ناس كوستي) وكنا ساعتها بالسنة التانية في أسيوط 1983-1984م وكنت أنت والأخ عثمان أبوقناية والأخ المرحوم عمر خلف الله تسكنوا شقة في عمارة ملاصقة للعمارة التي نسكن نحن فيها (علي مردس وعدنان وربيع الشيخ وأنا (عاصم))

كل عام والاسايطة بخير 000 والسودان بخير والامة الاسلامية والعربية بخير 000 الاف المراحب اخي نزار ود كوستي 00 ووين ابراهيم يوسف00 عشمنا يكون بخير 000

كيشو
24-09-2009, 11:32 AM
إذا ً نقول ماشاء الله على ذاكرة كيشو ... لكن كمان يا كيشو بعض من ذكرتهم دخلوا أسيوط بعد تخرجك مباشرة ... عرفتهم كيف؟! ولاقيتم وين؟؟

علي شنكتة وزهور كانوا معاك في الحقوق ... كيف تنسى حقوقهم؟ :D

شكراً على الإطراء يا عاصم ويا ريت تعلم لينا ود البك الحاجات دي :)
أما علي شنكتة وزهور نوبي فهما موجودان في الصورة ونزار ما أنكر ذلك بل ذكر من تذكّر ولو قلب الصورة حيتأكد ويؤكد
أما الجماعة العرفتهم ديل كلهم كانوا موجودين لمن غادرت أسيوط لآخر مرة والعبرة بالخواتيم (لقيتني كيف)

كيشو
24-09-2009, 11:36 AM
كل عام والاسايطة بخير
00 ووين ابراهيم يوسف00 عشمنا يكون بخير 000

إبراهيم يوسف قالوا شغال في الضرائب ومن الأسايطة في الضرائب:
فرج الدايم الرضي، وأحمد إينيا، وطارق عطبرة، وصلاح الشناوي
(لا تتمنوا لقاء العدو ولكن إذا لقيتموه فاثبتوا)

شبارقة
24-09-2009, 11:55 AM
كل عام والاسايطة بخير 000 والسودان بخير والامة الاسلامية والعربية بخير 000000

أخونا وزميلنا الرجل الطيب (محمد الأمين ود الشطيب) كل عام وأنتم بخير وتعود علينا الأيام بالصحة والعافية والسلامة

شبارقة
24-09-2009, 12:11 PM
أما الجماعة العرفتهم ديل كلهم كانوا موجودين لمن غادرت أسيوط لآخر مرة والعبرة بالخواتيم (لقيتني كيف)

والعبرة بالخواتيم
:D:D

(لقيتني كيف)

لقيتك 100 %

صلاح الدين هجو النحاس
24-09-2009, 12:45 PM
[QUOTE=نزار يوسف على حميده;162874][size=9][font=Arial][color=#0000FF]الاخوه الاسايطه لوضع حد للغلاط.اليكم اسماء معظم الموجودين

اصبرشويه
[color=#0000FF][font=Arial]:confused:

مكي محمد الحسن
24-09-2009, 02:54 PM
http://sudaniyat.net/up/uploading/coct.jpg



نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

السلام عليكم يا صعايده
قطعنا ليكم مداخلتي ود البيك والصورة التي قام مشكوراً بتكبيرها لأصحاب المشاكل في النظر
ثم مداخلة الاخ نزار يوسف ببعض اسماء من هم في الصورة :
الاخوه الاسايطه لوضع حد للغلاط.اليكم اسماء معظم الموجودين فى الصوره
الوقوف فى الخلف من اليمين
الصادق يونس-عمر الازرق-اسامه المامون-عبد المنعم ابراهيم نافع-عبدالرحمن الاسد-مصطفى-فيصل-جمال الدين احمد المصطفى-عفيفى الطيب-عز الدين-ابراهيم منصور-ياسر تميم-ابراهيم عباس-محمد مختار
الوقوف فى الامام من اليسار
فائز(ابوحراز)-امال قاسم-سحر صديق-اديبه الحواتى-محمد عابدين-هويدا سيد احمد-سلوى حسن حسين-نزار يوسف
الجلوس من اليمين
امين حمدنا الله- عبد المنعم حسب الكريم(كارلوس)-سوسن عبد الرحمن-نوال تاج السر-مجاهد-اميره الريح
والى اللقاء مع صور اخرى

وعلي السادة المتغالطون الرجوع الي من هم في الصورة للتصويب ومنهم بين ظهرانينا في هذا الموقع الاخ أبوريم والاخت حليمه حرم الأخ أبراهيم عباس

ملحوظة لفك الاشتباك حول تشكيلة المحتفي بهم - المتخرجون: منذ عام 1989 أصبحت حفلات التخرج للعديد من الأسر بأسيوط تقام مشتركة لقلة العدد ولتقليل تكاليف الحفل.

نزار يوسف على حميده
24-09-2009, 04:58 PM
كل عام والاسايطة بخير 000 والسودان بخير والامة الاسلامية والعربية بخير 000 الاف المراحب اخي نزار ود كوستي 00 ووين ابراهيم يوسف00 عشمنا يكون بخير 000
الاخ محمد الامين الف مرحب
شقيقى ابراهيم يعمل بمكتب ضرائب السوق المحلى بالخرطوم. ولكم اجزل الشكر

ابوريم
25-09-2009, 06:30 PM
http://sudaniyat.net/up/uploading/coct.jpg



الاخوة الاسايطة
كل عام وانتم بخير
الصورة طبعا في مارس 1990
حفلة تخرج تربية وهندسة بخت الرضا وشنو....؟ متذكرين اسم اسرة هندسة ؟
والاخ نزار يوسف ذكر الاسماء الصحيحة ما عدا فيصل هندسة من كسلا والصحيح ان الموجود في الصورة هو الاخ عبد الاله ابوبكر - تربية من السير- الهمك - دنقلا
والشخص الذي لم يعرفه الجميع هو الجالس علي اليمين بين امين حمدنا الله وعبد المنعم كارلوس (كلاهما معهد صحي) وهو قريب عبد الرحمن الاسد وحضر من الزقازيق خصيصا للحفلة.
مكي!
معي الان محمد الفاتح ابوكنة واقتنع تماما بعدم وجودك في الصورة وربما يزور طبيبا في الفترة القريبة القادمة لعمل ترميمات للذاكرة!

مكي محمد الحسن
25-09-2009, 07:13 PM
http://sudaniyat.net/up/uploading/coct.jpg



الاخوة الاسايطة
كل عام وانتم بخير
الصورة طبعا في مارس 1990
حفلة تخرج تربية وهندسة بخت الرضا وشنو....؟ متذكرين اسم اسرة هندسة ؟
والاخ نزار يوسف ذكر الاسماء الصحيحة ما عدا فيصل هندسة من كسلا والصحيح ان الموجود في الصورة هو الاخ عبد الاله ابوبكر - تربية من السير- الهمك - دنقلا
والشخص الذي لم يعرفه الجميع هو الجالس علي اليمين بين امين حمدنا الله وعبد المنعم كارلوس (كلاهما معهد صحي) وهو قريب عبد الرحمن الاسد وحضر من الزقازيق خصيصا للحفلة.
مكي!
معي الان محمد الفاتح ابوكنة واقتنع تماما بعدم وجودك في الصورة وربما يزور طبيبا في الفترة القريبة القادمة لعمل ترميمات للذاكرة!

السلام عليكم يا صعايدة
شكراً أخي أبوريم علي الاضافات والتصويب اسرة هندسة دحين ما كان اسمها ( اسرة التاكا)!!
ولكن هذا الصف لم تكملوه بعد وهي الاخت الموضحة ب !!!!!!!!! :
امين حمدنا الله-قريب عبد الرحمن الاسد - عبد المنعم حسب الكريم(كارلوس)-سوسن عبد الرحمن-نوال تاج السر-مجاهد-!!!!!!!!!!!!- اميره الريح
أما أخي وشقيقي أبوكنه فأرجو ان تسرعوا له في جلسات العلاج وتنشيط الذاكرة ..تعرف انه في عام 1990 ده بالذات أنا جيت اشتغلت مكانه في مدرسة المؤتمر الثانوية العليا بأمدرمان عندما قرر الاغتراب الي السعودية وكان قبلها مدرساً لمادة الأحياء بمدرسة أم درمان الاهلية الثانوية للبنين وزرته في عام 1989 بعد تخرجي من أسيوط ...اللهم أعيننا علي الزهايمر اللهم آمين.
شيخي كيشو ان شاء الله تكون لقيت التايهه ؟؟

ابوريم
25-09-2009, 07:33 PM
اضافات:
اشراقة صديق معهد صحي شقيقة قريب الله تربية بين مجاهد واميرة.
محمد عبود مصري من اسوان تربية بين محمد عابدين واديبة.
تاني منو يامكي؟

شبارقة
25-09-2009, 09:17 PM
بسم الله الرحمن الرحيم

إنتقلت إلى رحمة الله تعالى والدة زميلنا الأخ د. حمزة السراج وذلك قبل يوم العيد

ندعو لها الله بالرحمة والمغفرة وأن يتقبلها قبولا ً حسنا ً

صادق تعازينا ومواساتنا للأخ حمزة ...وإنا لله وإنا إليه راجعون.

د. حمزة وصل اليوم إلى مقر إقامته بالرياض قادما ً من مكة المكرمة والمدينة المنورة اللتين أمضى بينهما نهاية رمضان وعيد الفطر المبارك.

جوال د. حمزة 0505198239

ومن خارج السعودية 00966505198239

Wad Elbeck
25-09-2009, 09:43 PM
بسم الله الرحمن الرحيم

إنتقلت إلى رحمة الله تعالى والدة زميلنا الأخ د. حمزة السراج وذلك قبل يوم العيد

ندعو لها الله بالرحمة والمغفرة وأن يتقبلها قبولا ً حسنا ً

صادق تعازينا ومواساتنا للأخ حمزة ...وإنا لله وإنا إليه راجعون.

د. حمزة وصل اليوم إلى مقر إقامته بالرياض قادما ً من مكة المكرمة والمدينة المنورة اللتين أمضى بينهما نهاية رمضان وعيد الفطر المبارك.

جوال د. حمزة 0505198239

ومن خارج السعودية 00966505198239

نسأل الله للفقيدة الرحمة والمغفرة..
وأن يجعل مثواها الجنة..
اللهم الهم أهلها الصبر الجميل والسلوان..

صلاح الدين هجو النحاس
26-09-2009, 10:15 AM
نسأل الله للفقيدة الرحمة والمغفرة..
وأن يجعل مثواها الجنة..
اللهم الهم أهلها الصبر الجميل والسلوان..

اللهم اغفر لها واوردها حوض سيدنا محمد صلى الله عليه وسلم

Wad Elbeck
26-09-2009, 09:58 PM
http://sudaniyat.net/up/uploading/ali shankata0001.jpg

كيشو ..سلامات..
كما وعدتك فقد وجدت هذه الصورة لفنان أسيوط الأول على شنكته..
المكان: تل العمرانة
الزمان: بداية العام 1983
المناسبة: رحلة إحتفائية بمقدم برالمة زراعة (دفعتنا)..

عمر محمد عود
27-09-2009, 10:32 AM
اللهم اغفر لها واوردها حوض سيدنا محمد صلى الله عليه وسلم

اللهم أنزلها منازل الصديقين و الشهداء و حسن أولئك رفيقاً و أجعل قبرها روضة من رياض الجنان و أجعلها من أهل اليمين و الهم أهلها و و ذريتها الصبر و حسن العزاء.............
كل عام و الاسايطة و جميع المسلمين بخير و عافية و عيد سعيد

صلاح الدين هجو النحاس
27-09-2009, 11:17 AM
[QUOTE=Wad Elbeck;163096]http://sudaniyat.net/up/uploading/ali shankata0001.jpg
شوف الروعه المعلم والمايك والمسجل اف ام عمار اهو عمار بس الزول ابوبدله اوعه يكون خلف الله عباس رحمه
goood []

عمر محمد عود
27-09-2009, 11:22 AM
:confused:
عاوز أوجه سؤال لكل من يعرف طريقة الإشتراك الجديد في هذا الملتقي طبعا نحن إشتركنا زمان و الحمد لله ما عندنا مشكلة لكن المشكلة القائمة حاليا للاسايطة العاوزين يشتركوا الآن طريقة الإشتراك بقت صعبة و يطلبوا منك المعلومات و من ثم يرسلوا ليك الرد علي الإيميل لكن عملياً لا توجد ردود ولا تصل علي العنوان المرسل طيب الحلّ شنو(مش الحلل شنو) وناس كتيرة من الأسايطة بيحاولوا و من ثم يهجروا الموقع بسبب صعوبة الإشتراك أها يا شيوخ الموقع ناس مكي و كيشو و شبارقة و الجيلي و الدكتور و ودالبيك و غيرهم دلونا علي طريقة الإشتراك الصاح و بالتفصيل الممل عشان الناس الما عارفها تعرف و نكبّر الكوم بصراحة معظمنا لا يعرف كيفية الإشتراك (يعني بدو كما يقال في الخليج؟؟؟؟؟؟)

الجيلي عبد الله الريح
27-09-2009, 04:09 PM
اللهم إنا نسألك الرحمة والمغفرة لوالدتي الاخوان ..السراج ومهدي ...
وجميع موتى المسلمين ....
إنا لله وإنا إليه راجعون ....

الجيلي عبد الله الريح
27-09-2009, 04:13 PM
[QUOTE=Wad Elbeck;163096]http://sudaniyat.net/up/uploading/ali shankata0001.jpg
شوف الروعه المعلم والمايك والمسجل اف ام عمار اهو عمار بس الزول ابوبدله اوعه يكون خلف الله عباس رحمه
goood []

ده رفيق عمار في الدراسة والشقه ....ودالبيك ...?? اي عنكبه .??
عضلات تبش ..

مكي محمد الحسن
28-09-2009, 07:48 AM
السلام عليكم يا صعايده
أحر التعازي للاخ د.حمزه السراج في وفاة والدته
اللهم أنزلها منازل الصديقين و الشهداء و حسن أولئك رفيقاً و أجعل قبرها روضة من رياض الجنان و أجعلها من أهل اليمين و الهم أهلها و و ذريتها الصبر و حسن العزاء.
وانا لله وانا اليه راجعون

صلاح الدين هجو النحاس
28-09-2009, 08:30 AM
سلامى لجميع الاسايطه النايمين والفاتحين النت ببحلقو ساكت قلو حاجه ياسيدى ياكيشو ود شبارقه مكى طلع بيكون داير ينوم
انشاء الله عيدكم مبارك وبدايه جميله ومفقه
نسال الله ان يعيد كل المسافرين للاغتراب غانمين
ريك شنو ياشيخ كيشو

أسامة الكاشف
28-09-2009, 10:21 AM
أحر التعازي للأخوين مهدي وحمزة
والله يا جماعة من جينا من الإجازة مزنوقين زنقة كلب في طاحونة
(بالله واحد عارف خلفيات المثل ده يشرحو لينا والزوووول يمتنع لأن فتواه لا يعتد بها)
وين عبدالله السعودي وإيهاب قباني ومنتصر وسيد البيت الما منو خبر:(
الصورة الفوق دي ما عرفت فيها زول أولاً لأنها لمة تقيلة
ثانياً الرؤية محجوبة عندنا وثالثاً ديل جيل ما بعد الانتفاضة:p:p
عشان كده كيشو وشبارقة وكباشي لابدين

كيشو
28-09-2009, 10:51 AM
أحر التعازي للأخوين مهدي وحمزة
والله يا جماعة من جينا من الإجازة مزنوقين زنقة كلب في طاحونة
(بالله واحد عارف خلفيات المثل ده يشرحو لينا والزوووول يمتنع لأن فتواه لا يعتد بها)
وين عبدالله السعودي وإيهاب قباني ومنتصر وسيد البيت الما منو خبر:(
الصورة الفوق دي ما عرفت فيها زول أولاً لأنها لمة تقيلة
ثانياً الرؤية محجوبة عندنا وثالثاً ديل جيل ما بعد الانتفاضة:p:p
عشان كده كيشو وشبارقة وكباشي لابدين

الصورة الفوق دي يا قريبي العزيز اتكلمنا واتغالطنا فيها كمان، وعندي شهادة من شبارقة بشأنها وطبعاً شهادة شبارقة تعادل عندي الآيزو :)
سألت عنك في مدني ولكنك كنت لابد (وخفت عليك من مهران السودان:))

صلاح الدين هجو النحاس
28-09-2009, 11:45 AM
أحر التعازي للأخوين مهدي وحمزة
والله يا جماعة من جينا من الإجازة مزنوقين زنقة كلب في طاحونة
(بالله واحد عارف خلفيات المثل ده يشرحو لينا والزوووول يمتنع لأن فتواه لا يعتد بها)
وين عبدالله السعودي وإيهاب قباني ومنتصر وسيد البيت الما منو خبر:(
الصورة الفوق دي ما عرفت فيها زول أولاً لأنها لمة تقيلة
ثانياً الرؤية محجوبة عندنا وثالثاً ديل جيل ما بعد الانتفاضة:p:p
عشان كده كيشو وشبارقة وكباشي لابدين
]كدى البس النظاره افو على حسن وعمار زراعه والجميلات ديل كلهن ما خبرته واحده فيهن
عيد مبارك عليك ما طليت علينا والله كنا فى شوق ليك يس اهى الاقدار تحباتى للجميع[/font]

أسامة الكاشف
28-09-2009, 11:50 AM
العزيز صلاح
كل سنة وانت طيب
الخرطوم قعدت فيها يومين
الباقي كلو في مدني
لكن إن شاء الله الجايات أكتر من الرايحات

هاشم أبوزيد نقد
30-09-2009, 02:57 PM
(و بشر الصابرين الذين إذا أصابتهم مصيبة قالوا إنا لله و إنا إليه راجعون)
خالص التعازي للأخ د. حمزة السراج في وفاة والدته ، و كان الأخ حمزة السراج قد فجع في أخيه أيضا قبل رمضان بأيام قليله. نسأل الله العلي القدير أن يرحم و الدته و أخيه وأن يدخلهما الجنة مع الصديقين و الشهداء و حسن أؤلئك رفيقا. و أن يلهمه و آله الصبر و حسن العزاء.
و إنا لله و إنا إليه راجعون.
هاشم أبوزيد.

هاشم أبوزيد نقد
30-09-2009, 03:06 PM
اللهم تولاها برحمتك..
اجعل مثواها الجنة..
وألهم أهلها الصبر وحسن العزاء

الهم أرحمها و أغفر لها وأغسلها بالماء و الثلج و البرد. خالص التعازي للأخ مهدي في مصابه و إنا لله و إنا إليه راجعون.
هاشم أبوزيد.

muntasir hassan
01-10-2009, 01:07 AM
ياشباب كل سنه وانتم طيبين دى للعيدين احر التعازى للاخ حمزه ملرحبا بالاخ هاشم ابوزيد وحمدلله على سلامة الكاشف والتحايا لمكى والجيلى والزوول

Wad Elbeck
01-10-2009, 04:35 AM
ياشباب كل سنه وانتم طيبين دى للعيدين احر التعازى للاخ حمزه ملرحبا بالاخ هاشم ابوزيد وحمدلله على سلامة الكاشف والتحايا لمكى والجيلى والزوول

مَنَوْرَيين يا بيه..:)
والله يا منتصر ليك وحشه..

Wad Elbeck
01-10-2009, 04:55 AM
:confused:
عاوز أوجه سؤال لكل من يعرف طريقة الإشتراك الجديد في هذا الملتقي طبعا نحن إشتركنا زمان و الحمد لله ما عندنا مشكلة لكن المشكلة القائمة حاليا للاسايطة العاوزين يشتركوا الآن طريقة الإشتراك بقت صعبة و يطلبوا منك المعلومات و من ثم يرسلوا ليك الرد علي الإيميل لكن عملياً لا توجد ردود ولا تصل علي العنوان المرسل طيب الحلّ شنو(مش الحلل شنو) وناس كتيرة من الأسايطة بيحاولوا و من ثم يهجروا الموقع بسبب صعوبة الإشتراك أها يا شيوخ الموقع ناس مكي و كيشو و شبارقة و الجيلي و الدكتور و ودالبيك و غيرهم دلونا علي طريقة الإشتراك الصاح و بالتفصيل الممل عشان الناس الما عارفها تعرف و نكبّر الكوم بصراحة معظمنا لا يعرف كيفية الإشتراك (يعني بدو كما يقال في الخليج؟؟؟؟؟؟)

عموم الأسايطة..سلام..
يا جماعة عمر ده سأل سؤال وجيه..لكن مافى واحد أدلى بدلوه فى الموضوع أعلاه..
بما أننى ليست لدى فكرة سوى الطريقة القديمة للتسجيل..أحببت إثارة السؤال مرة أخرى عسى ولعل؟

kabashi
01-10-2009, 10:44 AM
بسم الله الرحمن الرحيم

إنتقلت إلى رحمة الله تعالى والدة زميلنا الأخ د. حمزة السراج وذلك قبل يوم العيد

ندعو لها الله بالرحمة والمغفرة وأن يتقبلها قبولا ً حسنا ً

صادق تعازينا ومواساتنا للأخ حمزة ...وإنا لله وإنا إليه راجعون.

د. حمزة وصل اليوم إلى مقر إقامته بالرياض قادما ً من مكة المكرمة والمدينة المنورة اللتين أمضى بينهما نهاية رمضان وعيد الفطر المبارك.

جوال د. حمزة 0505198239

ومن خارج السعودية 00966505198239

إنا لله وإنا إليه راجعون ...
رحم الله الفقيدة وأسكنها فسيح جناته مع الشهداء والصديقين
وأحر التعازي للأخ العزيز حمزة السراج

Wad Elbeck
04-10-2009, 11:56 PM
الرقم سبعة.... لم انتبه الى هذا الرقم الا أخيرا ....
مما جرني للبحث في اغوار هذا الرقم الذي له منزلة كبيره في الديانات والشعائر الدينية
وكل علوم الدنيا من فلك وكيمياء وفيزياء وطب وهندسه...والكثير المثير...

ليس من شيمتنا الشماتة فى المباريات الدولية لكننى أكتب هنا لتذكير أخينا الجيلى ومن لف لفه بإنو الزمن دوّار..
كذلك أكتب هنا للتذكير بأن الهلال فريق محلى ما بطّال لكن عندما يتعلق الأمر بإحراز الكأسات المحمولة جواً فخلووها لأسياااااادها. :D

http://sudaniyat.net/up/uploading/Five.jpg

Wad Elbeck
05-10-2009, 02:02 AM
السلام عليكم يا صعايده
الرائع الدكتور الجيلي الريح براحة علي أخونا قصي ..الظاهر عليه ما جني ( سبعة ):D ..
دحين انتوا في تخصصات الباطنية والغدد مش الزول لما يحس ( بي طمام بضم الطاء)
أو ( تكون نفسه مسدوده ) بتنصحوهوا بان يتعاطي بعض من ( شراب الليمون ) ولا دي وصفة علاج شعبية ( فالليمون قد يزيد من نسبة الاحماض في المعدة وهو أمر غير محمود)..
لو طبكم الحديث ده متوافق مع الطب الشعبي يبقي علي الساده ( الحمر ) بالليمون ..
وهو شراب منعش و لذيذ في شهر رمضان الذي يصوم الناس برؤيته ( الهلال ) ويفطروا علي رؤيته ( الهلال ) ..ولا كمان دايرين تغالطوا في دي كمان ..
تحياتنا للجميع ..

يا دكتورمنتصر..
دحين الطٌمام الشديد والصُداع اللى بيبتدئ من نص الرأس ولكن تحس بيهو فى "أُخمس" القدم..آسف أقصد أُخمص القدم ده بتعالجو بى شنو؟

http://farm4.static.flickr.com/3056/2860543843_2269135bf2.jpg

muntasir hassan
05-10-2009, 03:56 AM
السلام عليكم يا صعايده
الرائع الدكتور الجيلي الريح براحة علي أخونا قصي ..الظاهر عليه ما جني ( سبعة ):D ..
دحين انتوا في تخصصات الباطنية والغدد مش الزول لما يحس ( بي طمام بضم الطاء)
أو ( تكون نفسه مسدوده ) بتنصحوهوا بان يتعاطي بعض من ( شراب الليمون ) ولا دي وصفة علاج شعبية ( فالليمون قد يزيد من نسبة الاحماض في المعدة وهو أمر غير محمود)..
لو طبكم الحديث ده متوافق مع الطب الشعبي يبقي علي الساده ( الحمر ) بالليمون ..
وهو شراب منعش و لذيذ في شهر رمضان الذي يصوم الناس برؤيته ( الهلال ) ويفطروا علي رؤيته ( الهلال ) ..ولا كمان دايرين تغالطوا في دي كمان ..
تحياتنا للجميع ..

يا دكتورمنتصر..
دحين الطٌمام الشديد والصُداع اللى بيبتدئ من نص الرأس ولكن تحس بيهو فى "أُخمس" القدم..آسف أقصد أُخمص القدم ده بتعالجو بى شنو؟

http://farm4.static.flickr.com/3056/2860543843_2269135bf2.jpg
dh,]ياود البك الله يطراك بالخير اخونا الجيلى قال متخصص فى الرقم 7 كده يااخونا شوفوا لينا الرقم 5 بسم الله نبدا اركان الاسلام 5 عدد الصلوات 5 اصابع اليد 5 الحواس 5 ايام الشغل فى ايرلندا وكندا 5
فالوا واحد حلفاوى قال لوردى ممكن تغنى لينا لو بخمسه ياربى الهلال اتغلب من ماذنبى كم
طبعا ياود البك الصداع الوصفته بكون سببه خمسه فى النافوخ عملت ارتجاج وربكه فى العصب الخامس طبعا يامحمد نحن ناس بندول ومسكنات واقصى عدد ممكن تبلعه 5 حبات بندول ولكن نحولك للدكتور الجيلى او اخونا بتاع كندا طبعا الايام دى حايعمل عنده بيات شتوى

Wad Elbeck
05-10-2009, 05:03 AM
dh,]ياود البك الله يطراك بالخير اخونا الجيلى قال متخصص فى الرقم 7 كده يااخونا شوفوا لينا الرقم 5 بسم الله نبدا اركان الاسلام 5 عدد الصلوات 5 اصابع اليد 5 الحواس 5 ايام الشغل فى ايرلندا وكندا 5
فالوا واحد حلفاوى قال لوردى ممكن تغنى لينا لو بخمسه ياربى الهلال اتغلب من ماذنبى كم
طبعا ياود البك الصداع الوصفته بكون سببه خمسه فى النافوخ عملت ارتجاج وربكه فى العصب الخامس طبعا يامحمد نحن ناس بندول ومسكنات واقصى عدد ممكن تبلعه 5 حبات بندول ولكن نحولك للدكتور الجيلى او اخونا بتاع كندا طبعا الايام دى حايعمل عنده بيات شتوى

قلت يعنى السنة دى الشتاء فى كندا وإيرلندا حيبدأ بدرى!!
الغريبة الدنيا عندنا يادوب بداية خريف!!:D

http://sudaniyat.net/up/uploading/Fiv.jpg

أسامة الكاشف
05-10-2009, 07:53 AM
غايتو ياودالبك
ومنتصر
غلبكم البتسوه
طاربين الطار وزول هببو ليكم ما في :p:p

كيشو
05-10-2009, 08:02 AM
قلت يعنى السنة دى الشتاء فى كندا وإيرلندا حيبدأ بدرى!!
الغريبة الدنيا عندنا يادوب بداية خريف!!:D

http://sudaniyat.net/up/uploading/Fiv.jpg

يعني لازم يا ود البك تورينا طقم أسنانك؟:)

صلاح الدين هجو النحاس
05-10-2009, 09:29 AM
قلت يعنى السنة دى الشتاء فى كندا وإيرلندا حيبدأ بدرى!!
الغريبة الدنيا عندنا يادوب بداية خريف!!:D

http://sudaniyat.net/up/uploading/Fiv.jpg


0000FF]انشاء الله ارتحتو يا حمراويين
سوف ينقلب السحر على الساحر اهو فى ايدك[/size]

عبدالله عبداللطيف
05-10-2009, 10:58 AM
الأعزاء الأسايطه
سلام وكل سنه والجميع بخير
مشتاقين والله بعد طول غياب
ولزوم تنشيط الذاكره
يلا كده شغلوا محركات البحث
وافيدونا
شبارقه ...
الصوره القادمه تهمك
تحياتي

أسامة الكاشف
05-10-2009, 01:43 PM
العزيز عبد الله مراحب وكل سنة وانت طيب

وقوفاً من اليمين 0أمين عربي، عامر أبو كدوك، هويدا عثمان، (بس) ناجي ، سيف اليزل
شبه وقوف: حافظ عديلة ، عبد الله بستم
جلوس: فائز ، ربيع الشيخ

الباقيين خليناهم عشان نكف العين:p:p

الجيلي عبد الله الريح
05-10-2009, 09:20 PM
ليس من شيمتنا الشماتة فى المباريات الدولية لكننى أكتب هنا لتذكير أخينا الجيلى ومن لف لفه بإنو الزمن دوّار..
كذلك أكتب هنا للتذكير بأن الهلال فريق محلى ما بطّال لكن عندما يتعلق الأمر بإحراز الكأسات المحمولة جواً فخلووها لأسياااااادها. :D

http://sudaniyat.net/up/uploading/Five.jpg

هوووووي .. انحنا ..
نحن اسياد بلد نقعد ونقوم على كيفنا ..
ونحن الفوق شباك الناس مجرب شوتنا ...
حمدا لله على السلامة .... لقيتو ليكم مناسبه تمدوا فيها لسانكم ..
الجاب منتصر.. يجيب محمد الطيب بي نجومو البتولع وتطفي ....?

الجيلي عبد الله الريح
05-10-2009, 09:34 PM
السلام عليكم يا صعايده
الرائع الدكتور الجيلي الريح براحة علي أخونا قصي ..الظاهر عليه ما جني ( سبعة ):D ..
دحين انتوا في تخصصات الباطنية والغدد مش الزول لما يحس ( بي طمام بضم الطاء)
أو ( تكون نفسه مسدوده ) بتنصحوهوا بان يتعاطي بعض من ( شراب الليمون ) ولا دي وصفة علاج شعبية ( فالليمون قد يزيد من نسبة الاحماض في المعدة وهو أمر غير محمود)..
لو طبكم الحديث ده متوافق مع الطب الشعبي يبقي علي الساده ( الحمر ) بالليمون ..
وهو شراب منعش و لذيذ في شهر رمضان الذي يصوم الناس برؤيته ( الهلال ) ويفطروا علي رؤيته ( الهلال ) ..ولا كمان دايرين تغالطوا في دي كمان ..
تحياتنا للجميع ..

يا دكتورمنتصر..
دحين الطٌمام الشديد والصُداع اللى بيبتدئ من نص الرأس ولكن تحس بيهو فى "أُخمس" القدم..آسف أقصد أُخمص القدم ده بتعالجو بى شنو؟

http://farm4.static.flickr.com/3056/2860543843_2269135bf2.jpg

لماذا تلطخون ايديكم هكذا .... ?
لم تكن الخمسة اعظم من السبعة وقد وضحت ذلك في إيجاز شديد
وكنت اود أن أواصل بحثي في عالم السبعة لولا تدخل ودالبك ...بالتخفيف على الحمر ...??
ياود الطيب وينك ...?
ياقصي من يوم ماهرشناك .. زغت ...
يا منتصر احسن ليك تتفسح اليومين ديه ..?

الجيلي عبد الله الريح
05-10-2009, 10:01 PM
dh,]ياود البك الله يطراك بالخير اخونا الجيلى قال متخصص فى الرقم 7 كده يااخونا شوفوا لينا الرقم 5 بسم الله نبدا اركان الاسلام 5 عدد الصلوات 5 اصابع اليد 5 الحواس 5 ايام الشغل فى ايرلندا وكندا 5
فالوا واحد حلفاوى قال لوردى ممكن تغنى لينا لو بخمسه ياربى الهلال اتغلب من ماذنبى كم
طبعا ياود البك الصداع الوصفته بكون سببه خمسه فى النافوخ عملت ارتجاج وربكه فى العصب الخامس طبعا يامحمد نحن ناس بندول ومسكنات واقصى عدد ممكن تبلعه 5 حبات بندول ولكن نحولك للدكتور الجيلى او اخونا بتاع كندا طبعا الايام دى حايعمل عنده بيات شتوى
نرحب بأي شخص لازال يعاني من مضاعفات السبع دوخات ..?
وصفات بلدية ... طب شعبي ...علاج نفسي .. روحاني ..
طب بديل... تكتيف .. وخز بالابر ذات السبع رؤس ...?
علاج التوحد في سبع أيام ..
علاج بالبخرات .. وطرد الكوابيس و الشياطين (الحمر) في ٧ دقائق ..?
شيخي في كندا حسه حيكون في الدوام ... مع فارق التوقيت ....
بعدين ما هو صاحب بيات شتوي ...
ولا بتاع زوغات ... ودوخات ...
ود الطيب من اليوم السابع لحركة السبعة الانتحارية لم نراه ...
يآآآآآآآمرحبا بيكم نورتوا البوست ...

Wad Elbeck
06-10-2009, 12:15 AM
نرحب بأي شخص لازال يعاني من مضاعفات السبع دوخات ..?
شيخي في كندا حسه حيكون في الدوام ... مع فارق التوقيت ....
بعدين ما هو صاحب بيات شتوي ...
ولا بتاع زوغات ... ودوخات ...

أبو الجيل..سلامات..
أولاً بالتبادئ المباراة بتاعتنا نتيجتها كانت 7/4 ..وكانت خارج السودان ولظروف بتاعت ملعب الكل شاهده..إضافةً إلى إنو المريخ فاز فى الخرطوم 3/1 ..لكن ياخى إنتو أخدتو خمسة فى عقر داركم ووسط جمهوركم...والله أظن لو كان جابوا فريق "علم الوطن" بتاع مدنى داك ما كان أخد خمسة...ياخى والله أخجلتم تواضعنا..
غايتو ما عارف نودى وشنا وين!:D
بعدين وين شيخ كندا ما عاوز يرد علينا!.. يعنى عامل فيها خمسة بى قرش ولا شنو؟:D

Wad Elbeck
06-10-2009, 12:53 AM
العزيز عبد الله مراحب وكل سنة وانت طيب

وقوفاً من اليمين 0أمين عربي، عامر أبو كدوك، هويدا عثمان، (بس) ناجي ، سيف اليزل
شبه وقوف: حافظ عديلة ، عبد الله بستم
جلوس: فائز ، ربيع الشيخ

الباقيين خليناهم عشان نكف العين:p:p

والله يا ود الكاشف ما شاء الله..
وأنا أضيف للجلوس فتحى عباس وخالد (صيدلة)..
كبّرنا ليكم الصورة شوية..

http://sudaniyat.net/up/uploading/group4.bmp

Wad Elbeck
06-10-2009, 01:02 AM
يعني لازم يا ود البك تورينا طقم أسنانك؟:)

طقم ويين يا كيشو!!
أخوك لسه يوماتى الفطور والعشاء بتاعو دوم..:D:D

أسامة الكاشف
06-10-2009, 07:06 AM
وانا بضيف
الوقوف من اليمين بعد التكبير: ابتسام حلفانكو
والجلوس الظاهر نص وشو ده الطاهر تربية (الأبيض)
وفي الخلف علي حسن
وأبو نضارات ده محمد جبارة

(والله الليلة كيشو شبارقة ما ينومو من الغبينة
عشان تعرفو نحن شباب والباقي دراب):p:p:p

كيشو
06-10-2009, 07:13 AM
وانا بضيف
الوقوف من اليمين بعد التكبير: ابتسام حلفانكو
والجلوس الظاهر نص وشو ده الطاهر تربية (الأبيض)
وفي الخلف علي حسن
وأبو نضارات ده محمد جبارة

(والله الليلة كيشو شبارقة ما ينومو من الغبينة
عشان تعرفو نحن شباب والباقي دراب):p:p:p

:):):)
الكريبة جابت قون
يا أسامة الكاشف إنت لسه ما فهمت الموضوع: نحنا أي صورة يقل معدل معرفتنا لشخوصها عن 90% بنخليها ليكم تجاوبوا وتملحقوا كمان goood

شبارقة
06-10-2009, 10:17 AM
العزيز عبد الله مراحب وكل سنة وانت طيب

وقوفاً من اليمين 0أمين عربي، عامر أبو كدوك، هويدا عثمان، (بس) ناجي ، سيف اليزل
شبه وقوف: حافظ عديلة ، عبد الله بستم
جلوس: فائز ، ربيع الشيخ

الباقيين خليناهم عشان نكف العين:p:p
أولا ً : الجماعة ديل معظمهم ناس الأنقسنا ... عشان كده لا يـُفتى وعاصم في البوست :)

ما قصرت يا ود الكاشف نديك 60%
أمين عربي ده منو ؟ أنا غايتو ما إتذكرتو عشان كده ما بقدر أغالطك.
جلوس: فائز ، ربيع الشيخ
هو فعلا ً ربيع الشيخ وكلامك صاح ... لكن فايز ما موجود في الصورة ... الموجود هو محمد آدم سليمان من أبناء الأُبيض (خريج جيولوجيا 1985م)

شبارقة
06-10-2009, 10:19 AM
وأنا أضيف للجلوس فتحى عباس وخالد (صيدلة)..
كبّرنا ليكم الصورة شوية..

http://sudaniyat.net/up/uploading/group4.bmp

شكرا ًيا ود البيك ... كلامك صاح في فتحي عباس ...لكن خالد صيدلة لا يوجد في هذه الصورة.

شبارقة
06-10-2009, 10:37 AM
وانا بضيف
الوقوف من اليمين بعد التكبير: ابتسام حلفانكو
والجلوس الظاهر نص وشو ده الطاهر تربية (الأبيض)
وفي الخلف علي حسن
وأبو نضارات ده محمد جبارة

(والله الليلة كيشو شبارقة ما ينومو من الغبينة
عشان تعرفو نحن شباب والباقي دراب):p:p:p

هنا نديك 1 من 4 (إجابة واحدة صحيحة وهي الأخت إبتسام)

والجلوس الظاهر نص وشو ده الطاهر تربية (الأبيض)
ليس الطاهر تربية بل هو الأخ الظريف اللطيف الطيب / محمد الناصر - الدروشاب (خريج علوم - قسم الحيوان 1985م)

وفي الخلف علي حسن وأبو نضارات ده محمد جبارة
الإتنين الذكرتهم ديل ما موجودين في الصورة

الذي على يمين الإخت إبتسام هو الأخ النور العبيد (خريج جيولوجيا 1985م) وعلى يمينه الأخ / مصطفى عريبي من أبناء شبشة (خريج جيولوجيا 1986م) وعلى يمينه (أبو نضارات) هو الأخ / سيف الدين الأمين من أبناء البركل (خريج جيولوجيا 1986م)

أسامة الكاشف
06-10-2009, 11:03 AM
ما هو الأنا قاصدو مصطفى عريبي له التحية اين ما كلان
(تقول شنو في الكيبوردات الصينية دي والله غلبتنا تكتب الميم تلقاها حأأأأأأأ;))
لكن شفت صاحبك كيشو يتاوق بي برة ويفك البيرق
واتفق معاك في أنو خالد صيدلة ما في
بعدين يابستم إذا كانت دي صورة ناس جيولوجيا
الصورة التانية المفاجأة لي شبارقة دي إلا تكون من شارع القضارف مدنيlooool

كيشو
06-10-2009, 12:06 PM
أولا ً : الجماعة ديل معظمهم ناس الأنقسنا ... عشان كده لا يـُفتى وعاصم في البوست :)

ما قصرت يا ود الكاشف نديك 60%
أمين عربي ده منو ؟ أنا غايتو ما إتذكرتو عشان كده ما بقدر أغالطك.

هو فعلا ً ربيع الشيخ وكلامك صاح ... لكن فايز ما موجود في الصورة ... الموجود هو محمد آدم سليمان من أبناء الأُبيض (خريج جيولوجيا 1985م)

أها اتملحقت يا أسامة يا قريبي:)

شبارقة
06-10-2009, 12:13 PM
http://sudaniyat.net/up/uploading/group4.bmp

على يسار ربيع الشيخ يوجد الأخ / محمد أحمد الرشيد (خريج جيولوجيا 1984م) وهو يمسك بيده نموذج لمسلة مصنوع من مادة الألباستر ... وهذه النماذج متوفرة في منطقة الأقصر التي أُخذت فيها هذه الصورة ، وعلى يسار الأخ / ناجي يوجد الأخوين / عبدالرحمن أبو زهرة وعبد الرحمن الهندي (وكليهما الدفعة الورانا في جيولوجيا) كما أعتقد بأن الأخ الذي يقف على يسار الأخت إبتسام هو مضوي إبراهيم من أبناء العيكورة (الدفعة الورانا برضو)

الشخص الوحيد الذي ضاع مني إسمو (وهو من خارج أسرة الأنقسنا) هو الذي يقف على يسار عبد الرحمن الهندي ويمين سيف الدين الأمين (سيف الدين هو أبو نضارات) فله العتبى

شبارقة
06-10-2009, 12:35 PM
للذكرى فإن الأخ سيف الدين (أبو نضارات سوداء وواقف في الصف الأخير) كان يسكن مع مصطفى سر الختم (بيطرة) بالإضافة إلى عبد القادر إبراهيم (جبهة كفاح الطلبة) وتم إعتقالهم جميعا ً في 1984م بناءا ً على طلب جهاز الأمن السوداني ومعهم مجموعات أخرى على نطاق الطلاب السودانيين بمصر وتم ترحيلهم مباشرة إلى السجون السياسية بالسودان لمدة شهرين تلاتة ومن ثم أفرج عنهم وعادوا مرة أخرى لمواصلة دراستهم .

شبارقة
06-10-2009, 12:42 PM
شبارقه ...
الصوره القادمه تهمك
تحياتي

بعدين يابستم إذا كانت دي صورة ناس جيولوجيا
الصورة التانية المفاجأة لي شبارقة دي إلا تكون من شارع القضارف مدنيlooool

:D:D:D

أسامة الكاشف
06-10-2009, 12:43 PM
غايتو حأغالطك لمن تأمنوا ذاتو
ده ما سيف الأمين ولا بد من إحالة الموضوع للتحكيم (لاهاي لاهاي الرد بالسد)
في ناس ذمتهم مجروحة ما دايرين رأيهم
وكلامك صاح محمد أحمد الرشيد بشبه فايز هندسة
من الأمام يمين جلوساً على الريس (ودسلفاب - زراعة)

شبارقة
06-10-2009, 12:51 PM
غايتو حأغالطك لمن تأمنوا ذاتو
ده ما سيف الأمين ولا بد من إحالة الموضوع للتحكيم (لاهاي لاهاي الرد بالسد)



سيف الدين الأمين الدفعة القدامنا في جيولوجيا وتزاملنا لمدة 4 سنوات وتخرجنا مع بعض في 1986م (هو لا يلبس نضارات عادة ً)

أسامة الكاشف
06-10-2009, 01:17 PM
حجتك غير مقبولة
دايرين فتوى من جهة محايدة
تجاربنا السابقة إنو في حالات كتيرة نظرك طلع مجلي
لامن صلحوك ناس ودالبك
دبلج الصورة مع صورة تانية وخلينا نحكم (بنظرتنا الثاقبة)
عووووووك ما في زول تاني عندو رأي

شبارقة
06-10-2009, 01:26 PM
عووووووك ما في زول تاني عندو رأي
:mad::mad:
وحاتك إنت يا ود الكاشف ما في زول بيعرف سيف الدين غيري هنا في المنتدى ده

محمد الفاتح أبوكنة
06-10-2009, 02:17 PM
سيف الدين الأمين الدفعة القدامنا في جيولوجيا وتزاملنا لمدة 4 سنوات وتخرجنا مع بعض في 1986م (هو لا يلبس نضارات عادة ً)

الأخ شبارقه تحياتي لك ولجميع الأسايطه بالرياض
ياخي والله عقدتنا ما شاء الله عليك ذاكرتك تمام . أحب أضيف ليكم بدر الدين علي عبود يسار عبدالله بستم (وبقبل بتحكيم اسامه الكاشف واوع الجماعه ديل يخموك يا اسامة ) وعبد المنعم ابراهيم الضو (بيطره) يقف اعلى بستم وبدر الدين

أسامة الكاشف
06-10-2009, 03:10 PM
العزيز محمد الفاتح
ده ما بدر الدين
ده عامر أبوكدوك (صيدلة)
ديل جيل ما قبل الثورة:p:p:p
(برضو ما الفاتح):mad::mad::mad::mad::mad:

شبارقة
06-10-2009, 06:15 PM
أها اتملحقت يا أسامة يا قريبي:)

إتملحق ساي يا كيشو... والله يباريني إلا ّ أخلي ليك external أو من منازلهم :D

شبارقة
06-10-2009, 06:25 PM
الأخ شبارقه تحياتي لك ولجميع الأسايطه بالرياض
ياخي والله عقدتنا ما شاء الله عليك ذاكرتك تمام .

سلام يا ود أبو كنة ... وإن شاء الله الشرقية تكون رحبت بيك .... حاولت الإتصال عليك أكثر من مرة على موبايلك العندي ولكن يبدو إنك غيرت الرقم ... ورسلت ليك رسالة بهذا الخصوص .

ياخي والله عقدتنا ما شاء الله عليك ذاكرتك تمام
شكرا ً على الإعجاب :)... لكن البقنع لينا ود الكاشف منو ؟! :mad:

شبارقة
06-10-2009, 06:45 PM
أحب أضيف ليكم بدر الدين علي عبود يسار عبدالله بستم

إضافة شنو يا زول ؟! خلاص جفت الأقلام ورُفعت الصحف :)

الزول الوحيد العرفو ود الكاشف كان عامر أبو كدوك تقوم تقول ليهو بدر الدين !! :mad:

الصورة دي نزلها أخونا عبد الله بستم وهو زاتو ما بيعرف فيها أكتر من نفرين تلاتة :D

ملحوظة : طبعا ً أخونا بستم عندو كمية ضخمة من صور أسيوط (إتفرجنا عليها مرة هنا في الرياض وكان معانا ود أبو كنة) يا ريت يقدر ينزلها لينا هنا عشان ننعش ليكم ذاكرتكم.

كيشو
06-10-2009, 07:25 PM
الأخ شبارقه تحياتي لك ولجميع الأسايطه بالرياض
ياخي والله عقدتنا ما شاء الله عليك ذاكرتك تمام . أحب أضيف ليكم بدر الدين علي عبود يسار عبدالله بستم (وبقبل بتحكيم اسامه الكاشف واوع الجماعه ديل يخموك يا اسامة ) وعبد المنعم ابراهيم الضو (بيطره) يقف اعلى بستم وبدر الدين

يا ود أب كنة سلام
عبد المنعم إبراهيم الضو ما موجود في الصورة دي

كيشو
06-10-2009, 07:28 PM
http://sudaniyat.net/up/uploading/group4.bmp

[align=justify][quote] كما أعتقد بأن الأخ الذي يقف على يسار الأخت إبتسام هو مضوي إبراهيم من أبناء العيكورة (الدفعة الورانا برضو)

[size=6][color=#D2691E]يا شبارقة
رغم علمك بالأنساب وكدا :)
بس ياخ مضوي ما موجود في الصورة دي
معليش غلطة شاطر

كيشو
06-10-2009, 07:32 PM
وكلامك صاح محمد أحمد الرشيد بشبه فايز هندسة


كلامو صاح في أن الموجود محمد أحمد الرشيد
وكلامك غلط في أن فايز يشبه محمد
بطل خم يا زول

شبارقة
07-10-2009, 08:47 AM
http://sudaniyat.net/up/uploading/group4.bmp

كما أعتقد بأن الأخ الذي يقف على يسار الأخت إبتسام هو مضوي إبراهيم



يا شبارقة
رغم علمك بالأنساب وكدا :)
بس ياخ مضوي ما موجود في الصورة دي
معليش غلطة شاطر

شكرا ً يا كيشو ... لكن بالرجوع إلى مداخلتي تجدني كتبت (أعتقد) ولم أجزم بأنه مضوي ... ولكنه مضوي وليس غيره ... بس كان سمين ومخنفس :)(مشروع غلاط يا كيشو :D)

شبارقة
07-10-2009, 09:16 AM
الذي يقف على يسار الأخ حافظ عديله هو الأخ ميرغني من أبناء أبو عشر وهو الدفعة الورانا في الجيولوجيا.

كيشو
07-10-2009, 09:22 AM
شكرا ً يا كيشو ... لكن بالرجوع إلى مداخلتي تجدني كتبت (أعتقد) ولم أجزم بأنه مضوي ... ولكنه مضوي وليس غيره ... بس كان سمين ومخنفس :)(مشروع غلاط يا كيشو :D)

مرحب بيك وبي غلاطك:mad:
مضوي متين كان سمين؟
بعدين الزول دا خواجة بالنسبة لي مضوي (كنت بشاغل مضوي أقول ليهو مضوي المضلم)
ناس العيكورة كلهم كانوا ضُعاف، قايلني ناسيهم

Wad Elbeck
08-10-2009, 12:14 AM
مرحب بيك وبي غلاطك:mad:
مضوي متين كان سمين؟
بعدين الزول دا خواجة بالنسبة لي مضوي (كنت بشاغل مضوي أقول ليهو مضوي المضلم)
ناس العيكورة كلهم كانوا ضُعاف، قايلني ناسيهم

كلامك صاح يا كيشو..
الأخ مضوى ود العيكورة كان طويل، نحيف، أخضرانى وعندو قُجة (على الأقل فى ذلك الوقت)..
توطدت علاقتى بمضوى أكثر عقب التخرُّج عندما كان يعمل للشركة السعودية السودانية فى مدنى وهى شركة متخصصة فى حفر الآبار..وكان يعمل معه فى ذات الشركة صديقى وجارى إبراهيم تبت.
إلتقينا عدة مرات بمنزل إبراهيم وأحياناً بمنزلنا..ولأول مرة عرفت من مضوى إنو هو وعثمان مالك أولاد خالات..
ياربى الناس دى وين!!
التحايا لهم أينما كانوا..

شبارقة
08-10-2009, 09:36 AM
كلامك صاح يا كيشو..

:mad:

الخيل تجقلب والشكر لي حمـّاد

شبارقة
08-10-2009, 09:45 AM
ياربى الناس دى وين!!


مضوي إبراهيم في نفس الشركة التي يعمل بها في السودان ، وطبعا ً هو متزوج من زميلتنا نادية (علوم - قسم الحيوان)

عثمان مالك كان في مدينة العين بالإمارات لعدة سنوات وكان يعمل في نفس مجال مضوي ألا وهو الدراسات الجيولوجية الخاصة بحفر آبار المياه الجوفية ومن ثم عاد للسودان لفترة من الزمن ومن بعدها للملكة العربية السعودية وقد كان معنا هنا في الرياض لفترة قصيرة ومن بعدها عاد للسودان حيث أستقر وتزوج وطاب له المقام منذ حوالي 5 سنوات.

عبدالله عبداللطيف
08-10-2009, 11:15 AM
أسايطه ..سلام
سؤال بريء
لو كان أخونا العوض بي وقفتو دي بدل المعز محجوب
ما كان الخمسة قلت شويه؟
مع الإعتذار للإخوة الهلالاب..
تحياتي

عبدالله عبداللطيف
08-10-2009, 11:23 AM
ودي بقى لزوم الغولاط ...
كيشو .. شبارقه
دوروا ...
أنا متأكد انو اللي حيكسب حبيبنا أسامة الكاشف
تحياتي ..

عبدالله عبداللطيف
08-10-2009, 11:27 AM
يا جماعه ألحقونا ..
كبروا الصورة..
وورونا كيف ننزلها مكبرة ..
عشان الجايات ..
شبارقه ..
انت الكيس الشايلو ده كان فيه شنو ؟

عكــود
08-10-2009, 11:40 AM
سلاااام يا أسايطة . .
البوست بتاعكم ده أزوره من حين لآخر،
أتنسم فيه عبق أيّام لي شبيهة.

شبارقة
08-10-2009, 11:49 AM
سلاااام يا أسايطة . .
البوست بتاعكم ده أزوره من حين لآخر،
أتنسم فيه عبق أيّام لي شبيهة.

مرحبا ً وحبابك 10 يا العمدة ... وبزيارتك بيتنا نوّر

أتنسم فيه عبق أيّام لي شبيهة

يا خريجي جامعات رومانيا لمزيد من التواصل :)

عبدالله عبداللطيف
08-10-2009, 11:54 AM
مرحبا ألف ... عكود
هي أجمل أيام العمر..
ومن هنا نتنفس عبق تلك الأيام الجميلة ..
نتشرف دائما بوجودكم معنا.
ولك التحية

عكــود
08-10-2009, 12:01 PM
مرحبا ً وحبابك 10 يا العمدة ... وبزيارتك بيتنا نوّر



يا خريجي جامعات رومانيا لمزيد من التواصل :)نوّر الله عليك دنيا وأخرى يا شبارقة.

خريجي رومانيا في سودانيات ياني أنا وحّدي (عوينة أم صالح).
ومن باب القحّة ولا صمّة الخشم كنت فتحت بوست عن ذكرياتي هناك.

قريبك محمد شبارقة بلاقيهو كل سنّة في الإجازة،
وياهو في حالو وطمستو،
ينزع الضحكة، بل والقرقرة، من بوزك قلِع.
بس بكل أسف سوالفو ما بتتحكي في المنتديات!

كم أنا مُعجب بهذا الرجل!
الله يدّيهو العافية ويحفظو وأسرتو الكريمة.

عكــود
08-10-2009, 12:04 PM
مرحبا ألف ... عكود
هي أجمل أيام العمر..
ومن هنا نتنفس عبق تلك الأيام الجميلة ..
نتشرف دائما بوجودكم معنا.
ولك التحيةهي فعلاً أجمل أيّام العمر يا عبد الله . .
وشمس صداقاتها لا تغيب أبداً، فمن تعاشرهم هناك . .
هم الأقرب إلى القلب دائماً . .
وسيبقون كذلك مدى الحياة.


الله يزيدك شرف ومقدار ياخوي.

شبارقة
08-10-2009, 12:05 PM
http://sudaniyat.net/up/uploading/77547777.jpg


شكرا ً يا عبد الله وأنت تنعش ذاكرتنا هذه الأيام

رحلة إستقبال الطلاب الجدد بالجمعية الطبية الصيدلية في جزيرة الواسطى - أوائل عام 1983م ... وسبب وجودي في هذه الصورة هي أنني لما كنت برلوما ً كنت أسكن مع أنور محمد عثمان (صيدلة) الذي دعاني لهذا الحفل... وأنا أيضا ً أحتفظ بعدة صور من هذه الرحلة.

شبارقة
08-10-2009, 12:11 PM
بس بكل أسف سوالفو ما بتتحكي في المنتديات!


:D:D

مصيبة تمشي على أرجل :)

عبدالله عبداللطيف
08-10-2009, 12:13 PM
شبارقه .. تحياتي
يظهر أنا اللي حأغالطك المره دي
أولا كانت ساحل سليم وليس الواسطى
ثانيا مين الشخص خلف أخونا د. عمر محمود
ثالثا وهو الأهم.. ما قلت لينا الكيس الإنت شايلو ده كان فيهو شنو؟
ما تقول لي الزواده
سلام

شبارقة
08-10-2009, 12:15 PM
ودي بقى لزوم الغولاط ...
كيشو .. شبارقه
دوروا ...
أنا متأكد انو اللي حيكسب حبيبنا أسامة الكاشف
تحياتي ..

http://sudaniyat.net/up/uploading/0101012.jpg

الناس ديل كلهم ناس تجارة سااااي ... أنا غايتو تعرفت على عبد الله بستم وبدر الدين (أبو سجارة) وعلى يمينه واحد يشبه أنور محمد عثمان (صيدلة) ولكنه أصغر سنا ً ... ويبدو معاوية جاويش من بعيد في الصفوف الخلفية

باقي الوجوه الكريمة كلها إتذكرتها ولكن ... الأسماء في الباي باي :)

شبارقة
08-10-2009, 12:34 PM
شبارقه .. تحياتي
يظهر أنا اللي حأغالطك المره دي
أولا كانت ساحل سليم وليس الواسطى
ثانيا مين الشخص خلف أخونا د. عمر محمود
ثالثا وهو الأهم.. ما قلت لينا الكيس الإنت شايلو ده كان فيهو شنو؟
ما تقول لي الزواده
سلام

أولا كانت ساحل سليم وليس الواسطى
أنا كنت برلوم (جديد لنج) ... ولغاية هسي ما قادر أفـرّق ما بين الواسطى وساحل سليم

ثانيا مين الشخص خلف أخونا د. عمر محمود

أفتكر إنو كان طالب فلسطيني زميل ناس الجمعية الطبية الصيدلية

ثالثا وهو الأهم.. ما قلت لينا الكيس الإنت شايلو ده كان فيهو شنو؟

طبعا ً كنا في المركب ... وقبل ما ننزل طلب مننا الأخ / أنور محمد عثمان أن نساعدهم في تنزيل بعض مستلزمات الرحلة ..وكان ذاك الكيس من ضمنها ... وبالتأكيد بعد 26 سنة أكون قد نسيت محتوياته (ولكنها لم تكن شئيا ً ممنوعا ً يا عبد الله :))

شبارقة
08-10-2009, 12:48 PM
http://sudaniyat.net/up/uploading/XZZY.jpg

أها يا عبد الله ... رأئك شنو ؟

الصور دي من عندينا :) وهي في نفس الرحلة المذكورة ... والصورة أعلاه داخل المركب الذي ذكرته لكم في المداخلة السابقة ... تقول لي أسامة الكاشف وكيشو ؟! ده شعـَرا ً ما عندهم ليهو رقبة :D.

عبدالله عبداللطيف
08-10-2009, 02:05 PM
قال برلوووووووم قال
وينك يا أسامه الكاشف

Wad Elbeck
08-10-2009, 10:46 PM
:mad:

الخيل تجقلب والشكر لي حمـّاد

حبيبنا شبارقة..سلامات..
لم أقصد إهمال حقك من الثناء فى توضيح شخصيات الصورة السابقة... ولكن لعل شوقى الشديد لمعرفة أخبار عن الأخ مضوى هو الذى أنسانى ذلك..فلك العتبى..
كذلك كل الشكر على الأخبار الحلوة..

Wad Elbeck
08-10-2009, 11:01 PM
http://sudaniyat.net/up/uploading/77547777.jpg


شكرا ً يا عبد الله وأنت تنعش ذاكرتنا هذه الأيام

رحلة إستقبال الطلاب الجدد بالجمعية الطبية الصيدلية في جزيرة الواسطى - أوائل عام 1983م ... وسبب وجودي في هذه الصورة هي أنني لما كنت برلوما ً كنت أسكن مع أنور محمد عثمان (صيدلة) الذي دعاني لهذا الحفل... وأنا أيضا ً أحتفظ بعدة صور من هذه الرحلة.

عموم الأسايطة..سلام..
الصورة فيها العوض، عبدالله بستم، عاصم شبارقة، عمر عطبرة، باص، ثم شاذلى الصديق.

muntasir hassan
09-10-2009, 03:45 AM
http://sudaniyat.net/up/uploading/XZZY.jpg

أها يا عبد الله ... رأئك شنو ؟

الصور دي من عندينا :) وهي في نفس الرحلة المذكورة ... والصورة أعلاه داخل المركب الذي ذكرته لكم في المداخلة السابقة ... تقول لي أسامة الكاشف وكيشو ؟! ده شعـَرا ً ما عندهم ليهو رقبة :D.
ناس الصوره انور عمار شازلى شخصى رضوان الفلسطينى محمد ربيع عاصم محمد مصطفى خالد الصوره الثانيه العوض عمر ابراهيم عاصم اما بتاعت ناس تجاره غير لبوالبساتم ماعرفنا زول

Wad Elbeck
09-10-2009, 04:08 AM
ناس الصوره انور عمار شازلى شخصى رضوان الفلسطينى محمد ربيع عاصم محمد مصطفى خالد الصوره الثانيه العوض عمر ابراهيم عاصم اما بتاعت ناس تجاره غير لبوالبساتم ماعرفنا زول



منتصر.. سلامات..
الصورة الأولى بتاعت المركب برضو فيها:
سيف اليزل، عمّار، والشاذلى.

شبارقة
09-10-2009, 06:00 PM
أفتكر إنو كان طالب فلسطيني زميل ناس الجمعية الطبية الصيدلية




رضوان الفلسطينى

ما شاء الله وعيني باردة عليك يا عاصم .... خطيييير... قال فلسطيني وطلع فلسطيني ... كان ممكن يقول طالب مصري بحكم إننا كنا في مصر وينتهي الموضوع ولا يستطيع أحد أن يغالط .

أسامة الكاشف وكيشو وعبد الله بستم (ومن لف ّ لفـّهم ;)) يمشوا يشوفوا ليهم مكان تاني ... ألمي حامي :D

شبارقة
09-10-2009, 06:13 PM
حبيبنا شبارقة..سلامات..


شكرا ً زميلي وأخي وإبن دفعتي في أسيوط

كنت أمزح معك ... وحبيت أوصل رسالة لبعض الحبايب ;)

شبارقة
09-10-2009, 06:24 PM
عمار شازلى شخصى رضوان الفلسطينى محمد ربيع عاصم محمد مصطفى خالد


منتصر.. سلامات..
الصورة الأولى بتاعت المركب برضو فيها:
سيف اليزل، عمّار، والشاذلى.

يا ود البيك صحصح شوية مع منتصر ..الراجل كتب كل الأسماء الفي الصورة ما عدا سيف اليزل فقط ..أكيد سقط سهوا ً من عنده لأنو من المستحيل منتصر ينسى سيف اليزل .

شبارقة
09-10-2009, 06:36 PM
قال برلوووووووم قال
وينك يا أسامه الكاشف

يا عبد الله يا أخوي نحن دخلنا أسيوط دي وليدات صغااار (بأسنان اللبن :)) لقيناكم إنتو وود الكاشف ديل قاعدين فيها من زمن ناس علم الدين حامد في أسيوط :D.

قبل يومين وفي برنامج (عُـشـْرَة وونسة) في قناة النيل الأزرق تم إستضافة الإذاعي المعروف علم الدين حامد وأفاد بأنه تلقى تعليمه حتى الثانوي بمدينة أسيوط (بسبب هجرة والده إلى أسيوط) وتم قبوله في جامعة أسيوط في سنة 1961م ولكنه آثر الوظيفة على الدراسة (وقتها الوظيفة كان ليها طعم ) ورجع السودان وعمل بالإذاعة .

Wad Elbeck
09-10-2009, 09:23 PM
عمار شازلى شخصى رضوان الفلسطينى محمد ربيع عاصم محمد مصطفى خالديا ود البيك صحصح شوية مع منتصر ..الراجل كتب كل الأسماء الفي الصورة ما عدا سيف اليزل فقط ..أكيد سقط سهوا ً من عنده لأنو من المستحيل منتصر ينسى سيف اليزل .

العتب على النظر..
والله يا شبارقة لو ما لونّت الأسماء دى بالأحمر ما كنت شايفهم..
يا منتصر ياخى كبِّر لينا الخط بتاعك شوية ويا حبذا لو تقلّت ليهو اللون شوية..مرعاةً للعجايز زى حالاتنا ديل..:D

muntasir hassan
10-10-2009, 03:58 AM
العتب على النظر..
والله يا شبارقة لو ما لونّت الأسماء دى بالأحمر ما كنت شايفهم..
يا منتصر ياخى كبِّر لينا الخط بتاعك شوية ويا حبذا لو تقلّت ليهو اللون شوية..مرعاةً للعجايز زى حالاتنا ديل..:D

شكرا ياعاصم فسيف اليزل القمر الذى لايخفا واعظم اولاد الدفعه اخوك عاين للصوره مره واحده وعرفته ارجع ليها كيف بالمناسبه ياود البك وين ود الريح وود الحسن والعوض لاصوره لاكوره بالمناسبه ياود البك ماملاحظ العامل المشترك الاعظم بين هذه الاسماء من حيث عدد الحروف وفى كلمه تانى بتتكون من نفس عدد الحروف فكر وادينا سلك بكره السبت انا فاضى

الزوول
10-10-2009, 05:41 AM
السلام عليكم
...
عـــــــــــــدنــــــــــــــــــــــــا

Wad Elbeck
10-10-2009, 06:09 AM
شكرا ياعاصم فسيف اليزل القمر الذى لايخفا واعظم اولاد الدفعه اخوك عاين للصوره مره واحده وعرفته ارجع ليها كيف بالمناسبه ياود البك وين ود الريح وود الحسن والعوض لاصوره لاكوره بالمناسبه ياود البك ماملاحظ العامل المشترك الاعظم بين هذه الاسماء من حيث عدد الحروف وفى كلمه تانى بتتكون من نفس عدد الحروف فكر وادينا سلك بكره السبت انا فاضى

يا منتصر..ياخى بطَّل المشاكل..
فعلاً كلامك صاح فى مسألة العامل المشترك بين عدد حروف الأسماء وعدد ال....
أحسن نقرّط على كده... عشان بعد ده الجماعة ديل ماحيكونوا كويسين معانا والقصة تجيب ليها ضرب بالكراسى وكده..:D

Wad Elbeck
10-10-2009, 06:13 AM
السلام عليكم
...
عـــــــــــــدنــــــــــــــــــــــــا




والله يا الزوول ليك وحشة..
مرحباً بالعودة..

أسامة الكاشف
10-10-2009, 08:08 AM
يعني الواحد في البلد دي ما ياخد ليه يوم إجازة
يجي يلقى ناس فاردة عضلاتها
وناس جاية من غياهب التاريخ
بعد ما فات فيها الفوات
ومعاها كمان عدنا

أولاً الصورة بتاعت المركب دي مكررة ومن زمان حتينا حت
لكن قالوا الخواجة لمن يفلس
ببحت في دفاترو
شبارقة لقى ما عندو حاجة
قام نكت الصورة دي من الأرشيف صفحة مية وكم كده ما عارف
وقام منتصر يتضرع وعامل فيها فارس بني هلالة
ياشاب (حظك) سبقناك زمان
ويا بستم واصل والبتغلبهم خليها لي
بتاع عدنا ده عندو زهايمر مزمن
ما أظنو يقدر يشارك في حاجات فيها تذكر وكده
عشان كده أحذفه من اللستة:p

Musa Jadeed
10-10-2009, 01:09 PM
http://sudaniyat.net/up/uploading/0101012.jpg

الناس ديل كلهم ناس تجارة سااااي ... أنا غايتو تعرفت على عبد الله بستم وبدر الدين (أبو سجارة) وعلى يمينه واحد يشبه أنور محمد عثمان (صيدلة) ولكنه أصغر سنا ً ... ويبدو معاوية جاويش من بعيد في الصفوف الخلفية

باقي الوجوه الكريمة كلها إتذكرتها ولكن ... الأسماء في الباي باي :)

الأسايطة تحياتنا
بالنسبة للصورة فأعرف فيها عدد جيد من الأشخاص على إعتبار أنهم دفعتي بكلية التجارة 1984/1985 وهم كانوا برالمة آنذاك:
الواقفون : يمين بستم شبيه دفعتنا عادل حامد طه إلا أن عادل حامد أطول قامة ثم يمينه باص ثم عادل محمد الحسن (ريجان) تجارة ثم سراج الدين يعقوب علوم ثم باص ثم معاوية جاوبش
الجالسون : شبيه أحمد جلالين (معهد تجاري) ثم عبدالله محمد البشير (السفير) تجارة ثم عبدالعزيز بركة ساكن تجارة ثم بدر الدين عبدالرازق تجارة ثم باص
وفي الوسط خلف بدرالدين جمال دفع الله علي (تجارة)
واللون الأزرق لزوم إننا هلالاب وكدا

هاشم أبوزيد نقد
10-10-2009, 03:33 PM
تعازينا الصادقة للأخ د. حمزة السراج في وفاة والد زوجته الأخت سهير (صيدلة - أسيوط) الذي انتقل إلى رحاب ربه صباح الخميس الماضي. نسأل الله له المغفرة وأن يسكنه فسيح جناته مع الصديقين و الشهداء و حسن أؤلئك رفيقا. و نسأل الله للأخت سهير و الأخ حمزه الصبر و حسن العزاء. و لا نملك إلا أن نقول للأخ حمزة و الذي فقد أخاه ثم والدته ثم والد زوجته في أيام وجيزة ، لا نملك إلا أن نقول : إنا لله و إنا إليه راجعون. وإذا أحب الله العبد إبتلاه.

هاشم أبوزيد نقد
10-10-2009, 03:40 PM
السلام عليكم
...
عـــــــــــــدنــــــــــــــــــــــــا


و إذا عـدتـم عـدنـا

هاشم أبوزيد نقد
10-10-2009, 04:02 PM
و إذا عـدتـم عـدنـا

الزوول الجميل في طبعوا دايما هادي .........
و على الذين عاصروا النعام آدم مراعاة فروق الوقت وإكمال الباقي.....
و ربما أتحفنا العوض بالبقية فقد كان عاشقا للطنبور ....

الزوول
10-10-2009, 08:00 PM
السلام عليكم
....
رحم الله والد زميلتنا سهير رحمة واسعة وجعل مثواه الجنة
وألهمها وأخونا حمزة السراج وأسرتهما جميل الصبر والسلوان

...
جوال د. حمزة 0505198239

ومن خارج السعودية 00966505198239
...
شكراً أخونا د.هاشم أبو زيد نقد

Wad Elbeck
10-10-2009, 09:30 PM
تعازينا الصادقة للأخ د. حمزة السراج في وفاة والد زوجته الأخت سهير (صيدلة - أسيوط) الذي انتقل إلى رحاب ربه صباح الخميس الماضي. نسأل الله له المغفرة وأن يسكنه فسيح جناته مع الصديقين و الشهداء و حسن أؤلئك رفيقا. و نسأل الله للأخت سهير و الأخ حمزه الصبر و حسن العزاء. و لا نملك إلا أن نقول للأخ حمزة و الذي فقد أخاه ثم والدته ثم والد زوجته في أيام وجيزة ، لا نملك إلا أن نقول : إنا لله و إنا إليه راجعون. وإذا أحب الله العبد إبتلاه.



أحرالتعازى للأعزاء حمزة السراج والأخت سهير..
نسأل الله للفقيد الرحمة والمغفرة وأن يجعل مثواه الجنه..
"إنا لله وإنا إليه راجعون"

الجيلي عبد الله الريح
10-10-2009, 11:12 PM
إنا لله وإنا إليه راجعون .
نسألك يارحيم .. يا غفور.. يا كريم ...
أن تتغمد المرحوم محمد عبدالله عثمان برحمتك الواسعة التي وسعت
كل شئ وأن تجعل الجنة مثواه مع الصديقين والشهداء
وللاخت سهير والاخ السراج تعازينا ونسأل الله أن يلهمكم الصبر ..

الجيلي عبد الله الريح
10-10-2009, 11:25 PM
يعني الواحد في البلد دي ما ياخد ليه يوم إجازة
يجي يلقى ناس فاردة عضلاتها
وناس جاية من غياهب التاريخ
بعد ما فات فيها الفوات
ومعاها كمان عدنا

أولاً الصورة بتاعت المركب دي مكررة ومن زمان حتينا حت
لكن قالوا الخواجة لمن يفلس
ببحت في دفاترو
شبارقة لقى ما عندو حاجة
قام نكت الصورة دي من الأرشيف صفحة مية وكم كده ما عارف
وقام منتصر يتضرع وعامل فيها فارس بني هلالة
ياشاب (حظك) سبقناك زمان
ويا بستم واصل والبتغلبهم خليها لي
بتاع عدنا ده عندو زهايمر مزمن
ما أظنو يقدر يشارك في حاجات فيها تذكر وكده
عشان كده أحذفه من اللستة:p

كلام زين يا ودالكاشف...
وأنا اشاركك الرأي في هولاء العجزة
والمسنين ...يعني صورة سيف اليزل ديه عايزه ليها فرد عضلات ؟؟ ما انت مغمض بتعرفها ..؟ بس ناس منتصر ديل لقوا ليهم فرماله
ومسكوا فيها ...؟
الزول اصلا بيكون ناسي حاجه اسمها منتدى اسيوط ..
يكون في واحد بالغلط ذكّره بالمكان ده ...
مشتاقين يا اسامه ... كيف اخبارك واخبار اولادك .. ومدني؟

الجيلي عبد الله الريح
10-10-2009, 11:46 PM
يا منتصر..ياخى بطَّل المشاكل..
فعلاً كلامك صاح فى مسألة العامل المشترك بين عدد حروف الأسماء وعدد ال....
أحسن نقرّط على كده... عشان بعد ده الجماعة ديل ماحيكونوا كويسين معانا والقصة تجيب ليها ضرب بالكراسى وكده..:D

فعلا هناك عامل مشترك يا ابو داؤد فأنا مغرم بالحساب والكلمات المتقاطعة .. ونهديك خمسه الونسه ديه .. وشوية عكننه ..

WIDTH=400 HEIGHT=350

الجيلي عبد الله الريح
10-10-2009, 11:52 PM
يا عبد الله يا أخوي نحن دخلنا أسيوط دي وليدات صغااار (بأسنان اللبن :)) لقيناكم إنتو وود الكاشف ديل قاعدين فيها من زمن ناس علم الدين حامد في أسيوط :D.

قبل يومين وفي برنامج (عُـشـْرَة وونسة) في قناة النيل الأزرق تم إستضافة الإذاعي المعروف علم الدين حامد وأفاد بأنه تلقى تعليمه حتى الثانوي بمدينة أسيوط (بسبب هجرة والده إلى أسيوط) وتم قبوله في جامعة أسيوط في سنة 1961م ولكنه آثر الوظيفة على الدراسة (وقتها الوظيفة كان ليها طعم ) ورجع السودان وعمل بالإذاعة .

الأخ شبارقة ... تحياتي وأضيف ليك الوزير رياك قاي خريج بيطرة اسيوط وشقه ام رامز تقريبا ....

الجيلي عبد الله الريح
11-10-2009, 12:06 AM
والله يا الزوول ليك وحشة..
مرحباً بالعودة..

ود البك تحياتي واشواقي ... قصه حقيقيه ..
حكى لي أحد زملائنا في اسيوط انهم كانوا في مناسبه عقد زواج ،بعدين صاحبنا إتلفت شمال يمين وقال للحاضرين وهم تقريبا في سنه :غريبه يا جماعه..؟ العقد ده مافيه (جلاكين) .؟ فرد عليه احدهم ضاحكا :
ما فيه جلاكين ؟؟؟ الجلاكين مانحنا ياهووووووووي ..

Wad Elbeck
11-10-2009, 05:46 AM
ود البك تحياتي واشواقي ... قصه حقيقيه ..
حكى لي أحد زملائنا في اسيوط انهم كانوا في مناسبه عقد زواج ،بعدين صاحبنا إتلفت شمال يمين وقال للحاضرين وهم تقريبا في سنه :غريبه يا جماعه..؟ العقد ده مافيه (جلاكين) .؟ فرد عليه احدهم ضاحكا :
ما فيه جلاكين ؟؟؟ الجلاكين مانحنا ياهووووووووي ..

ما ده الكلام اللى بخوِّف ذاااتو..:D

أسامة الكاشف
11-10-2009, 06:57 AM
جيلي تحياتي لك وللأسرة

صاحبك مالي البوستات كلها عجاج وكتاحة
(هنا وفي القرى المجاورة)
وهذا يعزى لأحد الأسباب الثلاث التالية والتي لا رابع لها:

1. فكوه مع الجماعة بعد رمضان:(
2. أو سفر المرة السودان:p
3. أو أدوه كرت أحمر:mad:

حاشية:
نسأل بشدة عن كمال محجوب، إيهاب قباني، حليمة ، كباشي
يعني الخلى الزووول ينفض غبار السنين ده
ما بخليكم ترجعوا تسلمو وتختفو تاني ما عندنا مانع
بس نطمئن عليكم

arbab
12-10-2009, 09:56 AM
الاسايطة تحياتى
عدنا ......وعاد الجميع
كل عام وانتم بخير
التعازى للاخ جمزه السراج
توفت امس والدة د صلاح كرجويل.... للاسايطة داخل السودان العزاء بالقرب من ابو حمامة
للاسايطة المرطبين .. اقصد المغتربين ت صلاح 0912392218

هاشم أبوزيد نقد
12-10-2009, 11:31 AM
للأخ د. صلاح كرجويل تعازينا الصادقة في وفاة والدته.
نسأل الله لها المغفرة و الرحمة و أن يجعل مثواها الجنة.
الهم تجاوز عن سيئاتها و زد في حسناتها و أغسلها بالماء و الثلج و البرد
و أدخلها الجنة مع الأبرار يا عزيز ياغفار.
و إنا لله و إنا إليه راجعون.

هاشم أبوزيد

صلاح الدين هجو النحاس
12-10-2009, 01:51 PM
[QUOTE=arbab;165324
توفت امس والدة د صلاح كرجويل.... للاسايطة داخل السودان العزاء بالقرب من ابو حمامة
ت صلاح 0912392218[/QUOTE]
بشر الصابرين الذين اذا اصابتهم مصيبه قالوا انا لله وانا اليه راجعون) لك التعازى عزيزنا د0 كرجويل

أسامة الكاشف
12-10-2009, 01:51 PM
اللهم أرحمها وأسكنها فسيح جنانك

حاشية: يا عادل التلفون الفوق ده برن لمن يقطع ما في زول بيرد
بالله بلغه تعازينا وقول ليه اتصلنا عدة مرات

هاشم أبوزيد نقد
12-10-2009, 04:02 PM
اللهم أرحمها وأسكنها فسيح جنانك

حاشية: يا عادل التلفون الفوق ده برن لمن يقطع ما في زول بيرد
بالله بلغه تعازينا وقول ليه اتصلنا عدة مرات
أخي أسامة :
رقم د. صلاح كرجويل + المفتاح هو :
00249912392218
و قد إتصلت به صباح اليوم معزيا ،،، و جزا الله الجميع خيرا أن جعلتم هذا البوست منبرا إجتماعيا فريدا.و قد كنت قبل أيام مع الأخ حمزة وقد قال لي أن الأسايطة إتصلوا به من جميع أنحاء العالم معزين في وفاة والدته رحمها الله مما كان له الأثر الكبير في نفسه. و هكذا روح أسيوط الطاهرة النقية تنتقل معنا اين ما كنا و أسأل الله العلي القدير أن يبقى التواصل ديدننا. color][/size]

الجيلي عبد الله الريح
12-10-2009, 07:41 PM
لا اله الا الله ولاحول ولا قوة الا بالله .
إنا لله إنا إليه راجعون .
اللهم اغفر لوالده كرجويل ..
واسكنها فسيح جناتك مع الصديقين والشهداء ..
وللاخ صلاح احر التعازي ..

هاشم أبوزيد نقد
12-10-2009, 07:41 PM
بعض الرحيق
لا أدري متى كانت أول مرة قابلته فيها و لا أين، فهو رجل يختصر في قامته الزمان و المكان و يسعك بابتسامته العريضة، و سريرته البيضاء. له وجه واحد من معدن أصيل. كان قامة من تلك القامات السامقات في سماء أسيوط ، كان هرما من إخاء.
لم أعرفه يوما مكشرا ، و لا عابسا ، و لا مكتئبا ، رغم ما لقي من طول سنيه في أسيوط من عناء. قليلون أؤلئك الذين يضحكون لك ، لا عليك ، و هو ذلكم الضاحك البشوش. عاشقا للخير ... محبا للغير...أياديه - كما قلبه - بيضاء... لا ينام و جاره جائع ... و لا يشرب و أنت ظمئان... عشت معه في شقة أم منى الشهيرة بأسيوط رهطا من الزمان...لم يقل لي يوما لماذا فعلت و لماذا لم تفعل ...كان كبيرنا الذي علمنا الحب و الوفاء... يؤثرك على نفسه و لو اشتدت به الخصاصة ...تعلمنا منه أن نكون... في سكون ...
كنا نلجأ إليه إذا ما اشتعلت نار الغربة فيطفيها.... و إذا ما أدار الزمان لنا ظهره فيلقانا بوجه بشوش.رجل لا تحويه مفردات الكلام....و لا تسعه اللغات ...كان جيلا من إباء... و كانت الرموز في عهده كثر ... و لكنه كان رمزا تدور في فلكه الكواكب و النجوم ...و شموس المدارات الإستوائية...
قابلت أمه - رحمها الله - مرة أو مرتين... فعرفت حينها من أين أتى هذا النبت الطيب...و من أين تنبعث العيون...و كيف تسوق الرياح سحبات حبلى ... فتمطر زخات من رجال...
في أسيوط يعرف الناس الجامعة ... المحطة ... النفق الكبير ... النفق الصغير ... ترعة الإبراهيمية ... النيل ... و كرجويل
و غدا أعود ببعض الرحيق.

الجيلي عبد الله الريح
12-10-2009, 07:50 PM
جيلي تحياتي لك وللأسرة

صاحبك مالي البوستات كلها عجاج وكتاحة
(هنا وفي القرى المجاورة)
وهذا يعزى لأحد الأسباب الثلاث التالية والتي لا رابع لها:

1. فكوه مع الجماعة بعد رمضان:(
2. أو سفر المرة السودان:p
3. أو أدوه كرت أحمر:mad:



ده الاحتمال الوارد .. لانو اصلا ماحيكون متذكر المره مشت متين وجات متين ...؟
بعدين ياما أخد عشرات الكروت الحمراء وما سوت شئ ....
ياخي ده نسى لون الكروت ...
تقولي شنو وتقولي منو؟؟؟

شبارقة
12-10-2009, 07:54 PM
تعازينا الصادقة للأخ د. حمزة السراج في وفاة والد زوجته الأخت سهير (صيدلة - أسيوط) الذي انتقل إلى رحاب ربه صباح الخميس الماضي. نسأل الله له المغفرة وأن يسكنه فسيح جناته مع الصديقين و الشهداء و حسن أؤلئك رفيقا. و نسأل الله للأخت سهير و الأخ حمزه الصبر و حسن العزاء. و لا نملك إلا أن نقول للأخ حمزة و الذي فقد أخاه ثم والدته ثم والد زوجته في أيام وجيزة ، لا نملك إلا أن نقول : إنا لله و إنا إليه راجعون. وإذا أحب الله العبد إبتلاه.

صادق مواساتنا وتعازينا للأخ حمزة والأخت سهير في مصابهم الجلل.

اللهم أغفر لهم وأرحمهم وأجعلهم من أصحاب اليمين

إنا لله وإنا إليه راجعون

شبارقة
12-10-2009, 07:58 PM
توفت امس والدة د صلاح كرجويل....

اللهم اغفر لها وأرحمها وأجعلها من أصحاب اليمين

إنا لله وإنا إليه راجعون .

الجيلي عبد الله الريح
12-10-2009, 08:04 PM
اخي هاشم .. كل الود ...
مهما كتبنا وقلنا في الأخ كرجويل فلن نوفيه حقه...
فهو فعلا شجرة وارفه ظليله اصلها ثابت ..
فهو فعلا عشاء البايتات ...
اخو الاخوان في الملمات ..
صاحب الشورة ....
والرأي السديد...
زولا سمح ... وسمح بالحيل ..
ولذلك احببناه ..الله يديه العافية وله الف تحية ...

هاشم أبوزيد نقد
12-10-2009, 08:18 PM
مــــعــاك

muntasir hassan
13-10-2009, 01:48 AM
بعض الرحيق
لا أدري متى كانت أول مرة قابلته فيها و لا أين، فهو رجل يختصر في قامته الزمان و المكان و يسعك بابتسامته العريضة، و سريرته البيضاء. له وجه واحد من معدن أصيل. كان قامة من تلك القامات السامقات في سماء أسيوط ، كان هرما من إخاء.
لم أعرفه يوما مكشرا ، و لا عابسا ، و لا مكتئبا ، رغم ما لقي من طول سنيه في أسيوط من عناء. قليلون أؤلئك الذين يضحكون لك ، لا عليك ، و هو ذلكم الضاحك البشوش. عاشقا للخير ... محبا للغير...أياديه - كما قلبه - بيضاء... لا ينام و جاره جائع ... و لا يشرب و أنت ظمئان... عشت معه في شقة أم منى الشهيرة بأسيوط رهطا من الزمان...لم يقل لي يوما لماذا فعلت و لماذا لم تفعل ...كان كبيرنا الذي علمنا الحب و الوفاء... يؤثرك على نفسه و لو اشتدت به الخصاصة ...تعلمنا منه أن نكون... في سكون ...
كنا نلجأ إليه إذا ما اشتعلت نار الغربة فيطفيها.... و إذا ما أدار الزمان لنا ظهره فيلقانا بوجه بشوش.رجل لا تحويه مفردات الكلام....و لا تسعه اللغات ...كان جيلا من إباء... و كانت الرموز في عهده كثر ... و لكنه كان رمزا تدور في فلكه الكواكب و النجوم ...و شموس المدارات الإستوائية...
قابلت أمه - رحمها الله - مرة أو مرتين... فعرفت حينها من أين أتى هذا النبت الطيب...و من أين تنبعث العيون...و كيف تسوق الرياح سحبات حبلى ... فتمطر زخات من رجال...
في أسيوط يعرف الناس الجامعة ... المحطة ... النفق الكبير ... النفق الصغير ... ترعة الإبراهيمية ... النيل ... و كرجويل
و غدا أعود ببعض الرحيق.
عزيزى هاشم لك التحايا اود ان اشارك معك الاخ كرجويل الاحزان فى وفاة وادة الكل فقد تعرفت عليها عندما كنا نذهب مع الاخ حسن برعى ونقيل مع كرجويل فى السجانه وكانا نناديها بالكرجويليه فقد كانت عظيمه وكريمه وتحب الاخ صلاح فحقا هى عائله عظيمه حتى العم كرجويل رحمه الله كان عظيما لذلك ليس غريبا ان يكون كرجويل بهذه العظمه فقد سكنت مع كرجويل فى شارع كنيسة الامريكان ولى معه زكريات جميله وبالذات عندما كنا نجتمع انا وهو وعامر ابوكدوك وطارق عبدالعال وبيجن وقاسم عبدالحفيظ على تربيزة العشاء والتى كانت تنتهى بضلربنا بذلك العكاز واظنك اخى هاشم تذكر الست والاخ العوض وايهاب وذلك العقد الفريد تعازينا مره ثانيه لكرجويل

Wad Elbeck
13-10-2009, 04:11 AM
تعازينا الحارة للأخ صلاح كرجويل..
نسأل الله العلى القدير لوالدته الرحمة والمغفرة..
وأن يجعل مثواها الجنة..

أسامة الكاشف
13-10-2009, 07:05 AM
شكراً يا هاشم

اتصلت على كرجويل الآن وهو يهدي تحاياه للجميع
وكذلك حمزة عندما اتصلنا به

فلنواظب على تدعيم روابطنا الاجتماعية ما استطعنا

هاشم أبوزيد نقد
13-10-2009, 09:26 AM
نعم د.منتصر ... و أنت الآن تذكرني بالكثير من رموز ذلك الزمن الجميل :
عامر ابوكدوك وطارق عبدالعال وعبدالمجيد وقاسم عبدالحفيظ و العوض(الزوول)
و الكثير ... الكثير ...و عصاة كرجويل و الضرب في البروز العظمي و عندما لا يجد عصاه كان يستخدم مفصلي الوسطى و السبابه و كانت العصاة أرحم ...
و أذكر جيدا يوم أجريت لي عملية جراحة في أذني في مستشفى المبرة و كيف كان الرجال رجال و.....و.......و.......و لنا عوده.

محمد الامين مصطفي
13-10-2009, 10:20 AM
بعض الرحيق
لا أدري متى كانت أول مرة قابلته فيها و لا أين، فهو رجل يختصر في قامته الزمان و المكان و يسعك بابتسامته العريضة، و سريرته البيضاء. له وجه واحد من معدن أصيل. كان قامة من تلك القامات السامقات في سماء أسيوط ، كان هرما من إخاء.
لم أعرفه يوما مكشرا ، و لا عابسا ، و لا مكتئبا ، رغم ما لقي من طول سنيه في أسيوط من عناء. قليلون أؤلئك الذين يضحكون لك ، لا عليك ، و هو ذلكم الضاحك البشوش. عاشقا للخير ... محبا للغير...أياديه - كما قلبه - بيضاء... لا ينام و جاره جائع ... و لا يشرب و أنت ظمئان... عشت معه في شقة أم منى الشهيرة بأسيوط رهطا من الزمان...لم يقل لي يوما لماذا فعلت و لماذا لم تفعل ...كان كبيرنا الذي علمنا الحب و الوفاء... يؤثرك على نفسه و لو اشتدت به الخصاصة ...تعلمنا منه أن نكون... في سكون ...
كنا نلجأ إليه إذا ما اشتعلت نار الغربة فيطفيها.... و إذا ما أدار الزمان لنا ظهره فيلقانا بوجه بشوش.رجل لا تحويه مفردات الكلام....و لا تسعه اللغات ...كان جيلا من إباء... و كانت الرموز في عهده كثر ... و لكنه كان رمزا تدور في فلكه الكواكب و النجوم ...و شموس المدارات الإستوائية...
قابلت أمه - رحمها الله - مرة أو مرتين... فعرفت حينها من أين أتى هذا النبت الطيب...و من أين تنبعث العيون...و كيف تسوق الرياح سحبات حبلى ... فتمطر زخات من رجال...
في أسيوط يعرف الناس الجامعة ... المحطة ... النفق الكبير ... النفق الصغير ... ترعة الإبراهيمية ... النيل ... و كرجويل
و غدا أعود ببعض الرحيق.
تقبل الله والدة اخونا صلاح كرجويل قبولا حسنا واسكنها فسيح جناته مع الصديقين والشهداء 000
اخي هاشم ابو زيد 000 لماذا تخبئ كل هذا الجمال 000 ولماذا تضن علينا بهذه الحروف الطروبة والنابضة والتي تغسل الروح وتهدئ النفوس وتحرك الحنين النائم في دواخل كل منا لاسيوط الحبيبة 000 ولثلة اسيوط المشرقة 00 اخي هاشم كن كاسمك زائدا للحروف المرتوية بالادب والشعر والبهاء 00والسلام 00000

شبارقة
13-10-2009, 10:52 AM
نعم د. مدثر ...

قصدك د. منتصر .. سلامة النظر :D

هاشم أبوزيد نقد
13-10-2009, 11:23 AM
جزاك الله خير يا شبارقة... ختيتها في النظر ... ما في الزهايمر.

هاشم أبوزيد نقد
13-10-2009, 11:40 AM
اخي هاشم .. كل الود ...
مهما كتبنا وقلنا في الأخ كرجويل فلن نوفيه حقه...
فهو فعلا شجرة وارفه ظليله اصلها ثابت ..
فهو فعلا عشاء البايتات ...
اخو الاخوان في الملمات ..
صاحب الشورة ....
والرأي السديد...
زولا سمح ... وسمح بالحيل ..
ولذلك احببناه ..الله يديه العافية وله الف تحية ...

نعم د. الجيلي ، صدقت ، فمن منا يستطيع أن يوفي كرجويل حقه؟
و أذكر يوم أن جاءت سيرة كرجويل في الدار ... فسأل برلوما قائلا : منو كرجويل دا؟ فرد العم مراد(حارس الدار) بإستنكار و تعجب : إنت مابتعرفش البردويلي؟! دا هو اللى أسس السودانيين في أسيوط.
ربنا يديه الصحة و العافية و كم أتمنى أن يطل علينا في بيت أسيوط العامر.

شبارقة
13-10-2009, 11:45 AM
بعض الرحيق
في أسيوط يعرف الناس الجامعة ... المحطة ... النفق الكبير ... النفق الصغير ... ترعة الإبراهيمية ... النيل ... و كرجويل


http://sudaniyat.net/up/uploading/GTGT.jpg
كرجويل في الزمن الجميل

هاشم أبوزيد نقد
13-10-2009, 04:18 PM
تقبل الله والدة اخونا صلاح كرجويل قبولا حسنا واسكنها فسيح جناته مع الصديقين والشهداء 000
اخي هاشم ابو زيد 000 لماذا تخبئ كل هذا الجمال 000 ولماذا تضن علينا بهذه الحروف الطروبة والنابضة والتي تغسل الروح وتهدئ النفوس وتحرك الحنين النائم في دواخل كل منا لاسيوط الحبيبة 000 ولثلة اسيوط المشرقة 00 اخي هاشم كن كاسمك زائدا للحروف المرتوية بالادب والشعر والبهاء 00والسلام 00000

شكرا أخونا محمد الأمين ...و حقيقة أنا لم أكن أعلم بأمر هذا الموقع ... و يوم أن عرفت ولجت من الباب دون إستئذان أو إنتظار... و أحسب أن الغالبية العظمى من الأسايطة لا تعرف أمر هذا الموقع و لو أن كلا منا استصحب واحدا من جيل الأسايطة الى بيت اسيوط الجميل لعمرت الدار ... و هذه دعوة للجميع من أجل لم شمل رجالات الزمن الجميل.

هاشم أبوزيد نقد
13-10-2009, 04:35 PM
حاولت رفع بعض الصور و إتبعت جميع الخطوات المطلوبة و لكن دائما تأتيني عبارة (الملف المراد تحميله أكبر من الحد المسموح به) فهل من سبيل؟ رايك شنو يا( الزوول) قالوا بطلت الصيدلة و بقيت بتاع كمبيوتر.

ابوريم
13-10-2009, 11:39 PM
حمزة
سهير
كرجويل
صادق عزائي ومواساتي لكم.
...
الاسايطة عموم...
تحياتي

Wad Elbeck
14-10-2009, 01:25 AM
حاولت رفع بعض الصور و إتبعت جميع الخطوات المطلوبة و لكن دائما تأتيني عبارة (الملف المراد تحميله أكبر من الحد المسموح به) فهل من سبيل؟ رايك شنو يا( الزوول) قالوا بطلت الصيدلة و بقيت بتاع كمبيوتر.



هاشم..سلامات..
إذا كان جحم الصورة (الملف) كبير فغالباً ما تكون المشكلة من طريقة الscanning. فعندما تعمل scann للصورة وقبل حفظها يجب قص الجزء الأبيض الزائد حول الصورة وذلك عن طريق إستخدام أداة الCorp.
فى الMain Menu بتلقى Image ..أنقر على Image بتلقى Corp أنقر على Corp وبالتالى يمكنك إستخدام الCorp Tool ومن ثم التخلص من الحجم الزائد حول الصورة.
طبعاً إذا كان عندك صور تم حفظها قبل إجراء عملية القص يمكن فتحها وإجراء عملية القص بالطريقة أعلاه ثم حفظ التغييرات فى الصورة.
http://sudaniyat.net/up/uploading/awad4.jpg
لقد حاولت ما أمكن تعديل صورة أخينا العوض وهو ممسكاً بتلابيب كباية الشاى..
طبعاً معاك دى يا أكيد وراها قصة يا هاشم فحقو تحكيها لينا..

عبدالله عبداللطيف
14-10-2009, 10:38 AM
أسايطه .. تعظيم سلام
نعم .. تعجز الكلمات أن توفي حبيب الكل د. صلاح كرجويل حقه
لقد سعدت أيما سعادة بالتحدث اليه يوم أمس .. رغم الظرف فقد كان كرجويل هو كرجويل الزمن الجميل .. تحس براحة نفسيه لمجرد التحدث اليه .
أخونا وحبيبنا د. هاشم ابوزيد .. الذي كان بالنسبة لي مثله مثل د. كرجويل فقد أسعدني الحظ بأن تعرفقت اليهم في وقت واحد حيث ذهبت لأسيوط برسالة من شقيق د. صلاح كرجويل الأكبر حيث كان جارنا في الخرج وقد كنت أعتبر نفسي من المحظوظين فعلا بالتعرف إليهم خاصة وأني كنت في ذلك الزمن ( شهادة عربية قديمة )والحمد لله ااستمرت تلك العلاقة الجميلة خاصة مع د. هاشم بعد العودة للسعودية حيث كان د. هاشم قد وصلها للعمل وقد تعلمت منه الكثير خاصة عند بداية الحياة العملية ولا انسى أفضاله علي أبدا واترك له أن يحكي لكم عن مقابلته لأحد الزملاء عندما بدأت العمل في الشركة السعوديه للنقل الجماعي وماذا قال له عن طبيعة عملي .. أما أنا فسأحكي لكم عن عملية د. هاشم في مستشفى أسيوط ( على ما أذكر كانت في الأذن ) حيث كان د. هاشم قد تعلم لعبة الوست قبلها بيوم واحد وكان الحظ معه في تلك الليلة وكانت الآسات لا تعرف طريقا الا طريقه وكل ما يلعبوا يقول ليهم آآآآآس ( وأظنه غلبهم غلب شديد ) وبعد العملية كانت إفاقة أخونا د. هاشم صعبة ولم يفق من البنج لحد ما جاء أحد الممرضين الصعايده وأفاقه تقريبا بطريقة عنيفة شوية وكان بجواره د. عبدالمجيد الطريفي ( طبعا جاء طالع لأنو كان في ناس مقلقين بره ) فقال ليهم خلاص فاق .. وقال آآآآآآس.
تحياتي .

muntasir hassan
14-10-2009, 07:26 PM
شكراً يا هاشم

اتصلت على كرجويل الآن وهو يهدي تحاياه للجميع
وكذلك حمزة عندما اتصلنا به

فلنواظب على تدعيم روابطنا الاجتماعية ما استطعنا

ود الكاشف ياخوى العمه دى دارجه كده اعصار ماافكه و ياخوى حاترسل الصوره من غير على قول العوض متين اوعه تقول لى بتنوم بيها اصلوا شكلك كده لبسه زى البامبرز خوفى تعمل ليك حمو نيل تحت باقى الصوفات البتتوسدن طبعا يابستم فوقت هاشم ابوزيد من البنج ورشه الوست كانت حدث لكن حانستر اخونا هاشم احن اطير طيرة العوض ومكى ومعاهم بتاع ايرلندا عارف اسمه اكيد بضحك ضحكته الخبيثه واعمل نائم ياسامه بالله خلينا من صورك المصوره من لجو دى وشوف لينا واحده ارضى

الجيلي عبد الله الريح
14-10-2009, 11:23 PM
http://www.l44l.com/upfiles11/EQl54819.jpg

لحظة تكريم الكرجويل في الملعب الذي أحبه ....
لم يتمالك العوض وعلي مقبل نفسيهما ...
ورفعا كرجويل على الاكتاف ....
رغم تحذير رجل الخط بالراية الحمراء....؟

الجيلي عبد الله الريح
14-10-2009, 11:30 PM
http://www.l44l.com/upfiles11/cGs55476.jpg

أي كأس ياترى كرمناك به ...؟
الاخلاق ... الصبر ...الكفاح ... الأخوة ....
الرياضة ....الكرم ...الحكمة ....

الجيلي عبد الله الريح
14-10-2009, 11:43 PM
http://www.l44l.com/upfiles11/60l56543.jpg


الاخ ابو داؤد الاوبامي ...
نرجع بيك للزمن الجميل ...نادي الجيش والنيل ... النيل ...
عشان ودالكاشف يآآآمن ويتشجع ويشيل ليك الطاقية ...
بعدين ماتخاف ..مهران وراح زمان ....
عله مهران بتاعنا لسه قاعد وبيتنصت ...

Wad Elbeck
16-10-2009, 06:20 AM
http://www.l44l.com/upfiles11/cGs55476.jpg

أي كأس ياترى كرمناك به ...؟
الاخلاق ... الصبر ...الكفاح ... الأخوة ....
الرياضة ....الكرم ...الحكمة ....



يا سلام يا الجيلى..
أول مرة أشاهد فى هذا البوست صورة تضُم الأخ المغفور له بإذن الله ودالمجذوب...اللهم أرحم جميع موتانا وموتى المسلمين.
-- ----------------------------
بالمناسبة يا الجيلى وين الأخوان هارون وسليمان وأخبارهم شنو؟
آخر عهدى بهم أيام أسيوط!!

الزوول
16-10-2009, 07:19 AM
السلام عليكم
...
حيث أن المقام مقام تكريم للزعيم كرجويل
فلا بأس من المساهمة بمشاركة كتبت في ذات المقام في البوست الأول في منبر سودانيز أون لاين بتأريخ :27/4/2007
........

السلام عليكم
صلاح محمد عبدالرحيم كرجويل
الزعيم
لم أجد صفة تناسبه
بالرغم من صفاته الكثيرة المتنوعة
الا هذه الكلمة
رجل تحبه وتحترمه حينما تراه وتتعامل معه
أو دعنا نقول لا يسعك الا محبته واحنرامه
كانت (للسناير) هيبة يكتسبونها بحكم الأقدمية
ويكتسبون معها بعض ميزات
فهم يُزارون لا يَزورون
يُشاورون في كل ما يتعلق بمجتمع الطلاب
ويُقدمون حينما يستدعي الأمر متكلم بإسم الجماعة..
لم أشهد حضور الكرجويل لأسيوط
ولكني لا اعتقد انه تبرلم
بل جاءها (سنيراً)
الرجل ذو العلاقات الجيدة بمختلف التنظيمات السياسية
الرياضي الموهوب
حكم كرة القدم المحترف
........
تأخر تحويلي ذات مرة وأفلست ( فلسة يغني عليها الخليل)
ويبدو أن خبر تلك ( الفلسة ) قد انتشر وعم أسيوط
وإذا بي افاجأ يوماً بالكرجويل (زائراَ)
وأفاجأ هذه لأن الكرجويل وكما أسلفت (يُزار ولا يزور)
وبدون الدخول في مقدمات أمرني أن آتي بورقة وقلم
وأكتب
أنا ( الزوول) استلمت من صلاح عبدالرحيم مبلغ وقدره .... على أن أرده كاملاً حينما يتيسر لي ذلك
ثم انصرف وقد ترك في معيتي مبلغاً محترماً من المال
والكثير من الإحترام
وأطلق أعضاء الشقة على هذا الدين فيما بعد ( الدين الإجباري)
هل يمكنك الا وأن تحترم مثل هذه الشخصية؟

التحية للعميد شرطة طبيب صلاح محمد عبدالرحيم كرجويل
مستشفى الشرطة
وهنيئاً لك يا بيان قريب مثله
........................
وما الناس إلا هالك وأبن هالك *** وذو نسب في الهالكين عريق



.......
وهذا هو رابط البوست بأكمله

http://sudaneseonline.com/cgi-bin/sdb/2bb.cgi?seq=msg&board=120&msg=1190317785&rn=1

.

الزوول
16-10-2009, 08:09 AM
السلام عليكم
...
وحيث أن تكريم أخونا كرجويل لا يزال متصلاً
فلا بأس أيضاً من الإتيان بجزء من اللقاء الذي نشرته بالبوست القديم
واللي عايز خرررررراية تانية ....يذهب للرابط ده بأه
........
http://www.sudaneseonline.com/cgi-bin/sdb/2bb.cgi?seq=msg&board=120&msg=1190317785&rn=646

....
...
السلام عليكم
وأنا أتصفح بعض كنوزي القديمة
عثرت على نسخة من جريدة حائطية كانت الجمعية الطبية الصيدلية تصدرها
لها عبق خاص يرجع بك لحياة اسيوط في تلك الفترة وكأنك تعيشها
اخترت لكم منها هذا اللقاء الصحفي الذي أجراه الأخ الجيلي عبدالله الريح مع صلاح الدين كرجويل بمناسبة تخرجه.
وسأقسم المقابلة لعده أجزاء لطولها
وعلى سبيل الرفع الإيجابي للبوست
والى أضابير اللقاء بعد أن نستصحب ذاكرتنا الى اسيوط عام 1986 مكان اللقاء وزمنه
.....................
إنه ذلك الذي يعرفه الجميع ... الرجل الذي أصبح رمزاً لا تُذكر أسيوط إلا ويجيء ذكره ...
عرفته أسيوط رجلها الرياضي الأول ونموذجها المثالي للطالب السوداني
عرفته أسيوط ولم تعرف عنه أشياء وأشياء نرجو أن نلقي عليها بعض الضوء في لقائنا هذا
إنه الكرجويل وكفى

الاسم بالكامل
صلاح محمد عبدالرحيم كرجويل
الكلية
كلية الطب البشري جامعة أسيوط (سابقاً) ، بكالوريوس طب وجراحة سبتمبر 1986
المولد والمنشأ والسكن
السجانة – المايقوما (جنوب السجانة) – السجانة الجديدة (جنوب غرب السجانة) حالياً
أكلة مفضلة
(كلوا من طيبات ما رزقناكم) ( ما عندي قشايةً مرة) لكن البدنجان حلوين .. كذلك مصادر البروتين المختلفة
فنان مفضل
من ناس زمان (جيمس مندريكس) ملك الصولو في وقته ومحمد عبدالوهاب ، والحين ..كله عند العرب صابون مع الاعتذار !
ممثل عربي ، عالمي مفضل
عربي في زمننا : عبدالفتاح القصري
عربي في زمنكم : يحي الفخراني
أجنبي في زمننا: سبنسر ترايس
أجنبي في زمنكم : داستن هوفمان
لاعب عربي ، عالمي مفضل
عربي في زمننا : بشارة عبدالنضيف
عربي في زمنكم : ابراهيم يوسف ( بقالي عشر سنوات هنا)
أجنبي في زمننا: توستاو (البرازيل كاس العالم 1970)
أجنبي في زمنكم : أظنو مارادونا ( لكن تيجانا بيكيفني)
فريق عربي عالمي مفضل
عربي في زمننا : السودان (الدورة الأفريقية 1969-1970)
عربي في زمنكم : المغرب
أجنبي : البرازيل (رغم تدني مستواه عن السابق لكن النكهة لا تزال والفن مستمر على استحياء وشحوب)
قصتك مع التحكيم
في العام 1973-1974 ( ولي في العائلة أخوان اثنان كانا يمارسان هذه الهواية ، الأكبر تركها والأصغر منه لا يزال رغم انه مغترب في السعودية ولكنه يواصل هناك )
تقدمت للامتحان في ذلك العام وكنت في مصلحة المساحة وحضرت كورس تحكيم قام بالتدريس فيه الأستاذ عبيد إبراهيم – الحكم الدولي ، ونجحت في ذلك الامتحان وبعد ذلك كنت في مصر حيث لم امارس هذه الهواية مع جماهير السودان بتوسع.
وكنت أود أن أقدم لاتحاد الكرة المصري لأواصل هنا لكن لم أتمكن من ذلك لندرة المنشئات في أسيوط
موقف لا تنساه وانت حكم
وأنا أدير إحدى مباريات الأتحاد هنا سمعت هتافاً من أحد المشجعين يقول لي بأعلى صةته ( يا حكم يا مُوَجَّه ) ولا أدري ماذا يعني .. على الرغم من الكثير الذي يسمعه الحكام
أحسن مباراة حكمتها في أسيوط
اعتقد الكثير .. ولكن الواحد يتذكر الوحش .. ولكني اعتقد مباراة بين منتخب اسيوط ومنتخب المنيا في كأس الاتحاد العام حيث التحدي بين كوني من أسيوط وفريقي الذي كنت اتابع تدريباته طرف في المباراة .. عموماً كل مباراة بالنسبة للحكم اختبار جديد متكرر ومستمر
أسوء مباراة حكمتها في أسيوط
في أسيوط في زماننا بين أسرة الأنقسنا وفريق آخر لا أذكره لطول المدة .. والسبب ( كنت مساهراً تلك الليلة وبالطبع كانت المباراة صباح الجمعة ) والحادثة عندما ارتكب لاعب مدافع من أسرة الأنقسنا خطأ يعاقب عليه بضربة جزاء داخل منطقة الجزاء ، وفي اللحظة التي أطلقت الصفارة محتسباً ضربة الجزاء كانت الكرة قد دخلت المرمى ، وحينئذ وبحركة من يدي مع صافرة جديدة احتسبت الهدف بين ذهول لاعبي الأنقسنا ومن كن حاضراً ، وحدثت مشادة وهرج ومرج ( ولكن يقولون قرار الحكم نهائي9 وخرج بعض من لاعبي الأنقسنا من قدامى الأصدقاء وهم (يحمّرون) لي.
أحسن لاعب في اسيوط خلقاً في رأيك
عمار عباس (الريس) خلقاً ولعباً
أحسن لاعب في اسيوط لعباً في رأيك
في زماننا دفاعاً عادل يس والتوم ، وسطاً طارق حماد ، هجوماً عثمان طه
في زمنكم .. وسط دفاع عبويش أو شلباس ( شاويش وعباس)
...........................
نواصل اللقاء إن شاء الله
...........
وما الناس إلا هالك وأبن هالك *** وذو نسب في الهالكين عريق


.

Wad Elbeck
16-10-2009, 09:06 AM
الزوول..سلامات..
متابعين معاك اللقاء الممتع مع الرجل القامة كرجويل..
واصل كفاحك..

muntasir hassan
16-10-2009, 04:39 PM
السلام عليكم
...
حيث أن المقام مقام تكريم للزعيم كرجويل
فلا بأس من المساهمة بمشاركة كتبت في ذات المقام في البوست الأول في منبر سودانيز أون لاين بتأريخ :27/4/2007
........

السلام عليكم
صلاح محمد عبدالرحيم كرجويل
الزعيم
لم أجد صفة تناسبه
بالرغم من صفاته الكثيرة المتنوعة
الا هذه الكلمة
رجل تحبه وتحترمه حينما تراه وتتعامل معه
أو دعنا نقول لا يسعك الا محبته واحنرامه
كانت (للسناير) هيبة يكتسبونها بحكم الأقدمية
ويكتسبون معها بعض ميزات
فهم يُزارون لا يَزورون
يُشاورون في كل ما يتعلق بمجتمع الطلاب
ويُقدمون حينما يستدعي الأمر متكلم بإسم الجماعة..
لم أشهد حضور الكرجويل لأسيوط
ولكني لا اعتقد انه تبرلم
بل جاءها (سنيراً)
الرجل ذو العلاقات الجيدة بمختلف التنظيمات السياسية
الرياضي الموهوب
حكم كرة القدم المحترف
........
تأخر تحويلي ذات مرة وأفلست ( فلسة يغني عليها الخليل)
ويبدو أن خبر تلك ( الفلسة ) قد انتشر وعم أسيوط
وإذا بي افاجأ يوماً بالكرجويل (زائراَ)
وأفاجأ هذه لأن الكرجويل وكما أسلفت (يُزار ولا يزور)
وبدون الدخول في مقدمات أمرني أن آتي بورقة وقلم
وأكتب
أنا ( الزوول) استلمت من صلاح عبدالرحيم مبلغ وقدره .... على أن أرده كاملاً حينما يتيسر لي ذلك
ثم انصرف وقد ترك في معيتي مبلغاً محترماً من المال
والكثير من الإحترام
وأطلق أعضاء الشقة على هذا الدين فيما بعد ( الدين الإجباري)
هل يمكنك الا وأن تحترم مثل هذه الشخصية؟

التحية للعميد شرطة طبيب صلاح محمد عبدالرحيم كرجويل
مستشفى الشرطة
وهنيئاً لك يا بيان قريب مثله
........................
وما الناس إلا هالك وأبن هالك *** وذو نسب في الهالكين عريق



.......
وهذا هو رابط البوست بأكمله

http://sudaneseonline.com/cgi-bin/sdb/2bb.cgi?seq=msg&board=120&msg=1190317785&rn=1

.



ازيك يالزووول وين اخبارك مقطوعه اود ان احكى شى عن حكمة جيل العمالقه عندما الت اسرة سنار صيدله وتوتى طب للانقراض بحكم الخرجين اقل من الداخلين واتفقنا نكون الجمعيه الطبيه الصيدليه وكنا نعقد الاجتماعت فى شقة ام من حيت كان يسكن كرجويل وجعفر الفكى المهم بعد ان اتفقنا على الاندماج ظهرت مشكلة من سيكون الرئيس وكادت الشغلانه تتفرتق ولكن حكمة الاخوان كرجويل وجعفر حلت المشكله وتمت ولادة الجمعيه التى متعت الناس بطارق حماد وعيسى وكيكى والجيلى والعقد الفريد وامكن الصوره بتاعت الجيلى تشهد على ذلك ومن مافارقناهم الدخلت فى شعرنا مامرقت بعدين يالجيلى ماتكثر لى من الصور دى احسن اولادى اطلبوا حق اللجو السياسى قلت للمدام تعالى شوفى المعلم قبل ماازوجك شعر كان زى الفكوسه عامل نفسى ابوعرام عاينتى لى بقعر عينه قالت لى من ماشفتك بصلعه بقينا ملطشه ياجدعان

أسامة الكاشف
17-10-2009, 08:39 AM
والله أنا ما عارف صورتي "الوجيهة" دي حتعمل قلاقل قدر ده
يالجيلي منتصر ده عندو حقد طبقي مزمن "شعرو اتحت من لحظة التخرج"
لكن انت مالك
يعني نحن أولاد بلد واحد (معانا ود البك)

حاشية: رحم الله ود المجذوب وعادل يس فلقد كانا قدوة لنا
في حميد الأخلاق وطيب المعشر

هاشم أبوزيد نقد
17-10-2009, 09:07 AM
معاك
كان الناس في اسيوط يعشقون شرب الشاي (خصوصا السادة لأنو أرخص من أبو لبن) و كنا في شقة أم منى الشهيرة في شارع الجمهورية : د. كرجويل ، د. جعفر الفكي ، د. نبيل يوسف - ثم من بعده - منير ، وشخصي الضعيف وكان كلما دخل أحدنا المطبخ لعمل (كباية شاي) تنطلق الأصوات من جميع الغرف : معاك ... معاك ... معاك ... معاك. يعني أعمل لينا معاك شاي. و استهوت الحكاية صاحبنا د. العوض ، و الذي كان يسكن في شقة أخرى. و كان العوض عاشقا للشاي متيما به - فما كان منه إلا أن وضع صورته في المطبخ أمام البوتوجاز و كتب عليها : .........(معاك).........
الصورة في نادي ضباط الجيش في مارس 1989

الزوول
17-10-2009, 10:36 AM
معاك
كان الناس في اسيوط يعشقون شرب الشاي (خصوصا السادة لأنو أرخص من أبو لبن) و كنا في شقة أم منى الشهيرة في شارع الجمهورية : د. كرجويل ، د. جعفر الفكي ، د. نبيل يوسف - ثم من بعده - منير ، وشخصي الضعيف وكان كلما دخل أحدنا المطبخ لعمل (كباية شاي) تنطلق الأصوات من جميع الغرف : معاك ... معاك ... معاك ... معاك. يعني أعمل لينا معاك شاي. و استهوت الحكاية صاحبنا د. العوض ، و الذي كان يسكن في شقة أخرى. و كان العوض عاشقا للشاي متيما به - فما كان منه إلا أن وضع صورته في المطبخ أمام البوتوجاز و كتب عليها : .........(معاك).........
الصورة في نادي ضباط الجيش في مارس 1989

السلام عليكم
...
سلام يا د.هاشم
الرواية الوصلتني عن حكاية معاك
أن أخونا العوض وقع اختياره-حينما تم تأجيرهم للشقة- على غرفة لم يستطع بقية الشلة فهم سبب تمسكه الشديد بها بالرغم من افتقادها (حسب المميزات الغرفية – لأى عوامل جاذبة تبرر ذلك الإصرار
ليكتشفوا فيما بعد أن سر اختياره لها كان قربها الشديد للمطبخ وإمكانياتها اللامتناهية في الإيقاع بكل من تسول له نفسه إعداد كوباً من الشاي لوحده..
عانت الشلة معاناة شديدة من سماع تلك الصرخة الداوية للعوض بصوته الضخم ...معــــــــــــــاك ...
قادتهم معاناتهم تلك للبراعة الفائقة في مناورات التخفي والمشي على أطراف الأصابع
وبعد أن نجح بعضهم في صنع الشاي لنفسه فقط ، والإفلات من سماع تلك الصرخة المخيفة ... وظنوا أنهم قادرون عليها ....
فوجئت الشقة يوما بصورة معلقة أمام مكان إعداد الشاي ومكتوب عليها ...معاك..

هاشم أبوزيد نقد
17-10-2009, 10:51 AM
هاشم..سلامات..
إذا كان جحم الصورة (الملف) كبير فغالباً ما تكون المشكلة من طريقة الscanning. فعندما تعمل scann للصورة وقبل حفظها يجب قص الجزء الأبيض الزائد حول الصورة وذلك عن طريق إستخدام أداة الCorp.
فى الMain Menu بتلقى Image ..أنقر على Image بتلقى Corp أنقر على Corp وبالتالى يمكنك إستخدام الCorp Tool ومن ثم التخلص من الحجم الزائد حول الصورة.
طبعاً إذا كان عندك صور تم حفظها قبل إجراء عملية القص يمكن فتحها وإجراء عملية القص بالطريقة أعلاه ثم حفظ التغييرات فى الصورة.
http://sudaniyat.net/up/uploading/awad4.jpg
لقد حاولت ما أمكن تعديل صورة أخينا العوض وهو ممسكاً بتلابيب كباية الشاى..
طبعاً معاك دى يا أكيد وراها قصة يا هاشم فحقو تحكيها لينا..

شكرا ود البيك على الإستشارة الفنية... وإليكم قصة (معاك)

صلاح الدين هجو النحاس
18-10-2009, 12:30 PM
الحمد لله على السلامه يازاهر
بالامس لقد وجدت اخونا زاهر بشارع الحوادث الخرطوم
كمان عارف كل البدور فى البوست لكنه ظل فى حالت بيات شتوى
اه كسلا جيت منها ورينا صندوقك وجدته فيه ايه فى الانتظار

Wad Elbeck
18-10-2009, 08:03 PM
الحمد لله على السلامه يازاهر
بالامس لقد وجدت اخونا زاهر بشارع الحوادث الخرطوم
كمان عارف كل البدور فى البوست لكنه ظل فى حالت بيات شتوى
اه كسلا جيت منها ورينا صندوقك وجدته فيه ايه فى الانتظار

صلاح..سلامات..
دخلت البوست وفى نيتى الكتابة سائلاً عن الأخ زاهر الطيب والذى أفتقدناه فى الآونة الأخيرة...فوجدت مداخلتك وأنت تحدثنا عنه..فيبدؤ كما يقال أن القلوب شواهد..
نتمنى أن نرى أخينا زاهر وكل الغائبين قريباً فى الميدان الأخضر..

خالد الحاج
18-10-2009, 09:17 PM
رسالة علي بريد سودانيات :
أهلى الأسايطة كل الود والتقدير...لظروف الزحمة الحياتية الفايته الحد إنقطعت عن البوست ورجعت ليهو بعشم مشاركتى بإيجاد وظيفة عن طريقكم(كوسة يعنى) خاصة وإنو ذى ماشايفة وعينى باردة جلاكينا بقو كبارات البلد..بحمد اللة نلت درجة الدكتوراة فى العلوم الزراعية قسم إنتاج محاصيل...فمن يأنس فى نقسة (الكوسة) فى أى جامعة هنا فى الخرطوم شهاداتى جاهزة ...محمول0910170929 بالمناسبة زوج أختنا وزميلتنا عفاف النور(زراعة88) إتوفى قبل أكتر من شهر ودة رقم تلفونها09122569904وربنا يتقبلوا قبولا حسنا إن شاء اللة
rabab mahamoud

muntasir hassan
19-10-2009, 12:05 AM
والله أنا ما عارف صورتي "الوجيهة" دي حتعمل قلاقل قدر ده
يالجيلي منتصر ده عندو حقد طبقي مزمن "شعرو اتحت من لحظة التخرج"
لكن انت مالك
يعني نحن أولاد بلد واحد (معانا ود البك)

حاشية: رحم الله ود المجذوب وعادل يس فلقد كانا قدوة لنا
في حميد الأخلاق وطيب المعشر

عاوز تعمل حريف وتحيد ود البك ود مدنى اقصد ود الريح شوف غيره ود البك بقى من عندنا بالمناسبه يااسمه جاياك صوره موت احمر عديل جيل البطولات مع جيل التضحيات فى نيوجرسى احر التعازى للاخت عفاف النور وجميع من فقد عزيز عليهم يالزول ممكن تحكى للناس العوض كان بفتح الدش ليه لمن اكون بسوط فى كباية الشاى

Wad Elbeck
19-10-2009, 12:14 AM
نسأل الله العلى القدير أن يتغمّد زوج أختنا عفاف بواسع رحمته ومغفرته وأن يجعل مثواه الجنة..

لتنشيط الذاكرة الصورة أُخذت فى بداية العام 1987 وهى تضم الأخت عفاف النور وآخرين..
http://sudaniyat.net/up/uploading/alwadi.jpg

د.عصام الدين عليش
19-10-2009, 12:16 AM
الاجبة الاعزاء الاسايطة
السلام عليكم ورحمة الله وبركاته
أولا نعزي الاخوان صلاح كارجويل ميسرة في وفاة والدتيهما وطالما المقام هو تكريم الاخ كارجويل الاخ صلاح من أبناء دفعتي في الثاوي العام في مدرسة الراعي الصالح في المايقوما وشاءت الظروف ايضا ان اكون من أبناء دفعته في اسيوط منذ عام 1977 م والصورة المرفقة لشخصي الضعبف والاخ كارجويل والاخ قاسم برنابا ونحن نتأهب لأمتحان الفيزيا في اعدادي طب في 1977 والصور التقطها مصور الكافتبريا لو بتتذكروا فتحي صاحب الكلمة المشهورة عنندما يريد ان يصورك يقول ليك لو سمحت الابتسامة الحلوة
لك الف تحية والى لقاء

http://www.l44l.com/up1/uploads1/images/l44l5194351632.jpg (http://www.l44l.com/up1/uploads1/images/l44l5194351632.jpg)

muntasir hassan
19-10-2009, 12:59 AM
الاجبة الاعزاء الاسايطة
السلام عليكم ورحمة الله وبركاته
أولا نعزي الاخوان صلاح كارجويل ميسرة في وفاة والدتيهما وطالما المقام هو تكريم الاخ كارجويل الاخ صلاح من أبناء دفعتي في الثاوي العام في مدرسة الراعي الصالح في المايقوما وشاءت الظروف ايضا ان اكون من أبناء دفعته في اسيوط منذ عام 1977 م والصورة المرفقة لشخصي الضعبف والاخ كارجويل والاخ قاسم برنابا ونحن نتأهب لأمتحان الفيزيا في اعدادي طب في 1977 والصور التقطها مصور الكافتبريا لو بتتذكروا فتحي صاحب الكلمة المشهورة عنندما يريد ان يصورك يقول ليك لو سمحت الابتسامة الحلوة
لك الف تحية والى لقاء

http://www.l44l.com/up1/uploads1/images/l44l5194351632.jpg (http://www.l44l.com/up1/uploads1/images/l44l5194351632.jpg)
يا د عليش كيف اخبرك يبدوا ان البورد حايسخن بوجودك ووجود هاشم ابوزيد وياريت شوية ربع من العصر الجرى بالمناسبه سعدت امبار وانا اشاهد برنامج صحتك وكان الضيف الاخ العزيز مامون سيداحمد اخصائى الباطنيه وامراض الكلى فى لندن وامكن ناس كثيره مابتعرف مامون ان بدا فى اسيوط قبل ان يحول لجامعة الخرطوم وقد كان انسا دن زو خلق

muntasir hassan
19-10-2009, 01:04 AM
يا د عليش كيف اخبرك يبدوا ان البورد حايسخن بوجودك ووجود هاشم ابوزيد وياريت شوية ربع من العصر الجرى بالمناسبه سعدت امبار وانا اشاهد برنامج صحتك وكان الضيف الاخ العزيز مامون سيداحمد اخصائى الباطنيه وامراض الكلى فى لندن وامكن ناس كثيره مابتعرف مامون ان بدا فى اسيوط قبل ان يحول لجامعة الخرطوم وقد كان انسا دن زو خلق

http://i35.tinypic.com/hwmgsk.jpg

Wad Elbeck
19-10-2009, 01:16 AM
أهلى الأسايطة كل الود والتقدير...لظروف الزحمة الحياتية الفايته الحد إنقطعت عن البوست ورجعت ليهو بعشم مشاركتى بإيجاد وظيفة عن طريقكم(كوسة يعنى) خاصة وإنو ذى ماشايفة وعينى باردة جلاكينا بقو كبارات البلد..بحمد اللة نلت درجة الدكتوراة فى العلوم الزراعية قسم إنتاج محاصيل...فمن يأنس فى نقسة (الكوسة) فى أى جامعة هنا فى الخرطوم شهاداتى جاهزة ...محمول0910170929 بالمناسبة زوج أختنا وزميلتنا عفاف النور(زراعة88) إتوفى قبل أكتر من شهر ودة رقم تلفونها09122569904وربنا يتقبلوا قبولا حسنا إن شاء اللة
rabab mahamoud

جزيل الشكر للأخ خالد الحاج على تحويل رسالة أختنا رباب..
كذلك كل التهانى للأخت رباب محمود على هذا الإنجاز العلمى الرفيع..ولو لا سخرية الأقدار مثلك يا رباب ما المفروض يحتاج لأى كوسة..على كلٍ نرجوا من كل الأسايطة "الواصلين" خصوصاً ناس الداخل أن يشدّوا حيلهم معاك..
مع الأمنيات بالتوفيق..

Wad Elbeck
19-10-2009, 01:20 AM
http://i35.tinypic.com/hwmgsk.jpg

والله يا منتصر ومجدى عبيد كبااااار والبلد ضيقة..:D

د.عصام الدين عليش
19-10-2009, 04:52 AM
يا د عليش كيف اخبرك يبدوا ان البورد حايسخن بوجودك ووجود هاشم ابوزيد وياريت شوية ربع من العصر الجرى بالمناسبه سعدت امبار وانا اشاهد برنامج صحتك وكان الضيف الاخ العزيز مامون سيداحمد اخصائى الباطنيه وامراض الكلى فى لندن وامكن ناس كثيره مابتعرف مامون ان بدا فى اسيوط قبل ان يحول لجامعة الخرطوم وقد كان انسا دن زو خلق



الاخ العزيز منتصر
السلام عليكم ورحمة الله وبركاته
أولا ارحب بهذه الاطلالة الجميلة وفعلا البوست يسخن بأبناء العصر الحجري د/ مأمون سيد احمد ودي معلومة نهديها للاخوة الاسايطة في البوست من أبناء اسيوط اللذين بدأوا فيها ثم انتقلوا الي الاسكندرية ثم اكملوا في جامعة الخرطوم وهومن ابناء ام درمان حي العرضة أتمنى ان يكون متابع للبوست
لك الف تحية والى لقاء

هاشم أبوزيد نقد
19-10-2009, 08:58 AM
جزيل الشكر للأخ خالد الحاج على تحويل رسالة أختنا رباب..
كذلك كل التهانى للأخت رباب محمود على هذا الإنجاز العلمى الرفيع..ولو لا سخرية الأقدار مثلك يا رباب ما المفروض يحتاج لأى كوسة..على كلٍ نرجوا من كل الأسايطة "الواصلين" خصوصاً ناس الداخل أن يشدّوا حيلهم معاك..
مع الأمنيات بالتوفيق..
http://sudaniyat.net/up/uploading/rabab1.jpg
رباب محمود

الأخ ود البيك...
...الصورة المنشورة ليست صورة الأخت رباب محمود الفيل...

rabab mahamoud
19-10-2009, 02:01 PM
جزيل الشكر للأخ خالد الحاج على تحويل رسالة أختنا رباب..
كذلك كل التهانى للأخت رباب محمود على هذا الإنجاز العلمى الرفيع..ولو لا سخرية الأقدار مثلك يا رباب ما المفروض يحتاج لأى كوسة..على كلٍ نرجوا من كل الأسايطة "الواصلين" خصوصاً ناس الداخل أن يشدّوا حيلهم معاك..
مع الأمنيات بالتوفيق..
http://sudaniyat.net/up/uploading/rabab1.jpg
رباب محمود
شكرا أخى ودالبك..مع إنى ما( رباب محمد)اللى كانت قبلنا على ماأعتقد بدفعة وكتر خيرو د. هاشم صحح المعلومة مرفق صورة حديثة رجعوها عشرين سنة حتتذكرونى

http://up.arab-x.com/Oct09/b4d53641.jpg

أسامة الكاشف
19-10-2009, 02:29 PM
غايتو يا ود البك أنا حأقول خمسة وأخلي خمسة لي ناس منتصر وشبارقة وكيشو:

مهدي الأسد، إقبال (بيلو) ، عفاف، أمين ، جميلة

حاشية (1): ألف مرحب يا رباب نورتي الدار
وفكيتي فرمالة حليمة الله يرجعها بالعافية

حاشية (2): يا أخوانا فنان البراري الكندية ده دحين ما عصرتو عليه شديد
لمن طفشتو ، بالله ده من المؤسسين خليكم حنينين عليهو
وعقبال ما نشوفو صادح في أعراس أحفادكم
قول آمين يا زاهر الطيب

rabab mahamoud
19-10-2009, 03:53 PM
غايتو يا ود البك أنا حأقول خمسة وأخلي خمسة لي ناس منتصر وشبارقة وكيشو:

مهدي الأسد، إقبال (بيلو) ، عفاف، أمين ، جميلة

حاشية (1): ألف مرحب يا رباب نورتي الدار
وفكيتي فرمالة حليمة الله يرجعها بالعافية

حاشية (2): يا أخوانا فنان البراري الكندية ده دحين ما عصرتو عليه شديد
لمن طفشتو ، بالله ده من المؤسسين خليكم حنينين عليهو
وعقبال ما نشوفو صادح في أعراس أحفادكم
قول آمين يا زاهر الطيبالدار منورة بيكم..وأنا أزيدكم
2ويبقوا 7ولا نسيتوا (السبعة )الزمان....ندى القوصى وإلهام بابكر

الزوول
19-10-2009, 09:24 PM
السلام عليكم
...
مرحب أختنا رباب
......

http://sudaniyat.net/up/uploading/Rabab2.JPG
.....

للعلم يا اسامة الكاشف (ومن لف لفه)
د. رباب هي الواقفة على اليمين
عشان تعرفوا انكم الوحيدين الذين أكل الدهر عليهم وشرب
:):):)



.....

Wad Elbeck
20-10-2009, 12:19 AM
الأخ ود البيك...
...الصورة المنشورة ليست صورة الأخت رباب محمود الفيل...

الأخت رباب..وعموم الأسايطة..
أرجو المعذرة لهذا التداخل غيرالمتعمد فى الأسماء..
فقدأختلط على شخصك وأختنا رباب خريجة زراعة للعام 1985 وهى صاحبة الصورة المرفقة مع المداخلة...
لك كل العتبى

الزوول
20-10-2009, 04:29 AM
مرفق صورة حديثة رجعوها عشرين سنة حتتذكرونى


...


السلام عليكم
...
وإن شئت ، فيمكنك إضافة 20 سنة لهذه الصورة
....
http://sudaniyat.net/up/uploading/Rabab4.JPG
....
وقطعا ًلم ولن تنسوها
..

أسامة الكاشف
20-10-2009, 01:55 PM
والله يا منتصر الواد الزووول ده الظاهر عليه بيذاكر من ورانا
يعني الزهايمر ما ضربوا لسه:mad::mad:
شوف ده الوقت الكلو قرداً فيه بطلع شجرتو
أنا والزوول وود البك والجيلي (يعني ناس مدني+واحد شايقي):p
حنقعد نبرطع في البوست ده ذي ما دايرين
والناس الملاوزة تخش ذي الظل وتطلع(كيشو.. شبارقة.. منتصر إلخ):mad::mad:
بالله يالعوض اتضرع:Dgoood
وجيب صورك بتاعة بيت الكلاوي
والحشاش يملا شبكتو;)

والعايز يشارك معانا يقول اسامي التلاتة الباقيين أو ليصمت

محمد الامين مصطفي
20-10-2009, 03:27 PM
مبروك الدكتوراة الاخت الكريمة دكتورة رباب الفيل 00 وربنا يوفقك 00 وهو شرف لكل اسيوطي واسيوطية 00 وعقبال الاستاذية 00
اخي اسامة كاشف 00 محتاجين ترويج لهذا البوست المعتق بكم 00 وهذا واجب كل اسيوطي 00 دمتم سالمين 00

هاشم أبوزيد نقد
20-10-2009, 04:33 PM
والله يا منتصر الواد الزووول ده الظاهر عليه بيذاكر من ورانا
يعني الزهايمر ما ضربوا لسه:mad::mad:
شوف ده الوقت الكلو قرداً فيه بطلع شجرتو
أنا والزوول وود البك والجيلي (يعني ناس مدني+واحد شايقي):p
حنقعد نبرطع في البوست ده ذي ما دايرين
والناس الملاوزة تخش ذي الظل وتطلع(كيشو.. شبارقة.. منتصر إلخ):mad::mad:
بالله يالعوض اتضرع:Dgoood
وجيب صورك بتاعة بيت الكلاوي
والحشاش يملا شبكتو;)

والعايز يشارك معانا يقول اسامي التلاتة الباقيين أو ليصمت

و الله يا أسامة الزووول ده الزهايمر ضاربو من أيام الجامعة بس أحيانا بتجيهو لحظات تجلي.
يا خي دا في يوم من ذات الأيام صحى من النوم الساعة واحدة صباحا ، لبس هدومو و شال كتبوا و شال البالطو و ركب عجلتو و مشى الجامعة. أنا ما عارف رجع من نبيح الكلاب و لا رجعوا الحرس الجامعي. لكين في واحد من إياهم قال : الزوول رجع الشقه زعلان و قال للجماعة في الشقة : ما كان تقولوا لي الليلى الجمعة!!!

شبارقة
20-10-2009, 05:13 PM
تهانينا مرة أخرى للأخت رباب محمود على نيلها لدرجة الدكتورة ومزيدا ً من النجاحات والتقدم بإذن الله.

شبارقة
20-10-2009, 05:20 PM
والناس الملاوزة تخش ذي الظل وتطلع(كيشو.. شبارقة.. منتصر إلخ):mad::mad:

والعايز يشارك معانا يقول اسامي التلاتة الباقيين أو ليصمت

نعترف ونرفع الراية البيضاء يا أسامة ... ولك أن تتضرع لأنو الفي الصورة كلهم من ناس الزراعة (بس يا خوفي .. إنك زاتك ما تكون متذكر الأسماء :) )

هاشم أبوزيد نقد
20-10-2009, 05:35 PM
نعترف ونرفع الراية البيضاء يا أسامة ... ولك أن تتضرع لأنو الفي الصورة كلهم من ناس الزراعة (بس يا خوفي .. إنك زاتك ما تكون متذكر الأسماء :) )

يا شبارقة إخلاص كانت في طب ، و أخونا أسامة ممكن يجيب ليك إسم سواق القطر ذاتو ، و بعدين مافي داعي لي رفع الراية البيضاء ، فكلكم فيكم الخير.

rabab mahamoud
20-10-2009, 06:10 PM
مبروك الدكتوراة الاخت الكريمة دكتورة رباب الفيل 00 وربنا يوفقك 00 وهو شرف لكل اسيوطي واسيوطية 00 وعقبال الاستاذية 00
اخي اسامة كاشف 00 محتاجين ترويج لهذا البوست المعتق بكم 00 وهذا واجب كل اسيوطي 00 دمتم سالمين 00

مشكور أخي الفاضل محمد الأمين .........وكما عهدناك دوما سباقا للخير..وللأمانة ياأخوانا فقد كان أول المتصلين ..والشكر أيضا لأخونا أبو ريم والعزيز شبارقة.

شبارقة
20-10-2009, 06:16 PM
مشكور أخي الفاضل محمد الأمين .........وكما عهدناك دوما سباقا للخير..وللأمانة ياأخوانا فقد كان أول المتصلين ..والشكر أيضا لأخونا أبو ريم والعزيز شبارقة.

الشكر لله أختنا رباب

هذا واجبنا ... وهو أقل واجب نستطيع فعله ,,

شبارقة
20-10-2009, 06:19 PM
قام أخونا أسامة مأمون (أبو ريم ) مشكورا ً بفتح بوست خاص لتهنئة الأخت رباب على نيلها لدرجة الدكتوراة ... اللذين لم ينتبهوا لذلك يمكنهم الضغط هنا (http://sudanyat.org/vb/showthread.php?t=12134)

الجيلي عبد الله الريح
20-10-2009, 06:22 PM
السلام عليكم
...
مرحب أختنا رباب
......

http://sudaniyat.net/up/uploading/Rabab2.JPG
.....

للعلم يا اسامة الكاشف (ومن لف لفه)
د. رباب هي الواقفة على اليمين
عشان تعرفوا انكم الوحيدين الذين أكل الدهر عليهم وشرب
:):):)



.....


الف الف مبروك للأخت الدكتورة رباب ....
درجة الدكتوراه التي نلتيها هي فخرا لنا جميعا...
وفخر لنا مثابرتك ونجاحك ...الباهر في هذه الحياة...
وندعو الله أن يحفظ اولادك ...ويجعلهم ناجحين في حياتهم ودراستهم ....
والف مبروك لكل اسيوطي....

الجيلي عبد الله الريح
20-10-2009, 06:28 PM
نسألك ياكريم وياغفورأن تتغمد والد الاخت عفاف النور برحمتك ومغفرتك ....
إنا لله وإنا إليه راجعون

شبارقة
20-10-2009, 06:34 PM
نسألك ياكريم وياغفورأن تتغمد والد الاخت عفاف النور برحمتك ومغفرتك ....
إنا لله وإنا إليه راجعون

اللهم اغفر له وأرحمه وأجعله من أصحاب اليمين ..وإنا لله وإنا إليه راجعون.

الجيلي عبد الله الريح
20-10-2009, 06:42 PM
نسأل الله العلى القدير أن يتغمّد زوج أختنا عفاف بواسع رحمته ومغفرته وأن يجعل مثواه الجنة..

لتنشيط الذاكرة الصورة أُخذت فى بداية العام 1987 وهى تضم الأخت عفاف النور وآخرين..
http://sudaniyat.net/up/uploading/alwadi.jpg

الاخ ودالبيك ...الف تحية .
الآخرين ...من اليسار...
مهدى الاسد .عفاف النور .امين الطيب .اقبال بيلو .
جاويش؟ .راقية قاسم .
جالسون : تودد عثمان ..هاشم ابوزيد ..أميرة عبد المنعم ..آسف جدا لعدم تذكر الاسم ..

الجيلي عبد الله الريح
20-10-2009, 07:16 PM
و الله يا أسامة الزووول ده الزهايمر ضاربو من أيام الجامعة بس أحيانا بتجيهو لحظات تجلي.
يا خي دا في يوم من ذات الأيام صحى من النوم الساعة واحدة صباحا ، لبس هدومو و شال كتبوا و شال البالطو و ركب عجلتو و مشى الجامعة. أنا ما عارف رجع من نبيح الكلاب و لا رجعوا الحرس الجامعي. لكين في واحد من إياهم قال : الزوول رجع الشقه زعلان و قال للجماعة في الشقة : ما كان تقولوا لي الليلى الجمعة!!!

معاك ....يا هاشم ابوزيد ...
الشئ الغريب هو تحسن الذاكرة مع تقدم العمر ...
أيام كنا في الكلية كنا نحاول قدر المستطاع ابعاده عن شبح الخرف المبكر ....ولي ملاحظات :
ذاكرته قوية جدافي الاحوال التالية:
1ـ الوست.
2ـ البنج بونج.
3ـ صوت الملعقة في كباية الشاي.
4ـ يحفظ شرائط الكاسيت العنده عن ظهر قلب.
5ـ يحفظ مواعيد المباريات ومسلسل بسيط للاطفال..

ذاكرته خربه جدا في الأحوال التالية:
1ـ الصيف.
2ـ الامتحانات ..؟
3ـ الميز
4ـ لايستطيع التفرقة بىن البيض والليمون.
5ـ لايستطيع التمييز بين (اللاب كوت ) والعراقي إلا
في داخل المعمل عندما يريد أن يلبس اللاب كوت..؟
6ـ مفتاح الشقة ..
7ـ جواز السفر ...مرة جابو راجع بتاع الزباله ..
8ـ يختلط عليه الامر عندما يدق المنبه ويمشي يفتح الباب او العكس ...
بس هو حنين اوي ...
وإبن ناس ...

كيشو
20-10-2009, 07:34 PM
الاخ ودالبيك ...الف تحية .
الآخرين ...من اليسار...
مهدى الاسد .عفاف النور .امين الطيب .اقبال بيلو .
جاويش؟ .راقية قاسم .
جالسون : تودد عثمان ..هاشم ابوزيد ..أميرة عبد المنعم ..آسف جدا لعدم تذكر الاسم ..

الجيلي
ياخي إنت مرجع
تودد عثمان ما موجودة في الصورة دي

الجيلي عبد الله الريح
20-10-2009, 07:35 PM
والله يا منتصر ومجدى عبيد كبااااار والبلد ضيقة..:D

سلامات ودالكاشف ... ابو داؤد ...
تعرف يا اسامه ... الحاجه العاجباني في ابو داؤد
انو الصلعة ديه ما مديها أي اعتبار ... وكمان بيقشر بيها في الصور ... وكما قال ود البيك .... عبيد كبااااااار
تحياتنا يا مجدي جاد كريم

الجيلي عبد الله الريح
20-10-2009, 07:44 PM
الجيلي
ياخي إنت مرجع
تودد عثمان ما موجودة في الصورة دي

الف مرحب كيشو ...
ديه بدايه غلاط ولا شنو..؟
على العموم ندعو بورد الغلاط المتحد للتدخل..؟

كيشو
20-10-2009, 07:52 PM
الف مرحب كيشو ...
ديه بدايه غلاط ولا شنو..؟
على العموم ندعو بورد الغلاط المتحد للتدخل..؟

الصورة فيها ندا القوصي

الجيلي عبد الله الريح
20-10-2009, 07:56 PM
الاخ العزيز عصام عليش....
ماتطول الغيبه ...
ولسه في انتظار مزيد من الابيض والاسود

الجيلي عبد الله الريح
20-10-2009, 08:03 PM
الصورة فيها ندا القوصي

من الآن... ولكي اجنب كل ذي بشره سمراء مغبه حرب نحن الخاسرون فيها لامحاله...؟
فاني ادعو كل المجتمع الزراعي والاسيوطي كافة الى التدخل السريع ....والا ....

Wad Elbeck
21-10-2009, 12:13 AM
http://sudaniyat.net/up/uploading/alwadi.jpg[/QUOTE]

من الآن... ولكي اجنب كل ذي بشره سمراء مغبه حرب نحن الخاسرون فيها لامحاله...؟
فاني ادعو كل المجتمع الزراعي والاسيوطي كافة الى التدخل السريع ....والا ....

والله يا شباب لقد ابليتم بلاء حسنا ولكن احسن نفض الاشتباك..:)

الوقوف من اليمين: راقية ..اقبال (بيلو).. يقف خلفهم عبدالمجيد. وامين الطيب.. ثم عفاف النور ..ومهدى الاسد
الجلوس من اليمين: ندى القوصى ..اميرة ..ثم الهام بابكر
اما الاخ وسط الجلوس (ظاهر جزئيا) ما متاكد منه لكن ممكن يكون مدثر حسن..

الزوول
21-10-2009, 07:33 AM
.. لكي اجنب كل ذي بشره سمراء مغبه حرب نحن الخاسرون فيها لامحاله...
....


السلام عليكم
...
تعرف يا الجيلي
كل ما اسمع (إن من البيان لسحرا)
ما يتبادر لذهني الا هذه القولة البديعة
...
ولكي اجنب كل ذي بشره سمراء مغبه حرب نحن الخاسرون فيها لامحاله...

...
تصدق والله بانطرب عديل كده
ياخي دي بلاغة مبالغ فيها
يا سلام ياخي
والله حقو كانو يكتبوها بمويه الدهب
ويعلقوها على استار الدار بأسيوط :):):)

......

أسامة الكاشف
21-10-2009, 10:04 AM
يا جماعة والله أكلتو حقوقنا عديل كده
حمرة عين وزندية
يعني أنا قلت 50% من الاسماء
وخليت 50% للمنافسة الحرةgoood

وجاتك ناس داخلة توووووش
تقول ليك د. هاشم في الصورة
وناس يغالطو في الجيلي
مرجعية الأسايطة التي لا يرقى إليها الشك

غايتو.. جنس.. غايتو

كيشو
21-10-2009, 11:26 AM
http://sudaniyat.net/up/uploading/alwadi.jpg


والله يا شباب لقد ابليتم بلاء حسنا ولكن احسن نفض الاشتباك..:)

الوقوف من اليمين: راقية ..اقبال (بيلو).. يقف خلفهم عبدالمجيد. وامين الطيب.. ثم عفاف النور ..ومهدى الاسد
الجلوس من اليمين: ندى القوصى ..اميرة ..ثم الهام بابكر
اما الاخ وسط الجلوس (ظاهر جزئيا) ما متاكد منه لكن ممكن يكون مدثر حسن..[/QUOTE]

أولاً أمين الطيب دا منو؟ الصورة دي ما فيها الأمين لو قاصد بتاع صيدلة
وبعدين تعال:
عبد المجيد ياتو؟
الليلة مالكم يا مراجعنا؟

هاشم أبوزيد نقد
21-10-2009, 11:56 AM
http://sudaniyat.net/up/uploading/alwadi.jpg


والله يا شباب لقد ابليتم بلاء حسنا ولكن احسن نفض الاشتباك..:)

الوقوف من اليمين: راقية ..اقبال (بيلو).. يقف خلفهم عبدالمجيد. وامين الطيب.. ثم عفاف النور ..ومهدى الاسد
الجلوس من اليمين: ندى القوصى ..اميرة ..ثم الهام بابكر
اما الاخ وسط الجلوس (ظاهر جزئيا) ما متاكد منه لكن ممكن يكون مدثر حسن..[/QUOTE]

التحية للأخ ود البيك :
يا ود البيك إنت جيت تفض الإشتباك و عملت إشتباك تاني. يا خوي الجاب مدثر حسن لي هاشم أبوزيد شنو؟ واحد من العصر الكرجويلي و التاني زغلول ، و بعدين لو الإتنين وقفوا جمب بعض يعملوا 10 و حا نشوف لينا صورة تجمع بين مدثر و هاشم عشان ما نخش في دور غلاط. و ندخل الجيلي في الموضوع.
حاشية : تحية خاصة للأخ مدثر.

شبارقة
21-10-2009, 12:21 PM
حاشية : تحية خاصة للأخ مدثر.

http://sudaniyat.net/up/uploading/modathir2.jpg

مدثر ده ولا ّ مدثرا ً تاني ؟

هاشم أبوزيد نقد
21-10-2009, 12:29 PM
يا جماعة والله أكلتو حقوقنا عديل كده
حمرة عين وزندية
يعني أنا قلت 50% من الاسماء
وخليت 50% للمنافسة الحرةgoood

وجاتك ناس داخلة توووووش
تقول ليك د. هاشم في الصورة
وناس يغالطو في الجيلي
مرجعية الأسايطة التي لا يرقى إليها الشك

غايتو.. جنس.. غايتو

التحية للأخ أسامة:
يا أسامة إنت قاصد ياتو صوره ؟
عموما في صورة ود البيك تجدون هاشم أبوزيد خلف حرمه المصون ،
و في صورة الزووول : رباب و أميرة و إخلاص و الرابعه الله أعلم و إسم سواق القطر عندك.

الزوول
21-10-2009, 01:18 PM
و الرابعه الله أعلم

....
السلام عليكم
...
اسمها عواطف
وأعذريني يا عواطف لو ما اتذكرت اسم والدك الكريم
.....
هسه تلقى ناس اسامة الكاشف وأبو داوؤد اصابهم الإحباط
وما بعيد ناس شبارقة وعبد الغالاط الديمقراطي داك برضو goood:Dgoood
......

شبارقة
21-10-2009, 01:23 PM
وما بعيد ناس شبارقة وعبد الغالاط الديمقراطي داك برضو goood:Dgoood


أنا والله ما عرفتهم .. ويا ريت يا دكتور الزوول تذكر لينا الأسماء بالترتيب حسب وجودهم في الصورة عشان ننعش الذاكرة

muntasir hassan
21-10-2009, 03:34 PM
سلامات ودالكاشف ... ابو داؤد ...
تعرف يا اسامه ... الحاجه العاجباني في ابو داؤد
انو الصلعة ديه ما مديها أي اعتبار ... وكمان بيقشر بيها في الصور ... وكما قال ود البيك .... عبيد كبااااااار
تحياتنا يا مجدي جاد كريم

بسم الله الليله اجازه وقاعدين ليكم اولا التهانى للدكتوره رباب وهذا عهدنا فيها وعقبال الاخوان العوض ود الكاشف وان كان العوض اخد كزرس كمبيوتر عمل صلعته زى طاقية اليهود اما اخون ود الكاشف نقول ليه كفاك ماجستير لانه باقى الشعر الفاضل ما بستحمل دكتوره احسن بدل صلعه تبقى تعلبه يالجيلى يااخوى انا بفتخر بالصلعه لكن البقنع اخونا اسسامه شنو انا بتحدا اسامه ارسل صوره زى بتاعتنا دى وكمان لزوم التسهسل عافينه من البدل و الكرفته عشان مااقول الكرفته كاتمه نفسه بس يااسامه بشرط ماترسل لينا صوره لافى لينا فيها عمة السيخ دى ياشبارقه يااخى ماممكن لحدة الان مالاقىصوره حديثه للى اسامه بعدين الزوول دا اى زووول اجيبوا سيرته انزل ليه صوره حديثه وقديمه ماعدا اسامه الكاشف الواحد بدا اشك فى نظرية الموامره اعتقد ياود البك نحن نحاول نستقطب اختنا حنان ترسل لينا صوره وان كان احتمال النجاح فيفتى فيفتى فهى من اسيوط ومن مدنى وشايف اسامه بدا اثير النعرات الطائفيه ناس مدنى وناس الخرطوم تقول نحن لاعبين فى الدورى الممتاز سلام

شبارقة
21-10-2009, 07:43 PM
أطلـّت أمـّورة جديدة على أسرة أخونا وزميلنا د. عباس الرضي

تهانينا وألف مبرووك يا أبو البنيات ... وحمدا ً لله على سلامة أم العيال ...وجعل الله الموهوبة من المستورات والبارّات.

عباس بالرياض وهاتفه المحمول : 0503122452

ملحوظة : السماية يوم الجمعة القادم بالرياض والدعوة لكل الأسايطة والأسيوطيات.

ابوريم
21-10-2009, 10:49 PM
الف مبروك ياعباس المولودة وتتربى في عزكم ان شاء الله.

Wad Elbeck
21-10-2009, 11:34 PM
التحية للأخ ود البيك :
يا ود البيك إنت جيت تفض الإشتباك و عملت إشتباك تاني. يا خوي الجاب مدثر حسن لي هاشم أبوزيد شنو؟ واحد من العصر الكرجويلي و التاني زغلول ، و بعدين لو الإتنين وقفوا جمب بعض يعملوا 10 و حا نشوف لينا صورة تجمع بين مدثر و هاشم عشان ما نخش في دور غلاط. و ندخل الجيلي في الموضوع.
حاشية : تحية خاصة للأخ مدثر. [/QUOTE]

اما الاخ وسط الجلوس (ظاهر جزئيا) ما متاكد منه لكن ممكن يكون مدثر حسن


هاشم أبوزيد..سلامات..
طبعاً بالتأكيد ما حأغالط..
لو لاحظت قبل أن أقترح بأن الزول ده ممكن يكون مدثر حسن قلت بأننى غير متأكد..وعدم تأكدى ناجم من أن الصورة ظاهرة جزئياً.. والأهم من ذلك أن رحلة كلية زراعة للوادى الجديد هى المناسبة الوحيدة التى لم أشارك بها مع أسرة زراعة حيث كنت بالسودان..وإلا لتذكرت المشاركين بها..
فلك العتبى يا صديقى..

Wad Elbeck
22-10-2009, 12:30 AM
أولاً أمين الطيب دا منو؟ الصورة دي ما فيها الأمين لو قاصد بتاع صيدلة
وبعدين تعال:
عبد المجيد ياتو؟
الليلة مالكم يا مراجعنا؟[/QUOTE]

كيشو..سلامات..
تااااانى يا كيشو!!
بالرغم من إمتلاكك لذاكرة حديدية..إلا أن ذاكرتك خربة فيما يتعلّق بأرشيفك الغُلاطى (طبعاً لأنو أرشيف ضخم جداً).. :D:D ففى مداخلة قديمة لصورة بتاعت مجموعة كان بها الأخ أمين الطيب (زراعة) قمتم بمغالطتى ومعك الزوول بأن الزول ده ما الأمين بتاع صيدلة..وقد أوضحت بأننى قصدت أمين الطيب (زراعة) ..دفعة ناس عادل جعفر (تخرجوا عام 1988).. وهسه برضو أنا قاصد أمين الطيب بتاع زراعة..
أما عبد المجيد فهو دفعتين ورانا فى كلية زراعة..

Wad Elbeck
22-10-2009, 12:38 AM
http://sudaniyat.net/up/uploading/modathir2.jpg

مدثر ده ولا ّ مدثرا ً تاني ؟


شبارقة..سلامات..
فعلاً ياهو ده مدثرحسن المقصود..
لك أجزل الشكر..

Wad Elbeck
22-10-2009, 12:46 AM
ألف مبروك للأخ عباس مقدم الأمورة الصغيرة..
اللهم أحفظها وأجعلها من الصالحات..

كيشو
22-10-2009, 07:07 AM
أولاً أمين الطيب دا منو؟ الصورة دي ما فيها الأمين لو قاصد بتاع صيدلة
وبعدين تعال:
عبد المجيد ياتو؟
الليلة مالكم يا مراجعنا؟

كيشو..سلامات..
تااااانى يا كيشو!!
بالرغم من إمتلاكك لذاكرة حديدية..إلا أن ذاكرتك خربة فيما يتعلّق بأرشيفك الغُلاطى (طبعاً لأنو أرشيف ضخم جداً).. :D:D ففى مداخلة قديمة لصورة بتاعت مجموعة كان بها الأخ أمين الطيب (زراعة) قمتم بمغالطتى ومعك الزوول بأن الزول ده ما الأمين بتاع صيدلة..وقد أوضحت بأننى قصدت أمين الطيب (زراعة) ..دفعة ناس عادل جعفر (تخرجوا عام 1988).. وهسه برضو أنا قاصد أمين الطيب بتاع زراعة..
أما عبد المجيد فهو دفعتين ورانا فى كلية زراعة..[/QUOTE]

ود البك
السلام عليكم أنت وبقية الشباب (سابقاً):)
إنت عارفني بغالط بي منهجية، وبعمل التحفظات والتحوطات اللازمة لكن المرة دي لقيت فيني الفرصة
أنا قلت ليكم لو كنت بمشي الرحلات أو معمل الألبان كنت حأترشح لرئاسة المرجعيات :)
المهم أنا معترف بيك إنت وشبارقة والجيلي (الترتيب عكسي فانتبه)
ياخ ما كفاية أنا عارف كل زبائن البيت الأسيوطي وبعضهم مساكين لي هسه بقولوا في نفسم يا ربي عصام دا منو؟!:)

صلاح الدين هجو النحاس
22-10-2009, 11:02 AM
[QUOTE=شبارقة;167429][align=justify]أطلـّت أمـّورة جديدة على أسرة أخونا وزميلنا د. عباس الرضي
[color=#0000FF][size=5]الف مبروووك حمد لله سلامه وزاره الداخليه

Wad Elbeck
22-10-2009, 05:03 PM
ود البك
السلام عليكم أنت وبقية الشباب (سابقاً):)
إنت عارفني بغالط بي منهجية، وبعمل التحفظات والتحوطات اللازمة لكن المرة دي لقيت فيني الفرصة
أنا قلت ليكم لو كنت بمشي الرحلات أو معمل الألبان كنت حأترشح لرئاسة المرجعيات :)
المهم أنا معترف بيك إنت وشبارقة والجيلي (الترتيب عكسي فانتبه)
ياخ ما كفاية أنا عارف كل زبائن البيت الأسيوطي وبعضهم مساكين لي هسه بقولوا في نفسم يا ربي عصام دا منو؟!:)[/QUOTE]

والله ده إعتراف ماساهل نعتز بيهو..goood

الزوول
23-10-2009, 06:07 AM
السلام عليكم
...
ود البيك
فضاً لإشتباك دفعتكم والدفع الوراكم
فها هو البوستر الذي وزع كدعوة لحفل تخريجكم
وهو يحتوي على كل الزملاء الذين تخرجوا معك
وبالإسم ... دفعاً لغلاط المغالطين loooollooool
اها ...
لقيتني كيف؟؟
مش بالله ريحتك في حنانك زتووو :):):)
لا وايه !!!
ناسك ناس الزهايمر يكونوا ابسطوا مني جنس بسطة بسبب الأسماء المكتوبة دي !!
......
http://sudaniyat.net/up/uploading/zira3a86_a.JPG
......

http://sudaniyat.net/up/uploading/zira3a86_b.JPG
.....

Wad Elbeck
23-10-2009, 07:06 AM
والله يا الزوول خطير عديييل كده..
تعرف دى دار الوثائق الأسيوطى ما سبقك عليها!!
ياخى دى ما بخرة جاهزة..:D:D
إنت وقعت للجماعة فى جرح..

Wad Elbeck
23-10-2009, 07:11 AM
عموم الأسايطة..سلام..
الأخ العزيز وإبن دفعتى..برعى محمد دفع الله من الزملاء الذين إنقطعت أخبارهم عنى عقب التخرج.. فقط كنت أعلم بأنه يقيم ويعمل بالمملكة السعودية لكن لم تُتح لنا سانحة للتواصل..
فى الشهر الفائت فاجأنى برعى بمكالمة عندما جمعته الصدفة بالأخ مجدى جادالكريم فى مطار الخرطوم.. سعدتُ كثيراً بالمحادثة وبهذه المصادفة السعيدة التى فتحت لنا نافذة جديدة للتواصل مع أخ عزيز..
برعى يبلغكم تحايا كثيرة.. ويتمنى مشاركتكم البوست مستقبلاً..فالرجل يعانى حالياً كثرة المشاغل وقلة الوقت..
الصورة أدناه تضم الأخ برعى وآخرين..(بس بدون الرجوع للبخرة أقصد البوستر بتاع الزوول..:D)

http://sudaniyat.net/up/uploading/burai.jpg

شبارقة
24-10-2009, 01:21 PM
نال الروائي عبد العزيز بركه ساكن جائزة الطيب صالح في روايته " الجنقو مسامير الأرض "
ألف مبروك للزميل عبد العزيز بركه ساكن
ومزيداً من التقدم والنجاح لك ولرفاقك الروائيين هنا

شكرا ً للأخ شليل على هذا الخبر

وألف مبروك للأخ عبد العزيز والأخت عفاف

وألف مبروك لجميع الأسايطة

لمزيد من المعلومات أضغطوا هنا (http://sudanyat.org/vb/showthread.php?t=12179)

Wad Elbeck
24-10-2009, 09:51 PM
شكرا ً للأخ شليل على هذا الخبر

وألف مبروك للأخ عبد العزيز والأخت عفاف

وألف مبروك لجميع الأسايطة

لمزيد من المعلومات أضغطوا هنا (http://sudanyat.org/vb/showthread.php?t=12179)

ألف مبروك..للمتميز عبدالعزيز بركة..
مزيداً من التقدم..
وإلى الأمام..

محمد الامين مصطفي
24-10-2009, 10:50 PM
السلام عليكم
...
ود البيك
فضاً لإشتباك دفعتكم والدفع الوراكم
فها هو البوستر الذي وزع كدعوة لحفل تخريجكم
وهو يحتوي على كل الزملاء الذين تخرجوا معك
وبالإسم ... دفعاً لغلاط المغالطين loooollooool
اها ...
لقيتني كيف؟؟
مش بالله ريحتك في حنانك زتووو :):):)
لا وايه !!!
ناسك ناس الزهايمر يكونوا ابسطوا مني جنس بسطة بسبب الأسماء المكتوبة دي !!
......
http://sudaniyat.net/up/uploading/zira3a86_a.JPG
......

http://sudaniyat.net/up/uploading/zira3a86_b.JPG
.....

الزول تمام 000 والبك تمام 000 واسيوط تمام 00 والناس تمام 00 ممزوجة بي روح الوئام 00 مصهورة بي صدق الكلام 000الزول تمام 00 نكت الصور الدافية 0من جو جو مكتملة زي بدر التمام 000 جمل مدارات الحروف00 وبهرج البوست الحميم بي نجوم طردت فراغات الظلام 00 الزول تمام وابهرنا بي سر الجمال خدرنا بي وهج الوجوه الضاجة بي نغم ماضينا التمام 00يا زول تمام 00 اطربتنا ودورت احلام 00الاخوة 00 هيجت انفاس الزمالة 00 زركشت ماضينا التمام 00 بللت شوقنا وانعشت روحنا وكيفتنا واتكرفنا عبرك ملمح الناس الهمام 000الزول تمام والبك تمام00 وتعظيم سلام 00 والتقيل قدام 00

Wad Elbeck
25-10-2009, 01:06 AM
الزول تمام 000 والبك تمام 000 واسيوط تمام 00 والناس تمام 00 ممزوجة بي روح الوئام 00 مصهورة بي صدق الكلام 000الزول تمام 00 نكت الصور الدافية 000 جمل مدارات الحروف00 وبهرج البوست الحميم بي نجوم طردت فراغات الظلام 00 الزول تمام وابهرنا بي سر الجمال خدرنا بي وهج الوجوه الضاجة بي نغم ماضينا التمام 00يا زول تمام 00 اطربتنا ودورت احلام 00الاخوة 00 هيجت انفاس الزمالة 00 زركشت ماضينا التمام 00 الزول تمام والبك تمام00 وتعظيم سلام 00 والتقيل قدام 00



أبواللمين يا راقى..

رغم السنين..
بُعُدْ المسافة..
وسكة السفر الطويلة ..فى متاهات الزمان..
تبقى عُشرتنا القديمة..
ساطعة زى شمس الحقيقة..
دافئة زى بر الأمان..
تبقى أسيوط ذكرى حية..
شُعلة بتبدد ظلام..
ديدنا الترابط والأخوة..
ديدنا التواصل والوئام..
أبو اللمين تمام..
الزوول تمام..
وتعظيم سلام..

أسامة الكاشف
25-10-2009, 11:32 AM
بالله هسه يا محمد الأمين
قصيدة سمحة ذي دي ما لقيت ليك زول تقولها فيه إلا العوض
يا حليلك يا إيهاب قباني:mad::mad:

الجيلي عبد الله الريح
25-10-2009, 03:28 PM
أطلـّت أمـّورة جديدة على أسرة أخونا وزميلنا د. عباس الرضي

تهانينا وألف مبرووك يا أبو البنيات ... وحمدا ً لله على سلامة أم العيال ...وجعل الله الموهوبة من المستورات والبارّات.

عباس بالرياض وهاتفه المحمول : 0503122452

ملحوظة : السماية يوم الجمعة القادم بالرياض والدعوة لكل الأسايطة والأسيوطيات.

الف مبروك والف مرحبا بالامورة ...
جعلها الله من المستورات ...
والبارات بوالديها ...
والف مبروك الاخ عباس الرضي ..

الجيلي عبد الله الريح
25-10-2009, 03:32 PM
الف مبروك للكاتب عبد العزيز بركه ساكن الفوز بجائزة الاديب العالمي
الطيب صالح ومزيد من الابداع والنجاح ..وألف ألف مبروك ...

الجيلي عبد الله الريح
25-10-2009, 03:53 PM
بالله هسه يا محمد الأمين
قصيدة سمحة ذي دي ما لقيت ليك زول تقولها فيه إلا العوض
يا حليلك يا إيهاب قباني:mad::mad:



سلام ياود الكاشف ...
وردت لي بعض الاخبار بأن الاخ الزول في آخر أيامه في اسيوط
كان يلملم في كل الكراتين والاوراق الكانت مهمله في دار الاتحاد
وشقه كرجويل وبعض الشقق الديناصورية ، وأحتفظ اوبالاصح نسي
كل هذه المهملات وحملها معه الى السودان ضمن كراتين كتبه ...
لف الزمن ودار ،وقعدتوا كل يوم تذكروه بي حاجه ، يقوم يرجع
لي كراتينه ويطلع ليكم بوستر ولا صفحه منسيه ، ويعمل ليكم
عشرة بي قرش؟؟؟
أنا كنت مستغرب من الذاكرة الجديدة الحديدية للزول رغم قناعتي التامة
بأن الزول هو اول من عانى من الخرف ...
يظهر ان دخوله عالم الكمبيوتر خلاه يعمل اعادة للذاكرة ....عِلم ...؟

الجيلي عبد الله الريح
25-10-2009, 04:05 PM
شيخي الكندي ...
تحياتنا واشواقنا ...
وينك ياخوي ..؟ عمل ؟ بروفات شتوية ؟ انشغال مع شهد؟
التلج عمل ليك حاجه ؟ وحلان في حته ؟
ياخي نحن في انتظارك كل يوم ....
من يوم ما اختفيت في كندا ونحن نبحث عنك ..
عايزين شوفتك وتطمنا على روحك ...
مايخوفك زول ؟ نحن ناس كيشو والزول والكاشف بنقدر عليهم ...
بس انت اظهر وخلي الباقي علينا ..

محمد الامين مصطفي
26-10-2009, 08:43 AM
بالله هسه يا محمد الأمين
قصيدة سمحة ذي دي ما لقيت ليك زول تقولها فيه إلا العوض
يا حليلك يا إيهاب قباني:mad::mad:

اخي الكريم الغالي ود الكاشف 00 مشكور علي المرور 00 وبيني وبينك الزول بستاهل اكتر من كدة 00 واتصل بي هاتفيا العزيز العقيد كريم الدين مبارك ويبلغك تحاياه الخاصة واشواقه الحارة 00 ووعد بالتواصل مع الجميع قريبا وجرابه ملئ بالصور الرائعة روعة الزول 00 واضاف كريم بانو القصيدة يستاهلها ود الكاشف 00قلت ليهو ود الكاشف يستاهل الكتير لكن دي عنصرة زراعة ساكت 00دمتم سالمين

أسامة الكاشف
26-10-2009, 12:45 PM
العزيز ود الأمين
بالله الأمانة في الذمة
التحايا الحارة للعزيز كريم الدين

يا أخوانا أبوشهد قالوا عامل جولة بالولايات المتحدة
ترويجاً للألبوم الجديد
لكن ما عرفنا هل عازف الأورج معاه ولا لأ

زاهر الطيب مشى كسلا وجا مدبرس فخلوه بعد شوية برجع
سرور ما قادر يفك ليه دبرسته

كباشي انقطع بالمرة (ياربي الأشقاء مالهم)goood

منتصر شمر وقال الليلة إجازة وقاعد لينا
فرد مداخلة والحكومة قومتو من الكمبيوتر:p:p

muntasir hassan
26-10-2009, 11:29 PM
العزيز ود الأمين
بالله الأمانة في الذمة
التحايا الحارة للعزيز كريم الدين

يا أخوانا أبوشهد قالوا عامل جولة بالولايات المتحدة
ترويجاً للألبوم الجديد
لكن ما عرفنا هل عازف الأورج معاه ولا لأ

زاهر الطيب مشى كسلا وجا مدبرس فخلوه بعد شوية برجع
سرور ما قادر يفك ليه دبرسته

كباشي انقطع بالمرة (ياربي الأشقاء مالهم)goood

منتصر شمر وقال الليلة إجازة وقاعد لينا
فرد مداخلة والحكومة قومتو من الكمبيوتر:p:p
http://i33.tinypic.com/2hg5sa8.jpg

أسامة الكاشف
27-10-2009, 11:09 AM
يالعوض بالله أعمل لينا مقارنة
بين الصورة التنكرية الفوق دي
والصورة الزمان مع الأولاد

محمد الامين مصطفي
28-10-2009, 03:37 PM
بسم الله الرحمن الرحيم

اليكم اخوتي الاسايطة 00 اسامة 00ود البك 00 شبارقة 00 الزول 00منتصر 000 الجيلي 00 ابوريم 00 كيشو 00 د0 هاشم 0د0 عصام 00 وبقية الثلة المباركة 00 00 (الترتيب وفقا للمشاركات الاخيرة )

مشاهد 0000 وشواهد 00

بقلم 00محمد الامين مصطفي 00 00 نقلا عن مجلة تواصل الفصلية 00 وبعض الصحف السودانية 00

إذا بلغت القمة فوجه نظرك إلى السفح لترى من عاونك فى الصعود إليها وانظر إلى السماء ليثبت الله أقدامك عليها.

ليس الفقير من ملك القليل .. إنما الفقير من طلب الكثير.
إنك تخطو نحو الشيخوخه يوما مقابل كل دقيقه من الغضب
النفوس بيوت اصحابها,فإذا طرقتموها فأطرقوها برفق


مدخل
لله فـي الآفـاق آيـات لـعـل أقلهـا هـو مـا إليـه هــداك
والكـون مشحـون بأسـرار إذا حاولْـتَ تفسيـرًا لهـا أعيـاك
قل للطبيب تخطَّفته يـد الـردى مـن يـا طبيـب بطبِّـه أرْدَاك؟
قل للمريض نجا وعُوفـيَ بعد مـاعجزت فنون الطب من عافـاك؟
قل للصحيح يموت لا مـن علـة من بالمنايا يا صحيـح دهـاك؟
قل للبصير وكان يحـذر حفـرة فهَوَى بها من ذا الـذي أهـواك؟
بل سائل الأعمى خَطَا بين الزحام بلا اصطدام من يقـود خطـاك؟
قل للجنين يعيـش معـزولا بـلا راعٍ ومرعى ما الـذي يرعـاك؟

غاضب رجل زوجته ، وقال لها متوعدا : لأشقينكِ .
فقالت في هدوء : لا تستطيع أن تشقيني .
فقال لها : وكيف ذلك ؟ فقالت : لو كانت السعادة في مال لحرمتني منه أو حُلي لمنعته عني ، ولكنها في شيء لا تملكه أنت ولا الناس ، إني أجد سعادتي في إيماني ، وإيماني في قلبي ، وقلبي لا سلطان لأحد عليه غير ربي .

مدخل ثاني :

سئل أحد العلماء وهو على المنبر عن مسألة فقال : الله أعلم لا أدري ، فقيل له : هذا المنبر لا يرقاه الجهلاء فقال : إنما علوت بقدر علمي ، ولو علوت بقدر جهلي لبلغت السماء000


(1)

القصة تبدأ عندما كان هناك صديقان يمشيان في الصحراء ، خلال الرحلة تجادل الصديقان فضرب
أحدهما الآخر على وجهه. الرجل الذي انضرب على وجهه تألم ولكنه دون أن ينطق بكلمة واحدة كتب على الرمال : اليوم أعز أصدقائي ضربني على وجهي .
استمر الصديقان في مشيهما إلى أن وجدوا واحة فقرروا أن يستحموا.
الرجل الذي انضرب على وجهه علقت قدمه في الرمال المتحركة و بدأ في الغرق، ولكن صديقة أمسكه وأنقذه من الغرق.
وبعد ان نجا الصديق من الموت قام وكتب على قطعة من الصخر : اليوم أعز أصدقائي أنقذ حياتي .
الصديق الذي ضرب صديقه وأنقده من الموت سأله : لماذا في المرة الأولى عندما ضربتك كتبت على الرمال والآن عندما أنقذتك كتبت على الصخرة ؟
فأجاب صديقه : عندما يؤذينا أحد علينا ان نكتب ما فعله على الرمال حيث رياح التسامح يمكن لها أن تمحيها ، ولكن عندما يصنع أحد معنا معروفاً فعلينا ان نكتب ما فعل معنا على الصخر حيث لا يوجد أي نوع من الرياح يمكن أن يمحوها .. تعلموا أن تكتبوا آلامكم على الرمال وأن تنحتوا المعروف على

مدخل :
ما اوسع العطاء وما اضيق الكلمات

في زمان البوح 00 ياتي سوداني ليرسم اروع الكلمات 00 واجمل المعاني للشعب السوداني النبيل ويختزل المسافات000 ويحمل البشارات 00فسوداني الف بين القلوب ورمي بسهمه في قضاء الحاجات 000 واغالة العثرات باذن الله تعالي 00سوداني كما النخيل يمد بسعفه تمر الزمان الحلو 0وبنوره الساطع يضئ الظلمات 00ويضج يضج في اذان الكثيرين باحلي الحروف واصدق الكلمات 0000 سوداني صاحب المقامات قادم بقوة 00والدي العزيز حاج مصطفي محمد الامين تحسس الهاتف السوداني في جيبه وقال لي مبتسما 00وابتسامته تعني لي عيدا كبيرا وفرحا اكبر 00 فهو امة بحالها 00 حارب المستعمر وشارك في استقلال البلاد من براثن الممستعمرين 00قالها بصدق عجيب : (00سوداني بس البقي شغال في الشطيب 0)0واضاف المهندس حافظ و المهندس عبد اللطيف الطيب ظبطوا البرج ) 000 00 انتابني فرح غامض 00 فالحمد لله الذي انعم علينا بسوداني وبهذا الانتشار والحمد لله الذي جعل والدي مبسوطا لهذا السوداني الرهيف النضيف الشفيف 000 00 بتقنية حديثة 00 هل جربت خدمة سوداني00 حاول ولو لمرة ان تعبر بالانترنت 00به سرعات عالية وسعات عريضة واسعار معقولة وتغطية واسعة 0000 ودعونا نغازل سوداني تلكم الشركة الوطنية التي بقامة السودان العملاق السودان الذي تدفق عبره البترول 0والان يدثره الذهب ويرويه نيلنا الاصيل وتحتويه دعوات الصالحين ويهدهده الامن والسلام 00دعونا نغازل هذا السوداني الساطع 00 بابيات الكتيابي 00
عرفت الآن كيف غدي ..
وأني نخلة رجلا ..
أضيء النجم من سعفي
أمدد قامتي ترفا ..

عرفت الآن كيف غدي ..
وكيف الآن .. كيف أذوب في الألوان ..
أرسم لوحة الشرف
أصفق واحدا وحدي ..
وأقطع فوهة الأحزان
أبتر موضع الأســـــف ..

(2)
ان حال دول الاستكبار ودول الاستعمار مع الدول العصية والدول الحرة والتي علي راسها السودان الجميل 00السودان الاصيل 0السودان الذي ملأ الدنيا قوة ورفعة بفضل الله تعالي 0 كحال هذه القصة 00يحكي ان هنالك رجلا غريبا اتي الي بلاد غريبة وعاش فيها عشرات السنين وكان طيلة تواجده بها يعين الفقراء ويشتري لهم القمح والذرة ويدعم المساكين ويعالج المرضي بحر ماله فلقد كان (شيال تقيلة ) ولم يكن له ولد ولم يكن متزوجا 00 الا من كلب امام بيته 00 ولقد تحين اهل هذه البلدة الفرصة تلو الفرصة كي يردو الجميل لهذا الانسان النبيل ولكن هيهات 00 واتي هذا اليوم فلقد مات كلبه ووجدها اهل البلدة فرصة لرد الجميل وفرصة لكي يقوموا بفعل طيب تجاهه 00 وبالفعل نصبوا خيمة العزاء لهذا الكلب 00 وحملو معهم ثلاثة صفائح مليئة بالذهب والرجل في دهشة وذهول يا جماعة سمعتو ليكم بي كلب بفرشو عليهو 00 ولكن لا حياة لمن تنادي ردو عليه : يا زول نحن ما صدقنا لقينا لينا فرصة نكرمك بيها 00 ياجماعة ولكن ليس هنالك استجابة 00 وعند الاصيل استدعي العمدة هذا الرجل المقدام وعندما وصل الي العمدة وكانت بيدة عصا صغيرة وكان يرفعها في وجه هذا الرجل الانسان ( ويلكده بها في كتفه ) صائحا : ( اخر الزمن بقيتو تفرشو للكلاب ) رد علي العمدة قائلا : يا حضرة العمدة انا ما فرشت لي كلب ولا حاجة ديل اهل البلدة براهم وقالو رد جميل لكن الفكرة انا غير موافق عليها ) رد العمدة ساعاقبك عقوبة كبيرة ربما تصل الي الاعتقال ) 00 عندما شعر بان العقوبة لا محالة منها قال للعمدة ( يا حضرة العمدة انا وصلتني من اهل البلدة ثلاثة صفائح مليئة بالذهب وقالو لي بان الاولي لشخصي والثانية لاهل الكلب والثالثة لحضرة العمدة هنا ابتسم العمدة بعد ان كان غاضبا ووضع العصا في ابطه وقال له بصوت هادئ وودود ( يا ولدي اكان كدي الفاتحة لي روح الكلب ) 00 الم اقل لكم بان دول الاستكبار قد سرقت الكثير من خيرات الدول الاسلامية والعربية 00

خاتمة
الكلمة ... ومعناها
غرق في البحر مركبان من مراكب المسلمين ، فكتب الوالي إلى السلطان يخبره بذلك فكتب : بسم الله الرحمن الرحيم ، أي أستفتح بالبسملة ، اعلم أيها الأمير : أن شلنديتين أي مركبين قد صفقا من جانب البحر أي غرقا ، وهلك من فيهما أي تلفوا ، فكتب السلطان إلى الوالي : ورد كتابك أي وصل وفهمناه أي قرأناه ...أدب كاتبك أي اصفعه واستبدل به أي اعزله فإنه مائق أي أحمق والسلام أي انتهى الكتاب
بعد الختام
خمس لا يعلمهن إلا الله
رأى المنصور في منامه ملك الموت ، فسأله : كم بقى لي من العمر ؟ فأشار إليه بأصابعه الخمس ، فانتبه مذعورا ، ثم سأل عن تأويل رؤياه ؟ فقيل له : خمسة أعوام ، وقيل : خمسة شهور ، وقيل خمسة أيام ، وأخيرا سأل المنصور احد العلماء عن منامه هذا فقال العالم : المشار إليه خمسة أمور انفرد الله بعلمها وهي : (( إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ )) لقمان 33

قصة الختام

يحكى أن رجلاً أتى إلى أحد المدن

و قد التف الناس من حوله وصار في المدينة هرج ومرج كثير
وكل يوم والناس حول هذا الشخص بازدياد ...
تقدم رجل من أهل الحصافة والعقل والفطنة
وسأل عن سبب هذا الزحام الشديد حول هذا الرجل الغريب
فأخبروه ان هذا الرجل يحمل توكيلا من الله
وهو يقوم الآن ببيع قطع من اراضي الجنة
ويمنح بذلك سندات ومن مات ومعه هذا السند
دخل الجنة وسكن الارض التي اشتراها هناك .
??????!!!!!

احتار الرجل في كيفية اقناع هذا الكم الهائل من الناس
بعدم صدق هذا الرجل وان من اشترى منه قد وقع في تضليله وتدليسه
إلا أنه وجد من يزجره ويمنعه من المحاولة في هذا الاتجاه
لإن بساطة الناس وقلة وعيهم دفعتهم الى التصديق المطلق بهذا الدجال.

وفي النهاية اهتدى الرجل الحصيف الى حل عبقري
حيث تقدم الى الرجل الذي يبيع قطعا في الجنة فقال له كم سعر القطعة في الجنة ؟
فاخبره ان القطعة بـ 100 دينار
فقال له وإذا أردت أن أشتري منك قطعة في ( جهنم ) بكم ؟ أتبيعها لي ؟؟
فاستغرب الرجل ثم قال خذها بدون مقابل
فقال الرجل الحصيف كلا لاأريدها إلا بثمن أدفعه لك وتعطيني سندا بذلك
فقال له سأعطيك ربع جهنم بـ 100 دينار سعر قطعة واحدة في الجنة.
فقال له الرجل الحصيف : فأن اردت شرائها كلها فقال الدجال عليك ان تعطيني 400 دينار
وفي الحال قام الرجل الحصيف بدفع الـ 400 دينار إلى الدجال
وطلب منه تحرير سنداً بذلك وأشهد عدد كبيراً من الناس على السند
وبعد اكتمال السند قام الرجل الحصيف بالصراخ بأعلى صوته:
أيها الناس لقد اشتريت جهنم كلها ولن اسمح لاي شخص منكم بالدخول إليها
لإنها صارت ملكي بموجب هذا السند أما انتم فلم يتبقى لكم إلا الجنة
وليس لكم من مسكن غيرها سواء اشتريتم قطعا أم لم تشتروا
عند ذاك تفرق الناس من حول هذا الدجال لأنهم ضمنوا عدم الدخول الى النار
بسند الرجل الحصيف ، وأدرك الدجال بأنه أغبى من هؤلاء الذين صدقوا به.

.................................................. .. ..


قصصت هذه الرواية على رجل كبير السن فقال لي :
وهل تعجب من أمر هؤلاء الناس
فقلت نعم ايوجد أناس بهذا المستوى من التفكير ؟
فاجابني الرجل نعم أغلبنا بمثل مستوى تفكيرهم رغم انهم أفضل نية منا...
فقلت له كيف أيها الرجل ؟؟


فقال: من يتعاطى الخمر هل يجدها ملقاة على الطريق ام يذهب لشرائها بماله الخاص ؟
فقلت: بل يشتريها بماله الخاص
قال: ومن يقصد بيوت الهوى ، ومن يلعب القمار ، ومن يتناول السجائر والمخدرات و....
ومن يسيء استخدام تكنولوجيا العصر في ما حرم الله وغيرها
كلها أموال ندفعها من جيوبنا لنشتري لأنفسنا بها قطعاً في جهنم ،،، أليس كذلك ؟


بينما نترك الصلاة والصيام والأمر بالمعروف والنهي عن المنكر
والقنوت والدعاء وغير ذلك الكثير ... إلخ
رغم توفره بدون أن ندفع من جيوبنا شيئاً
ولانقبل ان نشتري جنة الله حتى ولو بدون أن ندفع أو نخسر شيئا...
فمن الاصلح هؤلاء ام هؤلاء ؟

فأطرقت نظري الى الارض وأنا اسأل الله أن يجعلني ممن يسعون إلى نيل
رضا الباري عز وجل بالافعال والاقوال وما رزقني من المال

..................................

فهلموا الى الشراء ، هلموا إلى الشراء

صلاح الدين هجو النحاس
28-10-2009, 04:20 PM
.................................

فهلموا الى الشراء ، هلموا إلى الشراء[/size][/QUOTE]
يمين بالله الواحد بيقراء فى البوست ياربى ود الامين مالو 00000فى انتخابات 0000فى شو0000 احب سودانى
بس يا ود الامين كان زدتها شويه للاسايطه شهر مجانى مرحبا

Osman Sidahmed
28-10-2009, 05:54 PM
كمال محجوب
السلام عليكم
مبروك الدار
أرفع صوتك ونادي الناس

الأخ كمال محجوب.
نشكركم على المجهودات المبذولة من قبلكم للتواصل بين خريجى جامعة أسيوط.
انا واحد من خربجى هذة الجامعة العريقة دفعة 1980 كلية الطب البيطرى.
ختاما لكم منى الشكر والتقدير.
اخوكم د. عثمان عبد الحميد

Wad Elbeck
28-10-2009, 07:47 PM
الأخ كمال محجوب.
نشكركم على المجهودات المبذولة من قبلكم للتواصل بين خريجى جامعة أسيوط.
انا واحد من خربجى هذة الجامعة العريقة دفعة 1980 كلية الطب البيطرى.
ختاما لكم منى الشكر والتقدير.
اخوكم د. عثمان عبد الحميد

الأخ د. عثمان..
ألف مرحب بيك فى بيتك وبين أهلك الأسايطة..
بدون شك وجودك بيننا هو إضافة جديدة وإثراء للبوست..

هاشم أبوزيد نقد
28-10-2009, 08:03 PM
الأخ كمال محجوب.
نشكركم على المجهودات المبذولة من قبلكم للتواصل بين خريجى جامعة أسيوط.
انا واحد من خربجى هذة الجامعة العريقة دفعة 1980 كلية الطب البيطرى.
ختاما لكم منى الشكر والتقدير.
اخوكم د. عثمان عبد الحميد

مرحبا بالأخ د. عثمان عبد الحميد،،،
أحبتي ... د. عثمان أحد رواد جيل العمالقة ... ربما لا يعرفه الكثيرون منكم ... و لكنه واحد من رعيل الزمن الجميل ...جيل كرجويل ... و د. عثمان أمضى ردحا من الزمان في دولة الإمارات العربية و ساقه المكتوب إلي حيث نحن.
لم أقابل الرجل و لم أحادثه منذ أن تخرج في كلية الطب البيطري في العام 1980 كنا ما انفكينا بعضا من برالمة أو بكاسي لست أدري ...ففي ذلك الزمان تظل برلوما طالما كانت تلك الهامات الباسقات ترفرف في سماء المدينة.
يوم أمس رن هاتفي الجوال أو سمه الموبايل أو المحمول و جاءني صوت من الماضي الجميل ... من الزمن الجميل ...
الو ...
السلام عليكم...
و عليكم السلام و رحمة الله وبركاته...
منو ؟ ( بي نشافة أهل الرياض)...
معاك عثمان عبد الحميد (بي طيبة الأسايطه)...
و لم أكن في حاجة للتفكير أو إسترجاع عجلة الزمان... فهؤلاء الناس محفورون في ذاكرتنا كما النقش في الحجر من زمن الفراعنة..... و خرجت لحظتها من رمال صحارينا(الناشفة) إلي مياه نيلنا الصافي الجميل .... إلى حيث الزمن الجميل ...و تهافتت الأسماء ذوات المعاني الساميات....و الذين انتشروا في جميع بقاع الدنيا....و دعوت أخينا عثمان للمشاركة في هذا البريد الرائع فما تواكل لحظة ... و هو لم يكن كما الكثيرون على علم به ...
أحبتي ... هاهي عصافير الخريف تعود إلى أعشاشها ...و المثل الليبي يقول ( وكري وكري و لو على عود ناشف)... و لكن وكرنا في واحة ظليلة ... كل فرع فيها يحمل إسما جميلا من الزمن الجميل ... كل ورقة فيها تحمل رونقا جميلا و تهبك ظلا وارفا و نسمة ناعمة الجمال...الدعوة إلى كل الطيور المهاجرة أن تأتي إلى ههنا حيث الزمن الجميل ...
و غدا أعود ببعض الرحيق.