تسجيل الدخول

مشاهدة النسخة كاملة : السلام عليكم عضو جديد امدرمان خريج جامعه اسيوط 1988

عبدالرحمن محمد سعدالدين
19-07-2008, 02:31 PM
السلام لكل مشارك ونشكر الاداره
شبارقة
19-07-2008, 04:58 PM
عشرات حبابك يا عبد الرحمن ونورت الديار
AMAL
19-07-2008, 05:44 PM
مرحب

انا اسمك دا لاقاني وين

انت بتبقي لي امال عبدالرحمن

الحقو الزول دة
كباشي
19-07-2008, 05:46 PM
مرحب حبابك ماك غريب الدار
إزيك ياود ياعبد الرحمن وعامل إيه وأين أراضيك وما زلت في الذاكرة رغم الخراب الذي إعتراها ذلكم الفتى النشط الفوار فياترى متذكرنا أم جرفنا التيار ؟ وفي كلا الحالتين تحياتي وأشواقي وألف مرحب بيك .
مكي محمد الحسن
19-07-2008, 08:31 PM
مرحباً حللت سهلاً ونزلت أهلاً

من علائل ابوروف للمشارق ..
قدلي يا مولاي ....
عزراً لم اجد الاغنية ..
وعوضاً عنها رائعة ابو داؤد
يا حليل الدوام بطراهم .. بصوت عزه أبو داؤد

WIDTH=400 HEIGHT=350
مكي محمد الحسن
19-07-2008, 08:36 PM
حزف للتكرار ..بعد التعديل في الاعلي

تحياتنا للاخ عبد الرحمن ولاسرته الكريمة وللزميلة أديبة حسن السيد الحواتي حرمه
وان شاء الله داخل علينا في صالون الاسايطة ..
بابكر مخير
19-07-2008, 08:44 PM
مرحب
انا اسمك دا لاقاني وين
انت بتبقي لي امال عبدالرحمن
الحقو الزول دة
أولن
مرحب بيك عبد الرحمن
وبرضو بسأل ذي بنيتي آمولي
آمال عبد الرحمن بتبقى ليك حاجة؟؟؟؟
يا آمولي
زمااااااان في سنة 77 من الأفية السابقة، كنت عملت دراسة عن "البنقو وسط الشباب في العاصمة"
في البحث دا ولأول مرة؟؟؟ ظهر أنو بعض الشابات بيستعملو البنقو.......
لكن بقول ليك
السمسمية دي قوية
تكوني من دفعتنا الزمان ناس السبعينات وتكون؟؟؟؟
السمسية لسة رابطا
(ممكن تسألي عمك فتحي أو إخيك فيصل سعد عن ماهية السمسمية)
لك خالص المودة
ويظهر من مشاركتك
روحك عالية ودمك خفيف
بس أمسكي قوي ما ريح التغيير تطاردك وتطردك
فيصل سعد
20-07-2008, 05:16 AM
سلام يا اخونا عبد الرحمن و حبابك الف ..

أولن

تكوني من دفعتنا الزمان ناس السبعينات وتكون؟؟؟؟ السمسية لسة رابطا
(ممكن تسألي عمك فتحي أو إخيك فيصل سعد عن ماهية السمسمية)


و الله يا الحبيب انا ماهيتها ماني خابرها،،
لكن قطع شك منصبها و صلاحياتها و نفوذها
ما خافي علي زول زي ما انت عارف :D:D
عبدالرحمن محمد سعدالدين
20-07-2008, 05:38 AM
شكر من اديبه الحواتى كل الأسايطه. مكى .شبارقه منير.ابو ريم .عادل جعفر.تلفون اديبه 0123007588
عبدالرحمن محمد سعدالدين
20-07-2008, 05:46 AM
الأخ فيصل .انت تكون دفعه عمار منصور. دفعه الأباء
عبدالرحمن محمد سعدالدين
20-07-2008, 05:51 AM
كان لى الشرف ان اكون من اقرباء امال.انا من امدرمان ابوروف
عبدالرحمن محمد سعدالدين
20-07-2008, 05:59 AM
شكرا.انا صامد فى ابوروف .اكل الكسره وصحن البوش.والحمدلله.
AMAL
20-07-2008, 09:26 AM
[

وبرضو بسأل ذي بنيتي آمولي
آمال عبد الرحمن بتبقى ليك حاجة؟؟؟؟

نكرني عديل يابابكر معليش بكرة حيغير اللوك


لكن بقول ليك
السمسمية دي قوية

مخييير.... الله ياخوي انا السمسمية البعرفا البتبقي لي الفولية
تكوني من دفعتنا الزمان ناس السبعينات

امشي شوفم هسي بستعملو شنووالبركة في المشروع الحضاري
عبدالرحمن محمد سعدالدين
21-07-2008, 06:20 AM
العزيزه امال .ماهى علاقتك باسيوط والأسايطه
AMAL
21-07-2008, 07:34 AM
العزيزه امال .ماهى علاقتك باسيوط والأسايطه

ذي علاقتي بي عبدالرحمن
شبارقة
21-07-2008, 07:36 AM
العزيزه امال .ماهى علاقتك باسيوط والأسايطه

خالتنا آمال ما عندها أي علاقة بخريجي أسيوط إلا من خلال هذا المنتدى ... ويمكن تكون إتخرجت في ستينيات القرن الماضي بحكم قصص وروايات ود دفعتها عمنا / هاشم طه :D:D
AMAL
21-07-2008, 08:02 AM
خالتنا آمال ما عندها أي علاقة بخريجي أسيوط إلا من خلال هذا المنتدى ... ويمكن تكون إتخرجت في ستينيات القرن الماضي بحكم قصص وروايات ود دفعتها عمنا / هاشم طه :D:D

شبارقة

مالك داير تخرب العرضة وتضيع الشبابيل دي ساكت

هاشم دفعتي في التسجيل في سودانيات

ها زول ماتبهتني هاشم العطا شنو كمان الحضرتو خاف الله
عبدالرحمن محمد سعدالدين
21-07-2008, 08:12 PM
خلى الطيف مستور .نحن على الهواء
الزوول
22-07-2008, 05:50 AM
السلام عليكم
عبدالرحمن
كيفك يا عم وكيف أحوالك وأهل الفاو
آلاف الترحيبات بك وعبرك بأديبة الحواتي
لها ولك تعازينا وامنياتنا ودعواتنا لهم بالرحمة والغفران
ترى!!!!
الا تزال أديبة تلك الفتاة "العصعوصة " المتنمرة المتمردة دائماً للشكل
كما هي صورتها المطبوعة في أذهاننا
أم طوعتها السنين والهموم
كما فعلت بنا جميعاً
تحياتي لهل ولك وألف مرحب بكما مرة أخرى
مكي محمد الحسن
22-07-2008, 09:21 AM
خالتنا آمال ما عندها أي علاقة بخريجي أسيوط إلا من خلال هذا المنتدى ... ويمكن تكون إتخرجت في ستينيات القرن الماضي بحكم قصص وروايات ود دفعتها عمنا / هاشم طه :D:D

الاخ شبارقة
القاليك منو؟؟
هي أسيوطية .. وتخرجت من أسيوط ..
لو انت خرفت انحنا ما خرفنا ..
يا عبد الرحمن كمان كانت ساكنة مع زوجتك في شقة واحدة وهن طالبات ..ما تسمع كلام شبارقة ده الوقت داك كان اتخرج..
لنا جعفر
22-07-2008, 03:42 PM
عبد الرحمن ياخوي سلام
نزلت اهلا وحللت سهلا ومرحب بيك فارس حوبة هنا .
...غايتو دخولك مع اختنا آمال اتزامن وده بنجزم بيهو والباقي
يانسيبه لي الله ياندخل قوقل .......
وماتقول لي قوقل ما حضرتكم ....
اها النحكي ليك عن ناس اسيوط هنا....
ناس اسيوط جماعة أخوانا (في الله ) وكده وما عندنا عليهم معقب
لكن النوصفهم ليك وانت احكم
اسفيريا الناس ديل عنصريين جدا وماسكين ليهم في كل مكان بوست واحد
وما بنشرو الخير بتاع التكنولوجيا في بوستات كتيرة
عرسهم وبكاهم وافراحهم وجراحهم ده كلو في بوست واحد
ومرة دخلت من الزحمة ماعرفت امرق
شي مظاهرات وشي ونسه وشي علاقات عامة وشي سياسة
غايتو ده تكتل جهوي انا شخصيا بناهضه!
نحن ناقصين ....
اها المسألة دي شهيرة اسفيريا ....
وانا شايفة دخلتك هنا ده زي حاتنقلهم للبوست ده ويخلو بوستهم الديناصور داك
وما تقول لي الدهن في العتاقي
غايتو اتشجع وانقلهم هنا لي خطوة او مربع جديد وليك الاجر لانه انا عيوني من
متابعتهم زغللت وفي منهم ناس بيدخلو سودانيات بس لي البوست ده من غير
ما يعبرو باقي البوستات وطبعا شبارقة وكيشو وآمال استثناءات او نماذج للاستثناءات
عشان كمان مانعمم وبعدين نلقى لينا مخرج لو اتزنقنا في حصر الامثلة
ياخوي دي عريضة ......واحكم يللا
ابقي لي جوا.....واقعد عافية

لنا جعفر بالنيابة عن المواطنين المفروسين من ناس اسيوط (الاسايطة)
قلتو لي سبعينات؟؟؟؟؟
انا لله

هوي سلام يابرلوم