خلي احتمال اللقيا إكتبني من مطرك خطاب ...

[الشريف الراقي]

وأنا عيشي من دونك سراب

يا بهجة الضو المذاب

وأنا شوقي ليك عانى العذاب

سافر مع النيل في الضباب

علمني كيف الشوق إليك

وعلّم معاهو النيل رباب

وأنا شوقي ليك فاق التساب

يا لقيا من روعة حباب

عطر الكلام منك أجاب

ولو شفتي كيف يا مستجاب

حتى الزهر بتونسك

وحتى القمر بتوسدك

ما النوم علي روعة ضفائرك مستطاب

لما الفرح إقدل إجيك من كل باب

تلقيني مستنيك حبيب

وتلقيني مترجيك حباب

ولحظة لقاك

تلقيها في جواك رحاب

وخلي احتمال اللقيا

إكتبني من مطرك خطاب

[jezabell]

جيتك موشح بالعذاب

شايل جراح قلبي التعب

من حرقة الوعد السراب

ضميتني في حضنك دفا

ووسدت راسي علي الرهاب

وااا لوعة الروح التسافر

في صحاريك اليباب

عشمانة في دفق المطر

ما عارفة جوفك يا سحاب

ملياااااان كضب

ما بتلقى في جواك جواب

يشفي العليل

الحار دليلو في وحدتو

وبعدك رفض حتى الصحاب

ما انت ناسو ودنيتو

وانت الحنين المستطاب

وانت الغمام عز الهجير

لو حتى ضلك لحظة غاب

بتضارى بي طيفك سقف

واقفل عليك جوايا باب

ولسة بستناك لُقى

اكتبني من مطرك خطاب

[بابكر مخير]

جميل تشوف وليداتك يبدعو،،،،،،،،
وقصة "وليداتك" دي ما إنتساب وإن كان يكون ليا عظيم الشرف
لكنها نابعة من خالص الإعجاب والمحبة وبعامل العمر
شكرن يا راقي وشريف؛ الشريف الراقي
وليك يما وأم الجميلة الخجيلانة إعجاب خالي من أسباب العذاب وقريب، حقيقي وماهو سراب

[مواطن]

يا راقي يا شـريـف ، ويا الشـريف الراقي .

والله كنـت مكـتئب من الصباح .. وزي ما بقولو مسـلم مفاتيحي للقـدر وشايف الدنيا أبيض وأسـود .. لحـد ما طلـّت قصيـدتك الممهورة بالتفاؤل دي .. حكـَت الجواي .. وحكـّت الجواي كمان .. فبدأت الألوان تلوح وإن على إستحياء .. ولأنتظر باقي اليوم ..
فشكراً وأجـدت يا صديقي .

[الشريف الراقي]

جيتك موشح بالعذاب

شايل جراح قلبي التعب

من حرقة الوعد السراب

ضميتني في حضنك دفا

ووسدت راسي علي الرهاب

وااا لوعة الروح التسافر

في صحاريك اليباب

عشمانة في دفق المطر

ما عارفة جوفك يا سحاب

ملياااااان كضب

ما بتلقى في جواك جواب

يشفي العليل

الحار دليلو في وحدتو

وبعدك رفض حتى الصحاب

ما انت ناسو ودنيتو

وانت الحنين المستطاب

وانت الغمام عز الهجير

لو حتى ضلك لحظة غاب

بتضارى بي طيفك سقف

واقفل عليك جوايا باب

ولسة بستناك لُقى

اكتبني من مطرك خطاب


رشا يا كحيل ...

معذورة يا بت يا رشا

ومعذورة يا مطر الندى

لو كان غناك

نازراهو شان الريد فِدى

روح الحروف من سر غمامك

لابس وشاح ريدك ِردا

وطلة الشمس البتشرق من عيونك

راجية من شرقك نِدا

شان تشوف روعة النيل المجرتق

بي شوق غناك وكوم قصايد

ممتدة في جواك مدى ..

معذورة يا مطر الندى

ومعذور معاك كل الحنين اللفي غناك

البيهو حرفك كم شدا

وخليك كدا

منتظرة لي موسم تباشير الخريف

والليل إناغم رشة المطر الهِِدا

ولما الصباح أنوارو لاحت في المدى

تلقيني مستنيك مع الأمل الفَراش

ومتلفحك نسمة دعاش

ومسدار غنا رفرف مع الصمت الصدى

واتظللك غيمة فرح جابت المرح

خلت مسافة الخطوة ليك مخضرة يانعة مفرهدا

وخليك شمس خجلانة من بينات السحاب

شان تسقي عتمات الدروب بي نور هدى

واتظللك نيمة وعبير

وأشواق تطير

فرحانة بي وعد الندى

مطرانة بي مطر الندى

عشمانة في المطر البدا

واتظللك

طلة صباح لابسة الوشاح

فاردة الضفائر بي انشراح

واتظللك

هودج رحيل لي الشوف بدا

جاب الفرح لي قليب بيسأل عن حبيبتو وإنشدا

معذورة يا مطر الندى

ومعذور معاك كل الحنين اللفي غناك

واتظللك في الليل نسيم

مازج سلاف نيلا حميم

قالع عبير مطرا وسيم

واتظللك

في الصيف ندى

معذورة يا مطر الندى

معذورة يا مطر الندى

معذورة يا بت يا رشا

[معتصم الطاهر]

الراقى .. الشريف

والسامية .. رشا ..

سعيد بهذا الجمال ..

[jezabell]

قول ليا يا دربي الحنين

متين اعود

وهل اكتفيت؟؟

وانا كنت في الاول بديت

لما انتهيت؟

والسكة ليك وقفت زهد

لا قدرت ابراها واجيك

لا قدرت احرس حارة سد

ولقيت براااااي من روحي صد

لا فيها ود

ولا خبر شايلو النسيم

ولا كلام يغنيك حالك

عن سؤالك وما ترد

ولما الرويحة تروح شجن

تلقاني في الاخر بدن

المعنى طين..

ملخوخ محن

وموكح الداخل بحر

امواجو ظن

وبيني بينك

ما في حل

وياتو شارع يوصلك

وكل المداخل من وحل

وفتشت ليك محل محل

ورجعت بخفي حنين

اجرجر اذيال الفضل

وظني رغم عوارض

الحاجات بصل..

[الشريف الراقي]

جميل تشوف وليداتك يبدعو،،،،،،،،
وقصة "وليداتك" دي ما إنتساب وإن كان يكون ليا عظيم الشرف
لكنها نابعة من خالص الإعجاب والمحبة وبعامل العمر
شكرن يا راقي وشريف؛ الشريف الراقي
وليك يما وأم الجميلة الخجيلانة إعجاب خالي من أسباب العذاب وقريب، حقيقي وماهو سراب

العم ود مخير سلام ومحبة واحترام وتقدير ..
دوما تربطنا أمومة السر الذي بيننا .. وقدر أنت جميل منحني فجر الموعد .. وإشراق صباح أراك فيه زاهياً .. حباً وكرامة ..
لو علمت ما لك في الدواخل من تقدير .. لقرّت عيناك به ..
دمت عماً عزيزاً يا عزيز ...

[الشريف الراقي]

يا راقي يا شـريـف ، ويا الشـريف الراقي .

والله كنـت مكـتئب من الصباح .. وزي ما بقولو مسـلم مفاتيحي للقـدر وشايف الدنيا أبيض وأسـود .. لحـد ما طلـّت قصيـدتك الممهورة بالتفاؤل دي .. حكـَت الجواي .. وحكـّت الجواي كمان .. فبدأت الألوان تلوح وإن على إستحياء .. ولأنتظر باقي اليوم ..
فشكراً وأجـدت يا صديقي .

الصديق الودود الراقي ود طه ..
بلغني ما بك عني من تقدير وود .. سعدت به .. وها أنا أتدثر به لأراك بين جنبات نفسي كحبل الوريد ..
سلامات وما تشوف شر .. وخليها لله .. وقلنا بكلامنا ده عسنا نخفف بعض سادية العصر والبوستات المتوترة ..
أتمنى لك يوماً سعيداً ..
مرفق محبتي بلا حدود ...

[الشريف الراقي]

الراقى .. الشريف

والسامية .. رشا ..

سعيد بهذا الجمال ..

الحبيب للعقل والروح ود الطاهر .. سلامات
الحمد للله الشوفناك في هذه الدوحة حتى يطمئن قلبي بأن التوتر قد زال وأنت الآن بخير وأحسن حال ..
يا خي الحكاية شنو شفقتنا معاك .. طوّل بالك يا حبيب ..
وكدي شوف الكلام البتقول فيه رشا ده .. كلام إجنن .. لكنه بزيل التوتر ..
سعدت جداً بهذا الحضور الزاهي
مرفق تقديري ،،،

[الشريف الراقي]

رشا يا كحيل ..

ماني متعجِّل وصولكِ ياني مستنيك حبيب

القساوة الفي الزمن علمت قلبي الوجيب

والمشاعر الحاضنة ريدكِ فيها ليك كل النصيب

القليب عارفهو معافر مشتهي طلة حبيب

والحروف الخابرة شوقكِ شوفي كيف صبحت رطيب

يا حليل شوقي الغاشك وفي رباكِ صابو النحيب

جاكِ بي أشواقو إجري شان إكون منك قريب

راضي بي شمسو البتخسف بي فعل قمرا رهيب

يا قمر جواي مسافر أوع تنسى تروح تسيب

ياني بحركِ لي المحنة وياني لي حبك مجيب

وإنتِ ريدي مهما غبتي ما أظن شمسكِ تغيب

[بابكر مخير]

راضي بي شمسو البتخسف بي فعل قمرا رهيب


ذي ما بيقولو: الكلب بريد خناقو (مع التشبيه دون الشبه)
لقيت كمان الكلمة طوع بنان البجودها وبيفجرها..
ليك يابا بين شعراء الحقيبة كرسي، قدرتو بعد نيل البروفسرية والدكتوراة، في فن التشبية من الما ممكن لي الواقع.............
يا رشويا، يا يما ويا أم البنية الخيجيلانة،،،، بعد الكلام الراقي من الشريف دا،،، أبقى أتباهي وسط رفيقاتك، بي مهلة وبراح.
ما دي شهادة من عظيم بقولن عظيم.
00000000000
سمح إتا وعسل إتا
يا شريف يا راقي

[الفاتح]

آآناس دقيقه إتوقًفوا..
جفلن خيول الدهشه
في أول رهان
راهنت بإنو الشريف
مضمار غناهو بيبتدي
بي كم غفير
من عنفوان
وبينتهي وكتين
يحس بإنو غيبًك
المكان
الليله لابس
قوس قزح
رشًويه
والحرف الطفح
شكًل معالمك
دون جوان

[somiaadam]

النسمه هبت ياصحاب
بعد اليباب
الراقي جاب لينا السحاب
والبهجه طلت كل باب.
***************
رشويه ياغيمة فرح
ياأحلي من الوان قزح
بي طلتك عم المرح
وقلبي أنشرح
والكل مدح
ماأنتو من بحرا رهيب
بيدي الدررلكل قريب
ونفوسنا ليكم بي تتطيب
شكراالشريف الراقي ورشا ودمتم .نفوسناظمئ و دائما تتوق للنسيم العليل .

[الشريف الراقي]

ذي ما بيقولو: الكلب بريد خناقو (مع التشبيه دون الشبه)
لقيت كمان الكلمة طوع بنان البجودها وبيفجرها..
ليك يابا بين شعراء الحقيبة كرسي، قدرتو بعد نيل البروفسرية والدكتوراة، في فن التشبية من الما ممكن لي الواقع.............
يا رشويا، يا يما ويا أم البنية الخيجيلانة،،،، بعد الكلام الراقي من الشريف دا،،، أبقى أتباهي وسط رفيقاتك، بي مهلة وبراح.
ما دي شهادة من عظيم بقولن عظيم.
00000000000
سمح إتا وعسل إتا
يا شريف يا راقي

العم ود مخير سلام ومحبة ..
لك الشكر الجزيل على الإطراء .. والله الواحد خايف بعد كلامك السمح ده إقوم إصدق ..
سعيد والله جداً بكل تواجدك معي وتشجيعك
والله سمح إتا وعسل إتا ..
مرفق تقديري ،،،

[الشريف الراقي]

آآناس دقيقه إتوقًفوا..
جفلن خيول الدهشه
في أول رهان
راهنت بإنو الشريف
مضمار غناهو بيبتدي
بي كم غفير
من عنفوان
وبينتهي وكتين
يحس بإنو غيبًك
المكان
الليله لابس
قوس قزح
رشًويه
والحرف الطفح
شكًل معالمك
دون جوان

العزيز جداً جداً شليل 7 ..
أشهد الله إن كنت داخل أنزل بوست بعنوان ( عود لينا يا ليل الفرح شليل 7 ) فإذا بي أجدك منوراً داري بهذا الحضور الأنيق واتلرسم بالكلمات ... فشكراً لتوارد الخواطر وهذا التوافق ...
يا زول والله مشتاق ليك .. وتجدني في غاية الأسف لعدم سؤالي عنك لكن أمسحا لينا في وجهنا .. وإن شاء الله تاني ما نفقدك يا أعز عزيز ..
لا زالت صدى الكلمات الأولى يرن في المسامع تشجيعاً وتوقعاً وأملاً قادما .. ورغم كل هذا ما زالت دهشة قراءتك الأولى مسيطرة !!
وأدهشتني حقاً بهذا البوح القادم منك :
جفلن خيول الدهشه
في أول رهان
راهنت بإنو الشريف
مضمار غناهو بيبتدي
بي كم غفير
من عنفوان
وبينتهي وكتين
يحس بإنو غيبًك
المكان
الليله لابس
قوس قزح
فهذا كثير كثير في حقي ..
مرفق تقديري وحبي وشوقي ،،،

[الشريف الراقي]

آآناس دقيقه إتوقًفوا..
جفلن خيول الدهشه
في أول رهان
راهنت بإنو الشريف
مضمار غناهو بيبتدي
بي كم غفير
من عنفوان
وبينتهي وكتين
يحس بإنو غيبًك
المكان
الليله لابس
قوس قزح
رشًويه
والحرف الطفح
شكًل معالمك
دون جوان

العزيز جداً جداً شليل 7 ..
أشهد الله إن كنت داخل أنزل بوست بعنوان ( عود لينا يا ليل الفرح شليل 7 ) فإذا بي أجدك منوراً داري بهذا الحضور الأنيق واتلرسم بالكلمات ... فشكراً لتوارد الخواطر وهذا التوافق ...
يا زول والله مشتاق ليك .. وتجدني في غاية الأسف لعدم سؤالي عنك لكن أمسحا لينا في وجهنا .. وإن شاء الله تاني ما نفقدك يا أعز عزيز ..
لا زالت صدى الكلمات الأولى يرن في المسامع تشجيعاً وتوقعاً وأملاً قادما .. ورغم كل هذا ما زالت دهشة قراءتك الأولى مسيطرة !!
وأدهشتني حقاً بهذا البوح القادم منك :
جفلن خيول الدهشه
في أول رهان
راهنت بإنو الشريف
مضمار غناهو بيبتدي
بي كم غفير
من عنفوان
وبينتهي وكتين
يحس بإنو غيبًك
المكان
الليله لابس
قوس قزح
فهذا كثير كثير في حقي ..
مرفق تقديري وحبي وشوقي ،،،

[الشريف الراقي]

النسمه هبت ياصحاب
بعد اليباب
الراقي جاب لينا السحاب
والبهجه طلت كل باب.
***************
رشويه ياغيمة فرح
ياأحلي من الوان قزح
بي طلتك عم المرح
وقلبي أنشرح
والكل مدح
ماأنتو من بحرا رهيب
بيدي الدررلكل قريب
ونفوسنا ليكم بي تتطيب
شكراالشريف الراقي ورشا ودمتم .نفوسناظمئ و دائما تتوق للنسيم العليل .

العزيزة سمية آدم ..
الشكر الكثير على روعة الحضور المموسق إحساساً وحرفاً
ولك البوح بالحروف هكذا ..
كتبت ليك حرفين
على درب شابك
حرف مستني من باكر حنين
وحرف محتار إلملم بعضو من بابك
صحيتي معاي
طرق شوقي على بابك ..

[jezabell]

ماني متعجِّل وصولكِ ياني مستنيك حبيب



ابداكَ كيف؟؟؟

وخطايا كل ما توصلك ترجع تقيف....

ومحل اقول بيك انتهت احزاني فيك يبدا النزيف...

وعيوني كل ما تقول تفارق طلتك تلقى البصر دونك كفيف...

يا شجرة في كل الفصول ظلك وريف...

يا قلب مخلوق من دهب ما خالطك في لحظة زيف...

ابداكَ كيف؟؟؟؟

ابداكَ من حاء الحنين لكل محطات الفرح في سكة الحزن المخيف؟؟؟

والا التحيل بالمنام شان احضنك في حلمي طيف؟؟؟

والا احتمالات التحرر من قيود زمنا سخيف؟؟؟

والا بس اطلق شراعات الهوى واغرق معاك...

ما نيل هواك ما بحدو قيف....

قول ليا بس....

ابداكَ كيف؟؟؟؟؟؟؟؟؟؟؟

[الشريف الراقي]

[QUOTE=Rasha Hatim;108703]ابداكَ كيف؟؟؟

وخطايا كل ما توصلك ترجع تقيف....

ومحل اقول بيك انتهت احزاني فيك يبدا النزيف...

وعيوني كل ما تقول تفارق طلتك تلقى البصر دونك كفيف...

يا شجرة في كل الفصول ظلك وريف...

يا قلب مخلوق من دهب ما خالطك في لحظة زيف...

ابداكَ كيف؟؟؟؟



[size=5][align=center][color=#FF0000]تبديني كيف ؟؟؟

وكان بدايتي من الغمام

يالسمحة ليك عنوان محبة

وكان رزازي البشتهيك

بي شهقة الإلفة العليك

تلقيه شبا

وكان عشق

ما بين حنيك وبين دعاشي

طربان حد ما تاخد الكلمات

من رزاز جواي ماشي

وحد ما إقيف الشوق

وإتعدى الحواشي

لامن أشوفك قادلة بي حس إرتعاشي

إقيف جواي خاطر ريد

أزيد الدفقة لي المطر المراشي

عشان اقدر أفك بي خصلة الشعر إنكماشي

أنا المطر البدايتو من عيونك

بي كل حنين تلقيني هاشي