مشايخ قبيلة (باما) يؤكدون سودانية جذور المرشح الأمريكى (أوباما)

[أمير الشعراني]

مشايخ قبيلة (باما) يؤكدون سودانية جذور المرشح الأمريكى (أوباما)

أثار الخبر الذي نشرته (حكايات) ضمن أعدادها السابقة عن زعم مهندس التبريد السوداني (أمين باما) بوجود أواصر دم وصلة قربى تجمعه بمرشح الرئاسة الامريكي (باراك حسين أوباما) الذي بات قريباً من دخول قصر الرئاسة الأمريكي كأول أفريقي من أصول مسلمة يجلس على عرش البيت الأبيض، أثار الخبر ردود أفعال متباينة، ففي الوقت الذي استبعد فيه البعض وجود تلك الصلة، طالب آخرون بالمزيد من البحث والتدقيق وكشف الحقائق حولها.
وفي سياق ذلك أبلغ الصحيفة المهندس (باما) السوداني، ان مشايخ ورجالات قبيلته التي ينتمي إليها قد انخرطوا في اجتماعات متواصلة بعد نشر الخبر أكدوا خلالها بعد الرجوع الى تاريخ القبيلة، ان أسرة (أوباما) الامريكي كانت من ضمن الاسر التى هاجرت الى كينيا أبان مجاعة سنة 1306هـ التي اجتاحت منطقة جبال النوبة، وكانت من ضمن أسر اخرى هاجرت الى كينيا وافريقيا الوسطى ويوغندا ووصل جزء منهم الى داكار.
واضاف (المهندس باما) ان اسرة (باراك) استقر بها المقام في منطقة تدعى الآن (نيانغ)، وهو نفس الاسم الذي تحمله قبيلتهم الآن بالاضافة الى اللهجة الموحدة التي تتحدث بها قبيلة (نيمانغ) السودانية و(نيانغ) الكينية.

[عادل عسوم]

حبيبنا أمير الشعراني
يعني المرحوم حسن خليفة العطبراوي ماكان غلطان لمن قال:
نحن من نفر عمّروا الارض حيثما قطنوا :D
سلامة العودة من البلد ياغالي

[بابكر مخير]

حبيبنا أمير الشعراني
يعني المرحوم حسن خليفة العطبراوي ماكان غلطان لمن قال:
نحن من نفر عمّروا الارض حيثما قطنوا :D
سلامة العودة من البلد ياغالي

عدول
سلامات يا رجل يا حلو
والله تعرف الناس الطيبين بيسهو دايمن
ليه؟؟
سألتني ليه وأقولك:
أولن تبادي سهيت في أنو أميركو، لسة في البلد
آها يعني خلاص التكنلوجيا ماكلا بعض كدي ومغطية السودان،،
أميركو حسي يكون في نص الحضارة، إضاءة وتلفزيونات بالرموت،،،
طبعن دي عقدتي لمن أمشي أبوظبي من رأس (الرجا الصالح) الخيمة،، والله لمن أنوار الشوارع تجهرني والنت، بيونسونا بيهو ونسة..
تانين (بدون تبادي)
أخويا أظنه خواجتك داك، هيج فيك وطنية للطيش،،
يعني إحنا من حظنا كدي لمن يكون رئيس أمريكا مننا، يعني ناس عمر وجعفر وعبد الرحيم محمد حسين ديل يكونو حقين منو؟؟
لكن برضو بتفق معاك وذي ما قال العطبراوي وإسماعيل حسن وسيد أحمد الحردلو وأنا أمدرمان وإحنا..
أحسن ناس،،، إحنا شلنا الكاس

[كيشو]

يا جماعة الخير
زماان قلتو نتنياهو
والآن أوباما
ناس زينين مافي أو (ماف حسب الروايات الجديدة):)

[عادل عسوم]

(حبيب الشعب) دكتورنا بابكر
يازول نحنا السودانيين ديل زرعتنا مابتقع واطة:D
كدي أضحك شوية مع دكتورنا ود بادي وحريم ود الشايقي:;)
ــــــــ
يجيك الحول وحول بى زول
والزول غول
ونحن ضهابة نحن تعابة لا نقدا ولا محصول
يا قشارة ما معقول
يا فقاسة ما معقول
عليك عرزينك المبهول تضربى الجملة بالميت قداحة فول
وعيشة تقول ضنيب ام سيسى عرض وطول
وجاز اللمبة فى غلبة وحق الفطرة للطلبة
ركوب التكسي بالقلبة
ولو ما الروح بقت سلبه نمص الصلصه من علبا
وكانت جاتنا فى الرقبة
دا كلو كوم والوليه ام العيلة كوم
الوليه الفنجريه حلاوة نبق
الوليه الغجرية ودايره دق
البطن ديمه منفوخة طِبَق طبق
يجبها الحول وحول بي زول
ومره تديها الهواده وترمى زى زولين زياده
الله اريتو الزول يزاول يا حكم صفر ده فاول
البطن بت الّزينة عايزة تعمير القبائل
واب شنب تعبان وعرقو يسيل جداول
يلحس الكوع رغم انفو وكان مزاول
وديمه يشبع فى البشاتن وديمه يشبع فى البهادل
شايلة فوق الصفحه سوسو واحد الله
باليمين مقيوده سيسى مالو تانى
اب شنب شايل أمانى تلاتة بركة
وكل حركة معاها بركة فى البطن بنجوسا فرفر
والقطر بوراها صفر والله يستر
عينى باردة ومانى حاسد وربنا يتم المقاصد
والله ما شقالو حنكا ضيعو
والله ما سوالو طفلاً ماسقاهو ورضعوا
الا الرباية خشم بيوت
والمعايش ماها توت
والمعذب اخير يموت
الوليد اكان مبرجل شن بسوى
زى كليب جربان يعوّى ويصبح المصران مهوى
ويمسى والمصران مهوى لا يبهرج لا يضوى
الوليد كان يربى قوى عمله استرلينى سايره
يبقى صاروخ ارضى جوي
النجاح مو من كتير
والبطير من ارض جاعت كان اخير
والليلة جيتكم بى بشارة وقولوا خير
ربنا يخلى الخواجة
عشان ما تقيف قدامو حاجة إلاّ يرطن فيها حاجة
يا خلق يا عقل صبه تشربو الويسكى المعبا
وتلحسو الرز بالمربى
تبلعو عروق المحبة وتلدو كبه وراها كبه
عشان تقيف ماتاخدو حبه؟
حبة واحدة في جوف الولية
حبة واحدة مع العشية
والمطايب هى هى ...
لا بطوناً كالخيام ولا سمايه ولا كرامه
قد تقولون حراما .. لستُ مفتى ...
ولماذا لستُ أفتى ...لستُ أفتي؟!
شيخنا ود الشايقي خريج الخلاوى يكتب البخرة ويداوى
يعشق الماحى وطارتو والمدائح وأبكساوى
قافل اضانو من البلاوى
إلا فى عرس وطلق قد يجيب بعض الفتاوى
حالتو ساتره ونص ُكم بيعو فى سوق السماسره
بيعه رابحه وبيعه خاسره
وهو حامد متشكر ليس ملحد ليس منكر
يمشى ما بين السرارى ونساوين الحوارى لا تغيب عن قلبو ابداً
حاجة سعدة لجنة خردة حاربت فى المهدية
ثم آلت لجلافط وكراضم عن قريبٍ ستزور الأبدية
وأحيلت للمعاش فاراحت واستراحت
ثم تأتى سعدية وهى رهن الخدمات
ومفاخر ومباخر وعيونٍ فاهمات
تعرف الوقت المناسب لتحاسب وتحاسب.. ليس فى الدين حرج
آخر العنقود ليلى اصغر الزوجات ليلى
شيخنا ودالشايقى افلح اشترى ليلى مكعكع فتصلح
وتصبين وتنحنح وهو شيخ فى هجيع الليل يمدح
يا ليلى ليلك جن معشوقك أوه وانى
وتجيب المدح ليلى وتغرد غير هدنه
وتزيد الشيخ قرباً قاب قوسين و ادنى
أنها دنيا المطالب بأسم ليلى من يطالب
ذات مره والممرات كثيره
شيخنا صلى الصبح نافلة وبآيات قصيره
وتحوقل وتعوذ ودعا اللهَ بأن لايتجوز
وتشهق
وتمنطق
وبراس السبحه طق طق
ومضى يتلو الكتاب
مر بالمال والبنون فتبسم وترنم
وبآيات الطلاق فتجشم وتعسّم
وإذا مالاقى مثنى وثلاث ورباع
وقف الشيخ طويييلا مثل فحل الضباع
وبكى وهو يرخى من حبال وتريه
وجرى دمع الزراعة المطرية
وقال
اين منّى زوجة بكرا فتية
اين منّى المحلبيه ؟
اين منّى السرتيه ؟
فى نقاء كبحيرة طبرية
ودعا الله عروسه ...
وخرج يحشش بعبايه وزنادٍ وكدوسه
خطفها خطفها
جاب ضحية هايله ومذهله
جزار وفالح فى تجارة القرصنة
خلف الكراع فوق الكراع وكدوسو زى المدخنه
بالكفتين زى الخشب حرّق شباب السوسنا
وتفوت سنه وتمر سنه وشيخنا عجّز وانتنى
بقى فى الحرد والطنطنه وهو زاااتو عجّز وانتى
شيخنا يا شيخ السجم خلّف زرازير السجم
واحدين اساميهم عرب واحدين اساميهم عجم
بدأ بمحمد ثم زوجات الرسول العشرة
وكل الذين تجمهروا فى البيعة تحت الشجرة
طلحة الخير والزبير ثم سعد وسعيد
ثم ستة مبايعين
كمّل اسماء الصحابة والتابعين
واتباع التابعين
ثم عبّد مايشاء من البنين
عبدالرحيم عبدالمعين
ثم تفنن في القوافي وتبحر في تراكيب المضافِ
سيف الدين وسعد الدين
شمس الدين وقمر الدين وقمر صناعي الدين
وعاد لامتين
ثم سمى فى الختام
عبد مالك الملك ذوالجلال والإكرام
الراجل تقول مسحور
وما مخليلو مرةً بور
وزرعتو ما بتقع واطه
بقت الطلبات بالدست
حتو درج الخزنة حت
الوليه تنبح كان أصبحت وان كان مست
خرائط ولفايف ومحزق ومنمق أنها نكبة روما والمتمه
إن طعم العرس حلو ولذيذ
وهو كاسات افراح ونبيذ
ثم تأتى انتفاخات القرنتى وبطاناً كالنمتّى
لا يقاوم بالدي أن تي
هي تصرخ حنى حنى ... وهو يصرخ تتى تتى
....

[عادل عسوم]

يا جماعة الخير
زماان قلتو نتنياهو
والآن أوباما
ناس زينين مافي أو (ماف حسب الروايات الجديدة):)
كيشو
أنتا خايف مالك؟ ماتقول نتنياهو شايقي :D
بالمناسبة (منقستو هايلي مريام) برضو ابوهو سوداني :confused:
بس ما اسمو (هايلي مريم ياجماعة)
:D

[كيشو]

كيشو
أنتا خايف مالك؟ ماتقول نتنياهو شايقي :D
بالمناسبة (منقستو هايلي مريام) برضو ابوهو سوداني :confused:
بس ما اسمو (هايلي مريم ياجماعة)
:D

طيب اسمو منو؟
هلم جرا

[مهند بشير]

اصولو سودانية :eek:
دايرن تغتسو حجرو مش
آخر السنة قرب والنشوف يا الشعراني
غايتو كان ما نجح
ياك الفيك الصوفة:(:p

[آيات]

حبيبنا أمير الشعراني
يعني المرحوم حسن خليفة العطبراوي ماكان غلطان لمن قال:
نحن من نفر عمّروا الارض حيثما قطنوا :D
سلامة العودة من البلد ياغالي
إزيكم
أمير
أمتلك قناعة كافية أن إن الرجل السوداني يصلُح للكثير ...
عادل
إعتراني ذلك الحس العباب بخدرٍ لذيذ سرى جسدي ... لفحتني رياح العشق ..إرتجفت أزماني.. ولكأني أسمع العطبراوي أول مرة ( أول مرة أنا اغراني بشبابو) فيكفينا فقط الإعتداد بسودانيتنا

[بابكر مخير]

مرحب بيك يما
وهو إحنا المطلع روحنا شنو غير
[color=#FF1493] فيكفينا فقط الإعتداد بسودانيتنا
بنعزو ونعتز بكل عزيز فيهو
وما بنقدر نعد مدى إعتدادنا بيهو

[أمير الشعراني]

اصولو سودانية :eek:
دايرن تغتسو حجرو مش
آخر السنة قرب والنشوف يا الشعراني
غايتو كان ما نجح
ياك الفيك الصوفة:(:p

العزيز مهند سلامات يا نيل
بنجح انشاء الله ... لكن اريدوا ارجع لـ جذوروا ..!

[أمير الشعراني]

مرحب بيك يما
وهو إحنا المطلع روحنا شنو غير

بنعزو ونعتز بكل عزيز فيهو
وما بنقدر نعد مدى إعتدادنا بيهو

الحبيب د بابكر عيدك سعيد
البس النضارة يا خال وعاين فى اضان الولد دا كويس .. انا متأكد الأضان دى سودانية
http://sudanyat.org/vb/imgcache/943.imgcache.jpg

[بابكر مخير]

[QUOTE=أمير الشعراني;111008]الحبيب د بابكر عيدك سعيد
البس النضارة يا خال وعاين فى اضان الولد دا كويس .. انا متأكد الأضان دى سودانية
[QUOTE]

غايتو الزول دا في المقابلة بتاعتو مع مرشح الجمهوريين
ما فيهو شي سوداني
كان هادئ ولما الثقيل داك حاول يستفزو
ولا كأنو شي حصل.
دحن لو كان سوداني ما كان نطا ليهو في رقبتو؟؟
ولا
أقلها كان حلف بالطلاق
ذي رئيسنا