المساعد الشخصي الرقمي

مشاهدة النسخة كاملة : يا خالد الحاج، يعني أركب فسبا

بابكر مخير
08-10-2008, 09:52 PM
مرة جونا شباب براغ يلعبو ضددنا كرة قدم نحنا ناس براتسلافا....
فريق براغ من المخصرمين وكان من ضمنهم شقيقي الله يرحمو شنقيطي بدري وفريقنا كان شباب صغار،
بدأت المبارة وشبابنا قون ورا قون،
أقول ليك ذي كم تاشر كدا...
ناسك بتاعين براغ، نفسهم إنقطع،،
اللسان حد الركب،،
العرق خور أبعنجة،،
حتى الجسم التقول طاقاهو كهربا، يترجف ذي قالب الجلي
جد كدا!!
فترو
قام وقف شنقيطي في نص الملعب وقال:
شنو يعني نركب فسبا....
والقصد عشان يلحقو شباب براتسلافا في الجري..
آها
الحبيب
باكر أنا ماشي دكتور الأسنان
ضرس.....
طبعن ما ضرس العقل، دا زمااااااااااااااان فارقناهو (تكونو ملاحظين، مش).....
يعني يوم بي حالو حأكون بعيد من سودانيات
إتصور معايا يا خلود
كم صفحة حا أجي القها إتملت
كم بوست إتفتح
كم مداخلة تمت
وين تاني الحقكم
......
يفوتني طق الحنك الفي حوش النسوان وناس أبو عاقلة وشبارقة في الديوان
وحاجات عصومي وعادل عسوم وهشوم
وناس رزا، بدور التركي وآمال وكم تانيات وكم وكمان
وتوحة وكتابات الراقي شريف وكيشو وود رغيم عثمان
وتحف عمدتنا ود الطاهر والأمير شعراني فوفو دا الفنان
وما أستنى رجعت هاشم من السودان
.........
يا أخي
ظلم
حقو ترجوني وتديهم باكر إجازة
لمن أرجع
بس
الخوف
أقوم ما أرجع
..........
ليكم المحبة كلكم
والمحبة كلها ليكم
بدور التركي
08-10-2008, 10:02 PM
سأبقى بينكم واستمتع بيومى معكم
ومهما بعدت يا عزيزى الاشياء الجميلة
التى حافضنا على حجمها تبقى وتبقى
معها الذكريا الجميلة
هكذا اريد لوجودى معكم ان يكون
wadosman
08-10-2008, 10:23 PM
يا ود مخير..

تاانى الا قضاارف..
شوف ليك سوزوكى يكون عادمين كدا...

يا زول ان شاء الله الضرس يطيب و ترجع لينا بالسلامة هنا
و الفااتك بتلقااهو قااعد...

يديك العاافية..
مواطن
08-10-2008, 10:35 PM
الأخ بكـور
تحياتي الوافرة ..
أنا شخصياً وكل ما يتعلق ببوستاتي سـنتوقف لحيـن إياب وسنـقف إجلالا لعودتك .
هذا فيما أملك .. لكن هناك بوستات هي الراكبة فسـبا .. شوفيـنيـة المنحى ما ظنيتـك تلحقا.
نفـدة:
لكن ما باقي ليك تركيـب الطقــم بدري عليهـو شـوية :D:D.
بابكر مخير
08-10-2008, 10:48 PM
غايتو هن حاجتين
الطيارة وجرة المشرط
ديل يا ستار:mad::mad::mad:
......
شكرن ليكم على المداخلات الإدتني بوووووووست
...
لكن برضو ما بحل
النوم طبعن سك
ولو بقى!!
ببقى خزاز
ما الخوف الحنك قزاز
ينترم، ينكسر
يا سادة يا عزاز
والسيدات ناس عوزاز....
.
هشومي عملتني سبب، يا زول في شيتن تاني
ترباس قال كيف؟؟ظ
حاجات تانية حامياني;)
خالد الحاج
08-10-2008, 10:56 PM
إزيك يا دوك
وكفارة والله
لكن بالجنب كده إنت لسه باقي ليك سنون :D

أما الموضوع "الجادي " جدا جدا جدا فلازم توريني (الفيسبا) دي إنت سايقها ولا مردوف ;)
طبعا ده بيحدد أشياء كتيرة وفي منتهي الأهمية ..

غايتو لا أزال أذكر (التحذيرات) الجادة جدا من كبار الأسرة
* أوعك من الفيسبا
* أوعك من صف السينماء في الشعب

ولي أسه يا بابكر يا أخوي مستغرب ليه (وش برييء كده) :D

دحين يا أخوي تركب فيسبا تركب ركشا ما تغيب كتير
وتمش وتجي بالسلامة وربنا يخفف عليك الألم أنا سمعت الأنصار بيقلعو من غير بنج :D
nagwa
08-10-2008, 10:59 PM
كلوا لا انت عين والله
بدور التركي
08-10-2008, 11:05 PM
لحظة لو سمحت ما تمشى عايزة اجيب ليك هدية من تصويرى
سوزان حمد
08-10-2008, 11:15 PM
سلامتك ياالغالي
وناس المنتدى كلهم كرامتك
وتمشي وترجع لينا بالسلامة إن شاءالله
وحتلقانا في إنتظارك
أصلو المحبين الحنان لا بنسو لا بتحولوloooollooool
والله يديك العافية
بابكر مخير
08-10-2008, 11:17 PM
أنا سمعت الأنصار بيقلعو من غير بنج :D
مزغول، مزغول يابا
أنصاري مزغول بي حق حلب
أما الموضوع "الجادي " جدا جدا جدا فلازم توريني (الفيسبا) دي إنت سايقها ولا مردوف ;)
....
غايتو لا أزال أذكر (التحذيرات) الجادة جدا من كبار الأسرة
* أوعك من الفيسبا
* أوعك من صف السينماء في الشعب
:D
قالو ليك أول أنا كنتا مجري، ماني سوداني وقريبك،
الحذروك منو!! برضو في كتابي :p

لكن بالجنب كده إنت لسه باقي ليك سنون :D
:D
لا شغال بالأضافرين;)
..........
تعرف يا خلود
مرة في لندن مشيت الإسبتالية، يعملوا ليا حكاية الرنين المغنطيسي ديك،،
آها رقدوني،،، على ضهري،،،،
ومسكوني جرس كدا، قالوا ليا: لو شعرت بي عدم إرتياح، دوس على الجرس وبنسحبك...
رقدتا (على ضهري) وإتحركت المصيبة الراقد فيها،، ويا زول بدا الضلام،، بطرف عيني كدا ولي فوق... أشوف ليك نور صغيروني هناااااااااااااااااااااك...
يا زول الداهية بتاعتهم دي،،، ذي التابوت....
أنقر؟؟
إستنيت أضرب ليهم الجرس.:(
وحاتك في لحظة كنتا خارج الغرفة ولو ما شوية كنتا أكون جووووووووا البيت.
بس الملاعيين كانو شلحوني والهدوم معاهم...
من يومها حرمت أمشي في شارع الإسبتالية.....
تقول ليا:
أنصاري،،،

ملهوظة: حقو بعد ما فضحتني كدا;)
أغير الصورة وأشوف وحدة حنكوشة :p;)looool
بابكر مخير
08-10-2008, 11:23 PM
والله يا بنياتي شيرين وبدور ونجوى
خلعة ضرسي الجابتكن دي
خلعتني في روحي.....
يا زول بعد دا
ظنيتني أمشي لعملية زايدة
عشان يزيد حضوركن
..
شُشٌشٌشٌكررررررررررررررررررررن
nagwa
08-10-2008, 11:27 PM
النبي لا انت مالك ضروسك ولا مسافر افهم بس
بدور التركي
08-10-2008, 11:29 PM
والله يا بنياتي شيرين وبدور ونجوى
خلعة ضرسي الجابتكن دي
خلعتني في روحي.....
يا زول بعد دا
ظنيتني أمشي لعملية زايدة
عشان يزيد حضوركن
..
شُشٌشٌشٌكررررررررررررررررررررن

تبرى وتستبرى
ان شاء الله شيرين
:D
بابكر مخير
08-10-2008, 11:38 PM
ها يا نجوى بنيتي
إتي ما قلعتي ضرس؟
والله سفر على ضهر جمل أهون
بس إن شاء الله ما تجيك المصيبة دي
خلي عقلك كامل بي ضرسه
..............
يا بدور، يما
شيرين تبرى وتستبرى هي
ما هي!! لسة بي سنون اللبن
صغيرونية وما مغرورة
سوزان حمد
08-10-2008, 11:41 PM
ها يا نجوى بنيتي
إتي ما قلعتي ضرس؟
والله سفر على ضهر جمل أهون
بس إن شاء الله ما تجيك المصيبة دي
خلي عقلك كامل بي ضرسه
..............
يا بدور، يما
شيرين تبرى وتستبرى هي
ما هي!! لسة بي سنون اللبن
صغيرونية وما مغرورة

الله يديك العافية ياحبيبنا
وتسلم من كل شر يازوق
وربنا يحفظك


ومقبولة منك يابدور
ماأصلو جور الحبيب مغفور
بدور التركي
08-10-2008, 11:43 PM
ها يا نجوى بنيتي
إتي ما قلعتي ضرس؟
والله سفر على ضهر جمل أهون
بس إن شاء الله ما تجيك المصيبة دي
خلي عقلك كامل بي ضرسه
..............
يا بدور، يما
شيرين تبرى وتستبرى هي
ما هي!! لسة بي سنون اللبن
صغيرونية وما مغرورة


قصدك انا مغرورة( وش زعلان)
سوزان حمد
08-10-2008, 11:45 PM
تبرى وتستبرى
ان شاء الله شيرين
:D

شيرين ياحبيبة زايدتا إتفقعت من زمان:rolleyes::rolleyes:
هسة قبلت على المرارة والبنكرياس
والله يجازي اللي كان السبب:mad::mad:
بدور التركي
08-10-2008, 11:48 PM
الله يديك العافية ياحبيبنا
وتسلم من كل شر يازوق
وربنا يحفظك


ومقبولة منك يابدور
ماأصلو جور الحبيب مغفور
يوه حبيبة قلبى
والله قلتها من طرف لسانى ما من قلبى
كيف يعنى ارضى ليك انا الشئ الكعب
هاتى راسك ابوسها
ريحتك صندلية:p
بدور التركي
08-10-2008, 11:50 PM
شيرين ياحبيبة زايدتا إتفقعت من زمان:rolleyes::rolleyes:
هسة قبلت على المرارة والبنكرياس
والله يجازي اللي كان السبب:mad::mad:
مين فقع ليك المرارةlooool

بابكر انا اسفة طلعنا من الموضوع
شيرين يلا الجوش
ما نلخبط البوست

اكرر اسفى يا ابوى
مواطن
09-10-2008, 12:00 AM
يا بكور .. هو خلع الضرس بيسافروا ليه بطيارة ؟؟ ماشي تخلع ضرس وللا حكـومـة goood
والله عجيب أمرك .. أظنك ساكّي البنـج الكامل في بلاد الضباب ..!
آزوول إنـكـرب وأقلع ضرسك في عجمان حقتـك دي .. كان خايف من الطيارة.
عادل عسوم
09-10-2008, 12:09 AM
حبيب الشعب دكتورنا بابكر
معليش كنت مشغول ولقيت الناس مالين استقبال مستشفى الاسنان
ماشاء الله كلللللللل الاحباب:)
أولا (سلامتك وياخي بعد الشر عليك)
تانيا... الضروس دي مش بقوا يعملوا ليها (عزل جذور) ياحبيبنا بابكر؟!...
القلع دة أظنو كان زمااااان:D
كدي بالله طمنّا...
وليك (ريدتنا ومحبتنا)
:)
معتصم الطاهر
09-10-2008, 08:15 AM
خالد يا خـــــــــــــــال
و مخير الحبيب ..

انت يا خالد صدقت ؟
الزول دا ضرسو تاورو .. و عشان كدا جاب سيرة الفيسبا ..

بعدين خلونا من حكاية الضرس دى واللوز ..
زى حقت ناصر يوسف
يكون من القعاد الكتير قدام الكمبيوتر ..

أها
أنا بوست ( هِن السبب .. ولا ...) حأجلوا الى يوم السبت ..)
AMAL
09-10-2008, 09:42 AM
بابكر مخير

سلامتك يابا من كل شر

وستتوقف حتي قلوبنا الي ان تعود بالسلامة

وحوش النسوان في انتظارك

بس اعمل حسابك من جنس دا:D



http://sudanyat.org/vb/imgcache/947.imgcache.gif
بابكر مخير
10-10-2008, 04:02 AM
قصدك انا مغرورة( وش زعلان)

إتي وأقول شنو؟
إتي الكمال وآداك ليهو منو؟
دا يا ستي، من رب العباد!!
الهو
البي ذكور كل جد
مافي لا خمج ولا لهو..
............
وش زعلان معقول أصلن؟؟ في وشيك يترسم
إتا يما؟؟ حلم، علم ولا للجمال مطبوعة ذي الوشم..
بابكر مخير
10-10-2008, 04:08 AM
شيرين ياحبيبة زايدتا إتفقعت من زمان:rolleyes::rolleyes:
هسة قبلت على المرارة والبنكرياس
والله يجازي اللي كان السبب:mad::mad:

شيرين
ست الناس
السمحيين..
قللي من أكل الليمون في السلطة ولا صفيهو، عشان أهلنا الغبش قالو: بذرة الليمون بتجيب الوايدة وبرضو، ما حموضته بتلهب المرارة.
البنكرياس دا سببو بيكون من ال الله يجازيهو دا.
ما هو قطع شك ما أنا;)
بدور التركي
10-10-2008, 04:10 AM
إتي وأقول شنو؟
إتي الكمال وآداك ليهو منو؟
دا يا ستي، من رب العباد!!
الهو
البي ذكور كل جد
مافي لا خمج ولا لهو..
............
وش زعلان معقول أصلن؟؟ في وشيك يترسم
إتا يما؟؟ حلم، علم ولا للجمال مطبوعة ذي الوشم..

الاتنينlooool
حمد الله على السلامة
بابكر مخير
10-10-2008, 04:13 AM
بابكر مخير
سلامتك يابا من كل شر
وستتوقف حتي قلوبنا الي ان تعود بالسلامة
وحوش النسوان في انتظارك
بس اعمل حسابك من جنس دا:D
http://sudanyat.org/vb/imgcache/947.imgcache.gif

شكرن يا آمولي
وجنس دا؟؟:(:(
ياهو هو المخوف بوبي..:D:D
ويما، هو أني قلبي وقف وشفتا الحكاية دي حارة كيف؟؟
تب ما بوقف قلب زول،،، إن شاء الله
وشكرن على العضوية الفخرية في حوش النسوان;)
بابكر مخير
10-10-2008, 04:17 AM
مين فقع ليك المرارةlooool
بابكر انا اسفة طلعنا من الموضوع
شيرين يلا الجوش
ما نلخبط البوست
اكرر اسفى يا ابوى
مرارتي هي النفقعت
يوم السواد داك
يوم فكرتا في طاري دكتور السنون
.........
هو الأسف لي شنو، يما طلتكن
بالدنيا ووساعا وشوفتكن أريت طول العمر، ما بس قطعة من ساعة
والبوست، نور وبهرج
وهو
وأنا
بشوفتكن،غاية في السعادة.
سوزان حمد
10-10-2008, 04:25 AM
شيرين
ست الناس
السمحيين..
قللي من أكل الليمون في السلطة ولا صفيهو، عشان أهلنا الغبش قالو: بذرة الليمون بتجيب الوايدة وبرضو، ما حموضته بتلهب المرارة.
البنكرياس دا سببو بيكون من ال الله يجازيهو دا.
ما هو قطع شك ما أنا;)



حمدلله على السلامة
وجمعة مباركة ياغالي
بابكر مخير
10-10-2008, 04:29 AM
خالد يا خـــــــــــــــال
و مخير الحبيب ..
انت يا خالد صدقت ؟
الزول دا ضرسو تاورو .. و عشان كدا جاب سيرة الفيسبا ..
بعدين خلونا من حكاية الضرس دى واللوز ..
زى حقت ناصر يوسف
يكون من القعاد الكتير قدام الكمبيوتر ..
أها
أنا بوست ( هِن السبب .. ولا ...) حأجلوا الى يوم السبت ..)
قالو
الأسبرو والأسبرين والبنادول
بيخففو الآلام
بس
طلتك يا عمدتنا
شالت الوجع
والليل الطويل حتى!!
لو كان هجع
والله الضرس تاور من يوم وطت رجلي الخليج (؟؟)
...........
ولوز ناصر إتا قايل الجابا ليهو شنو؟؟؟
ما الأيسكريم، وشغل ناس الإنقاص ذي تيم
في قلقلة الخلق وحقرت الحريم...
..........
القعاد قدام الكمبيوتر، بيجيب "الكحة :D:D"
هو؟ الواحد بيدخن كتيير قدام الكمبيوتر ومشكلة التدخين في النيكوتين
والنيكوتين معروف بيضخم الدوالي
والمريخ وجمال الوالي
والمتعافن برضو والي
وهاكذا دوالي..
..........
ليك الشكر على الطلة عمدتنا معتصم ود الطاهر
............
الحبيب
يعني نلحق نقفل البوست قبل السبت،،
دا أنا كنتا عاوز أبرجم بي البوست د،،
خلاص يابا
بس الجاية دي.!.
ومنتظرنك
يديك الف عافية
بابكر مخير
10-10-2008, 04:39 AM
حبيب الشعب دكتورنا بابكر
معليش كنت مشغول ولقيت الناس مالين استقبال مستشفى الاسنان
ماشاء الله كلللللللل الاحباب:)
أولا (سلامتك وياخي بعد الشر عليك)
تانيا... الضروس دي مش بقوا يعملوا ليها (عزل جذور) ياحبيبنا بابكر؟!...
القلع دة أظنو كان زمااااان:D
كدي بالله طمنّا...
وليك (ريدتنا ومحبتنا)
:)

عدول
ود عمي
مآ لك؟؟ آزول
خرف يابا؟؟;);)
حسي القلع القال إسمه منو؟؟
ظنيتا رايحا ليك غنية فن شعبي
والله أنا بريد غناهو وهو ظاتو زول ظريف ودمو خفيف.
أخويا بنتكلم عن الخلع والقلع والنزع
عن أمور جاااااااااادة وحااااااااااااااااارة
ربنا كيفيكا شرها ولي عدونك إن شا الله يا الحبيب
بعدين يا أخويا
لكل زمان فعل
ولكل عمر علاج
حكاية الجذور دي بيعملوها للناس اللسة قدامهم أيام ولسة الضروس فيها قشرة
ووووووووين لنا؟
بس قول ربك يجيبها سليمة
وإن شاء الله حتكون أول لستت السامعيين
بأخر التطورات..
بس التقول؟
أوباما vs ماكيين
ليك المحبة أكتر من هولتك
بابكر مخير
10-10-2008, 04:43 AM
يا بكور .. هو خلع الضرس بيسافروا ليه بطيارة ؟؟ ماشي تخلع ضرس وللا حكـومـة goood
والله عجيب أمرك .. أظنك ساكّي البنـج الكامل في بلاد الضباب ..!
آزوول إنـكـرب وأقلع ضرسك في عجمان حقتـك دي .. كان خايف من الطيارة.

هآ زول
أخوك جعلي
تب..
ماني خايف من طبيب الأسنان
لكني خايف من
جنس
شماتك دي
بس يا حبيبي
ربنا ما يضوقك ليها
ليك المحبة والمودة
بابكر مخير
10-10-2008, 04:46 AM
في اليوم دا (اليوم المشئوم بسبب زيارة طبيب الأسنان)
قبال ما يحل، قلتا أنوم بدري.
الساعة عشرة بليل، فتحت باب الأوضة وهي مضلمة كأنها غرفة تحمض أفلام ودرجة الحرارة فيها يا دوبك مسحة ترطيب كدا؛ برودة على خفيف تحوج لي بطانية قطن ما صوف، لأنو اللحاف بيكون تقيل شوية وأنا في حالتي الكنتا فيها لو قشة ما بتحمل أضيفاها على وزن جسمي.
كيف وأنا باكر؟؟؟؟
نخليها ساكت، ما الموضوع دا بيدخلني في دنيا إكتآب!! زنزانة لا شباك ولا باب...
المهم وبكل أدب إستأذنتا السرير، أني حا أقلق هدوئه وغير جسمي المتعود عليهو كل ليلة؟؟ رفقتي شلة؟؟ كل واحد وزنو شيتن كتيييييير، منهم من باب ضرب المثل؛ الهم، الرهبة، الخوف وأتقلهم هو؟؟؟
السؤال؟ يعني ضروري من المشي لدكتور الأسنان؟؟؟
مجابدة بين الأرق والقلق وساعات الليل تجرجر في كرعينها والدقايق التقول خايضا الوحل ومن تقل عقارب الثواني البقت أتقل من ذنوب إبليس.
المهم من البقت والحتبقى عليا!!
أنا، بين نوم وقوم، عين تغمض والتانية؟ مفتحة، والله الثعلب (إبن آوى) أخير، ما هو متوكد وعينو واحدة غامضة والتانية فاتحة، لكن ليا أنا؟؟؟
العيون كانن بتبادلن ذي إشارة العربية،،، ولا أنوار العاصمة لمن أدهشت العربي: أمك بق، أمك طفا...
وهج شمس من الصباح، جا داخل أوضة نومي دون إستإذان وبعد ما كانت ذي أوضة تحميض أفلام بقت؟؟ إستوديو تصوير فيهو خمسة كشافات الف واط الواحدة.
الفجر لاح وجاء الصباح، يدخل البهجة في نفوس ويدخل أقسى أنواع الرهبة في نفوس،،،
ما عارف زولن ذيي كدي البهجة تدخل من ياتو طاقة ولا نفاج، والله بس شافع صحهو للمدرسة ولا زولن قوموهو لصف الرغيف وش الصباحة، العيون منفخة وورمآآآآآآنا في حجم رمانة وذيها من جوآها حمآر (اللون ما الحيوان)، الكرعيين يترجفن التقول أول مرة يشيلن الجسم دا، لكن برضو معذورات لأنو الجسم الميت في شيلوه بيشاف أتقل،،، موت أكتر من قلع السنون..............
الله، ذكرتها برآيا
أعصابي كدا، تلفت وحيلي إنبتا،،
ما أظني أقدر أكتب الحصل شنو بعد دآ..
كدي النشوف متين أجمع نفسي وقدرتي تتلملم
nagwa
11-10-2008, 04:58 PM
loooooooooooooooool
بابكر مخير
انا دخلت النت مخصوص عشان ضروسك دا واشوف الحاصل
بابكر مخير
11-10-2008, 05:31 PM
loooooooooooooooool
بابكر مخير
انا دخلت النت مخصوص عشان ضروسك دا واشوف الحاصل

هيااااااااااا، نجو
ما ظقتا عديل، شي، أسبرين، تمباك، قرنفل (حبة وزيت)،،
لا الأدهش، في مثل خواجاتي، بيقول(ما معناهو):
إذا وجعك شي، شوف حاجة أحرآ توجعك، عشان تشغلك منو...
آها قمتا إتذكرتا غلب السودان والحاصل فيهو.......
الحكمة العلاجات د ماشة وحا أستمر كدا، مدة.
عشان ما أوفي بوعدي للحبيب عمدتنا ود الطاهر..
..
أها
أنا بوست ( هِن السبب .. ولا ...) حأجلوا الى يوم السبت ..)
..........
[QUOTE]
ليك الشكر على الطلة عمدتنا معتصم ود الطاهر

الحبيب
يعني نلحق نقفل البوست قبل السبت،،
دا أنا كنتا عاوز أبرمج بي البوست دا،،
خلاص يابا
بس الجاية دي.!.
ومنتظرنك
يديك الف عافية [QUOTE]
بجيك يما
راجع
لمن الصعود يكمل
وقطع شك قبال ما حرورت الفي السودان تبرد.
دي ظنيتا تاخد وكت
بابكر مخير
12-10-2008, 10:54 PM
غايتو
قدر ما كل يوم أتوكد زيادة في محبة ربي ليا،
الليلة، يعني قبيلتك،
نعمة الله نفحتني بمحبة زيادة...
إتحمحمتا وإتخمخمتا ويلا يازول!!
دكتور أسنان، دكتور أسنان "دقة تفوت ولا حد يموت"....
وقدام البناية الفيها عيادة دكتور الأسنان،،، لقيت الناطور..
أنا: رفيق دكتور مال هادا وين؟؟
هو: بابا، هادا دكتور في روح بيت خلاس!!
..........آها مش جاتني من عندو، الما سر زول..
فيصل سعد
13-10-2008, 04:10 AM
كفارة يا الحبيب
و اجر و عافية و سلامة ..

اها ان شاء الله مداخلاتنا و تلفون كيشو خففوا عليك الالم شوية :D:D
دي طبعا في حالة انك عاودت مراجعة الطبيب بعد الويك-اند و كدا :D:D
لنا جعفر
13-10-2008, 05:21 AM
حبيب الشعب برضو
تحايا ....
كفارة ياحنين وأجر وعافيه انشاء الله
انت يا بابكر بدل الفيسبا كان تركب كاتم صوت
أها الشباب كلهم بطلو الازمة الماليه العالمية ...وبطلو متابعة
سباق الرئاسة وبطلو اوكامبو وأخبار مهرجان السينما التجريبي
وبطلو ليالي شعرية وبطلو يعملوا بوستاتهم ظااااااااااااااااااتا
والعالم مكسرة حارساك وراجياك
كان تعمل الخلع (ودي والله بقت لي زي الخاء المضمومة يامعتصم وآمال :D)
كان تعمل الخلع وتجي نمسك ليك هنا في سودانيات جناح نقاهة فخم جدا وتكورك زي ماداير
لانو كواريك الاسفير مامسموعة لكن كتابة الاسفير بتكون قااااااااعده وفيصل عينو ما بتنوم اصلا هو
وهاشم وخالد زااااااتو...
عموما ياسيدي الجاتك في ضرسك سامحتك ....لكن الجاتك في انصاريتك ازتك والله
خصوصا بعد الاعتراف الخطير بالزغلة يادوك:D:D:D:D
تسلم وتبرى انت من الشر
لكن اشرحو لينا حكاية لندن بالله ;);) ده شمار كدهlooool
يللا تسلمو ياحبان
وبالله عايزين نشوف اكياس القريب والبرتقان
متجمعين في السمح دايما
وتسلم يادكتور وطمنا عليك بالله ياسيد الناس
بابكر مخير
13-10-2008, 06:01 AM
حبيب الشعب برضو
تحايا ....
كفارة ياحنين وأجر وعافيه انشاء الله
انت يا بابكر بدل الفيسبا كان تركب كاتم صوت
أها الشباب كلهم بطلو الازمة الماليه العالمية ...وبطلو متابعة
سباق الرئاسة وبطلو اوكامبو وأخبار مهرجان السينما التجريبي
وبطلو ليالي شعرية وبطلو يعملوا بوستاتهم ظااااااااااااااااااتا
والعالم مكسرة حارساك وراجياك
كان تعمل الخلع (ودي والله بقت لي زي الخاء المضمومة يامعتصم وآمال :D)
كان تعمل الخلع وتجي نمسك ليك هنا في سودانيات جناح نقاهة فخم جدا وتكورك زي ماداير
لانو كواريك الاسفير مامسموعة لكن كتابة الاسفير بتكون قااااااااعده وفيصل عينو ما بتنوم اصلا هو
وهاشم وخالد زااااااتو...
عموما ياسيدي الجاتك في ضرسك سامحتك ....لكن الجاتك في انصاريتك ازتك والله
خصوصا بعد الاعتراف الخطير بالزغلة يادوك:D:D:D:D
تسلم وتبرى انت من الشر
لكن اشرحو لينا حكاية لندن بالله ;);) ده شمار كدهlooool
يللا تسلمو ياحبان
وبالله عايزين نشوف اكياس القريب والبرتقان
متجمعين في السمح دايما
وتسلم يادكتور وطمنا عليك بالله ياسيد الناس
والله يا ماما
كلمة واحدة منك
كانت كفا،
عشان تطببني وتشفيني..
آها كلامك دا بقا كتيييييييييير عليا لمن فتح في الفؤاد جرح
بس الكويسة
أنو
بيساعد في العلاج طريقة الخواجات
"الوجع الأكبر بينسي الوجع الأصغر"
.....
حسي ناس ديك،
با؛ بكا
با؛ بعاينو
يقولو شيتن تاني؟؟
لكني بختها عديل
وأنا من ضرسي؟؟؟؟
تعبتا خلاص
http://sudaniyat.net/up/uploading/minSabriTebta_ka7lawi.mp3
بابكر مخير
13-10-2008, 07:52 AM
كفارة يا الحبيب
و اجر و عافية و سلامة ..
اها ان شاء الله مداخلاتنا و تلفون كيشو خففوا عليك الالم شوية :D:D
دي طبعا في حالة انك عاودت مراجعة الطبيب بعد الويك-اند و كدا :D:D

فوفو الحبيب
مداخلاتكم بلسم
عاونني، كتييييييييير!!
هن وتلفون الحبيب كيشو في ليلي الطويل
لكن؟
الضرس،
أذاني!!:(goood
http://sudaniyat.net/up/uploading/azani_ka7lawi.mp3
والغنية حلوة;)
شفتا وبين الإتنين
أنا الضايع:confused::cool::eek:
وبرضو الضرس مطلع روحي
بابكر مخير
16-10-2008, 10:50 AM
HURAAAAAAAAAA
YES, Yes, YES, Yes
أمس
وبكل شجاعة الأبطال
إتحزمتا وعزمتا
وقلتا بسم الله
أشوف أخرتك يا دكتور
يا إتا يا أنا
والضرس ود اللأيه دا..
تمت بحمد الله ونصره المهمة..
وبهذه المناسبة الكريمة
نقول خلاص، نبيع الفسبا، ما بعد دا دوام كامل