وهمست ليك ساعة الصباح ...

[الشريف الراقي]

وهمست ليك ساعة الصباح

والليل أباح

حزمة الهمس البتمرق من مسام الغيمة

شان تغسل حنينك لي الرجوع

وكتين بقت كل المسافات مسقية بي طعم الهجوع

ومشيت مسافة الهمسة الحنينا معاي

بروق وطلوع

مشيت .. همس الحنين جواي مات مصروع

بكت نجمة الصبح البي توقد في طريقا شموع

توسّع لي مدارك الهمسة في جواي

بي الشغف الحنينو دموع

إلاّ همسك لي المطر

فاتن سنينو سبوع

بان جواك مسدار الحراز مطبوع

وكان حبوبة بي نضم الحنين جواها

توري صغارا...

ليه سيف الحراز في وجه الخريف مرفوع !!

وكانت عزة النفس الوراها الجوع

صمد الحراز واقف

وطفرت سيرتو تختال من ربوع لي ربوع

[الشريف الراقي]

تبتزني أصواتُ هذا الـــزيفِ في صلـــفٍ غـــريب

وتعــــيدُ ما بدأتَ .. وتنوي أن تغـــيبَ ولا تغـــيب

فتصكُ أسمــاعــي وترغمني عـــلى سمـــعِ المعيب

وتقول لي : أنسى أيها الشاكي .. فأنسى إلا أن أعيب

[بابكر مخير]

الراقي الحبيب
قال الفنان:
أمشي وأجيهو راجع
دي كانت حالتي وأنا في قمة الزهج، كايس ليا نكد يشاركني الجو المحيط بيا.
لقيت إسمك وبورد منك!!!!
عارف بيكون فيهو شيتن يفرحن يسر
لكني ما جاهز لي كدا
والتشوق لي قراية شيتك يشدني وأنا بين
أمشي وبرضي أجيهو راجع
لمن جيت بي وشي
ولقيت المرقني من وهطتي
شكرن الحبيب
دايمن كلامك يفرح حتى لو كان غير كدي
لك المحبة والتقدير والمحبة

[الشريف الراقي]

الراقي الحبيب
قال الفنان:
أمشي وأجيهو راجع
دي كانت حالتي وأنا في قمة الزهج، كايس ليا نكد يشاركني الجو المحيط بيا.
لقيت إسمك وبورد منك!!!!
عارف بيكون فيهو شيتن يفرحن يسر
لكني ما جاهز لي كدا
والتشوق لي قراية شيتك يشدني وأنا بين
أمشي وبرضي أجيهو راجع
لمن جيت بي وشي
ولقيت المرقني من وهطتي
شكرن الحبيب
دايمن كلامك يفرح حتى لو كان غير كدي
لك المحبة والتقدير والمحبة

والله وجودك أيها العم العزيز هو ما يفرح القلب ويشرحه .. وهكذا حظي معك تكون أول الداخلين إلى بوابة عشقي الدفين .. فأزداد ألقاً ..
كدي بالله ياحبيب شوف البوست غيرك في زول ساكت قرب منو ..
فأنت من يفرح مرورك النفس ويلهبها للتواصل ..
سعيد أنا بمعرفتك ومزيد من التواصل .. فأنت بابكر الرأس والقعر ولو كرهت الجدة بت بدري ..

[AMAL]

[QUOTE=الشريف الراقي;113731][CENTER][FONT="Arial Black"]وهمست ليك ساعة الصباح

والليل أباح

حزمة الهمس البتمرق من مسام الغيمة

شان تغسل حنينك لي الرجوع

وكتين بقت كل المسافات مسقية بي طعم الهجوع

ومشيت مسافة الهمسة الحنينا معاي

بروق وطلوع

مشيت .. همس الحنين جواي مات مصروع

بكت نجمة الصبح البي توقد في طريقا شموع

توسّع لي مدارك الهمسة في جواي

بي الشغف الحنينو دموع

إلاّ همسك لي المطر

فاتن سنينو سبوع

بان جواك مسدار الحراز مطبوع

وكان حبوبة بي نضم الحنين جواها

توري صغارا...

ليه سيف الحراز في وجه الخريف مرفوع !!

وكانت عزة النفس الوراها الجوع

صمد الحراز واقف

وطفرت سيرتو تختال من ربوع لي ربوع [/FONT

http://sudaniyat.net/up/uploading/941.jpg
ياراقي ياهمس الصباح

[منال]

تبتزني أصواتُ هذا الـــزيفِ في صلـــفٍ غـــريب

وتعــــيدُ ما بدأتَ .. وتنوي أن تغـــيبَ ولا تغـــيب

فتصكُ أسمــاعــي وترغمني عـــلى سمـــعِ المعيب

وتقول لي : أنسى أيها الشاكي .. فأنسى إلا أن أعيب

انت يا الابيض ضميرك

http://www.youtube.com/v/0ucG-HiaGpY&hl=en&fs=1

بعدين يا شاب متين رفعت البوست عشان الناس يزوروك .. اها جينا بى بوكيه ورود و غنا

[سوزان حمد]

وآآآآآه لوتعرف حبك جارف
بس ياريتك تبقى العارف
إني بحبك ليَه سنين
برغم جرح القلب النازف
ويوم حسيتك عشتك فرحة
وماإتخيلت زيك أصادف
لحنت نغم الفرح الجوايا دفين
وأصبحت بلحنك أمهر عازف
ونسيتو معاك الحزن الطَوَل
ومسحت الدمع النازل وزارف
ريدتك عشتا حقيقة جميلة
وبموت لوحبك يصبح زايف
والقلب المات ليهو سنين
أحييتو بحبك وأصبح وارف
والنظرة إليك الوصفت حالي
ماإنت براك العارف وشايف
معقولة يهون القلب الحبك
وتكون إنت القاسي وصارف
خليني معاك أمشيها السكة
ماأصلو الحال من غيرك واقف
وبرغم ظروفي الجدا صعبة
قررت عشانك أضحي واجازف
وبتمنى تكون معاي وماتبعد
أكيد القلب من بعدك خايف
وياحبيبي الغالي الشاغل بالي
غير كلمة أحبك ماعندي مرادف

الشريف الراقي
صباحك جميل وهمسك راقي
تسلم ياحلو

[معتصم الطاهر]

ليه سيف الحراز في وجه الخريف مرفوع !!




]

الزول الراقى

عارف الحراز دا .. حكايتنا نحن عديل ..

كان تسميها .. سيف الحراز ..

[الشريف الراقي]

[QUOTE=الشريف الراقي;113731][CENTER]COLOR][/FONT

http://sudaniyat.net/up/uploading/941.jpg
[color=#4B0082]ياراقي ياهمس الصباح

[font=Arial Black]بهجة الآمال .. آمال .. اسعد صباحك

وسعد الصباح

بي بهجة القول المباح

بي الحلوة لابسة النيل وشاح

بي طلة الممدودة في جواي براح

بي روعة الحلم المتاح

ولما الصبح فضح الجراح

ختيتو جرحي على وتر نغم النواح

صدح الوتر بي كل حنيني المستباح

بي كل حنين لي الحلوة صاح

يا حليوة زي شتلة القمحة الحنينة السارقة لونك

يا حليوة من دغش الصباح وكتين إكونك

يا حليوة زي فرح المدائن القاحلة دونك

القالو سمحة وقمحة... دونك

والقالو حلوة... شافوها بي رايعات عيونك

يا حليوة من حرفي المسافر

وريني كيف أقدر أكونك ؟!

[الشريف الراقي]

انت يا الابيض ضميرك

http://www.youtube.com/v/0ucG-HiaGpY&hl=en&fs=1

بعدين يا شاب متين رفعت البوست عشان الناس يزوروك .. اها جينا بى بوكيه ورود و غنا

مين .. منال .. وينك يا بنية .. والشوق كدة حاجات ماني عارف عدها ..
إنتي صاحبة الضمير الأبيض .. ومجرد رؤية اسمك يزين مجلسي إزداد طولاً بك وكفى ..

وخليك كدا

منتظرة لي موسم تباشير الخريف

والليل إناغم رشة المطر الهِِدا

ولما الصباح أنوارو لاحت في المدى

تلقيني مستنيك مع الأمل الفَراش

ومتلفحك نسمة دعاش

ومسدار غنا رفرف مع الصمت الصدى

واتظللك غيمة فرح جابت المرح

خلت مسافة الخطوة ليك مخضرة يانعة مفرهدا ..

مرفق تقديري ،،،

[الشريف الراقي]

وآآآآآه لوتعرف حبك جارف
بس ياريتك تبقى العارف
إني بحبك ليَه سنين
برغم جرح القلب النازف
ويوم حسيتك عشتك فرحة
وماإتخيلت زيك أصادف
لحنت نغم الفرح الجوايا دفين
وأصبحت بلحنك أمهر عازف
ونسيتو معاك الحزن الطَوَل
ومسحت الدمع النازل وزارف
ريدتك عشتا حقيقة جميلة
وبموت لوحبك يصبح زايف
والقلب المات ليهو سنين
أحييتو بحبك وأصبح وارف
والنظرة إليك الوصفت حالي
ماإنت براك العارف وشايف
معقولة يهون القلب الحبك
وتكون إنت القاسي وصارف
خليني معاك أمشيها السكة
ماأصلو الحال من غيرك واقف
وبرغم ظروفي الجدا صعبة
قررت عشانك أضحي واجازف
وبتمنى تكون معاي وماتبعد
أكيد القلب من بعدك خايف
وياحبيبي الغالي الشاغل بالي
غير كلمة أحبك ماعندي مرادف

الشريف الراقي
صباحك جميل وهمسك راقي
تسلم ياحلو

الحلوة جداً شيرين ..
ما هذا النقاء والصفاء وهذا التجويد ..
سعدت جداً بهذا البوح الشفيف ..
شيرين الحلوة ..

وغنيت معاك

وكان غناي

مصلوب علي وجع الحنين جواك

رتبت ليك كلمات حنيني

وبديت أدوزن لي غناك

شفت الغمام كايس تحت ضلك مقيل

جالس حداك

والقمرة تسأل عن دفقة الخفق الطروب الفي غناك

وحتى المطر إرسم فواصلو علي حضورك

شان بشتهيك علي هواك

نام الدعاش فوق خصلة الشعر النبيل

رق الدعاش يهدي السبيل

وأنوارو تسطع من سماك

وأنا لي غناك

وقَّفت إحساسي علي وهج لحظة لقاك

وبقيت في لحظة لا كانت بداية ولا نهاية

مستني لي حبي المعاك

[مواطن]

الشـريف .
التحيـة إجلالا لك ..
أرغمـتني القصائد الملحقة في حق الغيـد الأماليـد تنويهاً بتسجيل حضوري فقـد إسترعت إنتباهي وتماثلت معها أكـثر من القصيـدة الأم ..
في كلا الحاليـن الإبداع والمبدع لم يختلفا وإن إختلف الموضوع ..
لك مني كل تقدير ..

[الشريف الراقي]

]

الزول الراقى

عارف الحراز دا .. حكايتنا نحن عديل ..

كان تسميها .. سيف الحراز ..

أستاذي الفاضل .. من هو قريب للقلب والعقل .. ود الطاهر الزول السمح ..
تقول المثولوجيا السودانية إن العلاقة ما بين الحراز والمطر كانت أروع ما يكون .. بيد أن المطر مرة منّ على الحراز أنه هو من يعطيه هذه الخضرة وهذا الجمال .. ولما كان الحراز شجراً ما بخاف قال ليهو يا أخي كان الموضوع كدة وقّف هطولك مني .. رجع المطر غاضباً وقرر عدم الهطول .. فجاءت النباتات الآخرى تشكو له الجدب والجفاف فقال لهم : أنا بلداً فيها حراز ما بنزل فيها .. لكن يا مطر وين نطش نحن .. أنا ما عارف شوفوا ليكم بلد .. رجعت باقي النباتات تترجى في الحراز أن يعتذر للمطر .. فرفض الحراز ذلك .. فما كان من هذه النباتات إلا أن رجعت للمطر وظلت تستجديه .. كيف يمكن أن تحكم علينا بخطأ واحد منا ونحن الأغلبية .. فرجع المطر وقرر الهطول ... فرجع المطر وقرر الهطول .. وقال ليهم ده عشانكم إنتو مش عشان الحراز ده ..
سمع الحراز هذا الكلام .. وأخذته الهاشمية .. وقال مخاطباً المطر .. ( كان علي أنا مويتك دي ذاتها ماني دايرها ) .. وفعلاً صمد الحراز وظل محارباً للخريف .. فما أن يبدأ الخريف في الهطلول حتى تجد أن الحراز صار شجرة جافة كأنها في صحراء .. رغم كثرة المياه بجواره النازلة من فعل المطر .. ومنذ ذلك الزمن سرى المثل القائل : ( حِرب الحراز لي المطر ) .. دلالة على العناد في الخصام والفجور فيه ..
أستاذي الفاضل ..
اجعل نضالك مثل ساقية الجروف

تقتادها الثيران مغمضة العيون

لا شيء تبصره

إلا الحنين في هدأة الليل يطوف

الفجر تنساب المياه علي الحقول

فهل..


درت هذه العميان ما قامت به رغم حالكة الظروف ؟!

[الشريف الراقي]

الشـريف .
التحيـة إجلالا لك ..
أرغمـتني القصائد الملحقة في حق الغيـد الأماليـد تنويهاً بتسجيل حضوري فقـد إسترعت إنتباهي وتماثلت معها أكـثر من القصيـدة الأم ..
في كلا الحاليـن الإبداع والمبدع لم يختلفا وإن إختلف الموضوع ..
لك مني كل تقدير ..

العزيز هاشم طه الحبيب الغالي ..
أين أنت يا هذا الضياء ..
تعرف يا ود طه .. حكايتي مع الغيد عجيبة .. وكلها في إطار الحرف البهي ..
مرة كتبت قصيدة لأخت عزيزة في منتدى آخر ..
فما كان منها إلا أن اكتفت بالقول .. أشد التقدير لهذا البوح منك ..
فقلت لها :

تقديري إنك تلبسي الحرف المسافر من قصيدي عليك قلادة

وتختي بينات المسام سر غناي

من سر كلامي عليك

وهج الحرف إزداد زيادة

نامت بهجة الضحكة البتحلم بي رؤاك

نامت علي حرف الوسادة

معاك رؤاي

بي حنيني البيك مسافر في خطاي

تعبت مشاويري

وانهد حيل حرف الكلام البيك نضم

[طيبان]

يــار اقـي إحساسك ..

شكرا لهذا الشجن ..

__________

تحيّاتي

[الشريف الراقي]

يــار اقـي إحساسك ..

شكرا لهذا الشجن ..

__________

تحيّاتي

العزيز الغرقان .. غرقان الحضرة ..
سلام ومحبة وشوقاً جاري ..
جزيل الشكر على الطلة وألف مرحب بيك يا غالي ..
هذه القصيدة إهداء لك يا شفيف الروح والذائقة ...

لا من عرفت الشوق والريد البجو

دقيت على وتر الرصانة الفيك دو

رتبت الحاني على نغيمات الفرح جواك بدو

ساسقت بي وتر الحنين ..

فوق مراسي النيل وأمواجو الهدو

ولقيت عيونك حاضنة لي صخب الحواضر وكل روعات البدو

ومشيت .. طريقك

سكة الشوق البعيدة وفرحة أنغامي الشدو ...

ومشيت معاك دربي المدوزن ليك ناي

ساقتني خطواتي القبيل سوت غناي

لا من لقيتك طالعة من روعة النيل المعاي

وأنا في عيونك بحضن النيل الفيهو كم تاهت خطاي

وأنا يا حنيني بكون مسافر ليك في صبحي ومساي

ما إنت روعة نيلنا ساعة ادفق مويتو في جرف حاضن اساي

وأنا بيك بغني كل غنوات الحنين يا فاردة لي شوقك جواي

يا حاضنة لي وهج الحنين منك طلع

يا حابسة لي القلب الحزين صابو الهلع

لا من طلع ..

من بين مساماتك وقع

واتشتت كل الاحاسيس الفي القليب ..

فوق ساحة البت الدلع

وبديت ألقط كل احساسي الرجع

حاملك وجع ..

شفتك مع البرق الشلع

وشميت عبيرك في الولع

ومطرت بيك ..

وغسلت إحساس الوجع

[الشريف الراقي]

من إشراقات شيخي الشاعر المصري حسن طلب
لكم هذه الوردة ..

احببتك حبآ : لو قد تحتك كان أقلّك

او لو فوقك كان أظلّك

او لو قد حولك

من لى بك .. بى من لك ؟

حرمّك القمح علىّ

و لكن الدوح احلّك

و يلى او ويلك

أية آلهة وصلت بنهارى ليلك؟

لى ما تركت الا جسدآ

لو قلّ الوصل اعتلّ

فعودى معتلّك

هذى ساعة ما ان ظلّ

الا ظّلك

رحمتك..و عدلك

ما ان بعدك طيف حبيبة استهديت

و ما ان قبلك

فلتدعى غزلانى تغزو حقلك

سوف بحقلى افعل فعلك

بل سوف اغنيك

و أغويك

لعلّ فؤادك .. او ..فلعلّك