الي متى شوقي بدري ما بيعبرنا

[بابكر مخير]

في الكرسي الساخن
مليون مرة وأنا أستجدي شوقي أن يرد على مداخلات محبيه
وييييييين ولا خبر ولا أتر
قلتا عشان كدآ!؟!!؟
أفتح بوست أسأل فيهو إدارتنا وعضويتنا،،
لييييييييييييه:confused::(:mad::(:mad::confused:
وش نلقى ما يخطه بنان شوقي، فوووووووواق في سودانيات وهو ما بيعبرنا..
بطالب من راعي منتدى الحوار، مراعاة؟!؟!
أن المواضيع البتتختا فوق تربط بي مشاركة الفاتح البوست
أن العضوية الخاملة تشمل البيفتحو بوستات وما بيتداخلو فيها
عدييييييل كدي بفتكر أنه شوقي بدري مفروض يكون عضو نشط وينشط ويتداخل وحكاية ما بعرف أستعمل الكي بورد، دي مشكلته براهو وحقو يعرف أنه منتدانا دآ ما دار نشر لي مخطوطات زول معين دون الأخرين...
مش برضو ديمقراطية وحرية رآي،،،
ولا شنو؟؟؟؟
دي وجهة نظر ومن الأن؟؟
معلن إضرابي من قراية بوستات؟؟
ناس ما بيعبرونا

[منال]

في الكرسي الساخن
مليون مرة وأنا أستجدي شوقي أن يرد على مداخلات محبيه
وييييييين ولا خبر ولا أتر
قلتا عشان كدآ!؟!!؟
أفتح بوست أسأل فيهو إدارتنا وعضويتنا،،
لييييييييييييه:confused::(:mad::(:mad::confused:
وش نلقى ما يخطه بنان شوقي، فوووووووواق في سودانيات وهو ما بيعبرنا..
بطالب من راعي منتدى الحوار، مراعاة؟!؟!
أن المواضيع البتتختا فوق تربط بي مشاركة الفاتح البوست
أن العضوية الخاملة تشمل البيفتحو بوستات وما بيتداخلو فيها
عدييييييل كدي بفتكر أنه شوقي بدري مفروض يكون عضو نشط وينشط ويتداخل وحكاية ما بعرف أستعمل الكي بورد، دي مشكلته براهو وحقو يعرف أنه منتدانا دآ ما دار نشر لي مخطوطات زول معين دون الأخرين...
مش برضو ديمقراطية وحرية رآي،،،
ولا شنو؟؟؟؟
دي وجهة نظر ومن الأن؟؟
معلن إضرابي من قراية بوستات؟؟
ناس ما بيعبرونا
ابونا بابكر صباحك زين

و جهة نظرك و رايك نحترمو جدن و نختمو فى عيونا (عمنا شوقى بدرى برضو بمارس فى حق عضويتو) و كلو قابل للنشر و التوزيع كمان (مادام الحقوق محفوظة) اها عاد حبيبك شوقى ( بنزكوا و نجيب خبرو ) يرد و الجميع بيساعدوهو

رووووووق المنقة بس وبنجيبو و نجيب مطبعتو ذاتو looool

[مواطن]

المشاركة الأصلية بواسطة : بابكر مخير
في الكرسي الساخن
مليون مرة وأنا أستجدي شوقي أن يرد على مداخلات محبيه
وييييييين ولا خبر ولا أتر
قلتا عشان كدآ!؟!!؟
أفتح بوست أسأل فيهو إدارتنا وعضويتنا،،
صباحك رباح يا دكترة ..
أها أنا بصفتي عضو بقول ليك كلامك زين .. وأعتقد أن الأستاذ شوقي مقل في تفاعله مع المنشور .. ولكن لنبحث السبب .
في إعتقادي أن جل ما ينشر ربما لا يتوافق وتكوين الرجل الفكري .. فالكثير مما ينشر هنا هو إما شعر / قصة أو إنطباعات شخصية / ذكريات / أدب رحلات أو أستدعاء لذكريات في مدن ، فهل كتبت موضوع يتحدث عن تاريخ السودان أو تاريخ مدينة أو تشكيلها القبلي ونظم إدارتها وأحجم الأستاذ شوقي عن المساهمة ؟
إننا نكتب فيما يستهوينا .. ولكننا لا نستطيع أن نطالب الآخرين بالكتابة عن ذلك الذي يستهوينا.
لييييييييييييه::confused::mad::mad::confused:وش نلقى ما يخطه بنان شوقي، فوووووووواق في سودانيات وهو ما بيعبرنا..
بطالب من راعي منتدى الحوار، مراعاة؟!؟!
أن المواضيع البتتختا فوق تربط بي مشاركة الفاتح البوست
أن العضوية الخاملة تشمل البيفتحو بوستات وما بيتداخلو فيها
شخصياً لا أعلم المعيار الذي يتم به رفع موضوع ما في صدر المنتدى ، لكني أحسب أن الأمر يتوقف على عدة توازنات منها نوعية الموضوع ، جديته ، مستوى صياغته ، مدى إلتصاقه بالعامة ووزن الكاتب .. كما لا أدري من الذي يحدد ما يبرز في صدر المنتدى وما لايبرز ..
ولا أجدني متفقاً مع مطالبتك هذه للأسباب الآتية:

هذا إقتراح يرقى لمرتبة اللائحة المنظمة لعمل المنتدي وقد كانت لديك الفرصة لطرح فكرتك هذه عندما فتح باب تعديل اللائحة للعضوية.


يستوجب تنفيذه (على عدم عدالته) آلية تحصر ماهو الحد الأدني للمشاركات وهذه مهمة عسيرة بإعتبار عدد العضوية الموجود حالياً والقابل للإتساع.

تبني إقتراح كهذا لا يساعد في تحفيز أي عضو على التداخل ، فمن تتصدر بوستاتهم الصفحة الرئيسية هم أساساً قلة قليلة ، وبالتالي سيعمل الإقتراح على شكل عقوبة أو تهديد بها ولكنه غير ذي أثر محفز.


عدم التداخل النشط ينطبق على أعضاء لهم وزناً أدبياً وسياسياً في هذا المنبر وذلك يعني أن مقالاتهم لايمكنها تصدر الصفحة الرئيسية ، وهذا من الإجحاف بمكان.

مش برضو ديمقراطية وحرية رآي،،،
ولا شنو؟؟؟؟
نعم .. ديمقراطية ومن حقك أن تقول رأيك .. ونحن له لسامعون.
لك كل الود

[بابكر مخير]

، فهل كتبت موضوع يتحدث عن تاريخ السودان أو تاريخ مدينة أو تشكيلها القبلي ونظم إدارتها وأحجم الأستاذ شوقي عن المساهمة ؟


كتبتا عن الجيكس وشيخ الجيكس
في تأريخ أكتر من الصوفية;);)
كتبتا عن أمي وأبويا
هي رباطابية وهو زيادي في تشكيل قبلي أكتر من كدآ...........
في قولة بتقول:
ما تشكرو ليا ضمآآآآ
قول الحبيب الإتا شايفو وأنا بقول قولي،
ود خالي!!!!!!!
لابدن ينزل من؛
[size=5]أبراجهم العاجية
حقيقتن لله!!!
هو فارش الواطة وقاعد فيها
لكن برضو المشاركة والإلتصاق بقرائه مهم..
يا زول ما في زولن كامل،،،
كلنا بي نواقصنا والشاطر هو البيعترف بيها "في بوستي (دون عنوان) أنا عملتها"
وحبوبتنا حبصة قالت:
عديل ... ولا عديل ....
لمن كانو الإتنين أزواج بناتها والقصد كلهم سوآ وإحنا برضنا كلنا في الهوآ؟!؟!
سوآآ

[كيشو]

الحبيب ود مخير
لا اظن تساؤلاتك تصل إلى مستوى "الكُراع والرِجِل"
وأعتبرها مشروعة ولك الحق في طرحها
قبل مدة أجاب الأخ خالد عن السبب في تسنم بعض البوستات أعلى صفحات المنتدى، وأعتقد أن الأخ خالد يجتهد غاية الاجتهاد في الاختيار واراه موفقاً إلى حد بعيد، ولكنه ربما يترك أحد البوستات هناك مدة أطول تتسبب في حجز المكان وتؤخر بوستات أخرى
كما لاحظت أن شوقي لا يكلف نفسه بالرد على كثير من المتداخلين، وإنما يكتفي بإفراغ ما في جوفه، ويتجه إلى موضوع آخر، وأعتقد أن عدم احتفاظه بدفء البوست مدة أطول يذهب بالبوست إلى خارج الصفحة الأولى ويقلل بالتالي عدد القراء، ولولا وجود في "اللوج" لمدة طويلة فإن عدد مطالعيه سيكون قليلاً
إن شوقي بدري كاتب كبير ومتواضع، ورغم تواضعه إلا أنه يبدو غير مهتم بما يثار من ملاحظات في المواضيع التي يطرحها، وقد فكرت في عمل محاكمة أدبية له.
والآن لنأت إلى ود مخير
إن بوست شيخ الجيكس هو أبدع ما كتبت في هذا المنتدى، وقد وجد هذا البوست تجاوباً كبيراً وكنت أرجو أن يجد منك عناية أنت تملك مقوماتها
لم ينته الكلام ولكني كتبت كثيراً هذه المرة

[مواطن]

[QUOTE=بابكر مخير;125286][B][color=#008000]
كتبتا عن الجيكس وشيخ الجيكس
في تأريخ أكتر من الصوفية;);)
كتبتا عن أمي وأبويا
هي رباطابية وهو زيادي في تشكيل قبلي أكتر من كدآ...........
في قولة بتقول:
ما تشكرو ليا ضمآآآآ
قول الحبيب الإتا شايفو وأنا بقول قولي،
ود خالي!!!!!!!
لابدن ينزل من؛
مساءك فل يا دكترة ..
والله زعلك مقدر .. لكن المسألة وجهة نظر زي ما إنت بادرت وقلت ..
بوست شيخ الجيكس كان أكتر من رائع .. ومع ذلك لماذا نتوقع شوقي أو أي عضو آخر أن يتاخل فيه .. أنا لا أدافع عنه بقدر ما أحاول أن أتلمس الأسباب.
بوست أمي وأبوي .. شأن عائلي على طرافته .. وأنا لو كنت قريبك لن أتداخل .. لأن مجال المناورة في بوست كهذا يكون محدوداً جداً ..
تعيش يا بكور وطول بالك وماتنسى "التعافي" goood

[بابكر مخير]

[quote]
مساءك فل يا دكترة ..
والله زعلك مقدر .. لكن المسألة وجهة نظر زي ما إنت بادرت وقلت ..
بوست شيخ الجيكس كان أكتر من رائع .. ومع ذلك لماذا نتوقع شوقي أو أي عضو آخر أن يتاخل فيه .. أنا لا أدافع عنه بقدر ما أحاول أن أتلمس الأسباب.
بوست أمي وأبوي .. شأن عائلي على طرافته .. وأنا لو كنت قريبك لن أتداخل .. لأن مجال المناورة في بوست كهذا يكون محدوداً جداً ..
تعيش يا بكور وطول بالك وماتنسى "التعافي" goood

مرة مع دكتور حاكم "أخي، معلمي وشقيقي" لمن كان ال boss بتاعي، كان عيييييك، ما بيرتاح يوم من نقتي،، بعد ما خلاص فرقت بين الدروب،،، إتفردنا،،، سألتا نفسي؛ طيب سعادته مافي شئ فيهو إتغير ولا أنا؟.. السر وين؟؟؟؟؟؟؟؟
تربيتنا!!!
في البيت أبوك بتحترمه، ونحنا بنخلط بين الرهبة والإحترام،، في العمل رئيسك بترهبو وبتترسم ليك فيهو وضعية الوالد لكن إحترامك ليهو أقل،،
آها بتلقآ أنك ممكن ترد عليه، تسمعه عدم رضاءك وكدآآآآآ..
إتا حسي أخويا وصديقي وشقيقي بقيت "بسيس، من بوس،، ما تصغير وإتا عارف مقامك" ببقى في شوية حساسية أرجو أن تتقبلها وإن كان أنا متأكد بأنك حتحبها وحتفتش ليها وبدورنا حنشبعك منها......
يا سيدي مش إتا السألتا " فهل كتبت موضوع يتحدث عن تاريخ السودان أو تاريخ مدينة أو تشكيلها القبلي ونظم إدارتها وأحجم الأستاذ شوقي عن المساهمة "
قمتا لولوتا ليا الموضوع،
مش برضو في بوست "بين أمي وأبويا" القلتا عليهو أنه شأن عائلي مع العلم أنه بجسد، قيم الحب والإحترام والترابط الأسري والفخر بأجيال سبقتنا وبيوري كيف ناس زمان كانو بيحافظو على الترابط الأسري والله يا هشومي فيهو كتيييييييير، بس لو قريناهو بتعمق،،،
طيب مش برضو أنا الكتبتا بوست عن شوقي في ظاته "شوقي بدري المجازية والمزاجية ..."
مش أنا برضو الفتحتا البوست دآ..
الحبيب
أنا لا بزيدني ولا بنقصني مداخلة شوقي،، لكن كنتا بفتكر أنها من أداب المنتديات،،،،
التجاوب مع الردود والمشاركة،،،
يا أخي الأكبرنا عمر ومقام وسمعة وصيت هو شوقي بدري،،،
دنيا قامت، أمة نامت،، إنتخابات وزيطا وزمبليطا في سودانيات،،
نظرة يا عسل، هببووو لينا، قول مبروك، آولي حاقة، آي حاقة...
والله أظنه لو قامت إنتخابات في السودان دآآكا، ما حيشاركنا السراء والضراء،،

الحبيب أقول ليك:
يا أخي واجع راسي في شنو؟؟؟
خليهو وخلينا وخليكم من وجع الدماغ،،،،،،،،،،
ما قالو؟؟
سيد الحق راضي
شن دخل القاضي

[مواطن]

الحبيب بكور ..
قبال ما أشرب فنجان القهوة الطالبو ليّ زمن .. عاوز أقول ليك إنت أكتر زول محبوب في المنبر ده وما بغالي لو قلت إنت الوحيد الما بيختلفو عليك إتنين .. وإنت أكتر زول بتشارك العضوية في مواضيعا ولحد اليوم مافي زول (لو إستثنينا الأستاذ شوقي) ما رد أو شكرك على مداخلاتك .. يا أخي دي زاتا رحمـة من رب العالمين .. قول الحمد لله .. يعني ديل كلهم بمحبتهم الجمعية دي كلها ما مكفياك :confused: ؟؟
والله لو ما مالين عينك قول لينا .. نشوف لينا حب تاني ...:rolleyes: وهذا أضعف الأيمان. كل ما أخشاه يا بكور أن مفاتحتك للأستاذ شوقي على الملأ وفي موضوع هو من أدق حقوقه في حرية التصرف وتحديد العلاقات قد ينعكس سلباً على علاقتكم ، فأستحلفك بالله أن تنسى .. ولست أنا من يقوم مقام الناصح لك ولكنه رجاء أخوي من قلب حبيب.
أها يا زول {وحاة المهدي كان ماقفلت على الموضوع ده} .. حسع حتتناوشني سباع السلفية .. كده كويس ....؟؟؟؟

[بابكر مخير]

أها يا زول {وحاة المهدي كان ماقفلت على الموضوع ده}


آها يا زول وحاتك
وتربة المهدي
وجدودي الصلاح
وشيوخنا الفلاح


تم وعصيدة فيها السم

[كيشو]

الحبيب بكور ..
قبال ما أشرب فنجان القهوة الطالبو ليّ زمن .. عاوز أقول ليك إنت أكتر زول محبوب في المنبر ده وما بغالي لو قلت إنت الوحيد الما بيختلفو عليك إتنين .. وإنت أكتر زول بتشارك العضوية في مواضيعا ولحد اليوم مافي زول (لو إستثنينا الأستاذ شوقي) ما رد أو شكرك على مداخلاتك .. يا أخي دي زاتا رحمـة من رب العالمين .. قول الحمد لله .. يعني ديل كلهم بمحبتهم الجمعية دي كلها ما مكفياك :confused: ؟؟
والله لو ما مالين عينك قول لينا .. نشوف لينا حب تاني ...:rolleyes: وهذا أضعف الأيمان. كل ما أخشاه يا بكور أن مفاتحتك للأستاذ شوقي على الملأ وفي موضوع هو من أدق حقوقه في حرية التصرف وتحديد العلاقات قد ينعكس سلباً على علاقتكم ، فأستحلفك بالله أن تنسى .. ولست أنا من يقوم مقام الناصح لك ولكنه رجاء أخوي من قلب حبيب.
أها يا زول {وحاة المهدي كان ماقفلت على الموضوع ده} .. حسع حتتناوشني سباع السلفية .. كده كويس ....؟؟؟؟

الأخ الرائع هاشم
من أمس وأنا أتذوق بإعجاب وجهة نظرك، واليوم أضفت عليها المزيد المثير للإعجاب، ولكن إعجابي هذا لا يمنعني من استعجالك للكتابة بالوضوح ذاته عن حق المجموعة على شوقي في بعض الرد وبعض المجاملات، وسنعذره في الكثير ليتفرغ للكتابة
هذا البوست يذكرني بالعم الرائع فتحي مسعد حنفي (وأقترح على مجلس الإدارة إرسال متخصصين للعمل على تجاوز الظروف التقنية التي تحول بين فتحي والتواصل مع أهله في سودانيات)
ـــــــــــــــــــ
الحليفة بغير الله لاتحتاج إلى سباع السلفية لبيان خطورتها على العقيدة

[كيشو]

شفت الحبيب جمّع ليك جيش وحلف عليه عشان يخلي الموضوع
طيب لو عينوه وزير كان حيسوي شنو looool

[مواطن]

الناص :كيشو
الحليفة بغير الله لاتحتاج إلى سباع السلفية لبيان خطورتها على العقيدة
الحبيب كيـشـو ..
تشكراتي العميقة لحضورك ولفت إنتباهي ..
أنا مدرك لذلك .. بل ومدرك بأن القسم حتى بالله يستحسن تجنبه ما أمكن وفي هذا رحمة بالمقسم.
شكراً لك مرة أخرى وأرجو من الأستاذ شوقي أن ينزل عند رغبة أحباءه ويتفاعل بصورة أوسع من الحالية.

[منال]

يا عمنا صباحك زين
اساتذتى كيشو هاشم
سلامات

تم وعصيدة فيها السم

والله دى ما بتشبهك و لا فيها ريحتك ذاتو

كيشو تعرف ح المو ليهو النحل هسه looool

تعالن يا البنيات هنا

الوليدات اجمعوا هنا

ابونا اجيب البن هسه واجى صاده و نشرب جبنة الضحى سوا

خليك معانا شوية بس

[مواطن]

الناص :منال
يا عمنا صباحك زين
اساتذتى كيشو هاشم
سلامات
تم وعصيدة فيها السم
والله دى ما بتشبهك و لا فيها ريحتك ذاتو
منولة صباحك أيسكريم ..
بما إني أنتمي للبرجوازية الصغيرة الغير مرتبطة بالإستعمار ومن أبناء نمرة 2 وكده ، فهناك بالتبعية تعبيرات لا أفهم معناها بالعمق المؤدي إلى كامل الإستيعاب مما يربك شبكات الفهم لدي .. وألقى نفسي بره الشبكة..
حسع أنا فهمت كلام بكور ده على معناه المجازي وإنتي لقطتي المعنى الموازي .. فهمت إنو رفع إيدو من القدح (والقدح دي شرحتا ليّ حبوبتي لأنها لم تكن برجوازية - الزمن داك برجوازية زاتا ما كانت في) ومن يوما وأنا أقدح في الناس .. لغاية يا كافي البلا يوم واحده كده قدحت شرار من عيونا .. فصلت طوالي .. وبقيت منقدح قداحة ليها شنّـة ورنّـة وطوالي إنحزت لقوى الشعب العامل .. قداحةً فيها .. وبقيت إنقداحي إنحيازي ..
ولما سألت حبوبتي عن سر قدحتا البتفطر الصايم .. قالت ليّ إنها كانت مجكسّـة فريدريك إنجلز (فردة وكده) وكان ليها القدح المعلا في صياغة البيان الشيوعي ، لكن الواد ماركس سرق الخلطة السرية وقدح ليهم الإتنين .
أها دحين الزول ده الدايره تلمي ليهو النحل باقي ليكي بيتحمل القريـص ..;) .. أنا غايتو حألم العسل ..goood.. من شارع واحد لحـد كبري المسلمية ..

[منال]

منولة صباحك أيسكريم ..
بما إني أنتمي للبرجوازية الصغيرة الغير مرتبطة بالإستعمار ومن أبناء نمرة 2 وكده ، فهناك بالتبعية تعبيرات لا أفهم معناها بالعمق المؤدي إلى كامل الإستيعاب مما يربك شبكات الفهم لدي .. وألقى نفسي بره الشبكة..
حسع أنا فهمت كلام بكور ده على معناه المجازي وإنتي لقطتي المعنى الموازي .. فهمت إنو رفع إيدو من القدح (والقدح دي شرحتا ليّ حبوبتي لأنها لم تكن برجوازية - الزمن داك برجوازية زاتا ما كانت في) ومن يوما وأنا أقدح في الناس .. لغاية يا كافي البلا يوم واحده كده قدحت شرار من عيونا .. فصلت طوالي .. وبقيت منقدح قداحة ليها شنّـة ورنّـة وطوالي إنحزت لقوى الشعب العامل .. قداحة فيها .. وبقيت إنقداحي إنحيازي ..
أها دحين الزول ده الدايره تلمي ليهو النحل باقي ليكي بيتحمل القريـص ..;) أنا غايتو حألم العسل ..goood.. من شارع واحد لحـد كبري المسلمية ..


عموهاشم ازيييييييك
وألقى نفسي بره الشبكة..

يابا انت الشبكة ذاااااااااااتها فهم و ذوق و اندياح لو كترتا بقولو مكسرة ههههههههloooollooool

أها دحين الزول ده الدايره تلمي ليهو النحل باقي ليكي بيتحمل القريـص ..;)

من الجكس ونص و خمسة كمان .... عاد ما شيخم

أنا غايتو حألم العسل ..goood.. من شارع واحد لحـد كبري المسلمية ..

لقيتك حريف لكن و تهديف و كمان بتعزل مكان الصيد و ما تنسى الاتجاه التانى من الكبرى انا دستورى نااااااااااازل فى الخرطوم تلاتة وين سميرى ( الاغنية مهداة لخالد الحاج )

[مواطن]

الناص : منال
عموهاشم ازيييييييك
يابا انت الشبكة ذاااااااااااتها فهم و ذوق و اندياح لو كترتا بقولو مكسرة هههههههه loooollooool

بعد الفرز بالأحمر ده مافي زول بيقول .. إخدي راحتك ..جردت ليك طوف حماية متخـماً بالعسس
من الجكس ونص و خمسة كمان .... عاد ما شيخم
أنا شخصياً ما قلت حاجة :rolleyes:..لقيتك حريف لكن و تهديف و كمان بتعزل مكان الصيد و ما تنسى الاتجاه التانى من الكبرى انا دستورى نااااااااااازل فى الخرطوم تلاتة وين سميرى ( الاغنية مهداة لخالد الحاج )

خبرة تفتح العينين


إهداء خالد يستوجب تفوتي الخرطوم 3 المكسرة فيها دي وتوصلي لحد الصحافة .. الزول ده فتران وما بيقدر يتحاوم .. فلازم المهاداه تكون "هوم ديليفري home delivery )

[منال]

بعد الفرز بالأحمر ده مافي زول بيقول .. إخدي راحتك ..جردت ليك طوف حماية متخـماً بالعسس

خبرة تفتح العينين
[/list]

إهداء خالد يستوجب تفوتي الخرطوم 3 المكسرة فيها دي وتوصلي لحد الصحافة .. الزول ده فتران وما بيقدر يتحاوم .. فلازم المهاداه تكون "هوم ديليفري home delivery )


يا سلام يا عمو من الان ....

المكسر فى الخرطوم 3 خالد ذاتو ههههههههههه فتران شنو بس اسالو مشيت كم مرة بيت الخياطة gooodgoood (فى الاجازة دى ) الا انا مكسرة و مدشدة فى الخرطوم 2 و معاك بقيت كاسرة ركبة عدييييييييييييييييييل لووووووووووووول gooodgoood

تعرف الهوم ديليفرى شغالة معنا و سايقا النسيم العليل و كدا زاد وجدى
وكمان عشان الغنا السمح ده

[بابكر مخير]

تم وعصيدة فيها السم

السم يطير ويقع في البير،،
ما هو السم شن نفرو والعسل إدفق بي جآي...
وعشان خاطر كلام وقلبنت سلام


سلامات


والوعود المجهبزة


تعالن يا البنيات هنا


وعشمن في


ابونا اجيب البن هسه واجى صاده و نشرب جبنة الضحى سوا


تراني رجعت وما نادم
بس حسب الطلب
وبعدها بواصل في بوستي برآآآيا
"العاوزني يلقاني بي هناك، نفكو ونحتت حنانها ظاتو"


خليك معانا شوية بس

والقدح والقدحة الهشومي شوقهو يشمها،،،
جيت جاري، قايم سداري
خوف سيد الطاري،
يسرق السوق..
ولقيت هشومي، سرح، مرح وقرح..
لخبط وجاط، الفوق بقى تحت والتحت تراهو فوق..
يا منال "عمي هاشم" دآ
من شباب الخرطوم إتنين "طبعن على ذمة الراوي" وما بيعرف القدح،،
هو ظنيتو قايل القدح ياهو إلا الأبو قدح،، الكان بيشوفو في جنينة الحيوانات، طبعن حسي بقت "برج الفاتح" وهو قافل على أنه ما في قداحة تانية...
ليهو بقول: القدح بنعرفو إحنا؛ قدح علي دينار وقدح العصيدة الماهي عصيدة!! إلا لمن تقول تووززز وملحاتا البنكربو والمرس والويكاب....
ويا هشومي الحمور ديل البنعرفهم من ناس أبروف وناس عطبرة والعجلات وأخير،
نردها ليك يا هشومي، بي كلامك ظااااااااااتو...
حسع حتتناوشني سباع السلفية .. كده كويس ....؟؟؟؟
وأنا بشقلبها عشان تكون؟؟؟؟؟؟
حسع حتتناوشني جهابزة الشيوعية. ينطو ليا في حلقي. كده كويس ....؟؟؟؟
loooollooool

[منال]

تراني رجعت وما نادم
بس حسب الطلب
وبعدها بواصل في بوستي برآآآيا
"العاوزني يلقاني بي هناك، نفكو ونحتت حنانها ظاتو"
loooollooool

ابوى كيف قيلت و بركة الجيت انت العسل ظااااااااااااااتو و انا البسكويت :D:D

و الله من هنا ماك ما بتبرحو تب loooolمش بتاعك و بنجى كالنحل ناخذ و ندى و بجوا يهاوشك و انت سيد الحلسة و كلها... و كيتن فيهم سيد الحضرة كمان ود شيوخ gooodgoood

شفت بحليفتا كمان ...

تعرف هشومى عندك حلوة جد ... هو ذاااااااااتو ما ساكن هنا ولو ما السعودية و سقطها داك اكان حتاهو و جاب ضقلو يجر ظااااااااااتو

المحبة كميااااااااااااااات يابا بنياتك هسه بجن يغردن هنا و انا راجية ازغرد و اديك الشبال فى شان القدح الكبير و ملاح المرس

ربنا يخليك لينا و انشالله تحضر جديدى و تهز و تبشر مع هشومى فى الدارة العامرة بيكم

و الله انتو الاتنين مكسب كبيييييييييييييييير

مودتى با طويل البال


http://www.sudanyat.org/agani2/songs2.htm

[بابكر مخير]

ابوى كيف قيلت و بركة الجيت انت العسل ظااااااااااااااتو و انا البسكويت :D:D
و الله من هنا ماك ما بتبرحو تب loooolمش بتاعك و بنجى كالنحل ناخذ و ندى و بجوا يهاوشك و انت سيد الحلسة و كلها... و كيتن فيهم سيد الحضرة كمان ود شيوخ gooodgoood
شفت بحليفتا كمان ...
تعرف هشومى عندك حلوة جد ... هو ذاااااااااتو ما ساكن هنا ولو ما السعودية و سقطها داك اكان حتاهو و جاب ضقلو يجر ظااااااااااتو
المحبة كميااااااااااااااات يابا بنياتك هسه بجن يغردن هنا و انا راجية ازغرد و اديك الشبال فى شان القدح الكبير و ملاح المرس
ربنا يخليك لينا و
ان شاء الله تحضر جديدى
و تهز و تبشر مع هشومى فى الدارة العامرة بيكم
و الله انتو الاتنين مكسب كبيييييييييييييييير
مودتى با طويل البال

http://www.sudanyat.org/agani2/songs2.htm

منو العزيزة الغالية
للأسف الكمبيوتر الأنا فيهو مخسدغ والحاجة دي ما فتحت،
لكن حا أمشي نت شوب مخصوص عشان أعرفها شنها؟؟
شكرن ليكي يما ختيتني مع الملاك في جنة المكاسب بتاعتك،،
دي ذي الدعوات الكريمة الطيبة،
لما الزول يقول ليك:إتا وهشومي،،،
ذي القال ليك
إتا وبس المحظوظ في الكون...
يا بختي وسعادتي وهنايا،،
شفتا يا سيد،
قرونا مع بعض، يعني يحلك الله مني....

يوم جديدك يوم المنا
يوم تفرح الحور في موطنا
يوم تسهر النجوم في نص السما
الفرح الكبير، فرح الهنا
فرح ست البنات
ست العجن
ستهن وستهم وستنا

[منال]

منو العزيزة الغالية
للأسف الكمبيوتر الأنا فيهو مخسدغ والحاجة دي ما فتحت،
لكن حا أمشي نت شوب مخصوص عشان أعرفها شنها؟؟
شكرن ليكي يما ختيتني مع الملاك في جنة المكاسب بتاعتك،،
دي ذي الدعوات الكريمة الطيبة،
يوم جديدك يوم المنا
يوم تفرح الحور في موطنا
يوم تسهر النجوم في نص السما
الفرح الكبير، فرح الهنا
فرح ست البنات
ست العجن
ستهن وستهم وستنا

دقيقة بس هاك اللينك من سودانيات امكن يشتغل معاك
فايت مروح وين - التاج مكى

http://sudanyat.org/agani2/tag-maki-sudaniyat.org.wma

ما بدور ليك التعب و كمان تمشى النت برا

تسلم كتييييييييير
مودتى و احترامى يا غالى

[خالد الحاج]

سلامات يا دوك
طبعا يا بابكر بعد الأشواق وكده أبدأ بشكرك علي رأس السنة والشكر للدكتور البروف قاسم بدري علي ليلة بألف ليلة ... والشمار بجيه بي مهلة أنا ما فاضي ليكم أسه ;)

بخصوص تساؤلاتك :
(1) عدم تعبير شوقي لك وعدم متابعته والردود ليس إفترا من شوقي والله فقط شوقي لا يطبع ولا يعرف في الكمبيوتر سوي القراءة. أكتب له أنا رددوده ومقالاته ويمليني لها بالتلفون.
الأيام دي لقي ليه زول بيجيه مرة مرة ويفضل شوقي كتابة موضوع جديد.
حتى عودتي يا بابكر من السودان "الشقيق" :D شوقي ده ما تحكوها معاه :D

(2) العناوين البارزة تحتاج شغل بالفرنت بيديج وأنا مستمتع بالأجازة لدرجة تقصيري في تجديدها وكذلك في المتابعة لكن يا جماعة هي كلها 3 أسابيع كل خمسة سنوات فما تحكوها معاي برضو باقي أسبوع والأجازة تخلص وبنرجع نعاود النشاط كالمعتاد.
أما مسألة اختيار العناوين نفسها فقد طلبت من الأعضاء الإشارة علي بما هو مميز من موضوعات وفعل بعض الإخوة ذلك لمدة ثم توقفوا. أنا أجتهد ولا أرفض أي مقترح هنا.
سأعود لطرح الأمر بصورة أفضل حين عودتي إن شاء الله.

التحية لضيوفك الكرام هنا ولك يا زول يا جميل

[شوقي بدري]

العزيز بابكر ... واهلنا المتداخلون التحيه
اول حاجه بابكر ده عارف البير وغطاه . انا ما قاعد اكتب . اكثر زول تعبان معاى ام الاولاد سريعه جدا جدا فى الكتابه وبتكتب بكىبورد انجليزى لانها حافظه الحروف . لكن الموضوع فيه ذله الزول لو ما مجبور ومجبور ما بقدر عليها . اقل حاجه بسمع يا شوقى بدرى والله ذنوبك ما اكتبها ليك . لانها شغاله وعندها اربعه اولاد كل واحد عباره عن تمنه وظبطيه .
خالد الحاج بكتب لى برضو مسكين مجبور . لكن الزول الرئيسى البكتب ده طالب دراسات عليا وبجى من مدينه تانيه . الموضوعين الاخيرات ديل والايميلات اخدو تسعه ساعات عمل وتصحيح . لانه هو ذاتو فى حاجات فى النت ما بعرفها مما يستدعى تدخل الخبره المنزليه .
الشغلانه دى ممكن تعمل فى الشهر 400 , 500 يرو . لمن الم فى الزول بكون الموضع محسوب بالساعه . وبمواعيد القطار الاخير . بكون التركيز فى انه نكتب شنو .
بتجى عشرات الايميلات كلما الم لى فى زول احاول ارد على الاهم . مثلا فى ايميل صاحبه بيسأل لانه بعد ما قرأ موضوع كتبته واشرت فيه الى ان الاقتصاد السودانى سيصاب بنكسه وان اسعار الاراضى ستنخفض . هذا الشخص يسال عن قطعه ارض حددها وعرض عليه 250 الف دولار الا انه يريد 300 الف دولار هل يبيع ام ينتظر . طيب انا لى من السودان عشرين سنه . والراجل عاوز شماعه يبيع والاسعار ترتفع يقول انا خسرته ما يبيع والاسعار تقع برضو اكون مسئول . هذا فقط مثال . هذا الموضوع لم ارد عليه لكن هنالك مواضيع كثيره يجب الرد عليها . او تجى ايميلات جديده فيها تجريح وشتم . زائدا الايميلات العاديه التى تتطرق للام والاب واللعنات والشتم والطعن فى الاصل والرجوله والاتهام بالعماله والارتزاق .يعنى ما ناقصين .او تسمع من صديق ان فى زول زعلان منك قال رسل ليك ايميل وما رديت عليه .
انا كنت مثلا عاوز بشده اتداخل فى موضوع زواج الدينكا . لانه موضوع قريب لقلبى وقبل بضعه شهور كنت بتكلم مع ود اخوى عمر يوسف قور . وهو ابن الناظر . ويتواجد الآن فى امريكا . المشكله انه دينكا ابليانق ( الشمال ) صارو يتزوجون بالبقر وفى نفس الوقت الشيله والحنه ووو الخ . كما كنت اود كذلك ان اتداخل بشده فى موضوع والدتك ووالدك . كما كنت كذلك اود ان ادخل علاقه والدك ووالدتك فى موضوع كامل كرد على مداخله ابو ساندره فى الكرسى الساخن عندما طلب منى ان اكتب عن علاقات الحب فى امدرمان . مثل علاقه وحب بابكر بدرى المبالغ فيه لطليقته البديع . والى ان مات لم ينساها .
يا بابكر مرات بعض كلامك ما بتفهم وبتخرم . حسه انا كتبته موضوع عن الصادق . مداخلات وردود الاخ هاشم حاجه جميله وراقيه والواحد يتعلم منها . انت ما افدت بأى شئ . مثلا هل اخطا الصادق فى عدم محاكمه مرتكبى مجزره الضعين ؟؟؟ وهل اخطا الصادق عندما ارسل الفاتح مدير الدايره لكى يهدد ويرغب عشارى ؟؟؟ انت بدل ترد والشباب الصغار ديل يستفيدوا تقوم تفتح ليك بوست جديد .
بخصوص المشلعيب . انا اول من اتصل بخالد الحاج واحتجيت على تعليق مواضيعى وقلت بالحرف الواحد ليه مافى زول غيرى ما ناس تانى تاخد فرص . ورده فى الاول كان الموضوع ده ما بقرروا انا بقرروهوا ناس تانيين وكان وقتها المسئول شخص آخر . واحتجيت مره اخرى وكان المسئول خالد الحاج . وخالد قال ياخى مواضيعك بتتقرى عشان كده انا بختها وانت مالك .
انا وخالد مش سمن على عسل كل الوقت . اختلفت ولا ازال اختلف مع خالد فى موضوع دكتوره نجاة . وقلت مليون مره ياخالد انت غلطت على الدكتوره . وعندما ساق خالد التبريرات قلت له انا الآن لا اتكلم مع نجاة انا اتكلم معاك انت وبتكلم عن الخطاء بتاعك . وغضب خالد . وآخر مره كان هذا الكلام فى منزله . يعنى معناها انا وخالد ما دافننو سوا .
كل زول عندو مشاكلو ومسئولياتو . مع احترامى لمشاكل الناس انا مشاكلى ومسئولياتى اضعاف اضعاف وبسرق الوقت عشان املى زول يكتب لى . وبالرغم من المراجعه فى غلطات بتمر لانه الوقت بكون ضيق .. ومرات بفكر ياخى انا الجابرنى شنو . خاصه عند الواحد يسمع ( شوقى بدرى يخرج ما فى جوفه ) . اخراج ما فى الجوف يحدث عن طريق ( الطراش ,, او السبيلين ) . ولكن انا اعتبر الموضوع غير مقصود .
والسؤال .. نكتب على قدر قدرتنا ونتداخل على قدر ما بنقدر , ولا نقيف .
التحيه
ع س شوقى ..

[بابكر مخير]

الصلع بانت وبرقت
الوجوه الحلوة مرقت
خلودي وشوقي وشوشهم ظهرت
في وسط الضلام فرْحَت
وللبوست بهرجت
.........
خلودي أنا سعيد بأنك أمتعتا العميد بحضورك
وأسعد أنك شفتا وجه تاني من الأسرة..
غير شوقي وعظمتو وبابكر ونقتو:o
ويا الحبيب
قولك عن عذر شوقي، أنا واحد من الناس الأوائل العارفينو،،
لكن عليك الله غير ضفرك شنو البيعرف يحك، وين ما داير ينحكا،،،
دحن عسي قول ليا منو؟؟؟ غير زولن قرييييييييييييب وإتا معصور عليهو وهو عارف أنه ياهو لحمك ودمك وروحك الحتنسلا بيرضى بي جنس دآ...
يا هو شوقي شيال التقيلة
شاد الجبيرة
وليك سلام لمن تصل راجع من السودان الشقيق
....................
شوقي الحبيب
لا أخفي عليك، أني تأكدت أن عدم مداخلاتك لست وراها إلا سببن شديد وقوي والرؤية دعمت بعدم مداخلتك في بوست هام وبالنسبة ليك بعني الكتييييييييير وهو ياهو بوست زواج الدينكا...
موضوع كتاباتي المبتتفهم جد، جد كدي أنا ذاتي بعض مرات بروح في فهمو، لكن الياها بنقدر عليها وأنا ما عايز أخيب ظنك فني يوم قدمتني لسودانيات وقلت ليهم ما معناهو "إتحملوهو":D:D
أنا إن بحسدك، بحسدك على الأتي:
السيد الفضلى الحبيبة، أم العيال ومتأكد أنها مش متحملة بل سعيدة أنه زوجها هو شوقي بدري والتانية حب خالد الحاج ليك وثقتك فيهو،، غايتو أنا قافل هشومي يبقى ليا؟؟ خلودي ليكآ;)
الحبيب أسئلتك عن السيد الصادق،،
ما موضوع حب أهمى ودفاع جاهل "يعني ما مغفل نافع ولا عدو جاهل خير من صديق جاهل" لكن بعض مرات بشوف أنه الهجوم عليهو خارج نطاق المعقول ودآ حسب فهمي:o..
لكن أقول ليك ما بختلف معاهو في كتير من الأمور،، بكون كضبتا، بس العمل السياسي ليهو قوانين ولوائح،، والإنضباط داخل الحزب بيفرض عليك ما كنت مؤمن بروى الحزب تستمر من داخلو تناضل وتدافع عن رؤياك،، ما موضوع زومة وزعلة وكب الزوغة...
آهااااااا، هاشم طه قال ليا؛ شوقي بيكتب في مواضيع مختلفة من الأنا تناولتها وفي رده على بوست "أمي وأبويا" ، قال أنه دآ موضوع أُسري.. إتا حسي تداخلت لي أبو ساندرآ عن الحب في أمدرمان وأنا ذكرت موضوع مدينة بدري "وأنا عارف الزولة دي عندك بتساوي شنو" وأبراهيم قاسم البرضه ليه عندك تقدير،،، بس حبيت أن أوضح ذلك للحبيب هشومي...
أنك برضه بتتطرق للمواضيع الأُسريةlooool
أخي الحبيب
ما أكتب وما كتبت ليك، عنك وفيك؟!؟!؟
سببه
الضفر ما بيطلع من اللحم..
أشكرك على حكمتك وفايق صبرك ووافر جلدك على تحملي...
..وقراصة معطونة في عسل...
"منو!! شنو رأيك في دي؟؟؟"

شوقي الحبيب
أنا تحت الخدمة
قدر ما عايز تكتب
وشنو ما داير تكتب
مستعد أخفف عن الحبيبة المدام والحبيب خلود تحمل العبء
مستعد أكتب أي حاجة ذي ما إتا بتقول وبي ضبانتها
بس قول عوك
تلقاني ياني أخوك
دمت

[منال]

أخي الحبيب
ما أكتب وما كتبت ليك، عنك وفيك؟!؟!؟
سببه
الضفر ما بيطلع من اللحم..
أشكرك على حكمتك وفايق صبرك ووافر جلدك على تحملي...
..وقراصة معطونة في عسل...
"منو!! شنو رأيك في دي؟؟؟"

شوقي الحبيب
أنا تحت الخدمة
قدر ما عايز تكتب
وشنو ما داير تكتب
مستعد أخفف عن الحبيبة المدام والحبيب خلود تحمل العبء
مستعد أكتب أي حاجة ذي ما إتا بتقول وبي ضبانتها
بس قول عوك
تلقاني ياني أخوك
دمت

ياها المحرية فيك يابا

مع أخيانك رجال تملو العين و تسدو عين الشمس ظاااااااااتو

[مواطن]

الحبيب بكور
أهـو جاك الأستاذ شوقي وقبالو الخال ومنال .. عاد ما تبقى طماع .. المحبة في القلب وإنت معروف عنك صفاء السريرة ونقاء الضمير .. وده البيخلينا نهاتي بيك ..
إن شاء الله حسع بطنك بردت شوية ..
تحياتي ومودتي يا دكترة .. وقول لينا القومة متين ..