اقتباس:
عن عمق مداخلتك، اللي فات على فهمي.. وتفسيراتك الفوق، فهاك : وكتي الاستوجبت الاعتذار-حسب قراءتي- انت جبت مداخلة لأم التيمان مقتطعة من جسم آخر، وأشرت وربطت بينها وعقل الأنثى في مداخلة ماريل ورأيت فيه ظلم واضح، لأنّ السياق غير معروف وقد يكون رد في معرض هظار أو حتى ونسة بينها وبين من وجّهت له الحديث. وأبداً طبعاً ماهي المداخلة التي تكتب تحت عنوان بوستك أعلاه..وضح أظن:) مداخلات جانيت، طبعاً أكيد انت جبتها كمساعدة لشرح سبب مداخلتك وردّك على ماريل. لأنّو أنا ما اتطرّقت ليها لسبب بسيط وللأسف بشاركك فيه:p اعتذراك مابفيدك:D:D أبداً ياسيّد محتمل أم التيمان ماقرأت كما قرأت وماشايفة شئ يتوجب اعتذار لكنّها كتابة مقدّرة..ولو انو جا على نحو: أهن ومع شوفك الغلط هاك:معليش" أنا أبداً ماألجمتك ماجد، لكنّو دا فعلك في البوست دا بدءً مع العنوان الضخم الاتضاءلت قدامو كتاباتها، فهي في رأيي تطرح جديداً..ولكن ليس بمستوى هذا العمق. وأنا مامنعتك من المج، لكن قلت رفقاً، وأنا ما تداخلت في المكتوب هنا إلا بعد مداخلتك المشار ليها في الردود بيناتنا وطلبي البعد عن ماتراه غثّاً، أظنّو مافيه تعدّي على حقوقك ماكان إلزام، كان نهجي وألبستو شكل الطلب. فلا عليك ياخ ،إن لم يوافقك ..ردّه ليّ بشيلو فوق فهمي السطحي دا:D سلامات ود الطاهر، أنا دفاعي عن حق زول في الكتابة وعدم تحميلها أكبر من فحواها ببساطة شديدة يعني ودخلت البوست دا كتير ومالقيت في اضافة أقولها أكتر من مداخلات البعض هنا إلا بعد مااستجد قبال مداخلتي الاولى حولا!! أنا طبعاً راسي دا بكلّفني كتير جدا ( قهوة والله):D فما ترهقوه ياخ ياود الطاهر، أنا تكلّمت عن حراسها فما تخلط.. الحلو انو كلنا متفقين انو بندخل بوستات أم التيمان. لأنّو مثلا: بوستات فلان وفلان بعد قراءة واحدة بقيت مابقراهم خالص. لا اضافة ولا جديد ومرّات "غث " التي أوردتها. أنا أدافع عن حق الزولة دي في الكتابة بطريقتها. ماريل، وصفك لروحك مابحلّك..غايتو إلا تلاقيك جانيت. |
اقتباس:
المشاركة الأصلية كتبت بواسطة ماريل http://www.sudanyat.org/vb/images/buttons/viewpost.gif يا جانيت اها انا لو شفتها وطلعت (مارلين مونرو)زاتا ما عندى شغلة فى الكلام ده طالما بتكتب هنا يبقى نتحاور ونتلاوى هنى والعجاج يلوى لى السماء يا اقنعتنى يا اقنعتها يعنى سماحة وشها وله شناتو علاقتو شنو بالكلام المخرمج البتكتبو هنا عليك دينك يا جانيت هسه ورينى الفكرة العبقرية من مفترع زى(بيبى فى بطن نمبر ثرى) يا جانيت احبطينى والله كونك تتكلمى من المنطلق العقيم ده يعنى كلاما الشين ده نمسحو ليها فى وشيها السمح وناكلا فى حنانا ساكت ؟؟؟؟ عجبى والله بريي يعميني ما قريتو :eek:قلتي لي بطني شنو نمبر ثري شوفي ياماريل يا حبيبتي يا انيقة دايرة الجد انا جنو دي ما بقرا لي بوست فات الصفحتين ما بحب وجع الراس وبوستات امهم دي بوستاتها راشة وعندها قراءها والله نادر مما اخش ليها بوست بخجل ياخ:eek: بس شفتها وكلامي ليكم من خلال المواقف الحصلت قدام ام عيني اي ياخ كلاما الشين ده لمن تمسحي في وشها السمح ده بيطعم شديد بعدين المنتدى ده فيهو السمح وفيو الشين وفيه الكلام البيكبو في راس الواحد الابتعرفي تمسحي لابتعرفي تضاري نهاجم جزء ونخلي الباقي وام التيمان عندها فكرة ول ماعندها ده شي بيخصها هي ما بتعبر عن جندرها ابدا ولا في زول اداها الراية مع انو نساء السودان المثقفاتية اول اجتماعاتم بتلقي الدعوى لام التيمان شفتها قبل كده في يوم شاعرات السودان مش هيفاء عبد الستار المعانا دي سكرتيرة وشاعرة ومتمكنة بس ما شفتها وماكانت متواجدةوشفت ام التيمان والقت قصيدة وفي اغلب المحافلالادبية بتلقي ام التيمان متواجدة المنتدى ده منتدى حوار ولازم عشان نتحاور نتقبل الكلام بكل اوضاعو الشاذ منو والمبلوع والنقد والمدح لايفسد الحوار ابدا . . . . . . ام التيمان الا تغمتي لي بعد ده والله اتظارفت شديدlooool |
اقتباس:
المشاركة الأصلية كتبت بواسطة معتصم الطاهر http://www.sudanyat.org/vb/images/buttons/viewpost.gif اقتباس: المشاركة الأصلية كتبت بواسطة جانيت http://sudanyat.org/vb/images/buttons/viewpost.gif غايتو أنا قاعد أسمع الشعر بأذنى و عقلى .. فمثلا لا تعجبنى كتابات/قصائد فلانة ديك .. بعدين أنا ما سمعتها حتى الآن .. انحني اسفاً ياخ كان جنبي محمد ماكنت عارفة الحوالي شنو:p والله كنت قايلاك معانا بس جد لو سمعت حتصفق ليها لو ماعجبتك القصيدة حيعجبك الالقاءlooool |
اقتباس:
جانيت مصرّة انتي |
اقتباس:
عااااادي ، حسع إتا ما هُوندا شغال فّططي تقيل و الحبة ما جاتنا ثما إنو إتا قايل التاريخ دا بيكتبو كيف و بيبقى حكاوي ؟! يعني انا عادي ممكن أجي بعد كم سنة أحكي كان شفتو عامن أول لمن الحراية حِمت و فّطوني واللهي عااااادي ماحصل لي شي ;) و ثما إنو ما تجيني بالحنك العاضي بتاع إنك ما داير تمط البوست لانو البوستي دا شكلو ممطوط خِلقة gap |
اقتباس:
عشان أقوم التقطو طوالي إبتداءا يا عزيزي أنا لا أدافع عن المرأة أو الرجل إطلاقا هنا و لا أقوم بتجريم الرجل أو المرأة و لم أقل بأن القلم مرفوع عن الرجل و لست بصدد تبرير أي ممارسات أنا فقط أسوق الحقائق الموضوعية للواقع الكائن و الماثل للمجتمع بغض النظر عن إختلافي أو توافقي مع هذا الواقع. و عايز ألفت نظرك يا ماجد لي نقطة مهمة جدا يلزمنا استصحابا في نقاشنا توخيا لنجاعة الطرح و موضوعيتو حيث إنك أجملتا مستويات الحكم و التقييم و ختيت الديني و الإجتماعي في سلة واحدة النقطة الجوهرية هنا يا ماجد هي ضرورة التفريق التام بين معطيات و حيثيات واقعنا الإجتماعي الكائن و المقيم و بين القيم الدينية التي تشكل عصب المنهج الديني و توجيهاتو هنالك فرق كبير يا عزيزي علي صعيد النظري و الواقعي المطبق عمليا و من هنا يلزمنا ملاحظة أنو حيثيات و معطيات واقعنا الإجتماعي الكائن لا تتطابق بشكل كامل مع القيم الدينية الجوهرية فاللمجتمع قيمه و ثقافته التي قد تكون متجاوزة في كثير من الأحيان لبعض القيم و الثوابت الدينية. فمن ناحية ما في خلاف إطلاقا إنو من منظور ديني صحيح يتوجب معاملة الرجل و المرأة بنفس القياس (و الزانية و الزاني فاجلدوا كل واحد منهما مائة جلدة) و التوبة تجُب ما قبلها بغض النظر عن جنس و نوع من يتوب و لكن علي صعيد الواقع الإجتماعي يختلف الأمر تماما فما ينسحب علي المرأة في مسألة الشرف الجنسي لا ينسحب علي الرجل جملة و تفصيلا و هو أمر مشاهد و لا جدال عليه شرف الأنثي الجنسي منوط بعزريتها و غشاء بكارتها إبتداءا قبل الدخول في التفاصيل الأخري كلإحصان أو تداخل الأنساب و خلافه و هو كعود الكبريت... ما بولع إلا مرة واحدة بينما الشرف الجنسي للرجل متجدد دائما و ما عندو أي إطار مرجعي لا غشاء بكارة و لا عزرية و لا خلافو شرف الرجل الجنسي يا عزيزي مفتوح و غير مؤطر أللهم إلا من بعض أو كل إستهجان و رفض لا يرقيان عادة إلي مستوي الإقصاء الذي تعانيه الإنثي في حال بدر منها أو حتي ألصق بها بهتانا و لو شبهة فعل أو مقدمة فعل جنسي خارج إحداثيات المؤسسة الزوجية و ما ظنيت يا ماجد حيجي يوم و نسمع فيهو إنو في زول ضبح أخوهو و لا ابوهو و لا أي من ذكور قبيلتو في حال ثبت قطعيا قيامهم بارتكاب فعل جنسي خارج إطار زوجيتهم بل كثيرا ما يكون ذلك مصدر فخر و إدعاء بين الأقران و الصحاب و ناهيك يا صديقي عن إختلاف مستوي الحكم علي الرجل و المرأة في صدد الإتيان بفعل جنسي مباشر خارج المؤسسة الزوجية هذا الاختلاف في الحكم ينسحب علي مجمل الفعل الحياتي و دونك ما تقابله كتابات أم التيمان من استهجان و أنا هنا قطعا لا أدافع عما تكتب بقدر ما أسوق تصورا موضوعيا للواقع قدر كبير من الاستهجان الذي تقابل به كتابات أم التيمان يأتي (بوعي أو بدونه) من واقع أنها أنثي. و لك أن تتخيل أن موسم الهجرة للشمال هذه الجوهرة في الفن الروائي لم يكتبها الطيب صالح (الرجل) و كتبتها أنثي ما سودانية صدقني العجاج و الجدل العقيم كانو بكونو مدورين لحدي هسة و حتي الذين يسوقون المثال بشخصية بت مجزوب في ذات الرواية و بأن خطابها الجنسي المباشر و المتجاوز لم يكن مستهجنا من قبل مجتمع القرية فات عليهم تماما ملاحظة إنو بت مجزوب كانت مرة إنقطعت إرب الرجال عنها يعني وفقا للمنظور الجنسي الذكوري و الإجتماعي للقرية مرة فاقدة لصلاحيتا جنسيا و إلا لو كانت ما زالت شابة كانو طوالي صنفوها تبع القطاع (ش) و لترصدتها أقدام فحول ود حامد. |
اقتباس:
في مداخلتك الطويلة ال في الصفحة الفاتت بتاعة النت ملان وكلو زول يفتش البيعجبو ذكرتيني مرة كنت بفتش في (اليو تيوب) لقيت لي أغنية بنات بيغني فيها ولد عجيب كدا gap انا بحب أقرى الردود على الفيديو :D الأغنية دي الردود فيها وصلت لي كم صفحة الجماعة شغالين نبذ عجيب ، في بعض قام جاهم واحد شايل ليو حديث و أية قدر الضربة و قعد يستغفر و يتشهد قامو سكتو شوية جاهو ليك واحد طاير من هناك لمن انا صرخت يا قول جانيت الجميلة :p سجمممممي قال ليو : معليش باقي المداخلة لل ( 18 + ) :D قال ليو : هييييي يا (تيت ) يا ( تيت ) لاحظي (تَيت) دي أقل كلمة قالا ليو : يا تيت يا ترابتيت إتا وكت متدين كدا جاي ت تيت بي جاي لييييييه طير شوف قناة أقرا ولا ساحات الفدا بي وين مبالغة يا طمطم ياخ يا ماجد انا لي عودة كان الله أراد |
:D:D
أسّي كدي أنسينا من الترتيت دا انتي الوداك هناك شنو؟ غايتو جنس تريتة عليك;) ياامونة غايتو مااظن فطّوك عمداً البوست فيه مداخلات كتير وأكيد غفل عنها لكن بعد مداخلتك دي ممكن يفطّوك زي الترتيب:p |
اقتباس:
|
اقتباس:
عااااادي ، بس كان عرشو لي الوليدات و طهرو لي الراكوبة تاني مادايرة حاجة gap المهم انا دايره أتبنى لي خط جديد في القطر الجاري دا خط وسط الحاجة اللفتت إنتباهي لي مواضيع ام التيمان كان نِقاش زي دا دار بي سبب بوستها الشهير ( جئت من بين فخذي امي ) البوست في نفسو ( عفن و داير دفن ) gap إستمتعت بي كل مداخلة فيو وكان موقفي ما محدد من الحكاية ، كان عاجبني إنها تجي بي عنوان ملفت و مثير للجدل ، انا ذاااتي من المدرسة دي gap لكن أحبطني الموضوع ، ما كان بالقوة الكافية ، بالنسبة لي اقتباس:
أقوم أنخلع من العنوان و اقول سجممممي كما ورد على لسان الانيقة جانيت :p و أتحنفش و أخش الموضوع و باقي القصة ورد ذكرها أعلاه . الخلاصة انا النصيحة بحب أخش بوستات ام التيمان بقرا المداخلة الاساسية و ما بجتهد شديد في إني أطلع بي فكرة وطوااالي بخش على الردود gap النقاشات و المناكفات بتكون خمج و شبع واللهي gap و أشهد في المرات القليلة البتجي ام التيمان تدافع عن الفكرة بتكون ردودها لطيفة :) وحسع لو جانيت الجميلة الانيقة قررت تنشي رابطة الكاتبات الجميلات الانيقات المعجبات بي ام التيمان في بتم روحا عاااادي بشترك دا اولا تانياً بجيك ليها لاحقاً gap |
فانتبه.. وأنت تهز السنابل، عند الكتابة.. البعض يسقط.
توقيع ملطوش من تماضر.. ممكن يغطًي في البوست ده |
ماجد كيف حالك التحية لك ولأم التيمان ولضيوفك
ظللت أتابع بإهتمام كل ما كُتب في هذا المفترع وللأمانة أعتقد أن أجمل ما قدمه هذا البوست هو اتاحة الفرصة لنا لقراءة رؤى أقل مايمكن أن نصفها به أنها في تمام البهاء ( خالد الصائغ نموذجا). إن التطرق الى مفهوم ( الجنس من منظور أنثوي) من خلال قراءة كتابات أم التيمان في تقديري أضر بالفكرتين معاً؛ فمفهوم الجنس من المنظور الانثوي باب واسع الثراء يلزم عزيزنا ماجد بالدرجة الأساس ومن يرغب في النقاش أن يشحذ همته لملامسة هذا الأمر في عموم النظرة الأنثوية ولا يتم ذلك إلا بايراد العديد من النماذج لتكتمل الفكرة حسبما أعتقد، وكذلك كتابات أم التيمان ليست خالصة لموضوع الجنس اذ الذي ألتمسه في كتاباتها ليس الجنس فحسب هي تكتب عن المشاعر الانسانية المختلفة فرحا وحزنا وغيره تكتب عن الطفولة وعن الأحلام وعن الدين كل ذلك من خلال رؤيتها للأمور؛ معبّرة عن فكرتها بما اعتقدته أنه كافٍ لبسطها بين القارئين وإن كنت أختلف معها لجهة كون الاختزال أحياناً يضر بالفكرة نفسها فكان عليها في كثير من المواقف أن تستطرد لتستجلي ما تريد أن تقوله. كل ذلك بالضرورة لا يلغي حق أم التيمان في التعبير عن فكرتها بالعبارة التي تعتقد أنها تحمل معنى ما تريده؛ ولا حق مناهضي رؤيتها أن يتعرّضوا لهذه الرؤية بالنقد والتحليل بعيداً عن الاستهزاء. تحياتي للجميع |
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif اقتباس:
بصفتك كاتبة و أنيقة و جميلة و معجبة .. ممكن رئيس شرف أو عضو بتاع لم الكراسي |
اقتباس:
نحن هنا لتغيير الواقع .. بالواجب أن يكون .. |
اقتباس:
أعمل فيها ما فهمتك عشان تاكد لي الوسام أعلاه غايتو للضمان كدا gap ربنا يجبر بي خاطرك بحق جاه النبي |
| الساعة الآن 08:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.