اقتباس:
تعرف يمكن الزمن زانقني شديد ولسه باقي لي هنا وهنوك وبين بين دلوقت أنا حأغادر رأفت بس لسه ما قررت أغادر سويسرا دي وأمشي علي وين ؟؟ ربما هولندا .. ربما بلجيكا مرة تانية لأمر ضروري .. وربما إيطاليا للجيلي .. وربما النرويج لسارة .. الخيارات كتيرة والزمن بسيط والمسألة عاوزة ليها شوية تفكير وبرضو لأنها مربوطة بمسألة أيام عمل وويك إند كمان علي قول حبيبنا الراحل عمر الطيب الدوش يللللللللللللللا و الجايبه الله التبقي مبروك يا أخوي لأخوانا د. شمس الدين ود. أليسع المناصب الجديدة والإتنين أكفأ من غيرهم ربنا يوفقهم ويا ريتني لما أصل هولندا أقدر أقابل د. شمس الدين وبروف ميكا تحياتي ليهم وليك وللعيال ولستكم وتاج راسكم العزيزة سحر |
[align=center]http://www.sudanyat.org/upload/uploads/46.JPG[/align]
[align=center]إتفضلوا معانا غداء[/align] |
[align=center]http://www.sudanyat.org/upload/uploads/a.JPG[/align]
[align=center]نهر الراين[/align] [align=center]http://www.sudanyat.org/upload/uploads/s.JPG[/align] [align=center]الريف الألماني[/align] [align=center]http://www.sudanyat.org/upload/uploads/999.JPG[/align] [align=center]رفقة قطر من رورموند لأمستلفين ــ هولندا ــــ دي خالتي ست النفر أخت أمي لزم وكدي ـــ الجانب التاني من العيله ــ البطُن مو بطراااااااااانة looool looool[/align][align=center] http://www.sudanyat.org/upload/uploads/f.JPG[/align] [align=center]دي بقي زميلة منعمشوف زولة نحاته ومنعم طبعاً زميل دراسة ودفعتي شغال في متحف الفن الحديث في هولندا وبيناتنا الفي النص دي الخاله عشوشه بت حميدان ود النور goood goood[/align] |
اقتباس:
:D:D:D واضح انو البطن بطرانة خالص خالص هو بطر نصاح لكن.. يخلق من الشبه سالب اربعين :D:D |
اقتباس:
|
اقتباس:
:D:D الكاشف اخوي.. القصة مافي تختار اهلك.. القصة في انو الاخترتهم ديل يقبلو بيك.. يعني زي لما الطالب يكون داير يتنقل من مدرسة لتانية موش بقولو ليهو جيب موافقة من المدرسة الداير تتنقل ليها..؟؟ وماتيييييب..:D:D هو كان الموضوع حرية اختيار زي كلامك ده.. والله الكاشف اخوك ده كان قريييييييب كدة هسع كان شاكيرا بتقلي ليهو البن وهو خالف رجل فوق رجل في امانة الله..:D شنو ليك كمان..:D:D |
اقتباس:
والعجب تكون جنبها بت الخالة جنيفر لوبيز وبت عمنا ديك الغنت لسفينة تايتانيك ديك يا ربي سموها منو هي ـــ سيلين ديون ـــ مو ياهو إسمها ؟؟ ــ و عَشَة كَبَك و بخيتة كَكَر بتاعة عثمان حمد العولاق داك ويقومن كدي ويغنن العجب حبيييييييييييبي وقلبا بيّ ده ده الرشيد سماعين السايق العربية ديني أنا ياخي goood goood goood |
اقتباس:
[align=center]يا الرشيد أسماعين كيفنك؟؟ والمعاك؟؟ أها جايينا ولا ماشي بلجيكا أم إيطاليا أم النرويج :) عشان نتابع خط سيرك ونطمئن عليك:cool: منتظرنك بشوق مودتي[/align] |
اقتباس:
عزيز كيفنك وسحر والعيال باكر الإتنين حأغادر سويسرا متجه لمدينة قينت (بلجيكا) ومنها علي النرويج يوم الثلاثاء ومنها علي رورموند يوم الخميس ومنها علي سيسيليا للجيلي يوم السبت ومساء الأحد الجاي حأرجع من إيطاليا لهولندا ــ رورموند ويوم الإتنين حأكون معاكم في أمستلفين والخميس علي أُم دُر بمشيئة الله دعواتك قلنا لازم نرضي علي الجميع وعااااااااارف نفسي مُقَصِر في حق أختي سحر وفي حقك أخوي عزيز وفي حق منعمشوف وخالد بشكه وفي حق أولادي رزين ويزن بس نسوي شنو الله غالب |
اقتباس:
كنا دايرين نوصيك تجيه لينا الكاشف ناصر ده.. لكن شكلو جيه نفسو براهو..:D غايتو جنس جيهة لكن..;) الكلام ده قالو ليكم عم فتحي بس ماصدقتو.. غايتو شيل شيلتك..مع مصطفي سعيد دة..:D:D |
[align=center]حقيقي هي رحلة العُمر بحق وحقيقة[/align]
بأن تُتيح لك أختك الزميله سحر قرينة أخوك عزيز خطاب فرصة إنك تجي أوروبا وتزور عموم بورداب أوروبا الممكن توديك ليهم فيزة الشينقنق .. حقيقي ما أروعهم جميعاً من أهل جاءوك من خلف الكي بورد في زمن إنعدم فيه الصدق بين الناس شكراً لكي أختي الحبيبة سحر وأنتي تُرسلين لي الدعوة لزيارة هولندا .. شكراً عبد العزيز خطاب يا دفعتي علي بهو الجمال .. شكراً لعيالكم الجميلين أبدا رزين الرزين ويزن الزول الطيب شكراً منعمشموف لأنك جعلت من دخولي عبر سودانيات أمرأً ممكناً إذ دخلتُ أنا وتواريت أنت شكراً لطارق أبو عبيده يا (فناني المُفضل) ;) شكراً خالد الحاج فما زلت أخي الذي لم تلده أمي ولا أبي شكراً عثمان حمد وأنت تقطع الفيافي لتواليني لدي العزيز خالد الحاج لتصبح في رفقتنا سوياً للرائعة إيمان .. شكراً لكي أختي الحبيبة إيمان محمد حسين الزوله القوية وسأكونُ أبداً ضعيفاً جداً في مقامك .. وشكراً لبعلك الزول الفنان مدني .. شكراً لعيالكم صغار السن كبار العقول ما شاء الله شكراً أختي الحبيبة مي عبد المنعم ولزوجك الفنان أخي الحبيب شربيني شكراً لك أخي الأكبر الزول الحِنييييييييين رأفت ميلاد تادرس شكراً لأسرتك الجميلة سلمي / منال / أيمن وميلاد الزول الجميل وأمهم فاتن أختي الكبيرة التي أحترم شكراً لك أخي الجيلي وما لسيسيليا بُعدٌ يمنعني من ملاقاتك إذ سنكون بمشيئة الله صباح السبت القادم شكراً لكم بورداب أوروبا الذين قابلتهم واستضافوني في بيوتهم برغم فارق سيستم الحياة ما بين السودان وأوروبا .. وبرغم ظروف عملكم القاهرة .. وشكراً لأهلي أهل بطن بيتي سودانيات الفرح سودانيات المحبَة والتواصل الحميم شكراً لعموم الأقلام التي تداخلت هُنا وكتبت مداداً أنيقاً حلواً نبيلا وحتماً سأعود للكتابة عن هذه الرحلة بشكل أفضل أترككم في رعاية الله وحفظه وعونه وإلي لقاء |
نعم هي رحلة العمر بحق
سأخصص اليوم الحديث عن هذه الأُسر الجميلة التي جعلت أمر وجودي هُنا بين أهلي أهل سودانيات من بورداب أوروبا أمراً ممكناً هي أسرة الأحباب سحر وعبد العزيز خطاب وأبنيهما الجميلين رزين ويزن هذه أسرة نموزجية بحق هي إذن سودانيات المحبة والتواصل وسأعود |
عبد العزيز خطاب طبعاً دفعة دراسة بالمعهد العالي الموسيقي والمسرح هو في الموسيقي وأنا في المسرح
1986 كان دخول عزيز كطالب قدامنا بسنه ونحن جينا سنة 1987 وتخرجنا في سنة واحدة لأنو ناس الموسيقي بيدرسوا 5 سنوات ونحن 4 سنوات عزيز زول فنان بس الدبلوماسية سرقتو من الفن عانينا ما عانينا من آلام وجوع وقرف الإنقاذ سوياً .. أربعة أعوام أكاديمية بحالها ونحن خريجين مع وقف التنفيذ لحظة قفل أبواب المعهد بأمر الإنقاذيين قاتلهم الله وكانت في الوقت داك البت السغنتوته الحلوووووووة الأمورة خطيبة عبد العزيز خطاب سحر بت توتي وخطاب ود توتي وبدأت علاقتنا علاقة الأخوة من الوقت داك .. وطيلة الفترة دي كانوا نعم الأخوة والأهل وتواصلت العلاقة إلي أن أضحت علاقات أُسَر .... سحر وخطاب بالنسبة لي أكتر من أهل حقيقي عزيز وسحر بدأوا حياتهم منذ وقت طويل بتخطيط سليم وما زالوا يعملون وفق ما يخططان وحقيقة لقد تعلمت منهم الكثير ربنا يحفظكم يا شباب وينور دروب حياتكم بنجاح وتفوق أبناءكم رزين ويزن الفنانين |
خالد الحاج ده زول براااااهو
|
خالد الحاج زول سوداني بحق زول يخليك عايش في زمن سوداني في أوروبا زول كرم وجُود وبرغم ما يعانيه خالد الحاج من بعض مطبات الدنيا الزايله
إلا إنو لم يتواني قط في إنو ياخد إجازة علشان نمشي مع العمدة شوقي بدري السويد وبعربيته وبعد ما جينا راجعين من السويد وبعد يومين بس أخد إجازة تانية وبعربيتو برضو وبرفقة سارة خالد الحاج الزولة الجميلة والمسخوت عثمان حمد قرر بإننا لازم نمشي ونزور الزولة الجميلة القوية إيمان محمد حسين في بلجيكا وزوجها الجميل الفنان مدني برغم صعوبة المسألة عندو ... ده خالد الحاج ببساطة زوووووووووووووووول سوداني جميل |
| الساعة الآن 02:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.