فصل الخطاب في عرض رحلة الإنسان الأول
 

محمد قرشي
سلامات،
الفرضية العلمية قالت إنو البشرية المعاصرة بترجع لأب واحد
كيف عرفت إنو الأب دا هو آدم عليه السلام؟

أنا ما عندي قدرة و ما داير أجاوب على أسئلتك الفاتت حاليا

يا ريت يا ريت، هذه بشرى غالية يا ولدي مُبر، ليت البروف النور يشاركنا هذه الموضوعة الهامّة بقلمه ويتم لينا الناقصة كمان بريشته.

-- ---------
النور دا زولنا أنا وموسى، لو "قال" بجي أتوقع أن يجي، بابكر زولو ما جاء، وصدق توقعي:D

غايتو يا محمّد أخوي، حقو تتم امتحاناتك ثم تأتينا
تركتَ اللغة لتركّز على رحلة الإنسان، وهي ما تزال في ملايينها (القدر الكتلة، ياخي وحاة الله يدوني واحد منها بس أوريهم الكلام دا كلو مكتوب وين، وكيف بتقري، وبالتفاصيل الدقيقة).
يا صديقي خريطتك أسعدتني، ليس لأنَّها جديدة، بل هي غير دقيقة ومشوّشة، ولكنها تطمئن البشري، الشكّاك، ما دام هو يسكن في الهنا ويتحدّث منه، وأقصد نفسي بذلك. لو ركّزت فإنني أقول إن خارطة السودان، هي الأسماء ذاتها، وحين تحدثت عن بور، فإني أعني أنَّ خلق البهيمة تم فيها فعلياً لا مجازاً، فهمتني؟
الخريطة السودانية هي الوجود، هي الكينونة، هي الكلمة التي كان بها البدء، وهي الأسماء التي علّمها الله لآدم. وهذا كلام دين رسمي، سأختبره أمامكم وسترون أنَّه صحيح. حتى لو تركت العلوم علمها، أو تركت الفلسفة فلسفتها، أو ترك الإنسان جلده وهرب، فليفعلوا جميعاً، فما هم بمبدلين من كلمة الله شيئاً.
الخريطة التي أنزلتها أنت، تتحدَّث بالتقريب (والكُوار) على المنحيين، المعلوماتي، والتاريخي، لأنَّها معمولة لعينات فحسب. بينما الخريطة السودانية، تتحدَّث بالذي كان فعلاً، وهي تلخيص لخارطة العالم، بالسمتمتر، وفيها علم الأشياء كلّها، وبالدقة المتناهية التي أوجدت الوجود، بمجراته وشموسه، لأنَّها الأسماء. فهي كل شيء، ولو اختفت لاختفى الوجود. لك أن تعتبر هذا ضرب من الجنون، ولك أن تستخدم دماغك وتختبر ما أقول، وتتأمّل فيه بعد أن تنتهي من امتحاناتك، وأنتهي أنا من القدر الذي يسمح لي بإجراء التطبيقات.
هل أحصى أحدكم، أو انتبه في أي يوم من الأيام، لعدد مرات ذكر الأم، والأب، والولد الآدمي، وما انبثقت عنه المسميات... إلخ، وكل شيء، على الخريطة السودانية؟
أرتّب لكم الأمر يا صديقي بالتفصيل وبالتلفزة الملوّنة على ذاكرة الأب لا الأم، التي شكّك في ذاكرتها القرآن وأثبتت العلوم بدائيتها حين تجاوزت نظام Sequential Color Memory إلى نظام Pal وكل ذلك موجود في مدن الأسماء ومرسوم على الخريطة، الصبر، الصبر، فقط الصبر. كي أريكم ما لا ترون، ولا يرى وليداتنا من الخواجات.


لكم هنا قليلاً من الأمثلة، ورجائي إليكم، أن تتأمّلوا في هذا اليوم، خريطة السودان لمدة ثلاث ساعات فقط، ليكن نذراً لهذه الخريطة التي نزعم حبها جميعاً، اعطوها ثلاث ساعات فقط، وانظروا بأنفسكم لكمية الكلمات التي تعتقدون أنها أجنبية، وهي مرسومة على الخريطة. والحرف اللاتيني في كتابة هذه الأسماء خير من يعينكم على التأمُّل، أكثر مما يعرف الآن بالخط العربي.


هيّا، فالموضوع أكثر من نقله إلى هنا كلّه، من شاء فليلقِ نظرة على الخريطة بنفسه-ها.
أنبّه لأنَّ خريطة ود القرشي، كما أشار في مداخلته، تقرأ بفهم، حرف الـY يشير إلى الأب، من خلال الكورموزوم الخاص به، والأم من خلال الـM (هذا ربما بعض الناس لم يفهم ما حكاية الخريطة).

متى تحدّثتُ أنا يا عزيزي محمّد عن "العلماء" بألف ولام، أم بدونها؟
هلا أعنتني باقتباس من حديثي؟ كلامي مضبوط يا صديقي، إنني أقول الأكاديميين بعد أن فرزت لهم عيشتهم عن الأكاديميا الإفلاطونية ومؤسسها إفلاطون.
وبها أعني، من شخّصهم صديقنا أنطوان شيخوف في مذكرات رجل عجوز.
لم أقل العلماء، لأنَّهم أهل بصائر فعلاً، أمَّا المقصودون بالآية (إنما يخشى اللهَ من عباده العلماء) فآخرون، من نوع ود سليمان الذي كتب لعلي المُبارك مديحه، وعلي المُبارك. النوع البمشي القمر كداري، مش بحديدة:D
شوف مفردة (علم) على الخريطة السودانية، فتشها ولن تخسر شيئاً.

------------
الشعر والتصوير، بصيرتان كبريان، أكبر مما هو ميزات بالنسبة للمشتغلين على العلوم، من خلال التراكم، والجمع، لا الاستبصار.
ولو كنتَ تذكر، فكولن ويلسون قدم دفاعات مستميتة من كون غوث وريمان، شاعران وليسا برياضييْن. أمَّا عن نفسي -الآن فقط- عرفت حكايتهم جميعاً.

بابكر ياخي Give me a hand خصوصاً أنت رجل لك خبرة في إخراج أفلام الأكشن، منذ كسبت رهان فيلم المهدي والناقة.
سأعطيك رمزين، هذا هو (اللبان) Frankincense
وهذا (المُر) Myrrh
بس ضعهما في قوقل، وناولنا النتيجة، لنر نحن السودانيين، أنعرف ما تأتي به هذه النتائج أم لا؟ ونشاهد فيلماً مصوراً لمطاردة الرموز، الإخراج بالنص.
ممكن تساعد أخوك؟ وبجي أفتل ليك الحبل، وأجاوز ليك الورق مع التاريخ، والحاجات التانية، البعيدة بعيدة.
على بركة الله:D

بالعكس يا صديقي ود القرشي
الإجابة اللغوية بمعناها غير الديني، البدئي، هي التي تودُّ أن تطرحها أنت، وليس ما تسعى إليه نظريتا تراميز الأبداد وشكلانية الأسس، من أجل رؤية تلاحق بناء الكلام منذ منطلقه البدئي، التكويني.
وهي الإجابة ذاتها التي توفّرها المعاجم العلمية واللغوية على حد السواء، فالتماثل في نهاية الأمر لا يُشرح من ظاهريته العلمية، التي هي في الحقيقة تشخيصية فحسب، بالتالي هي أقل عطاء حتى من إجابة قواميس اللغة البحتة. التي تحمل الميتافيزيقي، الديني، مُتَضَمَّنَاً، ولكن من يمتلك القدرة على رؤيته مع المعارف المساعدة على ذلك؟ هذا هو السؤال!
المشكلة أنَّ الحروف لم تكتمل بين يدي.
ولكن دعني أنبهك لمجرّد إشارات.

إبليس قال (أنا خيرٌ منه).
(أنا: Ana).
يقول تراث الأديان السماوية إنّهم طُردوا جميعاً، بعد أن نبتت لهم أدبار "قنانيط".
لذلك انوجدت Anal بمعنى الدبر، من Ana.
وإليها يُرد التماثل مع المفردة الأولى هنا. وقارنها بما معك من علوم، ستكتشف أنَّ العلوم لم تأتِ بجديد.
آخر الكلمة الأولى، والكلمتان الأخريان كنتُ سأمتّعك فيهما بالجد، ولكن لم تكتمل الأحرف بعد.
ولو أنَّه قد مَرَّ حرف الـH الذي يُشير إلى الرأس، ومردّه إلى الهيلاء الإلهية، التي جاءت منها Holy، ولكن هذا حينما يكون الحرف كابيتل بالنسبة لمدن الأسماء، (فكرة الكبيتل والأسمول، التي لم يقدّم لها أحدٌ تفسيراً خارج الترقيم حتى تاريخ اليوم، ولكن النظريتين ستفكّان سر اللور كيس Lower case، والأبر كيس Upper case، الموجودة في لغات الدنيا كلّها، بدون استثناء، ولكن لم ينتبه إلى شموليتها هذه أحد. كما في العربي مثلاً، هل يعتقد أي عربي أنَّ اللغة العربية فيها لور، وأبر كيس؟) و(و: o)، حرف الوقود، والإم هي الحياة الأولى، حياة الماء، المعروفة على أنها الكتلة (ك) في العلوم m،.. إلخ.
والشكل الرباعي، للمنزل Home، وقصته طاخ طاخ... إلخ
ولذلك قتلُ قابيل لأخيه هابيل قد جاءت منه تسمية جريمة القتل البشرية لا الإنسانية Homicide للأسباب واحد، اتنين، تلاتة... إلخ
يا فردة أمهلني، ولا تعجل علي، منذ متى كان لي أن آتي بالبليلة وأقول عنها الفطيرة:p
دع هذا الاقتباس، لو طال العمر حتى تكتمل الحروف، سآتي وأملأ الفراغات أعلاه بما يسرّك، ويفيد قواميس العلوم بالذي هو أصل.

---
إمبيريولوجي دي برضو خليها (on my treat)، ع الحساب، علي بالحلال ما تقول حاجة. الغريبة فككتها من قبل أن تنزل مداخلتك هذه:D

نسيت الحذية بتاعة البُعــد Dimension
كما أسلفتُ البُعد هو فكرة هذا العالم كلّه

ولاحظ للرد الإلهي على إبليس من خلال لغة الدينكا (يو: You) التي اقتبستها سابقاً

رشيدوه يا حبّي،
في مداخلتي الفاتت برضو نسيت أرجّع ليك باقي البُعد بتاعك صاد (حق المعامل، وما أدراك ما التربانسوما) وأنّ علتها هي أيضاً، أي المعامل، علّة نجمت عن حروف العلّة والوقود، والفراغ الذي ملأته الوثنية، تشارط؟
مـرض Disease
والمرض يُصيب الحياة الصغرى، حياة الماء، والكتلة.
علي باليمين، دا نظام محكم، ما فيهو فرقة تنقط موية وألا زيت، هندسة ما بعدها هندسة.
قال أصوات اتكونت أثناء العمل، ومش عارف إيه من كلام فارغ.

يا محسن خالد ..
ازيك والتحية لعبرك لأخونا القرشي ..
صراحة النقاش بقي فيهو ندّية وشئ من البلانس ..
واكيد الفائدة تعم ..

سلامات يا محسن..
LABORATORY

إنت زعلتَ ولا شنو يا دكتور..؟
أثبت علي حاجة واحدة..
يا ما عندك قدرة..
يا ما داير تجاوب.
لأنو لو اعتمدنا ليك عدم القدرة، يبقي حكاية ما داير دي بتبقي ما ليها لزمة.
فــ فاقد الشيء لا يُعطِي الشيء.
زول يقول ليك ماعندي قروش وماداير أديك..بالله..!!
إنت الأوّل ألقي القدرة، بعد داك بنتفق علي حكاية داير وما داير دي.
كدي سيبك من ده كلو وأمشي كوس لينا اللبان والمُر جيبهم ..
ما ياكا شيّال التقيلة.

محسن خالد سلامات

في حديثك عن التورا وتوريت


التاريخ البشري في جنوب السودان كمنبع للبشرية
قبيلة الفور اسمها الحقيقي هو (التورا ) تعني العملاق ضخام الاجسام طوال القامة وبيتوهم تسمي ( بتورنق تونقا ) يسند اصلهم الي اثنين مرتفعات تونس او جبال النوبة فعند نزوحهم الي المنطقة استوطنوا الجبل عبر مدخل مدينة ( طــــور) كما ان القائد الفرعوني حركوف قام بزيارة دافور وجبل الميدوب
اسماء الجبال (الميدوب , ابو قران , جبل تقابو, جبل فشار ,جبل ام كردوس , جبال الداجو , جبل مون., جبل مرة )
من الاسماء غير العربية قارسيلا قبائل الفور الحديثة تسمي الفور الكيرا وشقلبة حرفها فور اريـــــــكا كما قبيلة الارنقة او الارنكا
كسافرو اشهر ملوك دافور

لسة ما قادرين نزح من هنا

مداخلات سمحة جد يا رشيد وحافظ
إلا يا رشيد صدقني المعمل دا بالطريقة دي كان شوفتني ليها إنت هسع، داير أجيك من محل تاني كنت، يا زول كل المحلات تودي لحتة واحدة. شفت كيف؟
بس تعبيرك دا
{ورمزتَ له بــ "O" إشتقاقاً من مدينة الإسم Bor} ما ظبط معاي.
لأن الرمز وضعه الذي أوجده، أنا شخصته فقط. يعني سواها كدا الله مش أنا.
تذكرك للكاف والجيم، والله يا رشيد شجّعتني بحسن المتابعة. الحتة القلت عنها لور كيس وأبر كيس، خليها في بالك برضو، لامن نصل الحروف دي. بعدين دا مشهاد وجود، مش خدمتي أنا.

المعلومتين ديل يا حافظ في السلك، أهو كدا، الواحد يضيف لمروتك إلهام.
البيت لدى الفور يسمى (تورنق تونقا)، هذه معلومة خطيرة جدا، فتأكد منها رجاء يا حافظ، من صوتها وكيفية كتابتها، وحاول أن تكتبها لي بالحرف اللاتيني برضو.
1- مدينة طور، دي في التمانيات، لكن ما زي الأولى، الأولى قاتلة.
أخوك عدى يوم كامل يلفلف بحثاً عن أسماء البيوت السودانية القديمة، فالعندو خير يكتحنا بيهو، وربنا يثبت الأجر.
معلومتين إنما إيه، يا حافظ، لأنو بهناك الغنّاي بقول
بيتو دانقا مو قطية

لاحظ الفرق بين تونقا ودانقا، البيت على وجه التحديد دلالاته لا يمكن إحصاؤها، أوريك منها عجايب دي.

------------
يا قيقرواي، ياخي مشتاقين، ما عندك لي لعبة كوشتينة فيها رقم تمانية بأي شكل من الأشكال! أي وضعية ياخ، الساهلة بس، المهم يكون فيها فكرة تمانية؟

يامحسن يطيب مساك

تسمية التمانية فى الوست هى أصعب تسمية ..

نرجو أن تعم الفائدة يا زهير
العندو معلومة كلو يجدعها لينا كلو بفيد، ذكرتني واحدة من الأخوات هنا بمثل ممتاز، كان مفتوح بيهو بوست (أهل التور راجين الفور).
محمد دا لو انتهى من امتحاناته دي ح يسهل علي مواضيع كتيرة ممكن تضيع منّي زمن عريض، سيغنيني من تعب الكواسة في أمور ما ليها حد ولا عد.

طيب بالله يا الجيلي باصرها لينا.
مغروض فيها شديد.

يا الجيلي ياخ الكوشتينة دي ندمتني عديل إني ما اتعلمتها، وما كنت قايل كلو كلو بجي يوم أندم عليها.
أهلنا بقولوا ليك (اتعلم الشيء واتُرْكُو)، شفت الحكمة دي كيف؟
قاصدين أي حاجة حتى لو كعبة تعلمها واتركها.

السلام على الأحباب
خالد الحاج
عبد الواحد كمبال
عبد الماجد فرح
سيف محمود

من أمس متذكرهم والله

----
قبل فترة واحدة صديقتي رسلت لي إيميل قالت لي والله أنا مشتاقة جداً للخال خالد، قلت ليها وأنا كمان.
القببببة البلوح قنديلها، شوقي وحساري الليلة

اقتباس:
المشاركة الأصلية كتبت بواسطة محسن خالد http://sudanyat.org/vb/images/buttons/viewpost.gif
يا قيقرواي، ياخي مشتاقين، ما عندك لي لعبة كوشتينة فيها رقم تمانية بأي شكل من الأشكال! أي وضعية ياخ، الساهلة بس، المهم يكون فيها فكرة تمانية؟



بالاكتر و الله ايها المحسن المجود..
وقيل كتير شديد من شدة كترته، بما لا قبل لكم به عديييل.:D

اما بعد
كان بأيٍ من الاشكال .. ياهو كلام الجيلي .. في الوست - كتيرة الشبه بالهارض السالف ذكرها - لكن هنا الاكل مستحب و في ذلك يتنافس المتنافسون. فرق جوهري تاني انو فيها زملاء او ( زملان ) يا عملاتنا نحن العوام ديل، كل اتنين مع بعض، و في اللعبتين العدد الكلي للاعبين هو ( 4 ). الوست يعني فريقين، كل فريق فيهو اتنين.
فكرة الصراع قائمة على انو فريق يعلن التحدي بعدد الايادي ( قبضة او مجموعة 4 كروت واحد من كلٍ ). و طبعاً التحدي و يسمى ( التسمية ) بنبني على الورق، قوتهو ضعفه. لانو ان فشلت في تحقيق العدد الزعمتو بتحسب عليك بالسالب، و للغريم موجب على قدر ما ( سقطك ) بيهو. هنا نتذكر انو العدد الكلي للفردة 52 كرت، بتتقسم على اللاعبين الاربعة 13 لكلٍ. و التوزيعة الواحدة بتاخد ليها 13 شوتة. في كل مرة كل واحد يرمي كرت واحد. تجمع بنهاية ( الشوتة ) و يكسب صاحب اعلى ( بونط ) - نفس الترتيب السابق من 2 -10 ثم تاتي الصور " ولد، بت ، شايب " و الآس ابو كبيرة. هكذا دوليبك لحدي ما يكملن ورقاتم الـ 13ست عليهن، كل تيم يحسب ما كسبت اياديه. يا اما حقق القالو او زاد فيحسب من اهل اليمين ( + ) يا كمان ثكلته امه و دامات الفردة الاربعة، و غتس حجروا بمقدار ما زعم زعماً صاعقاً زاعقاً ساي كدا:D ( ربطة لسان جد قليك ).
التسميات تبدا من الربط دا ذاتو. ( مربوطة اي 7 )، ( تمانية ) .. الى 13 او حسب القوانين المتفق ومتعارف عليه. و في الغالب تحد التسمية بالـ 11

تصريح جيلينا اعلاه بناه على تقنيات و تكتيكات اللعبة، و هو جدلي، قد اتفق معاه و يجينا واحد يطلعنا اللتنين بيض ساي و كيش.
لكن الشاهد انو عشان تسمي تمانية، مفروض بالميت تكون عندك ( جوانب ) كويسة. يعني على الاقل عندك بوهيتن زي السم و مساكات في التالتة و هذا اضعف الايمان.
في حاجة اسمها الآتو ما بتذكرك اسم تاني ( دولي ) كدا؟ .. ايوة الفيتو .. هي بوهية من البوهي الاربع انت دا بتسميها بافتتاح اللعب بيها. بتاخد عظمة الفيتو في كامل الراوند دا حتى ينتهي. هنا الدو ( 2 ) ممكن تاكل بيهو آس اي واحدة من التلاتة بوهي التانيات.
في معلومة ما عارفة انه ممكن تفيدك او لا الي هي ارتباط الـ 8 بالـ 5 في الوست. تمانية بتتلعب بـ5 كروت - لاحقاً بتكتسب تسمية آتو - من البوهية. المربوطة باربعة و التسعة بستة .. اللخ.


-------

ان شاء الله تكون من نص الطربقة دي لقطت ليك ان شاء الله حرف ساي مفيد ..
عليك الله ما تكسفني ياخ .. قول آي.
اهو كدا الواحد يقدر ينوم كما عمر الفاروق .. انو ادى رسالتو الكونية تجاه البشرية دي:p

يا قيقا المداخلة كلها طلعت حربية معاي، لكن السطر دا، مبالغة، إنت كان داير تضيعنا فيه. يا مان أية معلومة مفيدة، ما تتردد ولا تشاور.
لو ملاحظ الطاب أساسه رباعي زي الكوشتينة، التسعة بستة، ياها ذاتها بنقول (تلاتة والفي الستة) وبنتحرك ست خانات. أما التمانية مع الخمسة، فعشان تآمن، دي ياها الأنا وراها، يلا وقعها لي كويس، وما تنس أي حاجة. ووريني الخمسة ديل شنو، أو الأحسن ليهم شنو، والأكعب، ووراء ياتو هدف!
واشرح لي حكاية (ربط) دي، كتيرمونولجي، كمصطلح، المقصود منها شنو. وهل في أي جمل محفوظة بتتقال مع اللعب، زي أكرت عاول مع الطاب... إلخ
الفيتو Veto- والفيفا Viva ديل بجيك ليهن راجع لأنهن الحبل البودي الكلام دا كلو ويدرعو في رقبة علامة التعجب (إبليس)، شفت الهوايل كيف؟
أصلا الفيفا معناها الهتاف، ولو متذكرين مع الطاب قلت إنو دالة (بدد) أساسي من أبداد الطاب وأية لعبة. والفيتو حق النقض، وهو "اللا.. حق" الذي استخدمه إبليس في أن ينقض أمر السجود لآدم.
(لا.. لن أسجد لآدم).
دا أصل فيتو جات من هنا، ولاحظ لترابط النظام. لأنَّ إبليس ليس من حقه أن ينقض الأمر، فلو وصلت ما فصلته أعلاه بين التركيبتين ستعطينا مفردة (اللاحق) أي البعد اللاحق، والتالي، على البعد العلوي الذي كانوا فيه، طُردوا، فظهر الماضي من خلال الجنة العليا، وكل ما هو لاحق دنيا و"مُر"، ويحتاج فيه كل ما يدب على الهنا، تأمين الوقود لأجل نفسه.
(التالي) تبدأ أيضاً بتاء حواء والماضي.
ولاحظ لباست Past وبريفيس previous يبدأان أيضاً بحرف (واحد) سيأتي شرحه.
وباست تنتهي بتاء التأنيث، وبريفيس بـ(إس) إبليس، اتعوذ يا الرشيد أخوي، من الشيطان الرجيم.
يضحك نهاركم

-------
الصاح الكوشتينة، زي ما بنقولها بالسوداني، بتذكّر في الطفولة لعبة (كور كرع) بس ياها دي الكنتة هنا.
وبهناك قلت إنو الكور، هي مجموعة النخل المتلاحمة ولها جذر واحد.

اقتباس:
المشاركة الأصلية كتبت بواسطة محسن خالد http://sudanyat.org/vb/images/buttons/viewpost.gif
يا قيقا المداخلة كلها طلعت حربية معاي، لكن السطر دا، مبالغة، إنت كان داير تضيعنا فيه. يا مان أية معلومة مفيدة، ما تتردد ولا تشاور.
لو ملاحظ الطاب أساسه رباعي زي الكوشتينة، التسعة بستة، ياها ذاتها بنقول (تلاتة والفي الستة) وبنتحرك ست خانات. أما التمانية مع الخمسة، فعشان تآمن، دي ياها الأنا وراها، يلا وقعها لي كويس، وما تنس أي حاجة. ووريني الخمسة ديل شنو، أو الأحسن ليهم شنو، والأكعب، ووراء ياتو هدف!
واشرح لي حكاية (ربط) دي، كتيرمونولجي، كمصطلح، المقصود منها شنو. وهل في أي جمل محفوظة بتتقال مع اللعب، زي أكرت عاول مع الطاب... إلخ



كدي في اللول : كل سنة و انت طيب يا جميلhttp://www.sudaneseonline.com/db/attention/110_Idea.gif
يضحك نهارك و نهار بدور ... بالجد زولة جميلة ياخ!

نبدأ بالمربوطة- ما عارف اساس للتسمية - هي اصغر تسمية ممكنة و معناها انك بتزعم انك في التوزيعة دي ح تحصل على 7 ايادي كحد ادنى ( تزيد و لا تنقص ) او ح تخسر 7 نقاط من اسكورك ( فقط 7 ).
لانها الاصغر لازم تكون واثق من ورقك يعني كل البوهيات الاربعة يكون بتاكل فيها. و هي - التسمية - خطيرة جداً ح افصل خطورتها لاحقاً لكن خليني ابدا بشرح الميكنيزم البمش بهو اللعب.
طبعاً قلنا اللعب بالزملان، في حاجة اسمها ( القبول ) و بتعني ( الحكم ) الفي ييدو القلم، و هو الزول البقرر انو صاحب التسمية يلعب ام يلعبا هو همسلف. يعني المسمي يراهن و دا يا يقبل رهانو - و بكون دا في حد ذاتو رهان جديد و وعيد بإسقاط النظام :D- يا كمان يلعب هو و يبقى صاحب الرهان الاوحد. الامتياز بتاع القبول دا دائري - مجراه اليسار حيث القلب - كل مرة بجي لي زول و هكذا دولايك لمن ينتهي القيم .. الفورة + 25 .
المربوطة خطورتها انو زميلك بعتمد عليها، و بقرأ ورقو على ضوئها. الكيش زي ناس الجيلي ديل:p ممكن عادي لو عندو 4 ورقات من بوهية يقوم يسمي ليك مربوطة ساي كدا! يسيكك بيها .. ودي الهزيمة الماحقة في الوست .. اي ان خصمك ياكل الـ13 يد ست عليهن و انت تمرق ميطي بقد القفة. زي الصايمة بالضبط.
نجي للتمانية .. التمانية لا تقل خطورة عن المربوطة ، و هي بداية التسميات الحقيقية، دا شغل احصاء و لو في زول متخصص هنا ممكن يكون افيد مني في شرح الحتة دي. اتذكر انو 4 بوهيات في كل واحدة 13 كرت توزيعا على اربعة لاعبين بكون احتمالاتو كيف! التوزيع ( الحظ ) هو اساس النجاح / الفشل هنا.
الاساس البتعتمد عليو في التسمية هو انو يكون عندك 5 ورقات من بوهية واحدة، تكون قوية بمعنى انو يكونن الـ 5 الكبار او على الاقل بغياب واحدة اتنين، الكروت الخمسة المليت عليهن خشمك في التسمية لاحقاً ان لعبوك بتبدأ بيها اللعب و بتكون ( الاتو ). يعني هي الاساس البخولك التسمية ( تمانية ).
القانون بسمح ليك بضمان 5 ايادي* -بديك القلم في ي يدك - بحكاية اختيارك انت للاتو.. و بتخضع لحساباتك الخاصة بعد دا. و بكون عليك - و/او زميلك - انكم توفروا تلاتة ايادي تاني بالمجابدة من جاي لجاي.


----

اليد هي مجموعة الاربعة كروت للشوتة الواحدة .. ببدا صاحب الاتو - في الجولة الاولى اجباري يتلعب الاتو. ما بتسمى بالخشم زي ما في تسمية الجوكر في الـ14 - و كل زول برمي من نفس البوهية كرت - اعلى/ ادنى ،حسب تقديراتوو تكتيكات اللعب مع الزميل - الاعلى يكسب .. تتجمع الاربعة كروت مع بعض دي يد.

يا قيقا، ما دام فيها إحصاء، فضروري أن أعرف هذه اللعبة بخشم الدرب. أخوك درس احتمالات وماتريكس ومُحَدّدات لما شبع. المهم، ما رأيك في اللوحة هذه، فيها خمس أيادٍ لثلاث أشخاص من كل جهة، حاول أن تقارنها بالكوشتينة، وشوف أي خلاصة تخطر ببالك، اكتبها.

هذا هو القائد أريكا كما أسلفت، واللغة المروية قد أعيت الناس لأنَّ منطقها (أصلي قديم)، بالتالي هو أقرب للرياضيات منه للغة بمفهومها الشائع هذا.
قلتُ سأقدم قراءة متكاملة للوحة، حالياً، أحب أن أُعطي مُجَرَّد إشارات لكون هذه اللوحة تقاتل (المفاهيم الذكورية) القاشرين بيها الناس اليوم، ويدعون بأنهم جنادرة وما أدراك.
لو انتبهنا فالرأس الممسوك به، ينبع منه رمح، ومن دماغ جميع الأوجه المحيطة به، أي أًصحاب تلك العقلية الذكورية، أتذكرون كيف تتبعت الرمح بالرسم، ووضحت علاقته بالذكورة، وبشراع المركب؟
زينة أريكا تدل على أنَّه Gay الحكامة من ورائه تحمل الريشة المحنية، ليست مستقيمة، التي يُوجد مدلولها في حافظة المفهوم (أب زباً ليِّن).
طيّب، الرجال الآخرون، ما هو الموقف تجاههم؟
الآخرون إمّا أن يركعوا له، كما هم في يسار الصورة، وإمّا أن تأكلهم ضواريه مثل تلك الجثة المرمية تحت رجليه، وينهشها أحد السَّبَاع الضارية.
أمَّا الإشارة الكبرى، التي قرأها الخواجات على أنَّها مسامير، فلا، إنَّما هي متحدّرة عن (الصليب الأم)، أعني الأشكال المرسومة على الحائط وتشبه الفَرَاش الصغير. ومنهم من قرأها ذباب، لا، هي صلايب. وهي رمز الكنائس الغابرة كلها والبيع والصلوات.
وأوَّل ما تفتح كتاب كنزا ربّا، المُسند إلى آدم، تجد الصليب المُلقاة عليه الملفحة مرسوماً في المدخل. (ملفحة يعني شنو؟ خمار يعني شنو؟)، ما علاقة الملفحة بالصليب، الملفحة التوب، ومنها غافر الذنب وقابل التوب، إذ بدت لهما سوءاتهما بعد الفاكهة المحرمة. إذن الصليب والتطهير، كان أصله لآدم، والمسيح فيرشن متأخر، لذات الصليب، الذي منبعه واحد. حتى التعميد بحذافيره يُوجد في المندائية.
بعض القبائل السودانية، مثل باري، تتطهر بخلع الأسنان من جهة الشفة السفلى، بما يرد الذنب لحواء، فهي قبائل أبوية. (رأينا الشفة العليا، واختلاف تقويستها المعكوسة عن السفلى، التي ارتبطت بتقويسة الجعبات).
بعض القبائل السودانية الأخرى، تتطهر بخلع الأسنان من جهة الشفة العليا، بما يرد الخطيئة لآدم، فهي قبائل أموية. وهي التي تمثلها دولة الأسد الوثنية، صاحبة الإرث الأمومي. الأريكيون هم (لغوثة) من هذا التراث كلّه.
فالصليب في هذه اللوحة، نحن لن نعرف إلى أي حقبة يعود، إن لم نقم بملاحقة الرموز التي تخصه وحده، وهي متوفّرة.
والقرآن يحكي عن أنبياء كثر لم تُروَ أقاصيصهم على النبي محمد (عليه السلام)، أولئك الأنبياء هم من ورثوا الكنيسة الأولى الآدمية، التي موقعها محفوظ في مدينة كنيسة شمال السودان إلى تاريخ اليوم على الخريطة.
هذه فلندعها الآن، موضوعة طويلة، كلامي هنا مجرّد إشارات من بناء اللوحة.
إذن الأريكيون يتسترون، ويشرعنون سلوكهم تحت غطاء موقف كنسي (هذا أكيد). كان سابقاً لهم، وقد جاء لإخراج المرأة من الوأد والإذلال الذي تعَرَّضَت له لأنَّ الجميع يحملها وزر الطرد من الجنة.
ولكن يا قيقا ركّز على كل ما له علاقة بموضوع يد هذه، والرقم ثمانية وخمسة.

يا مُبر
مشتاقين يا ولدي
إنت يا شاب قاعد تقرأ معانا هنا بكرعيك وألا رأسك:D
الشلوخ ودق الشلوفة وخلع الأسنان والرشوم والبُطان... إلخ
كلها طقوس ترتبط بالأديان التي عقبت حواء وآدم والخطيئة الأولى. ما شفت حرف الهتش، ودلالته، وهي غلبة الهيلاء على الروح، لأنَّ الروح للبهيمة أيضاً، أما الهيلاء فللإنسان وحده؟
الكلام البتنقل فيه دا ذاته، بتاع مروي، ما بتقدر تربطه مع الرموز الشايفها هنا دا، كي يثبت لك تماماً صحة أقوالي أمامكم وأمام الله.
هسّع في الأبتيات الأنا نزلتها دي، تعال وريني شلخ سوداني واحد غير متضمّن؟ نجامة= تي؟ هتش؟ سلّم؟ مطارق؟... إلخ
إنت والمعاك، تعالوا لينا بهنا، نكتب ليكم تاريخكم الجد جد، اللهو تاريخ الإنسانية، وَدِّعوا الهرطقات القديمة كلها، فإنَّ الرمز مرتحل للوراء، محدداً لها، لاحدي بدئها.
يضحك نهارك

ها زول حرّم دي شغلة "كَشِف" ساي مِنك..ياقول أهل اليقين..
عارف، وأنا بناضم في ناس محمّد وتماضر وقيقراوي بهناك، جاء في بالي أقول ليك عوك، أو أقول ليهم عوك وأجيبهم هنا ..
موضوع الشلوخ والفَصِد ودق الشلوفة وحتى الكي، موجود في كل المكاتيب القديمة بمعالجات هشّه ومختصرة..الجميع متفق على إنها طقوس كوشية سابقة للإسلام وحتى المسيحية، ولكنهم حتى الأن لم يقدموا تبريرات نجيضة ومتكاملة لها..

المُهم يا سيدي نحن الأن في رجا نضميك ..

أولادي مُبر وحذيفة
مداخلات حلوة، عجبتني الصور يا مُبر.

يا حذيفة لامن أجيك ياخي ادخل واعمل الداير تعملو، ما زمان في الجامعة بتدخل الأركان الوشك وشك وبتعمل الدايرو، أهرمت مثل مُبر أم ما تزال أسداً مثلي؟ كه. كه. كه

دعاني أوريكما قص الأتر (للرمز) يا حذيفة ومُبر، لأنو الفكرة مدن الأسماء هذه كبيرة، ولن تتضح إلا بعد خلاص، على الأقل، مدن الأسماء توريت ومولي وجوبا.
الآلية البسك بيها الحاجات هي الرموز دي ذاتها، المافي زول شغال بيها الشغلة.
مش غالطت الناس القروا الرمز الفوق دا، وقالوا إنو مسامير وذباب، طيب غالطتهم كيف؟ شوفوا بعيونكم



(النقطة الأهم من ذلك كلّه، أنَّ الرمز المروي والهندي هما الاثنان فقط، هنا تحديداً، اللذان تتجه معقوفتهما ناحية اليمين). المُفاد من ذلك أنَّ الرمز المعني، هو الذي يعود إلى كنائس آدم فعلاً، ذات اليمين، وليس المسيح القريب، ذات اليسار.



شفت يا مُبر، كيف ورق كوشتينتي كان منتظر صورتك دي بالتحديد، عشان أشطِّب رحلة الرمز، ونمسكه من أذنه على أرض المنبت. أمتلك دروباً أخرى له، ولكن رفع الصور على الفيس بوك زهجني.
كي نكتشف أنَّ الرمز لا يموت فعلاً، وأنَّه مروي.
أما ما هو هذا الرمز؟ فهو كما تقدّم، من أنَّه رمز الكنائس الآدمية الأولى، المُسندة إلى آدم، والتي كانت في موطن آدمها وظهوره، وهو السودان.
شكراً على الصورة، لو غلبتك بعد دا خليها، أو امش تم ونستك عن الشلوخ:D
الوشم العلي بطن الزول دا تفاسيره راقدة.
بالنسبة لصورة الشلوخ، عندي ليك واحدات أوضح وأقوى وأقدم من حقتك دي، لكن أباك قد كثرت عليه المخابئ، وكثر عليه زهج رفع الصور.

يا ناس هووي "الله في"، والما داير يقتنع بطريقتو.

قبل كم يوم اجتهدت، من خلال ما أمتلكه من ترسانة كتب وقلت لا بُدَّ من أن أعثر على شيء قديم يقوي ما قلته حول علامة السؤال (وغصن الجنّة)، مثلما قويتُ قولي وسندته بالرمز المروي بخصوص علامة التعجّب.
فتأملوا في هذه الرواية، ولا يهمنا، إن كانت صحيحة أو ضعيفة، ما يهمنا أنَّ الفكرة قديمة بالأساس، لأنَّها متعلّقة برمز، كانت موجودة رمزاً، ولن تموت. نأخذها هنا كما نأخذ المثل السري واللعبة والحجوة... إلخ

يا قيقا، من الصورة التي أنزلها مُبر أعلاه، لاحظ لكون عدد الخرزات الذهبية من السلسلة التي يرتديها (تهارقا؟)، هو ثمانٍ (8).
وهي كود رمزي، ستجده مكرراً مئات بل آلاف المرات، حسب الديانة والعصر الذي سادت فيه.
وأخوك شغال عليه نقباً، شوف لينا التمانية دي من جميع الجهات في الكوشتينة الله يرضى عليك.
لو تلاحظون فإنَّ معبد الأسد، ذاته، البناء له هو خماسي، والأعمدة خماسية، والرقم خمسة هو الغالب (يوم مقتل هابيل، الخميس).


وكي لا تتفاجؤوا مستقبلاً، ضعوا هذه الآيات في بالكم
{خلقكم من نفس واحدة، ثم جعل منها زوجها وأنزل لكم من الأنعام ثمانية أزواج} الزمر.
لماذا أُستخدم الفعل "أنزل"؟ من أين أنزل؟
أهي تُبادد أنزلنا الحديد مثلاً؟
{ثمانية أزواجٍ، من الضأن اثنين ومن المعز اثنين، قل آلذكرين حرّم أم الأنثيين، أم ما اشتملت عليه أرحامُ الأنثيين، نبئوني بعلمٍ إن كنتم صادقين}، الأنعام.

اعتقدالغصن اللي نزل به ادم وحواء من الجنة
هو غصن الزيتون
او السنبلة
والله اعلم

الرابط:

http://www.alsudanalaan.com/2694

تحياتي يا أزهري
ياخي كتّر خيرك والله الوريتنا الكتابة العجيبة دي، لولاك لما جبت خبر.
عاينت سريع ووجدت أنَّ جريدة (((الرأي العام))) قد نشرته بتاريخ 15 أبريل 2011م.
المعلومات الفيه كلها على بعضها حكاية، يُراد لها أن تشي بأن الأفارقة -تحديداً الجنوبيين السودانيين- ليسوا ((بشراً)). وكذلك يراد بها نفي ما قلتُه في هذا البوست من كون خلق الإنسان كان في توريت. أي دفع الموضوع ناحية كوستي، التي رأيتم ورودها هنا على لساني بالعشرات. لكن (((أنا))) قلت خلق الإنسان كان في توريت ولم أبلغ آدم بعد، همفري دا منو الشغّال معاي سَبَق سَبَق ناحية الشمال دا؟
سآتي للتعقيب على هذا (المقال!؟). لولا خوف أن أشقَّ على بابكر، لأضفته له على موضوعة اللبان، كي يتحرى فيه، ويرينا حكايته.
من هو الكاتب؟ ومن هو المترجم؟ ومن هو جون همفري!؟ ومن هو المدعو ويلز؟ أهو بلاد (ويلز) مثلاً كي نعرفه من أوّل وهلة اسم له؟
الرشيد، أأنت لها؟ ساعدوني شوية، في تثبيت صيوان عرس الساعدو في عرس... إلخ

يا حذيفة، بخصوص قيقراوي
يمين بقيناهو هنا في سودانيات مثقّف زي الترتيب وأضفنا لرصيد تمريناته المفيدة والمُبدعة، شوفو في بوست الاحتفاء بالجسد متجدّع كيف؟
مش أحسن ليه من سودانيز بالله؟
هناك ياخي البوستات محفوظة، بجي فلان أو فلانة، إنت عارف سلفاً، في النقطة دي تحديداً، إنو هو ح يقول كدا، والح يرد عليه هو فلان أو فلانة الفلانية تحديداً، وبيرد بكدا. ياخي تشوف سودانيز يوم واحد بس، بالله تحفظ البورد صَمْ وللأبد. والمداخلات تحفظها صَمْ، وقدرات أصحابها صم، والحاجة دي ما بتتغير مش لو مَرَّت دورة، أو دورات، اللهم إلا القليل النادر ممن رحم ربك، وديل أنا زمان كنت بقصدن بالاسم أقراهم وأتخارج.
يمين أسمّع ليك البورد داك كلو، من طق طق للسلام عليكم، وإنت براك جُرْ الشريط في رأسك وتذكر الشخوص، والاهتمامات والقدرات وشوية الثقافة أو عدمها، وانظر بنفسك لأي مدى أنت تحفظها، وتحفظ لغتها، وطريقتها، وأفكارها، وكميتها، وكيف تضحك، وكيف تزعل، وأي مدى تبلغ في الفرح، في الغضب، التعبير، وعن أي مدى تنقص في كذا وكذا... إلخ
والله أسمّعو ليك صَمْ كما أسلفت. هسع أنا لي زمن طويل ما شفتو، لكن ممكن أوريك الصفحة الأولى فيها شنو، ومنو تداخل مع منو، ومنو شاكل منو، ومنو هظر مع منو، ومنو ما بدور منو... إلخ من النشيد الوجودي العجيب. يعني كل ما تقرأ تشعر بالغيظ من نفسك، وبالهلع على زمنك وعمرك، وانمحاقه وضياعه في اللاشيء.
والأسوأ من دا كلو، البطولة ليست للحوار، ولا للفكر، ولا للأدب، ولا للفن، ولا للعلم، ولا للثورة، ولا لأي قيمة فكرية أو إنسانية تخطر ببالك.
لا، أبداً، البطولة لهذه الشخوص ذاتها، عليك أن تأتي أنت هذا المسكين، والفقير للزمن قبل كل شيء، كي تتابع أبطالك الرسميين، الإسفريين، وتقرأ عنهم أنت الفــان Fan وكمان "فانٍ" دا، شفت المحنة دي كيف؟*
قيقراوي كان قعد معانا هنا، بنعدل ليه مشهادو، ونعلّموا الإبداع، والتجديد والتجدد، الركض من الركود، وأنَّ البطولة للفكر، ولما له قيمة:p




----
بهنا برضو، عندنا جماعة محفوظات، دايرين ليهم نهرة تشتتهم من التِّرَاك. وكمان في تكلّف مبالغة. يا جماعة ما تختوا الكورة واطــة.
* عن نفسي، بطلي هو أي زول شايل (القفة)، ما بلعب فيه تب:D

عن نفسي
فإني باذلها بما حوت
ولك أن تبدل فيها خاناتها
وتنهرها كيف تشاء



بهذا
لا أقول جديداً
وأنت خير من يعلم ذلك
لكني أجدد

هذا
إن كان بنا مجرد بصيص أمل




وأنتظر


مع أكيد محبتي واحترامي

والله أريتهم كان الناس زيك يا بلّه، أنت إنسان مفيد ومبدع وممن أسعد بمرافقتهم ومزاملتهم في هذا المكان.
وإنت صوفي لربك دا، وهذه لا يحوزها ممن هم في نظري إلا قليل.
فالأدواء قد فتكت بالأنفس.
ولو شفت فيك محل نهر، ما بقيلك، لأنَّك إنسان فيه رجاء. ولو عنّ لك محل نهر بصددي، فما تقصّر تب، لأنني أرغب لنفسي أن يكون فيها رجاء، وأن تُصوّب متى ما زالفت جادة الفكر والخير.
دم طيباً ومبدعاً، يا عزيزي.

قلادة وربي
أورثها لمن آمل في ما تبقى من عمري
أن أورثهم ما يعينهم على مجابهة الحياة
وشيئاً مما يجيش بقلبي تجاه الكون
وما يحوي

وإنت ما تقصر وأنا ما بقصر
بس عاد النصيحة أجيك بي وين
دربك قاسي وبعيد علي

أكيد ودائم محبتي واحترامي

سلامات يا محسن..
جاييك في طلبك..
بس خليني ألقي شويّة من الزمن.
وإنّ غداً لناظره قريب.

لووووووووول
ما شفتو شئ لسة التجدع الامو بت اعم ابوه جاي وراء.:D
كلامك عن سودانيز فيو و فيو
يا حذيفة و الله اشكر حسن ظنك
و تراني من يوما حاكي راسي و بقرا في البتاعتين ديلاك ..
و اها غايتو يا غرِق يا جيت حازما .. لكن ما بجيكم ساي.


لووووووووووول
باقي ليك فينا امل تاني؟
لقد هرمنا .. هرمنا
:D


-- ------

بمناسبة الركض دي المثل السري بتاع التشتح داك ما افتيتنا فيو .. الجمع جا من وين؟
و " جعز " الـ 110/220 دي جات من وين؟:D

ولك يا مُبر ولدي، هذه القطعة عن (البُطان) لدى الفلاتة، عن د. حسن موسى عن فريدريك باري؟ أم باريس؟
لو هذه (الإس Paris) تقرأ تبقى حكاية، ولو كانت لا تُقرأ تبقى حكاية باريا عديل. ولو خطأ مطبعي نتعوّض نظام Pal الأبوي، وذاكرة الذكورة.

التظهيرات الملوّنة على النص، من عمايلي.

http://sudan-forall.org/forum/viewto...bb098b56b0c6b3

طيّب يا دكتور، أولاً أشكر لك تعريفي، شخصياً، بهذا البطان عند الفلاتة. ولكن هذا البطان-البطن، جاء من البطن التي أكلت الفاكهة المحرمة، والموضوع كلّه يعود إلى قصة البدء حواء وآدم، رأيك شنو؟
ولي عودة إن شاء الله، لغابة الرموز التي تمتلئ بها هذه القطعة القصيرة بدرجة مذهلة وممتعة. شكراً يا دكتور على هذه القطعة الدرّة.

---------
ربط رموز (سورو) بـرموز (لعبة السورو) لدى أطفال الجعليين فقط، يُريك الأمور في أشدِّ الوضوح.
داروقال، لك أن تقارنها بـداري، منداري السودانية، مندارين الصينية... إلخ
جاقامي، هذه يا الرشيد، خليها على حساب حرف (الجي والـJ)، وافترض، مفردة (ألمي، بمعنى الألم، وألمي بمعنى الموية في دارجة السودان) والجقم، من جقم الماء أو اللبن جقماً. وجقمت تلك النبتة الألم جقماً. ومفردة الجق، الذي يحمل فيه الماء، في لغات الدينكا وعموم دارجة السودان، وفي اللاتينيات القديمة، ومفردة jag في اللغة الإنجليزية تعني يطعن، يشق، نتوء حاد.. إلخ