اقتباس:
طيبان سلامات .. بالنسبة للقصيدة كاملة اظن انها عند الاستاذ الشاعر ازهري محمد علي وسأبذل جهدي لعرضها هنا بآخر تعديل اجراه حميد فيها . القصيدة لم تنشر في اي ديوان رسمي .. - دي انا قاطع شكّها تب - .. نمشي لاقدّام كمان عشان الراجينا كتير .. هي ست البيت مالا سادّي دي بي طينا ودي بي عجينا ؟؟!! . |
(بعد الحاصل والإتحصل ست الدار بت أحمد تكتب) : زيني الزين .. أب حالاً زين جاني جوابك .. يا المبروك وسابني أشوف الدنيا كويس وأعرف غلط الصاح مظبوط سابني أميّز .. وأقدر أفرّز .. أرجع أميّز فرحانابك يا أحزان فرح النار بي لوح الزان ومبسوطابك يا المبسوط ما هزّاني مصيرك قدر ما هزوني الميتين عامل ميتين عامل في فد مرة ميتين اسرة تروّح وين في الأيام النجسة المـُرّه ميتين عامل؟؟ والله مهازل والله عمايل يا أوغاد .. وينا نقابة السجم الشوم وين عُمّال السكة رماد وين الطلبة ووين الوين بعتو شفيعكم يا عمال بعتو وجيعكم للراسمال وشن راجين يا تُعسا الحال هاكم دي .. والله مهازل ميتين عامل ؟ والله عمايل عامل ساكن في آخر الدنيا وصل المصنع بآخر بُنية ينتج كيف؟ شغال بي فـُونيا؟ عامل ينتج عشرين حتة تلحقو منها قيمة إتنين !! ستة بغطوا المنصرفات ؟ سبعة.. تمانية .. تسعة بغطوا ؟ أدّها تسعة المنصرفات كل الفايض ..بدخل وين؟ قولوا البفضل بمشي لي مين؟ وبرضو خساير؟ والله مهازل يا مضغوط .. خفّض ميزك حبّة تين تنك القعدة تلاتة خطوط خفض مرتك توب مضغوط من التمسحبو كبابي الصين خفض عمرك يا ابن الفانية وبي نظارتك واجه ثانية ثانية عيون الشغالين ثانية وبس والله مهازل |
ست الدار
|
ست الدار
|
ست الدار
|
الجزء الأخير من جوابات ست الدار الجواب الأول
بسمك اللهم
ست الدار الجواب الأول الجزء الأخير 2/2 http://sudanyat.org/vb/uploaded/2703_1347790002.jpg |
بسمك اللهم
معليش ارجع الناس لا ورا شوية عشان نعدل الخطوة ونصل محل اخونا أسامات وإلا يجيبوا الغنّايين شان الشوق بت سرّنا ترقص الشبّال والدارة تهج دا جواب لي المحل الدار فيهو النقاش والإنقسام |
اقتباس:
يا من سحرك يا نقارة خدم الباشا ملوك الدارة أعتقد الحتّة دي بتدعم المعنى التاني للشوق بت سرّنا ... |
اقتباس:
قرايتى ليها لو الباشا استبدلت بالعمدة (الباشا ما بتركب هنى و المعروف فى المنطقه العمد) تكون خدم العمدة ملوك الدارة والاشارة هنا للشوق واحدة من خدم العمدة وكلمة خدم ترمز الى العمل المنزلى الروتينى من طبخ و نظافة تمرقنا من السرارة اللت ... المكجناها و من المعروف انو خدم البيت بكونن من الاهل القريبين فى منظقة الشايقيه و الله اعلم |
اقتباس:
حلات شرارة : شرارة تعنى القراصة الرهيفه و غالبا ما تكون بى دمعة اللت لحمه ظابطه تعنى انو الجماعة ديل استحلو البيرة بعد ما شيعو بى الشرارات السونهن اما دى قريتا كدى اجتهاد ساااى فتح خمارة بت فرحين الواو زائدى من خطا كتابه ارجح كده المعنى جانى بعد شرح طيبات للتمر العاول البعملو منو الشربوت و شوق بعدها شدت عشان كده جات الواو وقفت تانى فى المحجوب اومالو - الاماءة هى لغة الجسد اعتقد انها المقصود هنا استخدمها عشان عمو يشوفو (و لغة دى اهبى يجدوها كتيييييييييير) و يعدها قام اشر للكاميرا وفى شان ده قت حميد ناقل امين لمشاهد و تصاوير بيئتو والعلاقات بين اهله تخريمتى دى لى حافظ حسين :D:D و ما تنشدنى ليه :L بس ات اكتب |
يا اخونا
بعد ما قريت ست الدار اللت صحيفة الشاهد بى اخطائها دى وباذات فى التنوين ومرات بضيع المعنى كلو لكن الفايدى فى التعديلات الدخلت على النص (جديدة على نغم) ما تخلونا نتوهدب ونمش فى دربنا البدينا لى توثيق حميدنا اها البلم فى اسامة حمزة ان شاء الله يكريهو و يجيب لنا النص لامن كمان اسامة يجيب النص الكامل من استاذنا ازهرى باقى ست الدار دى شيتن قوى و عظيم خالص |
اقتباس:
أخطاء الوزن التي تحدثنا عنها ,نتجت عن خطأ في النقل كما أورد ناقلها معز ..وهي بالترتيب : 1- زي الخيل وكت النقارة تفرق عن زي الخيل وكت نقارة ..ومشكور معز وضّح النقطة دي ، الألف واللام دي خلقت خلل في الوزن الشعري امتدّ للمعنى ..كدة بقت الصورة الشعرية أوضح ..ينشافوا فتارى لكن عند دق النقارة بكونوا نشاط زي الخيل .. 2- حليلو دي واضح انو وراها في كلمة غير واضحة ..ممكن تكون (خسارة ) ، غياب الكلمة دي أخلّ بالوزن . 3- من حظ داشر وبت فرحين .. كدة بت فرجين تقعد فوق في أمانة ربّها ..بدون ما تكسر الوزن الشعري ..الكلام كدة اختلف .. __ هذا ما كان من أمر الوزن يا بابكر .. |
اقتباس:
عرفت أمس أن حميد قرأها بتعديلها الأخير ,ولمرّة واحدة بنادي بلالة في نوري قبل وفاته بفترة بسيطة ، الفكرة انّو حتى النص الأخير ،لا يلغي النصوص السابقة فقط سيتجنّب الأخطاء المتواترة في النقل ، لكن من حيث أن القصيدة اتبدّلت فاتبدلت كتير ، وحمّيد هو من فعل ذلك أوّلا ..ودا مفهوم لأنو هو قال كدة ،قال ما يعني انّو النص الشعري عندو متغيّر وغير ثابت والشواهد كثيرة .. نمشي خطوة لي قدّام وان لمّيت في النص ألحقنا بيهو .. __ تحياتي . |
اقتباس:
فاطني مخمخمي علب البيرة ..قالت بيها حلاة شرّارة .. المعنى الأصح في رأيي انو فاطني لملمت علب البيرة ، بنيّة انّو تقطّعا وتعمل منها (قرقريبة ) لعمل الشرّار ، وياحلاة الشرّار بي قرقريبة مصنوعة من علب البيرة :)هذا لسان حالها ..يعني الشرّارة لا أسّع ما اتعاست ، ولا الجماعة أكلو منها .:) (القرقريبة تصنع من علب الصلصة عادة ، وهذا هو النوع السائد لعواسة الفطير والشرّار ، الكسرة بتتعاس بقرقريبة من الخشب أو السعف ) .. تحياتي . |
اقتباس:
سلامات يا طيبان ونغم اتفق مع طيبان في موضوع (فاطني مخمخمي علب البيرة) :) وفي الحقيقة المعنى نفسو استعملو محمد بادي في قصيدتو اللت (سياحة في حي العمارات) ... ماعون الوسكي الاحمر وعلب البيرة السايدر حتي قزازة البلدي النازف من شريان المشرق مصو الخبث فيهم سم يعشرق ونحن ادونا الفاضي هدية يقعد في شمس اللة ثلاثة ايام بتطهر منو السيئة وتمشي ام احمد تغسل بطنو وضهرو وما لازماها وصية وتسلخ منو الدمغة الوصفت عينتو والكمية بعضاً ينفع دلو نشال في البير ام تسعة رجال تقدلبو بنية سمحة مع الشهلال تسقينا حلال وزلال والفاضي الكان مليان احزان واطرافو تسيل يتحول كوب معقود فوق قلة تنقع وراقدة سبيل وسبيل مسروف مكتوف بلحاية علي سيالة ورامية ضليل الغاشي الماشي الراحل دابو ودربو طويل الغاشي الماشي الراحل ونوخ دابو ودله الشيل الطير الطاير فوق بلداتنا وناوي رحيل الولد السادر فوق مشهاد البرق الشايل ودربو طويل وعموم الناس والفرع الصايدو يباس وكلاب الحر وبنات الريل بتشيل بتبل الريق والمويه نواحي السافل موية نيل ... |
اقتباس:
اقتباس:
دايرى اوضح هنا انى قصدت بالجماعة الاستحلو دبل الجاء ذكرهم قبل (الحواجى- شلة العمدة او قول الكله اللتو) عشان ما اوصف فاطنى ساكت وقطع شك مانى البهبش نيتا فى شان عارفى حاشهن البيرة اماتى وايضاح طيبان لى صنغ القرقريبى اللت الصفيح و الخشب الله يعلم عجبنى كيف وبرضو اللت الخشب القوى يسوبا الابرى الزول المقطع من شعر بادى باكد المعنى نمام التمام نجى لشعر بادى باذن الواحد بعد مو نغرق فى بحر حميدنا ا شان نستعدل تخزينا و حفظنا للقصيدة ست الدار |
اقتباس:
و الله في الأول قلت بتكون الكسرة, أها لقيت الكسرة قاعدة و بتتعاس بقرقريبة الخشب.... نغم وقت بتتفاصح تعالي أشرح لينا الشرار أصلاً بعيد عنك نحن اولاد (عمارات) ساي :D:D طبعاً الشرار دي انا متأكد زول بكون عرفها ما في بس شجاعة أدبية ما عندهم للسؤال |
يا سلاااااااااام
بسمك اللهم
الزولة ست البكان دا راحت وين ...؟!! أسامة معاوية .. طيبان ... مشكورين علي كل التنبيهات التي نتجت من أخطاء الطباعة ... يا سلاااااااااااااام البوست حديثو يجنن ... طيبان ... ارجاني بنزل الجواب التاني كاملا من جريدة المشاهد حافظ ... شُرارة جاء تفصيلها في مشاركة نغم |
اقتباس:
الزولة دى قاعدة ومستمتعة جدا جدا جدا بى حديثكم ثم انى ما ست البكان ولا شئ البيت بيتكم وعامر بيكم انا غير انى جيت (قشيت ورشيت وهيأت البكان)ما سويت شئ.... تسلموا كوووووووووووولكم من طرف بلا فرز اسامات طيبان اسامة معاوية بابكر عباس(دى من طرف لسانى ساكت كى لا اوصم بالقبيلية)looool الطالب المثابر بجد واجتهاد(حافظ حسين) الموسوعة(احمد طه) الجميل(ازهرى سيف الدين) الزول(الذى يظهر فى المنعطفات الخطيرة ويرجع دفتنا تانى) العمدة(عكود) اجمل الالحان(نغم) وحضورك اخوى(المعز)الذى اسهم كثيرا فى دفع الدفة من جديد لكم لكل من مر من هنا واسعدنى بتوقيعه والذين مروا دون توقيع لكم كلكم كامل الود لاينقص مقدار ذرة.......... |
الشرار الشرار يا عالم
نحن مغرودين فيها طيبان قالوا انت الوحيد ود القري الممكن تكون تنجدني و الله انا ما بحب القوالة لكن و الله قالها لي اسامة معاوية سألته في وش الكتاب قال لي يا حافظ نحن ابناء مدن ... العبارات دي شوف ليها ناس طيبااااان يا شباب الشرار دا انا مغرود فيها و يدكم معانا |
الأخ حافظ مساء الخير ، الشرّارة شبيهة بالقرّاصة ، إلا أنها أقلّ سماكة منها ، فهي تقع بين الفطير و القراصة ( الفطير رهيف كالكسرة ) ، و البعض يسمونها (الطبطاب) ،
و في معظم الأحيان تتم عواستها باليد (بدون قرقريبة) ، لأن عجين القمح متماسك و لا يحتاج إلى قرقريبة مثل عجين المريق |
اقتباس:
يختلف عن (الفطير)العادى فى انو الشرارة (اتخن شوية) ويختلف عن(القراصة)فى انو(أرق شوية) هذا النوع من (الفطير)يصنع مخصوص(للملاح مثل الخدرة والتقلية) ولا يصنع للاكل مع(السليقة او اللبن) يسمى الشرارة لانو يتم(شرها فى الصاج ) وتعاس(بقرقريبة مصنوعة من المعدن غالبا) زمان كان اسمها(قرقريبة الحلب)......... |
اقتباس:
غايتو انا قويت قلبى ونزلت مداخلة بخصوص(الشرارة) لمن عملت ليها(اعتماد)لقيت مداخلتك دى نزلت قبل مداخلتى اها زى اخدتلى عرضة وقلت (والله اتارينى شقية ضمة وعررريفة زى احمد طه)looool |
اقتباس:
بالمناسبة (يا حافظ) (شُرَّارَة) بترقيق الرائين ، لو فخّمتهن الحكاية تبوظ:confused: |
اقتباس:
الشئ مو (عواسة) الشئ(فهم):p:p |
اقتباس:
مالك وقفت عند الاكل قدر ده خلى بالك هنى ان ما انثت الشرارة تكون اخليت بالمعنى و شان لامن تجمع تخت التاء و اضحه و سمحى كدى وبعد الشرح و الوصف دى كلو النكلمك تضوقا وين يا ود العمارات :D:D تمش شارع 15 فى مطعم اسمو المطعم الشعبى اطلب طلب شرارة بى الروب ركز على الرائب دى شان تتمطقا كويس و تعرف كمان الفروقات اللت القراصى و اكان مشيت وكت فطور اطلب فى الاول قراصه بى التقليه او الدمعة و تقوم شنو تحلى بى شرارات الرائب و بعد ما تقش خشمك و تحمد ربك و تبقى مارق من هنوك اذكر وصف حميدنا هنى عليك الله شوفو الزول ده ست الدار كلها ما تجيبو علا حتت الاكل الجنا جعااااااااااااان من دربك شارع 15 وصيتى ليك سوق معاك الشلة:D:D واكل الرائب بالهنا فى حشاك ما تركز معانا ياخ دى ونسات جانبيه سمح |
اقتباس:
و السرارة السوها باليد دى من نسوان قديرات و ماهرات يعلم الله يسوقن العجين دى بى طرف اصابعين تطلع شرارة تشبه توب الكريب من خفها و لينها ماها يابسى ولا محرقا اما الطبطابات دى سميكه شويه و تشبه قراصة معظم الناس البعملوها فى السودان و الطبطابه دى يا حافظ تاكلا بى خدره مفروكه او باميى حااااااااره مع صحن سلطه و شطه خدرا صاحبك الجمبك ما بتعزمو ههههههههه |
http://sudanyat.org/vb/data:image/pn...AAAElFTkSuQmCChttp://http://sudanyat.org/vb/upload...1347952566.pnghttp://sudanyat.org/vb/uploaded/2494_1347952566.png هنى وقفت و دموعى سون طققطق نورا وجعت قلبى اخدو: يعنى تم تزويجها غصبا عنها بالدق كمان والمقطع ذاتو كيف كيف (ما وقع لى الحته بعد التسلسل هى خبرتو بالولادة و كمان العرس المأساوى ده ولا كيف المعنى) صورا دموعا هى و الصور منو لا تقولو الخوجات القبيل ديلاك؟ |
http://sudanyat.org/vb/uploaded/2494_1347953389.jpg
الطشه حصلت ما عرفت الهوم homeمن end |
اقتباس:
اقتباس:
معقول الشايقية ديل، كانوا متحضرين قدر دا، ونحن ما عارفين! |
اقتباس:
قلنا اجتهاد اجتهاد عارف زى عشاك الليل امبارح وفايت حد شوفك و سمعك اكان شفت ولا دى حالة اللاوعى اللتك تاوراتك تانى:D:D ما تجرف البوست انجر ليك بوست اخر و تعال نوريك حضارات سادت كمان تخريمه غايتو البتجيبك لى البوست ده شيتن مو هين تب اكان ما كت مناسب الشايقى و ادوك بتهم ظنتك كنت تعد النجوم و تبارى السراب هههههههههههههههه خصمتك بى سيدك الحسن تعفى لى ياخ عفو الحياة |
اقتباس:
اقتباس:
|
اقتباس:
تزوير تزوير (اضيفو فى رصيدك نغم زورت الواقع واهو سيفت التكويد) قت ليك افتح بوست لمناقشة تزوير الواقع فى منطقة الشايقيى و مآلات ذلك على ناس الوسط تانى خليك فى الحضرة سمح |
ماريل
لك التحية عى هذا العمل التوثيقى المهم ... لك التقدير والى الامام |
اقتباس:
ربنا يقدرنى على المواصلة |
ماريل يا صديقتى النخلة والصخرة والماء الزلال
يا خليطا من شعاع الشمس وضئ القمرة وخيط من بريق النجم,,,,,,,, يا من تحمليين الجمال بين جنبيك كانك مستودعه الابدى والازلى انزفى وجعك على(حميدنا)عل روحك تستكين اصدقك القول انى اراك فى كثير من قصيد حميد فانتى: السرة وست الدار ونورة اكتبى يا صديقتى ثم اكتبى ثم اكتبى |
اقتباس:
زمااان سألتك ، انت شايت وين هسة سؤالي : انت من وين ؟ مسألة حضارة الشايقية دي مافيها شك ، لكن انت من وين دي حقو تجاوب ليّ عليها بالله .. . |
اقتباس:
سؤالك بتاع شايت وين؟ ما رديت عليهو لانو كان سؤال ما عندو إجابة إلا في خيال تصورك لشكل مسار البوست. البوست دا، أنا ساكي فيهو نقطة من بدايتو وبجود فوقها وبفند وأحاور أي زول تكلم عنها مباشرة أو غير مباشرة ولي الحق السخرية من وجهات النظر البشوفها بسيطة وغير مجودة. أوعة تفتكر انو البوست دا، ح يمشي بالطريقة البتكون انت راسمها في خيالك!، نزل الداير تنزلو، والباند بشيل إنزالاتك وبشيل برضو إعتراضاتي في نفس الوقت وأذواق القراء وإهتماماتهم مختلفة خالص. |
اقتباس:
وعلاقتها شنو بمفردة حميد عنوان البوست عشا ننشاركك فى الحوار بى جديه - ده من جانبى ونركز مع تفنيدك واكون شاكرة لك |
اقتباس:
بالنسبة للنقطة المحددة (مسألة الشوق بت سرنا)اردت ان اضيف اضافة مهمة جدا الراحل(حميد)فى حياتو لم يشرح اشعاره ولم يذكر انه كان يعنى كذا أو كذا فقط ترك الفهم لخيال وقريحة القارئ واختلاف الرؤئ اكيد يصب فى صالح القصيد ايجابا وليس سلباوهذا يقودنا الى اتساع مواعيين الفهم فى نظم حميد,,, الاخ بابكر النقطة الانت ساكيها من بداية البوست حتى الان لم تخرج عن احتماليين حسب فهم كل القرأ المشاركيين: 1/بت سرنا بمعنى الاسرار وهم الاقارب البعديين 2/بت سرنا يعنى السرية وهم الرقيق فى ذلك الزمان الاغبر حسب وجهة نظرى انه فى تلك المنطقة:محافظة مروى تحديدا: سرنا تطلق على الاقارب البعديين اما الرقيق تطلق عليهم السرية وليس سرنا,,,اما اذا تابعنا مجرى النيل الى اسفل ووصلنا دنقلا وانت متجه شمالا تطلق سرنا على الرقيق وبما ان الانسان ابن بيئته اعتقد ان الشاعر لم يخرج عن السياق الاول والذى يشير الى الاقارب البعديين,,, |
| الساعة الآن 12:53 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.