صورة من مخطوطة كتاب (المجسطي) لبطليموس. من أهم كتب الدنيا قاطبة كما هو معلوم. وأوروبا والعالم عرفا المجسطي من خلال أشهر الفلكيين والرياضيين الفلاسفة محمّد الفرغاني*، الذي ترجمه للخليفة المأمون، محب المعارف والفنون والعلوم.
الفرغاني عاش قبلنا بـ(1161) سنة، مواليد 850م.

كلام المجسطي هذا يُقرأ مربوطاً بحديثي عن طاب اليهود.
كلّه أسطر قليلة، من شاء منكم فليعد قراءة فقرة (اللغة العبرية).

-- --------
(سنأتي لفرغانة هذه (نجي لياتو، ونخلي ياتو ما بعرفو!)، التي اشتهرت بالعلوم والفلك، وتقديري أنَّ الناس هؤلاء من أهلنا وعقابنا المحس "والله أعلم").

عكود وباقي الشباب ياخي في مداعاة فيها كلمة الشيح، بتذكر حبوبتي كانت بتقولها لي لما تزهج مني
شنو كدا ما عارف (الشيح) هي نبتة معروفة لكن داير المداعاة دي لو في زول عارفها! لأنها يصنقر فيها المفهوم الحضاري.
ما أتذكره طشاش إنها بتشبه (أتكب شيحك)، والله أعلم.


---
يا ناس العشر المفهوم الحضاري البربط المداخلتين ديك بهناك هو الفروسية، كويس إنو الشباب ديل هم الكتبوا كلامهم داك ما أنا.
كدي شيلوا الكلامين ديك بهناك، وخيطوهن على فارس بالطريقة السودانية شوفوا يطلع معاكم بشنو!؟

بكور Missing Kissing ياخي ولا تعليق منك ما نسمعو في حكاية التيبيا دي!؟

عجبتني بتاعة الحوية، فعلا مفيدة، لكن الفائدة الأكبر إني كنت شغال في الموضوع دا بنمرة تلاتة، إنت ألهمتني أشتغل فيه بنمرة مافي ذاتو. لك الحب بلا حدود.

بالمناسبة، تيبيا دي جاءت منها (سيبيا، تيبيا) المدفع، تجدني مستخدمها في رواية قسيس الطبيعة، بالله قارن مفهوم وحتى شكل بعض تيبيا المدافع بأساسه تيبيا الخنبسانة. مبالغة.

كان غلبتكم تيبيا المدفع دي اسألوا عنها أحمد طه، بجيه ليكم الكلام تمام التمام.

-----
ربما تنضم لتراميز الأبداد فنّانة تشكيلية خطيرة، والله أعلم.
فترنا من الوصِّيف.

يا أخي أنا تحولت من زول بحاول يشارك لزول مندهش و بديت أفهم انت داير تصل لشنو....
أتكلمنا* مع تشكيلي عظيم (جد جد) و وافق انو يشتغل معاك الرسومات و شال الإيميل بتاعك و ح يتصل بيك حسب كلامو

* الضمير "نا" محاولة مني لسرقة مجهودات مُبر

ما عارفك قاصد شنو بالمفصل الرابع؟ لكن التيبيا زي ما هي موضحة في الرسم التشريحي بتاع الخنفساء هي عظمة* الساق و ليست مفصل، و تسمى كذلك في بقية الحيوانات و الإنسان، و هي أقوى عظام الإنسان تحملا للوزن
*في الحشرات ليست عظمة

يابابكر
محسن دا زول وريف عديل كدا..

طبعآ متابع بتركيز ودهشه مبالغة ..

ياود البتولا يااخى ربنا يخضر ضراعك

الطاب هو

The Game of The Devil

طابت أوقاتك يا معجزة في زمن قل فيه المعجزات

يا أزهري مرحب بيك
وحباب أترك في المكان

من الشتائم الإثنية التي تطاول عليها الأمدُ إلى أن أصبحت غير معلومة ولا مفهومة.
زي، يا خراء... وقال النور عنقرة عن تورشين يوم أم دبيكرات ما معناه (بمشي وين الليلة ود أم ظق) أو كما روى ميخائيل، لا أذكر عبارته حرفياً، وهذه مطاعنة لأمنا حواء، تستخدم إثنية.
يا قنيط.. (العاجباهو قنيطتو ببلّع اللالوب) وهذه مطاعنة لأمنا حواء أيضاً التي أكلت من الشجرة فاحتاجت للتوليت، وتستخدم إثنية كذلك.
يا أبلم... (الأبلم مو شقي، شقي البقارنو) (القلم ما بزيل بلم)، ومن غناء حميرا (ما بتلدك البلمه، الدود العشاري الحجّر مشارع ألمى).
وأيضاً تستهدف إثنية.

الخارو، والخور، وجاءت من الخراء، هم الأوراتيون*، الأورس (نبات أصفر محمر) وملؤه المفاتيح.
قنيط مفرد القنانيط Canaanites وهم جيلٌ قديم من الناس كان مكروهاً من الكوشيين مثل (البليميين- أبلم) فيشتمون بهم. كما يقال الآن (يا زول إنت هندي!؟ قايلني هندي!؟).
وتربطهم دالّة واحدة، تدفع الكوشيين لكرههم، لو ربنا طلق الضراع ومد في الآجال، بنشوف حكايتهم شنو مع خنبسان البحر، أب كريق، هسع مع خنبسان البر ما زلنا، قلت أونسكم لامن الملاح يقضى.

تمام يا فرد
ويا (فردة) بطريقتها السودانية هذه توجد في السريانية بالضبط، وترتبط بالشتائم المذكورة أعلاه.
وما أشبه السريانية بالعامية السودانية حتى حسبت أنني أتحدثها.
شبهها بالعربية الفصيحة معروف ولكنه من ناحية المعاني والأصوات، أما شبهها بدارجة السودان من ناحية المفاهيم والحمولات الثقافية البائدة فبدعة.

----
ضع فقط مفردة (الورتاب) هنا، فتنفتح أمامك كل الكنوز.

بكور
مشتاقين
هذا الكلام أخذتُه من معجم، أو قولسري متخصص، ولكن الخلل جاء من ترجمتي لأنني أعرف الكلمة على معناها الكمون وهي segment فحسبتُها جمعاً وما هي بجمع لتستقيم ترجمتي لها.


المرجع، المعجم المختصر أو (قولسري) المفصليات، بتركيز على العناكب والعقارب والحشرات، ص(9):
Arthropod Glossary With Emphasis
On Spiders, Scorpions, and Insects

سأصوّب ترجمتي وشكراً على التصويب، وبرضك ستلهمني، لو كانت رباعية التيبيا ستبادد الصف الرباعي من الطاب،
الكلام بقول هيك!؟ حاكم أخوك أعمى، والرويشات الصغار التحت الجناح ديل جهجهوني، شوف الصورة تاني، واشرح لي شنو ديل؟
كما أرجو أن تدقق في صورة نوبة جنوب مصر وتفتيني في تلك العجة لأنني كتبت أنها ثلاثية ولم أستطع تبينها تماماً، وبرني صديق بفيديو لطاب نوبي وكانت عجته رباعية.
أرجو مراجعة الصور الفائتة وتحديداً الصورة التي يحمل فيها أحد الأشخاص طاراً.
كن بألف خير

جهودكم مع مُبر دي ما توقعها لي كويس، التلفونات بتكونوا طرتوا منها:D
اعمل لي تلفون اشرح لي، في رجاك، أنا مفلس وعاطل، وإنت تفك شيخ بن راشد تمسك شيخ خليفة.
وما اجتمع المال والشغل والكتابة والحبيب في قلب كاتبة أو كاتب، إلا لدى أهل الغرب، وأمرهم كله عجب.

-----------

------
غنِّيت وجِبْ نمّات
بجر القول عليك
يا مقنع الكاشفات
أسد الخلاء يا الحجّر اليويات
ساقوك للحكم
يا أب آمنة حوبتك جات
مقنع ولياتووو
أمك ولدتك ما ولدتن اتنين
تسلم لي يا تلبي البكيل العين
حالف باليمين ما بكون بين البين
دقيت الجزر لمتعة الحيين

الكرّوق= الكُرناف = أعقاب الجريد الناشف الملتصق بالنخلة ليشكّل سلّم
الكَـوَرّيق = عُقلة (فص) من القصب عندما يجف
الكوريق = مِعول لجرف التراب (يشبه الملعقة) مقبضه من الخشب ورأسه من المعدن
الكارديق = مِعول مقبضه من الخشب ورأسه من المعدن مثل المشط. يكون الرأس عموديّاً مع الأرض للَمْ الحشائش والتمور وما شابه (L shape)
الأربِل = يشبه الكارديق غير أنّه مصنوع من الخشب ورأسه عمودي و عريض (L shape)
الواسوق = مصنوع من الخشب، عموده طويل ورأسه عريض مربوطة عليه حبال، يستخدمه شخصان لتسوية الأرض. يُمسك أحدهما العمود والآخر الحبال، ليغرس ماسك العمود التُربة، غرساً خفيفاً، ويجر الآخر الحبال
الكركجي (الجيم معطّشة) = طين الجروف اليابس
السلّوكة = عمود خشبي طرفه حاد يغرس في التربة لبذر البذور
الكاويق = الصفق الناشف للنباتات و الحشائش (اللوبيا مثلاً)
الكُوريقة = نوع من أنواع التمور، سوداء اللون مركّزة الحلاوة وتظل لينة
الكرّقة = الراكوبة
الكتِّقة = باب زريبة البهايم، يُصنع من عيدان أفقية مثبّتة على أخرى (أقوى منها) عموديّة
السمندقيقة = أحد أجزاء الساقية
تُكُم = مقعد جلوس لمن يسوق الساقية ويكون خلف التور
السبلوقة = شبه قُمع مخروطي يُثبّت على السقف لتصريف مياه الأمطار
البسدّيق = قطعة قماش لدهان الدوكة و إزالة ما بها من بقايا عجين
آرتيق = الضل البارد
آرنيق = عمود من الخشب يثبّت وسط الغرفة ليسند السقف
أرقوق = تور الساقية الّذي يؤدّي المهمّة وحيداً
قَسّيبة = مبنى من الطين، أسطواني الشكل لحفظ التمور والمحاصيل
قيساب = كوم المحصول
قارسيقا = قاريقا = القصبة وهي فتيّة ولم يكتمل نموّها بعد (شديدة الإخضرار، لدِنة) إستعارها الشُعراء لتشبيه محبوباتهم بها
دانقا = البرندة أو الصالة
دونكَا = التُكل أو المطبخ
ورتاب = حزمة القصب الناشف
بُتّاب = البقايا الجافّة من أوراق المحاصيل
بُتِّق = الشجيرات الصغيرة للذرة التّي تنبت بعد حصاده
متّيق = حش الزائد من شجيرات الذرة بعد أن يكبر قليلاً، حتّى يقوى العود الأصل
نوريق = دَرس المحصول (ذرة، قمح أو فول) بحوافر الدواب لفصل الحبوب
دوليق = اللقيط اليدوي لما تساقط من حبوب المحصول بعد نوريقه وجمعه
بُقُل = الظل الحار عند بداية تكوينه (ضُل العصر مثلاً)
السارة = جانب الماء من النهر المُحازي للقيفة
دالة = المكان العميق وسط النهر

سلام يا مُحسن،
هذه التعريفات حسب بيئة الشايقيّة وهي قابلة للمراجعة، التصحيح والإضافة من قِبل الآخرين.
أدعو أسامة معاوية، أحمد طه، الزوول، عبد العظيم الطاهر وعثمان الحليبي للتداخل والتعليق.

تسلم



كلمات تمّت إضافتها لاحقاً:
كَرَكّي، كَرَكّية = شَق في الأرض يبلع الماء بصورة لا نهائية
بندِقة = حائط يمثّل أحد أضلاع المبنى
أروتِّي = شخص يسوق الساقية ويجلس على ال "تُكُم" خلف الثور/الثيران
ألس = حبل غليظ يُستخدم في ربط أجزاء الساقية
أشميق = لحاء جذع النخلة، تُصنع منه الحبال وألياف الغسيل (العدّة)


و أخرى:
سبيقة = مزرعة مسوّرة (غالباً مزرعة نخيل)
بديقة = تُستخدم لصيد التماسيح
سرّيقة = طوف من الطين الممزوج بقليل من الرمل لبناء مُحيط المبنى. يُبنى ثمّ يُترك ليجف ليُبنى طوف آخر عليه فيرتفع البناء.

وأخرى:
كَسيق = مساهمة عينيّة أو ماديّة يساهم بها الأهالي، تقدّم لصاحب المناسبة (فرح أم ترح).
كَسكَسيقة = طاقيّة من سعف النخيل عريضة الجوانب لإتّقاء حرارة الشمس (تشبه المكسيكيّة).

عشان إنحدار الوادي من الجنوب للشمال

زهره الغرق؟
الطاب
الرموز واللغة
امنا حواء والشجرة واحتياجها للتوليت؟؟؟
الحنفسانة وتكاثرها ذاتيا!!
وتطورها عبر الزمن؟؟
الحضارة الافريقيا وعلاقتها بالرموز العربية؟؟؟؟؟؟؟!!!!
السائل اللبني الذي يطلع من الصفقة؟؟؟


هل كل هذا له علاقة بإنبعاث الحياة ؟
وانبثاق الارض من زهرة الغرق؟؟



محسن:
ماهي الحقيقة
حقيقة الخلق؟
يا ربي الخنفسانة ح تطلع هي الولدتنا؟؟؟