كان عمنا عتيق معتاد على زيارة إحدى السيدات في منزلها (بعيدا ً عن عيون أسرته) وفي واحدة من زياراته سنة 1970م وجدها تلزم سريرها تشكو من الإنفلونزا .. فكتب: في غفلة رقيبي رُحت أزور حبيبي لقيتو شوية حاسي ** ** ** ضاجع في سريرو متوسد وثيرو بين طيات حريرو حَييتُو وجلسْتا من حُسنُو إختلستا في سِحرُو أنغمستا بحديث ( دبلوماسي) قالى نوري ماسي وأحذر إلتماسي ** ** ** قـُتلُو في جمالك سحروك ولاّ مالك ؟ صار ياحبيب لونك فاتر زي عيونك قال لي عندي حُمه وبىَّ صداع آلمَّ من أثر إنتكاسي إتعذر نعاسي ولي يومين أقاسي ** ** ** قـُتلُو في وسامتك وحلاة إبتسامتك كفارة وسلامتك وألف عزيز كرامتك مهما كُنتَ قاسي أو لى عهدي ناسي ليك يزداد حماسي ** ** ** قال لي انت عاقل ومافي لزوم تشاغل قـُتلُو إنت روحي وإنت سبب جروحي وإنت لشعري مُوحي ياروعة جناسي ياحُبي الأساسي يالنسيتني ناسي http://www.youtube.com/watch?v=L1FEKNchLAQ |
الرشيم الأخضر كلمات : محمد بشير عتيق الرشيم الأخضر في الخديد الأنضر هم ســـبب آلامي فكري أضحى مبعثر من غرايب سحرو ومن عيونو الفُتر حكمة لو يتمايل أو سفر واتبختر إيه بثينة وعزة وإيه عبيلة عنتر حسـنو أمامي مين سواك يتجسر على فؤادي وحسنك ليهو عامل سِنسر قلبي بيك تأسر وفيهو حبك أثر نوم عيونو تعذر وبإنكسار لحظاتك حظي أضحى مكسر يا رفيع يا سامي السحاب ما أمطر أروى ساحة ربعك ومن شذاك اتعطر ما تغزّل شاعر في محاسنك سطر ليك سلامي الخالص يا جميل يا مبطر ليك جزيل إكرامي http://www.youtube.com/watch?v=qJx3zeyxQyY |
ناعس الاجفان عتيق/كمال ترباس انا من صفاك مسحور بالله انت ملاك ولا من حسان الحور يا ناعس الاجفان تذرف عيونى بحور و اقضى الليالى قيام ما بين شوق و هيام ارعى النجم فى سحور و فؤادى اه منحور مقتول بغير سلاح و اقول بكل صراح سببى العيون الحور فيك الكمال محصور اكظمت كل حسود و حسنك مقامة يسود على كل جيل فى عصور وطرفك لحاظة تريع اسدا شجاع و هصور ليك نفرة الغزلان مع جبرة الفرسان فى هيبة المنصور اهيف رشيق متبور تتهادى تية و دلال مابين غرف وظلال نعمة و ترف و حبور سهمك على مهبور ايه ذنبى غير هواك انا يا جميل بهواك من قلبى ما مجبور يا البى العفاف مشهور ندك عبير فياح و قوامك المياح اينع ثمر و زهور بى حبى دمعى جهور انا فى دجاك ياليل نجمك بقالى خليل فارقت نومى دهور انا لى زمن ماسور هجرانى ما هماك يا اللى قاسى لماك من طول جفاك محسور و حياة خديدك و جيدك و طريفك المكسور انا شعرى ما بيوفيك مهما ابالغ فيك منظومى و المنثور و لكم التحايا يا عاصم و كونوا بالف خير .. [rams]http://www.sudanyat.org/upload/uploads/Na3is_alajfan.wma[/rams] |
اقتباس:
شكرا ً ليك يا أبو الفياصل عمنا عتيق معظم شعرو (وإن لم يكن كلو) كان في الغزل والجمال .. مرة ودوهو المستشفى مريضا ً ... وكان الطبيب المناوب (طبيبة وليست طبيب) وكانت رائعة الجمال ... وكانت تجس في نبضو وتقيس في حرارتو ... عمنا نسى مرضو ذاتو وبعد ما خلصت منو قال ليها مغازلا ً: عيان سيادتك قاصد عيادتك أديهو وصفة أو حبة سلفة ولو فيها كلفة اقتباس:
|
هل تدري يانعسان أنا طرفي ساهر جسمي إضمحل بغرامك وإنت زاهر أنا حالي ظاهر عاشق نبيل ياجميل ليك حبي طاهر وشاعر مجيد لغناك فنان وماهر بسحر جمالك وكرم خلالك وعشان جمالك أهوي القمر والنيل وأهوي الازاهر ليلي ونهاري أنا لي حيك بهاجر آخذني نورك ياساحر المحاجر لا أخشي لوم في هواك لا أخشي زاجر مهما ألاقي من طول فراقي وفرط إشتياقي حافظ عهودك وحيات خدودك ياللي هاجر حسنك بديع ياوديع في عصرو نادر حكّم صفاك مولاك ذو حكمة قادر مكتوب هواك لي ضناي ياحبيبي صادر ماكر شفاي وأراك علي طبي قادر وأنا برضو آمل تعطف تجامل بمس الأنامل تشفي الجروح والروح ولي لقاي تبادر http://www.youtube.com/watch?v=JO1AQB4GDc8 |
في سنة 1943 م عمنا عتيق كتب أغنية الأمان التي قام بتلحينها وأدائها المطرب المرحوم : رمضان حسن الأمان الأمان من فتكات عيونك ارحم مهجتي يشغل قلبي حبك على مر الزمان سلطانو إستقر وفي جورو استمر وكيف القى الضمان ياما إنت ظالم وأنا طائع أوامرك ولشخصك مسالم يا حبيب الأمان واسمح لي كمان اقبل يديك ... ومن نور وجنتيك نور مقلتي فيك صور المحاسن ظهرت لي عيان موسيقه حديثك مع سحر البيان روحي تسيل عواطف وقلبي يذوب حنان انا كيف ما اخافك ومما طرفي شافك ما حبيت خلافك حبك منيتي فرضي وسنتي ناري وجنتي ومن يوم نشأتي تقديسك شعاري وحبك نشوتي يا سامي العروض أرسل ليك أغاني من أرقى المعاني عنوان خبرتي وابداع فكرتي وتخليد ذكرتي http://www.youtube.com/watch?v=wBHYN...f=mfu_in_order |
اقتباس:
وجميل هو هذا البوست وممتع شكرن شبارقة |
اقتباس:
شكرا ً جزيلا ً يا جيجي أذكري أيام صفانا واحدة من روائع عمنا عتيق كتب كلماتها سنة 1942م وهي من ألحان وغناء كرومة وهي من الأغاني الخالدة ونسبة لروعة كلماتها ولحنها يتغنى بها الآن كثير من الفنانين من بينهم الفنان الشعبي كمال ترباس والفنان محمد ميرغني وغيرهما. اذكرى أيام صفانا واذكري عهد اللقا والليالي الفي حبور اذكري أيام صفانا والليالي الفيها متبادلين وفانا اصطفينا ظروفنا والحظ اصطفانا جينا بي كل اقتراح من حديث يشفي الجراح في مغازلة بانشراح القمر ضياهو آلق والنسيم يهدينا أرواح الزهور ٭٭٭ الرياض مبتهجة ضاحك أقحوانا والزهور فرحانة تستقبل أوانا رايقة يانعة وزاهية في توب أرجوانا النهر لينا إقترب والطيور تسْجَع طرب عاملة مزيكة قرب ونحنا صار مجلسنا عامر في مرح في نشوة في غبطة وسرور ٭٭٭ كُنَّا داخل روضة مافيش حد سوانا غير أن القمري يهتف بي هوانا من أغاريد فنو يسمعنا اسطوانة أما أرواحنا الخفاف رافلة في أثواب عفاف زي عريس يوم زفاف والنجوم بعيون تسارق في اشتياق تنظرنا من خلف السُّتور يا أمير الحسن يا سامي المكانة في عواطفك حبي لو فاقد مكانة أهدي لي تفاحة أو برتكانة فهي غير شك مرضية منها اقتبس الضيا بك أذوق طعم الحياة انتِ ملهمتي الأغاني انتِ مصدر فني وإحساسي وشعوري http://www.youtube.com/watch?v=0kOrM...eature=related |
في سنة 1919م قامت وزارة المعارف بنقل المدرس بشير عتيق إلى مدرسة الكوة بالنيل الأبيض وبقى فيها عاماً واحداً وكان من تلاميذه النصري حمزة ومحجوب عثمان والتجاني الماحي وأحمد السيد حمد وبعد سنتين عاد الشيخ بشير عتيق إلى الدويم ، وكان محمد بشير عتيق وقتها في السنة التالتة كـُتـّاب وكان كثير الولع بالقراءة وفي الدار كتب كثيرة ... وقال عن نفسه إنه كان يستوعب كل ما يقرأ إذ هو يتمتع بذاكرة قوية وأحب المؤلفات عنده شعر البرعي وإبن الفارض والمجموعة النبهانية وجواهر الأدب والأغاني للإصفهاني. |
تميز عمنا محمد بشير عتيق بقوة ملكته وارتفاع حاسته الجمالية فضلا ً عن استعداده الفطري المتميز فإن حصيلته من المخزون الثقافي والمعرفي والالتحام مع الناس ومع همومهم وأشواقهم لعلها من أكثر عوامل نجاح عتيق وتميزه في دنيا الشعر وساحات الغناء وهو شاعر مفطور وفنان مطبوع ومثقف موفور الثقافة واسع الإطلاع. إلى جانب تلك العوامل فإن عتيق كان يسجل حضوراً في أوساط الشباب الذين كانوا في سن أبنائه الصغار أو أحفاده فكان كثير المشاركات في محافل الأندية والمراكز الثقافية ومسارح الجامعات داخل السودان وخارجه من أكثر المنتديات التي كان يشارك فيها ولا يتخلف عن حضورها ندوة الأربعاء بنادي الخريجين والتي كان يديرها ولسنوات عديدة منذ منتصف السبعينيات وحتى رحيله الأستاذ الشاعر الكبير مبارك المغربي الذي كانت تربطه بعتيق صلة مودة وصداقة وثيقة وكان من حضور تلك الندوة من الشعراء الشباب عبد القادر الكتيابي وعبد القادر أحمد سعد وصديق المجتبى وأزهري محمد علي وفريد يوسف وعوض إبراهيم عوض وصلاح أحمد عبد الفتاح وعباس علي عباس وجمال حسن سعيد وفتح الله إبراهيم وحاج بانقا ومحمد عبد القادر أبو شورة وربيع محمد صالح وغيرهم فكان عتيق يسجل حضوراً لجيله بأنفاس جديدة وبروح ملئية بالجمال والشباب والتجدد. |
في سنة 1936م عمنا محمد بشير عتيق كان ببورسودان فشعر بالوحدة وشوق للمحبوب فكتب أغنية ( أرجوك يا نسيم روح ليهو) التي قام الكروان كرومة بتلحينها وغنائها ... فتغنى بها من بعده الكثيرون أمثال محمد ميرغني وكمال ترباس أرجوك يا نسيم روح ليهو بي أشواقي صرح ليهو وأذكر صبوتي وسهادى ****** روح يا نسيم قول ليهو مثـّل شخصي واشرح ليهو إخلاصي وشعوري إليهو والأغرب كمان قول ليهو مع شغفي وميولي عليهو في تعذيبي برتاح ليهو بذكر حسنو في إنشادى فأعجب مني شاعر وشادي ****** باللفظ الجميل آتيهو بيـِّن حالي واستفتيهو لو يصحى ويفيق من تيهو يتعطف يلين عاتيهو يشفي جراحي وألقى صراحي ويكون راحي في رؤية خديدو النادى وقوامو الرشيق متهادى ****** هو حبيبي هو طبيبي هو سميري هو أميري حسن الكون تجسم فيهو يزدرى بالقمر لصفيهو ما دام كل عيب نافيهو أوصاف شعري كيف توفيهو ده الساكن ظلال في فؤادي واختار في الهوى استعبادي http://www.youtube.com/watch?v=Np9jsh05Ap8 |
من منكم ياتينا ب :
قم نرتشف خمر الهوى و نذكر احاديث الغرام على شاطئ النيل السعيد له منا عظيم الامتنان و الشكر المقدر .. |
اقتباس:
شكرا ً يا فيصل على إثراء البوست ونأسف على التأخير قم نرتشف خمر الهوى .. كلمات عمنا الشاعر/محمد بشير عتيق قوم نرتشف خمر الهوي..ونذكر أحاديث الغرام...... علي شاطئ النيل السعيد * * * الطقس معتدل الهوي ..قوم يا حبيبي نمر سوا في خميله والعالم نيام والروض حلا وبسم الزهر مضي اسمه في سطح النهر والقمري يهتف بي اهتمام..من كل فن يبدي ويعيد * * * ميل يا حبيب طوع الهوي بقوامك الضمار هوا اسقني من طرفك مدام اسمعني من فاهك درر..ومن شعري هاك آيات غرر فيك هوي ورقة وابتسام ومياس قوام وعيون وجيد...... * * * بعد الجفا وطول النوي والفرقه والشوق والسقام جفاني لطفك يا حبيب..اياك سمير وانت الطبيب يا الفي ظلال نعماك ريب انا عشقي لي غيرك حرام..فيك شعري...يا روح القصيد http://www.youtube.com/watch?v=NuYCJWWEeY8 |
ما زلنا مواصلين مع عمنا المرحوم الشاعر الكبير / محمد بشير عتيق .. وكما تعودنا فتعالوا نسترح قليلا ً مع المسابقة سؤال المسابقة الخامس : http://www.sudanyat.org/upload/uploads/untitled2.jpg (صورة للشاعر وهو في مقتبل العمر) http://www.sudanyat.org/upload/uploads/untitled11.jpg (المذيع عمر عثمان وشاعرنا موضوع المسابقة) ولد في مدينة أم درمان سنة 1915م وتوفي فيها سنة 1995م. تلقى تعليمه الأولي بمسقط رأسه في مدينة أم درمان، ثم التحق بالمعهد العلمي في المدينة نفسها (1939) وتخرج فيه (1947). عمل صحفيًا بجرائد: النيل، والسودان الجديد، والأمة، ومجلة الخرطوم، كما ترأس تحرير مجلة العامل السوداني، ومجلة الإذاعة والتلفزيون، ثم عمل في وزارة الثقافة منذ (1958). كان عضو جبهة الاستقلال، وعضو اتحاد أدباء السودان. تولى منصب سكرتير تحرير جريدة النيل تولي منصب رئيس تحرير مجلة العامل تولي منصب رئيس تحرير مجلة الإذاعة من مؤسسي مجلة الخرطوم من مؤسسي مجلة الثقافة تولى منصب مدير النشر في مصلحة الثقافة أول من ادخل المدائح في جهازي الإذاعة والتلفزيون سجل برنامج أدب المدائح من سنة 1958 – 1989م تغنى له الفنان المرحوم / عثمان حسين ... فمن هو ؟ |
الشاعر هو قرشــي محمد حسن
شبارقة : خالص التحايا |
| الساعة الآن 05:39 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.