اقتباس:
المقدس صباح الخير شوف....لو دخلت ليك فى كل التفاصيل حيطول انتظارك... وخليل عثمان عليه الرحمة كان ذى نظر ثاقب وخير ممثل للرأسمالية الوطنية مصنع النسيج فى بداية السبعينات كان يشغل ثمانية عشرف الف عامل ومهندس يعملون فى ثلاثة ورديات ينتجون 120 مليون ياردة من الاقمشة تغطى كل احتياجات الجيش والشرطة والقطاعات الشعبية ... المادة الاولية الاساسية هى اقطان طوكر وجبال النوبة...عندما نادت جماعة زينكو بتأميم المصنع وقفنا لهم وقفة رجال واستطعنا ان نصد هجومهم ...للاسف كان هذا مجرد تايم اوت فقد عاودوا الهجمة مرة اخرى فى وقت لاحق واستطاعوا القضاء على المصنع كما يعلم الجميع |
كدى ما تفط وأقل من مهلك وما تختصر ولا تفتر .. كلها متعة ودروس نحتاجا عشان نجرد حساباتنا
يوم خليل عثمان جانا فى مكتب عبد اللطيف بدون مواعيد .. سلم علىّ زى البعرفنى وسألنى (عبد اللطيف وينو ده داير يجننى) .. أشرت ليهو على المكتب بدون تعليق .. لامن دخل أتلفت للسكرتيرة الهى هسة مرتى وقلت ليها (ده مجنون) قالت لى (ده خليل عثمان) :biggrin::biggrin: |
اقتباس:
غايتو حاول بِل راسك من هسه يامقدس:biggrin: اقول قولي هذا واستغفرالله لي...................... |
اقتباس:
اقتباس:
يا سلام يا أخ لما الواحد يلقى ليو (مخزن ذخيرة) .. ما تفهمني غلط ذخيرة معلوماتية زي سعادتك كده .. صدقني يا بروف في كل سطر من سطورك الممتعة بتحصل على معلومة لا يستهان بها وتكون first hand knowledge.. أو برجع بعقارب العمر أربعين كم وأربعين سنة لوراء .. ربي يكرمك دنيا وآخرة ويرحم والديك .. سلام وللمقدس كمان .. وزول الله ود أختك الظريف .. يلا .. مازلنا نتحرق شوقا لمواصلة السرد الرائع ... :cool: |
اقتباس:
يعنى يا مقدس خليل عثمان ما تعرفو ...وبناتنا السمحات تعرفو وكمان تجى تغازل...اه يا مفترئ...... ياخ السماح ... ونشارككم الاحزان فى هذه الجمعة الحزينة... جمعة ال Crucifixion of Jesus كما يقول جماعتكم .... بعدين يا اخى وقتها مصنع النسيج السودانى جمع الامة السودانية كلها ...كل الاجناس والقبائل: شمال, جنوب, غرب, شرق.... والطوائف والاديان: مسلمون, مسيحيون , ختمية, انصار.... وكل الاحزاب السياسية : حزب امة(ناس مرسى الضابط المتقاعد), واليسار(حسن التاج وحامد الانصارى زوج سعاد ابراهيم احمد) والاخوان(دفع الله الحاج يوسف) وعلى رأس الادارة ابراهيم منعم منصور.... البعرفو عدد كبير من اهلكم الاقباط بعد تفكيك المصنع هاجروا الى استراليا ...هل لديك اتصال بهم.... |
اقتباس:
شكرا لك الاخ ابوامانى وارجو الا تضخم من امكانيتى ...انا مجرد عجوز آخر من بين الآلآف الذين عايشوا تلك الاحداث... ربما يصمت البعض عن التحدث عنها... ولكل اسبابه....انا شخصيا ما فارقة معاى....وارجو ان تفهمنى....لا ادعى اى نوع من البطولة فيما اقول...فهناك ابطال يعرفهم الشعب السودانى خير معرفة...فليخلد اولئك الابطال فى ذاكرة شعبنا.... |
وتااااني قام جاب سيرة البحر ..!!!
اقتباس:
|
انا غايتو مستمتعة ومندهشة :like2:
وياسلام |
ألا يادامر المجذوب لأنت قرية بداوتها تبدو ولا أنت بندر
خرجنا قبيل الصبح منك وأنت فى غلالة ظلماء هل فيك من درو إلى جنة فى شاطئ النيل برزة تطالعنا الأمواه أيان ننظر أزاهيرها الحمراء مسدلة على عناقيدها والنخل فيها مذنر أقمنا بها حتى الضحى فى خميلة يطوف علينا بالقوارير كوثر وغنت لنا هيفاء تختال كيفما يحركها ناي’ وعود ومزهر’ شراعك ياملاح دعه تسر به إلى الملتقى ريح الصبا المنحدٍرٌ وغن على وقع المجاز يف أنها مع الموج عن شوق قديم تعبِرُ ودعها تناجينا بماءٍ رذاذه حصا بردٍ يهمى أو الدرُ نثرُ وطف حول هاتيك الجزيرة وأنحدر إلى الشاطئ الساجى حيث نشعرُ بأن تعالينا تسامت نفوسنا ورقت فلا نأسى ولا نتكدر ٌ ذهبنا وأذيال الظلام ندية ٌ وأٌبنا ووجه الكون ريًَان أزهر نرى الطير كالأضواء تبدو وتختفي وأشجى السنا ماكان يخفى ويظهر وان أمتع الركب الشراع بظله تغمدهم ظلُ من الروض ينثرٌ --------------------------------------------------------- اللهم ارحم الشاعر توفيق صالح جبريل.. ..... |
ورد عليه البروف عبدالله الطيب عليه الرحمة:
ولعل البروفيسر عبدالله الطيب رحمه الله المعروف بمحافظته ودعوته إلى عدم التأثر بقشور الحضارة الغربية هي التي دفعته إلى أن ينظم قصيدة رد على توفيق غيرة على أهله السادة المجاذيب أصحاب الطريقة الصوفية الشاذلية المعروفة مؤكدا فى قصيدته على أصالة الدامر وأهلها ومحافظتهم وتمسكهم بخلق الإسلام لذلك تراه يقول :- ألا إن توفيق بن جبريل هاجنى إلى الشعر منه بيت شعر محبَّرُ وتوفيق عندي شاعر ذو أصالة مجيد شديد الوجد عنه يعبِِرُ وذكرني أيام دامر قبلها زمان لنا فى جانب القاش أخضر زمان الصبا قضٌ وأهلك كلهم حضورٌ وإذا ريب الحواضر محضرٌ وقد علمو أنْ لو دعوك أحبتهم ولكنهم خافوا وقاموا وأدبروا عسي صاحبي يحنو علينا زماننا كما قد حنتْ فى سالف الدهر أعصرُ تذكرت ياخلى ليالي مبيتنا بتاكةََ إذ كنا بتاكة نسمُــــــــــــــــــــــــرٌُ وإذا عين توتيل رواءٌٌٌ وأهلنا هناك سواء غائبون وحضـــــــــــرُ وزرناكم فى بيتكم ذات مرة وكان هوي قلبي قطار مزمجر ألا يادامر المجذوب لأنت قرية بداوتها تبدو ولا أنت بندر ومضرها لو كان فيها من البدو مسة ومن حضر البلدان شكل ومنظر بل أن حقنا فوق ذلك كله ودوني خرطوم وبارا وبربرُ ويادامر المجذوب أنت مليحةُ تذكرتها يابعد ما أتذكـــــــــرٌ وفيك بنو المجذوب أبناء بيرق وأبناء عبدالله والفضل يذكرٌ وفيك جليس المصطفي كان دمعة من الشوق لما شامي يتحدرُّ وفيك عميد القوم لما أراده ينوب على ترك أبنه وهو أكبر تذكرت ياخلى ليالي مبيتنا بمسجدها والقوم باك وذكًّر وكان أبنى نورالدين نشوان صيٍتا وكان زميلي فى الدراسة أبجد وإذا داركم فيها السماحة والندى ووالدك الحير المديح يحبرُ هذه القصيدة للمرحوم البروفيسور عبدالله الطيب وهى منشورة في أواخر صفحات كتابه (من نافذة القطار ) الذي طبع في العام 1961م. |
اقتباس:
|
اقتباس:
ألا يادامر المجذوب لأنت قرية بداوتها تبدو ولا أنت بندر اخى العزيز ابوامانى طاب نهارك هذه هى الدامر....سحرت شاعرنا توفيق صالح جبريل فوصفها وصفا دقيقا اثار الناس على مر الايام... لكن مع ذلك اكاد اجزم انه لم يفهم كنه الدامر...وحتى جنة النيل تلك التى طاف عليهم فيها بالقوارير كوثر اظنها لا تمت للدامر... واقرب الظن انه قضى ليلته تلك عند ملتقى الاتبراوى بالنيل... فنشاطات كهذه لا اظنها قد تمت فى الدامر فى ذلك الزمان ... اقصى ما يمكن لضيوف الدامر من تجار الجمال الواردين لسوق السبت من اعالى الاتبراوى ان يفعلوه هو الذهاب للشقل الواقع فى مربع 8 فى اطراف المدينة الشرقية بعيدا عن النيل...وهناك بعد عبارين تلاتة وربما بعض جغيمات تنتعش الرؤوس وتبدأ المجادعة بالدوبيت لهذا جاء رد البروف عبدالله الطيب حاسما: ألا يادامر المجذوب لأنت قرية بداوتها تبدو ولا أنت بندر و ما ضرها لو كان فيها من البدو مسة ومن حضر البلدان شكل ومنظر .... هؤلاء الفطاحلة الجهابذة سلاطين الكلم اضف الى عليائهم ابن الدامر محمد المهدى المجزوب.... ولك انت يا صديقى مفترع انزلته هنا فى سودانيات منذ عدة سنوات اليك رابطه لو تذكر http://www.sudanyat.org/vb/showthread.php?t=10025 وهكذا هبطت انا على الدامر فى صيف 1956 وكنت كالعائد من ديار الغربة وليس بخالى الوفاض... هبط على هذا المكان الطاهر بناسه.... بناسه الصادقة مشاعرهم الكريمة خصالهم المفتوحة قلوبهم على الضيف...هبطت على اسرتى الصغيرة.... على امى التى لم اراها لعدة سنين ...على اخى وزوجه واطفاله... وكان بيتنا يقع فى قلب حى المجازيب...دخلوا علينا ودخلنا عليهم والكلفة مرفوعة كما هو الحال فى قريتنا الصغيرة التى تقع على بعد 150 كلم شمالا. |
عمنا وكبيرنا د. حسن فرح
تحية واحترام أول شئ متابعة ومتعة ما بعدها متعه من قراءتك هنا ،،، كتابة تُضيف الكثير من المعرفة ،، وكأنني الآن أتجول مع جيل خمسينيات القرن الماضي لحماً ودماً ، وكأني أُعيش تفاصيل ذلك الزمن ،، واصل اقتباس:
والليييييييييييييله ،، أنا بررررررررره :tongue: :tongue: هسي انا قلت حاجه ؟؟ :075: :075: اقتباس:
واصل يا دكتور فرح وما تشتغل بردي للعزيز أبو اماني ده كلو كلو ياخ :tongue: |
ربي يحفظك ذخرا لنا .. آمين
[quote=Hassan Farah;577442]----------------------------------------------------------
اقتباس:
تالله كم أنت مبدع ورائع يا بروف .. فلله درّك يا رجل .. وحقا لا يعرف قيمة الدرر إلا من أتقن وتكبد مشاق الغوص في عمق البحار .. واصل هدير أمواجك الصاخبات .. ولا تأبه لقاربي أو (لنش) الفنان الرائع ناصر يوسف أو بارجة العزيز النور يوسف أو غواصة السنجك عكود أو (تايتانيك) رأفت ميلاد .. أو (مركب) زول الله الما بتغرق ..لخـهم! .. لخاهم الربيع السوداني المنتظر إنشاء الله..! وواصل صخب موجك العالي فنحن سياح في كل المرافي..وفي حالة دائمة من ترقب مزارك الأنيق .. ولا تك كالشاعر إيليا أبو ماضي .. وتقول لنا .. لست أدري .. على بلاطة كده يا الحبيب بعترف ليك إنك عملت لي مشكلة مع أم فادي .. وأماني .. بقيت دخلتي البيت من المكتب قبال املص هدومي أو أغيير .. بقعد أفتح اللابتوب .. وينادوني للغداء .. اقول ما عايز عاد بقينا لجنس ده يا أخواني؟ يجازي محنّك يا بـروف؟ :cool: |
اقتباس:
الحبيب تكعيب الفنان الشامل ود يوسف .. كيفنك وكيف ناس بيتك وبناتك الثمحات ديل؟؟ والله مشتاقين .. بالله ما أوصيك على البروف الجميل ده .. أعصره عصر حجري عدييييل كده .. ! وماتنسى سانحة فريدة زي دي الزول بلقاها .. Once a blue moon لكم جميعا صادق محبتي .. :cool: |
| الساعة الآن 09:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.