اقتباس:
سموحة ما تزعلى طيبان بكون ما قرأ مداخلتك لانو المداخلات مشت بسرعة شديدة.... |
اقتباس:
القصد إنو الزول لامن يميل بيسند ضهرو على أهلو و عشيرته الأقربين ، ناس أنت و طيبان و أسامة حمزة عبد العظيم الطاهر .. الخ وطبعاً ماريل عشان بت مافي داعي تدخل في موضوع السندة دا :D:D:D ____________ ثم إنو يا طيبان أنا (في الحوش دا) ما بقدر أورد كل الشواهد البأكد بها صحة ما ذهبت إليه ، لكن اتمنى الاقيك في البلد و اشرح ليك ما استندت عليه ، والراجح عندي انك حتقتنع لو فتيتو أكتر من كده العكاكيز بتلحقني;) |
يا طيبان ليه التصنيف ده
كانك فرزت الكيمان... فى ناس فاهمة وواعية للبئية التى تناولناها وواعية لمضامين (حميد)ودلالات اشعاره... يعنى زى( كانديك )معقول نقفز فوق كلاموا ده؟؟ |
طيب يا أحمد طه، عفيناك من (الورود)، بس قول للناس ديل، انو بابكر عباس دا، خطير.
|
غايتو بعد مداخلة احمد طه القوية الشارحة لرقيص السرارة دي؛ قربت اقول الآن حصحص الحق:)
غير أنني كمتابع( ممكن يتكلوه وبي زعل كمان :) ) مازلت أعتقد أن الحديث الذي جرى على لسان ست الدار حين تحدثت عن طلبات (راشد) تناولت القرابة ؛ (مستصحباً مداخلة أزهري سيف الدين في رده على بابكر عباس) وليس مفهموم الاسترقاق. --- أشارك عبدالمنعم الطيب في خلع القبعة لأسامة معاوية في مداخلته رقم 164 |
بوست محضور محضور
سلام خاص لدكتور طيبان |
شكرا يا ماريل
انك حرضتي اسامة معاوية يمرق من (قبره) ^ــــــ^ |
اقتباس:
|
اقتباس:
في رأيي رسايل ست الدار هذه كلّها انبنت على تفكير ثوري طازج وملتهب، رافض لما حدث بعد 71 ، لم ينج كل النّص ولا الشخوص من إسقاط رأي حمّيد ،أسرة الزين ود حامد واضح جدّا انّها يساريّة ورافضة للوضع . الزين موظّف صغير بمصنع بالخرطوم ، قريب من العمّال وقدّامي ودا ظاهر في كل النص ، أطلق اسم راشد على ابنه البكر (راشد هو الاسم الحركي للشهيد عبد الخالق محجوب ، قطع شك ) . راشد طفل واعي وحاجاج جدّا ،نما في أسرة تستمع لرأي أولادها ورأيهم له اعتباره ، وراشد يدرك ذلك ،لذا يلح ويمنطق ليه ماداير المدّاحين ، قدّام ست الدار تقول (راشد كرّر ، شهر اتنين كان ما جيت أنا ما بتطهّر) هذا طفل معتد برأيه ومصر عليه ، ومافي زول يقدر يقهمو وللا يجبرو على ما لايريد . ست الدار ذاتا وعيها الثوري مؤكّد ، ماها ربّة منزل خاملة ، هي المسئولة عن تدبير البيت وما خارجه (العظمين الروكة انزرعن ) ، ومهتمة بالوضع السياسي بشكل واضح ورافضة للأمريكان (الله يصرف الصرفيكان ) وواعية بعمايل العمدة ،وبأهداف الخواجات ، لاحظ العداء بين الشيوعية والرأسماليّة في رمزية الخواجات هنا . ولكن في الوقت الفيهو الزين وست الدار مشغولين بماخلف الحدث (ديلا جماعة السي آي ايه ) تلقى ناس البلد (كسروا عليهم ) (عدمانين من اسم حكيم وللا ..الخ) ، و(عكفة يصفّق) مبهوراً بالخواجة . ست الدار أيضا مدركة لأحوال زوجها ومستبطنة شر صاحب المصنع الرأسمالي ومشفقة على العمّال ،(العزّابة الكحيانين ) وظنّها بأن صاحب البيت - الرأسمالي الصغير - قد يكون طردهم بسبب الإيجار لم تنس أن تضمّنه تساؤلاتها القلقة (سيد البيت عل ما زكّاكم ) ،وهكذا . بينات جعفر - لاحظ الراء في اسم جعفر مفخّمة ، ناسنا بينطقوهوا كدة - بينات جعفر والمحجوب طقّت حجّي العمدة طفاها ، المحجوب دا صاحب الزين ، يظهر عمق علاقته بالزين من خلال النص لاحقاً ، ( هل لاسم المحجوب رمزيّة هنا ؟ ) وبما انّو مختلف مع جعفر لدرجة طقّت حجّي بيناتهم ،بالإمكان التكهّن بسبب المشكلة بينهما ، محجوب رافض عمايل جعفر الزارد البيت بالخواجات - . (رمزيّة لجعفر نميري وميوله الرأسمالية بعد خلافه مع الإشتراكيين ..ربّما ).. ثم ملاحظة التراتبية في ذلك اليوم لما اتختّ الأكل : أول كفّوا الخواجات ،بعدو العمدة وصمد الساقي ....ويتوالى الهرم لنصل في سفحه إلى ( الشفّع والحرّوم) .. القصيدة كلّها يا أسامة - وأنت أعلم منّي بخباياها - لم تنج من الإسقاط ،اسقاط ذكي جدّا بحيث يمكن لزول من البلد يحفظ القصيدة دي صم من غير يدّيها أي بعد سياسي أو يعتبرا رمزيّة ،فالشخوص من صميم البلد والأحداث ليست غريبة ،راشد يا أسامة قاعد جوكر وليس شخصيتين ، طفل في البلد ،معطون بترابها وفنّها ورقصها ،عايش تفاصيل الحياة فيها كاملة ، ولكنّه في ذات الوقت دخري البيت ، مقرّب جدّا من أسرته وله وضع مميّز في الأسرة الكبيرة ( وعمّتو ..تحضر) ،وخزين مدخور للجسام من يوم سمايتو . __ واصل يا حبيب . |
سلامات يا سماح .
قعدتي تقولي شايقية لندن ، شايقية لندن ، لامن مرقتك من الجنّة وسقطها ، غايتو امسحيها في وش كانديك دا ،العفو يا صديقة ..تم تضمينك في اللستة :) |
اقتباس:
التصنيف دا أنا قصدت بيهو امكانية سماع الكلمة دي بي مدلولا المعيّن في المنطقة المعيّنة ، رأي كانديك أكيد ليهو اعتبارو الكبير عندي ، بس في مداخلة مرّت في البوست دا عن مدلول كلمة (سرّنا ) أظن عند الدناقلة والكلمة مدلولا غير القلناهو نحن ،قصدت أرص كل الممكن يكونوا استخدموها أو سمعوها في منطقة الشايقية تحديداً ،رأي كانديك مع انو مع رأينا غلبني أختّو في اللستة .عشان دخلة أحمد سليمان دي ،قلت للضمان أفزع ولاد البلد ، عملا بالمثل ( أبو القدح بيعرف محل يعضّي أخوه) .:) __ يا سماح وكانديك كان زعلتو ..يكون كويّس :) |
اقتباس:
|
اقتباس:
كان مشيتي لا قدّام بتلقي ست الدار دي راقدة رز في حكاية الشوق دي، أقري دي : بالي هناك والشوق الشوق .. خلّى شدير الجوف محروق راجي مطيرة الزين ود حامد دي حالة زولة مشتاقة بي حياء ؟؟ :) |
اقتباس:
2/ الجزئية بتاعة أن الشواهد التي تثبت سرارتك لا يمكن إيرادها هنا ... غير مقنعة مرة واحدة ... ومادامت غير قابلة للإيراد في العام دعونا فقط نجنبها تفكيرنا تجاه حميد (الغائب ... الحاضر دائما ) بحسبان أن ست الدار كانت عرضحال أو منشور سياسي لا يمكن أن يضمنه ما يفجره !!! لايمكن أن يلف حميد حول رسائله التي خلقت شهرته حزاما ناسفاً !!! قول شواهدك ... أو قول باص وتعال اقيف لينا جنب بابكر بي جاي :D |
اقتباس:
بس كمان الناس ديل (سماح)و(كانديك)عندهم شو و و و وية فهم فى الحتة دى فما حبيت انى احبطم عليه قمت (معلشت ليهم وكده) معلشت من(المصدر معليش)loooollooool |
| الساعة الآن 02:51 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.