مرحب يا حاتم
اقتباس:
اقتباس:
اقتباس:
عن سويسرا سمعت بأن "غرزة" النسيج عندهم دقيقة جداً .. وذلك غير النعومة والجمال يساعد المرأة فى التحكم فى إرتدائه لليونته .. وعرفت بقائه فى سويسرا دون سواها لكبر حجم المكنات وتعقيدها فأصبحت تحتاج خبرة خاصة .. إنتقل التجار الى مناطق الإنتاج جعلها عادة حتى الآن رغم تقدم التكنلوجيا .. ولكن تمرس السويسرين فى صناعة الثوب لم يتخطوا التصنيع الى التصميم .. كل تصميمات "الموضة" من ألوان ونقشات وما إلى ذلك يقوم به سوداننيون .. وبرغم شهرة التوب السويسرى لدينا يفجأ السويسريين عندما يعلمون إنه يُصنع لديهم .. اقتباس:
الطريف فى أول إغترابى كان كفيلى خارج البلاد .. إستخرجت إقامتى بواسطة "معقب" بطريقة تنقصها القانونية خوفاً من "الكشة" .. إستخرج لى إقامة مسلم لأنهم لا يتوقعون سودانى مسيحى .. عندما أخبرته وقد أصبح صديقى لاحقاً .. قال الغامدى .. "والله لو أعرف ما أستخرجتها ليك" :) .. رفض إرجاعها وفضلت معى سنة الى حين التجديد .. خلال هذه السنة كنت أرغب فى زيارة مكة .. سألت هل هى ممنوعة أم حرام .. لم أجد إجابة قاطعة ولم أذهب .. |
اقتباس:
دا بدل تقول لي ابشري يا بت اخوي التوب أرسلوا ليك بالدي اتش ال يلحق ليك باقي العيد الفيك اتعرفت :mad: دي اعلان تفليسة ساي قال بيت اهلك قال كلو الا كدا توب يفوت ولا نفوت احنا :D بالجنبة : الاسلام ما عايز دعوة وانت زول فاهم حاجات كتيرة وعموما حسي انا بقول ليك رايك شنو تسلم ؟ وان شاء الله ربنا يهديك ويهدينا جميعا دعوة للاسلام دايرة ليك بيها الخير وبس والله |
اقتباس:
شكراً على دعوتك الصالحة .. أراجع فتحى مسعد وأرجع ليك .. أشوف حاله قبل وبعد :D تحياتى |
الحبيب رأفت فتحي مسعد قرر الجلوس علي مقاعد المتفرجين عشان عندو ملف رأفت كامل حتي ما خفي عن الناس ودا طبعا من عدة مصادر من بينهم أمن الدولة:D
أفتكر تحفة حوة ما بالغت لامن طلبت توب لكن بالغت في حكاية الدي اتش ال عشان غالي وانا بقول ترسل ليها توبين وممكن تجيبهم معاك القاهرة وانا حأرسلهم بعد مصادرة واحد للمدام.. أما حكاية اسلامك دي انا ما شايفها ضرورية عشان شايفك أكثر اسلاما من الكثير من المسلمين وبعدين المسيحية لامن نزلت كانت بتخاطب المشركين مش اليهود والاسلام كذلك نزل ليخاطب عبدة الأصنام والمشركين مش المسيحيين والدليل علي ذلك هو السماح للمسلم بالزواج من الكتابية دون اجبارها علي ترك دينها وهو ما حدث مع أم المسلمين ماريا القبطية.. خلليك زي ما انت يامقدس فأنت من خير المسلمين فالمسلم هو من سلم الناس من لسانه وسلم مصيره للخالق القدير.. |
اقتباس:
ما دايرين نقلب البوست دعوة رأفت للاسلام لكن والله رأفت إضافة للاسلام و نصرة له .. فهو كما ذكرت مقدس .. و يسلم الناس من كل جوارحه .. بعدين يا خوى بهاء بجلالة قدرو ( رحمه الله ) كان (10%) انت طوالى عملتها (50%) .. والله ياهو !!!! .. يا زول جيب (3) تياب اتنين لتحفة وواحد لمدام فتحى مباشرة عشان ما يكون عندو حث الفشخرة .. رغم انو يستاهل كلو خير .. |
اقتباس:
ياباشمهندس السلام ليك وكل سنة والأسرة الكريمة بألف خير. وانت ما داير لأختنا قوت القلوب توب ولا شنو!! ياخ بالعكس أنا طلبت من رأفت يفضل زي ما هو لأني شايفو مسلم أكتر من كيزان السودان مجتمعين..وأتفق معاك في باقي كلامك.. |
بسم الله الرحمن الرحيم
أيها الكائن المنتدياتى ماذا تقول فى ( مريد ) قرأك من بضعة سطور؟؟ حينما تجنح الى طرفٍ قصى من الرؤية يجرك الى مركز الأحداث أدبُ جم وعندما تتنازعك الأفكار يعرف الحياء منك سبيله الى منتصف الدائرة فتعود أكثر شموخاً .. قلت لى ذات مرة اقتباس:
ماذا يتبقى فى نفس رأفت حين الخلاف ؟؟؟ ..................................... ثم ـ أم درمان هل خلق منها أبناءها أسطورة ؟؟ إن فاتك الإنتماء إليها فقد فاتك الكثير !!!!!!!!!!!!! من ناحيتى أحس بأن أبناء مدينتى ( أم درمان ومدنى) يتملكهم شئُ من الزهو بانتماءهم المكانى ـ مجرد إحساس !!!! أخيراً أنت رائع اللغة وجميل التواصل تحياتى للأسرة |
السوداني الأصم .. رأفت ميلاد ..
اقتباس:
أهلا بك أخي الحبيب للقلب والروح والنفس .. رأفت .. وأنت تحاكي زهرة يانعة محملة كئوسها بالرحيق العذب .. تتقاطر حولك الفراشات من كل حدب وصوب .. كل تريد أن تنهل من هذا الرحيق .. أثق بأن المساجلات معك .. أدبا يقطر إبداعا .. أبحر في يمك المتلاطم بحب يكنه لك الكل ولا تبخل بالرد على أضعف خلق الله كلهمو .. العبد لله تعالى .. لك معزتي .. ولكل الأدباء والعلماء الذين ينثرون رشيق مدادهم هنا معزتي الخالصة وحبي المتفرد .. goood تشاوووو goood |
اقتباس:
اقتباس:
بجيك بالدرب |
حبيبنا النور
أسعد الله أيامك .. شكراً لطيب كلماتك اقتباس:
أما عن الخلاف الذى تعنيه .. أكون كما ولدتنى أمى .. أفضل أعدائى من يكون أحمق منى .. أما الذين هم أفضل منى .. يجعلونى أندم على اليوم الولدتنى فيه أمى .. اقتباس:
أسهل أن تعيش فى أمدرمان بلا ضوضاء .. ولكنك وإن طال الزمن تجد نفسك غريب عنهم .. أما أهل مدنى لا يقبلوك .. ومع الزمن تصير منهم .. مجرد إنطباع .. بدون حيثيات مودتى |
اقتباس:
شكراً ياخ على النفاج والريح الحلو .. بس جبت لينا الكلام .. الحجة قرت كلامك ده .. قالت "الزول ده ماخد فيك مقلب" :( حرقتا ( وأنت تحاكي زهرة يانعة محملة كئوسها بالرحيق العذب ) .. لكن قصة ( تتقاطر حولك الفراشات من كل حدب وصوب ) دى حيرتنى والله .. الجن ثلاتة وقطعن وشهن .. أوع ناس فتحى ومعتصم ديل يكونوا فراشات :D:D إعلانك ما قوى ياخ .. شوف لينا شوية أيقونات تفرفشنا .. بدل الدايرين يهدونا ديل .. (بتشديد الدال) تقوم تحفة تاخد الكلام لنفسها :D:D شكراً ليك كتير |
تحايا حارة للجميع
جينا من الإجازة لقينا المنتدى باقي نور ما قدرت أقوم لمن كملت الخمستاشر صفحة مرة واحدة ويارأفت مدني دي موضوع مختلف ما فيها ده من وين ولا جنسو شنو ولا دينو شنو علاقات (حتى وقت قريب جداً) خالصة من كل شائبة شارعنا في ود أزرق يبدأ من بيوت "النقادى" وحتى جارنا ناتالي حتى دخلنا الثانوي حتى عرفنا إنو عبده وعادل مسيحيين مدني (مشروع الجزيرة) جمعت أطياف متباينة وألفت بينها بالله أحكي لينا عنها شوية حاشية: بالله الخال ده اغترب ليه 14 سنة بس وبعد ده ضارب الروري نحن شنط الحديد متكلينها في البلكونة من 1992 والملايات الفيها بقت رماد والأولاد دخلوا الجامعة ولسه مكانك سر خلينا نأمل إن بكرة يكون أحلى وياو ود سعد حكاك لذيذ وجنابو النور إن شاء الله يفي بي وعده ويفتح لينا بوست خاص لأنو التداعي ده في حد ذاتو توثيق لتجربة جيل وإرث وأمانة يجب تسليمها للأجيال القادمة وتعظيم سلام لأبو أماني |
[align=center]رافت يا منقة
طبعا مبارى البوست انا من اوله ويا خوى شايفك وشايف الناس شابكنك وشابكم مدنى والجزيرة وسويسرا وامدرمان دحين يا خوى ات الديم دا مالك مطنشه بالله شفتنتك دى ماشفتنة ديامة ؟ والله تشربو شايينا وتكسرو كبابينا ؟ ؟ تخريمة : قصة التوب وما التوب مع حاتم وتحفة حواء دا كان ممكن يكون مدخل يا رافت عشان تورينا علاقة حى المسالمة وبيع الفراد وفرصة لى عشان اسال برضو عن النقادة والاقباط ليه ديل نقادة فى امدرمان وديل اقباط فى بحرى والخرطوم ؟ ؟ انا لانى ديامى والديم عاشو فيهو كتير من الاقباط اعتدت معاشرتهم وصداقتهم والغريبة كان عندى زول منهم صحبى اسمه رافت برضو مهندس ميكانيكى وشاطر جدا ابوه الله يرحمه كان شغال فى ميتشل كوتس وبيتهم بالتحديد فى الزاوية الشمالية الغربية فى نهاية حى الزهور اى من الشارع الممتد من ميدان الاتحاد شمالا والذى بقسم الزهور الى نصفين متساويين ولكن كان ايضا مصيره الهجرة[/align] |
قصة التوب وما التوب مع حاتم وتحفة حواء
دا كان ممكن يكون مدخل يا رافت عشان تورينا علاقة حى المسالمة وبيع الفراد وفرصة لى عشان اسال برضو عن النقادة والاقباط ليه ديل نقادة فى امدرمان وديل اقباط فى بحرى والخرطوم بعد اذنك يارأفت أرد علي طارق في الحتة دي عشان أفتكر معلوماتي عن القبطة أكتر من الأقباط القشرة الزيك;) بالنسبة للفراد فمركز صناعة وبيع الفراد هي شندي وعشان المسالمة كان فيها عدد كبير من الأقباط كانوا النقادة وبالذات الفرع المسيحي منهم بيستعينو بأقاربهم الفي أمدرمان عشان يصرفوا ليهم بضاعتهم. طبعا انت فاهم أنا بقصد نقادة شندي.وبالمناسبة كلمة نقادي لا تعني قبطي..فنقادة بلدة صغيرة في صعيد مصر فيها الأقباط وفيها المسلمين وكلهم نقادة وبرضو بيشتهروا بالفسيخ ويصنعوهوا من سمك البوري والكاس والكلاب يسمونها ملوحة وهو الفسيخ السوداني لانعدام سمك البوري في السودان.. أفتكر دا بيوضح الفرق بين النقادة المتمركزين في امدرمان والأقباط المتمركزين في بحري في حلة حمد والأملاك والبقية في أجزاء الخرطوم المتفرقة..يعني باختصار قصر لقب نقادي علي الأقباط هو خطأ شايع.. |
اقتباس:
والله كفيت ووفيت ومادام جبت سيرة الفسيخ خلى رافت يورينا علاقته بالفسيخ شنو ؟ ؟ ولا هى علاقة زول بتاع جبادة بس ؟ ؟ مودتى يا جميل[/align] |
| الساعة الآن 05:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.