اقتباس:
لك التحية والود يا اخوي... وعليك الله من زي دي زي دي... وبجيييييييييييييييكم أنا صاد... لكم ودي كله بلا حدود... وللغالي ود بادي... أبو الحســـــــين... |
ودي خصيصا ليك يا ابو الحسين
حـــواء د. ودبادي كابى المقنع الجرجار على موية الوجه يا حوا كابيه وزازى الدمعة منك بى طريف التوب احزمى حشاك واكربيه خير ً ولى مو مدخور ، رزق الليلة داب الليلة والباكر تشابى وما بتجيبيه ويا حوا الوكت مرواح وزمنك راح امسكى ضرع شويهاتك احلبيه ليش ماك حامدة ليشن جاحدة والرزق العليك هطال شربتى التانى فوق بكريه محمود الغنى ومشكور غيارك فردة من نسج الكمالى وتانى توب جاراته بنغالى ومحمود الغنى ومشكور وعاجك فضة من دق وتبيد الغالى ومحمود الغنى ومشكور نارك موقدة ما عونك ملان مو خالى ومحمود الغنى ومشكور وابوزينوبة ناهض فيها مو الخملة عنقالى ومحمود الغنى ومشكور وأحمد قلتى نور عينيك مختَر فوق بطان الحلة خوجالى عصاية الصبينة المكسية بى جلد الندف والخامة سرهيته وسرج المرقة سنارى ومسمَر فوق سراة البانى سنكيتا وجزلانا مجنزر وطية رزماً من بطون الطينة مبحوته ولازم الفنجرة اتبشقت سبع خمسات تصل حاكت حجول المارقة من بيتا ومتلفح كساوى الساكوبيس صوبان وظهرة تقيلة تبرق سنو سوميته جيد يا جيت وجيدلك حوا بى جنس الجنا القارى وجيدلك حوا بالولد البعوم الشبكة سدارى متلك حقو لا تنضامى لا تنلامى لا تتضارى وانت ولدت للبلد البجيب راس العشارى عدلك هادو فى كُم الرجال أحمد يمين مقنع ولايا وفى دارة البنات زينوبة فرقت منهن فرقة كتيفها من الفداية عصارى الوردة فوق المشرع اب مسكا دفق روسن وقايا وسون قدلة الوز الرطن صباحى شاقات اب شراية تبين زينوبة حين تتوقى شعراً كاب بعد ما انساب على الخد المرايا عصارى الفزعة والفازعات يجن بكر تنايا ويات من تبقى حازمة التوب على النص القناية تبين زينوبة حين تتحزم الخصل الشرابهن صندل الناس الغنايا شن معنى الكسوف يا حوا والحزن البجيب ليك الشماتة وكنزك فى الكنوز زينوبة وأحمد كل يوم زيدين قراطين فوق تلاتة نجوم السعد فوق حجرك تباسم وانت شارفة ترمى فى ودع البخاته شتول الفرحة تتفتح قبال تتمد ليك الليد ومالاقية التفاتة اقطعى الزند البقودك من فلاة الخير على بلد الدراهم واقلبى الطوف إن كسح بك من جروف الخير على جزر المراهم يا ديار حوا المراقدك فى رويس عبدلة وينك يا المشاوير المشيتك يا المشارع السالكة وينك بالى فيكى إلا درب العيشة باعد بينى بينك يا لبينة المغربية النازلة من أطراف سعينك يا السرابة الحبلى كل الناس تعاين لى جنينك يا السبايك الساوى شيلك ولا طويرة الجنة تسكر من مدينك يا السواقى النايحة زيك زى حنان اماتنا فى حرقة حنينك يا بنية طرية طامرة كنوزا بى طرف الطريحة يا نسيمة رشة باردة تجينى ساعة اشيلك موية الصفيحة يا مليحة .. يا العقيد النام موسد راسه حبات السبيحه يا صباح الرحمة يا الروح البتلفى حوارها تمرق من ضريحها يا حزيمات القمح منشرة فى زمن الحصاد يا رياح الشتوى هابة على مساجين المشال بالفرحة والفرج القريب يا نزيل قمر التمام الحشو فى شيلتو السناجك والارابيب يا ولد نقرات تقيك الفى الحصاد عاقباها بعد المسرة نقرات الدليب . |
«®°·.¸.•°°·.¸¸.•°°·.¸.•°®»ودي خصيصا لعكود «®°·.¸.•°°·.¸¸.•°°·.¸.•°®»
هـــوى يـا وليـــد هوى يا وليد يا دلوعة يا مرنوعة أعدل إيدك المفدوعة واتلحلح واقيف دغرى وواس صدرك مع صدرى واتشدع ليك الحق شان ولدوك فى اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة كان نومك على الليدين غطاك بالشاش وفرشك بحرير الصين والبدورو كلو بتلقى غاب قوسين ابوك مليان وجيبو سمين وقلبو سمين وفاتحلك حساب فى البنك والتأمين وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين ومشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع سماك الباكى الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة (..........) الجعلى اب شرابا حار وقالوا بعدى يومو خنق والشايقى البياكل النار وفوق نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرق والبطحانى والشكرى وغيرهم من أهل فخرى ومنهم أصلى لا بشبع ولا بقنع .. هزى يا وليد حصل جربتا كب السارية فى القلعة وخلا العتمور وشفتا بروقه تتلقص وتتحرقص تقول مطويه فى قرقور وعاوى الزيفة بنفخ فى جبال النقعة زى الصور والحصحاص يجرفوا السيل يكنسوا على مهاوى الخور وقلب الصاقعة يتطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا حد المويه فى الغرغور ود اب نادم المسكين نجاتو تحت قرون التور والعوتيب عريش يجرى يشيلك وانتى ما بتدرى هوى يا وليد ... حصل سادرتا بالديداب وقدامك مراحك وراكب الخباب ودربك طولوا يملا العين سحاب وغبار ومويتو سراب وهوى كرجاك البكاى يبكى على ضهور الضمر الانجاب وتسرى الليل وما تضوق هجدة لو كان النجم ما غاب وبعد أيام تجيك لفته ويلوحلك فى البوادى سحاب وتكرف من دعاش العينة تملا رئاك عطر وأطياب تلقى الوادى خضر زى تقول ماكان خراب ويباب وبت ام ساق تقييل من ضحاها على المعالى ونسمة الهباب وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاصه ورعدا تقول رصاص وكت فركع هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطمبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم فى الصدور وتشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف فوق روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيها بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد هيجة الناس تفوت الحد وكان حجاز مد الليد بتسمع كع هوى يا وليد ... حصل شارفت دغشا بدرى فوق حجرة مخانق النيل فى سنة تساب والشر ق حزم القيف وطفح الكيل وشوفتا الهيبة فوق اسيادا والشخرى البكتل الحيل وشفتا الجارى يحفر فى سروف كوكبنا بس داير يشقو عديل بصدرو متحزم ومتلقف صفوف فى صفوف يحاكى الخيل ومو يتو الهايجة تبلع جب وتجقم فى مدالق السيل وفوق الرملة مشرور العشارى طويل معشعش بين نوايبو الطير وحليل جزايرو جاها النيل وحالف ما يخلى شبير حزم اطرافه يكسر فيها بالهدام وينحر فيها بالقرقير وبكرة يموصها يشرب طينها يزرع فيها شلالات هدير وهدير وتكسح مركب النواتى عايمى على قرون الموج جناحها كسير رواسيها مالى اصابعوا فى المجداف يقوم لافوق ويجى من تانى فوق الدفة رافع ايدو ينده فى جملة الصلاح واهل الخير هناك الموت يمين شافوهو شوف العين مافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير ومشت المركب الغرقان بين موجتين وطفروا منها النواتا قالوا اخير تماسيحاً يقالدوا الموج يصارعوا عتاوة العرق الكتالو مرير ساعة يعمو بالضرعات وساعة فوق صدور ضمة مااتبلت ولو قطير ديل يا وليد ولاد النيل رضو الهيجة من صدروا ومن الطيبة رضعوا كتير الواحد فعايلو كتر ونضمو دقاق نهرتوا تسوى الفاق ومر لا ضاقوه لا بنضاق كفاك يا وليد بلاش فاقات أنا تهتا فى الاشواق وما برجع وهسع ضمة لا شايفك ولا بسمع . |
Ab Gagado
Hatim Dayami Abu Al Hussain I'll come back to each of you on Saturday. This weekend I've a problem in my Arabic keyboard Dayami Thanks a milion for your remarkable efforts My best regards to you and to family Akoad |
احب هذا الرجل منذ سنوات طويلة ودائما احتفظ بصوته ضمن مكتبتي الصوتية ..
اكثر ما يطربني قصيدة الرثاء في الشاعر اسماعيل حسن ... وقصيدة حواء المليئة بالتصوير البديع .... لكم اول قصيدة افتتح بها اخونا عكود البوست : [rams]http://sudaniyat.net/upload/uploading/madl113.ra[/rams] للحفظ : http://sudaniyat.net/upload/uploading/madl113.ra .. . |
الحبائب جميعكم..
ياناس كاتلين الدجاجة بي جاي.. مافاتني كتير.. عكود أخوي.. تسلم يا رائع روعة البوست.. تسلم وانت تتحفنا بدرر عمنا ود بادي.. وياريت التسجيل العندي ده كان ماستر كان نزلت ليكم جميع القصائد الموجودة فيه الا وللاسف في التسجيل تسجيلات الكمال بكريمة تشبعت من أتربة وغبار كوامر وفوردكيهات مروي البنطون أشاقق معكم عرق النيل مع الوزين.. حميد.. |
اقتباس:
مرورك يشرّفنا وينوّرنا دائماً.. خلّيك متابع، فهناك الكثير من نظم هذا الجميل ما زال في الطريق، أما حروفك، فإنها تغرس وردة في بستان الحرف.. تُورِق.. تُزْهِر.. تعبُق.. فَنَشْتَم عبيرك.. وبعض ذاتك، فكُن معنا، مودّتي والتقدير، عكــود |
اقتباس:
ألف مرحب بيك..ولا تطوّل الغيبات.. جميل أن كان بوست ود بادي سبباً في تدفّق شلّال الذكريات.. فترة الدراسة الجامعية، عادة ما ترسخ ذكرياتها في الوجدان، وتكون هي الأقرب إلى القلب، أعتقد أن لو قامت ليلة شعرية لشاعر في قامة ود بادي في أي واحدة من الجامعات، لاكتسبت نفس القوّة والجمال، ولرسخت في وجدان حاضريها.. ود بادي (أمّاً وأباً) من عكوداب "سَلَوَه" نواحي شندي..والعكوداب فرع من الشايقية أصلهم في القرير وفروعهم في سلوه (ديار الجعلية)وود سلفاب (الجزيرة). الأخيرين منهم المرحوم مصطفى سيدأحمد. سنواصل في إيراد أشعاره ما استطعنا، وأملي في مساهمة الأخوان، تشكر على المداخلة الثرّة يا حاتم، عكــود |
عكودنا الرائع
هذا بلا شك توارد خواطر فقبل أيام قليلة جدا - تقريباً قبل يوم من إنزالك لهذا البوست - كنا مع صديق عزيز جاءنا فى زيارة نتبادل الونسة وجاء ذكر الشاعر الجميل ود بــادي و ذكــري أيام جميلة خلت إستعدناها . و تبالنــا ترديد مقاطــع ممـا جادت به ذاكرة كل منا من قصائده الرائعة كان ود بــادي كما تعرف يا عكود معجباً و مفتونــاً بشــعر أســتاذه و شــيخه إســماعيل حســـن، ســماعين و د حســن كما كان يعرف نفســه. وكان سماعين ود حد الزين - عليه رحمة الله - في ذلك الزمان الجميل يملأ الدنيا شعراً يفيض رقة و عذوبة، تغني به المغنون و ردده الناس في مجالســهم و أنســهم و له مع وردي خاصــة شأن كبير وإرث إبداعي عظيم . فقد أثمرت ثنائية إسماعيل حسن - محمد وردي عن روائع شتي ظلت تحتل مكانتها ضمن أجمل الأغنيات السوانية : أســفاي، خاف من الله، هجرة عصافير الخريف، و غيرها و غيرها قبل أن يعصف بهــا الخلاف و الإختلاف كان خصامهما الذي إمتد لفترة طويلـتة آنذاك كارثة أصابت الإبداع في أخصب موارده فأنقطع وحيه ، ولم تفلح محاولات إصلاح ذات البين وإعاده الصفاء بين المبدعين إسماعيل ووردي، إلا قبيل رحيل إسماعيل بأيــام قلائل. وكان ودبادي - علي صغر ســنه آنذاك مقارنة بالكبار الذي إشترك معهم - أحد مهندسي اللقاء الذي تم في منزل إسماعيل و الذي أسفر عن الصلح الكبير بينهما. كتب ود بادي بعد ذلك بأيــام و كان إسماعيل حسن قد فارق دنيانا، كتب يقول قلنا له بعد أن عا الصفاء و تم الصلح (هذه مناســبة لقصيدئة جديدة يلحنها وردي و تعلنان بهـا عن عودة التعاون بينكما فقال لنا و هو يبتسم ولو حنيت لعه الشوق أجيب من وين عمر تاني؟ ) و فعلاً رحل أسماعيل حسن قبل أن يستأنق مسلسل الإباع مع وري و بكاه كل معجبي شعره، و علي رأســهم ود بــاي الذي كتب فيه مرثيــة تعد من أروع ما كتب الشعراء السودانيون في الرثــاء - كما أشَر إليها عمك تنقو في مداخلته - فيا عكود ... هلا أتحفتنا بها : أرمي الدمعة فوق الدمعتين يا عين .. و بعد الليلة حابســاها الدموع لي مين ؟؟؟ أبحث عنها ولن تفشــل في الحصول عليها لك الود كله : |
ود بــادي و سماعين حســــن
عكودنا الرائع
هذا بلا شك توارد خواطر فقبل أيام قليلة جدا - تقريباً قبل يوم من إنزالك لهذا البوست - كنا مع صديق عزيز جاءنا فى زيارة نتبادل الونسة وجاء ذكر الشاعر الجميل ود بــادي و ذكــري أيام جميلة خلت إستعدناها . و تبالنــا ترديد مقاطــع ممـا جادت به ذاكرة كل منا من قصائده الرائعة كان ود بــادي كما تعرف يا عكود معجباً و مفتونــاً بشــعر أســتاذه و شــيخه إســماعيل حســـن، ســماعين و د حســن كما كان يعرف نفســه. وكان سماعين ود حد الزين - عليه رحمة الله - في ذلك الزمان الجميل يملأ الدنيا شعراً يفيض رقة و عذوبة، تغني به المغنون و ردده الناس في مجالســهم و أنســهم و له مع وردي خاصــة شأن كبير وإرث إبداعي عظيم . فقد أثمرت ثنائية إسماعيل حسن - محمد وردي عن روائع شتي ظلت تحتل مكانتها ضمن أجمل الأغنيات السوانية : أســفاي، خاف من الله، هجرة عصافير الخريف، و غيرها و غيرها قبل أن يعصف بهــا الخلاف و الإختلاف كان خصامهما الذي إمتد لفترة طويلـتة آنذاك كارثة أصابت الإبداع في أخصب موارده فأنقطع وحيه ، ولم تفلح محاولات إصلاح ذات البين وإعاده الصفاء بين المبدعين إسماعيل ووردي، إلا قبيل رحيل إسماعيل بأيــام قلائل. وكان ودبادي - علي صغر ســنه آنذاك مقارنة بالكبار الذي إشترك معهم - أحد مهندسي اللقاء الذي تم في منزل إسماعيل و الذي أسفر عن الصلح الكبير بينهما. كتب ود بادي بعد ذلك بأيــام و كان إسماعيل حسن قد فارق دنيانا، كتب يقول قلنا له بعد أن عا الصفاء و تم الصلح (هذه مناســبة لقصيدئة جديدة يلحنها وردي و تعلنان بهـا عن عودة التعاون بينكما فقال لنا و هو يبتسم ولو حنيت لعه الشوق أجيب من وين عمر تاني؟ ) و فعلاً رحل أسماعيل حسن قبل أن يستأنق مسلسل الإباع مع وري و بكاه كل معجبي شعره، و علي رأســهم ود بــاي الذي كتب فيه مرثيــة تعد من أروع ما كتب الشعراء السودانيون في الرثــاء - كما أشَر إليها عمك تنقو في مداخلته - فيا عكود ... هلا أتحفتنا بها : أرمي الدمعة فوق الدمعتين يا عين .. و بعد الليلة حابســاها الدموع لي مين ؟؟؟ أبحث عنها ولن تفشــل في الحصول عليها لك الود كله : |
العزيز ديّامي،
عاجز عن الشكر والله.. مشاركتك أعطت البوست قوّته..نكهته وجماله، فقد أوردت أجمل أشعار ود بادي اقتباس:
وكانوا بموتوا في شان حرمة المفزوع، واصل يا صلاح، الله يديك العافية، عكــود |
اقتباس:
في إنتظارك وإنتظار الغنايم من ود العبّاس.. لا تجينا فاضي، عكــود |
اقتباس:
الرثاء هو أصدق الشعر.. أقوى ما قيل من شعر، يدخل في باب الرثاء.. أتّفق معك في قوّة معاني مرثية سُماعين ود حسن، وقد إتفق الأيّوبي معنا أيضاً.. من جانبي سأسعى جاهداً للحصول عليها كاملة، فما عندي لا يعدو أن يكون بقايا ذاكرة صارت تخطئ أكثر من أن تصيب، ومن جانبك، طلّع المتكّن في مكتبتك الصوتية من أشعار هذا الفتى الأسمر الجميل، ديّامي ما قصّر أبداً وأورد قصيدة حواء، لك المعزّة، عكــود |
اقتباس:
تسلم على الشعور الطيّب وتمنياتك بإنزال التسجيل المعاك.. لكن عليك الله "فوردكيهات" دي يفهموها ليك كيفن؟ إنت قايل نفسك منبطح فوق قيزان الحليلي؟ خليك مشاقق معانا، عكــود |
الجميل خالد الأيّوبي،
شايف توارد الخواطر ده كيف؟ لأنكم دائماً في البال ولأنو يبدو إنو فيك "صَلَاح"، إضافتك الشحمانة جعلت البوست كامل الدسم، بإيرادك لسيرة إسماعيل حسن ومحمد وردي، نهرا الإبداع.. كما وعدت تنقو، سأسعى للحصول على المرثيّة من ود بادي، وإنزالها..كما سأحصل على إبداعه الحديث، تشكر على المرور، عكــود |
| الساعة الآن 05:42 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.