ناصر يوسف
لك التحية لا رد عليك انت الذي ادخلتنا في هذه المتاهة ورسمت لي صورة بعيدة عن الحقيقة . أسه تجي مشكلة دية ولا حرابة نتكاتل يقوموا يقولوا ناصر وسارة ما قالوا . لك التحية |
العزيزة سارة
انت يا اختي بعد ما عرفت سياد البلد وعملت ليك اتصالات مع المسعولين تاني ما عندك كلام معاي انا . |
خالد الحاج
والله يا خالد ما كان المحرية فيك ! تبيعني لي حسين خوجلي وتتبرا مني ؟ حسين كذب قال كان بيقعد في قهوة شديد ؟ والله حسين خوجلي ما كان يقدر يمر قدام شارع قهوة شديد . نتذكر في جولتنا مع سارة وناصر وكنت كل الوكت اذكركم خاصة ناصر وأقول ليه كيف حسين خوجلي يتجرأ ويكذب في التلفزيون ويقول للشعب السوداني : أوروبا زراعتها معطوبة وطمعانة في السودان ؟ وأي شبر في أوروربا مغطي بزراعة السمن النباتي والشوفان ، الشعير، القمح ، والذرة الشامية والثروة الحيوانية . وحسين يكذب ويعمل غسيل مخ للشعب السوداني ؟ وانت يا خالد الحاج الفيك اتعرفت . |
العزيز فيصل سعد كما كتبت من قبل أنت حادي هذه القافلة في سودانيات . فيا فيصل يا أخي عادة في كل مجموعة بشرية هنالك من يتعب أكثر ويضحي أكثر ويرتاح أقل من الآخرين. أسه في كل بيت سوداني مش في واحد أو إتنين بيكونوا شايلبين الحمل ؟ لك التحية والود |
سبحان الله حصل موقف ياعم شوقى ضحكت لحد ماالناس اتعقدو منى بس رجعت واعتزرت
بانو اتذكرت موقف .. عارف جيت لقيت سيد الدكان الجمبنا ، جاب اهلو من البلد ونزلهم عندنا فى البيت وكانو 7 من راجل لى مرة ، وهم جو مع زول مريض المستشفى ، وبالجد انتشروا فى البيت بصورة كانو ليهم سنوات ، فيهو ..ومازالو ينتظرون نهاية العلاج :D حقيقه نحن شعب طيب جدا والموقف ده انا بتحدا اى دولة لو مر فيها زيو وبنفس التلقائية والاريحية !! ____________ عمى شوقى ممكن اشكى ليك من زول هنا :o؟؟ |
اقتباس:
شوقى دا اخير ما تشتكى ليهو الزول دا طلع لا بشاكل لا بينهر ولا حتى بعرف يصر وجهو بس رباطابى على السكين علا حسين خوجلى اتلوم يا شوقىlooool وخالد الحاج خوة شوايقة واجرك على الله قال يكتلو شوقى قال مالك يا خالد ما شفت اصحاب شوقىgooodgoood |
عم شوقي ازيك يقال والعهدة على الراوي إن صاحب قهوة شديد أحضر شخصاً ليدق له البن.. ضربه والتانية الفندك انفقش نصين.. فناداه عمك وسأله فطرت؟. فأجاب العامل: (لا).. فأعطاه شلناً وقال له: أمشي أفطر وتعال هد فينا القهوة دي. |
عم شوقي كتاباتك بترم العضم وتروي الجوف
انا من سنين متابعه كل البتكتبه كان هنا ولا في س اونلاين لانك بتشبه امدرمان العتيقه و حبيبه دمت ودامت حروفك انيقه واصيله كيمان من الود |
عمو شوقي
تحياتي بدون حدود انت زول جميل بكل المقاييس وهذا التواضع يزيدك جمال رغم الصلعه goood غايتو بس نقعد نتعلم منكم هنا و في حكايات اسي انت و ولدك كان خليتو للمره دي طعميات الله كان بكتلكم ناقصين عمر |
عندما تأتي امطار الخير ستنبت الاخلاق السودانية وتظهر بنفس الروعة القديمة
شكراً العم أيرنست همنجواي للإمتاع مقالك ده في عضمتو كان قروهوا عالم تانين بعتبروك خيالك واسع بس |
ما نخلي الضعيف
في الحارة إلا نضافروا وما نجامل دجـل طوّل عليـنا أضـافرو وما نشرك نظام للشـعب إرهاب ضافروا إلا نعافرو ... ندفنـو في الفريق الحـافرو ما دايرين على الواجـب ثواب وعفارم وما كايسـين على حُـب المبادئ مغانم ما بنخاف وعيد في الحق و نخشى الظالم الجسـم إنْ سِلِمْ من السـنين ما سـالم هكذا تحدث الاحرار يوما، ولكن لم يستبان النصح، و مرت الصباحات و الاماسي مرور الكرام .. و سدرت الليالي في غيها .. و التحايا للجميع .. |
| الساعة الآن 11:22 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.