تحيات طيبات لرشا والجميع
اقتباس:
اقتباس:
* وإذا إفترضنا أن الرجال أصبحوا أكثر مسئولية إتجاه غرائزهم فذلك في تقديري بفعل الموجهات الدينية التي توفرت لهم والتي قدمت التعدد كحل بديل بالإضافة لغض البصر والصوم ومحاولات مجاهدة النفس وغيرها..ولا أريد التعمق في تقديم مسوغات دينية لأن القناعة بها نسبية وتختلف من فرد لآخر. اقتباس:
*البحث الذي إستدليت به أتى من خلال إستبيانات لأعداد كبيرة من الرجال والنساء وعكس الأختلاف في طبيعتهم الجنسية. * نعم ..أُستخدم الختان كآلية دعيني أسميها (غبية) من قبل المجتمع الذكوري لمحاولة كبح الرغبات الجنسية لدى الإناث الئي يغيب عنهن أزواجهن لفترات طويلة بسبب الحروب (حسب معلوماتي) وإمتدت تلك العادة المتخلفة عبر بعض المجتمعات ..وهذا لا يدعم إفتراضك ولا يعفي المجتمع الذكوري من جرائمه في حق المرأة ورغباتها الطبيعية . *إستخدامك لكلمة (جامحات) في حد ذاتها تعكس إنطباعك بشذوذ هذه المجموعة عن المألوف. وكل باب نفتحو..يفتح ألف باب:p ياستي كوني بخير..ويستمر الحوار * جنابو الطيب..حأعرج عليك..أرجاني looool |
اقتباس:
بالنسبة لسؤالك هل تعدد الزوجات يمنع الوقوع في الحرام؟كثيرمن المصادر الاسلامية قالت بذلك ولقدأخذت الامام الغذالي نموذجافي مداخلة سابقة،،وبالنسبة لي أنافقدطرحت السؤال بشكل مختلف(يمكنك الرجوع الي مداخلتي مع الطيب بشير) فأنالايهمني هل يمنع من الحرام أم لا مايهمني هوالنظرة الأحادية،المرأة مغفلة تمامافي تلك الحلول والموانع ، أماحديثك عن المجتمع الجاهلي وتساؤلك كيف أصبح الرجال أكثر مسأولية تجاه غرائذهم ،فقدقلت أن الحياة الجنسية كانت معقدة جدا،ومنفتحة(يعني مافي قيم عديل) وكانت هنالك طرق وبدائل كثيرة للتعاطي الجنسي (الجواري للرجل وتعدد الأزواج للمرأة)،،وجاء الاسلام ووضع نظاما لتلك الفوضي فكان تعددالزوجات كتشريع متدرج(تعويض يعني). أمافي مايخص نصر أبوذيد لقدأتيتي علي الجرح تماما أخت نور،،بالله عليك كيف طاوعك قلبك لتقولي ذلك علي رجل مثل نصر..لن أقول لكي من هو نصر ولكن سأهديك موضوعا كنت قدكتبته العام الماضي أيام وفاته،،،،أنامتأكدة ياأخت نور لوأنك فقط اطلعت علي انتاجه من الكتب القيمة لن تقولي ماقلتيه،،،لاعليك ياأختاه فالذنب ذنب من يغتالون الفكر ويختذلون الآخرفي مجردكافر،،،تحياتي |
تحياتي ياجنابو الطيب
وشاكرين أن شاركتنا تجربتك الشخصية التي لا نملك إلا أن نحترمها.. في الحقيقة جدلية الخيانة الزوجية محيرة ومستفزة لكل مراقب، فواقع الحال الذي يعكس أن هذه الظاهرة منتشرة بنسبة عالية في أغلب المجتمعات..وبعيداً عن الأسباب أتفق معك أن إباحة التعدد التي يقدمها الدين الإسلامي تقي من فخ الخيانة وسوءاته.. يبقى أن التحفظ الوحيد لي على مداخلتيك الإثنتين هما هذه العبارة اقتباس:
فهذه الجملة تظل مستفزة لكل أنثى :p فلنقل (في أحيان كثيرة.. إمرأة واحدة لا تكفي) وليس دائماً سيدي الفاضل..تظل مسألة ربط حياة شخصين مختلفين ودمجهما وتآلفهما مسألة بالغة التعقيد وهذا ما تقدمه المؤسسة الزوجية، كلا الطرفين يحاولان to do thier best لإرضاء بعضهما..وغالبا ما تُخلق تلك الفجوات..(ليس جنسيا فقط)..بعضها يكون صغيرا وتمضي معه الحياة..وبعضها قد يُرقع بالخيانة..بالزواج مرة أخرى..بالطلاق.. كلنا نستحق الحب..وحياة جيدة.. ويظل التعدد مؤلما للأنثى.. ويظل خيارا ليس الأفضل للأنثى..ولكنه مقبول غايتو بس.. بختكم looool |
اقتباس:
اما قولك عن المجتمع الجاهلي بانه ليس لديه قيم فهو قول مجافي للحقيقة فهو مجتمع كاي مجتمع اخر علي مر العصور فيه الطالح والصالح والمجتمع الجاهلي لديه قيم ومثل يحميها ويعلي من شأنها والاسلام عندما اتي ركز علي تلك القيم الموجودة اصلا وقواها وحارب ماعاداها من مفاسد وليس كل رجل قبل الاسلام متعدد العلاقات وغارق في الحرام وليست المرأة كذلك. لا ادري يارشا من اين اتتك الفكرة باني امعة اتبع من يقول ان فلان كافر او غير كافر مع ملاحظة اني لم اورد تلك الكلمة علي لساني قط ومن اني لم ابني رائي في نصر ابوزيد بناء علي ماقرأته له وبناء علي افكار هو لم يستحي من طرحها ونقاشها. |
والله لكن ... :rolleyes: حِكمتو باااااااالغه
نقاش زي ده هو نقاش كويس لكن كدي دقيقه بس يا رشا يا كحيل يعني بالعربي المُشربَح ده .. إنتي عاوزه تقولي .. لو في زول متزوج ليه زوجتين أو واحده أو تلاته أو أربعه ... من حق زوجاته ديل يعاشرني أنا ويعاشرن غيري من الرجال .. كأزواج ليهن برضو ولا كِكييييف الكلام ده ؟؟؟ ما عاوز أقول ليك يا زوله أرعي بي قيدك وتقولي أهو شرقية الرجل وإستعلائه .. نو ... آند تاني كمان نو إتِززززز .. نُوت .. الإسلام ذكر حكاية فمثني وثلاث ورباع دي كحق أوجبه للرجل ... ووحااااات الله ومن زمن حصة الدين الفي الإبتدائي ديك ولغاية هسي يا بت العم يا رشا ... ما أدونا ولا قالوا لينا .. وحظ الأنثي كمثل حظ الرجل ... ياخي حتي في الميراث ده قالوا لينا حظ الرجل كحظ الأغنثتين .. ولا شنو داك ماني خابرو فشنووووووووووو إن فهمتك زي ما فهمتك .. فيبقي أنا منتظر قول الدين في المسعلة دي يا أختي الكريمه رشا ... وبس .... ناقشتك بأسلوب الزول العادي لأني فعلاً زول عادي ... هي نسيت .. دقيقه بس ــــــــــ أنا شخصياً زوله واحده بتكفيني .. زوجه وحبيبه وصديقه وأم للبنيات والعيال ومديرة بيت و حتي في المفهوم الجنسي داك ... زوجة وااحدة عندي تكفي .. الشئ شنو ... إن ما شبعت عندها نان التُرابه دي في خشمي (كيتاً في صاحبي الطيب بشير) لووووول أنا في الإنتظار ... النعمنو كدي الموضوع ده موضوع خطير وعاوز ليه وقفه والزول لازم يحتل هني ده في شان يستفيد وكدي أها فُتِك بعافيه .. أخوك الما ود أمك وأبوك ناصر يوسف |
أنا شخصياً زوله واحده بتكفيني .. زوجه وحبيبه وصديقه وأم للبنيات والعيال ومديرة بيت و حتي في المفهوم الجنسي داك ... زوجة وااحدة عندي تكفي .. الشئ شنو ... إن ما شبعت عندها نان التُرابه دي في خشمي (كيتاً في صاحبي الطيب بشير) لووووول
أنا في الإنتظار ... النعمنو كدي الموضوع ده موضوع خطير وعاوز ليه وقفه والزول لازم يحتل هني ده في شان يستفيد وكدي أها فُتِك بعافيه .. أخوك الما ود أمك وأبوك ناصر يوسف[/SIZE][/COLOR][/QUOTE] والله ياناصر بختها ام رحيق تنوم غريرة العين وفي بطنها لوري بطيخ صيفي بعد كلامك دا. |
كدي النسعلك سعال جادي جداً ...
قالوا بإنو الإنسان يوم القيامه لما ينادوه بينادوه بي إسم أمو ؟؟ صحي ؟؟؟ أهااااااااا ليييه بنادوه بي إسم أمو وما بإسم أبوه ؟؟؟ سُعال جادي والله |
اقتباس:
سلام يا رشا والمُتداخلين من يستندون الى انَّ الاصل في الدين التعدد (وهم عادة رجال) يجدون من الأسباب مالا يعد ولا يحصى لتاكيد هذه النقطة.. لمن يستند الى النصوص الدينية بصورة عامة وتفاسيرها التي في بعضٍ منها فُصِلت على جلباب الرجل، اقول ان العقل الذي ذكره رب العالمين في القران الكريم في غالبية آيات التشريع يدعونا الى النظر برؤية جديدة لهذه التفاسير.. اما فيما اثرته من تساؤل فان واقع الحال في كثيرٍ من الاحوال يقول انّ من لجأ للتعدد والزواج بالثانية واحياناً بالثالثة والرابعة، كان له من الأسباب واهيها واستند ليقوي حجته على ان التعدد اصلٌ في الدين (وياها الحجة الواهية انو ده شرع الله ورسوله).. كثيرون يا عزيزتي (الا قليل منهم) تزوجوا بالثانية لإرضاء شهوات ليس الا.. بعضهم فعلها بحثاً عما لم يجده في الاولى.. والكثيرون (ياللشماتة) لم يجدوا ما بحثوا عنه.. نقطة أخيرة، وهذه كانت بمثابة الصدمة.. رأيت بامِ عيني زوجاتٍ لكبار رجالات المجتمع في سودان القيم والأخلاق يتبارين في اغواء الشباب بالهدايا غالية الثمن ومعسول الكلام .. في مقابل جسد هذا الشاب.. حتى ان لها اسماً هذا الظاهرة، يسمونها ال (new look) |
اقتباس:
أختي الــ (كريمه) نور.. هسي أقول الــ ( حبيبه) يجو ناس بابكر عباس ينطو لي فوق حلقوم كي بوردي ده ... looool تحية واحترام تعرفي انا لو كنت زول عويناتي ديل زايغات ... كان من الأول قلت لي بت الناس دي قبل الزواج : هوي يا بت الناس أسمعيني النحدثك سمِح ... أنا القدامك ده ... إنتي براكي ما بتكفيني ... فشنو ختي في بالك بإنو حيجي يوم وتلقي ليك زوله تانية تشاركك فيني وتالته ورابعه وربما تتوالي المتواليات في الزواج ... وشئ زواج مسيار وزواج منفعه وزواج زواج وشنو شنو داك ... علي قول زول صاحباً لي أول ما مشي مع أسرته وإتقدموا لزوجته الحاليه وهم كلهم الأسرتين مجتمعين قال لبت الناس: كدي أسمعيني هنا ده يا بت العم وقدام أهلك وأهلي ديل ... أنا زول عولاق ساكت .. زول جايط وملخبط إنتي الحتساعديني أتوزِن وأتوازن .. أنا زول بشاكل ضُلي وبسف الصعوط وبسن الديــــ ( .... ) ذاتو .. ومن هسي دي ما عاوز لا أمك دي ولا أمي دي ولا حتي أبوك وأبوي ديل يدخلوا بيناتنا في أيتها مشكلة ... ولااااازم تحصل بيناتنا مشاكل ... عجبك كلامي ده عجبك ... علي بركه الله نتم زواجنا ده ... ما عجبك كمان .. برضو مافي أيتها مشكلة نقوم نتوكل علي الحي الدايم ونتراوح أنا وأهلي ديل بيتنا ونشوف لو ألقي لي زوله تانية ترضي بي ... أه قلتي شنو ؟؟ لوووووووووول COLOR] أنا ما ضد إنو الناس تتزوج إتنين أو تلاته ... كل إنسان وبي فهمو هو ... لكن عن نفسي أنا حقييييييييييقي ,,, زوجه وااااحدة تكفيني .. كدي خلونا نعيش حياتنا بالمودة والرحمة والقالها ربنا سبحانه وتعالي في محكم تنزيله القرآن الكريم .. وتب ما بتجيني عوجه وربنا هو الحافظ ... والمسألة ما مسألة جِنس فقط ... المسألة مسألة حياة متكامله ... فيها الكتير والكتير جداً وقوام هذه الحياة ( المودة والرحمة) ولا شنو بالله ؟؟ |
.
أهلين بالغالية سماح كم أسعدتني مداخلتك، رغم [OVERLINE]أرجاني[/OVERLINE] التهديدية، و كم أراحني هذا الإتفاق أدناه اقتباس:
أعجبني كذلك الإستطراد في أن إمرأة واحدة لا تكفي (في كثير من الأحيان، أو في بعض الأحيان) ياخ دة فهم شديد الرقي..و أنا، من هذا المنبثق، و من ذاك المنطلق، :D أتفق معك جدآ في أن المفروض أن يعيش الواحد مع واحدة، و تكون "ست النفر" سيدة واحدة لنفر واحد و خلاث...ما أوردته هو مشاهدات واقعية..معظم أسماء المشاهير فيها متاحة للميديا..و كل تركيزي على أن حاجة الرجل للأخرى قديمة و تتفق فيها كل الحضارات، أو لنقل أكثر تلك الحضارات، و حتى في مسألة الجنس سمعنا منذ الأزل بالغانيات و بائعات الهوى، لكن لم نسمع، في المقابل، عن بائعي الهوى!! و حتى الذين يفعلون ذلك حديثآ في إطارات محدودة New look مثلآ و بعض "ظواهر" مشابهة في الغرب لا تخرج ممارساتهن من "الجموح" الذي ورد في مداخلة رشا صاحبة الورقة الأساسية.. و راجيكم أجمعين.. . . |
( المودة والرحمة)[/SIZE][/COLOR]
ولا شنو بالله ؟؟ [/QUOTE] دا كلام صاح شديد |
* وإذا إفترضنا أن الرجال أصبحوا أكثر مسئولية إتجاه غرائزهم فذلك في تقديري بفعل الموجهات الدينية التي توفرت لهم والتي قدمت التعدد كحل بديل بالإضافة لغض البصر والصوم ومحاولات مجاهدة النفس وغيرها..ولا أريد التعمق في تقديم مسوغات دينية لأن القناعة بها نسبية وتختلف من فرد لآخر.
العزيزة سماح تحياتي تاني رجعت وقريت كلامك الفوق دا وانا اثني عليه كثيرا , واضيف عليه مثال بسيط الدين المسيحي حرم الزنا ومنع التعدد ومع ذلك بتجدي مسحيين ملتزمين بهذا المنع ولم يقعوا في ماحرمه دينهم وانا اجد التعميم في مثل هذه المواضيع يضر كثيرا كل حالة لها ظروفها وملاباساتها. |
اقتباس:
بخصوص الدين فقد مهدت من البداية بأن هنالك دعوات لتجديد التراث الاسلامي في تشريعات كثيرة تأسيسا لمبدأ تقديم العقل علي النقل(يعني الخطاب الالهي هوخطاب بشري للبشر ومادام أنه بشري فهو خاضع لشروط زمانية ومكانية تتغير)،، فاذاكنت ترفض المبدأمن أصله فهذا شئ اخرستجداجابته عندالترابي ... افادة:القانون التونسي يمنع تعددالزوجات ،والتوانسة مسلمين علي ماأظن افادة ثانية:تونس تحتل مراكزمتقدمة جدافي مسائل الديمقراطية وحقوق المرأة . |
ياهو دا عمارك..دايرة تجيبي لي كل زول فينا ضرة..قوموا عليها يارجال قومة رجل واحد وارجموها..طيارة عين نسوان ساكت وخيابة رجال خرنجات علي قول عادل امام;);)
|
الطيب البشير متجوّز ..( من جوز نساء) ..
ناصر بتاع لخبطة .. الموضوع/العنوان الاصلى ضاع .. يعنى بنتى عاوزة تتزوج اكتب فى القسيمة ..ممنوع الدبل .. قلنا ليكن ( تعدد الزوجة ) يغنى عن ( تعدد الزوجات ) .. |
| الساعة الآن 05:12 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.