ساحة جامع الهجرة بودنباوي تمتلئ بالمصلين و ترقب قوي الاعداد غفيرة و الجامع ممتلئ و الساحة بدأت تمتلئ بالمصلين

اوردت قناة الجزيرة قبل قليل خبر حصار قوات الامن والشرطة للمساجد
بالعاصمة والولايات تحسبا للمظاهرات التي دعا لها بعض الناشطين عبر
عبر مواقع التواصل الاجتماعي وسميت بالدارجية السودانية جمعة لحس الكوع .
وقدذكر علي راس الولايات التي استعدت ولاياة النيل الازرق ممثلة في
مدينة القضارف التي تاهب الناس فيها للخروج وتدافعوا للمساجد للخروج
ضد الحكومة وسياستها الاقتصادي

و الشارع هدر دوّى الهتاف جبخانة
ياساكن القصر الليلة شوفلك خانة
ما بينفع رقيصك و ما بتحرسك دانة

***********

الشارع مرق شايل مواجعو اغانى
حالف ما يصد يرجع يتر ورّانى
صبرو الكان زمان حبلاً طويل متّانى
اتقطّع خلاص كيفن ترجعو تانى

**********

موجات الهتاف كسرت سدود ارهابك
و صرخات الغضب الل م) يلة هزّت بابك
ياكا الغشيم ضاقت عليك يا جنابك
شعباً جاك عديل عاوز يجردو حسابك

*********

(اجراءات تقشّف) صرّح جنابو الأهوج
شايفنا غرقانين فوق النعيم و البهرج!!!!
شوفو عوارتو، ما بعرف العديل من أعوج
ساعة الضيق يجييك اوعك تقوم تتلهوج

*********

أركز يا مشير سيب الرقيص و الهزّة
دا الشعب انتفض تحتو الارض تتهزّة
نار الثورة قامت، قادوها اولاد عزّة
ما دايرين تِحِرّش، ما بكوسو اللّكزة

*********

(نافع) معاك كيفن تكون زول نافع
ما دام الحُكُم عندك لقف و منافع
جوعت العباد، قسمتو بلداً شاسع
راعيت الفساد ربيتو من كان شافع

********

(شذّاذ اَفاق) هناك شوف الأفق سادّنو
مليانين عزيمة و نخوة ديل حبل الثبات شادّنو
ساعة الكوع حِما و الشعب طلّع جنو
كوعك ألحسو، و القصر أمرق منو

*******

(أكتوبر) هداك شايفنو جانا عديل
و (أبريل) السمح ضوّت كهاربو الليل
(يونيو) الكان لعين ،الليلة أضحى عديل
بى صرخات غضب ادفّقت كالسيل

بكرى جابر

أم درمان, ودنوباوى, شمبات, الكلاكلات, القضارف, النهود,
المحاميين يتحركون بقوة ...

ثورة ثورة حتى النصر

بارا تخرج في مظاهرة من الجامع الكبير

اندلاع مظاهرات حاشدة في سوق مدينة كسلا بعد صلاة الجمعة مباشرة والامن يحاصر مداخل السوق

المتظاهرون يخرجون بقيادة امام المسجد في مدينة النيل بامدرمان
#السودان_ينتفض
SudanRevolts#

الحاج يوسف

عيد حسين

رصد | #SudanRevolts |#جمعة_لحس_الكوع | امبده الردمية | #zero
الآن مظاهرات حاشده في امبده الردمية#

http://www.sudanyat.org/upload/uploads/wadnobawi.jpg

ود نوباوى

صدقوا وأوفوا

ربع عامود

حاتم الجميعابي

حكمة الجمعة: لقد طال الأمد على الناس وهم يعتقدون الحياة فرنا وحشيا هائلا توقد فيه الملايين منهم لاستخراج حبة من الذهب. وما أحراهم ان ينظروا اليها كحقل واسع مديد تتفتح فيه الورود والازهار من كل جانب بشتى الالوان والاشكال، بعد تغيير النظام .

(1)
المشهد الرهيب في مسجد الأمام عبد الرحمن المهدي يؤكد بأن هذا الشعب، ملاء نفسه ثقة وتجاوز حالات الخوف عند البعض، فالشعب السوداني في حالة ثورة حقيقية ..
(2)
كيف يمكن لإنسان يدعي أنه مسلم، تسول له نفسه بأن يطلق الرصاص الحي والغاز المسيل للدموع على المصلين في مسجد الهجرة بود نوباوي .. صحيح أن هؤلاء ليس بينهم وبين اليهود أي إختلاف.
(3)
إجراءتكم الإقتصادية دي بلوها واشربوا مويتا ... لقد عرف هذا الشعب من أنتم ومن أين جئتم .. وماهي مصالحكم الدنيه في تخريب هذا الشعب وممتلكاته العامة فأصبحتم أغنياء بعد أن كنتم أشد فقراً .. من أموال اليتامى والفقراء والمساكين والكادحين ..
(4)
غايتو ربيع عبد العاطي يا مسطول يا مسطول .. الزول شابكنا ليك المظاهرات محدودة محدودة .. انا ما عارف الزول كدي فتشوا عليهو إحتمال يكون بره السودان يا ربي ..
(5)
كعادتها صحف الخرطوم غداً .. سوف تتناول البيان الصادر من الشرطة ولا حرج في ذلك، لأنها تعمل وفق خطة الحكومة الرامية إلى تقليل حجم التظاهرات التي عمت مدن السودان.
(6)
وزير النقل : أحمد نهار (اعترف بوجود مشكلة ادارية حقيقية في هيئتي النقل الجوي والبحري)، وزاد (لايمكن من كم طاشر باخرة وطائرة لا توجد الان غير اثنتين أو اربع).
جنس ده يسمو شنو عاد ..
(7)

إعفاء مدير التأمين الصحي بالخرطوم.. الإعفاء بسبب : رغبة المدير في اكمال دراسته العليا بمصر
بالله عليكم المطلوب مننا نصدقكم مثلاً ..

(8)

حملة أعتقالات واسعة شنتها قوى الأمن والشرطة ضد المتظاهرين في الخرطوم والولايات، كسلا – مدني – النهود .. .
الحرية لجميع المعتقلين السياسيين ..
موقف بايخ جداً :

اها يا سعادة الرئيس شفتا الليلة شذاذ الأفاق ديل عملوا شنو ولا أنتى زي ربيع عبد العاطي .. نظرك محدود !!!

موقف بائخ .. اكتر من الفات:

ويييييييييييييييييييييين يا أخوانا اسحاق أحمد فضل الله .. وأبواق الإعلام التابع للحكومة ..
اها اليلة استاد الهلال كيف ... ما ينووووووووووووم ما ينووووووووووم