جعفر بشير
(أبو آمنة) تحياتي ياصديق قرأت ما جاء أعلاه وليقيني لنبل فكرتك أراك قد (آثرت السلامة) في مناقشة (المضمون) وإهتممت زيك وزي أي زول حايم في سودانيز أونلاين (بجوهر) الموضوع ـ عرفتك كاتباً متميزاً وشغل حصيل السووق ده ما كان في يوم من الأيام (منهجك) فالحصل شنو بالضبط يا صديق المسافات البعيدة ؟ ثم شنو الإيمان القاطع بالمهدية ده كان سألتك ؟ خلاص نبطل الفي إيدنا ده ونبقي في انتظار المهدي المنتظر والمسيح ولا شنو ؟ محسن لم يمت يا جعفر بشير وبالتالي (مواعيد) استلاف لسان حالو ما جاء لسع وصبراً يبل الآبري يا صديق . |
ياجماعة الكلام ما كعب ومصداقية جعفر بشير لا أشك فيها .. شوفوا بين الحروف .. الكلام ليهو قيمة سواء من محسن أو جعفر وأنا ما متابع بى هناك
بس ورونى إيه ووين عيب الكلام ده |
كنتُ من أوائل الذين قرأوا هذا الخطاب في سودانيزأولاين، وحتى قبل أن يُعلّق عليه أحد، وما فهمتُه من هذا الخطاب، هو مُجرّد أُمنية تمناها جعفر بشير من مُحسن خالد وأجراها على لسانه. والكلام ليس فيه أي إساءة لمُحسن خالد على الإطلاق، أو هكذا فهمتُ منها؛ إلا يكون الخرف حصل :) فيا إخوان: جعفر بشير حاول بهذا الخطاب أن يُعاتب مُحسن خالد بلُطف ويقول له: "هكذا كان يجب أن يكون اعتذارك يا مُحسن، وهذا هو الموقف الذي ننتظره من كاتب ومثقف مثلك في مثل هذه الظروف التي تمر بها البلاد" وحاول أن يُعاتبه بلطف أيضًا في مسألة الادعاء بأنه المهدي المُنتظر فألمح إليه بأن هذه الفكرة في أساسها هي من صميم الفكر الشيعي، وذكّره وذكّر الجميع بأن مُحسن خالد ليس شيعيًا، بل هو أتابع أهل السُنة والجماعة.
فالمسألة في مُجملها عتاب لطيف وراقي، وأُمنيات لجعفر بشير بأن يكون اعتذار مُحسن خالد على هذا النحو. هذا ما فهمتُه. محبتي للجميع |
اقتباس:
بين الخروف وين بالضبط في الضنب ولا الكستليتة ولا الكوارع ولا وين يا رأفت عشان نفهم. أما مداقية جعفر بشير فدي دايرة ليها سيجارة كاربة ياخواجة بعد ما كملت عرقي المزارع العندك.:p:D:D بالمناسبة كلام هشام آدم في غاية المنطق والقرب من الحقيقة.. |
الاعتراض ما علي كلام جعفر بشير، جعفر بشير و غيرو من حقهم يقولو رايهم زي ما عايزين و يعاتبو و يبلو محسن زي ما عايزين .. الما من حقهم خت الكلام في خشم الناس ... الما من حقهم عنونة بوست ب (( خطاب الأديب محسن خالد إلي جماهير الشعب السوداني )) و محسن ما خطب ولا وجه خطاب للشعب السوداني الشقيق ... و في وقت كتير جدا من الناس زعلانه من محسن و مما حدث، ومعظم الناس بتقرأ العناوين بس، و كونو محسن يخاطب (( جماهير الشعب السوداني )) فدي ممكن تفهم إنو محسن فاكيها في روحو بالجد و إنو المسألة ليس كما ذكر في بيانو للناس ....
أكتر من نص الناس العلقت علي البوست ده هنا و هناك بنو تعليقاتهم علي إنو الكلام ده كتبو محسن ... كاتب هذا الغثاء لم يكلف نفسو إنو يصلح للناس الفهم بصورة واضحة ... سؤال : المانع شنو إنو جعفر بشير يكتب كلامو ده ذاتو علي لسانو ما علي لسان محسن ؟ الاجابة : لو فتح بوست و كتب رايو بس .. البوست ح تكون كلكاتو الفي وجناتو ما تامه تلتمية، لكن لمن يديه العنوان ده علي لسان محسن العداد ببقي بلالاف ... التقول بدوهم عليها قروش !! |
يا مقدس (مصداقية ايه الانت جاي تقول عليها:))* في تقديري، هذا هو السم في الدسم، اذ ليس هناك ما يسمح لكاتبٍ ما أن ينسب حديثاً لشخص في عنوان طويل غير الاستفادة من هذا الإسم لجذب القراء والجمهور كما تفضل بروف أمين.
محسن خالد ليس معصوما من نقد الناقدين في كل ما تفضل به. بس كمان الامعان في تغبيش الرؤية بهذا الاطمئنان العجيب، لايمكن أن تستصحبه أي مصداقية. * مع الاعتذار لأغنية ومحبي الست |
عجبتني حتة (كلكاتو الـ في وجناتو)
يا أمين إنت بقيت مثقف جد جد شكلك يعني حتي غشيوة استبالية بقيت ما بتجينا وفقك الله وسدد خطاك يا بروف |
اقتباس:
العتب على المحبة لمحسن خالد ,ولتوقنا ان يكون دوما" محسن الذى عرفنا ........ |
| الساعة الآن 02:47 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.