رمضان كريم يا الجيلى ..

مجرد التفكير فى القرآن , سوى عن كيفية جمعه او تلاوته او تفسيره او حتى النظر اليه فى هذا الشهر الفضيل ..

امر حسن ومحمود ..وتوفيق من الله عز وجل ..

:D

يا خالد تم ليهو الباقى دعاء :D

تحياتى يانور,حسب المتواتر من سيرة من سبقونا,
هنالك أقوال عن ابادة لقراءات أخرى فى عهد عثمان رضى الله عنه..

بحثت عن ذلك كثيرآ, ووجدت الكثير المفيد, وسآتى على ذكره..

مايهم ياصحب اننى ابحث عن المدونات التى اعدمها عثمان, ولماذا أعدمها؟

التحايا الطيبة ياأشرف,
من هم حفظة الوحى القرآنى الأربعة؟

____
حفصة دى بالمناسبة ماسمعتا بيها الا منك؟ عمك قوقل سرو باتع:D

عقد الجلاد مع جمع القرآن في رمضان ممكن نلقى ليك ليها مُباصرة، لكن عليك الله، أختانا من الفيديو كليبات بتاعت ناس جنيفر لوبيز
عليك الله، لو فاطر، أطعم ليك مساكين طول الشهر، علي الأقل نستفيد منك.

وين عدة الشغل؟!
نصيحة:
لو ما عارف حاجة عن مصحف حفصة؛ سبل البوست
يا زول ناس الصائغ ديك بجووا بطقطقوك بمعلوماتك الضعيفة دي، وأنا الأيام دي حزين!

[QUOTE=عبدالله علي موسى;547768]أي زول ما يحتار على الأقل كل إسبوعين مرة في امور دينه يراجع إيمانه طوالي .

QUOTE]

كما يكتب في أفلام المجازفات واللقطات الخطيرة:
هذا الفيلم يحتوي على مشاهد خطرة قام بها أشخاص مدربون، وبعد أخذ الاحتياطات اللازمة، لا تحاول القيام بها في المنزل :)
هسه يا عبد الله داير أمة محمد دي تحتار في أمور دينا كل أسبوعين مرة كيف؟ والأسبوعين ديل جبتهم من وين؟ ما تقول لي حسب احتيارك انت؛ بزعل منك أو كما قال المستنير بابكر عباس

الجيلي ياخ فكرة نخليها بالجنبة دي لو اجتهدت في التعبير عنها بصورة أخرى ما كان أحسن
بعدين الجنبة اتخيل لي ما فيها ميم، الميم البتحس بيها دي سببا الباء بعد النون، لكن كان قاصد بيها حاجة تانية عليك الله اعفي لي، أو كما قال بابكر عباس :p

وكيف خُلق الانسان؟
في رواية سمعتها بتقول انو الانسان كائن متوحش
ومع التطور الحصل وبي فضل الديانات الاسلامية -المزعومة- بقى كائن متمدن وزول كويس


الكلام دا لو صحي يبقى حقو نبطل الاخلاقية المزعومة تحت بند (الانسانية)
لانو اصلن الانسان كائن حيوان متوحش
كتر خير الاديان السماوية الخلت الكائن المتوحش دا كائن وديع وزول كويس

[QUOTE=كيشو;547825]كل عام وأنتم بخير يا كيشو،

اذا كان خليل الله ابراهيم عليه السلام طلب من الله ان يطمئن قلبه وهو كليم الله واقفاً بين يديه! نحنه الشرامه ديل المطمئنين ليها شنو؟؟؟

نعم عبدالله موسى يرى ان الحيره والسؤال ترياق ضد الضلال، أسبوعين دي أنا شايفه مناسبه بس ما بلزم بيها انسان، ممكن اشرح اكتر ليه اخترت أسبوعين "فيها فهم باطني برضه" لأكن ليس ذالك مهماً :)

انته قادر تشوف معاي اهميه الشك والحيره ام لا ؟

تحياتى الطيبة للجميع, وافطار هنى..

يادوب الواحد دخل البيت بعد العك اليومى..
سأعود للمداخلات ولموضوع البوست,

وللهباب الداير يهببو لى بابكر عباس (الفقرى) فى البوست بتاعى..
_________
تنويه صغير,
الأغنية فى بداية البوست مزجاة الى ابن موسى,
فانى من المحتفين بتواجده فى أى بوست لى ..
سأعود لكل ذلك فى بقية هذا المساء

التحايا الطيبة للجميع,

قبل أن ندلف بشكل مكتمل الى محتوى عنوان البوست والتساؤل الذى يثيره,
سأقوم بتقديم بعض المواد والتساؤلات الاضافية, كمشهيات للحوار.

ورد فى كتاب عمنا الباحث الدكتور محمد محمود فى ص 401 التساؤل التالى:
(هل القرآن كلام الله بمعنى ان اللفظ والمعنى كلاهما من عند الله أم هل معنى القرآن من الله إلا أن الفاظه من جبريل أو من محمد.)
انتهى حديث الدكتور

فى البداية أشار لثلاثة أنواع من الكلام النبوى وهى(القرآن, والأحاديث القدسية, ومن ثم الاحاديث المنسوبة لنبى الامة محمد عليه الصلاة والسلام)

من المهم فى هذا الشأن اجابة ورأى الامام السيوطى, اذ يقول:
(فى المُنزل على على النبى .. ثلاثة أقوال. أحدها: انه اللفظ والمعنى, وان جبريل حفظ القرآن من اللوح المحفوظ ونزل به.. والثانى ان جبريل انما نزل بالمعانى خاصة, وانه(النبى محمد) علم تلك المعانى وعبَر عنها بلغة العرب, وان اهل السماء يقرؤونه بالعربية, ثم انه نزل به كذلك بعد ذلك)
انتهى حديث السيوطى*
_______-
* السيوطى , الاتقان , ج1, ص 96

أخرج البحارى الحديث التالى عن مسروق مسروق بن الأجدع:
(خذوا القرآن من اربعة: من عبد الله بن مسعود. وسالم مولى أبى حذيفة ومعاذ بن جبل وأُبى بن كعب)*
____
صحيح البخارى , ج5, ص 108
_______
والشكر لاذال موصول لعمنا المبحتاتى محمد محمود