بسم الله الرحمن الرحيم
[QUOTE=haneena]العزيز أبومناهل تحياتي فعلآ كل زول هناك بيتصرف بي منطقه هو أو هي لا ضابط لا رابط لا قوانين أما عن المواعيد فحدث و لا حرج يديك الزول مواعيد الساعة 8 صباحآ يجيك الساعة 2 بالضهر ولا إعتذار و كأنه دة الشئ الطبيعي كان لي صديق كندي جمعتنا ظروف العمل حيث كنت السؤل عن الوكالة هنا بالرياض ، وكانت كجزء من طبيعة العمل الاجتماعات المتواصلة مع بعض العملاء. وكان الراجل بيجي السعودية كل مرة على اساس مواعيد وجدول مسبق، وكان عدد من الذين نجتمع بهم سودانيين، فاحيانا كانت تحدث لبعضهم ظروف ووشوية يرتبك الجدول فكان في اول ايامه بيتضايق فقلت ليه يا اخ دي مواعيد سودانيين فقال لي كيف! فشرحت له كالاتي: الواحد يقول ليك انا حأجيك الساعة اربعة، انتظرني لحد خمسة ستة لو ماجيتك سبعة امشي.. ضحك صاحبنا وبدا يتعود عليها وينكت بيها كمان، حقيقة دي قصة طوييييييييييييييييلة وآخرها لسة والف حمدالله على السلامة |
حنينة الحنينة
الف حمدلله على السلامة منتظرين الصور |
العزيزه حنينه.. الف حمد الله على السلامه والوصول.. قرات انطباعات السرعه والدهشه الاولى...وهذا هو المتوقع..وسبق ان تناقشنا فى ذلك واخبرتك انك ستذهبين الى السودان.. ولكن سيكون المشهد مختلفا تماما...حالات التغيير المصاحبه الاحباط والتخبط..والخلط.والاسقاط.والهلع..والجهجهه وخلاسية تعدد وتنوع الاشياء والواقع...والمفروض...والنقله التى لم تراعى التوازن ولم تحقق طموحات الناس...واختلاط الحابل بالنايل...بما اعلن وما اتوا به..واسقاطه..وحالة الانبعاج الكبرى..حيث اصبح السقف محدودا ومحددا...وتغيرت كل الصور والواقع والبيئه...واتسعت الهوه بين الحقيقة والخيال.... وكلذ لك نتيجة للتخبط وخلط الاوراق..وعدم وجود برامج للتنميه.و الاقتصاد...تخلى الدوله عن مسئولياتها..وكبت الحريات..واستعمال الدين فى السياسه...حتى تم فقد التحكم فى القياده...ترين الانفراط فى كل مرفق وفى كل شىء..امنيا..اقتصاديا..تعليميا ...صحيا..معيشيا...واخلاقيا... وهذه مرحلة فساد وافساد مستشرى..وباء كالح يطأ كل شىء وفوق كل شىء.. انهيار للقيم..وتبرج للابتزال...وسوق للامراض الفتاكه ..واحساس بالضياع فى بلاد هى اشبه بالغابه..وسيحكمها قانون الغاب..وها هى طلائع الامم المتحده فى الخرطوم وكل الجنسيات صينيون..وهنود وبنغلاديش واتراك..ولبنانيون..ومصريون.وسوريون...وكل من هب ودب اتىباسم الانقاذ.وباسم المشروع الحضارى الذى ولى وغاب.. والتقسيم قادم..والواقع يؤكد ذلك...وسنرى افظع مما يحصل الان.... الاختلال.قد طال كل شىء..وهذه نهاية المطاف... وتاكدى ان الاجتياح قادم ...وستمزق التكتلات العرقيه المدن..وسوف تستبيح كل شىء.. السودان لا امن فيه ولا امان... وبرغم ذلك نتمنى لك اجازه...مريحه |
عمي( و هذه ليست لها علاقة بالعمر..تمامآ كالخال) العزيز تنقو
يا سيدي و الله السودان منور بالفيهو و الله و أهو رجعنا مليانين بالكتير رغم ضيق مدة الزيارة.. لكن و الله بس شوفة ناس سودانيات و الأهل في حد ذاتها كانت مصدر بهجة لا تقابلها أي من مباهج حياتنا و عقبال نشوفك مع الأهل |
الطيب ود بشير
إن شاء الله عقبال عندكم يا رب أما عن الصور ..فقلنا نقابل الناس علي الطبيعة أخير ممكن نرسل الصور للسيدة الموقرة حرمكم..و إن سِمِعتَ الكلام توريها ليك قلت شنو؟ :rolleyes: :D |
أستاذي الشقليني
دائمآ أقف محتارة في كيفية الرد علي مثل كلامك البليغ هذا سعدت فعلآ بالتحدث إليك..عكود...عجب الفيا...المجدلية...مي هاشم صحيح لم تتاح الفرصة للقيا في ذلك اليوم و لوجودي لساعات معدودة صادفت يوم عمل لكن الجايات أكتر إن شاء الله و أنتظر مواصلتك تحياتي سيدي |
دكتور محمد حسن
تحياتي اقتباس:
مش بالله فضيحة إنه نكون معروفين بإهدار الكثير من الوقت وين راحت الأمثال بتاعة الوقت من ذهب..وووووووووووو؟ ليه أصبحت اللامبالاة صفة من صفاتنا؟ و ليه بقي ما عندنا كلمة و لا مواعيد و لا أي حاجة؟؟ طيب فضل لينا شنو يعني؟؟ قول لي بس تعرف زولك الكندي إتعود ..أنا البعودني شنو؟ كنت أمس أتناقش مع قريب لي في مسألة الأجانب الملوا السودان عن آخره و كان يعترض علي إنه السوداني أولي بالقروش التي تدفع للأجنبي و ب10 أضعاف علي الأقل كان ردي..عندما يلتزم السوداني بالمواعيد و بكلمته و ينأي عن المحاباة و الرشوة ( طبعآ الحكومة هي سيدة كل هذا) بعدين يبقي نطالب ليهو بالأجر... أما عن المصايب البتحصل فجاياك بي مهلة |
سلامات أماني
جاياك بالمهلة إن شاء الله و بالصور لما نصل لي لقاء الخرطوم تحياتي للشباب |
اقتباس:
أقل من شهر....ماااااااااااااااااااااااااااااا دايرين.... :mad: تانياً....صورتك الفي قلبي....أنزلها...و لا...لأأأأأأأأأأأأأأأأأأأأأأ..؟؟؟؟!!! ;) |
يا حنينة اهم شئ صورة ممكونة ... وبقية العقد الفريد ...
ممكونة عينا باردة ما تخافى على العيون مننا ... :D :D :D :D |
عصمت
سلامات.. معاك في إنجلترا الآن أنا معاك في كل القلته و الله البلد بقت ما مفهومة..تخش و تمرق و إنت ما فاهم أي حاجة مرينا بالنيل و أشار أحدهم علي الضفة الأخري من الأزرق ناحية النقل النهري إنه هذا هو اليخت الرئاسي أنا ما صدقت لأنه حسب علمي إنه اليخت ما صغير لهذه الدرجة حكي لي صاحب التاكسي كيف إنه لترحيل المستر اليخت إضطروا يقفلوا طريق بورتسودان الخرطوم نهائي شوف كم مصلحة إتعطلت؟ و بعد دة أريتو لو كان بي فايدة..السيد اليخت حرن عن العمل لأنه غير مهيأ لضحالة مياه النيل في هذه المنطقة تخيل بعد كل تلك الملايين ما شغال لو بس مشيت علي بعد خطوات منه حتمر علي مستشفي العيون و الناس المسكينة الما لاقية علاج و لو قطعت بي هناك و دخلت مستشفي بحري ما بتقدر تشوف كمية الناس الما لاقية علاج كويس... منو يا عصمت الما شايل أي حاجة بيبيعها؟ من الطفل الصغير لغاية العجايز الما قادرين يمشوا كتير مسكتني العبرة يا عصمت أخوي الكتير من الناس هناك قلبها قسي من كترة المآسي البيبكينا نحن بقي مابيأثر عليهم..حصل للناس desensitizaionو تعود علي القسوة بجي تاني لي كدة واتطرق لي نقاش مع إحدي عضوات سودانيات التي رأت إنني لا أري الأشياء الإيجابية و كيف كان ردي عليها سلامي لكل الأسرة |
ممكونة
سعدت جد بزيارتك لنا و برؤية الممكون هذه الممكونة ما تشوفوا كلامها تقولوا حبوبة..زولة صغيرونة مرحة قيافة و آخر لطافة تشكري علي الحاجات التي تلعلع في العربية الآن ;) اقتباس:
علي ضمانتي :) سلامي للممكون |
الحنينة اختي..
حمدا لله على سلامتك وبركة بي شوفة الاهل.. الا بس عندي سؤال.. انتو رحلاتكم البين طيات السحاب دي مالا بقت سرية كدا؟ كان نحن بعاد كلمونا اهلنا بيقوموا بواجب الضايفة والزيارة .. عودا حميدا.. |
سلامات حنينه
منوره البلد وسودانيات وأخديها منى وصيه مع إنى طولت خااااالص.. ماتركزى :D :D |
حمد لله على السلامة يا أخت حنينة
أرجو ان تكوني قد استمتغت بوجودك بين الأهل والأصدقاء. وانتهز هذه الفرصة لأشكرك على تنشيط حسابي في المنتدى فلك الشكر والتحية. |
| الساعة الآن 02:09 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.