بالله يا خالد أحذف البيت المقدس،،، لأنو فيها مساس بالمقدسات الدينية :mad: (شفتها حارة كيف)
ولا شنو يا العمدة |
اقتباس:
وأسأل عن طائفة الأنصار وتعال راجع أنا ما متضايق ولا مستعجل . يديك العافية. |
اقتباس:
لا نصفي خلافاتنا بالنيل من بعضنا او محاولات اغتيالهم معنويا ام دمويا فهذه سمة لازمت ممارسات الاحزاب العقائدية لا الديمقراطية ارقد عافية |
اقتباس:
طيب يا خالد ما مشكلة تاني بنسال .. المهم ما نطلع من موضوع البوست وانت سالت اسئلة ومن حقك ان نجيب عليك ومن حقنا ان تسمعنا ولا رايك شنو ؟؟ |
اقتباس:
ومبارك كإبن عمه الإمام لن تستطيع يا دكتور أن تقول عليه ما تقولوه هنا للآخرين مثل "كاذب" و "شمولي" والمسألة ما صعبة يا مبارك صادق وتقولها لينا . يا الراجل كذاب وتقولها لينا . شفت كيف؟ كدي يالله يا دكتور أنت شخص مستنير وواع وقيادي مارس "النقد الذاتي" وورينا رأيك الصريح في تصريحات مبارك المهدي ؟ وأنت تستطيع قول الكثير إن شئت ولا تنقصك الشجاعة ولا كيف؟ ألم تقل لأخينا خالد العبيد "عبد" ؟ قول الله يرضي عليك وأسكتني بالحجة والمنطق . يديك العافية |
العزيز خالد
الحبيب الحاج نقد الله دفعة والحمد لله أهو عندكم صديق وسطنا مع أنو عندنا وسطنا أصدقاء كثر منكم أتذكر في أيام التفاوض الأولي حول تكوين التجمع، طرح الأخوة في الحزب الشيوعي إسمين، الحاج وسيد صلاح يوبي عليه رحمة الله، الغريبة كانو عارفين صلاح عبد السلام في السجن والحاج مريض بذا القرحة، ورشحة لهم شخص آخر ولأنو عندكم بيروقراطية قالو لازم تجي الموافقة من السجن (القصد سيد صادق) طيب نا إحنا الكنا برا ممشين الحزب، قيادة وفاوضت وأنجزت لكن إنتو الكنتو عاوزين لا الأسماء، طيب ما علينا جات الموافقة من السجن بي نفس الشخصية الكنت رشحتها والأخوة الكانو في قيادتكم أكان ما وروكم يبقى عيب منهم .... أتحداك تكون عندك معلومة منو كان ممثلكم في الإجتماعات الأولى لقيام التجمع وتقول ليا إسمين بس من الكانو من التنظيمات التانية أها تقول ليا أبقى رئيس حزب الأمة، إنتا ممكن في يوم تبقى السكرتير العام لواحد من الأحزاب الشيوعية السودانية، كلمة حق وناس حاج نقد ويديه طولت العمر عايشين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
أعلم بوجود الكثير من الأحباب الذين نحترمهم هذه لا خلاف عليها . سيبك من الأسئلة خارج المقرر .. " عملت لينا شنو في رمضان" :D تذكر أن الموضوع ليس خالد الحاج هناك من يقرأ هنا يا دكتور خاطب القارئي واحترم ذهنه أرجع لي الأسئلة بتاعتي وألزم الجابرة . |
اقتباس:
ودي صعبة دي يا خالد ؟ الدكتور ادم موسى مادبو هو الان نائبا لرئيس حزب الامة ومن قبله كان الدكتور المرحوم عمر نور الدائم وكلاهما من غير بيت المهدي وجاءا عبر الية ديمقراطية وليس بالتعيين رغما عن وجود مرشحين من بيت المهدي الا انهما فازا علي ال المهدي !!! موش ده حاجة غريبة بالنسبة ليك ومعقولة بالنسبة لينا ؟؟ شفت كمان د مادبو عارف منافسة ليهو منو ؟؟ استاذة سارة نقد الله شفت الانتصار لقضايا المراة بالعمل والفعل وليس بالشعارات .. اول امراة سودانية وعربية وافريقية بالمنطقة تترشح لمنصب نائب رئيسة حزب سياسي !! يعني سؤالك ده يا صاحبي يا خالد تمت الاجابة عليه عمليا بس مشكلتك ما متابع كويس كمان لو رجعت وراء بتلقى انو حزب الامة قدم عبد الله خليل من قبل لرئاسة الوزراء رغما عن وجود الامام الصديق المهدي وقدم الاستاذ الشاعر والقانوني والمهندس محمد احمد المحجوب رئيسا للوزراء يعني الامام الصادق المهدي هو اول رئيس وزراء من اسرة المهدي !!!! طيب ده من حزب الامة نشوف على نهج هلال مريخ حزب الامة الان رئيسه منتخب ونائب رئيسه منتخب واجهزته جميعها منتخبة وفق المؤتمر العام السادس للحزب سؤال هل الاستاذ محمد ابراهيم نقد - وهو بالمناسبة اليوم متحدث في ندوة حزب الامة بداره - وكمان معاهو الترابي - نرجع للسؤال هل الاستاذ نقد السكرتير العام للحزب الشيوعي جاء عبر انتخابات من قواعد الحزب ؟؟ هل اجهزة الحزب وعلى راسها اللجنة المركزية للحزب الشيوعي جاءت عبر انتخابات ؟ هل يمكن لامراة في الحزب الشيوعي ان تتقدم لرئاسة الحزب الشيوعي ؟؟ |
اقتباس:
|
اقتباس:
شوف يا زول نجض لي أسئلتي ما تقول لي كلام نص كم أنا لم أتحدث عن نائب رئيس الحزب . أنا أتحدث عن رئيس حزب الأمة . قصة محمد أحمد محجوب أخير ليك تخليها مدفونة أنا كان حفرت ليك فيها بجهدك معاي ودي ما بينفع فيها (كوبي بيست) ده تأريخ حديث والكلام شين. وكلامي عن احترام ذهنية القارئي موجه ليك برضو يا عمدة لا تأخذ المسألة بصورة نصر وهزيمة نجض شغلك يا حبيب. أما عن أسئلتك فالإجابة ببساطة : بعد مايو والضربة التي تلقاها الحزب في يوليو71 حدثت ظروف إستثنائية أدت إلي تصعيد بعض أعضاء اللجنة المركزية لسد النقص الذي حدث نتيجة للمذابح. (مع ملاحظة استحالة انعقاد مؤتمر عام في تلك الظروف) لم ينجح الحزب في عقد مؤتمره العام وهذه من المسالب الكبيرة في مسيرة الحزب والتي نسعي لتقويمها في المؤتمر الخامس قريبا . وما قدم من أعذار كان فطيرا في مجمله . عملية التصعيد تمت حسب لوائح الحزب والتي يوجد بها مجموعة من الإحتياطي "المنتخب" والذي يمكن التصعيد منهم. أها "عملت لينا شنو في رمضان" أرجع للأسئلة الفوق وجاوبني وأوعدك بشرفي بعدها أجيبك حد علمي عل كل سؤال تسأله. لو ناسيها برجع أجيبها ليك تاني. ملحوظة : كاتب المقالة هو الخاتم عدلان عليه رحمة الله. |
السادة القراء لكم المحبة
أخاطبكم حسب توجيه الأخ خالد سألني أسئلة محددة ورديت عليهو، متأسف أني أقحمتكم وسبق أني إعتذرت ليكم لمن قلت عبد وأنا عبد وعبد الله عبد وكلنا عبيد الوطن الأخ خالد ومن خلالكم لما يسأل سؤال عليه برضو يوجه كلامو للقراء يعين نبقى ذي في البرلمان توجه الكلام للمتحدث الأول أو رئيس البرلمان عند الإنجليز r Speaker or Madam Speaker حمورابي يا خلودو،،،، قانون جديد وأناحا التزم بيهو،،،، تمام |
اقتباس:
إنت هنا بإرادتك أنا لم ألزمك ولم أقل لك أنت مجبر علي الإجابة وهذا يا صديقي منتدي للحوار يعني لو المسألة بيني وبينك برسل ليك رسالة داخلية وكان الله يحب المحسنين. ولا يزال سؤالي قائما ؟ هل تستطيع أن تكون رئيسا لحزب الأمة؟ يديك ألف عافية |
عشانك وعشان خاطرك
حاأرجع السودان وأترشح،،،، بس لو ما أختاروني أحرد وأسيب الحزب ولا أشوف ليا حزب تاني ولا أعمل شنو؟ بعدين حكاية رمضان شنو؟ ياربي، إضافة لي موضوع المرأة في الحزب الذكرها ود العمدة،،،،،، بالمناسبة عندنا في لندن، كيان الأنصار رئيستو سيدة ربنا يحفظها،،،، طفرة مش يا خلودا؟ |
اقتباس:
كان محمد توفيق عليه الرحمة ممثل أحد دوائر حلفا في البرلمان وعندما ذهب إلي حلفا "حسب النكتة" حدثهم عن إزالة قوانين سبتمبر فقالوا له (عملت لينا شنو في رمضان) . وذكرها هنا من باب تلطيف الحوار. ربنا يوفقك في الترشيح ولكن لم تجاوب علي سؤالي هل تستطيع أن تكون رئيسا لحزب الأمة والترشح لرئاسة الحزب ضد سيد صادق المهدي؟ |
لو أنا رغبت نعم وآي وأيوه وما فيها حرج، قيادة والمتأهل ليها بيفوز
وأخير ليكم سيد صادق من حفيد جراب الرأي وسيدي ود تور شيل (الصول يا شوقي ولا شنو) جرجير كلام يا خلودا والله أنا قدرو وبي الزود يا الحبيب وودود |
| الساعة الآن 02:42 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.