اقتباس:
كان غبرك أشطر..الزول الوحيد الممكن يعملا هي انتيمتو الاعتزلت النضال ومشت في طريق الانهزام.. |
بعدين كان رأفت ميلاد أسلم تاني نقول كافر لي منو.بدرالدين ولا محمد فرح:confused::confused:
|
اقتباس:
الزول دا ماكويس كدا , كفاية علينا كيشو واحد :p |
اقتباس:
بطل خرمجة وما تخرب الليلة.. |
اقتباس:
الكافر ده قرا كلامي ونزل قصيدة كمان.. قصيدة زول عايش الجو ما ساي..روحه سمحة.. بطل خرمجة تاني..وجر سبحتك.. |
اقتباس:
اتجاهلت ليلتي وشلت هم اسلام رأفت.. :p الزول ده لو درنا ليه ( الأكوس) مالو؟.. ياخ ده كان أسلم بفوت كيشو ذاتو..:D |
اقتباس:
ما دا الخايفين منو ذاتو :D _______ مشتاقين والله يامى , وزى ماقال النور , فرقت معانا الون تو البتلعبوها انت والمقدس غايتو انا فرق معاى ليمونكم البارد داك (بالرغم من سكرو الكتير):p:D والشفع الحلوين , ربنا يحفظهم |
اقتباس:
لكن ، بالاستعجال تقلت السكر، وانت المرة الجاية تقل زيارتك شوية بخفف السكر.. ربنا يحفظك وكل من تحب.. سلامي لأخوك (الشيخ) بتذكره كلما أسمع مديح واشوف سبح (معينة كده) |
اقتباس:
يااخى دا حوارى , بس ساكت فاتنى فى العمر , وبعدين اسم الجيلى دا نافعنى عامل لى كمية من الكريديت :p |
|
قلت لي حوارك:D
الاسم ده يا عمل ليك كريدت صحي ولاّ غتس حجرك..ما تنوم عليه:D:D شكراً يا الجيلي على الأغنية الجميلة..جد راقية وفيها نفس صوفي (حسب السمع طبعاً):) |
اقتباس:
مي بت العم سلام ومحبة في الله وكأنك تنقليني إلي هناك قبل أعوام وقد سئمت المادي من الحياة رائحةٌ كما العنبر تأخذني وقد تلقفتها الأنف رغم أنفي وأذناي تكاد تطربُ لصوت نقرشة الطار وأنين النوبة دق دق دق وبلا مقدمات أجدني وقد وصلت من أمدرمان أبو سعد إلي حلة كوكو .. كيف ؟ لا أدري ... ومنها راجلاً صوب الجريف .. وحتي من غير ما أذكر أنني قد وصلت إلي أُم ضوَاً بان أو ـــ كما يحلو لأهلها ـــ أُم ضُبَان ... بأيُ وسيلة وكيف ؟؟ لا أدري وأنا بجلبابي ومن غير نَعلٍ أجدني أردد مع جوقةِ من أهل الله.... الله الله الله يا الله من لذة الصلاة والصلاة علي النبي والتوحيد يَضُمُنا بجناحيه الكل ذاكر الكل يصلي لله وعلي النبي المختار رحمة لنا الكل موحِدَاً لله الفردُ الصمد وصوت النوبة يتمازج مع نقرشة الطار كلمات المادح المغني حاج الماحي تخترق الدواخل إختراقاً عنيفاً ... تُوبخني كثيراً يا نفسي صومي ... قومي بالليل لا تنومي يا الله يا الله ومسبحتي يكاد خيطها يقاسم حبيباتها البكاء من عناء التأرجح بالتسبيح لا حول ولا قوةً إلا بالله سبحان الله وبحمده سبحان الله العظيم ويكون الإستغفار بلا عدد والصلاة علي المصطفي صلي الله عليه وسلم بلا عدد والترنح كما السكران بلا وعي بالمادي من حياتنا كم مكثتُ هُناك ؟؟ لا أدري ... كيف مكثتُ هناك ؟؟ لا أدري وطعامك وشرابك حاضراً بعون الله وأنت بلا حافظةٍ للنقود وبلا نقود أنت هنا لأجل الله وأنت لله هنا صلاةٌ وذكرٌ وإستغفارٌ ونقاء وبهاء تتسامي إلي العُلاء تخرجُ من عناء المادي إلي بواطن الروحي فيك الروح تعلو تعلو تعلو تعلو عاااااااااالياً تصرخُ بلذة النشوة يا اللـــــــــــــــــــــــــــــــــــــــــــــــ ــــــه تتساقطُ دموعك تسقي الأرضُ تحت قدميك .. تغسلُ روحك من دنسها يا الله يا الله يا أُختي الحبيبة شكراً لكي وقد أسقطتي دمعي الآن بهذا السوح الصوفي الغارق في لُجِ محبة الرسول صلي الله عليه وسلم .. وفي سر أسرار عبادة الله جلَ وعلا شكراً لكي بكامل التأدب أللهم أغفر لي إني كنتُ من الظالمين |
اقتباس:
مي يا هاشم الله يريح بالك زي ما ريحتينا عليه الصلاة والسلام |
اقتباس:
تحية طيبة وأنت تكتب بروحك السمحة.. ولا أمالك إلاّ القول بأن يديم الله تعالى علينا نعمة حبه وحب رسوله صلى الله عليه وسلم.. |
اقتباس:
ربنا يريحنا دنيا وأخرى..ويريح رأفت معانا:) رأفت ده بعدين بنلقاه قدامنا..كان أعلن ولاّ ما أعلن..:D كوني طيبة |
| الساعة الآن 04:33 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.