العزيزة الغالية حنينة

لا أعرف كيف يتوقف الذهن عن العمل احياناً. دخلت البوست وانا لم افهم المقصود بـ "الطارقين" وقرأت لأفهم ان المقصود طارق × 2
فعلاً اين هما؟ نفتقدهما.

سلامات يا أحلى ناس ..

والله انا عاجز عن الشكر ..

وانشاءالله بجيكم فرداً فرداً (وفردةً فردةً) :D :D

بس والله الكونكشن هنا كعب شديد ..

وحسي ما عارف البكتب فيه ده حينزل ولا لأ ..

ده طبعاً إضافة لانو برنامج الورشة مضغوط شديد ..



انشالله يا يابا لا تفوتوا لا تموتوا ..

والله يجيب التاني ..:D :D

حنينة الحنينة ..
والله قد تأثرت بهذا البوست لاقصى درجة ..
وعلمت مدى انتمائي لسودانيات ..
وحبي لها ..
وقد زاد يقيني بأنكم أجدر من يُحَب على هذه البسيطة ..



أخيراً عدت الى السودان ..
وحقيقة كانت رحلة جميلة .. ومليئة بالعمل ..
وانشاءالله موعودون ببوست كامل عن تونس ..

ألف شكر ..
ودمتي ياعزيزة

عزيزي قارسيا ..

لك الشكر ..

وياخوي مسألة أسامينا المتشابهة دي ما بتنفي فارق السن البيناتنا أنا وهو .. :D :D

وبذلك تسقط قضية الاتفاق الطارقي تلك .. :D

دمت أخي العزيز

سروووووورة ..

يعني الواحد ما يغيب ليه يومين علا يجي يلقاك صايطة الواطة ؟؟

يكلموك الكلام بالمسنجر وتجي تحتيه هني ;) :D


أما عن كارلوس لاقيته بالتلفون لما كنت في القاهرة وقال كويس ..
وقال مزرود بالشغل برة المكتب ..

تحياتي يا جميلة

بنت النيل .. ست الناس

كسريه يا بنت أمي المصنع مصنعنا ..
والما عاجبو يحلق حواجبو .. :D :D

وحات الله تونس دي بلد عجيييييييييبة ..
ووحات الله أكان كنتو معاي في السفرة دي ..
كان إكتملت الحلاوة والجمال ..

لامن أجيك برواقة ..




يخليك لينا يا عسل

الطيب الراجل الامير ..

برااااك سويتا في نفسك ..

كان كنت قريت الفنون زي ما كنت بتقرا باقي المواد ما كان حصل الحصل ..
;)

ورسمتك جايينها برواااقة ..

بس ما تبقى زي صاحبنا الخرخار داك وتشكيني لي الله :D :D

يديك العافية

أستاذنا رأفت ..

تسأل منك العافية انشالله ..

ويسمع من خشمك رب العالمين .. انو تبقي الزيارة سنوية ..

وكمان كان بقت نصف سنوية أو شهرية يكونوا ما قصروا معانا .. :D :D

تحياتي

لووووووووووول ..

والله الشوق أكتر من الكتاحة الجات السودان وانا ما في ديك ..
:D ..

بالله يا ندوية إنتي وبنت النيل تدونا تفاصيل الشمارات جميعاً ..

عشان نواكب شوية ..

لامن أجيك بروااااقة ;)

تسلمي انشالله من كل شر

العزيز نبيل ..

أسعدنا سؤالك عنا ..

أنا جيت وربنا يجيب طارق الآخر إنشاءالله ..

ودمت بخير

بندرشاه الحبيب ..

ألف شكر على الأغنية الجميلة ..

ودمت بالف خير

العزيزة ريما ..

لك الشكر الجزيل ..

تحياتي ..

والله نحن قلنا نتحمدل السلامه للناس الكانت رايحه وربنا يجمع( ببنظاره)
علي وزن ابو (قنايه )

يفزعنا ويلحقنا .:D :D :D

مودتي .....