سودانيات .. تواصل ومحبة - مواقف متفرقة من الواقع ..

شاركت بهذا الموقف فى بوست سابق للعزيز بيكاسو ..
حين يلتقى كل الغناء المرهف والشجى فى ليلة واحدة
وتتخله بعض النكات والمواقف الطريفة والضحك من اعماق
القلب ثم وقفة ولحظات صمت قليلة ..
ثم دوزنة خفيفة على العود ويخرج صوت المغنى بديع يطرب
الحضور لحد الدهشة ويصيح أحدهم
- الله عليك يا أستاذ ..
انها سهرات نادرة جدا لا يمكن ان تتكرر كثيرا ولا فى الإذاعة
السودانية نفسها ..

رمية البداية :
كنتا معاك سعيد والليل في بعدك ما اضناني
اصبر امكن يفيد صبري وامكن نرجع تاني

وتليها أغنية أخرى صوت جميل ولحن عذب
يعطر الأسماع ويريح الأنفس :
يــا غـاليه يـا صـبح الـهنا
يــا نـور حـياتى الـما ونـى
انـسـاكى كـيـف اقـدر انـا
والـشوق مـعاى عـدى الـسنه

ثم اغنية ثالثة بصوت جميل ورائع وتطريب بديع :
قالوا قطعة سكر قلنا أحلى وأنضر

وصاحب الدار الفنان الجميل محمود على الحاج , بصوته الجهور :
قصة الريدة القديمة بسألونى عليها ديمة
كلما حاولت أنسى صحوا ذكراها الأليمة

كنا نذاكر للإمتحانات بالجامعة بمنزل صديقى وهو يسكن
ملاصقا لمنزل الفنان / محمود على الحاج ..
لا يفصل بينهما سوى حائط .لكن نقراء كيف ونحن نستمع
لأغانى رائعة من خوجلى عثمان ونجم الدين الفاضل وابراهيم
عوض ومحمود على الحاج وآخرون وبحضور ابراهيم احمد عبد الكريم ..
أول ما أصل بيت صاحبى اقول ليهو:
- السهرة الليلة بى منو ؟؟
- أقول لى فلان وفلان , أو الليلة سهرة فوق العادة ..
علق صديقى مرة ساخرا :
- لا ينقصنا إلا ان نتعشا معهم فقط ... :p

وما اجمل الاغانى المنتقاه فى تلك الليالى الخالدة ... منذ أربعة سنوات
كان محمود على الحاج , فى زيارة لهولندة فذكرته تلك الايام ...
ضحك بى شدة قال لى انتو كان كدة كنتو قاعدين معانا عديل :D :D