سودانيات .. تواصل ومحبة - بين "خالد الحاج" الإرهابي و "خالد الحاج" المغني وخالد الحاج المليونير والشكية لله

سودانيات .. تواصل ومحبة (http://www.sudanyat.org/vb/index.php)

- موضوعات خـــــــالـد الحـــــــــاج (http://www.sudanyat.org/vb/forumdisplay.php?f=46)

اقتباس:

المشاركة الأصلية كتبت بواسطة Osman Hamad (المشاركة 71385)

غايتو سيدنا قوقل دا خِجل منك ساى وما طلع ليك خالد الحاج (الطباخ;) )

ونذكر اليوم نصيحة الإبنة ملاذ
"والعافين عن الناس"
"والكاظمين الغيظ"
وبنتلاقي يا ود الناظر :mad:
ونشوف "البنبر" كان بيشيلنا الإتنين :D

اقتباس:

المشاركة الأصلية كتبت بواسطة الطيب بشير (المشاركة 71388)

حبيبنا خالد الحاج
تحياتي
كلام مخير و عالم عباس سمح
لكن كنت داير ليك القريشـات:D :D
النصيحة لي الله..
تمشي تشتري بيت كبير في الخرطوم تلاتة و تجهزو في يومين، زي الكيزان، و تقعد وسط الأهل..و أنا أكون في بالي زيارتك..نمشي رحلة نيلية باليخت الخاص بتاعك..طبعآ خفير الهلب ذاتو ح تكون بنية حبشية و الديليخ حتى في التحلية..لوووول..و تقعد تتحايل علي أمسك ليك الفضائية بتاعة سودانيات، و كلما أعتذر بظرف تزيد الراتب السنوي بتاعي عشرة ألف يورو (ما يفوتك انت غنيان و فهمك انو الحل في القروش بس)..بعد داك ح يكون عندك أصحاب كدة نحن ما طايقينهم..صلاح ادريس:rolleyes: ..ود الجبل:( ، عصام الترابي:mad: لوووول..بعدين عمائم غريبة كدة و (قـُـطرة) لابسها واحد خليجي مزعج..و كلهم بيعاينوا لفتحة اسكيرت السكرتيرة الحبشية و هي تخطر أمامهم، إلا أنا، بعاين في نوناتو الفي وجناتو;)
و انت في الكلام معاهم بتعلـّـي صوتك بالأرقام الفلكية:
(عشرة مليون دولار كحد أدنى للسهم يا المرطيخي يا أخا العرب و قول لطويل العمر أنا مهتم بالتفاصيل)...لووووول رايك شنو في اسم الخليجي؟..قصّـرت مع أصحابك؟
يعني انت فاكر ح تكون غنيان و حولك أصحابك الحلوين ديل؟
أو انت ممكن تكون بي فهم خالد الحاج بتاعنا دة؟
هذه لقطات من دنيا الأثرياء بحبشها و مرطيخها!
و هي شَـروة واحدة بالمناسـبة:p
فهل أنت فيها من الراغبين؟

والله يا طيب السناريو سمح :D
قلت لي حبشية :o القروش طايرة لووووووووووووول
لكن يا طيب بعد ده ؟
زماااان كان ممكن يا طيب الزول ينخدع بي الزي ده.. لكن ما فضل فيها بقية
نضيعها مع ناس ود الجبل وعصام الترابي. نسأل الله حسن الخاتمة
نحن بقينا ناس "عيييين" ساكت " من عاين يعاين وأظنها جمع تكسير :D
حا توحشني سربعاتك يا طيب والله..

خالد الحاج

بتاعنا

سلامات

براك سويتا فى روحك ..

قبل كدا عشان ابحث عن سودانيات حانى مليون اسم

قمت كتبت خالد الحاج .. جاتنى البلاوى دى ..

قلت أكتب بوست .. حكاية الارهابى دى ( أو المجاهد او المناضل ) خالد الحاج

خلتنى اسكت منك خوفا عليك خاصة انو سمعتنا بقت فى الطيش ..

لكن يا خوى من سبت الطفشى و قعدت اتحكرت للحردان والــ ... شكية لله نقول ليك

المليونير دا .. فى الأردن فى عمان الغربية سمعتو والحمد لله زى الفل ..

بتاع أكل و ( شراب) ..

والارهابى قال حرم مابسيب بلدو ..

و الفنان اهو قدامك .. لسه عندو مستقبل ..

انت عليك الله ما كفاك بس كلمة ( يا خال)

خالد الحاج سلامات

والله يا خالد ضحكتنى من قلبى تلقى الفى مرادك

بس انت نسيت ..لو كتبت خالد الحاج الانسان القلبو ابيض وشكال ابو احلى عيال

فى الدنيا وزوج اعظم امانى واخو امينة بين قوسين سارة الضارة كان شفت

العجب يا اخوى

مودتى لك ولجميع ضيوفك

سلامات سلامات يا اخوانا
غايتو انا بفضل خالد الحاج بتاع سودانيات ..
جميل خالص

الارهابى دا بيخلع يا بابا

اقتباس:

المشاركة الأصلية كتبت بواسطة معتصم الطاهر (المشاركة 71404)

خالد الحاج

بتاعنا

سلامات

انت عليك الله ما كفاك بس كلمة ( يا خال)

تكفيني والله يا باش وتزيد
أقول ليك سر..
هذه الكلمة (يا خال) تجردني من كل شرور الدنيا
وتفتح قلبي علي آخره لقائلها...
فيها حنية وفيها إلفة ..
يديك العافية يا صديقي الجميل

اقتباس:

المشاركة الأصلية كتبت بواسطة سارة (المشاركة 71408)

إن شاء الله دايما مبسوطة وضاحكة يا سرور
وأخو أمينة دي براها بالدنيا يا سارة
يعني الواحد يحلف بيك تاني "لما يكضب" :D وحيات أمينة
أنا أخوك يا أمينة لووووووول
يخليكي لينا ويبهجك دايما يا زولة يا جميلة

اقتباس:

المشاركة الأصلية كتبت بواسطة بسمله (المشاركة 71416)

سلامات سلامات يا اخوانا
غايتو انا بفضل خالد الحاج بتاع سودانيات ..
[mark=66FF00]جميل خالص [/mark]

الارهابى دا بيخلع يا بابا

يا سلام عليك يا بسملة
تعرفي العاجبني فيك شنو؟
إنك بتعرفي تشوفي كويس :D
تسلمي من كل شر إن شاء الله