غايتو الصور دي ما غريبة علي
http://www.sudaneseonline.com/cgi-bi...&func=flatview
ازيك يا عمر

بس بيني وبينك برضو هناك ملفوحة gap:D

السكة الحديد SR عالم خارج هذا العالم ... رغم صعوبة المعيشة فيها ومعاناة اهلها الا انك اذا عشت بينهم تحسبهم اسعد خلق الله ... وهم كذلك حقا سعداء بالفتهم وطيبتهم وحسن معاشرتهم وتراحمهم ... السكة الحديد في اي محطة علي امتداد السودان من حلفا وحتى واو ومن نيالا وحتى بورتسودان هم خلية واحده استنسخت منها بقية المحطات نفس السحنات والالوان نفس الثقافة المتجانسة والتعايش الفريد ... كانت في ماكان تحمل الفكر والثقافة عبر عربة البوستة تاتي بالصحف والكتب ويتسابق الجميع في المدن الطرفية كل يمني نفسه بوجبة ثقافية فريدة وشهية الطفل يبحث عن الحلقة القادمة لشمسة ودانة او بطوط او عم دهب والشاب يبحث عن سمر او جريدة او اجاثا كريسيتي وارسين لوبين ومنهم من ينتظر خطابا من امه وابيه او صديقة بالشمالية او الغرب او الشرق كانت السكة الحديد تحمل الحياة ...
شكرا عمر

مكرر

عزيزي محمد الحسن العمدة
مرحب بيك

الصور ما ملفوح لا هنا ولا هناك
عمر عبدالله = عمار عبدالله
كل ما حدث بعد تدمير موقع سودانيات قبل سنوات عدد وضياع الارشيف
فقدت الباسورد , فطلبت اعادته من المرحوم خالد الحاج , فارسله باسمي الاول عمر
وليس عمار , وده كان سبب ان بعد ارجاع الباسورد ما اقدر ادخل المنبر لاني كنت بادخل باسم عمار وليس عمر فيطلع خطاء
الصور صورتها بكاميرتي , في العام قبل 2011

هههههه ياخ بشاغلك ساي حسي مداخلتي السمحة دي كلها تمر فيها ساااااي كدا ؟ ياخ انا ابن السكة الحديد قضيت طفولتي بين المنامة والفرملة والترولي والاوتمبيل والبخاري والكشك والهتاشي والكاسنجر وصعلوك المحطة

"والسكك الحديدية أنشئت أصلاً لنقل الجنود، وما فتحوا المدارس إلا ليعلمونا كيف نقول نعم بلغتهم" [موسم الهجرة إلى الشمال]
شكراً يا عمر عبد الله على تذكيرنا بمآساة السكة حديد، والحنين للسكة حديد ليس حنيناً للسفر بأي حال من الأحوال، وإنما حنيناً لبناء إقتصاد وطني جدير بمعالجة مشكلات إنسان الوطن! يكفي القطارات فخراً إنه على ظهورها قامت كل مشاريع النهضة الصناعية والزراعية في بلادنا سابقاً، والأن لا سبيل لنا إلى نهضة من دونها.

ود العمدة
اه هس لا في فرملة ولا منامة ولا ترولي ,,, لقد اصبحت اطلال فشاركني
البكاء على الاطلال

أقرا تاريخك وأقيف
أقرا تاريخى وأقيف
جواك والزمن النضيف
....

صورة كالحة.. تحطم الامل وتحيله هبوت ورماد...
ياااااااه

اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/buttons/viewpost.gif
أقرا تاريخك وأقيف
أقرا تاريخى وأقيف
جواك والزمن النضيف
....

صورة كالحة.. تحطم الامل وتحيله هبوت ورماد...
ياااااااه



شفت يا جيلي من اليوم الكلوجو فيهو القضيب دا عرفت انو البلد انكلوجت