المشاركة الأصلية كتبت بواسطة فيصل سعد (المشاركة 81779)

المشاركة الأصلية كتبت بواسطة Babiker Mukhayer (المشاركة 81802)

الحبيب فيصل
حتى أنو الموضوع ما ياخد شكل الشخصنة (كأن ما هو بين حديث والرد عليهو).

يا صديقي العزيز، ليس هناك شخصنة، بل حوار و رأي و رأي آخر و اؤكد علي ذلك.

حزب المؤتمر الذي كان قد شكله مجموعة من الشباب المخلص وهم كانو صفوة من المتعلمين، لم يرو في الأحزاب حينها (وجهة نظرهم) ما يستوفي رؤياهم وتتطلعاتهم وقرأتهم لكيف يحكم السودان، شباب معتز بي نفسو ولهو رؤيا وفي رأيي كشخص ديمقراطي، كانو إثرا للعمل الحزبي فترة الديمقراطية.
كانو النواة في تحريك الشاعر حين عملوا على بدء معركة العصيان المدني، نادو بأول إضراب (إضراب الدكاترا وقد شاركهم في هذا المجال، حزب البعث وحزب الأمة والحزب الديمقراطي) ولكن الحزب الشيوعي ولإمور يعرفها (لست لي الحق في التعرض ليها، فلكل حزب ديمقراطي رؤياه) عمل على إفشال ذلك الإضراب (حبس العديد من الأطباء وجلهم كان من حزب المؤتمر والبعثيين وبعض المستقلين وحتي من الحزب الشيوعي وحزب الأمة،،، لو تذكر كان حكموا على بعضهم بالسجن المؤبد وحتى الإعدام،، دكتور سيد البعثيين ودكتور مستقل ونقابي وأقرب للشيوعيين)
أرجو أن تعذرني عن ذكر الأسماء لأن أغلبهم لا زال في السودان (الواحد ما ضامن ناس الإنقاص)

و منكم نستفيد، و عذرا اذا كانت هذه المعلومة غائبة عني تماما.

بأي حال ما قاصد أستفز وأنا مع الحوار الديمقراطي (حتى إن كان من أجل الحوار، ما برضو فيهو تبادل الرأي وتمرين كويس للحوار الهادف). شاركتا في العمل المعارض من يوم one وما ببالغ لوقلتا، أنو إحنا في حزب الأمة وفي بيانا الأول حددنا الجهة الورا الإنقلاب، عكس العديد من جهات أخرى كانت (مرنقا) أنو الإنقلاب ليها، ودي مافي زول بينكرها ومهد ليها مذكرة القوات المسلحة القبل الإنقلاب والمرحوم الشريف زين العابدين الهندي عله رحمة الله، حين صرح وفي الصرح الأساسي للديمقراطية (الجمعية التأسيسية) أنو البلد جاهزة لإنقلاب (عليا الطلاق وقبال أحل دكة سروالي)

شكرا على سعة الصدر و التنوير.
اليوم وحسب رأيي أنو علاء من بوردو دا قاصد إسترجاع الماضي والنظر فيهو بعين، توضح لينا وين أخفقنا (وبقولها كلنا) وكيف برضو كلنا نتكاتف عشان نرمي المصايب ديل بعيد لكن بعد ما نصلح الإنكسر وهو عدم الإحتكار لحرية التعبير وأسس الديمقراطية الحقة. الله ما جاب بينا خلاف
في الرأي ممكن نختلف لنزيد ونطور لكن قطع شك دون أن يخلف أي رواسب في الداخل
كلنا أولاد بلد وبنحبها، بس إتا بالعلم وداك بالقلم وحرابا دون كتل دون ألم
لك حبي يغلب مودتي.
العذر للإطالة والأخطاء المطبيعية.

هنا بيت القصيد، و احييك على الحكمة و الرأي السديد.

المشاركة الأصلية كتبت بواسطة Babiker Mukhayer (المشاركة 81776)

الدكتورة سلام
1- ستظل الانقاذ الى ان تأتي معارضة محترمة وطنية.
هل الإنقاص قومية ومحترمة حتى نحتاج لمعارضة تشابها عشان الإنقاص تحل مننا؟

2- سيصوت الشعب الفضل (أفضل) للانقاذ رافعا شعار جنا تعرفو.
كأنو الإنقاص هي أول حكومة في تأريخ السودان، ما في حكومات كتيرة سبقتوهم، يبقى في جن قبلهم عرفناهو (قال ليك جنن تعرفو ولا ملاك تغبا) وممكن جد الإنقاص تكون الملاك عشانا أخير لينا جننا.

3- لغاية ما نشوف معارضة محترمة..تستحق الخروج من اجلها.
المعارضة المحترمة دي، كيف يعني؟؟ يعني برضو حنرجع أن يكون عندها برنامج وقومية وكدا؟
لكن دا مابيأخرنا والإنقاص تنوم مرتاحا، مادام إحنا حالمين بي المدينة الفاضلا.
المعارضة البترضي كل الناس ما ممكنا، ي إلا تكون معارضة ذي الإنقاذ، أخنق فطس الناس كلهم معاها وفي الحالة دي فعلن نكون يا زيد لا غزا ولا شاف الغزو.

4- الحوكة (الحكومة) بتركتها المثقلة من بيوت اشباح صالح عام فساد محسوبية، والمعارضة نفس الحاجة، تجاوزات في حقوق الانسان اعدامات بدون محاكمات تصفيات فيما بينها.
ما عارف تقصدي المعارضا ياتا؟ ذكرتي حاجات سمعتا كان قالوها أيام المرحوم جون قرنق، لكن غير كدا ما سمعتا، بعدين بيوت الأشباح دي تخصص جبهجي ما في زول سبقهم عليها بالصورة القبيحة دي، نعم أيام نميري حصلت حاجات قبيحة، لكن جنس الحصل من الإنقاص ما أظنو؟؟
5- لا ديل نافعين ولا ديل
يمكن ناس بتقول دا الحصال، لكن ديل الأوليين (الإنقاص) لمن مسكو الحكم؛ الحصل أنو الناس إتفرزعت وإتشردت بي الصورة الحاصلا دي !!!!! والمعارضة الأغلبيتها من الكانو قبل حاكميين ما حصلت أيامهم الفرزعة والبشتنا دي.

الدكتورة العزيزة
واجب علينا أن قلبنا على الباقي من بلدنا أن نعمل لقيام معارضة متحالفة تفتح الوش وندعمها بالرأي (ما دام الحسي ما عاجبانا) وما نهبط همم بعضنا
ودا هو البيخلي الناس الشينين ديل يستمر ويكسبو قوتهم من إختلافنا وما بقول ضعفنا
لك التحية

المشاركة الأصلية كتبت بواسطة Babiker Mukhayer (المشاركة 81872)

(أذكر صديقي الحبيب وعزيز مولانا حسن قال ليا تعرف ناس الإنقاص ديل ذي بيت العنكبوت، شكلن منظم ولكنو واهن، نفخة ممكن تطيرو) بس يا خسارة منو البنفخ؟؟؟؟؟؟؟

المشاركة الأصلية كتبت بواسطة فيصل سعد (المشاركة 81907)

المشاركة الأصلية كتبت بواسطة فيصل سعد (المشاركة 81907)

المشاركة الأصلية كتبت بواسطة Babiker Mukhayer (المشاركة 81926)

وعمرو ما بيكون مرحب لا بالمؤتمر الوطني ولا المؤتمر الشعبي

المشاركة الأصلية كتبت بواسطة فيصل سعد (المشاركة 81935)

المشاركة الأصلية كتبت بواسطة bayan (المشاركة 81975)

يا مخير اقعدو في القصائد والكلام العاطفي دا
النار فاجينها وقاعدين في وسطا
لما تلقى الناس دي ذي ما قلنا ليك
حزب المؤتمر هو الحزب الحاكم وفي المعارضة الشعبي..
دا حلم وإنشاء الله ما يتحقق
كولها سنة وتشوفو بعينكم
أريتا تنقد ولا أشوف الوهم ديل قاعدين
السرج البختو بلا بردعة...
ركوبنا لا سرج ولا بردعة
ويوما بتنلقب عليهم ذي ما بتنقلب الودعة
والله يشهد وباكر قريب

المشاركة الأصلية كتبت بواسطة Babiker Mukhayer (المشاركة 81982)

البقول ليهم
لو دامت لغيرك لما آلت اليك