سودانيات .. تواصل ومحبة - صاجات يا الناس القدامى كى لا يطير الحمام الجديد

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

اقتباس:

المشاركة الأصلية كتبت بواسطة معتصم الطاهر (المشاركة 113330)

شوفوا ..
الصاجات الوحيدة الممكن أختها ليهو فى الرملة ..
ممكن تكون وصايا ..
للناس الجديدة ..
خاصة ...
أوعاكم تدخلوا لامن يجيب سيرة سوسو حمادة وبقية العقد الفوق دا
و العفش داخل البص ....

عليك نوووور;) أصلى من يوم عرفتك مهندس حكيم ووسيم (وسيم دى عشان قوت القلوب) وكمان مرات لئيم (لئيم دى برضو عشان ناس كدا;))

اقتباس:

المشاركة الأصلية كتبت بواسطة Babiker Mukhayer (المشاركة 113347)

مرحب بيك عايد

مخير ياحبوب
تسلم على كل شى وانا سعيد بصحبتكم وصاجاتكم;) وقالوا السكران (أقصد الخرفان;) ) فى ذمة الواعى;)

عثمان المطموس . .
يشهد الله ليك وحشة وشوق شديدات بالحيل،
بس شايفك شغّال معانا نظام التعطيش.

سعيد جدّاً بشوفتك من تاني . .
ونزّل لنا الجديد،
بس إشتغل بنظام التنقيط والجرعات . .
لا تطفّش الزباين من قولة تيت.

سوسو وجدّك خلّيهم يمسكوا لسناتُن عليهم شوية.

اقتباس:

المشاركة الأصلية كتبت بواسطة AMAL (المشاركة 113481)

اللهم لا اعتراض في حكمك:D

قدرك يابتى;) عاد تسوى شنو:confused:

اقتباس:

المشاركة الأصلية كتبت بواسطة AMAL (المشاركة 113481)

كان دي العينة من حسي النشوف لينا قفص تاني
:D

دا المجنن (أقصد المخوف) بوبى ذااااااتو;)

اقتباس:

المشاركة الأصلية كتبت بواسطة AMAL (المشاركة 113481)

وشكيتو علي الله الاتبرع ليك بي كيبورد
كان يخليك علي الكوبي بيست
تكتب وتلحم
:D

صدقى دى حالتو لي هسي مافى زول إتبرع لي بكيبورد عربي (شغال دجاجى يلقط الحبة ساااااى)

اقتباس:

المشاركة الأصلية كتبت بواسطة AMAL (المشاركة 113481)

كان دي العينة من حسي النشوف لينا قفص تاني
:D

عشان ما اكون سبب فى طيرك و كل الحمام، ح انزل ليك هنا عينة من الكتابات القديمة، وبعدين ورينى رأيك، يا نرك سوي وللا اطير انا، لانو إنت لو طرتى، معناها انا طاير طاير;)

عثمان حمد سلام مربع
وبالحب والشوق مشبع
وطولت الغيبة وايادينا للدعوات ترفع
عشان لى سودانيات وبيتك ترجع
حبابك بس اعمل حساب بالطوب ما تتجدع
...واتمنى ان تكون عملت ليك رحلة للبلد وشفت ناس
كاروشة... وباعوضة... وتعبان... وجالون ومريت بالمرة على
ناس .......(عيون)هم لسة عايشين والحاصل شنو ؟؟؟؟؟
ولك والاخرين الود.................هنداوى

اقتباس:

المشاركة الأصلية كتبت بواسطة Osman Hamad (المشاركة 113521)

وكمان مرات لئيم (لئيم دى برضو عشان ناس كدا;))

:D:D

أدوها صنة شوية كدا، الكيبورد العربي قرب يجى;) والله تانى إلا يأجزوا ليكم;)

عينة إلي أمال وبقية الحمام الجديد;)

[web]http://sudanyat.org/vb/showthread.php?t=1202[/web]

اقتباس:

عينة إلي أمال وبقية الحمام الجديد

عينتك عينة

والعينة عندك

ويامعين تعينا علي مثل هكذا عينات

بنقرا بي عين ونغمض عين

وكان علي انا من هسي

بدق ليك صاجة وويييين صاااجة

وباصر باقي الحمام ياحبةgoood

[align=justify]هياااااااااااااا سجم الرماد خرفان حمد سجمان هو إنت جيت ؟؟

أيووووووووووووووي يوي يوي يووووووووووووووووووووووووووووي ..

بركه الجيت .. عسل إنت وبسكويت ..

والله طِريتك في بوست سجم الرماد التاني طارق الحسن لما طَلّ وظهر ...

أها كدي أديني عنوان بريدك ولأني بريييييييدك حأرسل ليك الكي بورد العربي وبالتكرنجه والأمهري كمان عشان خالد الحاج والباش وعمك تنقو :p:p:p

وبالله عليك ما تشحتف روحنا وكُب لينا عيناتك الجديده دي أصلنا خرمانييييييييييييييييييييين لجنس حديثك من النوع أبو (لِستِك) داك ..

يلا في إنتظار جديدك يا جميل يلا أحكي[/align]

اقتباس:

المشاركة الأصلية كتبت بواسطة Osman Hamad (المشاركة 113273)

بإذن الله ساعود وفى طياتى كالعادة سوسو حماده، والخوف من اللسان الطالق (بالنسبة للحلوين الجدد)، لذلك هنا نداء للشفوت القدامى ان يرموا لى الصاجات على الطريق خوف الوحل في رمال سؤ الفهم.

ساعود رغم زحام الدنيا، الذى إنتظرته كثيرآ حتى أن يصاب بالهدؤ ولكنه يبدو أصابنى بالجنون، فكان إنتظارى هباء منثورا (وفى رواية اخرى (شمار فى مرقة))، ولكن بما إننى شفت وتفتيحة، لجئت للبحث عنكم فى وسط الزحام من أجل إنبطاحة وإستراحة عندكم (الله يكفيكم شر الإنبطاحات;)).
إفتقارى لكيبورد عربى كان ومازال كربة تضايقنى، والى ان ينزل الله امرآ كان كيبورده عربيآ، فهأنذا أفرجها عن نفسى ببيع ناقة زمنى وصبرى وأشترى دجاجآ يلقط الحبة (الكتابة عن طريق الماوس)، ولحسن حظى لم يتوفى الله ناقتى ولكن لسؤه فوجئت بان الدجاج أعور.

سأعود وبين سطورى بخيتة كبابى وفتحية ككر وعوض جالطون، عوض جالطون الذى كان يعمل محاسب، فكان يحاسب نفسه قبل ان يحاسبه الناس ورب العالمين، فكان جزائه كجزاء سنمار، احيل عوض جالطون للضرر العام من أجل الصالح الخاص، فصلى وصلى كيغسل أحزانه فكانت همومه اكبر من أن تذوب بركعتين، فلجأ الى مسيد السيدة بخيتة كبابى فتعلم على يدها شراب العرقى.

سأعود وقد اجهض الزحام وعدم الكيبورد العربى حملآ جميلآ حملته بين أفكارى (لكن إكتشفت ليكم انو الحمل والولادة ديل اصلو مما مشكلة، ديل بقدر عليهم، لكن بينى وبينكم كعب الوحم;)). فضاع الكثير من بين دفاتيرى:

- اللحم الابيض المتوسط (جكسوية أجنبية)
- الغنمايات المتحدة
- علوية رفارف
- على جرادل
- تهانى ام شطور
- الشرطة عين ساحرة ويد حنينة (جكسوية أجنبية تانية;) تعمل ضابط بالشرطة)

كلها وغيرها ضاع.

ولنا عودة، فقد تعب دجاجى الاعور من لقيط الحبه;)

عكود، خالد الحاج، معتصم الطاهر وعصمت العالم وكل الناس القدامى، عليكم الله الحقونى بالصاجات وبعض من كتاباتى القديمة، لانو انا لو جيت خاشى توووش كدا، الحمام الجديد ده كلو بطير وبخلى رحيتكم طير طير;)

ودى من كل فج عميق.

يا اخوي نحن في رجاك
مالو درب الرجعه صعب و قسى عليك
كان خايف من الجدد ما تخاف ديل مولودين بكيبورداتهم