سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - نفيسي رقدت خل (http://www.sudanyat.org/vb/showthread.php?t=12098)

نفيسي أخدتلها صني كدي وواصلت:
- إنتي آآآبت محجوب!!!! ( بتعجب )
- أي نفيسي
- الشي شني هي الدايرالي باغي كاملي للرقيص؟!!!! ( بإستغراب )
- أنا و بت الخير دي فرد قزازي تدوربنا تلاتي يوم
- عروسكن دي بوم شي؟!!!! ( بإستغراب أكتر )
:D:D:D:D

اقتباس:

المشاركة الأصلية كتبت بواسطة سارة (المشاركة 166806)

ود النور دى قوية:D:D:D:D:D:D

يا اخوى الصنف الليلك دا ما تدنا منو جغيمةgooodgooodgooodgoood

يا سارة ذكريتني بي واحد كدة مدمن جدا جدا للعرقي زمن نميري أيام حملات منع الطشمي و قفل الإندايات. في يوم قام مشى الإنداية و لمن وصل هناك لقى ناس الكشة داهمو الإنداية و صادرو كل المعلوم من المخزون الإستراتيجي، و شاف أي عسكري ماسك ليهو باغة و يكبها في الواطة، و طبعا صاحبنا دا المنظر دا ما عجبو بقى يعاين و يمطق سااااي
و لمن غلبو يستحمل السكات قام بقى يكورك بي صوت عالي:
دا سيوبر!!! دا سيوبر ياخ!!!
( يا ليتني كنت ترابا )
:D:D:D:D

اقتباس:

المشاركة الأصلية كتبت بواسطة لنا جعفر (المشاركة 166609)

طارق؟؟؟؟
مشتاقين يامغاربي ....وين انت ياخ
في سنة التمرين ياطارق كنت اشتغلتا مع قروب بتاع ليقل أيد
وتخصصي كان اشوف المواضيع المتعلقة بالنسوان .....
احضر جلسات ...ادفع غرامات ....امشي اشوف البلاغات واتابعها مع الشرطة وناس السجون
اها ...اكتشفت ليك انه السجون دي فيها العجب العجاب وسمعت حكاوي تشيب...والامر ماكان بيخلو من بعض الطرف والملحات ....
واحدة كده من خالاتنا حكت لي حكايتها مع السكر
هي زولة ماصغيرة ومليحة .... ومن عنديكو كمان :) آها قامت قالت انه راجلها كان زول مابفهم الدنيا كان ماشرب ....وهي مشاكلها معاهو بدت من هنا .....نقة شديدة وشكل وواسطات وجودية ...والحال في حالو
المسكينة كانت بتحب الزول ده جدا وهو مابيقدر يستغني عنها ....وخالتك كانت شغالة صيام وقيام والزول ده يخرمج ....
المهم النقة لمن زادت عن حدها يوم استقصدها ...خلى الدنيا تليل وجاها بي سكينو ....هددها وشربها العرقي لمن آمنت ....
زولتك استحلت الفكرة وبقت نديمتو ...ومن يومها وعييييييييييك لمن وصل بيها الحال للسجن ...الذ حاجة قالت لي بعد جلدوها .....
الجلد حاااار لكن التوبة أحر :D:D:D
--------------
طارق ياخي ياماتغيب بالله ....
يسعدني ابلغك انه تيرم اتوحشناك بالزاف بقى سااااري في بيتنا زي الترتيب :D
يجازي محنك ياود الزولة السمحة والانا بحبها
محبتي

لنا بت جعفر كيفنك بت امي
ياخي والله زولتك جننت الحب ذاتو لمن سكرتو:D:D:D:D
قلت لي كورسات المغربي اشتغلت تش
بس اوعك توصلكم لي العبابير ألات العرقي دي:D:D:D
باقي المغاربة ديل البار في ضهر الجامع:D:D:D
الزولة السمحة يا لنا الله يرحمها ياخي
كانت تملأ هذا الكون محنة

محبتي الاكيدة

ود النور وسارة
باقيلي حصلتوا نفيسي وبت عريبي:D:D:D:D