انت؟

اسمع!
انت الناس دي ليه قاعدة تتفرج علينا ساي
ليه ما تخش تنضم معانا؟

سلت ليك رسالة امبارح
طنشتني
خلاص ما عايزة إجابة
زعلانة منك

ياالله..
ياسلام ياخي..
كلامك هبشني بشكل غريب..
والله عرفو يحبو صاح إعتماداً علي الظروف الموضوعيَة..
بس هسع برضو في ناس بيحبو صاح.
قلتي لي كنا بنسمع شنو..؟؟
كدي سيبك واحكي ليك..
حضرت ندوة في اليوتيوب عن جفاف مشاعر الرجل (تقريبا..)
كانت في اوروبا ومشاركة فيها إشراقة حامد عضو سودانيات الزولة السمحة.
بيتكلمو عن اسلوب التعبير عن المشاعر ..
جا واحد مسك المايك قال ليهم:
ياخوانا انا مابيخيل لي في ازمة تعبير عن المشاعر..
بس في عدم تطوير للمفردات العندنا..
وضرب مثل قال:
مثلا انا لما اشتاق لصاحبي شديد بلاقيهو وبقول ليهو(وين يا دين)..
يعني وين يا دين دي معناها مشتاق ليك ياخي..
شفتي كيف..؟؟
فالرجل ليس بالضرورة ان يقول للمرأة إني أحبك ياسيدتي الجميلة..
وأنا ولهان بك ومازلت أعد النجوم ياديدمونة..
في حاجات بسيطة ممكن الزول يوصل بيها مشاعرو..
بس الانثي هلي بترضي بأقل من كلمة احبك..؟؟!!
غايتو أبهاتنا ديلك زمان مافي زول بيكون عارف بيقولو شنو ولا كيف..
وحياتهم ماشة في أمان الله لا طلاق ولا خلع ولا يحزنون..
رضيانين يتونسو ويضحكو ويختمو الضحكة بــ (أستغفر الله).

هعهعهع..
والله العظيم ياحبوب البوست التجريبي ده كان واحد من اهدافو
جرجرتك الباذخة دي..
ياخي سليت روحي كل ماوشوش صوت الريح في الباب وكدة..
الحجاب الحاجز ده كان ما اخاف الكضب ياهو البيحجز البذور الفي سلطة
الروب تبع الرويعي..هعهع
ياخي طلتك تفرح.

شكلك دايرة القعدة..هعهع
النكتة بتقول:
الولد سافر دول الخليج..
اتصل هاتفيا بناس البيت..
رفعت السماعة اختو..
بعد السلام والاشواق سألها:
قال ليها اجيب ليك معاي موبايل ولا عريس..؟؟
قال ليهو والله الشبكة ذاتها اليومين ديل كعبة شديد..
أها يابدور الهرب ذاتو فيهو خطورة ومجازفات مامضمونة.
وكدة.

غايتو انا متخيلهم قاعدين يقولو:
الصمتُ في حرمِ الجمالِ جمالُ

يا صاحب العقل الرشيد
الان اهتز النظام
والناس تخبطوا وظنوا بأنفسهم الظنون
فاكرين انهم يملكون من المشاعر الكثير
وهم لا يملكون شيئا

اصبحوا خبرا في قيمة المستندات والأوراق المالية
والقيمة الحقيقة رفضوا ان يعرفوها
رفضوا ان يعرفوا جوهر الحياة!!

قالوا
الانسان ابن مجتمعه
والغربة قاتلة
حلم كل انسان ان يعيش وسط بلده ينعم بالراحة وبالواحة التي ينعم بها
بالقوانين والنظام العادل النابع من الدلالات الحقيقية وليس حبر ع جرائد ولا كلمات تقال
وهنا أيضاً غربة عندما تعيش وسط بلد ناقصة أمان وامن
تعيش لحظة تبرم وقلق عندما تشعر بان الدنيا ضاقت بك !!

المشاعر الانسانية لا تفصح عن حقيقتها الا حين يتم اختبارها..
والخبرة شيءٌ لا يمكن الحصول عليه بلا مقابل..
في سبيل أن تختبر مشاعرك تجاه الآخرين أو مشاعرهم تجاهك ،يلزمك أن تخطو خطوة..
رغما عن علمك المسبق عن خطورتها (تلك الخطوة)..ولكنك ستفعل..
لأنها الحياة وانت تمارسها كما الآخرين.
ثم..
كيف يمكن أن نحدد قيمة أيَ عاطفة..؟؟
أجاب سارتر:
لا يمكن أن ندلل علي حقيقة العاطفة إلا بالفعل..
لذلك فنحن نفعل..فعل الحياة ، نتقدَم ويكفينا اننا مارسنا حصتنا من الحياة كما ينبغي..
يكفينا ذلك كثيرا..
وكثيراً جدَا..
إذا نجحنا في شيء فذلك ما كنا نبغ..
وإذا لم ننجح فتلك تجربة..
وحينما سُئل أحد الحكماء عن التجربة قال:
(التجربة هي الإسم الذي يعطيه الناس لأخطائهم.)
والعالِم المفكر حينما حاول اثبات تجربة ما ألف مرَة وفشل قال:
أنا لم أفشل..ولكنني إكتشفت ألف طريقة للفشل..
إذن حتي الفشل فهو إكتشاف محض..

ومصطفي سيد احمد الأسطورة غني للغربة من كلمات عبدالعال السيَد:
الدنيا ليل غربة ومطر
وطرب حزين وجَع تقاسيم الوتر
شرب الزمن فرح السنين
والباقي هدَاهو السفر

ــــــــــــ
الغربة حالة ذهنية وجدانيَة
ممكن تكون عايش في بلدك وغريب والعكس.

بدور:
شكرا ياخي علي الونسة السمحة..
والمساء الحافل بالألوان..
خليك بخير..
البوست كان تجريبيا، بدأ بالوحدة والوحشة
ثم انتهي بالغربة وأحاديثها..
ومابين بدايته والنهاية..
تنام الحكاوي آمنة مطمئنة.
سلمتِ..
وتصبحي علي خير

وانت من اهله
كانت سهرة جميلة
شكرًا لك

احلام وردية

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif

الرَجل الذي سلك درب النضال مؤخَراً..

أصدقائه كانوا يحكون له عن نضالاتهم وصمودهم..
إرتجف لمَا حكوا له عن أساليب التعذيب اللا إنسانيَة في المعتقل..

رشو
سلام، الفقرة الأولى دي، فكرتني، أول أيام تشكيل التجمع "ياا حليلهو" ونسبة لغياب قيادات الحزب، رشحت "أحدهم" (يا زول هة أصلها جاطت، دآ كان أحمد أخويا) وكان يحضر نيابة عنا الإجتماعات.. يوم جاني وهو عرقااااان،،
يا زول مصيبتك دي، أعملها برآك.
سألته؛ شنهو يا أبو الصحب..
يا أخي ناس الآمن قربوا يمسكونا وبقول ليك أهو دآ، أخيير حكايتك دي أبقآ فيها برآك، لأنه أنا لو مسكوني، بجرك معايا..
والله أول كف وبقول ليهم: بابكر أخويا هو السبب :)

قرأت فتحسست رأسي وفكرتي .. اذ كنت من أيامٍ قلائل خاضعا لذات الرؤية الانسانية .. !!!

ولكن .. دعني أنظر للنصف الآخر للمعادلة ..!!
اذ ربما ساقتك قدماك هكذا عفو الخاطر*

وكثيرا ما يستوطنك أحدهم/ن فلا تجد الخلاص من وسواسك القهري إلا حين تخطو تلك الخطوة ..!!

والخطوة .. ربما كانت ( فجيعة ) أو (وديعة) لكنها كيفما كانت فهي بلا شك (بديعة ).. !!

متعك الله بالجمال ياصاحب


* في اشارة للمثل السوداني ( الكراع بتمشي محل بتريد ):)

البوست ده مريح شديد
وبمرقك من حالة اللاوعى ....الى ...الوعى الكامل بالحياة !

_________

دائما بقول اجمل رفقة للانسان ، هى رفقة روحو ..

* المثل بقول ( الكراع تدب - محل القلب مايحب )

كانديك ...اذا هى ارادة القلب ...

قلت لي رشَحت أحدهم..
إنتا يا حبيب رشحتو ولا شرشحتو..؟؟
غايتو أخوك عرفها ومرق منها..
بس إنت الله لا مرقك من محبتنا..
تحيَاتي.

ياسلام ياخي..
بلا شك بديعة..
بلا شك.
جميلة هي الخطاوي الواثقة..
طبعا الليلة انت عصرت علي..
غايتو الأيَام دُول.
تحيَاتي كانديك ومتَعك الله بالجمال والعافية.
ــــــــــــ
وين صاحبنا الأغبش ياخي.

المروق من اللا وعي الي الوعي الكامل دي عبارة مُغرية بالتأمل..
ياسلام ياخي..
رفقة الروح ملهمة بصورة لا يمكن تخيلها..
بس المهم الأوَل كيف تلقي روحك..
وكيف تفرض روحك روحها عليك..
مش بقولو الجو فارض نفسو..
وطيَب.
ياسلام ياخي.. الليلة الروح فارضة نفسها..
وهكذا من فرضان وفرضيات.
شكرا سمراء..
مزيداً من التواصل يبني عوالماً تضج.

[justify]الرشيد
تحياتي
لعلي قلت مرة إني نويت فتح بوست بعنوان "أنا إسمي مكتوب؟"[:)
مالك ياخي عايز تبوّظ لي توبتي من "سودانيات"؟/justify]

[justify]معقول ما دخلت بوست من بوستاتك؟
يعني شغالين نهجج في حفلات الناس التانيين؟
معناها إنت عندي زي رأفت ميلاد، محل ما نتلاقى نسوي المحل بيتنا
في حاجة تانية:
أنا كتير بتكلم (بيني وبين نفسي) مع بعض الأحباب، أكون داقي معاك حنك وانت ما جايب خبر :D[/justify]

[justify]أها في صوفية دي حأقول ليك: define لأني ما ضد التصوف المبني على توحيد الله، قبل مدة سمعت واحد في الراديو قال: أعظم الحرية هي أن تكون عبداً لله وحده لا شريك له [/justify]

والله ماخيّبت ظني..
غايتو كنت متوقعك ترد بنفس المعني دا.
مقولات الصوفيّة (المعتدلة) قاعد أقيف عندها كتير..
وبتعجبني لأنها كبيرة في معانيها ومدلولاتها..
عموما النظري حقهم متسامح،بس الكلام كلو في العملي..
ياخي عندهم ممارسات كدا بتخليك تقول ياخوّانا..!! قولو بسم الله.
أها هسع أعظم الحريّة أن تكون عبداً لله وحده لا شريك له..
مافي زول جايب ليهو خبر، كان قالو فيسلوف خوّاجة كان هسع مثبّت في الكتب.
غايتو انا بقرا ليهم كلامهم بس مما يجو للحضرة والحلول والــ شنو داك بفط الصّفحة.

يمكن..
تكون طاقي معاي الحنك وأنا أقول مطنشني ليه..
طيّب كان أنا طنّشتك فاعلم بأني طاقي معاك الحنك بيني وبين نفسي.
قلت لي نهجج في حفلات التانيين..!!ههه
غايتو لمّا تروق، بتجيب من بيت الكلاوي .
إن شاءالله دايما ياخي.
وفي انتظار بوست (أنا إسمي مكتوب).

حليف شايفك بتساسق ما بين مشروع كاتب كبير و ما بين مشروع فيلسوف





ليك وحشة

أب سفّة...!!!!
ده ما كلامي..ده كلام الجيلي لمّا لاقاك أوّل مرّة..
متذكر..؟؟
يااااه..
والله أمسية غريبة..
ياخي الحياة دي مرّات كدة ما تقدر تقول فيها شنو..
شارع النيل والنيل يحيط بك من جهة واحدة،
والسماء تحوطك بالعناية..
والعربات المارقة كما البرق في لحظة مخاض صاعقة ما..
والنخيل الواقف بلا عياء ينظر..
وصوت الأقدام علي الأسفلت هيّناً،ودوداً طيّبا..
وأنثي تقاسمكم المسير والقهوة المسائية الأخيرة..
لا بالله..
وتاني شنو..؟؟
هسع أقول ليك شنو..؟؟
متذكر كلامك الزمان داك..
ديـــــ شك ذاتو..
تعرف ياحليف..
لمّا تلقي نفسك مرّة كدة بالمجازفة، عبيء روحك بالمكان..
بس طوّالي بعد تمرق من المكان أنساهو..
ما تشيلو معاك ..
صدّقني خليهو وراك..
بيعذبك بالذكري..
يخليك زي تبكي وما تبكي..
زي العطسة الحرون ديك..عارفها صاح..
تقول تمرق وماتمرق..تتمني لو تمرق..
وتطلع ليك لسانها(العطسة طبعا) وتقول ليك ويييييي..
تقول ليها أمرقي تقول ليك أبيت.
أبيتي أبيتي.
ياخي مشتاقين إسفيريا ياخي.
محتاجين ونسة سمحة..
ونسة إسفيرية تجبُّ ما قبلها من غياب.
ثم..
كيفك ياطويل القامة والأحلام.
بالمناسبة ياحليف:
أنا كويّس..
تخيّل...!!

البيت منور بيكم وعقبال ما ينور* بالخال قريب إن شاء الله

كيفنك يا نيبو عساك طيبة






*شايف التنوير و مشتقاتو بقت تبع بابكر عباس

يازول نمرة واحد دي أعكسها..
أنا شايلها من الشماعة ولا حصّلتَ الدولاب حتّي..
دقّ يبدو لي أصحّ، طقّ دي من الشماعة وكدة.
قلت لي مافي خيار تالت ..؟؟يعني يا داقي يامدقوق..؟؟
مش خير الأمور أوسطها ولا ككيف..؟؟
السودانيين بيحبو الملح(المجّاني) وبيستمتعو بيهو اكتر من مدفوع التمن..
أها روقتك المجانيّة دي نموذجاً..
بس ماتكتر منّها.
بالله كل ماتكون في روقة مجانيّة بالله قول لنا عووك.هههه

عليك الله مش هانت الزلابية..؟؟
ياخي صاحبك طارح نفسو منوّراتي كبير..
ونحن بس عاملين منو رايحين.
ــــــــ
نبراس مساء الخير..
الحليف الليلة كيفني والله.
قال شنو..
ديـــــــــشكم ذاتو.
والله أيّام يازمان.

بركة اللقيتك طيب إسفيريا


بعدين اللقب ده أفتكرتو حيسقط بالتقادم
ولا بي فعل صقط الأيام ديك

مالك بتنكت علينا الحاجات القديمة ياخ

بي خصوص النصيحة صعب تطبيقا و الله
ما دام عبيت منها روحك صعب تنساها






ياخ في حاجات بتكنكنكش في الروح و فيك


بالله الشوق إسفيريا ده ملاامحو شنو؟ وكت الكلام في سياق العاطفة و كده يعني

إن شاءالله دايما طيبة
محمد بلغي تحياتي لحدي ما أصلكم


حسة أمشي ليهو ولا يجيني
القصة لازمالا تأشيرة و جواز سفر
غايتو الشكية لي الله
(ربنا يعجل شفاء الخال و إن شاء الله ما يشوف شر)


سبحان الله
حاشاك و الله يا نيبو