هسة في ذمتك ما لقيتي غير العجوز المسوس دا تجيبيهو يرد علي:confused::confused:أعملي حسابك ما تقعي كان اتكلتي عليهو وتلحقي تكل حبوبتي سكينة أم أمي أمينة;) انتي الظاهر عليك ملخبتة بيني وبين المرحوم زيدان في حكاية البهجة دي:eek:

هو ياعمو الزول لو مبتهج فيها حاجة يعني:eek:

كلميها بالله قبال ما أقلب ليها الوش التاني بتاع المشاكل..بعدين انتي اللخبتة عليك شنو:confused::confused:البنية دي جديدة وما عارفاني عجوز..في داعي قداما تقولي لي عمو;):mad:

صباح بلون النسوان،،،والله حكاية الدين دي،، هاك ،دة طرفي منها ،نان ماعندي حاجة أضيفهاتاني: ،لكن في جذء انت أشرت ليهو لازم نوضحوا(وأنكحواماطاب لكم من النساء مثني وثلاث ورباع ،وان خفتم ألا تعدلوافواحدة)،،طبعا انت حذفت "فواحدة"،أظنك متعمد،،المهم هنالك تكملة في آية تانية ،(ولن تعدلوا ولوحرصتم)،أظن الكلام واضح،طبعا نحنا"بنصدق" الله سبحانه وتعالي لأنه هوالأصدق ،فالله نفسه قطع وأجذم بعدم عدالتكم يارجال،لذلك وضع شرط للتعددوهوالعدل،وعاد وأكد عدم العدالة ولوحرصتم(ربماستسأل اذا كان الأمركذلك فلماذا لم يحرم التعدد؟،أقرب وأصح اجابة لهذا التساؤل المنطقي ،هي أنه اختار أفضل الحلول السيئة لحل مشكلة ذمنية لواقع معقدوقتها(انت عارف قريش راسهاقوي كيف) ،،،، المهم في النهاية لوجمعت الآيتين بتلقي المجموع أن الاسلام نفسه بطريقة غير مباشرة برجع بدين تعدد الزوجات ،،(يعني زي ماقالت سحر التعددماالأصل)،،،لاحظ أن الرسول "ص" نفسه أدان تصرف "علي" وعارضه بشدة، ،تاني شنو ؟ ‏‎
‎

يعلم الله اني بحب المشاكل وبموت في الناس بتاعين المشاكل (كدي الوش التاني عليك الله)،بعدين مش تحمد ربك انو جيجي قالت ليك عمو،يعني لوقالت جدو كان حتعمل شنو؟،،وياجيجي انتي كمان تمي "لخبتك" وكلمي ميلاد ،قولي ليهو في واحد دايرو معاك بي غادي‎
‎

يعني كانت بتعرف وبقت مابتعرف؟ بعدين تعرف شنو ؟وضح شوية(دايرة ليها عرفة هي؟،مش ياها حبة الحاجات ديك) ‏
‏ أما حكاية مابتهتم بي نفسها،،والله وبي حليفتها،،أي راجل عاوذ يعرس في مرتو تسألو من السبب يقول ليك شان مابتهتم بي روحها،، ،ألتقول هو بهتم بي روحو (عليك الله مش كفاية بنتحمل خربشة الشنب وريحتو ديك)‏‎
‎

تعدد الزوجات الأشرتي ليهو إنو كان حل لواقع زمني معقد( رأس قريش كان كيف) كان حل إلهي في طريق تحرر الجواري وما ملكت أيمانهم ولم يكن تواطؤا من الرب مع شهواتهم الجنسية بالله عليك لم يعدد أهل قريش أصلا و في يمينهم عشرات الجواري؟ شفتي كيف آية التعدد تخاطب أزمنة قادمة لا جواري فيها؟

سؤال بعيد و قريب هل تكوين المرأة النفسي يسمح بعشق متعدد هل بإستطاعت قلبها أن يسع أكثر من واحد في وقت واحد؟
الرجل يستطيع

هل تكوين المرأة العاطفي يسمح بممارسة الجنس مع من لا تحب؟
الضكر مو عواف و يستطيع؟

فهل فاتت علي الرب عند تشريع أمر التعدد حقيقة علمية يعرفها طالب بالصف الأول بكلية علم النفس أن المرأة (الطبيعية) لا تستطيع

رشا سلامات

ااحتمالات
1-انو اكيد جاي من رحم امه وما ا اكيد جاي من صلب ابوه
2- انه مافي مرة نكرت ولدها لكن الرجل ممكن ينكر ببساطة
3- انه في ناس ماعندها ابوات معروفين وتوخيا لحاجات كتيرة بندهواالناس كلهم باسم امهاتهم

الكلمة البين قوسين دي غريبة على اذني ما اظني اكون استوعبتها كويس

كلام معقول ومقبول

شكراً يا جيجي


وليس في الأمر عجب






إذن ...












ثم لوي عُنقُهُ وأتكل علي الله ومشي نام

أنا ذاتو نعسان ياخ

مساء الأحلام،،، ‏
‏ (هل فاتت علي الرب حقيقة...الخ)،،أنالم أطالب الدين علي الاطلاق بأن يبيح للمرأة التعدد،بل بالعكس أنا أدنت مبدأ التعددفي ذاته،،فقط قمت بسرد وقائع تاريخية وهي تعددالأزواج للمرأة في الجاهلية (بالنص كماوردت عندالبخاري)،حيث كانت توجدأنماط من الزواج منهازواج الرهط(حيث يجتمع الرهط مادون العشرة ،كل يصيبها..الخ)‏‎

‏ ثانيا أنا أصلاغير مقتنعة بالتبرير الذي يصوغه بعض الفقهاء والأئمة الذين يتحدثون بنفس لغة المجتمع التي تعتقد أن للرجل احتياجات أكثرمن المرأة وقد أوردت مثالا لأحد الأئمة المهمين ،،، لو لاحظت أنا رجحت التبريرالثاني والأقرب للحقيقة وهو أن التعدد كان حكم متدرج وتعويض نفسي للفقد الجنسي الذي اعتاد عليه الرجل ،،لو دققت جيدا في الموضوع الرئيسي والمداخلات ستجدني قد ترافعت عن الدين في أغلب الأحيان لدرجة أني قلت أن الدين كان يعالج اشكال واقع معقد

أمابالنسبة للجواري كان لزاماعلينا أن نستصحب موقف الاسلام من الجواري في هذا الحوار لأنه مرتبط بالتعددوأحكام الذناوأيضا بالواقع الجنسي حينها،،وبصراحة شديدة فيمايخص الجاريات فالموقف غيرواضح بالنسبة لي ،وربما احتاج لكثيرمن القراءات في هذا الشأن،،،لكن و بحسب ما أعرفه كلامك في هذه الجذئية عكس ماورد في المصادر الاسلامية ،لقدقلت أن التعدد كان حل لتحريرالجواري،،،أبدافقد كانت الجواري بديل لتحريم الذنابحيث يصبح هنالك تعويض حتي و لومؤقتا(الاية واضحة في هذا الشأن :فواحدة أوماملكت أيمانكم) ،صحيح أنه كانت توجد جاريات في العصرالجاهلي ولكن اذدهرت تلك الظاهرة في عصرالاسلام الأول أوان الخلافة الأموية والعباسية بشكل يبعث علي الدهشة ويثيرأكثرمن سؤال ،، لقدكانت للخليفة هارون الرشيد ألف جارية وللمتوكل 4ألف جارية وغيرهم ،،،لقد كان البندالأساسي في اتفاقية البغط بين المسلمين والنوبة هو 360 رأس من الرقيق(فيهم نسوان) لحاكم مصرمقابل الحبوب والشنوماعارفة،،،المهم هذاباب اخر ويجب أن يطرق بشدة...تحياتي

‏(أبدا فقد كانت الجواري بديل لتحريم الزنا....الخ) دة قول غريب وستشهادك بالآية لم يكن في مكانه الصحيح...ذهب معظم المفسرين إلي أن الاية هي مجرد تدرج للرجل لإحقاق العدل في بيته و ليس مجرد تعويض جنسي بعد تحريم الزنا كما قلتي

المهم
علي قول تبارك

أهاياعكننة،،مذكر ضرة شنو؟ ليه ،"مضر" دي قالت شنو،بس بصراحة الجمع ماعرفت ليهو،يعني بنقول لي جمع الضرة:ضرات،،، جمع مضر دي صعبة،،لكن بلقو ليها حل ناس أسلمة المعارف وتعريب المعارف..الخ
‏ ‏
‏ قلت لي لوفي خانة فاضية؟ أصلا كل الخانات فاضية ،شوف ليك كم مضر معاك كدة وتعال ،، ،وبي مهرواحد مامشكلة ‏‎
‎

دا الكلام..والله العقل زينة..يللا عنو ما حد حوش لكن المشكلة أنا زي الفريك ما بحبش شريك..ضرات دي أنا جيت أكتبا خفتها تتفهم غلط فزغت منها بعدين دي جمع مؤنث سالم وما فضل غير ضار:Dأما مضر حقتك دي بتكون مضرين والمفعولين بهم بكونوا مضرورين:p

قول غريب؟واستشهادمافي محلو؟،،،مامشكلة نجيب الآية ،ونجيب التفاسير،ونذاكرهم،،،أقول ليك حاجة كل زول يذاكر براهو، أناغايتو بالي طويل ،،بعدين أنامافهمت العلاقة شنو بين اتاحة الجواري وتحقيق العدل المنزلي ‏‎

‏
‏ ‏‎‏