اقتباس:
معاك أنادي أبو السعود الحقيقة إفتقدناه وخِرمنا لو عديييل أخبارو شنو؟ |
اقتباس:
عكود مشتاقين دى شايفها شوية فى حقك. بالمناسبة اللمة ناقصاك، وانا سعيد جداً اكون بين أجمل الحلوين ;) |
عثمان المطموس،
جلّت معاي بي بنط واحد بس ربنا يحيينا ويمد في الأيّام ونتلاقى إنت طيّب ونحن طيبين بختك وإنت بين أجمل الحلوين وبختهم بيك |
هذا القدر الوافي من الحنان لو ..خُص..كلُ قلبٍ ...بنفحةٍ منه...
لأصبح للكون ..لونٌ آخر...وطعمٌ... آخر... حبي..لم صاغ الكلم ومن دوزن لحنها..ومن شدا بها ومن اسمعنا اياها هنا..كل الود..عكود |
اقتباس:
أغاني الطنبور ترتبط دائماً بالمحنّة والمحبّة ليس الكلمات واللحن فحسب بل صوت الطنبور نفسه يضيف بعداً حنيناً عميقاً تصعب مقاومة تغلغله في أعماق الرقّة فينا لكِ كل المودّة والتقدير، |
أباذر
سلام ود المساعيد رهيب مافي شك ، وأنا معجب بيهو من زمن بغني: زاااااااااد عذابي وبكى عيني يوم خطابك جابوه لي إنت في قلبي وليك طريت يوم خطابك جابوه لي وكم كرهت القعدة في البيت يوم خطابك جابوه لي قالوا أروش وقالوا جنيت يوم خطابك جابوه لي إن لم تخني الذاكره التي أصابتها عوامل التعرية بحكم الزمن . أما صديق أحمد الله يديهو العافية عندما يغني زي ما قال أخونا عالم عباس تحس بيهو زي الزول البقرقر في المويه في حلقه . والله يا عكود مما سمعت تشبيه عالم دا أضحك براي في الشارع زي المجنون . طبعا صديق ماشاء الله إمكانياته رهيبة . تخريمة : الناس كلهم بقولوا ليك يا خال ما زعلت منهم اشمعنى حقتي زعلتك كدي . سلمت يا خال أبو قصي |
اقتباس:
صَدَقْ والله خاصة في أغنية يا الناسينا حبّك في ربيع دنيانا شال نوّر بطرااااك .. آآ .. بطراك لمّ اشوف لي عريس وقف في صحابو قام بشّر هو يقرقر في الموية في حلقو .. ونحن نسمعو ونشرب ما نروى بعدين تعال، هو قولة يا خال ويا عمّو دي بيقبلوها من الناس من جَمْ؟ وللا حلوة من خشوم الناس كلّهم؟ ;) أسأل خالد في المسألة دي عندو فيها فتوى، |
اقتباس:
وروحنا إنسلّت |
| الساعة الآن 01:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.