كاااااااااااااااااااااااااااااك

والله الاتنين حارات :D:D:D
__
فى رز بى لبن:D:D

وجدي يا خي حاول ما تخت الناس في سلة واحدة و تبدأ فيهم كسير
أولاً: أنا ما شيوعي مع كامل إحترامي لإنتماء أي إنسان
ثانياً: كراهيتي شنو؟ أنا عادل عسوم دا أصلاً ما بعرفه و في حياتي ما قابلته عشان أكرهه .... كل الحاصل في دلائل بالنسبة لي واضحة جداً و بنيت عليها إتهامي... يعني الموضوع لا حب لا كراهية ... و أي زول سواء كان في المنبر دا أو في غيره حصل منه كدا أنا بكون واقف ليه في حلقه و كبير الجمل... و في رواية أخري أنا أصلاً ما عندي كبير...
ثالثاً و أخيراً: تعال وضح لي أنا كحافظ حسين الفرد أخلاقي في الكراهية الما بفوقها الا برودة عادل عسوم
و شكراً

حافظ ياخ حاول ما تخش مع الناس في سلة واحدة
اولا: ساعة انت ما شيوعي البحشدرك مع ناس الجيلي شنو؟
ثانيا: شيوعية شنو؟ انا لنا جعفر دي اصلا ما بعرفها في حياتي وما قابلتها عشان احبها ... كل الحاصل في دلائل بالنسبة لي واضحو جدا وبتثبت عليها انجذابتي ليها .... يعني الموضوع لا حب ولا كراهية ... واي زول سواء كان في المنبر دا او في غيره حصل منه كدة انا بكون واقف ليه في حلقه وحلو القمر ... وفي رواية اخرى انا اصلا ما شوفت قمر قريب ...
ثالثا واخيرا: تعال وضح لي انا وجدي الاسعد الفرد سواهي في الطواهية الما بتحدها الا شرودة غزال في جبل

وشكرا

والله يا الجيلى وحافظ لا أصحاب ولا حاجة ;) رسالة داخلية بتكلفكم شنو

غايتو يا وجدى خالو مات فى الجنوب والولد خال :p

رشا دى قرت فى سستر أسكول .. وأتخرجت من جواتمالا لووووول

شباب
مغرودة لي في فتوي
ماحكم السرقة الادبية
وماهي عقوبة السارق الاسفيري
بقطعوا كيبوردو ولا كيف؟؟

سؤال جاد
حيث ان اللائحة والميثاق والعرف والاخلاق والعدالة
والوجدان السليم وروح سودانيات
ترفض هذا الفعل
هل ستأخذ الامانة العامة ومجلس ادارة سودانيات علما بذلك
ويتخذ اللازم
ولا لازم زول يشتكي
نورونا

ياخي البوست دا سبلوهو عديييييييييييييل كدا


عادل عسوم

الجاتك في بوستك يامحتك يا اخوي..

تاني ان جبت شيء منقول.. اكتب منقول ياخي..

يسعد مساك يا وجدي

وجدي مالك واقع في منزلقات الوضئ؟؟
خليك واعي لحقيقة انه مافي مسمى هنا او يافطة إسمها
الحزب الشيوعي السوداني -فرع سودانيات
وتصدق برضو انه ماعندنا أي تكليف بي إدارة أي معارك
برضو مافي معنى للتركيبة الفريدة اللي انتجتها انت دي
(تقنين الكراهية)....
لو عاينتا بحياد ح تشوف الآتي :-
هنا في عضوية حزب شيوعي وفي زول بيضرب في عمقها الاخلاقي
العضوية هنا بتدافع عن مكتسبها الاجتماعي والاخلاقي المستحق ببذلها الهنا
وحق الدفاع حق مكفول لمن يتم الاعتداء عليه
من ناحية تانية نحن هنا أفراد لنا مالكم وعلينا ماعليكم
فشنو بيعطيك الحق في انك تقول رأيك التحت ده وشنو بيصادر حقي
في القول والاشارة لمواقع العطب والاختلال؟؟؟
ده رأيك يا وجدي...

يعني أنا هسا يا وجدي أقوم الصباح من النوم اقدم استقالة مشفوعة باليمين القانونية من الحزب الشيوعي عشان اقدر اقول رأيي زيك ولاّ كيف ياباشا؟؟:D
صفتي الحزبية البمارسا في حتة تانية ح تمنعني اقول معاك راي هنا؟؟
باللهي اللايحة عاملة كده؟؟
والاخلاق والفطرة والوجدان السليمين بيكونو ما مدشدشين لمن اسكت
عن الادلاء برأيي؟؟؟
كلمني عشان باكر من الصباح برضو تلاقيني ركبتا ليك وش رومانسي وردي خالي من الدسم الشيوعي :D:D:D
------
بعدين ياخ خليك شوية رومانتيك الانجذابات مابيطرحوها في بوستات الشياطين
والحزب الشيوعي وتقنين الكراهيات أجارنا الله :D
أفتح بوست سميهو نار المجاذيب وبجي أجدف معاك....لمن تستغرب
(أجدف بتاعت الاصوليين ديك:D)
أتمناك بخير يا وجدي

يكتب منقول شنو يا أشرف هسي عليك الله شوف رده علي الراجل المهذب خالد الصايغ
عليك الكلمة المحمرة دي كلمة زول ناقل؟
قال ليك مقتطفاتي .... يعني شغل يمين و عرق جبين
عادل عسوم عليك الله تعال و خلصنا و إن سرقت فقد سرق أخوة لك
و الله أنا قابض لي سرقة تانية بس من رأس كبير و السارق حريف
يعني بغير بعض الكلمات .... بعض التعابير ما زيك
خلصنا عشان نشوف غيرك....

علي فكرة يا عادل ضيعت لي ويكند كامل في قراءة عالم الجن و الشياطين و الله كتاب مسلي و الانسان إستفاد منه

اتا يا حافظ قبل كده مش سارق مني كيس looool
اها
كان عفيتو ليك بتعفي لينا الزول ده ... خلينا نشوف عالمو ده نهايتو شنو

الفكرة غريبة ...
ياخي في حاجة حايصة في السودان دا بوظتو من اولو لي أخرو
وحا أرد على وجدي الأسعد على بوست عدا فات ... وجدي ياخوي عرس ... لانو حالتك دي أخير منها العرس

نحنا راجين قول الادارة ياحافظ

http://www.sudanyat.org/upload/uploads/adil.png

أعلاه تعريف الكاتب للجن

و دا تعريف رشا للجن
و دا تعريف عادل عسوم للجن
عزيزنا القارئي بالله ركز معاي في تعريف الجن دا بس
يعني الكاتب كتب الاتي
الجن عالم غير عالم الإنسان وعالم الملائكة بينهم بين, و الخ
لكن رشا و عادل الاتنين اتفقوا علي الأتي:
ملاحظين الشولة كانت صحيحة عند كاتب كتاب الجن و الشياطيين... لكن عادل و رشا ختوا الشولة في وين؟
هل ممكن يكونوا أتفقوا حتي علي الأخطاء
و دي بس المناظر يا شباب عشان ما يجينا زول طاير يقول شيوعيين اتلموا و كراهية فارغة وقع ليكم
و الجاي اسوأ و أمر

فتلت البوست ياعمك
وجننت الجن زاتو:D

لو افترضنا عادل دا
بكتب بى اسم رشا فى منتدى اخر
فى بعض الكتاب بكتبو نفس البوستات
فى منتديات مختلفة و باسماء مختلفة
المشكلة شنو
ما عاوز اقول انا رشا
هو حر

عليك الله إتخارجي من هنا
و أمشي شوفي ليك سيرة باريها
يا كاتبة يا كبيرة الكلام دا عليك كبير
أتخارجي و نحن في انتظار سيد البوست

السيرة هينة
انت امشى شوف ليك دكتور
نفسى اشوف حالتك المتأخرة دى
يا قليل الادب

أعصابك يا دكتورة يا رفيقة ايزابيلا الليندي
أعصابك تهمنا .... هسي الجاب قلة الأدب شنو؟
أنت يا دكتورة محتاجة لتعريف عن ماهية قلة الأدب؟

حااااافظ
جليها عليك الله
ركز معانا ماتتجرا بليييس

كدة القصة بقت أوضح من الشمس .. ما أظن فى أسوأ من كدة

كدى أدينى رابط المنتدى التانى .. عشان أسجل بهناك وأوصل الفضيحة :D:D

سنة يا رشا والحساب علىّ أنا :p

جاتك في عبك
غرام وانتقام :D:p

لو هو جلانى
انتى بتقدرى تجلينى
يا بتاعت الكوماج
حايمة فى البوستات
حريض و شكل
حتى حولتى الاعضاء لاعداء
انتى مرة ما طبيعية

الرابط ياود حليمة
انا وروفي مغرودين فيه شديييد
اجدع ياعمك
اهو شتتنا ليك الكورةlooool

انت واحد معقد من نفسو
و انا بعذرك

و إنتي واحدة و قليلة أدب

أمال و رأفت دي رابط اللفحي
http://www.alakad.com/vb/printthread.php?t=725

كدا اساوينا
يا..............

تمي النقاط يا ما محترمة

عليك حليمة ياولدا
عليك اي حاجة
دا ما مستواك
اهو قالت ليك اتساوينا كدا كويس

يا أمال ليك عندي الف خاطر و إنتي عارفة كدا
لكن الزولة دي منحطة و ما محترمة البته
ما بخليها ما بخليها

صحى و الله ما مستواى
دا شبهك انتى
و مستواك انتى
انت مرة تعيشى فى حالة
نفسية

ياخ ركز معانا ياحافظ
الناس راجية المسلسل دا
يلا امسح البساويك بي مابسواك
ياحافظ امسح وخليك صاحي

لا لا لا ياحافظ حلفتك بكل غالي

غايتو ياقيس جمعة أمس دي كانت طويييييلة بشكل
هجليج رجعت بالسلامة ...لكن البوست دا البرجعوا تاني شنو؟

:D

مرحبا وجدي...في عوالم الشيطان والجن :)
غايتو عليك مأخذين اثنين:
1-أن تأتي بابي داوود الى هذه العوالم والرجل أحد فنانيّ المفضلين :)
2-أن تختلط عليك-وأنت الحصيف-برودة الأعصاب و...برودة الدم :(
...
أخاطب من خلالك كل قارئ لسودانيات (التي نعلم)...
لقد بدأت في نسج هذا الخيط بمقدمة ذكرت فيها الآتي:

اقتباس:

... كنت أود ايراد هذه الجزئية في نسيج خيط لي بعنوان (حلاوة الأيمان)... وذلك لارتباطها بأشياء تعلمتها من جدي محمد الحسن حاجنور... لكني ارتايت بأن افرد لها خيطا لوحدها لما أجد فيها من تفصيلات كثيرة. أبدأ بعون الله ... حجر الزاوية في هذا الأمر آية كريمة يجدر بي أن أسبر غور كافة التفاسير التي وردت في شأنها... أعوذ بالله من الشيطان الرجيم (إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ (27)/الأعراف (يتبع)

ثم أتبعتها بالمداخلة رقم2 وهي تقل من كتاب الدكتور عمر الأشقر مذيلة بالآتي:

اقتباس:

من كتاب عالم الجن والشياطين للدكتور عمر الأشقر

وواصلت كالآتي:

اقتباس:

جدي (ودحاجنور) رحمه الله كان من الذين يعالجون الممسوسين من قِبَل الشياطين والجن... وان نسيت فلن أنس أول حديثه لي عن تلك العوالم... قال رحمه الله: الشيطان والجن لا يمسون ابن آدم -رجلا كان أو امرأة-الاّ اذ وجدوه عاريا ...غير متحصن! ثم قرأ لي الآية الكريمة التي استفتحتُ بها: أعوذ بالله من الشيطان الرجيم (إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ (27)/الأعراف وقد كان له تفسير خاص به رحمه الله للفظة (من حيث لاترونهم) مؤسس على حال بني آدم (العاري) الذي لا يكون متهيئا-نفسيا-لأن يرى-وهو عار- أحدا ان كان من بني آدم أو من غيرهم... والدليل على ذلك حالة الارتباك التي يقع العاري فريسة لها عندما يحس مجرد احساس بأن هناك من يراه! لذلك... كان رحمه الله يحرص كل الحرص بأن ننأى بأنفسنا قصيا كلما اضطررنا الى تعرية أجسامنا لحاجة من حاجاتنا دون أن ننسى أحاديث التحصين الشريفة... وتلك... كان حرصه أكبر بأن نحفظها عن ظهر قلب وهي احاديث التحصن عند دخول الحمام أو لبس الثوب أوغير ذلك مما يضطر عندها المرء الى أن يتعرى أو يكشف عن عورة... وعندما كبرت... قدر لي بأن اسافر الى دولة جواتيمالا في أمريكا اللاتنية لزيارة مصنع يصنع أغطية ال(Moiture propes) وهي مسابير صغيرة لفحص المكون المائي في البترول... وخلال عطلة نهاية الاسبوع ذكر لي مدير التسويق-وقد كان من عبدة الشيطان-بأن لديهم طقوس يقيمونها في معبدهم ويمكنني الذهاب معه ان اردت... ... .. . كانوا يتخيرون من شبابهم -ذكرانا واناثا-أفرادا تُجرى عليهم قياسات دقيقة ومواصفات تتجاوز -حتى-تلك التي يقننها محكمي مسابقات ملكات جمال العالم...علمت بذلك من خلال مضيفي ذاك... ومن يتجاوز أو تتجاوز تلك القياسات والمواصفات بنجاح يصبح أو تصبح (جسدا) يسكنه الشيطان والجن فيفرد له بيت وينفق على طعامه وشرابه وكل حراك حياته بما في ذلك رحلات الترفيه الى كل مكان يرغب أو ترغب الذهاب اليه على سطح هذا الكوكب... وشرط المعبد الأوحد هو أن يبقى أو تبقى الشاب منهم عاريا بقية حياته الاّ عند سفره فيمكنه أن يلبس أو تلبس ازارا يستر ظاهر الجسد دون لبس ايما ملابس داخلية تلتصق بهم... (يتبع)

ولم أكن أود (ايراد) أيما منقول آخر من كتاب الدكتور الاشقر لتقديري بأن المنقول منه في المداخلة الثانية يكفي لتبيان مراداتي من أمر الشيطان والجن...
لكني وجدتها فرصة الى أن أدعو الناس الى قراءة هذا الكتاب الذي أحسبه من أفضل و(أضبط) ما كتب في هذه العوالم اذ أعلم عن استاذي الاشقر حرصه الشديد على تخريج وتاصيل كل ما يستند اليه من أحاديث وآثار...
ثم كان المراد الثاني وهو الأجابة على اسئلة استاذنا قرقاش من (مظان) هي بالقطع أكثر اقناعا للقارئ من أن تكون الاجابة من (رأيي) الشخصي!
فكانت مداخلتي وتمهيدي بذكر مكونات الكتاب الذي ثم أتبعتها بمقتطفات مما أحسبه يجيب على اسئلة قرقاش دون الاسهاب في (نقل) بقية رؤوس اقلام الكتاب كما وردت في مداخلتي تلك:

اقتباس:

استاذنا الجميل قرقاش مرحبا بالطلة البهية ياعزيزي مداخلة تحتشد بالكثير الذي يُثري ياقرقاش وقد كنت أرغب في البداية بالتفصيل الذي وددته أنت لكني آثرت عدم التطويل في المقدمة مخافة أن يزهد القارئ في مابعدها مما أود أيصاله... لكنك بمداخلتك الكريمة هذه تشجعني الى أن أحيلك والأحباب الى كتاب أجده من أفضل وأشمل و(أدق) ما كُتب في هذه العوالم... ميزة هذا الكتاب أن كاتبه أستاذ للعقيدة الاسلامية وهو من الحرص بمكان في أمر تخريج وتأصيل الأحاديث التي وردت فيه... وبالطبع يحسن بنا أن تكون مرجعيتنا في مثل هذه الأمور (الغيبية) التي لاتدرك بالحواس أو حتى بوسائط العلم حديثه وقديمه مايصح من أقوال وآثار وعقيدة... أسمح لي بايراد شئ من متن هذا الكتاب الذي أجده يجيب على بعض من أسئلتك ثم نعود معا من بعده الى تناول أمر المخلوقات التي تساكننا وتنأى عن مدى رؤيتنا البصرية وتقصر عن ادراكها حواسنا من غير مقصودنا في هذا الخيط... أسم الكتاب:عالم الجن والشياطين للدكتور عمر سليمان الأشقر أهم الموضوعات الرئيسة التي تعرض لها هي: -التعريف بعالم الجن والشياطين - إثبات وجود الجن -طعام الجن وشرابهم ونكاحهم -مساكن الجن ومجالسهم وأماكنهم وموتهم -قدرات الجن وعجزهم.... -دواب الجن ومراكبهم -تكليف الجن.... -العداء بين الإنسان والشيطان وأسبابها -أسلحة المؤمن في حربه مع الشيطان (يتبع)

فأنا لم أدّع ولايحق لي بأني كاتب ذلك الكتاب...
ولك وللقارئ أن يتبين من ذلك من التذييل الأول في المداخلة رقم 2 ومقدمتي التي أبنت فيها بأنني سأورد بعضا من متن ذلك الكتاب...
اذ اللائحة (هنا) في سودانيات تفيد بأنه يلزم الكاتب أن يورد الرابط لما ينقل أو يفيد بأنه منقول حتى لايتبادر للقارئ بأن المادة من تاليف وانشاء الكاتب...
فهل يتراني قد ادّعيت بأني كاتب الكتاب؟!
وصدقني لم أقرأ لرشا هذه الاّ من خلال الخيط الذي ورد هنا لها...
ولا أحسبني أو أحسبها مفتئتة ان كانت قد أوردت نقلا من كتاب الاشقر -كما فعلتُ- طالما هي قد ابانت اسم صاحب المادة المنقولة!
أما أن تكون رشا هذه قد سبقتني بالكتابة عن جد لها اسمه محمدالحسن حاجنور وأنها قد زارت ذات الدير الذي يتعبد الناس فيه الشيطان في جواتيمالا كما ورد في احدى المداخلات فذاك أمر لاتعليق لي عليه طالما كنت واثقا من أني لم (أسرق) جهدها أو جهد غيرها...
اذ السرقة الأدبية-على عمومها-تكون الصق بمن يشكو فقرا في أدواته اللازمة للكتابة من لغة وفكرة وسياق ومرادات وأحسبني أمتلك منها مايجعل كتاباتي (مقبولة) على اضعف الايمان...
أم تراني غير ذلك؟!
:)

الأخ عادل عسوم ، الموضوع ممتع و غريق
أرجو أن لا تنصرف عنه بالردود الجانبية على من يريدون فتل البوست بأي طريقة ، سأتابع و أعود إليك بكثير من الأسئلة

و يا حبذا لو جاءنا أخونا حسين أحمد حسين و حدثنا عن عبد العيش و ود مسرّة

ياخ مشيت المنتدى بالرابط الصاح ده
http://www.alakad.com/vb/showthread.php?t=725

نوع المنتديات الما بتقرا إلا تسجل .. عشان كدة صاحبك كان نايم قفا مافى زول بقدر ينكت وراهو .. وطلع حفوظى فار حفار :p
ولقيت رشا دى مشرفة .. بديت أسجل وبى نيتى أخت ليها الرابط بتاع البوست فى البوست بتاعا .. قمت لقيت لى سؤال: ماهى عاصمة السودان مع تعليق (لمنع تسجيل الاعضاء الاسبام) :eek: .. أها دخلتنى ليك خوفة .. الأسيام دى شنو كمان .. شكلها زى البلاوى اليتترمى علينا من الوضي بزيادة حرف

كدى جربى أنتى آمال بس ما تطلعى كديسة سامية :D:D

:D:D
غايتو يارأفت ميلاد...
مداخلتك دي في الشرق (والرجالة) في الغرب...:confused:
ولا أدري لِمَ تذكرت قصيدة عزيزنا ودبادي (هوووي ياوليد)...
ان لم تقرأها من قبل أنصحك بمراسلة زول الله ليفيدك بها
:D

الأخ عادل عسوم

مساء الخير

كتبت :



ظللت باستمرار هذه الأيام تكتب أن ما تخطه يمينك لا يأتيه ( العَوار) من بين يديه ولا من خلفه فتبذل بذلك باليمين غدقاً ثم لا تلبث شمالك أن تكتب بذات الطريقة التي تستهجنها أنت عند الآخرين على شاكلة ما أسميته " قعدات المشاطات " ..!


ثم هنا :

اقتباس:

لتبقى تلك المداخلات فتشي -أبدالدهر- بحال وصل اليه المنتدى خلال عهده الحالي...

كل ذلك وظللت في حالة أسى دائم على حال سودانيات، وهي الموقع الذي ظل باستمرار يدار من حيث لا يغشاه الغضب أو الظنون أو المحاباة إذ لو كان ذلك كذلك لأصبحت الدعوات التي نادت بإقصاءك من هذا المكان أمرأ واقعاً، ولكن ظل " العهد الحالي" لسودانيات وفياً لفكرة الموقع من حيث تساوى الجميع في خط شروع واحد لا يميزهم سوى حراكهم فيه.

وغنيٌ عن القول أن الذي تعجزه مماحكات ومحاورات محاوريه يقفز متسلقاً سور "سودانيات" صاباً عليها من اللعنات أو ذارفاً عليها الدموع وهي أي "سودانيات" هي ذاتها لم يتغير فيها سوى اتساع مساحة الديمقراطية فيها لتتحمل الذي يقف في اقصى اليمين يحدثنا عن تمثال على عثمان طه جنباً الى جنب مع اهل اليسار أو " الجنفاوي"

لك شكري وتقديري