يا أبو عبده أخوى كلامك حلو .........ورصين
وحرفك مالى المكان وصوتو ليهو........ رنين ودلو الأخوان معاك مليان حب............ وحنين قلنا نكتب معاكم ما يكون كلامنا جلدو تخين ما أنتوا القدامنا ونحنا من ركبانكم متأخرين .............مع ودى ....................هنداوى |
اقتباس:
وِدّير النعال دايماً معاهو حكاوي يحكوبا الخلق من نوري لا مُسَّاوي يا سكوك جريت قايم عجاجك لاوي يا في الداره ترقص متهرد وتلاوي شان خاتر السميحة شِتيلة البركاوي تتمايل تجيك و تشوف وشيها الضاوي فوق كتفك تخت شبَّالا يا هِنداوي :D :D :D :D |
اقتباس:
يا الشقليني أخوي بوستك سمح بى نمّو جمَّع للصحاب من كل مكان إتلموا ياني الفيهو بارك بركة صغير جنب أمُّو وجروا النَّم صحيح وإن كان نقص بنتمّو :D :D [/align] |
اقتباس:
الزول الجميل الريدو تبّ مالينا أب نضماً سمِح يشبه غناء الوزينة ما بنقدر نسايرو وننظم حروف موزونة مطبوق الشَكَر يوصلو يحكي الفينا |
الأحباء : عبد العظيم إشراق محمد عاشق عبدالوهاب على إبريق نمَّكُم ..توضاً المساء وأنا أنظر . جمال أن يقرأ المرء تلك الأمواه تتدفق . أفي عِلم أنا أم أنا لم أزل حالماً . تفجرت الدواخل مما بها ، وكانت من قبل تتخفى . هذا نمّ المُتمرسين ، وعطر الشعر القومي . تتبدى أرض السودان الواسعة من أبجدية اللغة التي بها تُشعِرون . هذا جمال للقراءة لا أول له ولا آخر وأنا مُنصِت وأتتبَع . |
اقتباس:
شقليني ... لن تكفينا منك المتابعة والانصات هيا فتدفق ............. لتنعش دواخلنا |
[align=center]تبكي على جناها ....... من بعض جناها
غشُّوني الكُبار أبَّان عِمم مبرومه من خيري الكتير صبحت تَرَارِي جُضُوما وبعض أولاد حَشَاي من الاكل محروما ناساً بالمرض تقنِت دوام محموما وناس ماتت عديل قبَّال تَكَمِل يوما ناس داقَّا الكُدُر من بحري للمايقوما وناس بالفارهات كل البلد بتحوما :p وتاني واحده زي دي ... أها :p [/align] |
[align=center]ود الطاهر كتب : غشُّوني الكُبار أبَّان عِمم مبرومه من خيري الكتير صبحت تَرَارِي جُضُوما وبعض أولاد حَشَاي من الاكل محروما ناساً بالمرض تقنِت دوام محموما وناس ماتت عديل قبَّال تَكَمِل يوما ناس داقَّا الكُدُر من بحري للمايقوما وناس بالفارهات كل البلد بتحوما [/align] [align=center]ونرد عليهو : (26) قالوا الرِزِق يا عَبدُو جَاري يَسَبِحْ ناس سَارقَا الكَتير بالليل تَقُوم بِتضَبِّحْ نَاس شُغُل و شُغلين مَتشَعلِقِين بِتشَبِّحْ ما لاقيَا الهِدِم و نَاس تَلبس تَشيل وتلَفِّح[/align] |
[align=center]
شقليني أخوي وود الطاهر خالي بدور أضيف ليّ كِليمةً لنضِمكُم أجاري الارزاق مقسّمة للبِنوم والجاري والزول أن حمد ينال عطايا الباريّ [/align] |
اقتباس:
وقدام الخلوق نخلص دمعنا السرّب الزول السمع ما ببقى زي الجرّب والمطلوق دوام لابدّ يوم يتكرّب |
اقتباس:
آه من الغُلُب لملم عيالو وجاني وشال سيف الظلم في كبدي قام أوجاني أصلو الإنظلم بلقى الغُبُن مجّاني والناس بالقروش تمدح تبرِّي الجاني[/align] |
اقتباس:
وسيفك لي رقاب كل الظلَم وأعوانو المولى إن مَهَل ما بيَهمِل القد خانو أبليس النعيل ، ناس البشير و(أخوانو) [/align] |
اقتباس:
حامدين الكريم والله ما جاحدنو وزعلانين عشان الكفَّهُم مادنِّو بايتين القَوَى وعضم العَدَم كَادِّنُو مات فارس الكرم والصافِنات حدَّنُّو[/align] |
[align=center]كتب عاشق النيل : يا شقليني خوي ديل يوم حسابم قرّب وقدام الخلوق نخلص دمعنا السرّب الزول السمع ما ببقى زي الجرّب والمطلوق دوام لابدّ يوم يتكرّب و عبدالعظيم كتب : آه من الغُلُب لملم عيالو وجاني وشال سيف الظلم في كبدي قام أوجاني أصلو الإنظلم بلقى الغُبُن مجّاني والناس بالقروش تمدح تبرِّي الجاني[/align] [align=center]ونحن نرد عليهُم : (27) عُمرُو الكريم من الحَمُد بِتكَفَا والعَمل القَبِيح مِن الخِشيم بِتَّفَا والمَاسك العَديل من الكَعَب بِتعَفَا وبي نِعمَ الكَريم نلقَى الرئيس إترَفَا[/align] |
اقتباس:
مـا شُفتُتوا الجعيص كيف عِمَّتُو بتتلفه ينتر في المحافل وبى وراهو الزَفَّه كان نايم صِحَى لقى نفسو ساي بالصدفه في المُركَب قعد وبى إيدو ماسك الدفَّه :D :D :D [/align] |
[align=center]
يا الشقليني هوووي أنا غايتو كابِّي الزوغه زولاً أبو عِيَال ولِهَاتِي جَتْ مدبوغه وكم قِدَامِي ناس من ها الجُحُور ملدوغه برجع للغزل وأعفيني من ها الجوغه :D :D :D ... :D :D ... :D :D :D [/align] |
اقتباس:
وقلنا الزول درق حرباً بيعدل روقا ضرباً للفِقَر لامن تشوف طايوقا سويت الخَنِس ، وصبحت صلاتك يوقا ؟ |
[align=center]كتب عبد العظيم الطاهر :
يا الشقليني هوووي أنا غايتو كابِّي الزوغه زولاً أبو عِيَال ولِهَاتِي جَتْ مدبوغه وكم قِدَامِي ناس من ها الجُحُور ملدوغه برجع للغزل وأعفيني من ها الجوغه[/align] [align=center]ونحن نرد عليهو : (28) نحنا أولاد البصلة البَكَت القَاصِّيهَا نحنا أولاد الشَمِس الفَجَّت الغَاتيهَا نحنا أولاد بِت الأسد المَحَكَّر فيها معانا البنات البِعَجنَن الدَاسيهَا[/align] |
اقتباس:
:D :D :D عاشق النيل .... :D :D :D علي القسم يا عاشق النيل ... انا بضحك لمان قرررربت ............ ... ) دي قلبت فيها الهوووبة عديييييييييييييل كده .... يديك العافيه بالله واصل :D |
اقتباس:
لكن السويتو هين ياود عم الطاهر بعد ما نفختني ، وقلت يا بلد ما فيكي غيرنا ونسيت ليك المكتب والكرفتة ، وإتخيلتني لابس العراقي وشوتالي يولول ، تجي تنبطح لي جنس البطحة دي ؟؟ :D :D ما كان في طريقة غير كدا .. لكن البركة في الضحكة والله يديم بياض سنك. |
اقتباس:
:D أسمع ... سوات الشايقي بلدينا الماشي مع ود عمو وشاكل ليهو واحد .. داك ظبطو ليك بونية قوية وزولك إنبطح أبى يقوم تاني .. فود عمو قال ليهو أفو .. عليك مالك إنبطح وعملت فيها نايم .؟ قال لو : نان ما نايم لي فوق خِتِّي :D :D |
:
اقتباس:
:D :D :D دي بالغت فيها عديل كدا لا كان منبطح لك فوق راي دا يبقى كلامو تاني ..!! تخريمة (زي ما بقولو) أخونا شقليني ما يقول قلبنا ليهو البوست ونسة .. فمعذرة :) :) |
ولم نزل مع نص عبدالعظيم الطاهر حين قال :
يا الشقليني هوووي أنا غايتو كابِّي الزوغه زولاً أبو عِيَال ولِهَاتِي جَتْ مدبوغه وكم قِدَامِي ناس من ها الجُحُور ملدوغه برجع للغزل وأعفيني من ها الجوغه ونكتُب رداً آخر : (29) سيد الكُون أخُوي يَنجِيكَ من الدَابي ومن جَر الحَبِل نومَك مَشَوَّك نَابي و مِن دِين الرَّكَز اليوم أظِنَك صابي دَاك ضَرع البَهَم إت ما بقيت حَلابي |
اقتباس:
داك ضرع البهم إت ما بقيت حَلاَّبي .............. لووووووووووووووووووول @ الشقليني :D :D :D أنا خايف الشمس تأفل تغيب تتضارى وأدخل فوق جحر ولحافي يبقى حُجَاره بِلبِدوا لًي عدييل والغربة تبقى خساره في زمناً بِقَت فوقو الرَّجاله عواره :D :D [/align] |
ود الطاهر قال :
" برجع للغزل وأعفيني من ها الجوغة " ..... [align=center]مالك والسياسة ؟ تكمل يومك شّكل وما تتمو وجع رأس وشيلة حال ..والزول يصبح ويبيت في همو نضم الحب سمح أرجعلوا كمل نمو ...[/align]. |
اقتباس:
عاشق النيل أخوي البطحة مرّات حِكمه بتمرقك عديل مـن لَبعَه أو مـن لَكمَه كان زولاً نجيض تختا المكان الزحمه الحَـر إن كِتِر بِقلِب بشرتك فحمه وطوطيح الرجال أهون مصايبو الزِّكمه :D :D :D [/align] |
للأحباء نهدي :
(30) من حور العِيون بَرق المَطر ضواني وفي جَسد الوَديع تَرقُد و تَحلَم تاني الريد صاد الكَبِد والوَجَع جُواني أب عَبدةَ خوي الرَجفَة فيك عاجباني |
اقتباس:
والخايف الدواس ما بيخشى قولة الجاني لو أديتو راي أحسن تقولو أرجاني نتراوح كرام للعندو جيد مرجاني |
اقتباس:
صدقتَ يالعاشق : عاشق النيل بقول المثل : بقول المثل ، السُترة دايماً تباري فضيحة الخوف بِدِس الرجفة كان هِي صريحَة |
هوى الحبايب
بلقالى فيكم فرقة ؟ |
[align=center]
للشاعر الفخيم معتصم الطاهر : الراس الكبير.. قَالو بيغَتي الفرَقَــــة يا اب عَبدَة جِيبُ الكِسرَة رُشُ المَرقة[/align] |
[align=center]من ديوان ود الفراش : (1)
وَد الأريَل الضَارِبْ مَخَبُــه البَارِح وَرَد والليلَ غَِبُـــه كِفيل المِنتَني و عَلاَّه رَبُّــه يَنَاتِل فيهُ دَايرْ يتقَلِبُـــه[/align] |
اهل السدار جيتكم وما بقبّل تار
داركم ديما عامر وقولكم البتّار صغيركم في الكتال بين الصفوف بحتار كبيركم رايو صايب حاشاه ما بحتار |
كتب عمرابي : اهل السدار جيتكم وما بقبّل تار داركم ديما عامر وقولكم البتّار صغيركم في الكتال بين الصفوف بحتار كبيركم رايو صايب حاشاه ما بحتار ولك عزيزنا نقول (31) عُمرابي مُسدَارَك سريع نيران تلَهلِب قالوا الجَمال يقدِل بِلحيل و يَقلِب قالوا العَشوق لو إنجَبَر في النَار يَتلِب |
منذ اليوم 28/09/2006م سنبدأ مُجادعة بيننا وبين الشاعر الفخيم الراحل ( إبراهيم ود الفراش ) المتوفى عام 1883 م وذلك من رصيده في ديوانه الشعري ، ونتمنى أن نكون من قدوته ، فمنه نتعلم : [align=center]قال الشاعر إبراهيم ود الفراش : أنا البحر الكبير الدَابُو حمَّر أنا قَدْحَة زِنَاد مُدفَع مَعَمَّر بشِد البانقير جَمَلي المَضَمَّر وأنا إبراهيم أخُو أُم عَفَشاً مَجَمَّر ونرُد عليهو : (32) أنا البحر الدمير طَفَش القُدَاحَة أنا البَشار إن رَقَصَت سَماحة أنا البِكوِي العِرِق من الفَصَاحة أنا مورِد صَفاي ما عِندُو ساحة[/align] |
[align=center] إبراهيم ود الفراش : أنا البحر الكبير جَابَ الكُليتَة وأنا رحل الكُحُل مَتمُوم شِطيطَة أنا الجِنَّ الوَقَع في زولُو عيطَة وأنا إبراهيم أخو المَحزُوم ريحيطَ ونرد عليه : (33) أنا البحر الكبير إن هِجتَ دَايس أنا أب لَحَمَاً مِريرْ تَابَا الفَرايس أنا الفارس البِشيل كَتفُو النَفايس أنا اب لَهَباً يقيف للريح يَسايس[/align] |
[align=center]يقول ود الفراش :
خمسة شهور تَمام والهل سَايقْ روحي مَشحتفة وأنا ماني فَايقْ لِهيج المِشرِقْ العِنْدَ الشَوَايقْ رَدودَة روحي أنا وَكْتَ أبقَ ضَايقْ ونرد عليه : (34) خَمسة شهور وأنا الصابِر مَحَرِّقْ البَال رَاجي الغَرِب مَرات يشَرِّقْ أتعَب في النَفير وإبليس يفرِّقْ بَحر الشوقْ عَميق يَحتِل يَغَرِّقْ[/align] |
ياله من ملف
|
ملف فعلاً رائع وقمة في المتعة
إذا سمحت لي أحاول معاكم يا أستاذي |
(خَمسة شهور وأنا الصابِر مَحَرِّقْ
البَال رَاجي الغَرِب مَرات يشَرِّقْ أتعَب في النَفير وإبليس يفرِّقْ بَحر الشوقْ عَميق يَحتِل يَغَرِّقْ) الشقلينى احببت التعرف هنا لحروف ذات نهج اتعرف عليه بخطوات اولى فسعدت ، ولمرورك وقع خاص كما السابق لك التحية وللجميع هنا ، سلمتم واحة |
| الساعة الآن 03:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.