اقتباس:
شكري الجزيل ياخي علي حسن ظنك.. وشكراً لأنك بحتَّ الكلام ده وجبتو هنا ، وبيني وبينك من ناحية الكواسة والله بابكر ده "أكوس" مني بمراحل وشرف كبير لي يقدمني ليكهم هو.. ، تسلم ابوي وخليك قريب ، |
اقتباس:
وانا ويني لي ضوّك ياخي؟ انا والزيي من نوركم نقتبس.. وبي ناركم تدفى اغنياتنا.. أُكْبِرْ مساهماتك الجمالية هنا وفي مواقع أخر.. واصل في شَيْ القبح وأهله على جمر جمالك يا رجل.. وعاشت قصائدك مأوىً وظلاً. ، ، |
اقتباس:
كده خوفتيني والله أكعب شي يقدموك للناس بي صفة معينة، ويبقى تعاملك واقف عليها.. يعني كل شي تكتبو يبقى ليهو مقاس.. الله يستر.. غايتو نضفي اضنيك، وفي كل الأحوال حا تكوني مستفيدة.. فإن خذلتك انا -وهو وارد بنسبة كبيرة- فالنضافة من الايمان على كل حال.. ،gap |
اقتباس:
وشكري الجزيل على لطف الكلام والترحيب، وليتني استحقو.. ، بالنسبة لي بابكر وعبدالمنعم ديل، يتخايل لي نخليهم للأيام.. تعرف الناس ديل اقرب لي بعضهم من اي اتنين هنا.. بس لو يعرفو.. وبجي اليوم الحا يعرفو فيهو.. اصبر عليهم شوية تعرف، الحدة والشعور بامتلاك الحقيقة دي مشكلة كبيرة خلاص.. واقول ليك حاجة: ثورة عبد المنعم دي عمرها ما تستمر لو ما كان بابكر وش في صفوفا.. بس. ، |
اقتباس:
إن شا الله يعجبوك ولادك وتعجبك عافيتك "كما جاء على لسان احد المغنين الشعبيين لمعجبيه"..gap وشاكر ليك يا سيدي ترحيبك وطالما العجبتك محبة، تالله إنك زول محبة والماعندو محبة حايم ميطي "أو كما قال" ، ابقى طيب ابوي وخلينا نتلاقى وبناتنا حديث عن شفاهٍ مشاءة بكل جنون.. ، ، |
اقتباس:
لو علم الناس هنا أي ملاك بينهم لفاخروا أهل السماء.. ، إزيك ياخي والله بختي انا ان بقيت قربت ليك خطوة زيادة.. ويا ريت تتكرر الملاقاة.. ، تسلم يا حبيب و نشوفك ، |
اقتباس:
وشكراً على الترحيب ولا شك طالما إننا الرويعي وانا في جغرافيتك فأكيد تعرفو اكتر مني وتعرف قدرو بي مساختو الباينة هنا بس.. بالرغم من اني ما عرفت منو الهبوت ومنو النار، لكن "يصيدك العد يقولو الناس" زي ما كانت بتقول قريبتنا لمن ما تعرف العبارة المناسبة للرد على عبارة متداولة.. ، |
كويس نلم فيك بهنا
مشتاقين يا عريس |
اقتباس:
والله لا إشارة ولا مظلات ما جبت خبرا.. لكن بعد عرفت وكل شي لو ما غيرت فكرتي، برضو ما حا تكون ياكا زولي داك.. يا زول هوي.. انت بي صحك؟ لكن كوتي في لبن "ألبل" يمكن تزيد شوية، نظام رشاوى وكده يا حبة.. ، بالمناسبة ما جيتني لا اسع مالك؟ مش الكتوف اتساوت؟ والا راجيني اعزمك؟ ، |
صديقنا العريس
حبابك واليوم السعيد الليلة جابك.. كل الاشواق والتحايا لك وأسرتك الكريمة |
| الساعة الآن 04:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.