اقتباس:
لكن لو عايزة تعرفي هالة عبد الله خليل بتعمل كده ليه.... كنتي تعرفي امك قسمة يا مواهب...الكانت بتعشي الضيف في كفوف رحمتها وشهامتها...كانت مرة صاحبة واجب ومرؤة كانت والدة استاذنا الجميل شمس الدين ووالدة هالة وزينب وكنا بنمشي بيتهم مع دالي رحمة الله ويوسف الحبوب لمن كان شمس معتقل ..وكنا بنمشي مع شمس لمن طلع وبقينا تاتي بنمشي برانا :D:D الناس ديل اصلا عاملين كده.... وارثين الهبة والتبة من الجسورة ماما قسمة... هالة دي ماتخلعكم ساي :D ولااااا ربع البتعملو ماما قسمة واللهي....ماما قسمة كانت بتموتنا بالشهقة سمحة الروح ومرة ثابتة وضو قبيلة..... كلهم كده الناس ديل بالجد....ماركة مسجلة |
(تسلم)
دي اخر كلمة من سارة في المكالمة اي نعم كانت الكلمة مرقت كعادة السودانيين لكن من السارة مرقت زي الرصاصة واصابت في مقتل كل بلاء يترقبني اي نعم انا عارف انها ما قصدتها، لكن محبة الله لنا سخرت السارة القادمة من بلاد الكفر لتدعو لي دعاء مرق كعامة كل السودانيين ليخصني بالاجابة فيه دا من ناحية من ناحية تانية سارة دي الانطباع الوصلني عبر المكالمة العابرة البيناتنا انو سارة دي من فصيلة نادرة تسمى بفصيلة الجواكر جوكر يصلح لي ايوووو شيء ممكن تكون اختك وامك وابوك واخوك وصديقك وحبيبتك وخالتك وعمتك وايووو شيء غايتو يبدو اني مفرط في حسن النية من ناحية تالتة يا النور عملتوها في وادي حنيفة وطيب نحن الشافعيين نجيكم كيف؟ ^_^ غايتو لمن نسوي مرة بنجيكم ^_^ |
اقتباس:
|
اقتباس:
انه خيال الشعراء يا الرشيد ياخ ممكن تسال منو اسامة معاوية لانو عندو معرفة بالمجال دا من خلال عملو كمدير تنفيذي ^_^ |
اقتباس:
المرقتو منو دعوة سارةlooool |
اقتباس:
دي بي حقة الدوحة يا حلو..gapgap ثم خمايسك دي طلع منها واحد خميس مشيط.. ضيعتا الفرصة علي حمزة يا شفيفlooool و كااااااك |
اقتباس:
يا سلام عليها وعلى ماما قسمة .... ومن ناحية الخلعة يا لنو مخلوعين تاااااب والله ........وانا اتسأئلت قلت ياربى فى البيت بتستقبل ضيوفا كيف لو هى هنا كدا ........ ما ننجه هلولتنا:) وربنا يقويها كمان وكمان ويديم خيرا ....... |
اقتباس:
ودا من واقع انو سارة فى رحلة هداية وكدا , فيمكن تكون (تسلم دى )تفيد الدعوة الى الدخول فى الملّة وقيل التهديد:p .......... |
اقتباس:
هو قال بلاء "يترقبني"، مع إنو مافي مترقب غيرو:D يا سارة ياخي عُمرة مقبولة، ويا شباب وين بقية الصور؟، البوست كلو سارة:D |
اقتباس:
دي ساره الواحده حقتنا دي ولا سارةً تانيه مباركه العمره يا سرور وربنا ينولك حجه كمان قريب يا نورنا انتو كريمين وساره تستاهل ملمومين في الخير وعلى خير دائما باذن الله |
كم نحتاج إلى الفرح فى وقت أصبحت فيه الضحكة صدفة
سارة الجميلة قيثارة الفرح .... زولة تفتح الروح ضلفتين التقينا بعد زمن طويل .. وعشمنا كان كبير في وقت اطول .. ولكن . جيتك لينا اسعدتنا ... و إن شـــاءالله تكرريها مرة تانية في وقت أرحب .... يا سلااام عليك يالنور بوست كامل الدسم تشرفت بمعرفة زميلاتي وزملائى بسودانيات (فيس تو فيس ) كنت اعرفهم من خلال المنتدى فقط فرحانة بيكم يا بورداب سودانيات بالفعل سودانيات تواصل ومحبة لكم مؤونة عام من الود |
اقتباس:
|
اقتباس:
|
اقتباس:
النور: فليكن هذا وإنا له لمنتظرون وداعمون نيابة عن حسن وياسين ومنة الله وسعد الدين |
صديقي النور
( اسرج خيولك .. او أنثر حروفك ) فهاهي سماء الرياض حبلي بوعد المطر ... وهاهو مقدم الوافدين يرسم علي الشفاه بسمة ترقب وانتظار .. وجوه مستبشرة ضحكة ادمنت فعل الترقب وانتظار المستحبل (كما قال شمو). مقدم الخير كان هطول هذا الرذاذ الذي غسل المدينة المسكونة بالشوق والتعب. كيشو .. مضي لدوحتة بعد ان بلل عيوننا برؤي تلجم اندياح الاشواق ولو لحين (وله عودة). سارة إمرأة ساحة .. تفصيلية حد الدهشة.. مرحة بوقار .. ووقورة بمرح طفولي .. و جلسنا تسامرنا تعارفنا تمددت سودانيات في كل الامكنة . أكثر ما أدهشني هو حرصها على أن تعطي كل من في الجلسة مساحة من وقتها حتى الأطفال لم تستثنيهم سارة وكأنها فراشة توزع رحيقها ..(ساعود مساءا اخر لاواصل ). |
انا ... كبرت كراعى من الفرح
نص فى الارض ونص فى النعال :cool::cool::cool: ساعود باذن واحد احد لاكتب ما لم استطيع التعبير عنه وجها لوجه وحتى حينه لكم جميعا اهل رياض الخير كل المحبة والاعزاز..ساكتب عن رحلة اراد الله لها ان تكون بدون مقدمات ..تبدأ ببيته الحرام مرورا بمسجد النبى الكريم وتقف فى اجمل اللحظات عند معاليكم وتختم ببيت الله الحرام . لكم محبتى فرادى وجماعات سارة |
قال احدهم ثمار الارض تجنى كل موسم وثمار الصداقة تجنى كل لحظة
هؤلاء هم اصدقائى وصديقاتى..فى زيارة اراد لها الله ان تكون سريعة ومفاجاءة بدون تخطيط مسبق..كتبت رسالة الى ابو حمزة واخرى الى بلة الفاضل وقلت لهم احتمال ان احضر فى عمرة سريعة فرحوا وبدأوا فى عد الايام. كان اول من شرفنى الله بمقابلته العزيز بلة الفاضل وقد اصر هو على مقابلتى اثناء العمرة رغم تحذيرى له بان لا يخرب عمرتى بالكواميج:p ولكنه حضر وكان اللقاء فى اشرف بقعة على وجه الارض مكة المكرمة وعلى بعد خمسين متر من الكعبة التقينا وضحكنا من القلب وصلينا العشاء فى الحرم المكى وكان يوما رائعا كروعته ناصعا كبياض قلبه وصفاء سريرته لم يقطع لقائنا الا تلفونات يحى عثمان والذى ضحك كما لم يضحك من قبل وصب جام غضبه على بلبل او بلال كما اتفقنا على تسميته بانه تسرع فى ضياعgap عمرتى الوحيدة ..ومن يومها لم تنقطع تلفوناتهم واتصالتهم حتى اكملت بفضل الله عمرتى وعند حضورى الى جدة كانوا هناك يحى حجز الفندق تحت اصرارى بعدم الذهاب الى اى مكان غير الفندق ودفع وانتظرنى فى الاستقبال وهو متأنق ولابس احمر:p ودى قصة تانية بعدها حضر بلة وكان مساء حفته الملائكة كنا ثلاثتنا وكاننا خلقنا فى اسرة واحدة وكاننا لم نفترق شكرا بلة وشكرا يحى لكم محبة تعلمونها واخرى الله وحده يعلم بها . |
اصبح الصبح وانا فى هوتيل كازابلانكا اتصل العزيز فخرى الزين
وفخرى دا يا جماعة الخير عروبى ومخ اتجاه واحد اتصل فخرى وقال انا فى الطريق عشرين دقيقة بكون عندك..لبست عبايتى الجميلة وانتظرت فى الاستقبال والعشرين دقيقة بقن ساعة وفخرى رايح :p المهم وصل الجميل تسبقه ابتسامة لو قسمت لاهل الارض جميعا لشفت سقيمهم واحيت ميتهم وبعد التحايا والسلامات سالنى ان كنت اسكن فى الفندق مع فوج ..قلت لا انا وحدى..قال وحدك؟؟؟؟؟؟؟؟ على الطلاق بالتلاتة ولا دقيقة ما تقعدى قومى تقوم قيامتك قومى لمى حاجاتك ويلا قدامى..هذا هو فخرى الزين أب احمد حاولت جاهدة ان اقول له بانى رفضت الذهاب مع يحيى وبلة ولكنه لم يسمعنى دهبت معه الى منزله العامر وست بيته الراقية جدا جدا ام احمد وبسرعة البرق تعلقت باحمد واخته وتعلقوا بى وشكلنا تيم خطيييييييييير لعبنا أتارى ولعبنا كراتيه وكل ما يخطر بالبال وسعدت بمقابلة بعض افراد اسرة العزيز فخرى شقيقته وابنها وابن اخته الحبيب رامى وللحظة شعرت انا وابنى فرح فى مكان واحد شكرا اب احمد فقد كنت واسرتك فى تمام البهاء وكامل النور شكرا لاحمد ولوزة فقد جملوا ايامى والله وشكرا مقدما لام احمد اما موضوع البوش بالصينية فدا داير ليهو بوست براهو وصور فخرى الزين بدون تجميل برضو عندى انتوا بس سووا صبر والله سوى تدبير. |
سامحونى يا احبة
ساتوقف هنا لظروف تخصنى والى ان يقضى الله امرا كان مفعولا |
اقتباس:
أي والله يا النور شكرا ً لكم جميعا ً وشكرا ً للأخ أسامة الذي أتاح لنا فرصة السلام على الأخت سارة ولقاءها هاتفيا ً وكم تمنينا أن نكون معكم وبينكم ولكن حبسنا حابس وظرف طارئ .. فالعتبى لكم وللأخت سارة. |
اقتباس:
شكرا جزيلا سودانيات شكرا .... شكرا .... شكرا.... الحبيب الخالد الذي جعل ذلك ممكنا في ميزان حسناتك يا خالد ما اجمل ان تقدم لاختك ( بت امك وابوك ) واولادها ولزوجتك ولاولادك زوله جميله جمال كل من عرفتهم من خلال سودانيات وتقول ليهم ( دي اختي ) وانت فخور بها شكرا جميلا يشبهك يا ساره سلام يا ناس الرياض |
سارة
وفي حضرة سارة وفي ساحة سارة كان يوماً ساراً جداً .. أمينة الأمينة كان الترتيب سريع ومفاجاة سارة بالرياض سريعة واللقاء سريع والطريق إلى ساحة سارة سريع ومرت الساعات خاطفةً .. حين هاتفني الرائع أبداً الصديق والأخ أسامة ملاتني البهجة بان لقاء سارة التي في تلك الأقاصي ولا تكف عن نثر جمالها صار ممكناً .. وكان يوماً خفيفاً وجميلا وكانت سارة أجمل وأجمل .. سارة الشريرة بكت ولم تستطع الحديث .. إنها سارة النبيلة الجميلة .. التي تحب الناس وتهتم بالناس وتسعى ليكون الفرح ساكناً بين الناس .. بروحها .. بتلقائيتها .. بوثوقها العظيم في سارة ومحبتها الفائضة للجميع وقد كان كل من حضروا يتدفقون حباً وجمالاً وكيف لا نكون كذلك وقد جئنا جميعا لسارة .. كانت السعادة بالغة بكل الاخوة والاخوات وأسرهم والبعض يلتقون للمرة الاولى ولم يكن هناك من غربة .. كان الجميع في مودة عالية .. كانت القفشات والمشاغبات والضحك والفرح هي أجواء المكان واجواء الجلسة .. لهذا يحب الجميع سارة شكراً أمينة يا فائقة المحبة والإنسانية والجمال .. وفرحي بكم جميعاً من جمعتنا تلك الأمسية، النور يوسف الربان الماهر ، أسامة عبدالماجد، هالة عبدالله خليل، مواهب عبد العزيز، رحاب سليمان، عاطف، عبدالحفيظ، ازهري سيف الدين، جمال عبدالناصر، عباسالشريف، زول الله وكل الأخوات العظيمات اللائي كن حضوراً والأطفال الذين ملأوا المكان بهجةً وفرحاً .. |
|
النور ..كما النور يجهرك يبهرك ويهديك الطريق تشعر معه بدفء الاخوة
وامان الابوة .انتظرنى كثيرا فى المطار ووبمجرد وصولى صالة القدوم رايته رافعا يده تسبقه ابتسامة ووجه صبوح ووقور..كانت اول مرة اراه فيها ولن تكون الاخيرة باذن الله وبعد السلام الحار والترحيب واستقلينا العربة لمنزله كانت الرابعة والنصف صباحا...وصلت ووجدت كل البيت صاحيا فى انتظار مقدمى رفيقة دربه الانسانة الجميلة جدا وزهراتها حتى الصغيرة لم تنم وكانت هى الاخرى تنتظرنى لم ينم احد وجلسنا حتى لم نشعر بالوقت وكعادتى تمت صحبة قوية جدا بينى وبين بناتى وبدأنا فى التخطيط للخروج بدون اذن لنقضى وقتا معا وكان لنا لم احس غير انى بين اسرتى وعيالى وبدأت احسد نفسى هل انا فعلا محظوظة واراد لى الله ان ازور بيته واعيش اجمل اللحظات مع الملائكة السمر(هذا التعبير لاخونا عثمان حمد ورايته يتوافق فى وصف النور واسرته) شكرا ابو أرام شكرا ام ارام شكرا بناتى الحبيبات فصحبتكم ومعرفتكم تاج على راسى افاخر به فى المحافل. |
ابو فجر...دا حكاية براهو انت يا زول مقنع حوبة وكتين المضارى يبين
كرمك .نبلك انت ورفيقة دربك يخجل حاتم فى زمانه شكرا نبيلا يشبهكم. زارنى ابو فجر وزوجه فى بيت العزيز النور وكانت لحظات ما اجملها الشاب الفنان الخلوق ابو فجر لا ترى وجه الا ويلفت نظرك بابتسامته العريضة وقفشاته ..صحيح لم يسعفنى الحظ لمجالستكم طويلا ولكن يشهد الله سعدت جدا جدا جدا بكم وللغالية الحبيبة الراقية شديد ام فجر كل المحبة ودا وعد منى العمرة الجاية باذن الله لكم نصيب الاسد فيها:p فانا لم العب مع فجر واخوها كما تمنيت لكن طالباكم وحقى ما بخليهو مودة تعلمونها واخرى الله وحده يعلم بها. |
هنيئا باللمة
وبصحبة الحاجة موني التي تخطو بخطي وئيدة نحو الكير هوم:plooool شن فضلك تاني :cool: |
سارة يا ستهم ... كان قلت ليك إنو امبارح - بعد ما شفت بوست كبر - أول مرة أعرف انك أمينة عيسى الفي س. أونلاين بتصدقي ؟!
حكمة ربك، أنا هذه الأمينة عيسى ما بدورها كلو كلو و السبب الوردة السوداء الفي البروفايل ... كميات من الاكتئاب التقول نحن ناقصين !! بالجمبة كده :واضح إنو معزة الناس ليك صادقة و عميقة لكن عمرتك المنقولة في الفضائيات دي إلا تعيديها !! :D |
اقتباس:
قلنا بسمة خفيفة قبال ما سارة تجي تحرمنا منها :D |
اقتباس:
الحاجة الوحيدة المحيراني في عمرة ستهم دي انها ما مصورة فيديو !! :D |
اقتباس:
كنا صورناها ليك |
مولانا وعمو امين تلبوا لى من دفار عمرتى دى:D
قبال ما اتلوم معاكم والبوست دا احتفاء بمقابلة الصحاب والناس السمحين ويا مولانا انت ابيت تقابلنى عشان انا حلفت كان لاقيتك بعمل زى قريبتك الزمان ديك وانت قمت فكيت البيرق:p |
اسامة عبد الماجد احد مهندسى وعرابين هذه اللمة
كالنحلة نشيط وهميم ولا تجد منه الا العسل رائعا وانسانا يجبرك ان تنحنى تقديرا واحتراما له كان له الفضل بعد الله فى الاتصال بالكثيرين الذين تشرفت بلقائهم شكرا يا نبيل لك ولزوجتك الجميلة الراقية كل المحبة ولن انس وقفتها اكثر من اربعة ساعات لتحضير الشواء والاكل ولم تجلس ولم تاكل الا بعد ان تاكدت ان الجميع اخذ كفايته... من وين انتى يا بنية؟؟؟ فمثلك نادر يا غالية لك ولعيالك وابوهم المحبة التى تستحقون وكما وعدتك ستكون ان شاء الله فى المرة القادمة زيارة خاصة جدا لك. |
اقتباس:
اقتباس:
انتي قريبة كيشو عملت شنو خلتو فك البيرق ؟!! :rolleyes: |
اقتباس:
|
اقتباس:
|
اقتباس:
يا جماعة العندو الرغبة يؤجر صندوق البريد بتاعو يدينا خبر، ناس اللدارة طنشو طلب زيادة القدرة الاستيعابية للبريد ولو بالإيجار |
اقتباس:
|
اقتباس:
|
كمان سووولك ساحة
حكمتو بالغة واحدة عمرتا مقروضة من جميع الأطراف التقول جبنة لمو فيها فيران قال ساحة قال اسحسح ركبك يا مكعوجة عليم الله مشتاقوووووووون بالجبنة:D وسلام يا الرياض والأحباب |
اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif كمان سووولك ساحة حكمتو بالغة واحدة عمرتا مقروضة من جميع الأطراف التقول جبنة لمو فيها فيران قال ساحة قال اسحسح ركبك يا مكعوجة عليم الله مشتاقوووووووون بالجبنة:D وسلام يا الرياض والأحباب آه يا طفس لكن نوعك ده يستاهل يكسروهو ويدشدشهو وتجيهو الحمي تاني |
| الساعة الآن 07:28 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.