متابعين الحوار الجميل
|
اقتباس:
[align=center]سلااام للكل نان ياناصحة..دي ما كشكرة سااااكت في راجل مانقناق في الاكل يختي...!!!!! مستحــــــــــــــــــــــــــــيل يكون ايام زيارتك ..كان مقطعو في حشاو..لزوم الضيافة:D ولا شنو..قولك ياخالد ... دام الجميع بالعافية وعدم النقة.[/align]looool:Dgoood |
اقتباس:
دي ظابطة معاك كلاماتو حنينة وبتحكي حال البلد بس طول بالك يااخوي ولمم اطرافك وروح على البلد بدل تلقى البيت فضى عليك وبعدين دي ماجكسوية بس لكن دي كانت بتتونس ساكت بتقضي وكتgoood اقول ليك خسرانة هي والله ولا شاكوش على راسهاهي وقع اها انا هنا للمساندة من عصير ومناديل وكده لانو اماني مافي ومحاحاة ناس الزرزرة |
اقتباس:
لو رجعت عشرين سنة ما أفتكر أغير حاجة والله ... وردة علي قبر أمي وأخري علي قبر والدي والأخيرة لحباب خالد الحاج .. الأكل مشكلة يا سرور فأنا أسلوب أكلي مختلف تماما من أبنائي فهم لا يحبون "الطبائخ والمسبكات" ويفضلون "الجنك فود" ... أجد نفسي أطبخ أحيانا غير هذا آكل الموجدود وإن لم يرضيني واضعا أمامي الحكمة (ليس بالخبز وحده يحي الانسان) . تعالي يا سرور وكت ما تريدي يشيلك الراس يا ابنة العم . |
اقتباس:
شفتي زول ما يتكلم 15 يوم ؟ ... |
اقتباس:
عساك بخير يا ابنة العم.. خلي الطاجن مغطي..:( الشكية لله ...... |
خالد الحاج
رجل بعمق بلادنا و طيبه اهلنا شخصيه لا يمكن تجاوزها بسهوله .. و لانى فى سودانيات منذ ان بدأت فشهادتى فيه مجروحه سعدت كثيرا بلقائه الثر .. و سعدت اكثر بهذا البوست و الذى اتاح لى فرصه النظر اليه عن قرب شكرا لك يا ابا امانى و شكرا كثيرا لخالد .. :) |
ياخال
سلام شوق أسئلتي:- 1- هل قناعاتك مازالت راسخة بإنتماءك للحزب الشيوعي؟؟ 2- هل الثوابت في الفكر السياسي تشيخ بفعل السنين؟؟ لا أقصد سنين عمرك (الندية) وإنما تداول الأيام والمتغيرات ودورة الشخوص في سلالم الهيكل الحزبي!! 3- ماهي رؤيتك المستقبلية في مساهمتك للمراحل الآنية لسودان ما قبل وبعد الأنتخابات وإستفتاء تقرير المصير؟؟ والقدر الذي ستسهم به سودانيات؟؟؟؟ 4- هل مازلت متشبس بكل القناعات التي حملتها من مشاركتك بمؤتمر الإعلاميين ؟؟ 5-أولاد أختك كم؟؟؟؟؟؟؟؟؟؟؟؟goood محبتي التي تعرفها الميت |
اقتباس:
|
اقتباس:
اقتباس:
* نعم لا أزال عضوا في الحزب الشيوعي. * عضويتي في الحزب مجمدة بطلب مني إلي أن أتلقي ردا في شكوي مرفوعة من قبلي لقيادة الحزب وامتد انتظاري منذ شهر فبراير ولا جديد . أما عن القناعات فصبرا... انتظرني شهرا وستقرأ رأي ... اقتباس:
علي كل حال هل يكفيك القول أن خيبة أمل كبيرة تتملكني بعيد المؤتمر الخامس للحزب وأن التغيرات التي حدثت لا تتوازي والمرجو .. اللهم إلا أن كان قيام المؤتمر نفسه يعتبر انجازا استثنائيا نكتفي بإعلان فرحتنا به .!! اقتباس:
نعم الوضع السياسي الراهن لا يبشر بمستقبل مطمئن خاصة فيما يتعلق بتقرير المصير لكن الدول لا تقاس بحجمها يا عزيز انما بمدي تماسكها وما تقدمه من رفاهية وسلام وأمن لمواطنيها ... فإن كان لا بد من انفصال فاليتم ذلك في صورة حضارية وبسلام . اقتباس:
كان مؤتمر الإعلاميين فرصة لي للمشاهدة عن قرب والحكم (فرست هاند) علي أوضاع الوطن بعد أن ظللت أكتب منذ 1995 من علي البعد معتمدا علي ما تجود به وسائل الإعلام .. اقتباس:
|
اقتباس:
فيكا يا خلودي بشوف الزول الديمة مشغول، حياتك يغلب عليها طابع الجدية،، ممكن أقول في بعض الأحيان أنك مهمووووووووووووووم (في شني يابا الدنيا حلوة وخلي بالك قصيرة) لكن بالرد دآ،، بقت نظرياتي مشقلبة،، حلوة ذي حلاوة الزول الرديت عليهو،، غايتو ظنيتك من نسيم هولندا الداشر قنب (كنابيس) بقيت رويان....gooodgoood وخلى مقياسي إنقلب..:D:D سلامي للمحظوظين بيك، صباح ونهار ومساء،،، |
ملك الروعة .. والإبداع .. سلام ..
الخال.. د.. لك الصادق من القلب .. متابعين وسعداء بكل ما يدور منك ومن المتداخلين إجاباتك .. أدب رفيع ونظم بديع .. بس العزيز عبد العزيز بن الخطاب لم توفي سؤاله حقه كما أظن .. فهو قال .. وأنت قلت ..
اقتباس: 5-أولاد أختك كم؟؟؟؟؟؟؟؟؟؟؟؟ أولاد أختي اتنين يا عزيز واحد مات رحمة الله عليه والتاني عاااااااايش __________________ ضنيته .. قاصد شيتن كتر .. وعلامات الإستفهام الكتيييرة دي تشير .. وضنيتك قصدت الزوغة فأولاد أختك يا (خال) لا حصر لهم..عجبا.. ينقص الدال من إسمك ويظل الإسم كامل المعني والمضمون .. لا تستبق الأحداث فهناك في جعبتنا..الكثير المثير الخطر.. وحاليا الله يعينك يافردة على القدامك ديل شايف الحبيب تكعيب بوكو .. بيسخن على الخط .. في أمان الله .. ووداعته .. تشاو |
اقتباس:
ست الأماني الحلوة وجميلة.. أنا أولاد أختو بعرفهم كلهم،، ما هم إخياني، سودانيات وسودان بالذات وكل سوداني بالجنسية وال(ميلاد) "أهو إسم واحد فلت منهم";).. لكن يابا لو شفتا أولاد خالتو هو،،، أبتديهم من زملآ المهنا ناس كمال "الكبير وكبير" وأمر علي البندر الهو في الأصل منبع الدر وأصل بيكا لي رب البهجة والجمال، مفرح القلب ومسعد الخلق "أسعد البرير"... غايتو هو يفرح وإتا تفرح والشئ البيفرح برضو وبزيد الفرحة؟؟؟؟ اللون الهلالابي، الله يسرك يابا في ما يغرك.... "بمناسبة هلالابي؛ المرة الوحيدة القعدتا فييها لمدة ساعات في إجزخانة خاصة،، جاءت وحدة وطلبت حبوب الهلالابي،،،،، ما عرفتا المقصود!!! أخوك زول حكومة بث دواء دون أسماء تجارية،،، قام لحقني المساعد في الإجزخانة وجاب صندوق لونو لبني لحبوب منع الحمل،، وعليه رسمة قمر كامل وهلال،،،" |
شكراً كثيراً أبو أماني .. !!
الجميل خالد الحاج متعك الله بالصحة والعافية أنت وعصافيرك الندية أينما حللتم .. !! أشهد أني قرأتك بجوانحي فوجدتك تحمل الوداد كله .. !! فقط لك تحية مستحقة .. !! مع تقديري |
اقتباس:
صباح الأيقونات على البحر كن أم على مفترق الشوق أما والبحر أمامنا وفي معيتنا الجمال ... لن نستثني منه شيئاً .. !! سعيدين بأن نكون في خاطرك يا جميل ... !! عاطر مودتي |
العسل البينقط .. طارق ..
اقتباس:
وكما قرأتني قرأتك يا صديقي العزيز .. شكرا على الكلام الحلو الجميل ولا عجب فطيب المصدر يفوح أريجه يعبق الأرجاء .. يهمني في المقام الأول والأخير .. أن نساهم جميعا في إعتصار ما نود معرفته من ضيف مائدتنا الدسمة .. وحررررم مافي زول يقوم منها .. أرجو الحلو ... تحياتي يا عسل .. لك ولجميع المشاركين أعلاه وعلى القائمة الحبيب تكعيب بوكو goood |
الكتاب المفتوح على ضفتيه .. ود مخير سلام
اقتباس:
حقيقي يا دوك .. مداخلاتك ومساهماتك الدسمة الموجزة التي تذكرني بلسعات محمد على كلاي تذكرني أيضا بالإمتحانات في مرحلة الثانوي العالي .. يا أخي والله وووالله إت ما في منك إتنين في البلد دي .. تصدق يا مؤمن؟ محاورتك للخال العزيز خالد وإثارة كوامن الذكريات بأصدقاء الصبينة والشباب .. محاورة ذكية بلا شك تستفز مشاعر ضيفنا الكريم وتجعله يسهب دونما يقصد وهذا غاية ما نصبو إليه دمت لينا .. نبراسا مضيئا .. وفكرا راجحا وحاديا للدرب أبا جعفر المنصور .. ولأبي جعفر الآخر (خالد) كل الود .. وننتظر ردوده على المشاركين بفارغ الصبر ..أرقدوا عافية goood.. |
اقتباس:
يا ربيييييي مبالغة هي فاتورة التربية في بلاد العم سام للأسف سمعت مواقف كتيره عن تمرد الأبناء هناك ولكن ... اذا إفترضنا نية الرجوع الى الوطن في يوما ما كيف سيتكيف الأبناء على العيش في السودان ؟؟؟؟ وهل النية موجوده خصوصا بعد هذا الموقف المخيف....؟؟؟؟ [/align] |
الحبيب خلودي .. شنو يعني الطناش ده؟؟
اقتباس:
أولا رد على البنية يا خال .. وثانيا هنالك عدة مداخلات أعلاه لم ترد عليها ثالثا وأخيرا هانت بعد ردودك على كافة ضيوفك .. ممكن في ختام طلتك البهية ترشح لينا على مزاجك الضيف رغم إثنين .. والذي تسبغ عليه شرف أن يأتي منك .. وبعدك .. لك خالص مودتي goood :D :D |
اقتباس:
بابكر مخير طارق صديق أبوأماني المسألة ليست أكثر من "دبرسة" مقيمة أجاركم الله ... غياب غير مقصود والله ... محبة مقيمة يا بابكر وطارق تعلمانها ... العزيزة همس الشوق.. سارة لا تزال طفلة وما حدث لم أوصله وصفا لمرحلة "التمرد" لكنها تجربة قاسية علي كل حال.. أما عن الرجوع للوطن فهي رغبة لازمتني لأعوام طوال -14 عام- هي مدة وجودي في هولندا.. المسألة لم تعد تتجسد في "شخصي" الضعيف انما في الأولاد.. وكل يوم يمر يصير القرار أصعب.. شخصيا لم تعد مسألة العيش في الغرب تشكل لدي ذاك البريق المرتبط ب "الشباب"... شاهدت الغرب وسافرت لأكثر من عشرون دولة حول العالم ... صدقيني ليس هنالك جديد يشاهد .. قال عالم أنثربولجي : (كي تفهم نفسك جيدا عليك ب "أكسبلور" عوالم أخري )... النتيجة أن الانسان اينما كان وكيفما كان شكله ولونه وذهنيته هو هو الانسان ... النتيجة .. أشتاق لحياة بسيطة .. سلام الجار وقولة اتفضل ..حرم تشرب شاي.. وكل سنة وانت طيب ، ويا آخي كفارة ... و..... بس ... حتى هذه أصبحت عزيزة المنال ... الشكية لله . |
أخيرا عليك بأحد هؤلاء يا أبا أماني...
النور يوسف رأفت ميلاد لنا جعفر هاشم طه حسن فرح بابكر مخير.. |
كفيت ووفيت يا أبا جعفر المنصور الله يديمك
اقتباس:
حقا ابهجتنا واسعدتنا بإستضافتك الرائعة المتميزة وخرجنا منك بحصيلة وافرة من أشياء حميمة كنت تكنزها لنفسك ومن تعزهم فاقنعك أبو أماني باننا منهم .. ترشيحك سيكون فهرست كما جاء من بنانك الرائع .. لك الود الصادق والحب الصاخب والشوق الدافق للقائك والأسرة الكريمة لهم تحياتي .. وليشمر لنا العزيز النور يوسف المرشح الأول عن ساعديه .. بدايتي مع ضيفي الجديد .. سؤال واحد تمهيدي : أود التعرف إليك أنا وباقي من لا يعرفونك يا نورنا الضاوي فهلا تكرمت ومديت رأسك جاي؟ .goood.goood.goood |
ضيفنا الكريم
اقتباس:
ده محل الشواكيش طبعا لانو لجنه الاختيار دي اساسا كان حيدوك فيها شاكوش يعني يبقوا اتنين الله يكون في عونك (الجنه)دي جايبين سيرتها مالكم مورما فشفاشنا :mad: ياريت تحكي لينا ما أمكن من تجارب كانت لها أثر في تغيير مجري حياتك أذا حصلت ولسه جاينك للباقي..بس شويه كده |
شكرا
شكرا للرائع ابو اماني علي الافكار الرائعه
أعزرني كتبتها بعد المشاركه |
شكرا أستاذه سمية آدم وعذرا .. خالد الحاج ..
اقتباس:
طبعا بعد إعلان ختام زيارتك أعلاه وصلت المداخلة الرائعة الهامة من العزيزة أستاذه سمية آدم ولازم يأتي الرد منك شافيا ومسهبا لانه آخر رد بعد إنعتاقك .. لكما خالص الود |
شنو يا خال .. لا بأس ؟؟؟
[align=center]We are waiting... I hope not 4 long... chawoooo[/align]
|
اقتباس:
حبابك يا خية.. هناك محطات عديدة ... لكن المحطة التي أقف فيها "الآن" هي التي غيرت مجري حياتي.. باختصار وأرجو أن لا تقولي لي أشرح (اكتشفت بعد سنوات طوال أني لم أشتري الوهم فقط انما اسهمت في تسويقه) :( أزيدك (هينين) علي قول أهلي الشايقية ... أني بعد هذه المحطة لا انتمي إلا للوطن . ويا أبا أماني أنا ماني جاييك هنا تاني دحين أقبض في النور يوسف أو هاشم طه أو رأفت ميلاد.. أيا كان صيدك فأنت الكسبان .. والسلالالالالام . |
كلامك أوامر يا .. ملك ..
اقتباس:
النور يوسف .. أخوي هوووي .. السلام عليك .. أظنك سمعت وشفت وقريت الكلام الفوق والفوقو كمان .. دحين ما تطول علينا الغياب .. وإلا على القسم أرفع عليك دعوة في منظمة حقوق الإنسان نيابة عن كل مريديك من ظهر منهم ومن بطن .. لو داير نعزف السلام الجمهوري لطلتك حاضرين .. يا أمير ... أبقى لا داخل .. وسوعالي معلق فوووق .. تشاووو goood goood goood |
أبو جعفر هووووي الكلام ده ما بيبقي ..
أنا غايتو ماعارف .. لاكين زي ما رشحت لي ثلاثة أربعة أنفار وحيرتني .. وزولك النور يوسف ما قع يظهر ولا حتي في الحوار .. تحدد لي زول بعينه وتخته قدام المشاركين .. أها بتسوها .. ولا أحرش عليك بتي سارة؟ ..gooodgooodgoood
|
اقتباس:
|
جوزيف النور
منتظرين:p لا تدعنا نعتصر الشوق اعتصارا قبل جاي:) |
والله (ياود أخوي) كلامك عدييل تب ..
اقتباس:
بس أديها صنة شوية.. جوزيف النور زي ما قالت الملكة بدور فوق .. طنشنا كلنا.. وكان الله قدرو طنش الملكة .. يبقي (البايعك بيعو) ..المرشح التالي طووووالي أبو مهيد..وهو لانو صاحبي وعارفو .. ما ضنيتو يخذل صديق العمر .. وحقا عمره ما خذلني في يوم من الليام حاشاهو أبو مهيد عادل الميل وشداد العنقريب.. هي بس .. شداد الميل عيلا كان هيني في سودانيات (بث!)!!.. يا أخوانا تحفة حواء دي بتكتكت بي تحت التوب مالها؟؟؟ وشايف مرافي قبلت غااااادي .. البنات ديل بيضحكن في شنو يا .. سارة؟.. الخرابة .. سارة ظاااطها ختت إيدها في خشمها وجرت .. gooodالمطرق .. gooodالللللللللgoood !!! |
بسم الله الرحمن الرحيم الأخ أبو أمانى التحيات الزاكيات لك ولمن حولك وللزمن الجميل شكراً خالد على التنبيه بالرغم من متابعتى للبوست . جد والله أبو أمانى . كيفك آخر العهد بك فى مداخلة لى يوم 10/8 بوست الفضائية ص 5 أعتقد أن تزاحم المشاركات لم تسعفك بالرد عليها , أعرف أنك لا تهمل شكرا لكم إنا دون من معى بكشف الترشيح .. وللأبجدية رأى سأكون معكم .....آمل أن أكون خفيفاً بالرغم من أن رهق الزمان أضعف دواعى الإبتسام شكراً لكم |
أهلا بالحبيب تكعيب .. وقدمك أخضر ضيفا على المائدة!
اقتباس:
الحبيب .. عتابنا ليك بدافع حب بالتقرب إليك لا أكثر .. وتجاهل مداخلتك غير وارد إطلاقا وكنت حصيفا في تفهم مسببات عدم ردي عليها فقسما هو ما قلت بالظبط .. لك العتبيى حتى ترضى .. أما كونك تستسلم لرهق الزمان فهذا ما لا أحب سماعه من شخص عزيز على قلوبنا جميعا .. وإياك وأن تفكر في أي حرف سين يشكل كلمة إستسلام .. أما إدعائك بأن تآمل كونك خفيفا على القلوب .. تأخرت عن المائدة كثيرا ولاعذر لك الآن..لنبدأ بالتعارف..من أنت؟؟ ..العزيز النور يوسف محمد .. وهي أول الغيث |
شكرا أستاذي أبو أماني على هذه النافذة التي أريتنا من خلالها بعض الجوانب الخافية من شخصية طالما تمنيت أن أعرف عنها.
تحياتي أستاذ خالدالحاج ومرحبا أستاذ النور يوسف محمد. أتطلع للمزيد إحترامي |
بسم الله الرحمن الرحيم لله فى خلقه شؤون !!!! كيف قادتنى قدماى الى قمندانية بحرى !!! وكيف اهتديت لها وأنا من أمرـ كل الشرطة ـ لفى ضلال مبين !! كيف وأنا أصلاً من قريةٍ رؤية شرطى فيها ( نذير شؤم !) ولا بد من أمرٍ جلل يقع حتى يأتى (الكومر) الى حيث قريتنا , الغائبة عن أعين الخدمات المجردة عند منحنى النيل فى منطقة السبلوقة . ............................ النور يوسف محمد مواليد 18/04/1559 م قرية السبلوقة ( المسيكتاب جنوب ) الشلال السادس (الأولية ) قرية الحقنة ربفى ودحامد جنوب شندى ( الوسطى ـ المتوسط) قرية حجر الطير ( الثانوى ) عطبره, الجيلى , المقرن كلية الشرطة ـ برى حيث تخرجت برتبة الملازم فى 1981 م وجل عملى فى مجال التحقيق والبحث ................................. ضيفكم أبو البنات وهن أربع زهرات ( أخاف عليهن من نسمة الهواء البارده آرام ـ الصف الثانى مدرسة الخرطوم القديمة الثانوية ـ العمارات ألاء ـ الصف الخامس مدارس الموهبة والتميز ـ عابدين حماد أروى ـ الصف الثالث أساس مثانى ـ الصف الأول أساس ............................ أعمل الآن بمدينة الرياض ـ المملكة العربية السعودية ت 00966503627939 |
اقتباس:
:D ربنا يخلي ليك زهراتك يارب بس لاحظت من مدارسهن انهن بعيدات عنك ( بالسودان ) رايك شنو في الغربة والاطفال بعيدين عن أبوهم ؟ مرحبا بك معانا في الرياض |
النور!
مواليد 18/04/1559 م عمرك كم؟ |
السلام و التحية و التقدير لصاحب البوست
و لضيفه العزيز استاذنا النور يوسف محمد : سؤالي لك ضيفنا العزيز خاص بالادب السوداني عموما شعرا و مسرحا و نثرا و حكاوي و قصص و روايات و رسم و فنون و موسيقى و غناء ، اولا هنالك مقولة تقول ان الآداب و الفنون لا تزدهر الا بتوفر الحريات و العدالة و الديمقراطية .. و تضمحل و تتدنى و تنهار في الدكتاتورية و القهر و التسلط ، فارجو ان تدينا اضاءة و لمحة و رؤية في هذا الموضوع . و ثانيا ما هي علاقة الآداب و الفنون بالسياسة؟ و ما هو مدى الارتباط ؟ و متي و كيف يكون احدهم خصما على الآخر ؟ و متي و كيف يتحدان و يعيشان في تجانس و انسجام ؟ و متي و كيف يختلفان و يكونوا في تناحر و نفور؟ على جنب : في نفس العام الذي تخرجت فيه انت من كلية الشرطة دخلت انا الخرطوم الثانوية القديمة، و لكن ربما نكون تقابلنا يا رجل ، فانا كنت اعاون والدي الراحل في ادارة بوفيه و مطعم كلية الشرطة الذي نافسنا و فزنا بتوكيله و ادرناه 1978-1982 ، و كذلك كنا نملك و ندير البقالة في شارع المعرض امام الكلية في منزل الراحل الدكتور علي المك رحمه الله. اطيب التحايا .. |
اقتباس:
عندما جئت الى هذه البلاد كانت معالم الذات قد تشكلت نضجاً وعمراً فأمِنت تبدل الأشياء .. ونظرت حولى فآثرت أن لا أخوض مع بناتى هذا المعترك ورضيت أن أعانى كثيراً أو قليلاً ... وربما هم أيضاً يعانون اصدقك القول أن هذا هو أرقى وغبنى رغم انهم يمكثون معى 4 شهور فى إجازتهم وأقضى معهم 45 فى اجازتى , يلازمنى شعور من يفقد أمنه وأمانه هذا الأمر مازال هو النقاش المتجدد الذى يتصاعد أحياناً الى حد الأزمة (وأنا راكب رأسى ) , علّ صغيرتى تستبين نصحى ضحى الغد شكراً تحفة |
| الساعة الآن 06:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.