اقتباس:
رجعتنى بالذاكرة التى للأسف لم تسعفنى فى أسم فنان بوسودان الأول فى ذلك الزمان .. صورته معلقة فى ذهنى وأسمه على طرف لسانى .. وفى إنتظار (دفرة) من عبد العظيم الطاهر أو ود عثمان ذاكرة الفن المتوقدة |
قرأت من قبل بوست للأخ هشام شيخ الدين يتحدث عن الذباب والأوساخ فى بورسودان فأنقبض قلبى .. كانت بورسودان أنظف مدينة ربما أقول فى العالم مطمئناً رغم أنى لم أكن رأيت أى مدينة خارج السودان .. والى الآن لم أر مقارنة بالذاكرة.
تجربة البحر وحبة كانت شخصية مرتبطة بهواية الصيد .. عندما نبتعد عن بورسودان فى (فلوكة) حتى تختفى من أنظارنا ويحيط بنا البحر من كل جانب أشعر بإنعتاق غريب عن هذا العالم وكأنى أحلق فى ملكوت آخر .. عندما يسدل الليل ستاره تنبع أضواء بورسودان كأنها تأتى من عمق البحر كأنها ستار أبيض يحدد حافة الدنيا ذلك لأن بورسودان منخفضة جداً عن سطح البحر لذا فى الصيف لا ملاز للهروب من (كتمة) الرطوبة إلا البحر وإذا كان البحر من معالم بورسودان كان الطاهر حسيب والسر هوراى معالم أخرى يمكن ربطها ببورسودان وكل له حياته .. (ساحل الفلمنقو) الطبيعى ذو الرمال البديعة أستلبه الجيش مثل إسستلابه للنيل فى الخرطوم .. تبقت من الجزر المجانية البديعة |
سلام وتحية
انت حايم حول حمانا ( أنا من السليمي/ عبد الحكم / مهلة) توقعت انك بالمدينة عرب حول سنة 1968 م , رغم عدم ذكرك لأي تاريخ حتى الآن. ود عمتي ابراهيم حسن العقيد, درس بالمدينة ( الثانوية العامة ) بداية السبعينات أيام المدير رستم. وأنا درست اولى ثانوي بالمدينة عرب بداية الثمانيات . ممكن ندفرك بالجغرافيا. وبعض التأريخ. |
اقتباس:
سرد ممتع .. فقط وانا متابع لفت نظرى ماكتبته اعلاه ...ولا اود ان افلت البوست ونقله الى السياسه ..والكيزان وما اليه .. ولكن وبشهاده اكثر من جهه ان ببورسودان ..بلغت من النظافه مرتبه عاليه جدا ..وقيل ان الاسفلت عم كل الشوارع حتى الشوارع الجانبيه .. وقيل عن واليها (ايلا ) انه يبذل جهد جبار فى الارتقاء ببورسودان واهلها ...حتى تمنيت لو جاوا به واليا للخرطوم ..اسف ولكن اتمن ممن فى بورتسودان ان ياتول لنا بصور لبورسودان اليوم .. |
اقتباس:
مهلة دى قصة براها .. إذا كانت ود النعيم متميزة تعليمياُ مهلة كانت متفوقة فى غزو المدينة عرب .. من مهله (أعتقد) وممكن تأكد لىّ كان معنا الشقيقين (عطا المنان محمد أحمد ونور الهدى) .. لم أهمل التواريخ ولكنها تختلط فى الذاكرة لكثرة التنقلات بين المدارس .. ولكن أحداث أكتوبر 64 صادفتنى فى بورتسودان فقطعاً كنت فى المدينة عرب 65/66 وفى زماننا حتى إكمال المدرسة وذلك غالباً فى 68/69 لم يكن هناك مدرثة ثانوية فى المدينة عرب فأكيد لم يلحق بى أبن عمتك العقيد .. فى السبعينيات تنقلت بين مدرسة محمد حسين الثانوية ومدرسة مدنى الثانوية يا ليت أن تبحث لى فى أبناء مهلة فى تلك الفترة وتنعش معى الذاكرة |
اقتباس:
سلامات حبيبنا قرقاش أنا فى عطلة عامة من الصراعات داخل هذا البوست :smile: لكن شريط الفيديو الذى أتى به سيد أحمد يثلج القلب وبه معالم بديعة لم أراها من قبل .. بوست أخونا هشام شيخ الدين قبل سنوات وذكرت الحادثة فى المقارنة فى تسلسل الذكريات الخرطوم أيضاً بها بهاء فى البنيان عن زمننا عنها خاصة شارع الشهيد عبيد ختف :biggrin::biggrin: ياقرقاش ياخ أنا فى إجازة متخمة وما بقدر أطلّع البوست ده من الإجازة .. ربما والى بورسودان غيور على البلد ليته كان غيور على الناس وأكيد ما كان تولاهم |
اقتباس:
انا من مالقيت المنبر رائق وحلاتووو فتشت ليك غايتو على العموم عرفنا البيقلب الحكومة منو:tongue: |
فى الإجازة الصيفة أتت والدتى وأشقائى للإجازة .. عقبهم والدى آخر خمسون يوم من عطلة الثلاثة أشهر عطلته السنوية .. كانت أبهى أيام أحتفاء حياتى بعد فراقهم الذى قارب العام ونصف .. عدت معهم فى عطلتى الشتوية وتمردت فى العودة خاصة أن أخوتى تركوا الخرطوم .. سليمان الزى تنقل من أبو عشر الوسطى الى المدينة عرب الوسطى وألتحق بمدرسة مدنى الثنوية .. ولكن شقيقى مراد تنقل من كاب الجداد الى المدينة عرب ثم الى المدينة عرب عاد الى الخرطوم ملتحقاً بمدرسة التجارة الثانوية
ألتحقت بمدرسة المدينة عرب الوسطى ولم أكن غريباً عنها .. كثير من التلاميذ من منطقتى وكثير من الأساتذة يعرفون أشقائى فتم تصنيفى مشاغب دون ذنب :tongue: |
اقتباس:
سلامات يا أنتيمة بقول ليك عطلة ياخ وبتنتهى :biggrin::biggrin: |
اقتباس:
جيناك بالدفرة يا باشا ...... فنان بورسودان في ذاك الوقت إن كنت تعني من البجة فهو إما 1- ( عبدالرحيم شامي ) الذي تغني بالأغنية التي أصبحت شعاراً فيما بعد وهي أغنية ( نوال وورو لي ) أو 2- محمد طاهر بيلاّ وليس ( إيلا ):biggrin: أما إن كنت تعني من البلويت:smile: يعني أولاد البحر مش الهندندوة , فهناك الفنان فاروق صديق فن حديث وسبقه أيضاً الفنان صلاح محمد نور ... وفي الغناء الشعبي الفنان كرار والذي توفي أيضا قبل سنة تقريباً اللاعب الأسطورة ( طاهر حسيب ) والذي توفي قبل أشهر قليلة , كان يلعب بفريق الثغر , الذي لعب به أيضاً كل من بافلي محمود وتاج علي طاهر وديل دفعتي بالمناسبة يا رأفت وشمس الدين وهاشم فرج |
اقتباس:
يا راجل يا عجوز ياخ أنت الدفعة الوراى طوالى .. ياخ الطاهر حسيب ما سمعت بيهو ولا قريت زول كتب فى تأبينو .. الله يرحمو ويغفر ليهو ياخ تاج .. ياخ ما عارف نسيت الزول ده كيف .. بافلى وشمس الدين ما نسيتم عشان كان فرد متبارين طوالى جيرانا المقابلننا فى ديم مدينة كانوا معروفين بناس (دكتور) وهم عائلة الشاعر عزمى أحمد خليل .. الزمن داك عزمى ما موجود وعايش فى أروما وبجى زيارات .. شقيقه تجانى كان صاحبى شديد ومن شلة البلى أب دبة و(بوليه وبلبلاتيه) :smile: مرت الأيام وزاملت عزمى فى الفرع .. ما كان عندى معاهو علاقة ولا عرفتو بى نفسى .. يوم جه معاهو تجانى وطبعاً عرفتو بعد ما عرفت من الناس أنو أخو عزمى لأن شقيقم التانى (لطفى) أكبر مننا كتير .. مشيت أعّرف تجانى بنفسى وفوجئت بأنو عرفنى طوالى وسلم علىّ بحرارة .. لامن عزمى أستفسر قال ليهو (ياخ ده ولد ناس عمو منير) الله يرحمو طاهر حسيب كان نحنسو يضرب لينا البلى ما بجلى الدبة أصلو |
اقتباس:
الله يفتح عليك يا رأفت جريتني معاك غايتو للشجن ... التجاني محمد خليل صديق مقرب لي إمتحنا الجامعة سوا ... كنا ساكين الشغل سوا ... إشتكينا ناس مكتب العمل سوا لما كان عاوزين موظفين للبنك كشفنا اللعبة بتاعتهم .. تم تغيير كشف المرشحين للبنك بعد الشكوى ... أخدوا التجاني وأنا شاتوني شلوت :biggrin::tongue:قدمت كلية الشرطة قالوا لي بتلبس نضارات :smile::smile: إشتغلت هندسة السكة حديد ومنها قطعت البحر لى جدة أم جداداً محمّر ... تاج علي طاهر لعب فترة في الثغر وكان دفعة زي ما قلت ليك في باوارث ثم هاجر الى إنجلترا والى الآن هناك. دكتور ... أول مرة أجي السعودية جيت معاهو في طيارة واحدة ... طبعا دابي جايي وما ناقش حاجة سايقني زي الطرد لغاية ما سلمني لى خالنا الماحي عبدالله في جدة :smile::smile: |
| الساعة الآن 10:15 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.