اقتباس:
معليش المرة الجاية..دي ما كانت في الحسبان أصلآ تعرف أنا نفسي أمشي أزور مناطق خارج الخرطوم..لكن طبعآ ما كان ممكن في الزيارة القصيرونة البتشحتف الروح دي تحياتي لأسرتك |
اقتباس:
سلامات الطبع غلب التطبع...حاولت ما أركز غلبني بالحيل هو و الله المغبي عديل و في غيبوية تلقاهو فاق من جنس المحن البشوفها قول بس ربك يعدل الحال |
أخي أبومهيار
حمد الله علي سلامتك أخيرآ و عذرآ للتأخير لا شكر علي واجب تحياتي لأختكم و الأسرة الكريمة |
ندوية
حمد الله علي سلامة الوصول لي غادي الصور إن شاء الله نجيبها ..بس لسة في التحميض ;) تحياتي لخالد..العريس يقرؤكم السلام ملحوظة فاتتك البلد يا ندي بشكلها الجديد و ثوبها القشيب :rolleyes: |
العم عكود( لا أعرف إن كان للعمر دخل هنا :) )
سعدت جدآ بالإهتمام و الإتصال المرة الجاية بنجي عن طريق أبوظبي..يقدركم تعملوا فيها شغالين :mad: أصلو ناس دبي طلعوا نسايين و شالتهم نومة :rolleyes: ملحوظة لناس دبي.. وعدتكم بشيل الحس..و ها أنا عند وعدي :D :D :rolleyes: :cool: |
الأخت حنينة
تحية و تقدير عوداً حميداً عشمي أن تكون الأسرة بالسودان بخير و عافية. حمدا لله على السلامة |
العزيزة إشراق
بالجد سعدت باللقاء وجدت إشراق أصغر كثيرآ مما كنت أتخيلها(توجد بالفعل صور ليست للنشر) قابتها بمعية معتصم ود دفع الله و إمتد الحديث و تشعب.. مواصلة للنقاش يا إشراق من قال إننا لا نري التغيير؟ نعم نراه و لكن نراه بعيون مختلفة أنا أنظر للزول المسكين الماشي في الشارع..عليك الله الشحادين نقصوا و لا ذادوا؟؟ الما لاقين يتعالجوا في المستشفيات الحكومية..نقصوا ولا ذادوا؟؟ أنا ما بتكلم عني و عنك..أنا بتكلم عن الناس المسكينة حاجة لاحظتها في السودان يا إشراق..الناس بقت أنانية بصورة غير عادية مافي زول بيفكر إلا في نفسه....ووصفي للناس الحصل ليها desensitisaion قصدت بيها كدة.. طيب يا إشراق نبدأ بالرد.. اقتباس:
طيب زمان ما كان في بترول و لا زفت..دلوقت البترول و الزفت ديل نحنا بننتجهم و نصدرهم.. ليه ما ظهر في الشوارع دي؟ و كسير ركب العربيات ما زال علي قدم و ساق نمسك ليك سفلتة الشوراع... والدي مهندس مدني يا إشراق...من صميم تخصصه معرفة الأخطاء في المباني و الشوارع و غيرها الكثير من الشوارع المرصوفة دي إتعملت من غير تخطيط و بواسطة شركات تتبع لمحاسيب الحكومة...يعني لغف في لغف... ما عملوا حساب لشبكة المجاري و غطوها بل قفلوها درءآ للعين الفحيصة التي تعرف الخطأ. شارع منزلنا و الكثير من الشوارع رصف بأعلي من مداخل المنازل و كانت النتيجة رغم شكوي الوالد وبخطاب رسمي مع دراسة جدوي كمان( مجان في مجان)..كانت النتيجة إنه مياه الصرف و الأمطار تجي من الشارع لداخل البيوت أي نوع من السفلتة و التخطيط هذا؟؟ أين مهندسو ولاية الخرطوم و تخطيط المدن من كل هذا؟ لو جيتي من شارع فريقيا بعد مدخل الرياض تقابلك شوارع العمارات إبتداء من مستوصف الأطباء مرصوفة الخمسة أمتار الأولي فقط..وش المقابلة يعني..و اخبروني إنها رصفت كذلك أيام مؤتمر القمة أي ضحك علي الذقون هذا؟ في نوع من الإرتجال و اللهث علي إنجاز أشياء بأي طريقة حتي تمتلئ جيوب هؤلاء قبل أن يحين وقت الحساب و في دي أسألي أهل الخبرة اقتباس:
مسألة تخطيك إنتي دي.ربما كان من مدخل خصوصي للزوار الرسميين اقتباس:
لو في عشرة سيور و ما شغالة..يبقي إيه الفايدة؟ اقتباس:
ما تنسي إني بتكلم عن بلدي برضو بس ما معني كدة إني أدفن راسي في التراب و ما أشوف الغلط و لا أنتقده عندك دكتور سيد قنات...في إنتقاد للحاصل من زول جوة البلد أكتر من كدة؟؟ المشكلة يا شراق هي النظرة للأشياء..كل ينظر لها بمنظار مختلف والداي دائمآ يحدثوننا عن الخرطوم القديمة..مسقط رأسهما و إننا ما شفنا سمِح الخرطوم أتعرفين إنها كانت أحسن و أرقي من باريس و من لندن؟ إذن لماذا نرجع للوراء؟؟ مجرد سؤال نحنا يا إشراق كلامنا دة كله من باب الما دارك ما لامك و لكِ معزتي كاملة غير منقوصة |
اقتباس:
لا و الله و الحمد لله..إنني بناءآ علي الوصايا ما خليت حرجل و لا نعناع و إستمعت لهضربة بنات اهلنا الذين سمعتهم طشاش طشاش يوصونني بالكلونيا كعلاج ناجع لآلام البطن...عجبي :rolleyes: :eek: طبعآ المتهم الأول كان قونقليز الريفيرا اللذيذ الذ ي شربته بجرة واحدة أختك طولت من القونقليز و لذا ترك علي آثار بطنية موجعة كادت أن تذهب بي للحوادث..بس كتر خير زول الحوادث البيتي!!! سعدت بالجد برؤيتك..و بزيارتك بيتنا نوَّر زي قمر أربعتاشر سلامي للحلوين البي هناك |
ناصر ود يوسف
سعدت بالجد برؤيتك و كل أحبابنا ناس سودانيات ناصر زول مرح و وناااااااااااس و إبن بلد أصيل رجل مجتهد يعمل من النجمةإلي ما بعد المغارب في مجال صعب يتطلب جهدآكبيرآ في بلد لا تقدر مبدعيها أتانا من العمل مباشرة و لم يجف عرق أكل عيشه بعد..رغم ذلك تملأ الإبتسامة وجهه تحياتي إلي زوجتك الفنانة و البنية الفنجرية و أبقي عشرة علي العندك نبدأ بصورة ناصر يوسف( إستفتاحنا خير يا ناصر) يظهر جزء من ندي ( حتي الأضان) غير كدة لسة ما أدونا الأوكي :rolleyes: http://sudaniyat.net/upload/uploading/sudaniyat1.jpg |
اقتباس:
اقتباس:
الحمد لله الما جات مني أبوقصي تحياتي أحمدالله .. إستمتعت أيما إستمتاع في حاجة عليك اللة في الدنيا دي تسوي أكتر من شوفة الأهل و حضن دافئ منهم؟؟ لا أظن اقتباس:
خليني أحكي ليك القصة دي يا أبو قصي تشاء الظروف أن أذهب إلي مكتب حكومي و أنا في طريقي لخارج المنزل لفحت لي طرحة مكرفسة من سبت الغسيل تخص الوالدة ..لأنني ببساطة لا أملك واحدة و جيت سكتي كلها من غير واحدة قلت للظروف و كدة..فقد غادرت السودان في نهاية التسعينات في قمة البطش الأنثوي و إهدار كرامة البنات حيث كل من هبَّ و دَبَّ يطلب منك أن ترفع الطرحة فوق راسك طبعآ دلوقت لو مشيت بي جينز مافي زول بيسألك المهم كان لازم أتصور صورة في هذا المكان بكاميرا تخصهم قامت علي روح المناكفة في تلك اللحظة..سألت الأخت التي تقوم بالتصوير _ يا أخت بالطرحة و لا من غيرها؟؟ كانت مهذبة جدآ بصراحة و قالت لي... علي راحتك نطت أخت أخري كانت في تربيزة تانية مادة بوزها عشرة أشبار و ردت...لأ بالطرحة إلتفت إليها بكل برود و الطرحة مدلدلة من الرقبة..قائلة.. _ لكن الطرحة مكرفسة :D و بعدين أنا بفضل إجابة الزولة الأنا سألتها...البريحني :p :D طبعآ أعطتني نظرة نارية ذادت قباحتها لكن ما سألت فيها و خرجت من ذلك المكتب و أنا أضحك في سري ..متذكرة المقولة تلك من يضحك أخيرآ يضحك كثيرآ :D اقتباس:
خليك ورا إشراق دي بالله :) |
أبو العز
تحياتي حنينه اقتباس:
جيت لقيت في السنة دي حاجات كتيرة إتغيرت اقتباس:
إلا سؤال لاحظت إنه الباعة بقت تناديك في الشوارع بي يا دكتور أو دكتورة أملآ أن تشيلك الهاشمية مع هذه الألقاب التي تأتيك من غير تعب و تشتري منهم في تقدم حضاري جدآ متفوقين علي جيراننا ناس يا بيه و يا باشا :rolleyes: في يا أخوانا حضارة أكتر من كدة؟ مع الإعتذار لفنان أغنية ( في حب يا أخوانا أكتر من كدة؟) |
اقتباس:
يا زول أنا بنزل المصرح به إنت بتتحمل المسئولية؟؟ عايزنها موافقة مكتوبة و مصورةمنها عشرين نسخة و مختومة بختم صقر الجديان و موثقة في الخارجية و الداخلية و رعاية الأحداث و بي سبعة شهود عدول جيبهم و بعدين يبقي لينا كلام تاني إتفقنا؟؟ اقتباس:
نحنا لا قين |
اقتباس:
الأستاذ أبوجهينة تحياتي الحمد لله الأسرة بإلف خير و تقرئ جميع أهل سودانيات السلام الله يسلمك يا أستاذ أرقد عافية |
نعود لأحبابنا أهل سودانيات
كان أول لقائي بملكة سبأ و معتصم دفع الله في حلتنا ملكة سبأ سبق أن إلتقينا السنة الماضية بت بلد جدعة و مسئولة و بها من حنية و طيبة أهلنا الكتييير جدآ ما عندي لسة تأشيرة بإنزال صورتها معتصم ود دفع الله من أين أبدأ بالحديث عن هذا الإنسان..لا أعرف شاب طويل القامة..خلوق..يخجلك بتهذيبه و كلامه الهادئ و فوق كدة صاحب قفشات إنسان طيب و ذلك يرتسم في ملامحه السودانية الأصيلة http://sudaniyat.net/upload/uploading/sudaniyat2.jpg http://sudaniyat.net/upload/uploading/sudaniyat3.jpg |
كان لقاء سودانيات بالريفييرا مساء يوم جميل
علي ضفاف النيل بأم در كانت لمتنا وصلنا معتصم دفع الله ملكة سبأ و شخصي و حضر الباقين بالتتابع بعد ذلك ( البيت محروس و أسيادو يكوسوا) جلسنا في وقت أصيل و كانت غلطة لا تغتفر أن سرقتنا الونسة و لن أقم بتصوير الغروب حيث منظره البديع علي النيل و آآآه من النيل يا ناس كان الريفييرا ملئ بالجالسين..إتنين إتنين من الجنسين إخترنا الجلوس علي النجيلة الخارجية مضايقين للسادة الكدايس التي أبت إلا أن تشاركنا الجلوس تحت أرجلنا و تحت الترابيز شوية شوية كبرت القعدة و كل شوية نضيف مائدة أخري..ما شاء الله أطلت الأخت ندي و أختها نسرين ثم واحة و بنت النيل مهند الجيلي جمال تاج السر مايم ناصر يوسف ثم إنضم إلينا أخيرآ السفير جمال و السيدة حياة زوجته إثر مكالمة تليفونية ( لهما الشكر) و ختامه مسك..دكتور سيد قنات و بما إنه الأخوات لم يصرحن لي بالصور حتي الآن سأبدأ بدكتور سيد الذي لم يراه اهل سودانيات حتي الآن http://sudaniyat.net/upload/uploading/sudaniyat4.jpg |
حنينة الحنينة
ألف حمد الله علي سلامة وصولك لعاصمة الضباب وخليتيني في حسرة ووجع شديد مع الكتاحة والحراية والمدافرة والزحمة المافيها رحمة ويا ابجقادو المصيبة أنو السودان كل يوم ماش لا تحت والسبب وليداتو المكمنكشين ويا ابو العز خلوها مستورة نبي الله أيوب ذاتو لو حضر الزمن دا كان كفر وتقول جائزة نوبل ،الشعب الفضل95% وصابرين والخامنها 5% ويا أشراق العربة فاتت زمان وتاني ما بنلحقا لو ركبنا صاروخ عديل مو كدي يا ناصر والليدو في النار بتحدثو يديكم العافية |
اقتباس:
العزيزة جداً...إشراق.. لا فُض فوك يا سيدة الخواطر و ست الناس كلهم... حنينة... أكتبي كل العندك.......و عندي معاك بعد داك كلام كتيييييييييييييييييييييييييييييير... |
الحنينة حنينة ،، ولكم سعدت بمقابلتك .. ولو كانت الفترة قصيرة جدا .. لا تفي حق الشوق (غايتو .. الكحة ولا صمة الخشم) وكان ذلك المساء أبهى ما يكون في حضرة أحبتنا ووقتها قال ناصر يوسف وهو لا يستطيع الجلوس في مكان واحد : (القلق دا يا أخوانا ما لأني متوتر من القعدة ... الزول عادة بيحب يقعد جمب الزول البيحبو .. بس أنا حبيتكم كلكم .. عشان كدة بحاول أكون قريب من الكل ....) وكان وصف صادق حنينة : على كل ... حمد لله على السلامة وصولك ونتلاقى تاااااااااااني في ساعة خير إن شاء الكريم مرفق : محبتي وتقديري بـــــــادي |
حنييييييييييييييييييييييينه
:D :D :D :D ما قلنا صوره بي صوره غايتو لو ما نزلتي صورتك المعانا بكلم ليك جقجق وجمال تاج السر :p :p :p :p |
اقتباس:
|
اقتباس من مشاركة ممكونة
اقتباس:
|
اقتباس:
خليها مستورة.... |
[align=justify]والله يا الحنينة فرحنا وسعادتنا بشوفتك لحدي هسة ما قادرين نستوعبها
لمن نفيق بنجيك راجعين مكاواة والله فاتتك جنس كتاحة اليوم :p :p :p (الوش دة مش مطلع لسانو) كتاحة عالمية دايرة ليك صفحة كاملة عشان توصفيها غايتو نص عمرك ضاع الما حضرتي الكتاحة دي وأنا من قبيل بتساءل يا ربي السبب فيها شنو فجأة إتذكرت إنو قرض ممكن أنا بقول يمكن يكون في البلد دة لو ما خت رجلو اليوم دة في أرض الوطن والبلد ما بتقصر احتفت بيهو احتفاء شديد [/align] |
حنينه
اول شي (امييييييييييييين) :p تاني شي .. وحياة الله الشحتفه ماكويسه (بيني وبينك ويشهد الله قاعد اعمل لي في البوم حيكون فلته ) لذا نرجو الاسراع باانزال باقي صور الشينين ديل (سوري) الحلوين :D بره الشبكه معتصم دفع الله فعلا كما اتوقعناك (يديك العافيه ياحبوب) |
الحنينة.... السكرة ....
ألف ألف حمداً على سلامة قلمك وعودته أكثر قوة وأندفاع وكيف لا وقد تدفاء بلقاء الاهل والاحباب وأستانسة النفس بجمال النيل نهر الجنة ... وأسمر اللون الجميل بشمس وديعة دافئة بعيداً عن البرد وبرودة طباع أهله... اليس كذلك... أسعد الامسيات التى حرصة جداً على حضورها لصاحبة الصوت الحنون وتلك ألالفة التى أحسست بها حين لقاءك ولكن للأسف مرت اللحظات كومضة برق سلبت ناظرى .... وكانت الاستفاقة .... بالوداع ..... ويبقى فرحة لقاءك ....أجمل عيد ... وفى أنتظارك .... سلمتى واحة .. |
حنينة ابو قصي د .سيّد واخرون ... لم تتركو ليّ ما أقوله .. لعل ثقوب هذه تكون لسان عن حالكم .. [align=center]ثقوب محمد الربيع محمد صالح هو لسان حالكم جميعا عن الشاعر عن بلاده التي على مرمي تنهيدة عن التاريخ من ليلة انفلاق سؤال المرأة الي قاتل وقتيل ، عن عاشقين لامرأة في جسد واحد: الأول: يزرع جسدها بذوراُ صدئة من تاريخ الخوف والثاني : يغافله وينشر جسدها في ريح الحب الهنية ، الطالعة تواُ من سجون التأريخ الذي يتثاءب في شرفات القطيع عن المدين ، المدينة الفاضلة التي تقع على مرمى تنهيدة من ديوان الشاعر ، عن الشاعر تتفتق كل جراحه القديمة بعد لدغة الصعبان الأخيرة عنا.... لاثقات ولا يحزنون عنا .... معبأة رؤوسنا بالرضى عن روحك الذهبية المرتهنة لدى الاقنان /الأسياد عن وردة تحكي لا تفنى ولا تستحدث أجرجر عكازة القصيدة ... في طرقات الورقة نازعاً ثوب الغواية الآن أشهدك طافية في زبد العادة تحت شباكك تنعزف موسيقى التشابه فأضرج وقتي بالقراءة وأمر مندرجا في السابلة عضلات الملوك ودرعها الحصين في الملمات التي يصنعونها وفي غير ذلك صلصال الطاعة الأزلي يطلع اقناناُ فقط خزائن الروح منهوبة خزائن الجسد قيد النهب فنمر مكرمين تحت قوس الخطاب نغافل التجاعيد ونأتي إلي نارك موقدة في ازل الجسد موقدة في اللغة موقدة في أغنيات النساء الوحيدات موقدة في السؤال القديم من عبأ رؤوسنا بالرضي؟ آذنتنا ببينها الأسماء لكن أسمك يتوهج تحت رماد النعاس [/align] |
نواصل الصور
سأعود إليكم أحبتي بالرد فردآ فردآ http://sudaniyat.net/upload/uploading/sudaniyat5.jpg جمال تاج السر و ابتسامة http://sudaniyat.net/upload/uploading/sudaniyat6.jpg مايم (أسأل معتصم دفع الله يا مايم كان بيناديك بياتو إسم :) http://sudaniyat.net/upload/uploading/sudaniyat7.jpg السفير جمال و ضحكة صافية من القلب ملحوظة رفضت كل بنات سودانيات إنزال صورهن الغيرت رأيها....تقول عوووك |
اقتباس:
|
اقتباس:
وكل من تمتنع عن إنزال صورتا تتحمل النتيجه إرهاب أتموسفيرى :D :D |
المحترمه حنينه
أولا حمدلله على السلامه وتهانيننا بالمناسبه السعيده ألف مبروك . أما ما ذكرتيه عن المعناة فى مطار الخرطوم فهى نفس المعناة التى مريت به فى زيارتى السابقه من العام الماضى لكن الشيئى الملفت للنظر هى الشحاته والأستغلال من الشيالين فأنا دائما ينتظرنى أبن خالتى عنده علاقات فى المطار ولكن هذى المره كان عنده شغل فالآول مره أتعامل معهم وكما ذكرتى فلم أجد ترولى فاضى إلا مع الشيال فجمع شنطنا وبعد لحظات ظهر واحد أخر معه وعندما أقتربنا من السوق الحره حاولوا إدخالى فقلت لهم لا أرغب فى شراء شيئى فقال لى أحدهم ظرفنا صعبه وأولادنا وكان يحكى بتأثر :eek: وأرجوك أعطنى نقود فقمت بأخذ عشره جنيه أسترلينى من أبنتى وأعطيتها له وفجأه وجه تغير ونظر للنقود بأشمئزاز ووضعها فى جيبه وأنصرف بدون أن يقول شكرا فأعتقد أنى أعطيته نقود قليله وذهب معنا الشيال الأخر للسياره التى ينتظرنى بها بنات خالى وعندما هموا بأعطاء الشيال نقود قلت لهم أعطيت لزميله 10 إسترلينى فقالوا لى ضحكوا عليك نحن بالكثير كنا سنعطيه عشره جنيه سودانى أو بالكثير 15 ولكنك أعطيته ما يعادل 50 جنيه :D :p ولسفرى الطويل مكان عندى فكره أن الأخلاقيات قد تغيرت وحقيقى ناس الجبهه ذلوا الشعب وحرموه من أهم ميزه وهو كبرياءه :eek: وكان يرفقنى فى الرحله أبنتى التى أول مره تزور السودان لأنها مولوده فى أنجلترا وعندها فكره سيئه عن السودان وكانت تعتقد أن الناس تعيش فى قطيه داخل غابه ومجاعه ولأن أمها ليست سودانيه فحاولت أن أغير الصوره من ذهنها ولكن صدمنا من المطار . مع أنى عندى خبره بالتعامل مع المصريين لكن للأسف السودانيين سبقوهم بمراحل. أحيانا أقول أن الأنجليز مسلمين بدون أن يقولوا لشهاده. نبيل |
عذرآ إخواتي و أخوتي
سأبدأ بالرد علي ممكونة و إشراق أولآ سأرد عليكم بالرد الذي كتبته ردآ علي بوست د. سيد قنات في بوسته ..حالنا اليوم يا إشراق لا يسر http://sudaniyat.net/vb/showthread.php?t=1517 __________________________________________________ _____________________ د. سيد ليس بعد كلامك كلام لقد قلت تمامآ ما أردت قوله و ذدت عليه إستوقفتني هذه كثيرآ... اقتباس:
يا سيدي لاحظت إن الكثيرين الذين ينظرون من خلف تلك العربات المكندشة و المظللة في بلادي ينسون تمامآ من يمشون تحت الهجير حفاة عراة. و الماكلين أحسن الطعام في بيوتهم وأفخر المطاعم بالخرطوم ينسون أن هناك من يبيت القَوََي و يتسول بقايا الطعام من تلك المطاعم. و و المتعالجين بأوربا و أقل شئ المستشفيات الخاصة..ينسون أو يتناسون أن هناك من لا يجد العلاج المجاني و يموت من الفقر و المرض.. هؤلاء هم الناس الحقيقيون في بلادي و الذين عانوا و ما زالوا.. لم تتبدل حياتهم بعد كوبري و لا شارع مغشوش و لا عمارات و أبراج. آآآآآه يا دكتور و ألف آآآآآه أتمني يا دكتور ألا يأتيني يومآ ما و تعمي بصيرتي و يموت قلبي كما رأيت بأم عيني في السودان المثل المفضل و الذي يطبق فعليآ في السودان الآن... أنا و من بعدي الطوفان أستأذنك في نقل هذا الجزء و رابط البوست للرد علي الأخوات إشراق و ممكونة في بوستي عن زيارتي للخرطوم و لك المعزة __________________________________________________ _______________________ تفكروا في كلامه و في نظرته المختلفة للأمور و هو رجل الداخل مثلكن تمامآ يا ممكونة.. قولي كلامك عشان أنا نضامة كلامي ما بيخلص و لسة يا ما في الجراب يا حاوي بجيكم بالمذيد حبي و تقديري |
اقتباس:
تحيه و شوق اعذريني لم اسمع بحضورك لارض الوطن الا عبر هذا البوست الذي لم يصادفني الا اليوم حيث لم يبلغني اي احد بذلك-حتى الود"مو" اتغاتت علي. على العموم حصل خير و الحمدلله انك قضيتي وقت ممتع بين الاهل و الاصدقاء و اتمنى لقاءك في المرات القادمه ان شاء الله. و دمتي |
دكتور سيد
و نعم الردود..يعجبني تصديك للخطأ حتي و لو كان فيه خطر عليك واصل..قاعدين نقراك |
مهند الجيلي
بل سعدت أنا برؤيتك غاية السعادة أعرف كم هو صعب أن يقتطع أي إنسان من وقته و في بلدنا الصعبة مع المشغوليات و اللهث وراء رغيف العيش ليقابلك و يحتفي بك كم أنا سعيدة بكم..سعيدة بإحتفائكم بي و لن أستطع أن أوفيكم حقكم مهما فعلت مرفق تقديري إحترامي و كل ودي وشوقي للقائكم مرة أخري هاكم مهند في نقة مع معتصم دفع الله.. قطعتوا في منو؟؟ :rolleyes: http://sudaniyat.net/upload/uploading/sudaniyat8.jpg |
اقتباس:
قلت أنزل الصورة لقيت في النص إحدي أخواتنا المعترضات قلنا نفوتها لي فرصة تانية :rolleyes: |
اقتباس:
اقتباس:
مش بيجي متلب زي الحرامية بالحيطة فجر الجمعة؟؟ بالمناسبة..هي ليه كل الإنقلابات صبيحة الجمعة؟ :rolleyes: |
اقتباس:
بالمناسبة أكتب الآن و أنا أستمع لحمادة بت..الأغنية النزلها عزيز خطاب لو في شي بيمكن..ياهو متل الأستاذ/ الأستاذة ( أيهما أصح) حمادة بت خليك متابع |
سعدت بلقائك ندي
إنسانة ظريفة..حبوبة جاءت مع أختها نسرين لطيفة و ظريفة..تناقش بهدوء و روية إليكم هذه الصورة لها مع الأستاذة حياة زوجة السفير جمال ( الأستاذة حياة و النص التاني من ندي..راجع النص الأول في الصورة مع ناصر يوسف :) )http://sudaniyat.net/upload/uploading/sudaniyat9.jpg اقتباس:
بالمناسبة..أبحث عن صور توثق للهبايب و الكتاحات في السودان..يا ريت تاخدي لي منها كم صورة نتمني في يوم يكون عندنا حزام أخضر يمنعها عننا و يا حليل حزام الخرطوم الأخضر الذي راح في خبر كان اقتباس:
مش كان تئولوا و تيب :rolleyes: |
اقتباس:
ما ياهو ألبومك دة الطفش أخواتنا من الموافقة علي إنزال صورهم بنات زي القمر..لكن نعمل شنو مع ناس الألبومات :rolleyes: عليك في الأول إقناعهم..أهو عندك الأسماء و النشوف شطارتك في الإقناع تحياتي |
أختي واحة
إسم علي مسمي شابة لطيفة..مثقفة..تلمع عيناها بالذكاء و التصميم أتت متاخرة قليلآ( شفتي شيل الحس كيف؟ :) ) و مضي الوقت سريعآ في النقاش في كل المناحي و المواضيع نتمني لها و لندي التوفيق في ما يبذلانه من جهد في المنظمة التي أقمنها شكرآ لك و لندي ..الحاجات وصلت بالسلامة و من غير confiscation نتمني أن نراكِ قريبآ معنا شدوا الحيل الراجيكم كتيييير يا واحة إنتي و ندي |
| الساعة الآن 02:48 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.