سلام يا جليل..
خلينا نلجأ للمباشرة.. ونبدا نمسك في عضم الكلام: اقتباس:
اقتباس:
اقتباس:
أنا كقاريء وعضو بهمّني الإستدلال.. عشان أتأكد من الحاجات بشكل موضوعي.. - جيب لينا نماذج لبوستات عميقة تمّت دسدستها أو مصادرتها.. .؟ - قول للأعضاء.. البوست الفلاني تمّت مصادرته بواسطة الإدارة.. - والبوست العلاني قامت الإدارة بحذفه سااااي كدة بس.. إنت شخصياً عندك عدد اتنين بوست كانن محل شد وجذب.. وهما كالآتي: بوست النفزاوي: آي تمّت تحويله في دورة المجلس الفائتة.. وهو بوست إباحي في رأيي لا يختلف عليه اثنان.. بوست في رأيي لا يحمل مضموناً ولا معني..(حسب رؤيتي).. وشتّان ما بين العمق والإباحية... لو إنت شايف إنو عميق.. انا شايفو اباحي وباهت جدّاً.. وكونك تهيج في الناس وتصنفهم لظلاميين وغير ذلك.. دة ما موضوع بالنسبة لي، ولا يغيّر من حقيقة الأمر شيئا.. غالبيّة الآراء طالبت بحذف البوست.. وسلكت مسلكاً ديمقراطياً في مطالباتها وأنو البوست يخدش حرمة شهر عزيز في معتقدهم.. واللائحة تقرّر إحترام المعتقدات.. والديمقراطيّة هي رأي الأغلبية كما تعلم وأعلم.. طيّب المشكلة وين هنا..؟ ما عندك غير ترضخ لرأي الأغلبية.. ودي ياها الديمقراطية البتنادي بيها.. في حاجة اسمها استبيان يا جليل.. إنت ممكن تطالب بجمعية عموميّة.. وتعمل استبيان للأعضاء عن: هل توافق علي مواضيع اباحية أم لا توافق...؟ لو التصويت طلع لصالح الموافقة.. بالأغلبية.. شوف لو الادارة ما سمحت بذلك.. الديمقراطية المُفتري عليها دي.. جلابيّة واااسعة.. الموضوع ما كوار يا صحبي.. ولا قوّة راس من الإدارة.. في لوائح منظّمة.. تسري علي الجميع.. البوست التاني خاصتك هو بوست خلف المنبر.. المعلومة العندي يا جليل إنّك إنت من طالبت بحذف البوست تقديراً لأشياء كثيرة، ومطالبتك كانت عن قناعة تامّة.. وبحضور أعضاء هنا.. ولكنك تغالط كل ذلك وتأتي لتقول بعكسه.. وأن الادارة هي التي قامت بمصادرته دون أن تقول انت بذلك.. وفي ذلك اتهام خطير يا صاحب.. انا لا أستبق الحوادث .. ولكن لكل حديث وقته.. أراك توحي للناس بأن الادارة تقوم بالمصادرة ورؤيتها قمعية للأمور.. لكن لكي تثبت حديثك هذا.. يلزمك الاستدلال يا جليل.. بدلا عن توزيع الاتهامات يمنة ويسرة .. اقتباس:
عليك الله جيب لينا نماذج.. عشان الكلام ما يكون نفخ ساي.. وقول لينا البوست الفلاني عن الحريات.. تمّ منعه.. البوست العلاني عن الديمقراطية.. تمّ منعه.. وهكذا.. وما تخمّنا بالكلام الكُبار الحماسي دة.. الطب اتطوّر يا صحبي.. بقي الكلام يلزمو دلايل وأسانيد.. لكن والله كلام كلام ساي كدة ما اظن زول يقتنع بيهو.. كلامك عن المصادرة والدسدسة دة من غير استدلال بعناوين بوستات تمّت مصادرتها ودسدستها.. بيبقي إتهام للإدارة من غير دلائل.. عشان كدة وحاتك يا قريبي أنا بيهمّني الإستدلال الدامغ. في انتظارك.. بجيك تالت. تحيّاتي مُرفقة.. ملحوظة: مصادرة بوست.. تعني حذف البوست بشكل غير لائحي.. أمّا كلُّ ما قالت به اللائحة.. لا يُسمّي مصادرة.. لأنّ المصادرة هي التغوّل بغير حق(وتُقرأ لائحة).. |
اقتباس:
أنت ليس وصياً ولا نبياً .. انا لم أكتب (الروض العاطر) الذي تعتبره إباحياً، كتبة النفزاوي وهو شيخ دين معروف ، كتبة رجل دين في قرون سلفه، و يعتبره اباحياً السلفيون الجدد مثالك (يا رشيد) ونحن هنا لنكشف عنكم، بوست النفزاوي تمت مصادرته بالفعل و قرار تحويله للمكتبة ( مصادرة ملتويه) وفيها جبن إن أردت. هذه واحده. الثانية من أنتم يا رشيد حتى تعتقدون أن تصنيفكم للكتاب انه (اباحي) هو يقيني وقاطع و (إلهي) يعطيكم حق (مصادرته)، انت وغيرك من السلفيين الجدد المغلفين بـ (الليبرالية) تتهمون رجل دين كالنفزاوي بالإباحية وتصادرون كتبه وتبررون لذلك، أليس في المصادرة أياً كانت مبرراتها وأد للديمقراطية والحرية – أم أن لك تفصيلة تخصك لمفهوم الديمقراطية والحرية – هذه واحده – ثانياً : أين هو (بوست) خلف المنبر ، إذا لم تتم مصادرته. انتظرني – يا رشيد (لأدلق) لك هنا المداولات التي تمت بصدده بيني وبين إدارة المنتدي والرسائل المتبادله بيننا – وانت تعرف ذلك جيداً- وكيف إن الإدارة (دلست) عليه وصادرته ... عشان تاني ما تجي تقول نفخ ساي – وعبارات زي ما تخمنا بالكلام الكبار ... انا ح انزل هنا – المراسلات التي تمت بيني بين الإدارة – عشان الناس كلها تطلع على العقلية السلفية المحتالة التي تدير المنبر – شفت كيف يارشيد .. وسأذهب معك إلى أقصلا حد ممكن في هذا الحوار. لكن قبل كدا تعال وقول رأيك – ليه تزوغ جاي وجاي. أنت ما عندك رأي واضح في وضوع الحريات و في الذين يستخدمون ( سودانيات بيتنا) فزاعة لإخافة الآخرين، ليه ما عايز تقول رأيك بوضوح. قولو. وأنا بجيب ليك المراسلات فوراً. حتى لو قلت رايك بورك كيف يتم الإحتيال على الأعضاء بعبارات مثل ( حولناه للمكتبه) و ( حولناه لمنتدى الإداره) ودي كلها اساليب اجترحها السلفيون الجدد لتمرير مصادراتهم وجعل المنبر نادي لسفاسف الأمور و ولدي نجح وبتي عيانه، و اللمة وين الليله، إنتو يا رشيد عايزين تهدموا المنتدى بوعي أو بدون وعي. تصادروا الحريات بدعوى الاباحية والبيت بيتنا، ولو اتفقت معك على اباحية النفزاوي فهو رجل دين وفقيه وقاضي شرعي (إذاً) يا رشيد من هم الاباحيون، ثم سأعود مجدداً. |
اقتباس:
اقول ليك ويشهد الله ، عشان ماتبهتنى بانى اجرم او لا! كل مافى الامر انو العبارة دى اتقالت لى انا فى اثناء مامورية لى بالغرب وما اغشك زعلتنى جدا لانى اعتبرتها نوع من " الاقصاء" او التميز الغير محبب وسط اناس احبهم !! فقط ولمن لقيتك كتبتها لقيته فرصة عشان اعرف معناها ...بس!! __________ ياريت نحسن الظن بالاخر حتى يتبين لنا مايريد ... بعدين ياخ انت وبابكر الاتنين اخوة كرام لاخيار لى بينكم ، والبوست ده اتمنى انو يفضى لى نقاش ثر نستفيد منو جميعا ... |
اقتباس:
يا زول أنا أثق جدا في الذكاء بتاعك و لو فعلا الكلام الفوق دا أنت تعنيه و دا فعلا الفهم القاعد يصل ليك من مشاركاتي و كلامي معاك، من محلي دا ما بكون عندي طريقة غير أعتذر عن أسلوبي و مشاركاتي و ح أبدا مراجعة عملية لنفسي، يا زول أنا فعلا داير أستفيد و أفيد و ما ح أكاجر بالمرة كمان الواحد يعتذر لعبد المنعم و أقول ليهو: أنا فعلا كنت بتعامل مع ملاحظاتك على انها ضعيفة، لكن ما دام زول زي عبد الجليل شاركك الرأي لازم أتحسس راسي و أعتذر ليك إعتذار صريح و كبير |
اقتباس:
غايتو يابابكر بعد مرات عندك حركات ما ليها أي علاقة بالجلابة..هسة قبال كدا سمعت ليك بي جلابي اعتذر:confused:ولا تكون جلابي تايوان يادكتور:p:D |
عبد الجليل سلام..
بما إني قد صنفت من قبل ظلامية..فكل ما أقول سيندرج تحت ذات التصنيف.. لكنب متابعة (شديد).. |
سؤال للفائدة العامة ... لاحظت تكرار لفظ سلفيين وسلفيين جدد ..
من هم السلفيين ؟؟ هل التعريف يشمل الإسلاميين ؟؟أم فئة معينة منهم ؟؟أم لا علاقة له بهؤلاء أو أولئك ؟؟ أفيدونا دون تجاهل رجاء... |
اقتباس:
السلفيين هم من نطلق عليهم في السودان أنصار السنة الذين يطلقون اللحي ويحفون الشوارب ويقصرون جلابيبهم ويعتبرون كل جديد بدعة وكل بدعة ضلالة وكل ضلالة في النار ويكفرون من لا يوافقهم بل في بعض الأحيان يهدرون دمه وينفذون فيه حكم الاعدام كما فعلوا بفرج فودة في مصر وحاولوا قتل نجيب محفوظ..أما السلفيين الجدد فهم من أحسوا بالخطورة وتراجعوا عن الكثير من تعصبهم بحجة الغاية تبرر الوسبلة.. |
اقتباس:
بخصوص بوست "خلف المنبر" فقد تمّ سحبه يا عبد الجليل بناءً على موافقتك.. تحاورنا بخصوصه في الخاص، وطلبت منك بصورة شخصية سحبه، وقد وافقت على ذلك مشكوراً وبناءً على موافقتك هذى فقد قمت أنا بمخاطبة الإدارة متمثلة في الأمين العام وأخطرتها بأنك ترغب في سحب البوست. وللمعلومية فقد كان موقف الأمين العام حينذاك رافضاً لسحب البوست، ولكن بعد مشاورات عديدة معه إستصحبت الأزمات التي فجرها البوست في المنتدى رضخ للطلب و وافق على سحب البوست مشكوراً.. هذا ما لزم توضيحه، والشاهد في كل ما ذكرت عضوة المنبر "آيات" فقد كانت شاهداً على الحوارات التي تمت بيننا. |
اقتباس:
تصدق ده برضو كان مفهومي الوحيد ليهم لكن الكلام هنا جهجه باكاتي ولخبط الأمور عليّ .. شكلك كده زيي ..كدي نصبر شوية يمكن يجي زول تاني يشرح لينا .. |
اقتباس:
اقتباس:
اقتباس:
هي السلفية دي كيفن يعني.. ليه ما أقول رأيي ..؟ النفزاوي دة مقدّس مثلاً..؟ هسّع كلامك دة كلام سلفي راسو عدييييل يا جليل.. راكب معاي سرج واااحد.. وبعدين ياخي دة رأيي الشخصي.. إنت ليه تحرمني من أنّي اختلف معاك في رؤيتك للنفزاوي وكتابو..؟.. ولاّ الديمقراطيّة صعبة..؟ بالطبع ليس رأي يقيني وإلهي وقاطع ولكن يخصني أنا الرشيد السّلفي المغلّف بالليبرالية دة.. شايفك ركّزت علي النفزاوي وخلف المنبر وما جبت سيرة البوستات العميقة التانية التي صودرت بواسطة الإدارة.. وهما بوستان يخصّانك وحدك.. مما يشير لفرضيّة أنّك معنِي بمفترعيك الإتنين ديل علي وجه التحديد والدِّقة.. وما قلت لي هل حتجيب لينا عناوين البوستات العميقة التانية اللي تمّت دسدستها ومصادرتها ولا حننتظر طويل..؟ بعدين ما علّقت لي علي مدلول كلمة مصادرة في حد ذاته الكتبتو ليك آخر مداخلتي الفاتت.. فهمك ليه شنو..؟ ولو ممكن أسألك بالمرّة عن رأيك في لائحة سودانيات في عضمها..؟ الاستفسار دة جوهري بالمناسبة.. علي الأقل بالنسبة لي.. في سبيل أنّنا نمشي بالحوار لأبعد ما يمكن.. اقتباس:
المهم: في انتظار دلقك للأسانيد هنا. تحيّاتي مُرفقة.. |
ليالى الحلمية
|
اقتباس:
إشتقنا لنقاشاتك وإسهاماتك المتفردة .. شايفك الفترة الأخيرة دي طلعت المدرجات .. |
اقتباس:
أى والله أشتقنا لتلك السجالات ولكنى مشغول شديد ياصديقى كما ان الحياة مدت يدها بعيدآ فى سحارتها وأخرجتها مليئة بالدهشة والألوان فالى لقاء ياصاحب |
اقتباس:
بالتوفيق ..وستجدنا في إنتظارك .. بعد أن تستفق من الدهشة وسحابة الألوان .. |
اقتباس:
|
جليلو ياكركبة
مشتاقين ياخ نغيب شوية نلقاك موقف المنبر قرون قرون:D قلتا لي برنامج بيتنا مالو؟ اليف وحميم ووهيط وكان النفوس اتطايبت بشيلنا كلنا وعناقريبو كتيرة شفتا كيف يعني فكرة البيت دي مافايتانا مافايتانا ياخ نحن السودانيين ديل مابنعرف نعيش خارج الفكرة دي كلوكلو وكان مسكنا في السوداناوية دي ابتجينا عوجة كدي تعال نطبقاهنا نلقا فعلا ان سودانيات فعلا هي البيت الذي بناه خالد الحاج عليه الرحمة وضع اساسو ونادي الناس يختو معاهو الطوب فكرة ومشروع والحيطان ميثاق ولوائح وكان بدفع من حر مالوثمن كل ذلك وهناك من يفعل ذلك الان عارف ياجليلو المصيبة مش في البقولو دا بيتنا وانا مامنهم بالمناسبة المصيبة في البدخلونا بيوتهم غصبا عننا والمشكلة مابختاررو لينا الا الحمام وغرفة النوم ومرة مرة المجاري;) ياجليل انت قاعد وبتكتب امسك في دا وواصل ياخ وخلي العندو راي يلقاك امام المنبر وليس خلفهlooool طبيعي جدا يكون في مخالفين ليك في الرأي والادارة هنا ماليها يد طالما التزمت باللوائح وفي اكيد صراع هنا ودا صحي وطبيعي وكل مرة الكفة بتميل لي جهة ولو ميلت للحتة الغلط العيب اكيد مافي الادارة ولا اللوائح امسك في فكرتك قوي وابقي الف فالزبد يذهب جفاء ويبقي ماينفع الناس خليك هنا واتلفت شوف المعاك في الصف منو |
اقتباس:
|
اقتباس:
شكلك كدا والله انت المسيكين..الرويعي دا بكون راقد ليهو علي قول:p:D |
[justify]عبد الجليل أحبك رغم انك ....(حب ممتنع التواصل) ومؤكد انا لم التقيك زمن مديد فلست بالتالي من رهط من شاورت وتشاورت أو أكثر ( إنقطاع لا أعلم له من سبب ) ولكنك عبرت عني وكما رأفت واكبت الحديث عني ومني وبعد : لي شقيقة عضوة بالمنتدى ولم اتحسس يوماً من كتابة فيه تتطلع علية ( انا الذي دعوتها ) وفي كثير من المرات اناوشها ان تلج كتاباتك وأم التيمان لما تحوي من مختلف وكذا متميز وكما قالت هي ( شقيقتي الصغرى )ايضاً ( ممتعضة ) إن منتداكم هذا موقع صحبة وونسة وتفارقة أزمان طويله إنقطاع والحق يقال ان مدلولات وأساليب الإقصاء كثيرة وأخبثها مادار أوقات كثيرة من نوع ( مايجب ان يكتب وما لا ) خوف إطلاع الأسر - الأزواج الأمهات الأباء والأبناء- كنشيد مشروخ يتداوله كثيرين/رات من ماهو موثق كحاله تخلق هياج وضباب يخرج بالفكرة والمفكرين معاً من دائرة التواصل وتخلق فتقاً يستعصى على الرتق حين لات وكذا مندم
عزيزي جليل إن كان هو بالفعل منبر ( سودانيات هذا أو الشبكة أو أي أخر) أحق به ان يحتفل بالأخر المختلف ولا يضيق به من أي من الزوايا وأخيراً انا متفق معك في كل ماذهبت ( هذا قولك انت الذي وافقته انا ) أما قولي : فتباً للقوانين والأعراف واللوائح لأنها مرادف موضوعي للسائد والمتعود بل وهي صيغة جاهزه للحكم على كل جديد مختلف ومصادرته بإسمها وكل جديد حورب بها وفي كل المجالات حتى العلوم التجريبية والتوضحية لم تسلم منها وشواهد التاريخ تزدحم بالصور وكثرة الأمثلة فالإبداع والفكر خروج عن السائد والمتعود ومن المؤكد إن ( الفتل ) في حبل الأغلبية لن ينتج بواخر للعبور الى ما نصبو (علية ) ولك ولك المتداخلين السلام[/justify] |
اقتباس:
سلام ... معاك في المُعَلَم بالأحمر ده كلو ... ما عدا كلمة خاطفيها دي... وصدقني سودانيات لا في زول خطفها ولا في زول حيقدر يخطفها جميل أن ننتقد بعضنا البعض في سياق ما نكتب أو نتداول والأجمل أن يكون النقد موضوعي خالياً من المطاعنات والإستفزاز .. يعني ... زي ختام مداخلتك دي المُعَلَم بالبني يا جاليليو ليس بيت يُحدد لنا أهله ماذا نفعل فيه ومتى يحق لنا (أن نآخد دش) و نصلي النوافل ركعتين من (النازعات إلى الزلزلة) دي ما لغة زول عاوز يصلح إطلااااااااااااااقاً ... أكتب وإنتقد الكُل ... بس بقصد الإصلاح .. ومن غير تريقه ;) (وحَمَّرَ له عيونه شديييييييييييييد) :p لأني وبصراحة كده حاسي بيك شايت ضفاري وتوووووووشك عاوز تجيب قون في كل الناس .. عشان أنا أقرأ إنتقادك ده برويه وتعقل وآخد بيه وأعمل معاك في تصحيح مساري ... فالمفروض شنوووووووو ... المفروض إني أشعر ده من خلال نقدك ... بإنك عاوز تَصلِحنِي ... مش عاوز تَعَريني وتغلف كلامك ببعض ما يستفزني ... وأجي وأرد عليك بلفظ قد يكون قاسي ــ مثلاً ــ رداً علي ما شعرته من خلال بعض كلماتك .. يا عبد الجليل يا صاحبي ... أنا ما قلت ليك بإنك ضد من يكتبون هنا للونسه ... كلامك هو البيقول كده ... وبيقولها برضو من زاوية تانية بإنو يجب أن تخف الكلمات بتاعة المواجبات الإجتماعية تجاه المواضيع الهاااااااامه التي يجب أن يكتبها الناس.. وبرضو في شوية إستخفاف بالناس البتكتب مواضيع المواجبات الإجتماعية دي يعلم الله من كلماتك ... بإنهم ما عندهم المقدرة علي الإنتاج الجاد وعشان كده مالين المنتدي بهذا الإسفاف ... يا سيدي عندك أنا مثلاً ... أنا ما عندي لا الوعي ولا الثقافه ولا حتي اللغة المتميزة عشان أكتب زي عبد الجليل مثلاً ... أو شوقي بدري ... أو ميما ... أو الرشيد سماعين .. أو وهاد ... أو الشقليني ... أو معتصم الطاهر ... أو مهند الخطيب ... أو محمد عبد الرحمن ...أو نصــــار الحاج .... أو خالد الحاج رحمه الله ... أو إشراق ضرار ربنا يديم عليها الصحه والعافيه ... أو ... أو ... أو ... ياخي والله كتار جداً البيكتبوا هنا كتابات تلتهمها إلتهام يا عبد الجليل عبر سودانيات .. كتار بالجد ... قد أكون أنا فقط الذي يكتب ( سفاسف الأمور) زول بتاع خستكات ساي :p ... فلما الكُل بيكتبوا ما يفيد الناس هنا ... طيب المشكلة وين ؟؟؟ خلوني أنا ده أكون ليكم زول زي التحلية آآآآآآ ؟؟ ... كاسترد أو باسطه مع إني ممنوع من الباسطه :D أنا لا بعرف أكتب في الفلسفه ولا بعرف أكتب البحوث العميييييقه ديك ... ياني الزول البسيييييييييييط داك ... لكني بعرف أقرأ كل ما يُكتب من أقلامكم البحترمها جيداً ... بقرأ بعمق يا جاليليو وربنا يوفيكم أجركم من الوعي الإضافي البتضيفوه لي أنا ناصر يوسف ده .. فشنوووووووووو ياخي ... إنتقد ... بس بموضوعية الإنتقاد ولأجل الإنتقاد ... مش لأي شئ تاني قلمك قلم متميز للغاية وأنا بقرأ ليه ... مش هنا وبس ... حتي في صحيفتكم ديك أنا بقرأ ليك وللبت الشعنونه آمنه عمر الشايفه طلقت المنبر بالتلاته وما عارفها ليه ما بتكتب هنا ... شئ أخير ... مسألة الشُلَّة والعلاقات الإجتماعية الضييييييييقه البتربط بين الناس هنا دي ... يمكن برضو أكون أنا مساهم فيها بقدر كبير ... وصدقني بغير قصد ... وسبق أن تناقشت مع بعض الأعضاء المتوقفين من سودانيات ( بيدخلوا يقروا كزوار فقط) ... وكانت ملاحظتهم نفس ملاحظتك دي بالضبط ... بإنهم زي الحاسين بالوضع في سودانيات بقي زي المستعمره كده ، وما قادرين يخترقوا جدار العلاقات البين الناس دي ويتداخلوا معاهم ... وبعد قراءته قراءة متأنية وبعمق وتعقل شايفو صحيح 100% ... وعشان كده أنا سُقت مبادرة التوقف ولو قليلاً لتعرية أنفسنا أما أنفسنا ( بورداب الداخل أنموزجاً) مع جزء من الأعضاء هنا الفي الداخل.. فيا سيدي يلاك سوي لإعادة الحوار الجاد ليسود هنا عبر منتدي الحوار ... ودعوه مني للجميع وأنا أولهم ... بإنو أي بوست عندو علاقة بالإجتماعيات مكانه المنتدي الخاص بالأعضاء ... وبعد مراااااااااات كده أنا ذاتي ممكن يجي يوم وأطش شبكه وأنزل ليكم هنا شئ خاص مكانه المفروض يكون في خاص بالأعضاء .. فشنوووووووووو ... أدوني علي راسي ... وعلي المشرفين أو الإداره تحويله لخاص بالأعضاء .. ولا شنو بالله جاليلو فرمل شوية بالله عليك والأمر ما محتاج لده كلو تحية واحترام عبرك للجميع وياخي أحبكم جت عليكم ـــــــــــــــ ملاحظة سغنتوووووته .. النسي قديمو تاه ــــــــ دي لي أنا ده ...كنت عاوز أقول لبابكر عباس وعبد المنعم حسن الطيب ... عليكم الله فضوها سيره بالله عليكم ووقفوا لينا التناحر اللفظي ده شوية .... لكني نسيت بإني قررت ... يا ولد مالك ومال الناس خليها تتناحر وتتناقش إنتَ ما وصي عليهم ... وبرضو النسي قديمو تاه ... أصلو ياهو حالي ... زول حُشَري بيحشر نفسو بين الناس حشر ... أحيييييييييييييييييييييييييييييا تورتو علي النفَس وخمة الروح وشحتافتها ياخ :rolleyes: :rolleyes: |
اقتباس:
دعك من النفزاوي – ولم أطالبك بأن تأخذ بـ( رأي) انه رجل دين، لسبب واحد فقط.. وهو انه رجل دين فعلاً ، وهذا ليس تصنيفي أنا، فأنا لم أعاصره، معاصروه هم من صنفوه كذلك وتولي بموجب ذلك الولاية على القضاء الشرعي (قاضي أنكحه) و فقيه سلطان تونس، وتونس آنذاك يا رشيد – كانت بها جامعة القيروان. أنت يا رشيد – لو عدت قليلاً- لنفسك وثبت إليها متمهلاً ومترفقاً بها – لوجدت أنك حين (النفزاوي) – كان مسخن- في رمضان(الفائت) اتخذت موقفاً سلبيا تجاهه لم تكن مع مصادرة البوست أو ضدها، وكانت لديك مداخلات خجوله وتلطيفيه، من قال أن (النفزاوي) إباحي هو بابكر عباس، أنت الآن عدت إلى كان بابكر زمان، فما الذي غير موقفك، يبدو أن مهمتك الحالية كـ( رقيب) مُعين للمنبر – وهي مهمة تعني بالقص والمصادرة وقمع الحريات قد أثرت على موقفك. بالطبع لك الحق أن تصنف النفزاوي بالإباحية- لكن من حقي أيضا أن أرتب تصنيفك هذا بحسب ما أري، فمن يضع (يارشيد) الكتابة (أياً كانت) في قوالب وتصنيفات وأوصاف جاهزة فهو (سلفي) التفكير، ينظر للأشياء بعقلية استسلامية خانعة وضعيفة، ولأن مثل هذه العقليات (السلفيه) لا تقدر على النظر والتأمل بعيداً عن (مواضع محددة) فهي تلجأ للتصنيف داخل هذه المواضع، وهذا تحفظي في نظريتك الأخيرة التي سكت عنها (سنة كامله) لتجيئ الآن وتقولها نظرية (الإباحية الرشيديه السلفيه)، وبالتالي يصبح الحوار معك عسيراً وممضاً. ثم أنك الآن في (آرائك) المعالجة اقتباساً من السيد (بابكر عباس) – قالها قبل سنة- حين سكت أنت وأمسكت – راجعوا مداخلات الرشيد وبابكر (بتاعت نفزاوي رمضان) – وحصيف جداً من يخبرني ما الفرق بين الرشيد الآن وعباس بتاع رمضان. واحد، وهذا ما يجعلني أقول أن مهنتك الجديدة كرقيب على (الحريات) في المنبر أظهرت حقيقتك وسلفيتك (المستترة) للناس. تعرف يا رشيد – تتبدى سلفيتك – وبالمناسبة السلفية في سياقك هذا تعني نمط تفكير – وليس تديناً- فأنا لا أعرف ما إذا كنت متديناً أم لا- تتبدي هذه السلفية أكثر في محاولاتك لما يُسمى إسفيرياً بـ( فتل البوست)، فأنت وعبر انتقالك من موقف يقول (انا أتفق معك في الكثير) إلى موقف مناقض تماماً – أنت من ذكر النفزاوي – والنواح – والإباحية- و ...، فأجبرتني على ترك موضوع البوست الاساسي لأرد عليك، وهذه سلفية بإمتياز – تسعي للإلتفاف حول الموضوع الأساسي عندما لا تريد أن تقول رأيها الحقيقي – لكن لا بأس يا رشيد فقد قلتها أنت مع (مصادرة الحريات)، الآن بالنسبة لي ولكثيرين أضحي رأيك واضحاً- وإن شاء الله يرقوك من رقيب لـ( رقيب أول). وتسلم أيها السلفي في لباس الليبراليين. |
دي خبطة منبرية جديدة ولا شنو يا عبد الجليل
|
اقتباس:
صحيح أنا أذنت أن يُسحب بوست خلف المنبر ريثما يكف عن دواره المكان، ثم مكث بين ظهراني الإدارة زمناً ولم يعد البتة، لدي رسالة منك إلى (آيات) تقول فيها أن (صندوقي الخاص بالرسائل) ممتلئ، لذا عليها أن تخبرني بطلبك الشخصي أن اقبل مؤقتاً بسحب البوست المعني لأن أموراً كثيرة غير لائقة حدثت على إثره_ فقلت (مالو ولو)، ثم لم يعد بوستي غلى المنبر العام حتى اللحظة، وعندما طالبت بإرجاعه لي عبر الإيميل (بعد أكثر من شهر- قرابة الشهرين)، مُنحت إنذاراً وحُذف اسمي من قائمة كُتاب المقال في المنبر – دون إخطاري عن السبب. لذا يا مبر – عندما نقول أن هنالك نزوعاً من بعض (الصارخون) نحو مصادرة الحريات هنا، وخضوعاً من الإدارة لضغط هؤلاء فنحن لا نتجنى على أحد. صودر بوست النفزاوي – بحيلة كبيرة ، وصودر (خلف المنبر) بحيلة قليلة، وفي ذلك كله يبدو أن الإدارة تضيق ذرعاً بالنقد – الإدارة هنا هي المؤسسة- وليس افرادها – لأني أعلم جيداً أن هنالك (من ضمنها) أفراداً يؤمنون باطلاق الحريات، لكنهم يفشلون في تكريس ذلك ربما لأن التصويت يخذلهم.. أليس كذلك. |
اقتباس:
ثم أنني يا سيدتي – فيما لو عُدت قليلاً إلى متن هذا البوست قبل تحريفات الرشيد – تقرأ – تخريفات – إن إردت، قلت أن عبارة (بيتنا) هذه أصبحت آلية خطيرة لمصادرة الحريات عندما استغلها البعض للمثابرة على التحريض بالمصادرة – كنت حينها بعيدة يا آمال- ولم تشهدي – ربما شهدت من على بعد – مطالبات البعض بمصادرة رواية الجنقو مسامير الأرض – للزميل ساكن،وحرقها ومنعها من دخول البيوت ( سودانيات بيت أيضاً)، ثم توالى استخدام عبارة (بيتنا) النازعة إلى مصادرة الحريات، و أول من ابتدر هذه العبارة لم يكن يعني بها سوى – ما قلتيه أنت- تلك الحميمة الجميله- لكن السلفيون والسلفيون الجدد – هم الذين ابتذلوها حد انها أصبحت مخيفة وقاهرة وقامعة. يا آمال .. سودانيات منبر للكتابة وللتداول حولها إبتداءً، لكنه عندما يتحول إلى بيت لا يستطيع أحداً التعاطي معه لأنه يكتسب خصوصية المنازل، ونحن ضد خرق هذه الخصوصية، لا استطيع أن أفرض على (أسرة) أن تقرأ كتاب الأغاني، الروض العاطر، كتابات على محمود – ولا (اصل العائلة والملكية الخاصة والدوله) لإنجلز، لكني استطيع أن أضعهم في منبر (صنع خصيصاً) لهذا الغرض ، فيقرأ من يقرأ – ويمسك من يمسك – وينتقد من يريد، ويهتف الهتيفة و ....، لكن البيوت لا تسمح بذلك، لذا يا سيدتي – إذا أردنا أن نجعل من هذا المنبر حراً وديمقراطياً بالفعل فلنتأمل على الأقل في مخاطر (بيتهم هذا) ومنبرنا نحن. |
اقتباس:
تعرف يا سيدي .. المشكلة ليست في تلك العقليات السلفية الناصعة الواضحة، المشكلة في الملتوين من الرجال والنساء والولدان، هؤلاء الذين لا يملكون فكرة ولا خيال، يأتون صباح مساء لـ( يعرضوا) في حلبة حوار، هؤلاء (الرقياء/ الأمناء) حُراس (القيم والأخلاق) وأعداء الحريات، يشهرون دوماً أسلحتهم نحو (القلب)، وعندما يفشلون في إصابته .. لا يرضون أن يأكلوا زادهم ويتركوا لللآخرين زادهم .. زيبدو أنهم لم يسمعوا بقصة المهدي وعلى بن سليمان (وزيره) والتي وثقها ابو دلامة في هذه الأبيات .. قد رمى المهدي ظبياً شك بالسهم فؤاده وعلي بن سليمان رمى كلباً فصادة فهنيئاً لهما كل أمرء يأكل زاده __ لا يريدون أن يدعونا نأكل (ظبي حريتنا)، ونحن لا مانع لدينا من أن يأكلوا ( كلب) قمعهم و مصادراتهم - هنيئاً لهم. |
هذا هو البوست الأصلي .. هل يمكن مناقشته بحصافة و موضوعية، حيث أشرت فيه إلى أن هنالك من يأتون لتخريبة وحرفة عن مسارة الصحيح، ويدخلوا لينا فيه النفزاوي و خلف المنبر - ويهتفون ويصرخون ويولولون - دون أن يقولوا رأياً في ذلك.
اقتباس:
|
هذا ملحق له.. فلماذا يضع البعض عمائمهم على رؤوسهم ثم (يتاوقوا يكوسوها).. اليس ذلك ضرباً من الجنون ... هذا هو البوست. فلماذا الهروب من الحوار حوله والإنصراف إلى أمور مضى عليها سنة كامله .
اقتباس:
|
أدناه مداخلة الرشيد الأولى ، تأملوها جميعاً، ثم (شيلو خطوتكم) وتعالوا للتاليه، وشوفوا .. كيف تحول الرشيد بسرعة وطرقة دراماتيكية من موقف إلى نقيضة، دون أن يرف له جفن، وكأنه تصور أن هذه المداخلة بعيدة عن الأعين، هذا التحول الغريب من موقف أقرب لمناصرة الفكرة التي طرحها البوست إلى موقف يشبه الشخصي. فتحدث فجأة عن (النفزاوي والإباحية) وانصرف عن الحوار حول متن البوست، ومثل هذه العقليات التحريفية هي عقليات سلفية بإمتياز ، عقليات القوالب الجاهزة والخمول الفكري .. شيل دا ختو في قالب الكفر، ودا في (جك) الإباحية، و ديك في ( صحن) الإنحراف، وهكذا دون تعب، لذا فهم يغيرون مواقفهم بسرعة خاطفة وهذا ما يكشفهم بسرعة، لا يستطيعون أن يتريثوا قيلاً. عليكم الله وروني الفرق بين المداخلة دي والبعدها طوالي – هل رشيد هذه، هو رشيد تلك.
اقتباس:
|
ودي البعدها طوالي ... فتأملوا ( بصورة إطارية) ما الذي حدث مباشرة بعد مداخلتي (طارق كانديك، وبابكر عباس) .. صار الرشيد يسدر في غي بابكر عباس، ويتقمصة ليستعيد من نفحاته (بابكر) سلفية مخبأة.
اقتباس:
|
اقتباس:
بالمناسبة يا مي هاشم .. انت عصية على التصنيف لأنك لا تكتبين شيئاً ولا تتحاورين، فكيف أصنفك. وبالمناسبة برضو أنا ح أجيب مداخلتك الطلبتي فيها أني أصنفك ظلامية وما كان على إلا (أن أجبر بخاطرك) وما عبد الله بشئ أفضل من جبر الخاطر. |
يا جلجل صباح الخير
مشاركات الرشيد طبيعية جدا وما فيها أي تناقض هو صرح انه جيد بس فيه بعض السلبيات وجا وناقشك فيها وين الغرابة؟ |
سودانيات منبر للجميع وليست حكرا لأحد
وكل انسان سيلزم طائره الاختلاف سمة البشر ( عقديا وسياسيا وتعليما واجتماعيا ) ليس احد بوصي على احد ولكنه فقط الاحترام للاخر فلنجتمع عليه ونفترق عليه لسنا ملائكة ولا شياطين نحن بشر نصيب ونخطئ ولا نملك جنة ولا نار لنحاسب اكتب لأجل ما تراه مناسبا اكتب ما يرضي ضميرك ولا بأس بالتنويه بصورة طيبة شكرا عبد الجليل لحرصك على سودانيات |
اقتباس:
وما اتخيلتك النوع البيجبر الخاطر بدون ما يقتنع ..فاجأتني!! افتكرتك بتتعامل بالواقع وموضوعي!! وبالمناسبة..أنا ما عصية على التصنيف لكن.. قد تُنْكِر العَيْن ضَوء الشَّمْس مِن رَمَدٍ *** ويُنْكِر الفَـمُ طَعْمَ الْمَاء مِن سَقَمِ وأنا بكتب زي ما انت بتكتب..وبحاور فيما أفهم..أما كونك تصنف ما أكتبه بــ (لا شيء) فهذا رأيك وعلى عيني وراسي..تماماً كما أرى والبعض في كتاباتك إباحية وعدم موضوع..فكُن واقعياً داعياً للحرية كما تزعم.. وبالمناسبة برضو..ليس من المخيف ولا المنبر حتجيه الحبّة إن تركته أنت و(العشرة) ..فهنا من فيهم الواحد بعشرة..وبالمناسبة برضو أنا منهم:D وأجبر بخاطري وأعفي لي لأني ما بقدر أحاورك تاني.. فما عبد الله بشئ أفضل من جبر الخاطر..على قول سيدي ابن عربي قدس الله سره.. |
[QUOTE=عبد الجليل سليمان;392811]
بالمناسبة يا مي هاشم .. انت عصية على التصنيف لأنك لا تكتبين شيئاً ولا تتحاورين، فكيف أصنفك. QUOTE] عبد الجليل سليمان .. أو جاليليو يا صديقي ... قِف .. نُقطه سَطُر جديد .... ما دفاعاً عن مي هاشم ... لكن كلامك ده هنا أعوج بالحييييييييييل يا جنا حقيقي أعوج والأعوج شين والما بقول ليك إنتَ أعوج يبقي غاشيك يعلم الله كدي فَسِر لي كلامك ده ... بالمناسبة يا مي هاشم .. انت عصية على التصنيف لأنك لا تكتبين شيئاً ولا تتحاورين، فكيف أصنفك كيفن ما قاعده تكتب أي شئ ولا قاعده تحاور البت مي هاشم دي ؟؟َََََ!!!!!! :confused: :confused: ولا هااااااااااااا ... أفهم من كلامك ده يعني الزوله دي إلا تكتب زيك وتحاور زيك وبعد ده ممكن تصنفها بإنها تطكون كاتبه ومحاوره من الظراز الأول ؟؟ وما تبقي عصية علي التصنيف ؟؟؟ ثمَّ أنه هذا الرشيد ... ما متناقض ولا شيتاً تاني يعلم الله قالها ليك وبعضمة كي بوردو ده .. قال ليك موضوعك جيييييييد لكن فيه حاجات تانيه حيجيها بشوية تفصيل وهو مختلف معاك فيها ... أها التناقض هنا وين التناقض أنا قادر أقراه من لغتك الإقصائية يا عبد الجليل ... مجرد التصنيف بإنو ده ما بيعرف يكتب ولا ما قاعد يكتب وده سطحي في تناوله ( ناس الونسات والمواجبات الإجتماعية) ... ده بس بيقول إنك زول إقصائي وعندك فهم للكتابة بإنها لازم تكون كتابة من النوع أبو كديس يا أخوي ... قلتها ليك قبال كدي في مداخله شحماااااااااانه ( حسب فهمي ليها بإنها شحمانه) وشايفك فطيتها ( يفطوك في الترقية في الجريدة شاحد ربي عليك :)) .. قلت ليك ما تشت ضفاري الكوره حتمشي آآآآآآآآآآوت ... أنقد من غير تعالي عليك النبي إنت الليله مالك ؟؟؟ الجن الكلكي اللابس ملكي زارك وخيطك بتاع الصراعات لابسك ؟؟؟ يا زول كدي قول بسم الله وأنقد خلينا نتابعك بفهم ياخ |
اقتباس:
اقتباس:
اقتباس:
و نناقش بابكر عباس كنموذج لناس البيت: - طلبي ليك بارسال رسائل داخلية عشان أرخي ليك، هو تعبير ساخر و ما ممكن يفسر بانو انا دايرك تاخد مني إذن بصفتي مالك بيت! - ليش يا سيدي بتخاطبني بضمير الجمع؟ أنا يا سيدي في المنتدى دا بمثل نفسي و بس، و ما عندي علاقة بالإدارة و علاقاتي خارج المنبر محدودة جدا... يعني عشان انت بتمثل كوم بتاع ناس لازم أنا يكون عندي كوم؟ - الاشارة بتاعة انو عباراتي و مداخلاتي ما فيهن فائدة، أعتقد دي ما عندها علاقة بالبوست و نحليها جانب، لكن قصة انو كل عباراتي و مداخلاتي بتشي بانو أنا مالك البيت، دا شغل بتاع كوار ساكت، ما حصل يوم واحد انو انا إستخدمت جملة "سودانيات بيتنا" لو سحبنا كلمة بيتنا دي، أعتقد انو أي زول مفروض مداخلاتو و عباراتو تكون قوية و معبرة عن موقفو من غير مجاملة، و كونو مداخلاتي و عباراتي توصلك للشعور بسيادتي للمنتدى (و ليس بيتي)، دا شعور بتاع هزيمة منك، و نوع كلامك دا برسل لي رسالة سالبة، انو أنا ما أعترض على كتاباتك مستقبلا. |
سلام يا جليل..
أدلق ما في جوفي في الجزئية التي لم اتفق معك فيها فقط.. ولسّع متفق معاك في باقي الكلام بشكل إطاري وليس تفصيليّاً.. ولأني شايف انو جزئية الاتفاق ملحوقة.. يبقي يا سيدي انا مهتمّ بالمختلَف عليه من النقاط.. وهي ما يتعلّق بكون "خراباً حاق بالحريّات" ودة في ظني كلام مطلوق ومجحف وتعوزه الأمانة ولا يمكن الإستناد عليه بشكل مطلق.. وبعدين مفردة خراب الحريات دي كلمة انا شايفها غير دقيقة وبرضو حأجيك لرؤيتي الحأطرحها ليك فيما يختص بالموضوع إطاريّاً.. اقتباس:
لأنو رمضان الفائت، أنا كنت خارج التغطية الإسفيرية لأسباب خارج يدي.. يعني تزامن غيابي مع افتراع بوست النفزاوي الاباحي.. ولكن لاحقاً اطلعت عليه.. وشايفك وصفت مداخلاتي فيه -الناجرها من خيالك- بأنها كانت تلطيفية وخجولة.. مع اني ما كتبت فيهو ولا مداخلة من الأساس لغيابي.. فتأمّل..!! يلزمك قليل من النزاهة يا جليل.. ولو كنت ناسي الناس.. نحن ما ناسيين.. وبهذا يصبح كلامك عن تغيّر موقفي المنبني أساساً علي رأيي الكتبتو-حسب نجرك الأخدر- في بوست النفزاوي.. يصبح بلا معني.. ولا يؤخذ به.. اقتباس:
اقتباس:
ولي هسّع منتظر تجيب لي النماذج لما تمّ مصادرته ودسدسته مما جعل الخراب يحيق بالحريّات علي حد تعبيرك.. |
اقتباس:
رسالتي إليك لم تتضمن أي وعود بإرجاع البوست مستقبلاً.. كاتبتك عبر آيات "راجياً" سحب البوست، وقد وافقتني مشكوراً على ذلك.. هذه كل الحكاية. |
ثمّ..
التصنيفات يا جليل ما عندي أيّ مشكلة معاها.. كوني سلفي ومنغلق و..و.. دة ما موضوع بستوقفني من الاساس.. فسمِّي يا صاحب.. فاللغة مليانة أوصاف علي قفا كل ماهر في اللغة زيّك. اقتباس:
أيّ تبرير ممكن نقبلو منّك.. بس ما تجي تقول تقديراً لفلان وعلان أو المصلحة العامّة.. لأنّك كان قلت السبب ديل.. معناها إنت قبلان ضمناً بفكرة البيت.. الإنت رفضتها ابتداءً.. لو جيت قلت والله ناس الادارة قالو لي نسحب.. انا رفضت، لكن البوست رغماً عن ذلك تمّ سحبه.. كنت حأتفق معاك في أنو الادارة صادرت البوست.. لكن اعترافك الصريح دة بيخلي كلامك متناقض مع تجريمك الأوّلاني دة: اقتباس:
تلخيصي so far : موضوع البوست المحدّد والمكتوب من أوّل مداخلة بيقول في خراب حاق بالحريّات.. ليه.. لأنّو الإدارة بتسمع كلام ناس البيت.. جيت سألت عبد الجليل.. جيب لي نماذج عشان نحكم علي صحّة الفرضية بتاعتك.. ما قدر يجيب ولا نموذج.. قلت أقترح حسب قرايتي للأمر.. فتحت ليهو سيرة النفزاوي وخلف المنبر.. قام مسك فيهن بكل ما أوتي من بلاغة.. وفي النهاية مرقنا بالآتي: بوست خلف المنبر ودعاوي مصادرته التي أعلنها عبد الجليل.. طلعت لا مصادرة ولا شي.. والدليل، إعترافه الصريح بأنّه كان موافقاً علي الإجراء بكامل قواه العقلية والقانونية.. وما تبقي من مرافعته هنا.. أنّ الإتفاق كان يشترط التوقيت(والذي تفضّل مُبر بنفيه).. وهذه الجزئية إقترحت لها اللائحة سبلاً قانونيّة للمضي عبرها.. بالنسبة لإزالة إسمك يا عبدالجليل من قائمة الكتّاب.. كنت ترسّل للإدارة وتسأل عن السبب.. لأنّك ما جبت لينا سيرة لأيّ إستفسار.. بل وبشكل موتور.. قمت طوّالي اعتمدت علي إنّو الإدارة شايلاها معاك ومضيّقة عليك حرية قلمك ورؤاك.. الإستفسار يا جليل عبر الوسائل الحددتها اللائحة .. وهو الطريقة المثلي.. ودة بالمناسبة بيوحي للقرّاء بأنّو الموضوع كلّو انحصر في إطار الشخصي ومجرّد احساس مغبون غير مستند-علي الأقل حتّي الآن- علي دليل قوي.. |
عبدالجليل ...
السلام عليك ورحمة الله وبركاته لم يأت بي الاّ قولك: اقتباس: أنا أتكلم باسم كثيرين- ومؤثرين حاورتهم على مدى أكثر من شهر حواراً عاقلاً وعميقاً_- و كلفوني بهذه الكتابة- طالما كانوا كذلك.. فلم الخوف على المنبر من (قلة) (غير مؤثرة) (لاتعرف الديالكتيك ولا التشرنق للتاليب والاقصاء)؟! ... لك وللغير أن يقرأوا ماذا كتب الراحل خالد الحاج رحمه الله عن من يراهم يستميتون لاحتكار هذا المنبر!! ... مودة تسع الناس جميعا |
| الساعة الآن 02:09 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.