اقتباس:
عن إذنك يا خال عندي ونسه صباحيه..:D:D:D بمناسبة السلايق دي في زمنًا كان من رواد( الصخور) أحمد جيرمان, معاويه كرفس, مجدي بحر, لينين الطيب, خالد عباس,تروتسكي, شبشه, أنيس , عصمت الدسيس.. قدد.. وغنا.. وشعر..زمن والله.. بالذات في رمضان.. عندو طعم خاص :D:D نباري في الضل ده لحدي العصر وبعد داك نفتش حق المواصلات.. هسي فعلا الأشكال إتغيرت - بالرغم من إنو قدامى المحاربين مرات بيسجلو زيارات- والإهتمامات برضو إتغيرت.. بقت حكر على المثقفاتيه.. زمن. |
اقتباس:
أظنني كنت التلميذ الوحيد العندو دفتر دين عند حاجة بتول والكلام ده في الإبتدائية .. لم ينحصر الموضوع في سلطة الأسود والطعمية فقد كنت من عشاق (التبش بالشطة والدكوة) :D وفي نهاية العام الذي جلسنا فيه لإمتحان الدخول للمتوسطة دفعت والدتي رحمة الله عليها 40 قرشا للحاجة بتول لقفل الحساب بعد مفاوضات أشبه بمفاوضات البنك الدولي .. أي والله :D أما الحديث عن تغير مظهر الناس فدي بترك ليك الحكم فيها فقد طال غيابي يا أم سهي 13 عاما.. يبدو أن زيارتي للسودان هذا العام تحتاج لأكثر من ال 30 يوما أجازة التي منحوني لها في العمل بعد جهد جهيد .. والشكية لله . |
اقتباس:
شايفك ياخالد ختيت ليك بمبر معانا ودخلت في الونسة:D ما كان ياود أخوي من الأول بدل ما تشيل وش القباحة(دوللي بارتون) وتطرد الضيوف...واحنا ناس لا بنخاف لا بنختشي وكل ما بوستك دا يفتح بنجي توش خاشين بدون استئذان....كان عجبك:D:D:D |
انت تعال يا فتحي ياخوي
مالك كل ما ليك ناطي لي خالد في حلقو؟؟ نحن خالد ده ما بنرضى فيه شي اسة عليك الله في اظرف من البوست ده وأهدأ منه؟ غايتو جنس حسادة؟؟ بري منها:D |
اقتباس:
والله العظيم يا أم سهي دي ريدة ساكت واحنا كان ما نطينا ليهو في حلقو ما بخللي البخل حقو ويجي يشارك معانا فدا عبارة عن شوك كهربة ينعشو ويجي يطردنا تاني وتاني نقول ليهو قاعدين ومتحكرين كان عجبو:) وبعدين أنا الما بريدو ما بدخل في بوستاتو حتي لو أخد جايزة نوبل للأدب:D:D:D |
والله يا جماعة بيعجبني البوست البيمرق من ايد سيدو
أنا دخلت عشان أشارك بي جاجة ليها طعم ذي شاي حاجة رقية لقيت البوست محتل وسيدو ذاتو فصل ودخل خشمو بس يا جماعة ذكريات خالد شايفها تتراوح بين 35 و40 قرش كان تصليح مواتر كان دين سندوتشات الشكية لله :D |
اقتباس:
تعرف إنو الأريحية الكاسحة دى سببها موضوع البوست الأساسى, وهى قيمة قادرة على تحقيق حضورنا ببساطة حقة, شاى العمات والحبوبات والخالات لهذه التفاصيل جاذبية مسكوبة فى قطرة شاى وضحكة ممدودة كظلال الضحى فى أرض بينها وبين الشمس الحارقة صداقات وعهود محبة.. ناس كيشو وشليل وأم سهى ديل ناس الله, لكن الخواجة وفوفو كان قامو على البوست دا بقلبوا ليكم سمسمية.. |
[QUOTE=الجيلى أحمد;94601][color=#6600FF][font=Simplified Arabic][size=4]البنج كيشو
تعرف إنو الأريحية الكاسحة دى سببها موضوع البوست الأساسى, وهى قيمة قادرة على تحقيق حضورنا ببساطة حقة, شاى العمات والحبوبات والخالات لهذه التفاصيل جاذبية مسكوبة فى قطرة شاى وضحكة ممدودة كظلال الضحى فى أرض بينها وبين الشمس الحارقة صداقات وعهود محبة.. منذ أن قرأت البوست لأول مرة ما تذوقت الشاي إلا على طعمه ورائحته، فقد أحيا الحبيب خالد فينا طعم الحبوبات والأمهات والعمات والخالات وريحتهم، نأكل الكسرة ونشرب الشاي والحنان المجاني يسري فينا، والإلفة تختلط بأرواحنا، فمشاعرنا وعواطفنا كأنها وقف نحن نظاره، حتى بت أسأل هل نحب حبيباتنا وأبناءنا أصالة أم وكالة، هل ما نبذل من الود أصل أم ريع، وهل نرى حبيباتنا وأبناءنا إلا حبوباتنا وأجدادنا قولوا لي من يملك هذا الحب |
اقتباس:
سمسمية الخواجة الباهتني بيها دي انا بشوفها في الافلام و المسلسلات و كدة .. :D:D |
يرفع لطلب من صديقة :D:D
و مجدد التحايا للناس الحلوين هنا ... |
[align=center]كل عام و انتم بخير ..
[media]http://sudaniyat.net/up/uploading/alteer_almohagir.wma[/media][/align] |
| الساعة الآن 03:47 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.