اقتباس:
ودعثمان ياخ مشكور كتير جد عمل رايع متعك الله بي الصحة والعافية نرجو المزيد |
اقتباس:
و اكيد كسبنا اضافه جديده لمعجبى ابوداؤود.. شكرا ليك و لك التحيه و التقدير.. |
و معك يا ود عثمان نرحّب بعثمان السمري
التحيّة لكل روّاد الحوش الماهِل على جنب: بقيت القّط فيهِن لقّيط البامية، حايم من حوض لي حوض! :D |
اقتباس:
شكلك ما داير ترفع مننا...:) |
اقتباس:
التحية السمرى الانيق بدارك الواسعة سودانيات وبدارى المنورة بطلتك ...حوش مدمنى ابو داؤود ..اسطورة الفن السودانى واحد ركائز الجمال الصوتى ... مرحب بيك كتير وانت تضيف ، وتستمتع ، وتحاور بهذا السوح .. سنتواصل باذن الله __________ مساء الجمال على اساطينو المتواجدون بهذه الصفحة....عكود ....ود عثمان ...الرشيد اللاعب الجديد المصعد :D |
اقتباس:
خلاص قفلنا المويه من بهنااك بس دايرين زول يقعد فى الحاحايه....:rolleyes: اها يا عمك انا جايب اغنيه من جوه شديد..النشوفك سمعتها قبل كدا..؟؟:) جنه المقرن [rams]http://www.sudanesehost.com/uploads/user_uploads/vipmohdosman2f56/gnat_almugran1.mp3[/rams] للحفظ |
و سمير عشق السُمّار نايه!
يا سلام و يا سلام. الحاحاية قاعد فوقها أنا ده، اجرجر في حبالها من جاي لي جاي. مويتك ما قفلتها و متابعك لا عند "صغيرتي" و كبيرة مُبر :D صراحة الأغنية ما سمعتها قبل كده، تكون جديدة! :D تسلم ياخي. |
اين ورد كنت اوليه عناية
وحبيب نال من قلبي الكفاية حول الله ياخي |
اقتباس:
الحاحايه خليناها ليك تب...القراصه بنجيبها ليك فى محلك..:) الاغنيه كان جديده ما عارف...مالك داير تلحق الحلبى و السمسميه..؟:rolleyes: ** اها بازرعه عندو غير صبابه اغنيه اخرى و رغما عن شهرتها ناس كتار ما عارفنها الت بازرعه و ذلك لان المفرده فيها تختلف عنما اعتاد بازرعه كتابته.....شنو الاغنيه دى تفتكر..؟؟ بجيبا هنا ان شاء الله... |
اقتباس:
تكون بهذه الفصحى العجيبه و المعبره جدا... اغنيه تديك الاحساس انها لا يستطيع ان يلحنها غير برعى و لا يستطيع ان يغنيها عير ابو داؤود.... الشاعر منو...؟؟!!:rolleyes: |
اقتباس:
بازرعه..برعى..ابو داؤود [rams]http://www.sudanesehost.com/uploads/user_uploads/vipmohdosman2f56/alfurga_min_bukra.mp3[/rams] للحفظ |
القرّاصة جبتها لي في محلّي تب!
و أنا الموتِّب :D الكلمات فعلاً ما بتشبه المعتاد من كلمات بازرعة، و حليلو النادي في عودو في الأغنية دي تبرز ملكات صوت أبوداؤود بكل وضوح، فيها مجموعة أصوات و بدون توّير نَفَس في الأداء، أداؤه فيها مريح و الإنتقال من صوت لآخر، سلس. كأنّو بيحكي في قصّة. تسلم ياخي. |
اقتباس:
وتيب الشاى و القهوة عرفناهو لكن وتيب القرّاصه دا يطرشنا...:rolleyes: الاغنيه فعلا ما استايل بازرعه و هى شكلها شغل استثنائى و طبعا برعى الذى يعرف امكانيات صوت ابو داؤود عرف كيف يضع لها اللحن البيخلى ابو داؤود يتجدع زى ما عاوز بين الغليظ و العالى و دى ما فنان بيقدر عليها و طبعا ابو داؤود عرف وسط الفنانين بانه ملك القرارات و الجوابات زى ما بيقول اهل الموسيقى... ** غايتو الليله عندنا جو قرّاصه جد جد و بمناسبه الجو السمح حاجيب ليك شغل سبيشل عشان ما توتب تاانى...:rolleyes: |
|
|
اقتباس:
و مسّاك الله بي خيرو . . الموتّب بيقولوها للزول الماهو فاطر لا نصّة نهاريّة، طبعاً بيكون ممرضن و حالتو حال . . قبل ياكل بيدّوهو شاي يضرضرو فيهو شويّة شمار. اقتباس:
تُشكر على فينوس العجيبة! |
سلام يا ود عثمان،
عابدة الشيخ عندها تسجيلات ممنتجة (غاية في الجمال) مع بعض أغاني أبوداؤود، يا ريت لو أكرمتنا ببعضها! |
اقتباس:
شاهد الله ياعكود هذا السلطان اسس لى فن استحالة يموت او يخبو ! انا لله ياخ !! فى كل زفرة ... او تنهيدة بين كلماته ! او حتى عندما يترنم بتلك الطريقة التى ماخلقت الا له وكأنه يمضغ الكلمات ويستلذ بها قبل ان تخرج مدوزنه منه قبل اللحن ... مساء الخيرات ياعمدة ياخ وياريت تطمنا على والدة اخونا الزوول ود عثمان ، ياملك الفن بلاك خربانه ياخ ارح |
مساء الخير و السرور يا سمراء،
اقتباس:
اقتباس:
اقتباس:
والدة الزوول الحمد لله تتعافى و سيرجع فجر باكر إن شاء الله. تسلمي يا سمراء و أرَح يا ود عثمان. |
بسسسسسسسسس !!
ياها الجلولة الانا كايساها من قبيل ! ابوى الله يرحمو ياعكود بسميها (الهرمسة )!:D وكان بقول لى حسن عطية دى قاعد "يهرمس" الغناء عشان كده مافى زول بعرف يقلدو ! طبعا قلت ليهو يا ابوى مصدر الكلمة دى شنو ؟ قال يابت دى لقيناها كدى زمان قال الناس وكت يغلبهم اسم شى بسموهو بصوت الفعل ! ذى جغمسة ، ودغمسة ، ودعفسة ، وجلبغة :D |
والله ياعكود اتلومتة مع السلطان ده !
ممعقولة زكريات رومانيا اخدك منو؟ الليلة المزاج ابوداؤود ...ومساء الخير يا الامير ومساء الخير لكل عشاق سلطان الطرب الاصيل |
يعدل صباحك يا بتنا
|
اقتباس:
والصباح لو ما الزول طعمو ب شوية دندنة وحاتك بقى مابتبلع وابو الطرب ياهو سيد الدندنة ومدوزن المشاعر وباعث الفرح |
This is beautiful Forum, beautiful Sudanyat
|
اقتباس:
وشوية سكر تشتت من اجل العمدة :D عارفاااك مابجيبك الا السكر المعقود هنا ده |
السلام و التحايا للعزيزة صاحبة البوست و الاحباب هنا جميعا و عام مشرق و سعيد .. و نواصل .. |
اقتباس:
|
باهى الدلال موفور محجوب الخدور ماهو الخليع و سفور زاد في نفوره نفور و اصبح قلبىفى إيدو اليمين عصفور http://www.youtube.com/watch?v=yGRiGIR6v40 |
|
|
من هنا أزف التحايا والأشواق لكل زوار البوست البهيج.
أخص الغائبين منهم .. العزيزة سمراء، العزيز فيصل سعد، و المايسترو ود عثمان |
أرفع هذا البوست التوثيقي للقامة أبي داؤود إحياء لذكراه التاسعة والثلاثون.
مع التحيات للأخت سمراء وللمتداخلين الذين أثروه |
| الساعة الآن 07:53 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.