يا عمك الحق...
لقيت النسّون متلميات في ذات الغمازتين شيرلي كول واقنعنها انها لو اساسن كانت بتتدخن ما كان راجلها عينو زاغت وعمل الفضايح وهي ردت انها بتدخن مارلبورو فعلا:D وعرفن غبا زولتن.. وشرحن ليها كافة الفوائد الظاهرة والمستترة للدخان لحقتهن في اخر نفس بعد ما اتخمخمت بالشملة بتاعت حبوبة إيا.. المهم بعد شكلة طويلة وملاوة حتى كبيت جردل موية في حفرة الدخان وزولتك شيرلي عاينت لي كدا عين .. بتاعت اووو يو ار سو روود |
اقتباس:
يا طه عليك الله أمشي الصيوان نادي لي عمك كلينتون لكن جاها بسامحة الوصف و قال ليها يا خالتو عمي كلينتون دا قالوا في الحمام سالته طوالي قالت ليه القال ليك كدا منو؟ قال ليها ساركوزي قالت ليه نادي لي الكمريرا دا .... المهم قدر ما زرزته ما طلعت بحاجة في النهاية جات إتأكدت من مونيكا و لقتها قاعدة و خشت متكيفة الا يا فرحة ما تمت خشت عليها خالتي حمرا قالت ليها (الترابة في خشمك ... البتأمن الرجال تأمن الموية في الغربال ... مونيكا هينة أها أنسعلك يا هيلاري وين اللبنانية؟) و سحابة من الكأبة مرت علي الوجوه عندما إكتشفوا غياب اللبنانية و هنا صاحت امي قائلة: يا طه قول لأبوك يجي يشيل الملايات.... طه: يا خي أنا بوديهم أمي: لا يجي يشيلن هو .... مش هسي جاء يطاول و يتقاصر قال داير ملايات للضيوف؟ هم وينهم الضيوف ما كلهم هاجين يتغطوا ليه غطاهم السيل |
الله ياخ..
كلنتون دا راجل صنديد واصلو ديل الكلب ما يتعدل.... معليش كنت بره البيت.. اصلو لقيت انو موبايلي وقع مني في المقابر مشيت لقيت البت اليشا كيز،، ياخي دي قربت تموت من البكا.. زولة رومانسية وقلبها حنين وما بتشبه الخويويجيات ديل لقيتا غازة القبر كلو شموع ومتفنة قدام القبر وتتنخج بالبكا النوع الكتامي البجي من القلب داك المهم قلت ليها استغفري يا بت امي وجريتا على الحاجة هناك، هديناها ولقينا عندها وجع راس ومصدعة ومبادئ حمى فواحدة من الحاجات قامت فكت ليها مشاط راسا وقالت ليها مشاطتك دي جبدت شعرك شديد لما عمل ليك وجع راس.. ولتخن ليها راسها خليط من الودك والحنة لكن هي بت حنينة ورومانسية وبكتك بجد يعني اعلمك: ان الشماشة قاموا بلملة بقية الشموع الموقدة وبقية صندوق الشموع.. وما عارف ح يسوو بيها شنو |
اقتباس:
شوفي الدخان ما بمسك لو راجل .... شوفي الناقصك شنو من النسوان و تميه.. فتحت شيرلي خشمها شبرين و نص مستفسرة شوفي يا بت من يوم ما تفكي الحزن علي حافظ دا كلو يوم تدخني و تتحنني و وقت يجيك تقولي ليه السماء قريب... هذه كانت اجابة خالتي التومة. شيري: لكن يا خالتي التومة .... و لم تستطع إكمال الجملة و عالجتها المخاطبة قائلة: أخر العلاج الكي يا بنية .... و الحار دواهو الحار ... ما يقرب منك ... قولي ليه دايرة نجوم السماء .... و وقت يجيبها الدفع قدر السعر .... بنات أخر زمن لا بتعرفن البصلحنك من البضرنك .... هو قالوا ليكم مسك الرجال دا هين كثيرات إستفدن من نصائح خالتي التومة و لكن النتائج لم تظهر بعد. |
اقتباس:
إن لله يا أشرف إنت ما شايف شغلك الملك عبدالله دا خليته جاء كيف يعني؟ |
جنيفر مغطنها بملاية و عمي سعيدو الله اداها ببخر فيها... ببخور مزيج من البربارة, عرق ققا و شطة حمرا جنيفر تصرخ ........
واااااااااااااااي خلوني يا جماعة سعيدو: لا ما بنخليك يا منعول إنت منو؟ جنيفر: عليكم الله تستروني أنا منكم و فيكم سعيدو: سترة ليك ما في.... المننا و فينا ما بأذينا قول إنت منو؟ جنفير بصوت يقطع الأكباد.... عليكم الله تستروني سعيدو: سترناك إنت منو قول؟ جنيفر: أنا عبـــــــــــــــــــــــــــــــــــدالله؟ سعيدو: العجبك في البنية دي شنو؟ جنيفر: وراء وراء وراء .... التقيل وراء يا أخوانا سعيدو: أخرج يا ممسوخ جنيفر: خرجت و الله خرجت سعيدو: خرجت بشنو؟ جنيفر: خرجت بالأصبع الوسطاني and fuck سعيدو: منعول الله لا غزا فوقك بركة خلاص البنية دي يا حليمة بقت كويسة الا داير لوح محاية و 7 يوم ما تشوف الشمش ... هذه كانت أخر وصايا سعيدو الطبيب البلدي المعالج |
اقتباس:
حسع انحنا نعزي ولا نقعد نتفرج في الشخصيات المهمة دي... والله عزاك بروح شمار في مرقة بالصورة دي.. طويل عمر يابا بري بري يموت عدوك ان شاء الله . |
اقتباس:
أمة حسودة يا خي |
اقتباس:
ميتة vip |
يعني يا حفوظي الشيخه موزه دي تسوي شنو
امك حلفت بحياة ابوها ما تباكيها لانها شختت ليها في عزاء خالتك وما جات الناس ديل عندنا معاهم علاقات ومصالح ياخي |
اقتباس:
|
اقتباس:
قلنا عرب بالجرب ما معانا .... و بعدين يا نيبو امي ما قالت الشيخة موزة براها الما جاتها ... أحسن الشيخة موزة ما جات في موت خالتي لكن جات مرة الشالوه الربيع العربي داك إسمها منو؟ سوزان صح؟ المرة جاتنا متكبرتة .... شفتي قلت ادب العرب دي كيف... عشان كدا من اليوم داك قطعنا معاهم أجمعين |
اقتباس:
اها شفت يا صديغي الذي في قبره تكشفت ملايات ابيك عن أسوأ انواع الحنك العاضي (وهنا بالضبط عرفت انك ورثت هذه الميزة عنه.. قلت لي عندك باسويردات سودانيات؟) اتضح انو ابوك متحجج للنظر الى مباهج جنيفر لوبيز وعشان كدا طلب الملايات وانفضح طبعا لما جات كيم كاردشيان ومعها المعصعصة باريس هلتون،، فابوك ركز في التحايا على مباهج كيم كارديشيان واهمل المعصعصة.. و واصل في جر النور حتى جلست في البمبر جوار بت لوبيز واستمر في عد حبات المسبحة والطقطقة بها حتى انفرط عقد مسبحة اللالوب.. وهنا صاحت فيه الحاجة: يا راجل امشي سوق عريس البت دي وديهو مع الرجال وتاني ما اشوفك رسل العيال بس ياخ بت هلتون دي عندها فقر دم ما تخليني اكلم خالتك حمرا تعمل ليها مديدة ولا حاجة تنفعها أيام الفراش ديل |
اقتباس:
عم حسين دا حيرني يا اشرف يعلم الله مره القاهو بتغالط مع صوفيا بت لورين ومره حارس بت لوبيز واخر مره قال لي نادي لي كيت ونسلت دي تملا الاباريق دي وبالعدم شوفي سلمى حايك ولا كاترين بت جونز مشست خطوتين ناداني يا نيبو دحين ميريل استرايب اتغدت و شربت الشاي ولا شرطتو عينا معاها |
اقتباس:
احلى رجوع يا نبراس والله حيرنا "سحس" دا.. طبعا اليوم دا في قمة التجلي الشبابي حتى شكيت انو من الخالدين بتاعين ايا.. طبعا فكرت اعمل ليه عضوية في سودانيات.. بس خايفو يجي يعمل اول بوست بعنوان (يا نبراس عاوزين نتعارف تعالي بجاي):D اها بالنسبة هو عاوز بت ونسلت وبت الحايك ديل لشيء في نفس الاباريق لانهن لابسات موضة فساتين الستينات ديك الحرتة الواسعة بتجيب ليه الهوا.. لكن حركاتو دي ما مشت على الحاجة وجات ناطه ليه وقالت: التيمم دا مالو؟ حرام.. امشو اتيممو وبس لكن حمدت الله انه ليدي غاغا جات أثناء ما هم في الصلاة ولابسة من غير هدوم كالعادة.. غايتو ان شافا كدا كان واطاتنا صبحت.. البركة في خالة حميرا لمت فيها لبستا جلابية على الله وغاغا مبسوطة قالت وااووو كوول ما عارف كول كيف |
| الساعة الآن 07:45 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.