اقتباس:
انا زعلت لما قريت البوست بتاعك دا وانك مغادر بس الشباب ما قصروا وضحو كتير من الكنت ممكن اقولو قبلتي دي وين ولمنو غايتو هي دليل محبه للاخوان على كل لا املك الا احترام رايك ورغبتك الشاركك فيها كم عضو هنا مافي الغاز والله بس في ناس علاقاتهم تطورت واصبحت اسريه وحميمه جدا وقريبين جدا من بعض وحواراتهم قد تصبغها الدعابه بعض الاحيان نتيجة مواقف حصلت في ارض الواقع |
اقتباس:
اعتقد لحد نهاية وتقيفى يا امال ! الا وجاهة انتيمى دا ..وتستوبى ويمكن تستتابى برضك :D انت وكل من تسول ليهو نفسو مس محاثيث انتيمى دا انتيمو اقول ليك شى ! ارح اقعد معاى فى كنب المتفرجين ...والله شرحة وبرحة وهواها يرد الروح __________ الباقين صراحة فى شوية شوق كدة حاولو فرقو بينكم :D:D |
اقتباس:
اصلو هو الانتمة دي على كيفك تروح وعلى كيفك تجي -- اما عن الاشواق فانا والله نصيبي عافياه لناس كدا:) |
اقتباس:
والله ياحليل الكيف ياجيجو هو فضل فينا راس يتكيف ..يابت الشغلة بقت شكلها غريب شديد اما عن الاشواق فحدثى ولا تثريب عليك بالله زهدتى فى شوقى قدر دا !! بقوم اجعر ليك اسع |
تحيّاتي يا فتح العليم،
ألف مبروك إنضمامك لـ"رابطة حرّيدي سودانيات" غايتو رابطتكم دي، بعد إنضمام رأفت ليها، بقت تشهي الدخول! |
اقتباس:
سلام واحترام لنا اجر ظهورك فرصة طيبة للتواصل ودي وتقديري |
اقتباس:
فرصة طيبة للتواصل |
اقتباس:
شاكرين لك وبورداب الرياض حسن الاستقبال والحفاوة في وادي حنيفة . ولنا لقاء اخر |
اقتباس:
في سودانيات امتلك مجموعة من كبيرة من الاصدقاء ولم اقصد جانبي ا لشخصي وانما اردت تثبت مبادئ عامة ولو رجعت لمشاركتي الاولي سوف يتضح لك بإني ع برت الحاجز من غير تقديم من احد وكذلك ا لمشاركات اللاحقة . كما اردت الشفافية في تناول المواضيع حيث ان سودانيات للجميع زوار واعضاء وتكريما للراحل خالد الحاج طيب الله ثراه يجب ان تكون كذلك محبة واخاء ويجب ان نترك الخاص للخاص من رسائل خاصة اوتكوين قروب خاص يجمع مجموعة من الاعضاء . فالزوار يوميا لسودانيات اكثر من اعضائها وكذلك تحفيز الاعضاء الجدد وجذبهم حتى لايتركو سودانيات ونتفاخر باحصائيتهم فقط واجزم بإن نفر كبير منهم ترك سودانيات لذات الاسباب . احترامي وتقديري |
فتح العليم دا ياجماعة ،
كان حضورا في وادي حنيفة امس ، تونسنا كمعارف من زمان ، ضربنا الشية ، كان مكملا للحضور البهي العمدة النور ، والشفيف الاريب نصار الحاج ، وعصام شبارقة ذو الذاكرة الفولاذية ، الانسان الكامل ادبا وخلقا وتهذيبا ، والكريم اسامة الذي تابع الفكرة حتى اصبحت واقعا ، بجوه البديع وشيته التي من النار للتيار، حتى اننا ما خنقنا .... فتح العليم كان هذا لقائي التاني معاه ، الاول في عزاء والد نصار ... انساب الرجل حتى اصبح رافدا اصيلا لفكرة سودانيات عالم من التواصل والمحبة ، ومعرفة مثله كنز ... افتقدنا امس ود الشيخ لظروف العداد وكدة ، سنبرمج لاحقا في يوم بلا عدادات ، ليشرفنا بحضوره الوضئ ، ويزداد الاطفال فجرا ... وجمال عبد الناصر والعالم وبعض انوار لا شك ان حضورا القادم لقادمات السهرات سيزيدها القا وتواصلا ... اطمئنوا فتح العليم تورط ... لكنها توريطة لذيذة ... المرة القادمة سيؤجل البديعة وياتي باكرا .. ولفتح كل الود ... |
[QUOTE=فتح العليم الإمام;534765]
اقتباس:
توضيح لكيشو ولنا جعفر وآمال AMALوقانونى سودانيات الذين لا اعرفهم . في العام 1993م كنا نتدرب وكانديك في مدني ومنتظرين نتيجة امتحان المعادلة حتى تم إعلانها في جريدة السودان الحديث وقتها وكان عدد الجالسين للامتحان أكثر من 2500والناجحين بدون مواد فقط 194 ممتحن ، ذهبنا وكانديك للخرطوم وفي انتظار تعليق النتيجة في بورد ديوان النائب العام ، وصلنا الخرطوم في وقت متأخر وهبطنا تلك الليلة مع احد الزملاء وتحديداً في شمبات الاراضى (حاليا في هولندا) وبعد ا لسلام والترحاب افادنا بإنه نجح في المعادلة بكامل المواد وعرف ذلك من احد مستشارات ديوان النائب العام ووعدنا غدا سوف يخبرنا بالنتيجة وفي الصباح قمنا بمنحه ارقام الجلوس وتفرقنا وذهب طارق لجامعة الخرطوم وذهبت مشوار ما وبعد الساعة الثانية عشر ظهرا التقينا سويا واكد لنا زميلنا نجاحى بكامل المواد اما طارق حمل معه الاجراءات الجنائية ويجب ان يمتحنها بعد ستة اشهر ، قلت له هاردلك وكنا سويا نشك في مادة القانون الجنائي واستغرب طارق ، هذه المرة الاولى التى انجح مؤقتا في النيل به ومنتشياً بإمنية إستلامي الترخيص قبله وبعد ثلاث ايام بداء يجمع في قواه وحمل قانون الاجراءات الجنائية معه لمذاكرته وحتى الان النتيجة لم تعلن بصورة رسمية ، وكنا وقتها اربعة على انسجام الثالث قاضي حاليا بالسودان ورابعاً فنان حاليا بالخبر . ولم تكتمل فرحتى بإنتصاري ولو لمرة واحدة فقد تم تعليق النتيجة وتأكد خبر نجاحى ويا للهول وجدت اسم كانديك مع الناجحين بدون مواد وكان الخطا في رقم الجلوس فقط فرقمه الاول غير صحيح لا ادري من اين اتى به .......... ونجح زميلنا الثالث والرابع ايضا بدون مواد . كانديك هو الاول دائما بإخلاقه وعفة لسانه وحفاظه على مبادئه . |
يا لها من أيام يا صديقي، (الشفقة ما حلوة:D) كنا شفقانين على النتيجة، وكنتُ أحفظ رقم الجلوس الخاص بامتحانات التخرج في رابعة قانون وهو ما أمليته على الشخص الذي حاول أن يطلعنا على النتيجة قبل اعلانها، طبعا ( الكُبر:p) خلاك نسيت انو المادة كانت القانون الجنائي في عضمو وليس الاجراءات الجنائية، وكان من المستحيل أن أرسب في هذه المادة بالذات لأرتباطها بالكثير من الرؤى السياسية عندي، لكن (نسوي شنو للشفقة:D) يبدو أن صاحب الرقم الذي ذكرته راسب فيها وليس أنا.
إنت كنت فاضي لينا؟ غايتو الحمدلله الذي جعل في الصلاة السر والجهر بس:) وممنون لكلامك ياخي، بس برضو ما بحلك من التانيات، أنا كفاي قصة المعادلة دي، النصيحة النت أول ظهوره بشكل واسع كنت شايفك عالم كبير:p تسلم ياخي على الذكرى وعلى وجودك |
[QUOTE=فتح العليم الإمام;534917]
اقتباس:
الامتحانات المهنية يا فتح العليم ياخوي - وانت سيد العارفين - تخضع لظروف خاصة بالتوظيف وأعداد الموجودين في السوق ومزاج أعضاء لجنة الامتحان الشفوي في بعض التخصصات، وكثير من الحظ، عشان كدا ممكن تلقى دكاترة كدا غير شهادة الجامعة ما عندو شي وهو أكثر توفيقا من بعض زملائه الذين نالو شهادات مهنية أنا من المعجبين بالأخ كانديك وخاصة في فهمه للقانون التحية لك ولكانديك وآمال ولنا ولكافة القانونيين؛ ولي أنا شخصيا :) |
اقتباس:
قلت لي عايزو يجهجه باكاتي، وتخلف رجل على رجل ، والهبشة أم تلاتة حروف ديك تتضاعف:D صاحبي ده أنا عارف نفسو قصير، وقلبو أبيض، بس برضو كان عاصر علينا شديد زمان. تسلم يا كيشو |
اقتباس:
|
| الساعة الآن 08:35 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.