اقتباس:
المشكل دا بأسميه المرض السوداني , وكتبت عنه بوست بهذا الاسم بسودانيات . تخلف بلادنا الحبيبة إرجعه لهذا المرض الخبيث بالإضافة للقادة الأقزام اللذين إبتلانا بهم الله . |
الحبيب أسعد
لنا عودة |
حبيبنا أسعد و بقية الرفاق، لماذا لا ننظر للنصف الممتلئ من الكوب. قطعا لكل فرد نظرته و ظرفه و تقديراته، و انا لفيت الدنيا دي طول و عرض و ما لاقاني أجمل من السودانيين. أقول قولي هذا و اتشرف و بكل فخر الانضمام لقبيلة الجعجاعين في حب السودان و شعبه..
أرقدوا عافية.. |
اقتباس:
معاهم حق ناصر وكل الذين كانوا يسالون عنك تحياتي |
اقتباس:
و يا أسعد مالك مجلينا و مجلي البوست؟؟ مجدد التحايا.. |
اقتباس:
اولا انت على حق ..فالاخوه كارمازوف ..هى لديستوفسكى ...واحبتنا الحلبه فى شمال الوادى هم من اسماءها الاخوه الاعداء ...ربما عند ترجمه الكتاب ..( هم طول عمرهم شغالين مترجمين ... اندنا ) ولكن من المؤكد ..انها كذلك فى الفيلم سنمائي وكذلك المسلسل ... اما كازينتاكس... عم اخونا اسعد الاسعد شخصيا ..فعلى ما اظن هو مؤلف قصه زوربا اليونانى ...ويالها من قصه رائعه سؤالك الاخر عن قصدى ان كان الذباب بمعيه البعوض ..اقول لك نعم هو ماقصدت تماما فان الاثنين معا هزمونا شر هزيمه ...اتناشر صفر ...تصور ..؟ .... ولم نجد من يعلمنا كيف نتحد فى مواجهتهم ..... هاك النكته دى ....انت تعرف حكايه الرجل الذى جمع ابنائه ليشرح لهم معنى الاتحاد قوه ... قيل ..ان سودانى رقد على فراش الموت وجمع ابنايه حوله واحضر عصاه واعطاها لاكبر ابنائه وطلب منه ان يكسرها...فكسرها ثم قال لابنه ضمهم معا ثم اكسرها ..ففعل الابن ..ثم قال الاب مره ثانيه ضمهم معا واكسرها .....ففعل الابن ...فقال الاب ...الان فقط ساموت وانا مطمئنا عليكم ..طالما ان معكم هذا البغل.. وهذا حالنا ياسيدى ..لانعرف الوحده ولانعرف قوتها ... ونتبع البغل كل صباح ...ونحن نغنى تقولى منو وقولى شنو ..ارجو ان لا تسالنى عن البغل ....اولكن ان كنت تريد ان تعرف من المذنب فى حقنا ...؟ او ان تعرف من الذى فعل بنا هذا ..؟ هاك شاهد من اهلها ... يقول ابن خلدون ...(( انتشرت احياء العرب من جهينه فى بلادهم ( يقصد بلاد النوبه او سودان ذاك الزمان ) واستوطنوها وملكوها وملؤها عبثا وفسادا ..وذهب ملوك النوبه الى مدافعتهم فعجزوا .. ثم ساروا الى مصانعتهم (اى الاعراب ) بالمصاهره فافترق ملكهم ( اى النوبه ) وصار لبعض ابناء جهينه اولاد من امهاتهم ...وعلى عاده الاعاجم فى تمليك الاخت وابن الاخت ....(تملكوا...) فتمزق ملكهم ... واستولى اعراب جهينه على بلادهم وليس فى طريقتهم شئ ( اى نسل الاعراب ) من السياسه الملوكيه للافه التى تمنعهم من الانقياد بعضهمم البعض فصاروا شيعا الى هذا العهد وانما هم رحاله باديه يتبعون مواقع القطر (المطر ) شان بوادى الاعراب ولم يعد لبلادهم رسم الملك لما احالته صبغه البداوه العربيه من صبغتهم ( اى النوبه ) بالخلطه والالتحام )) ومع هذا اعترف لك اننى لااملك لا الشجاعه ولا الجراءه لان اطعن فى الفيل ..ذات نفسو .. ...فالطعن فيه فيه لايجدى ... ولكن ماجمل اعلان قناه الجزيره ..عن نفسها و عن مدى قوه الكلمه وعن مدى قوه التكرار ...ففى المشهد... صوره لرجل يضرب فى صخره اولا بالمرزبه فلايجدى ولا يستطيع كسرها ثم بالازميل فلا يجدى ايضا ...ثم يتركها لنقاط من الماء تنزل عليها متتاليه فتنفلق الصخره الى نصفين ... |
اقتباس:
قرقاش لك التحية والتقدير يعني كدة تكون الإجابة على سؤالي أن إختلاط العرب بالنوبة والهجين الذي نتج من ذلك هو سبب العلة في الشخصية السودانية وتقاعسها ومراوحتها بين الكسل وقلة الهمة ... هكذا فهمت فإن لم يكن فهمي صحيحاً وجب عليك تصحيحي. أعتقد أن إبن خلدون لم يوفق في هذا القول لا سيما وأن له آراء أخرى غير موفقة في كثير من الشعوب وهاك رايه في العرب عموماً كمثل: (اهل انتهاب وعبث , ينتهبون ما قدروا عليه من دون مغالبة ولا ركوب خطر, ويفرون الى منتجعهم بالقفر . و اذا تغلبوا على اوطان اسرع إليها الخراب والسبب في ذلك انهم امة وحشية باستحكام عوائد التوحش وأسبابه فيهم فصار لهم خلقاً وجبلة) وكأنه لم يقرأ قول الله عز وجل (كنتم خير أمة أخرجت للناس) ومع ذلك تجدني أثمن محاولات الإصلاح عبر النقد الذاتي الهادف الذي لا يغفل الإيجابي ولا يركز فقط على السالب في الشخصية السودانية تحياتي |
حبيبنا (زورق الألحان)
اما مشتاقين يا فنان اقتباس:
اخوك عندو رأيو من ناحية سايكولوجية بحتة، فخوفت أقوم اشبككم سايكولوجية لمن ألقى روحي زي صاحبنا أبوجعفر والشورى ^_^ الناس عاوزة تحليل وتبرير ولغة محبوكة ونوع الحنك العاضي بتاع اصحابك ناس الرشيد واسامة معاوية... وأنا زول بحب أجيب من جوووة وكدة:biggrin: غايتو ح أتوكل ع الله وأجيب ليكم من جوووة:tongue: |
بت يا ميما
أما مشتاقين طبعا كالعادة كلامك في مجمله نجيض واتفق معه أها نجي لكلامك هنا اقتباس:
ولكن السؤال الذي يطرح نفسه هنا، هل الإنسان بحاجة للأنظمة لكي تنظمه مثله مثل بقية الحيوانات التي يمكن تنظيمها وتدجينها باستخدام النظام، أم ان الانسان كائن حر يمكنه أن يدرك ذاته وينظمها بدون الحاجة لنظام؟! على سبيل المثال خلينا نتناول مثالك بتاع النحل والذباب، يمكن بواسطة اتباع نظام باساليب محددة تحويل حياة النحل فتكون كأنها ذباب أو العكس... وكمثال نظرية القرود الخمسة http://ar.wikipedia.org/wiki/%D9%86%...85%D8%B3%D8%A9 لذلك مسألة نجاح العمل الجماعي بواسطة النظام يعتبر عندي فشل، بل يجب ان ان يكون نجاح العمل الجماعي عبر إدراك كل فرد بذاته وحاجته لنجاح هذا العمل الجماعي... وعليه يا فردة ح أعفص ليك في اعتقادك ادناه اقتباس:
لذلك يجب علينا أن يقوم كل فرد بتحمل مسئولية ما يحدث، وعندما نتحمل المسئولية كأفراد حينها سيبدأ العمل الجماعي الحقيقي... لذلك يا فردة بدل ما نكون صنيعة السيستم، يجب علينا أن نصنع السيستم ورأس مال السيستم شوية مسئولية |
حبيبنا يحى
تحياتنا يا معلم اقتباس:
لكن نتائج العمل الجماعي الحقيقية تظهر في مجالات أخرى أها يلا كدي حدثنا عن العمل الجماعي في مجالات أخرى على حسب خبرتك في فترة ما قبل الانقاذ... |
حبيبنا عبدالمنعم
تحياتنا اقتباس:
|
اقتباس:
لأن العمل الطوعي دايما قصير المدى. لكن اشكالية العمل الجماعي بتكون في المجالات الأخرى ودي نحن فاشلين فيها جدا... يمكنك أن تتأمل العمل الجماعي في الأحزاب والمؤسسات والشركات والمشاريع والأسواق... بل يمكنك أن تلاحظ اثر العمل الجماعي حتى في السايبر دا... يا معلم الشخصية السودانية فاشلة جدا جدا جدا في العمل الجماعي |
يا أسعد الشاعر الصادق العبر عننا قال
أنا الصعب المتكل بالشعب أنا العفنة المفابلة الريح أنا الشافوا كلو أبو أهو ده عبدالله التعايشى والنميرى والبشير وعبد الناصر قال فى ناسو (شعب يخاف ما يختشيش) يا أسعد لا السودانى ولا غيرو معالمو بتغير طريقو .. البغير الطريق القانون .. يعنى الإنجليز فى قيادة السيارات قالوا (القيادة فن وزوق وأدب) وخلوها لتقدير المتلقى .. السويسرين عشان ما عندهم لا فن ولا زوق ولا أدب دخلوا ليهم الفقرة دى فى قانون القيادة وعليها غرامة فالأتنين أستعدلوا القانون هو الفيصل تعرف لامن غيروا شكل الرخصة السودانية من الدفتر للبطاقة حصل شغل وسخ شديد فى شرطة المرور .. عملوا إمتحان هايف كده فى علامات المرور وكل من دخل أستلم رخصة .. طريقة الإمتحان كانت عقيمة شديد بدخلوا الناس خمسة خمسة يمتحنوهم .. دخلت مع إربعة جايبم واحد سمين كدة ما عارف عيالو ولَ شغالين معاهو .. الولد الأول كان عامل فيها مقرم كدة .. قام الضابط وراهو المثلت الأحمر المرسوم فيهو كارو وسألو منو .. الولد قال ليهو (أحذر الكارو) قمت ضحكت .. الضابط قام طوالى جانى ومضى لىّ فى ورقتى وقال لىّ أمشى أستلم رخصتك .. أنا وطالع لسة بضحك سمعتو بقول للزول السمين (هسة الفضايح دى نسوى فيها شنو) لاقيت الولد فى صف الرخص واقف يستلم رخصتو :redface: |
اقتباس:
اقتباس:
الصاح منو؟؟؟؟؟ تحياتي |
اقتباس:
عمنا عادل أمام في فيلم (رجب فوق صفيح ساخن) عندو مقولة عظيمة قالها لمن كان جاري بعد اتنصب عليهو واتقبض واتمرمط قابلوا عسكري وقال ليهو (الناس بتكتر ولما الناس بتكتر بتكتر معها الناس الوحشة). أها يا فردة زمان كانت الناس شوية وما كان في خلعة، لكن اسي الوضع اختلف، ولو اشتغلت الجمعيات التعاونية، صدقني شهرين تلاتة وتقفل، والسبب ما ح يكون لا ديكتاتوري ولا سياسي ولا جهوي وقبلي، السبب ح يكون جشع فردي. ما يحدث في زمان لا يجوز مقارنته في زمان آخر عشان كدة يا صاحبي لكل زمان مقال |
| الساعة الآن 05:37 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.