الحبيبة حنينة
جاك طارق وطرق الباب وطارق التاني ظنيتو روح الباب ولمن يلم فيهو لابد بيطرقو الفنان طارق جيتن ظهرت وبالله أنده إخيك الطارق التاني وخليهو يظهر ويبان وعليهو الامان، ما الحنينة قلقانا، أريتكم تسروا بالها وتداومو في الظهور |
اقتباس:
والله فيك الخير وشكرا لتفقدك وسوالك عنا حقيقة اول مرة اغيب من سودانيات فترة قدر دى لكن المعايش والمشاكل كتيرة وبالنسبة للاتفاق ( الطارقى ) فهو غير موجود وسودانيات دى لو رفدتونى برضو بجى ولا على كيفكم والله ولا بيبعدنى منها الا الشديد القوى المهم تحياتى واحترامى لك وتوقعى منى رسالة فى الخاص مودتى يا دوك |
اقتباس:
بتاع الباسطة والله من الذين افتقدهم كثيرا فى هذه الفترة والشوق طن وشكلك انتهيت من البوماستك وفضيت لينا .. ما بطال بالله فكنا بصينينة بقلاوة ( باسطة ) محشية فول سودانى بسمن بلدى جاى من بارا وخدارها :D احبــــــــــــــــــــــــــك |
اقتباس:
اولا ازيك وارجينى لانى لابد ليك والله وردى بتلقيهو فى محل تانى ارقد ى عافية ايتها ( الضارة ) تحياتى ومشتاقين |
اقتباس:
زى المسيد 24 ساعة ;) |
:D
اقتباس:
|
اقتباس:
مشتاق لبوستاتك وكلام الحبوبات دا:D برغم انى واقف لمبة منك:mad: |
اقتباس:
اقتباس:
انا جنس الكلام دا بيجيب دمعتى ( واطا ) وانا زول دمعتى قريبة والله تصدق انا برغم الكبر دا لسة ممكن اتعبر ودمعتى تجرى فى فلم ولا اى موقف يادوب ياثر ... !!!!! :eek: :D :D العزيز ابو الديامى الاحمر ازيك يا زول يا جميل والله مشتاق ليك وجدا واسمع قصة المقاشرة دى ما عادية وجدا بالذات عند الديامة الديامة يختو قرض فى الساحة ولا فى الرابطة ولا فى تمرين ولمن تضلم تلقاهم بيلمو فى الشيرينق عشان المشوار اليومى الى حبيبة او الخالة عشة او السكرتير الخاص للاب فيليب عباس غبوش السيدة قسمة :D :D :D :D وبعضهم الى دياب والمرحوم مصطفى جنى يا حبيب والله انى احبك وجدا جدا يا ديامى يا رائع وتحياتى للديامى الاحمر ولـــــــــــ ديـــــــــــــــــــنــــــــــــــــــــــك بتاعته :D : مودتى يا عسل تخريمة : اقتباس:
انا ود قرف :D |
اقتباس:
من ناحية غاتس غاتس بس فى كبسيبة ما كبسة والله والمزعات قوية وقوية بس ما لحم والله اى شى بس ما لحم مزعات اشكال والوان حيلى وحليل اللحم والله والله اكان تعرفى انا جنى وجن الكبسة بتاعتهم دى ولو رجعتى للبوست بتاع موية السلطة بتاع الحبيب الطيب بشير نوهائى ما بتقربى من كبستهم دى والسبب طريقة تناولهم لها حتى ولو كنت براك وانا غايتو ما بحب الرز نوهائى الا رز مصرى مفلفل مع صحن ملو خية كااااااااااااااربة او فوق صحن فتة مرشوش رز فوق اللحم الفى الفتة والطبقة التالتة بعد العيش تكون كسررررررررررررررررة لاحول الله ما تدى الجنبك والله مودتى يا بت يا عسل |
اقتباس:
التلج البيتكسر دا البيدخلوه الحفاظة منو ؟؟؟؟ والاغنية البينزلوها دى ما دائرة شيالين ولا الا يقولو ليك النقدة ؟؟؟؟ قالت دخلى شنو ؟؟ لا بالله ؟؟؟؟ :mad: |
اقتباس:
الحبيب صحبى واى شى كويس الطيب الطيب بشير الخير ياخى وحات الله الشوق كم طنات كدة كيفنك يا زين ؟؟؟ ياخى تسال منك العافية وانت ما تتذكرنى الا بالاكل ؟؟؟ انت بطينى ولاشنو ؟؟؟؟:D واكبر صينية فى التاريخ دى الجاب طاريها منه غير سلطتك التاريخية ديك ؟؟؟؟ امشى يا بتاع العضة :D |
اقتباس:
النبيل مسكاقرو ....... اى كاى جلى اكمشكا تسلم يا حبيب وشكرل للسوال عننا اخبارك شنو ؟؟ تمنياتى انك تكون تمام التمام والجو رائق مالو الايام دى ؟؟؟؟ مودتى يا فردة |
الطارقين
حمد الله على السلامة بوجودكم بيتنا نور عقبال الباقين زي ما قلنا يا طارق و طارق و زي ما عودتونا خليكم هنا أنشروا لينا الحب و المودة بين الناس و الله محتاجين لمحنة الناس كلها على بعض للكلمة الطيبة نمسح دمعة بعض في الغربة.. كان داخلية أم خارجية خليكم قريبين و ما تنسوا تجيبوا أب جقادو معاكم و كل الحبان من كل مكان و يا طارق الحسن المرسال ما وصل مودتي للجميع و معليش لإنقطاعي عن هذا البوست (نفسيات) مودتي للجميع |
[size=6
اقتباس:
سيد الجمال الباشمهندس والعظيم بندرنا يا حبيب يا جميل دائما الكلام الجميل ياتى منك واختياراتك سلكية ( اى فى السلك ) تسلم يا صديق على السوال عنا عبر الجميل ابراهيم دينق والله الاغنية دى جميلة جدا ودليل قوى جدا انه السودان دا شى واحد مهما اختلفو ناسه عرقيا او جهويا او دينيا ... متين تلقا زول راضع لبن امه يرسينا فى مرفى سلام ووحدة حقيقية عشان ننهض وندهش العالم مودتى تخريمة : نزل الرابط وبطل دغالة مودتى يا رائع |
اقتباس:
والحبيب والصديق والعزيز الجيلى ازيك يا ابو الزهرتين وياخى تشكر على السوال راجى منك تلفون عاوز اعرف اخر اخبارك مودتى يا جميل ارقد عافية |
| الساعة الآن 08:42 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.