اقتباس:
هههههههههههههههههههههههههههههههههههه حبيبنا ..يعلم الله لولا خوفي من فهم البعض أن يعكر جمال الحوار معاك كنت تلقاني اول زول ناطي ليك هنا .. انت أصلا ما يتخاف من فهمك السليم ومنطقك الواعي .. قصدت أقول كده لنبيل عشان مرجعيتنا هنا واحدة وكنت عايز أضيف عبارة أما رأفت فيمكن التحاور معه بالمنطق وحذفتها طمعا في فهمك وما خيبت ظني .. بالمناسبة في الحتة دي الموضوع مافيهو تقليل من قيمة المرأة بل العكس ..أنظر لكل ما هو ثمين وغالي وقارن بينه وبين كل ما هو رخيص وتافه فيما يخص الحفاظ عليه وصونه تجد أن الحجاب فيه تعظيم لقيمة المرأة حتي لا تكون سلعة مباحة لكل من هب ودب ..وفي المقابل حرض نفس الشارع المرأة علي التبرج لزوجها وجعل الحال الوسط لبقية المحارم بعدم الحجاب دون تبرج .. حتي علي مستوي المجتمع تخيل معي أن الرجال لا تقع اعينهم علي زينة النساء في كل مكان ويجدونها فقط عند زوجاتهم كيف سيكون وقعها وانعكاسها علي حياة الأسرة ثم المجتمع .. أما فيما يخص الباروكة فحتي لا نقع في مثل هذا الجدال فقد كان اللفظ صريحاً في الآية (عذرا لأنس استشهد لك بالقرءان هنا) حين قال (وليضربن بخمرهن) والخمار معروف وهو يختلف عن الباروكة..كما ان الرسول (ص) نهى عن كل أشكال الغش النسوي الذي يُمارس للأسف من أغلب النساء فنعل النامصة والمتنمصة والواصلة وهنا الواصلة يسري عليها حكم الباروكة ..والله تعالى أعلم أما من أفتي بذلك فهذا آخر الزمان الذي أخبرنا به رسولنا الكريم بأن فيه علماء يقفون علي أبواب جهنم من تبعهم قذفوه فيها ..لذا وجب الحذر من هؤلاء وليس ببعيد منا من حلل الرضاعة من الزميلة في العمل .. |
اقتباس:
مسَاك الله بالخير أنا ذاتى قبضتك .. كيف مافى اجتهاد مع النص؟ التفسير دا ذاتو موش اجتهاد؟ وبعدين ياأغبش كل آية عندها سبب نزول , وكثير من أسباب النزول تحتم مطالعة الآية فى ظرفها التاريخى, اسقاط الآيات فى غير مواضعها يظلمها ويظلم معانيها التى يمكن مطالعتها من عدة أوجه, والعدة أوجه دى الاجتهادات النكرتها فوق .. غايتو أنا شخصيآ قاعد أجتهد براى فى مسألة الدين دى, وأجعص مفتى لايمكنه تحريك شعرة تساؤل عندى هو سطحى, وكلهم بشر عاديون , يفتون ويفسرون رهنآ لظروف معينة يمرون بها هم أنفسهم أو يمر بها واقعهم.. دا معناهو يالأغبش انو الآية الجبتها عشان تسند بيها موقفك من الحجاب أو النقاب مابتوكلك عيش , حتى لو أصررت أنه لا اجتهاد معها!! كدى حاول تفتش على أسباب نزول الآية دى , وبعداك نواصل.. __________________ يااخى النقاش معاك عندو طعمو ونقتنا البى هناك ديك لسه ماخلصت , الله يدينا الزمن ليها |
اقتباس:
والله بعد رمضان كان جبتها صوت وصورة برضو ما عندي معاك موضوع وبالعكس أنا استشهدت بيك وقلت القبطي الكافر قال حيواصل الكتابة بعد رمضان يقومو المسلمين يستلمو منو الراية ويدوسو رمضان بي مستورة:confused::confused: بعدين يارأفت أنا ما كنت عايز أتدخل في الموضوع دا تاني لكن هسة جبرتني.. صدقني لو جبت لي الشيوخ ناس النفرازي ولا اسمو شنو دا..أديهو ليك دروس في الحاجات دي لا عين رأت ولا أذن سمعت..ياخ الناس ديل زمان كانو بياخدو الأوضوع من الحيوانات.يقولو ليك طريقة الكلب وطريقة الجمل وطريقة الكديس وياها دي الأوضاع البعرفوها..خليهم يجو وأنا أوريهم أوضاع ابليس ذاتو ما تخطر علي بالو وكلو في الحلال لا فيها دبر ولا بطيخ..يللا أمشي جيب لي النور خليهو يحزف المداخلة دي بس تقول ليهو دي خم رماد للعشرة الأواخر..لأ وتجيك أم التيمان تقول ليك دا كلام ناس عندهم عقد جنسية ولا شنو ما عارف قالت..يا أم التيمان انت بتعرفي شنو عن الجنس مش ياهو العرفتيهو في الحياة الزوجية ولا حاجة تانية:confused::confused:باللاي ما تتكلمو ساكت وانتو ما عارفين الحاصل شنو .وأنا أصلا ما لي موضوع مع موضوع الكتاب أنا اعتراضي علي التوقيت الانت احترمتو يارأفت بدون ما زول يطلب منك عشان انت زول بتفهم الأصول وللا يمكن عشان زول من الزمن الكان فيهو أصول.. |
اقتباس:
فى نكتة حكيتا هنا قبال كده يا الأغبش .. غايتو أسمح لى فى رمضان بالليل .. قالوا واحد بحكى لأخوه .. (ياخ مرات تشرب القزازة كلها زى السلام عليكم زى الموية وما يحصل لك حاجة .. مرات من كاس واحد تسكر) رد عليه بثقة ( يازول السكر ده توفيق من عند الله) :D:D زول زى البفتى ده مفروض يحاكموه زنديق .. لكن واقع للكيزان فى جرح .. وإنصرافية الناس مهنتهم .. زى سؤال وجيدة المبطن .. كتييرين بتوارد فى ذهنهم أنا دخلى شنو .. وببحت ليه .. ببساطة مثل هؤلاء المفتيين هم الذين فرقوا بيننا وبذروا بذور الشر .. هناك من أفتى بتحريم السلام والعزاء والتهنئة بيننا .. لا أرى فيهم الإسلام الذى أعرفه ودرسته وعاشرت أهلى فى السودان .. فحربى لمثل هؤلاء مشروع .. أحرض عليهم وأنخر فى سيرتهم .. كدى ورونى الحتة البتتونسوا فيها أنت وناس الجيلى .. الجيلى ونستو فى رمضان ظريفة .. ما بطلع ويخليك بالليل :D:D |
اقتباس:
مافي اجتهاد مع النص فيما يخص الإيمان به والخضوع لما يتضمن من أمر أو نهي ..هذا طبعا بعد التأكد من تفسيره التفسير الصحيح ومراعاة الناسخ والمنسوخ .. لكن الإجتهاد في التعمق في معناه وسبب النزول ومدلولات النص فهي من الواجب حتي لا نكون كالحمار يحمل اسفارا وهو مما يقوي الايمان ..لكن احيانا نجد أنفسنا قاصرين عن أن نمنطق بعض الأشياء رغم صراحة لنص فيها وهنا نلجأ (للإيمان) بالغيبيات و(هنا الغيبي هو معرفتنا )وذاك مرده لثقتنا في منزل القرءان وحكمته التي عجزنا عن ادراكها ..ويما ما سنعثر علي تلك الحقيقة الغائبة ويزداد بها (إيماننا) .. التفسير مع الأخذ في الإعتبار ما ذكرت من اسباب نزول وأحداث في ظرفها التاريخي اجتهاد بلا شك ..وأبعد من ذلك ما يعرف بالقياس وهو أعمق وأصعب..لا زلت ذكر محاضرة ونحن في السنة الأولي بالجامعة تحدث فيها الدكتور عن إثبات صحة القياس نفسه ..عندما حاول أحد الأئمة مستنداً الي قوله تعالي (ما فرطنا في الكتاب من شئ ) حاول العثور علي نص يجيز القياس وذلك بأن تتوصل الي حكم شرعي في مسألة استناداً علي أحكام مشابهة في قضايا أخري ..فقرأ الإمام القرءان وختمه في شهر ولم يجد نص يجيز ما ذهب اليه ..لكن (إيمانه)يقول له أن النص موجود..فعاد وختمه في اسبوع ولم يجده ..فعاد وختمه في ثلاثة ايام ولم يجده ..وعاد وختمه في يوم واحد فتوقف عند قوله تعالي ( واذا جاءهم امر من الامن او الخوف اذاعوا به ولو ردوه الى الرسول والى اولي الامر منهم لعلمه الذين يستنبطونه منهم ولولا فضل الله عليكم ورحمته لاتبعتم الشيطان الا قليلا ) (طبعا دي مشيت قوقلتها ليك:p) فوقف عند كلمة لعلمه الذين يستنبطونه ووجد فيها الدليل ..وحتي لو لم يجده لواصل حتي مماته مؤمناً بأن ما فرطنا في الكتاب من شئ .. نعود لموضوعنا .. آية الحجاب لم تُنسخ وسبب نزولها معروف ولم ينتفي حتي اليوم ..النساء هن النساء والرجال هم الرجال ولا شئ تغير ..فما بينهم بينهم الي يوم الدين ..لذا وجب أن أنصاع لهذا الحكم وأنا مدرك لمنافعه وأدخر جهدي في التمحيص لمسائل أخري أهم .. أما فيما يخص استقلالنا بأنفسنا فكلٌ يؤخذ برأيه أو يرد إلا الكتاب والسنة .. |
اقتباس:
السلطان والعالم قل ما يجتمعان علي حق إلا في أزمان معدودة من مسيرة البشرية ..لذا وجب الحذر من أئمة السلطان قبل غيرهم ..شخصياً لا آخذ ديني ممن تمرغ في بلاط السلاطين لأنه عز وجود عالم يفتي في غير مصلحة ولي نعمته ..وهناك من يفتي بنصف علم وأخطر الفتاوي تلك التي تصدر من انصاف العالمين لأن غير العالم واضح المعالم ولا يخدعك والعالم بحق لن يجرك الي المزالق ..وفي الدين متسع لإعمال العقل كما قال الجيلي أعلاه للخروج من (مطبات) يضعنا فيها البعض أو نضع انفسنا فيها .. ونستنا في بوست محمود عبدالعزيز ... |
ياأغبش
أسباب نزول الآية الله يرضى عليك .. |
اقتباس:
إختلف معك إن المرأه فتنه لأن الرغبه والفتنه فى الرجل والمرأه واحده ويعرف الرجل أيضا كيف يحركها لأننا فى مجتمع ذكورى نعتقد دائما أن المرأه هى الفتنه وهذا الإعتقاد تقليل من شأن المرأه . وكلام الأخ أغبش لو أقنعك فهو لم يقنعنى ! لأننا للأسف ننظر و نهتم بالمظهر الخارجى ونترك الجوهر . وتفسير القرأن يختلف من مفتى لأخر |
اقتباس:
سوف أبدأ من ما إنتهت هذا المفتى أو العالم الذى حلل الرضاعة من الزميلة فى العمل وهناك علماء دين كثيرين إختلفوا فى تفسير أيات والدين يوجد به إجتهادات . اقتباس:
|
اقتباس:
الجيلي ..سؤالك مفخخ ..وسندخل في جدلية إنتفاء اسباب النزول وبالتالي إنتفاء الحكم الشرعي المبني علي السبب ..وهذا بدوره سيدخلنا في جدل عن أزلية القرءان وهل هو صالح لكل زمان ومكان أم لا .. عموماً حتي أختصر الطريق فإن أسباب النزول كما ذكرنا من الأهمية بمكان لكن لا يجب أن ننظر اليها علي أنها تحوي كل النص وما يشمله من حكم فهي (أس الأسباب) مدخل للحكم وليست كل الحكم .. وحتي بمنطق سبب النزول ستأتيني بلفظ (ذلك أدني أن يعرفن فلا يؤذين) وتقول ان تفسيره انه كان للتفريق بين الحرائر والإماء عند خروجهن للخلاء .. والآن لم يعد هناك خلاء ولاإماء ..وهذه الآية يحصرها البعض فقط في النقاب وليس الحجاب الذي عبره يمكن أن تعرف المرأة .. ولو خرجت بهذا المنطق من هذه الآية كيف ستخرج من الآية أعلاه والتي في سورة النور ..فكما تعلم أخي أن القرءان أفصح لسانا وأكثر بياناً ولا يورد ألفاظ وشروحات لا حاجة بها ..ففي هذه الآية يفسر للنساء من يمكن أن (يضعن زينتهن عندهم) فلو كان الأمر مقصور فقط علي مسألة خروج الي الخلاء لما أفاض في التفسير في الأقارب وغيرهم لأن الأمر هنا سيان للقريب والبعيد إن كان مربوطا فقط بخروج الي الخلاء .. الجيلي ..دعك من كل ذلك لست متبحرا في الدين وأسانيده وكما قلت أنت في موضع آخر أحاول أن أعمل فكري في حدود المعقول الذب لا يشطح بي ..ألا تعتبر التبرج واحد من معينات الزنا ؟؟ لا تقل لي أن صدر إمرأة عاري لا يثير فيك شهوة وقد (قد)يجعلك تفكر في الزنا وسبحانه يقول (لا تقربوا الزنا) لاحظ تقربوا ..لم ولن يأتي اليوم الذي يصبح فيه أمر جسد المرأة عادياً للرجال ولو نزع الجميع ملابسهم وهاموا علي وجوههم ..ببساطة لأنها الفطرة وهي أمر ثابت ..وببساطة لأن التفاصيل تختلف من انثي الي أخري ..وتتفق عند الرجال وإن اختلفت درجتها بأنهم يشتهون النساء .. أعلم ان للحديث دروب ومسالك كثيرة أرجو أن نتخذ أوسعها وأشملها .. دمت بخير .. |
اقتباس:
برضو اعتقد انو سؤالك ده مفخخ ..لأنك تعلم جيدا من هم ماملكت ايمانهن ..فانفذ الي ما تريد عبر هذه النقطة .. |
اقتباس:
تحياتي |
اقتباس:
تقبل وافر الاحترام |
اقتباس:
سلامي الحار |
العزيز رافت والمتداخين -- سلام
في رأيي عندما يتم اختزال الاسلام بالنسبة للمرأة في قطعة قماش هو ابتزال للقيمة الاسلامية في حد ذاتها وزي ما قلت انو نحنا بنعاني من ازمة علماء دين فكل رؤيتهم للمراة هي طريقة اللبس .. وده المفهوم الذكوري للدين . واعجبت جدا بهذه الدراسة التي قدمتها الدكتور اقبال المغربي واسمحوا لي ان ارفد بها البوست اقتباس:
|
اقتباس:
عشان أثبت ليك هنومة كانت شريحة (ضحية) .. الشرح ممكن يكون حالة محزنة وليس فلم جنس .. ورغم القصة مليئة بالمناطق الجنسية لم يكن هذا هو الهدف .. الهدف كيفية تكون المجتمعات وخليط نسيجهم .. ولا يمكن خلط هذا النسيج بدون علاقة المرأة بالرجل .. والرغبة سواء كانت خمارة أو زواج .. شفت كيف |
الأغبش ونبيل والجيلى وعابد ..
ما طلعت من الموضوع فى ونستى مع فتحى .. بحب خلط الأمور وما بهمنى التفرع .. وما بضيع منى الموضوع الأساسى .. متابع معاكم بمزاج .. وبصراحة عاجبنى أسلوب الأغبش المرن .. أتفق مع الجيلى بأن أسباب نزول الآية مهم .. ولكن أتفهم الأغبش فى عدم إختزال الأمر فى الحدث .. فالقياس مهم ولكن الحكم يكون مرن .. بمعنى التعمق فى الرسالة من السياق .. وليس الأخذ بالنص (جافاً) .. فيتحول الدين من عمق وفهم .. الى سياط وقمع كما يحدث الآن .. ولكن لا أتفق مع الأغبش فى التنصل بعدم (التبحر فى الدين) .. هكذا ترخيص لهؤلاء باللعب على الذقون .. الدين يسر وتقبله بالعقل .. ومن هو متعلم يفتى نفسه بهدوء .. مثل نظرية الباش معتصم .. كما قال العرب لكل مقام مقال .. ولكل مقال مقام .. فلن تتشابه الحالات والأحكام .. إذا تأملنا حكم الزنا .. أربعة شهود و(والسنقة فى الرنقة) :) .. نجد حكم عميق يحمى المرأة من الشبهات والقذف .. فأخذ النص بهذا الجفاف بليد .. فنحن فى عصر الـ DNA ;) .. حماية المجتمعات من هؤلاء المفتيين مطلوب .. العجيب أن مفهوم الناس من المفترض أن يتطور الى الى العمق بتقدم العلم .. ولا يتجه الى الضحالة .. فمثل هؤلاء فى يوم من الأيام كانوا يوصفون بـ (الدجالين) ولا يلتفت إليهم أحد .. فأصبحوا بقدرة قادر (علماء) تعرف يا نبيل من الفتاوى التى وقف لها شعر رأسى .. قيل أن الأبنة الغير شرعية من (الكافرة) تحل لأبيها .. والقياس الأقبح من الذنب .. بإبنة الجارية :eek: هؤلاء من يتغوروا على العقيدة وهم الذين يجب حمايتها منهم .. |
رأفت يا صاحب
الشعر فتنة عوراء كيف ؟ لو غطى الحجاب كل جزء فيها و لم يظهر غير الشعر و لو خصلة واحدة فهي فتنة ( عوراء ) بمعنى أنها فتنة ناقصة كنقصان نظر الأعور .. و الشعر عورة فاتنة ... لأن الشعر في الغالب الأعم تاج المرأة .. و حتى لو لم يظهر غيره من المرأة .. فهو عورة بإعتبار ما يكون ( أيْ بأن صاحبة هذا الشعر لا بد أن تكون فاتنة ) و بالتالي يقودك إبليس إلى دهاليز تقودك إلى الوقوع في المحظور ، حتى و لو كان بمجرد التفكير و السفر بالخيال تكويشة : ليست هذه الإجابة بفتوى ، و لكنها تخاريف صايم كان سايق 4 ساعات في عز الهجير دمتم |
اقتباس:
دراسة أقبال المغربى المستفيضة هى رد فعل لتسلط وتشريعات هؤلاء الذين يعقدّون العقيدة .. لم يكن بحاجة لها لولا ذلك .. لأننا لو قرأنا بعقل فنتائجها لا تغنى عن نهم فى العلم والإيمان .. جزء من لغو إنصرافى خلقه هؤلاء المدعين بالوصايا على الله والإنابة عنه على الأرض .. لعلماء الدين هؤلاء هناك تاريخ يجب أن نستفيد منه للحذر منهم .. بغيتهم واضحة وعطالتهم مقنعة .. فهم يقتاتون من هذه البلبلة وهذا اللغو .. كهنة العصور الوسطى خير مثال .. إرهاب الناس بأسم الدين وحكمهم والتسلط عليهم كان مبتغاهم .. يجب الإستفادة من التجربة وحظر هؤلاء .. ومنعهم الإفتاء بقوة القانون الأرضى وليس السماوى .. نصب المحاكمات لهم بجريرة بنشر الفتنة بين الناس .. والدين عندما أنتشر كان بين الرعاة والفقراء والمقهورين .. الرسالة قوامها العدل والإيمان .. ودخل فيها الناس أفواجاً .. لم تكن نظرية كيمائية ليفككها كل هؤلاء العلماء .. الدين يسر والدموع تغسل الذنوب .. والحرام بين والحلال بين .. ولن أرضع ثدى زميلتى بقلب راضى وشهوة معدومة لأنى أؤمن بالله .. ولن يكون شعر بنتى عورة وأنا أداعبه بيدى وهى تنوم فى أحضانى .. |
اقتباس:
مشتاقين ياخ شديد .. أربعة ساعات دى ما على سفر ياخ .. غايتو أنا كان فرضو على الصيام بعديها كلها سفر :D:D ياخ محظور شنو البودينا ليه الشعر .. الشعر يادوب قصيدة وراحة بال .. المصيبة فى التضاريس ولولوتا ;) .. أللهم أنك صائم .. قبل يومين كنت عند الطبيبة فى غرفة الإنتظار .. جلست بجانبى أمرأة لم ألتفت إليها .. بعد قليل وقفت أمامى تتناول كتاب من مكتبة العيادة .. إنا لله جسم ممشوق بملابس محزقة .. وحذاء ذو أربطة الى منتصف الساق .. وضفيرة شعر غليظة الى منتصف الظهر .. عندما ألتفتت اليّ بوجهها .. خفست بى الأرض سبعة طبقات .. كان وجه شرب منه الدهر وشرب .. فهمست (عاملة فى روحك كده ليه يا بت الناس) .. ياخ الشعر براه ما بشتغل .. دى تقطع الخميرة من البيت :D:D:D مشتاقين يا ريس كتير والله |
رأفت ياقلب كيفك..
انا غايتو بقيت اسمع فتاوي غريبه جدا جدا لاتمت موش للدين بس بل ايضا للفطرة السليمة بصلة ... كانو بدرسوني راهبات في المدرسة بيغطو شعرهم بحجاب زايد لبس فضفاض وحين سألت عرفت انو السبب درء للفتنة والمحافظة علي الشكل الوقور للكنيسة ماحصل سألت نفسي هل الشعر فتنة ام عورة الا بعد موضوعك دا واكتشفت انو تغطيتي لي شعري خوف الفتنة دا طبعا بعد الامتثال للأمر الرباني بس اعتقد انو في مجمل القول انو فتنة وعورة كما باقي الجسد وهنا في الحته دي لافرق بين الفتنة والعورة |
اقتباس:
|
شعر المرأة .. فتنة أم عورة يا فقهاء ؟؟؟
الشَعَر مو أنواع يا رأفت لكن .. حقو السؤال يكون أكثر تحديداً .. هل شعر المرأة الأملس الأسود النااااااااااعم والما فيهو لا دِهن كركار ولا جازولين ولا جمكسين عورة ولا لأ .؟؟؟ هِني بقول ليك آآآآآآآآآآآآآآآآآي عووووووووووووووووورة وبجنن بوبي ظاتو كمان .. looool looool وإما ولو جاء خلافُ ذلك ياااااااا أيها الرجل الجميل .. فكان شعر المرأة قُرقُديييييياً ناشِفاً إلا من بقايا وَدكٍ وروائحُ الجازولين والنفلتين منبعثاتٌ منه .. وعليه بقايا قِشرةٍ وقد أصابت فروة الرأس منها وبعضُ القمل وقد تناثر بين الشِعِيرات ... فهذا ليس فيهِ من العورة يا رجل .. رأفت مشتاقين والله .. وتحياتي عبرك للشباب وأمهم وأبقي طمني علي سلمي |
اقتباس:
الراهبات ديل والرهبان ديل ناس نذروا نفسهم للكنيسة .. بينى وبينك عندى فيها القصة قولان .. لكن ما إعتراض .. كل زول على كيفو .. حسة البربو دقونم ديل كان بقوا فى حالم .. البسألم منو .. غايتو يا نسايم شعر المرأة ما ممكن يكون عورة بأى حال من الأحوال .. العورة كمان بختلفوا عليها إتنين .. موضوع تغطى شعرك خوف للفتنة ده ذاتو ما شغال .. أنتى بتغطى شعرك أعلان أنك محافظة وما بتاعة كلام فاضى .. وده مفهوم مجتمعات وليس قياس دينى فى نظرى .. ظهور المرأة بمظهر لائق من طبيعتها وشئ بلا شك جميل .. حتى الحجاب صار هناك تفنن فى جمالياته .. فتنة المرأة إذا أرادت أن تحركها وتجهجه خلق الله .. بالحجاب بتعملا .. يعنى الموضوع مختلف .. الراهبات وغيرهن يتحجبن أمام الله للصلاة .. ليه ما تسألينى .. والله ما فاهم |
اقتباس:
الفكرة هى أن تغطى المرأة رأسها أمام الغرباء .. وفى أداء صلاتها .. ده ما سابقة إسلامية .. سبقهم عليها أجناس كتيرة ومعتقدات مختلفة .. حتى الهنود الهندوس .. لكن بطريقة الحجاب وشكله .. سمعت الأشوريين كانوا الأسبق .. القصة فى الذين يصطادون من هذه الأشياء .. ويحوروا فيها كل بمزاجه ويصير العالم الجليل .. ويمكن أن يحمل دكتوراة فى غسل الميت .. :) |
اقتباس:
ياخ العورة حاجة بطالة .. غالباً أم قمل وجازولين ديك العورة .. أما الأولى ديك أريتو حال البنات لى حدهن .. ياخ أجدع لى تلفونك .. بقيت زى الفكو طار .. مشتاقين ولسة مصنصنين بعد سفرك .. تقبل سلام الجميع حتى السستر الوقعت على شلوفتا :D:D |
اقتباس:
كدا كيف الحجاب ممكن يكون شكل اجتماعي او حتي سلوك نمطي بي سبب وجودك في مجتمع متحجبات بس برضو عند البعض خاضع لمعاير اخلاقية ودينية والا كيف تفسر البنات المحجبات الحجاب الاسلامي في اوروبا دا التزام بمعيار ديني واخلاقي وعلي فكرا الاسلام جاء ليتمم مكارم الاخلاق فشان كدا الاخلاق ضرورية جدا مع التدين وكمان اشكال الفتنة البمارسوها المحجبات انا ديل مابعتبرهم محجبات انا بعتبرهم بيغطو شعرهم الحجاب ماكدا |
اقتباس:
المحيرنى هسة ما فى أوروبا .. المحيرنى فى السودان .. زمنا كان التوب والبنات الصغار الطرحة .. والأخلاقيات والتدين وما داير أقول كلام كعب .. كانت أفضل كتير من هسة .. غايتو أخلاقنا كانت عاجبانا |
اقتباس:
وحتي سسترهم أمهم التي وقعت علي شلوفتها تلكم .. إني أشتاقها يا رجل ... يا رأفت إنتو ناس بتعملوا في الزول شحتافة روح وهو بيناتكم ... فما بالك وهو بعيد عنكم .. ياخ .... بس .... الله غالب علي قول حمدي أبجقادو والتلفون جدعناهو في الخاص تحياتي للجميع |
اقتباس:
حاولت اجدع ليك غنية نظره يا السمحة بث حلفت ماتمش اعرف انها واصلة بالنية |
اقتباس:
|
اقتباس:
انتي حاسدة ولا بغرانة;):D |
اقتباس:
|
اقتباس:
وبعد داك تعالي فتشي لفيصل سعد عشان يمسح ليك مداخلتك دي ... أها بس ما قلتي لي حتمشي بي شعرك الحقيقي ولا بي باااااااااااروكه ؟؟ :p :p :p looool |
اقتباس:
اقتباس:
اقتباس:
|
اقتباس:
|
اقتباس:
ياخي امش بي باروكة شنو قالوك انا صابرين امش بي حجابي وعبايتي ونعمل هناك حوار ادينان |
اقتباس:
انا جد احتمال اجي انشا الله في شغل بي نواحيكم هناك لو بقيت علي السفره بديك خبر واتيمنت ما انزل في فندق بيتك بس شفت كيف |
http://www.mlfat4arab.com/i/00039/8s8c2nbpgen5.jpg
http://www.mlfat4arab.com/i/00039/hir2ozavuc7p.jpg http://www.mlfat4arab.com/i/00039/1vcu6yqt0ep0.jpg لا تعليق الله يقبل عم رافت سلامات كدى انقل بوستيك الى هنا - و نخلى الباروكه شويه الصور صلاة جماعة فى مصر المؤمنه بى اهل الله |
اقتباس:
ربنا يقبل منهم |
| الساعة الآن 08:50 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.